Helaye Vishmitha gurukam හෙලයෙ විශ්මිත ගුරුකම්

31/08/2024

අතින් රන්දුනු හෙළ
නෙතින් ලොදැක වදහල
ඉතින් බුදු වෙනබල
බැතින් නමදිමි විෂ්ණු තෙදබල.........
වියන් වට පළ කළ
රුවන් පායකි මන කල
ගතින් නිල් පැහැ බල
බැතින් නමදිමි විෂ්ණු තෙද බල .........

Helaya vishmitha gurukam

22/08/2024

🔱 කතරගම දෙවියන්ට 🔱

අපරාජිතව මුලු තුන් ලොව එකලු කර
මයුරා සනය මත වැජඹෙන කදිර පුර
රුචිරාණන සයේ අණසක ඇතිව මුර
සුර රාජයාණනි මට දෙනු කදිර වර

මත්වී කතරගම පුර දෙවි සුවඳ කවන්
ගැත්තා සිටී පා යුග බැති දියෙනි දොවන්
මෙත් සිත් ඇතිව යොමු කොට මා කෙරෙහි නුවන්
උත්තම සුරිඳ මට කදිරා වරම දෙවන්

රන් මාලිග දෙවොල් සිය හද මැඳුරෙ තැනූ
දන්නා කල පටන් පෙම්බස් මිහිර බිනූ
පින් පෙර සිටම ඔබෙ මෙහෙවර පිණිස දිනූ
පින්වත් සුරිඳ මට කදිරා වරම දෙනු

මයුරාසනය ළඟ පිදවිලි සදන් නෙමී
උතුරා නැඟෙන හද පෙම්මල් පුදන් නෙමී
සුර රාජයාගේ සිරිපද සිඹින් නෙමි
කදිරා වරම මම ඔබගෙන් යදින් නෙමි

නිල්ලක් නැතිව හැම කෙම්මුර යෙහිම ‍ෙදාර
මල් ගඳ දුම් තබා දෙව් පුද පඬුරු බර
කල් ගත කරන දිවියම ඔබ නමට හැර
ඉල්ලමි ඔබෙන් මම සුරිඳුනි කදිර වර

නින්දිත දෑ රුපුන් හිස් සිඳ හෙළන්නට
සම්බුදු සසුන රට විපතින් මුදන්නට
සිංහල බස කිරුළ පලබෙද තබන්නට
පෙම්බර සුරිඳු කදිරා වර දෙවන් මට

Helaya vishmitha gurukam

11/06/2024

🔱 මල් යහනට දෙවියන් වඩම්මවීම සදහා කියන කවි යහන් කවි වේ 🔱

දස දිග ආලෝක කරන ගදායුදේ ගෙන
බැස මෙරගින් නුවර පුරෙන් එලි බැස සිට ගෙන
බැස ගිනිජල් සිරි හස්තෙන් යකුන්ට බැට දෙන
වෙසමුණි රජුගෙන් විවරණ දැඩිමුඩ අණ දෙන

බවන අසුර දිව තෙදින් බලාගෙන
කෙලින විදුලි ඉර සද නවතාගෙන
වදින සැරේ කිරී මූහුද තැලී ගෙන
සුමන සුරිදුගෙන් අවසර ලැබගෙන

ගතට දේව සළු රන්දුනු අබරණ
සතට පෑපු බල කළුගල් පාය තනා ගෙන
වෙතට ගොසින් විෂ්ණුගෙන් වරම් ලබා ගෙන
අතට ගෙනාරයන දෙවි දුන්න ලබා ගෙන

පායා එන සද සේම වටින් වට
ඡායාවෙන් එළිය වැටුනි ලක්දිව නොව සැක
පාය මෙන් ලොව සවුසත නිති රැක
මායාවකි කදිර පුරේ සුරිදුට බැහැදැක

ගත රන් රුව වැනි නෙතට පෙනෙන්නේ
සොබවාන් නළලත අඩසද වැන්නේ
බට මේ වන් වරලස ගවසාන්නේ
දිගුනිල් දිගුනේත් යුග දිලිසෙන්නේ

