Fatima Tours

26/07/2023

الشوف كانت منورة بالكروب اللطيف اليوم ..😁💜

15/07/2023

اجمل الأماكن السياحية في لبنان..😌✌🏼
رحلة زغرتا - البترون 💎

14/07/2023

09/07/2023

موسم البحر بعدو على بدايتو في وقت تجوا يلا..😍🇱🇧

07/07/2023

بعرف مقصرة بالنشر وما عم فرجيكن يوم بيوم جمال اجواء لبنان بس اعذروني عم نمرق بفترة كتير ضغط العالم كلو بتحسوه بلبنان جاي يستمتع بالعطلة الصيفية ما بقا حدا يقول وضع ما حدا يقول عتمة وما حدا يفتري ع لبنان ويقول مش امان اطمنوا بلدنا عم يتعافى وقريباً رح يرجع متل زمان واحلا..🇱🇧✌🏼
بعض الصور من رحلات هيدا الأسبوع ❤️

22/06/2023

كروب مبارح من مختلف الدول العربية بس الي لازم احكي عنهم بشكل خاص هم اللبنانيين المغتربين الي صارلهم فترة ما عم يجوا لأسباب معروفة بالنسبة للكل.. هالسنة رجعوا بشوق واندفاع واعداد اكتر وحاضرين دايماً بالرحلات ! هالشي دليل انو فعلاً الوضع بلبنان بلش يصير احسن، لما لبناني تارك كل الدول الحلوة الي عايش فيها وراجع يستمتع بلبنان يعني بلدنا مش اقل اهمية من اي بلد تاني حاضر بالساحة بقوة عم يجذب كل العرب والأجانب للسياحة فيه وخصوصاً اللبناني الي كان صعب اقناعو بالرجعة رجع وكلو امل بمستقبل احلا للبنان الحلو...🇱🇧
الي راهنوا على انهيار لبنان شو مساكين طير الفينيق ما بيموت ! ❤️

18/06/2023

كم صورة عالسريع من مشوار اليوم مغارة الزحلان - جبل الأربعين الباقيين بتشوفوهن بكرا لأن نعست..😁❤️

16/06/2023

بتعجّب من يلي بيزور لبنان اسبوع وبيرجع بيقلول ختمتو كلو او شفتو كلو انا عايشة فيه وكل يوم عندي رحلة ع منطقة وصدقوني بعدني كل يوم عم اكشف اماكن بتجنن مخباية فيه ! الجمال بلبنان ما بيخلص لأنو ببساطة كلو رائع وبياخد العقل..
وبالمناسبة شكراً للكروب الي رافقني اليوم على منطقة الشوف على ثقتهم مشوا معي وهم عارفين اني اول مرة بروح على هالمكان بالحقيقة انتو ابداً مش زبائن شغل دايماً برحلاتي معكن بحس حالي مع كروب من اصدقائي او اهلي من كل قلبي بحبكن..💚

15/06/2023

كروب فطوم بعيون السمك..💚

08/06/2023

بما انو كلو مستحي ينشر صورة اليوم
اخترت احلا لقطة القلب عم يرفرف..😌❤️

04/06/2023

المشوار ع غابات الأرز اساسي !
ما فيك تزور لبنان بلا ما تتعرف ع رمزو..🇱🇧😍

04/06/2023

البحر والجبل وين بيلتقوا غير بلبنان..؟🇱🇧💙

31/05/2023

من احلا المشاوير بالنسبة الي واحلا كروب..😍
من نهر ابراهيم / يحشوش 🇱🇧❤️

30/05/2023

رحلة اليوم على الجنوب من جزين الحلوة..❤️
مساكين الي بيبعدوا عني خلال المشوار ما بيطلعلن صور حلوة! 😁

29/05/2023

مشوار اليوم كان على صوفر حمّانا وعاليه
وهاي الصور اذا بتحبوا تلقوا نظرة..😁❤️

27/05/2023

للوهلة الأولى رح تفكروها جزيرة سانتوريني باليونان..
بس بالحقيقة هي شواطئ انفه بشمال لبنان ! 🇱🇧😍

24/05/2023

الكروب اللطيف اليوم.. 🌸🌷

23/05/2023

يوم اكتر من رائع مع احلى ناس بيحشوش وبحيرة شوان..🇱🇧😍

22/05/2023

بونجور برنامج بكرا الثلاثاء الي الكل بيحبوه :😍❤️
✅ نهر ابراهيم
✅ يحشوش (مشاوي)
✅ محمية جبل موسى (هايكنغ اختياري على بحيرة شوان)
٠٠٩٦١٧٠٥٩٧٧١٢ ☎️

21/05/2023

بعلبك العظيمة زوروها مع بعلبكية..😌❤️
من كل قلبي بطلع هالرحة مع انها الأطول والأصعب بس كتير بنبسط لما قدم مدينتي للعالم ومثل شعبها وبفرح اكتر لما كلن يرجعوا منبهرين فيها وحابينها بكل تفاصيلها !

21/05/2023

من بعلبك العشق..💚

18/05/2023

الشلالات الزرقا من منطقة الشوف الرائعة..🇱🇧❤️