සවනත කිනිහිරි මල් පෙති රේඛා
ලවනත බඳුවද දත් කොඳ රේඛා
දෙවුරත ගජ කුඹු බුජ වැල රේඛා
උදරත වද රන් රූබර රේඛා

දෑල දිලී අළු ගෝමර රේඛා
සලා ළමැද රන් පර්හද රේඛා
නීල පළිඟු බැඳි දුනු පට රේඛා
බාල චන්දවන් නළලත රේඛා

තාම් දීන ආඩම්බර ගමන් වඩින කල
රන්ගිර මෙන් බෑවුමෙන් යකුන්ට පෑ බල
මංගර සිරි කිරි කඩවර දෑලේ මුර කර
බණ්ඩර දෙවතා අතරින් ගින්දර වේවැල

යක්ෂ භූත ප්‍රේත සිංහ කන්නඩි යක්කු
නාග රාජ ගොපළු පිල්ලි ගිනිජල් යක්කු
බීත ලවුඩි එගිනි සාති මල්වර යක්කු
පාත දෙවොල් වට කුමාර මංගර යක්කු

රොත්ත පිටින් පිරිවරාන බණ්ඩාර එනවා
සද්ද වචනයෙන් උග්ගල් පුරට වඩිනවා
සුද්ද සපිරි යකුන්ට පුද කැප කර දෙනවා
සිද්ද මේ කඩවර කළු ගල් සායම කනවා

09/06/2024

භෛරව කන්නලව්ව 🙏🙏🙏

ශ්‍රී කාසිකා පුරාධීශ්වර ශ්‍රී කාල බහිරව දේවතාවුන් වහන්ස ඔව වහන්සේට දොහොත් නමස්කාරයෙන් බැති සිතින් සැලකර සිටින්නේ මේ මහාපොළව අරක්ගෙන භූගත රන් රිදී මුක්තා මාණික්‍ය ගෝමේද චෛදුර්‍ය මරකත පද්ම රාග නිද්‍ර නීල ආදී කී නොකී මහාර්ඝ රත්නයන්ට දිවැස් හෙළා මැනවින් ආරක්ෂා කරමින් රැක් බලා ගන්නා වූ ශ්‍රීමත් බහිරව දේවතාවුන් වහන්ස ඔබ වහන්සේට සැලකර සිටින්නා වූ කන්නලව්ව කර සිටින්නා වූ බලාපොරොත්තු වන්නා වූ සකල විධි කාර්‍යාක්ම සර්වප්‍රකාරයෙන් සාර්ථක කරදී වදාරණ සේක්වා ශ්‍රීමත් බහිරව දේවතාවුන් වහන්ස අතෙක කඩුවක්ද අතෙක කුසලානයක්ද ඇතිව සුනඛ වාහනාරූඪව ශ්වේත වර්ණයෙන් බැබළි බැබළි වාසය කරන්නාවූ නාරදාදී යෝගීන් ගෙන් වැදුම් පිදුම් ලබන්නාවූද භූතයන්ට අධිපති භූතනායක වූද කර්ම භය දුරු කොට යහපත් සිතුවිලි සපුරන්නා වූද විචිත්‍ර තාණ්ඩව නැටුමට ප්‍රිය කරන්නා වූද බහිරව දේවතාවුන් වහන්ස දොහොත් මුදුනේ තබා නමස්කාරයෙන් සැලකර සිටින්නේ ඔබ වහන්සේට පුද දෙන දීප ධුප පුෂ්‍ප ආදීවූ මේ අනේක විධි පූජා කරුණාවෙන් මෛත්‍රියෙන් භාරගෙන මෙකී කඩයිම්මායිම් ඇතුළත පවත්නා සකළ විධි දෝෂාන්ධකාරයන් මගහරවා යක්ෂ ප්‍රේත භූත පිසාචාදින්ගෙන් ඇතිවන දෝෂන්ධාකාර නැති කොට එකී නොකී යක්ෂ භූත ප්‍රේත පිසාචාදින් මේ කඩයිමෙන් සතර මායිමෙන් පළවා හැර ආරක්ෂා කර දෙත්වා !
තවද ශ්‍රීමත් ගෞරව බහිරව දේව රාජෝත්තමයාණන් වහන්ස ඔබ වහන්සේ අසුහාර දහසක් ගනකඩ මහා බොල් පොළව තුල ඇත්තා වූ සකළ විධ මහාර්ඝ රත්නයට අරක් ගෙන සිටින බව සත්‍යවාදී නම් සැබෑනම් එසේම ඔබ වහන්සේ කෛලාසකූඨ පර්වතාශ්‍රීත භූවන්ත්‍ර මාණික්‍ය කෙෂත්‍රයක් වැනි වූ ආලක පුරවරයෙහි තෙද බලයෙන් යුතුව යක් රකුසන් පිරිවරා වැඩ වාසස්ථාන කරන බව සත්‍යවාදී සැබෑ නම් මේ සියළු පූජාවන් අනුකම්පාවෙන් ඉවසා වදාරා මේ කන්නලව්ව ඉෂ්ඨ කර මෙම ගැත්තාගේ සියළු වස්තූන්ද සතුන්ද ගේ දොරද ජීව අජීව සියළු වස්තූන් ආරක්ෂා කරදී සියලු අභිමතාර්ථ මස්තකප්‍රාප්ත කරදී වදාරණ සේක්වා !!!

🙏🙏🙏 🔱🔱🔱🔱🔱🔱🔱🔱

16/05/2024

කඩවර අප්පච්ගේම " පිහිටයි ..❤️❤️❤️❤️

පිල්ලි තට්ටුවේ බලය පා නා
මහසොහොන් බල මිටින් බිඳිනා
සොහොන් මල් කළු කුමරු සිඳිනා
කඩවරයි බොල ලොවම දන්නා...

යකුන් බැඳ මහ විකුම් පෙන්නා
ගමක් බිය මහගුරුට දා වා
අම්මා මැරුමට ලොවට උපනා
කඩවරයි බොල තෝ නොදන්නා...

දෙනුන් එළ තන බුරුලු මුව පා
රැලක කිරි බිව් පැටවු හඬවා
මදනෙ මිස තන කිරි නොදන්නා
කඩවරයි මම ලොවම දන්නා...

ගෑනු රෙදි යට මද උලුප්පා
ගන්න ඇති බොල ඇහේ බැල්මා
රෙද්ද තදකර හිතින් කඩනා
ගෑණු දපනවා හීනෙ මා හා...

රෙද්ද හිත තද එකා දෙන්නා
ඉන්නෙ ඇඟ උඩ මන්ත්‍රෙ කී දා
මතුළ වැලි වැදි ගෑණු පොරකා
නැත්තේ පැදුරේ පතිනි අම්මා...

15/05/2024

🔱 MAHADEVA 🔱

ඔහුගේ සියලු ක්‍රියාවන් තුළින් හෙතෙම සෑම සත්ත්වයෙක්ගේම යහපත අපේක්ෂා කරන්නේය. එහෙයින් ඔහු 'ශිව' ය. එතුමන් සියල්ලටම ඉහළින් වාසය කරන අතර හෙතෙම ලෙහෙසියෙන් ගම්‍යමාන නොවන අතර ස්ථාවර මෙන්ම නිශ්චලය. එතුමන් නානාවිධ ස්වරූපයන්ගෙන් යුක්ත වන අතර අතීතය , වර්තමානය මෙන්ම අනාගතයද එතුමන්ය. එතුමන් ජංගම මෙන්ම නිශ්චල ය. මේ හේතුවෙන් එතුමන් 'බහුරූප' ලෙස හඳුන්වන්නේය. එතුමන්ගේ ශරීරයෙහි අනන්ත දෙවියන් (විශ්වදේව) වාසය කරන්නේය. එහෙයින් එතුමන් 'විශ්ව රූපය' යි. ”

— මහාභාරතය |

🙏🙏🙏🙏🙏🙏🙏

09/05/2024

පාට සුදයි ගත ඒ මහ සොහොනා රෑට දිලෙයි කැඩපත සේ මුහුණා ❤️

තල්ල දික්කර අයා මහ කට ගිරිලෙනක් මෙන් බලයුතා
සෙල්ල යක් සුරතින් දරා වම් අතින් අල්ලයි බල ඇතා
සල්ව සල්වා රීරි බීමට දෙමංතුංමංසල යතා
ඉල්ල ඉල්ලා එය කෙළි පුද සිද්ධ මහසොන් දේවතා

03/05/2024

🔱 කාලි මැණියන්ට මාගේ නමස්කාරය වෙවා 🔱

🙏🙏🙏🙏🙏🙏🙏

සතර ගම් මුලුල්ලේත් සිරිලංකාද්වීපය මුළුල්ලේත් කීර්තී දාරා පතුරවමින් මුන්නේශ්වරම් කෝවිලට මෝදර කෝවිලට වැල්ලේ දේවාලෙට අධිගෘහිතව ඔද තෙද පහල කරමින් දසදහසක් සක්වලේ අද මිටුවන් වනසමින් කෙලෙස් කුල මුදුනේ වැඩ වාසය කරන්නා වූ මහා කාලි අම්මේ අදත් ඔබ වහනසේගේ ශ්‍රී නාමෙට සාදු කියා වැන්දෙමි 🙏දොහොත් නගා වැන්දෙමි 🙏සිරස නමා වැන්දෙමි 🙏තවද ඔබ දිව්‍යාංගනාවුන් වහන්සේ එක් සමයක කාල රාක්ෂී අවතාරයෙන් ලොව පහල වී එකම හී පහරින් තුන් ලොවට අදිපතිව මහා බලගතු බිමේ දුර්ග අසුරයාගේ ලය දෙපලු කොට සිරුර පිටට පා තබා විරාබී වාදනය කලා සත්‍යවාදි සැබෑනම් තවද සුරයන්ටත් නරයන්ටත් එදිරිවාදිකම් කලා වූ සුම්බ නිසුම්බ මහේෂාදි රකුසන් දෙපයින් ගෙන පරසක්වලයේ ගසා අසූකෙලක් තරම් බලයෙන් අළු දුහුවිලි කලා සත්‍යවාදි සැබෑනම් තවද ඔබ වහන්සේගේ ඒ බලය තේජානුභාවය ආඥාව කප පවතිනා තුරා කාලයකට මෙලොව පවතිනා තුරා කාලයකට සත්‍යවාදි සැබෑ නම් උතුම් වූ කාලි අම්මේ අදත් මා කියන්නා වූ කන්නලව්ව දිවැස් කරුණාවෙන් අසා මට වන් විපතක් දිව නෙතින් බලා පිහිටත් ආරක්ෂාවත් ලබා දෙන සේක්වා. තවද ඔබ දිව්‍යාංගනාවුන් වහන්සේ මේ ශ්‍රී ලංකාද්වීපයේ විරාජමාන වෙමින් මහා බද්‍ර කාලී ශැර පත්‍ර කාලී ජීව පත්‍ර කාලී සුර පත්‍ර කාලී ආදී මහා බලගතු යක්ෂනියන් පිරිවරාගෙන ඉෂ්ට කාලී බ්‍රහ්ම කාලී දිශ්ටි කාලී ආගෝර කාලී වූ යක්ෂනියන් අවතාර ලෙස යවමින් රන් වන් ගත නිල් වන් වතින් සරසාගෙන දෑතේ සලං දෙපා ගිගිරි නාද කරමින් නාග වළලු පලදවාගෙන දෑසින් ගිනි පිට කරමින් අසුරයන්ද අදමිටුවන්ද වනසමින් කොටි වාහනය පිටට නැගී අසරණ දනන් හට සරණ වෙමින් ලොව සැරි සරනවා සත්‍යවාදි සැබෑනම් උතුම් වූ මහා කාලි මෑණියනි ඔබ වහන්සේගේ නාමයට රත් මල් අබ තෙල් පහන් සුවද දුම් කපුරු පඩුරු පුද දී අදත් මා කියන්නා වූ කන්නලව්ව දිව සවනින් අසා මට වන් විපතක් දිව නෙතින් බලා සතුරු සිත් ඇත්තන් විසින් මා නමින් ඇති කලා වූ අතුරු ආන්ත්‍රා උපද්‍රවයන් රවි චන්ද්‍ර කුජ බුද ශුක්‍ර ශනි කේතූ රාහු ආදි නවග්‍රහයින් වහන්සේලා ලග්නයෙන් හයට අටට දොලහට පැමිණෙමින් ඇතිවන්නා වූ අපල විපත් අට අනූවක් රෝග නව අනූවක් ව්‍යාදී දෙසිය තුනක් අතුරු ආන්ත්‍රාවල් ඇස්වහ කටවහ හෝවහ හදි හූනියම් වැල් පැන්නුම් ඉරි පැන්නුම් පලි පොල් ගැසීම්ද ඇති වන්නා වූ සකල දෝෂාන්දරකාරයන් දූරින් දුරු කරවා සුබ සෙත් ශාන්තිය උදා කර දෙන සේක්වා.......

26/04/2024

🔱 කතරගම දෙවියන්ට යහන් කවි 🔱

මූණු සයපතා ආනුභාව කන්ද සුරිඳුනේ
දිනූ පෙර පතා බානු චන්ද්‍ර සිසිරනේ
පානු තද ඉතා වානු බැරිය අසූරනේ
රූණු දිය පුතා මෙමල් අස්න වඩිමිනේ

ඈත එගිරි මුදුනට මයුරාපිට වඩිති
දෑත දමන පංචායුද අරගෙන වඩිති
බූත යකුන් හට ගිනිජල් දෙවා වදාරති
දෝත පුරා දුන් දලුමුර දෙවිඳුට පුද දෙති

වත් සය අත් දොලස චන්ද්‍ර චක්‍රායුධ ගෙන
යුත් ඇලි මයුරාපිට පැණ නැගී වදාරණ
ලත් රිවි මඬලක්දෝ කිරි මුහුදට පායන
සෙත් සිරිදී මෙමල් යහන් ගෙන කරුණාවන

අසුරා බැඳි දේව කොඩිය අරගෙන වඩිතී
මයුරාපිට මල් මුදුනට බැල්ම හෙලා ලති
පහුරා මිණි මල් මුදුනට බැල්ම හෙලා ලති
උතුරා මල් සඳුන් සුවඳ දෙවිදුට පුද දෙති

25/04/2024

සිද්ධ දැඩිමුන්ඩ දේවතාවුන් වහන්සේ

පස්‌මරුවන් බිඳ බුදු බව ලබා ගන්ඩ මුණි වැඩි වර
රැස්‌ කර ආ මාර සෙනඟ සිටියේ මුනිදුන් වටකර
තොස්‌කර නුඹ වැඩ සිටියේ තුන්යම මුනිදුන් මුරකර
පස්‌වෙනි වර ගත්තෙමි මම දැඩිමුඩ සුවාමිගේ අවසර

19/04/2024

සූනියන් දැහැන් හත

ඕං හ්‍රාං හ්‍රීං මරුක්‌කඩල් මුක්‌තඩල් ඉදිරිප්පුතාල් ශ්‍රී කදිරම් මේ අරිප්පල්ලේ මුරුවා නාග භූෂණ වර වර නමඃ

ඕං කෛවීර සන්දනී ශූභ්‍ර වර්ණ හන හන ජල නීල ඔඩ්ඩියා වර වර නමඃ

ඕං ශූද්‍ර හා ඔඩ්ඩි මස්‌සිනේ වර වර කීල උපුටා වර වර නමඃ

ඕං ගජ දේව කාල ඔඩ්ඩිය වර වර නමඃ

ඕං හ්‍රීං දන්තමාලා ශ්‍රී සද්ධර්ම අණින් වර වර නමඃ

ඕං කෛමුණ්‌ඩේ වර උර්ල්ප්පාත්තු කෛලාස සීවන්ද ඔඩ්ඩියා වර වර නමඃ

ඕං ඊශ්වර බන්ධ මහේෂ්වර බන්ධ කන්ද කුමාරයානේ ඔඩ්ඩි කුමාර දේවතාවා බන්ධ ඒස්‌වාහඃ

25/03/2024

🔱 කතරගම දෙවියන්ට පින්දීම 🔱

සම්බුද්ධ සාසනවරං ඉධරෝහනස්මිං
සම්පාලනාය ජිනදත්ත වරො යසස්සී
පුඤ්ඤානුමෝදිය සළානන දේවරාජා
පාලේතු මං සතත සාත හිතාවහන්තෝ

20/03/2024

ගජන්ත දේශයේ ගජ කුම්බකාරීගේ ලයිලය පලා උපන් සිද්ද මහසෝන් දේවතාවා…

අරං කඩුව වෙසමුනි රජුගේ අනට
ගිලන් යකාගේ හිස සිට දෙපතුලට
තුරන් සැවොම බල දැරුවෙමි සියොලගට
වරම් ගතිමි මහසෝනාගේ නමට...

❤️❤️❤️

16/03/2024

🔱 විභීෂණ දෙවියන්ට🔱

රාමමාසජ්ජ ලංකාය - ලද්ධරාජත්තනෝ යසෝ
විභීසනව්හ දේවේසෝ - ඉදං පුඤ්ඤානුමොදතු

10/03/2024

🔱 සුමන සමන් දෙවියන්ට 🔱

ශ්රී සමන්ත භද්ර ලෝක නාථ පාද ලාංඥනං
සුපුතිෂ්ඨ නාරධීක පුණ්ය ශ්රද්ධ චින්තනං
ශ්රොත්ර පත්ති මාර්ග ප්රාප්ත බුද්ධ රාජ වන්දනං
ශාන්ති දාන කෘත්වතෙ සමන්ත දේව රාජනං

දක්ෂ පක්ෂ යක්ෂ රාක්ෂ දර්පනෂ්ඨ නිර්භයං
රාග ද්වේශ මෝහනාස නත්ථි සුමන දේවතා
තීක්ෂනාස්ය ප්රඥ සාගරෛය්‍ය වීර කායිකං
කාය මාන සඣඳ රෝග පීඩ භෂ්මතා විරං

බුද්ධ ධම්ම සංඝ රත්න පූජනාය කර්මතා
චිත්ත ප්රීති සාගරස්ය ප්රාප්ත සුමන දේවතා
ලංක දීප පූර්ව දේශ රක්ෂිතාය නිර්මලං
පාද පද්ම ශ්රී නමස්තු සුමන සමන් දේවතා

සම්බුද්ධ පාදවර ලඤ්ඡනසෝභිතස්මි
වාසෝසමන්ත ගිරිමුද්ධනි දේවරාජා
පුඤ්ඤානුමෝදිය ඉදං සුමනාභිධානො
පාලෙතු සන්තත මමං සුඛමාවහන්තෝ.

04/03/2024

හර හර මහාදේව ශම්භූ🕉️🙏❤️
ශිව යෝගිනී - ක්‍රිෂූලා

26/02/2024

🔱කඩවර දෙවිඳුන්ගේ කවි 🔱

සලඹ ලතෙයි තෙයි තකතෙයි
කීමට රිසි වූ සැටි යා
නියම කතෙයි තෙයි තකතෙයි
සීරි උරා බොන සැටි යා
වමත අතෙයි තෙයි තකතෙයි
සවරම රං මිරිවැඩි යා
නියම කතෙයි තෙයි තකතෙයි
කුමාර කඩවර වැඩි යා

එන්ඩ සිතෙයි තෙයි තකතෙයි
ගිනි පන්දම ගෙන වැඩි යා
යන්ඩ සිතෙයි තෙයි තකතෙයි
තුං පියවර මැණ වැඩි යා
දෙන්ඩ සිතෙයි තෙයි තකතෙයි
ජය කොන්තය ගෙන වැඩි යා
නියම කතෙයි තෙයි තකතෙයි
කුමාර කඩවර වැඩි යා

ඉසට තිතෙයි තෙයි තකතෙයි
අටමුළු තොප්පිය දැඩි යා
දෑත තිතෙයි තෙයි තකතෙයි
රං හලඹේ රුව කැටි යා
දෙපය තතෙයි තෙයි තකතෙයි
සිලම්බු පය ලන වැඩි යා
නියම කතෙයි තෙයි තකතෙයි
කුමාර කඩවර වැඩි යා

22/02/2024

🔱සිද්ධ දැඩිමුන්ඩ දේවතාවුන් වහන්සේ 🔱

වෙස ගෙන පැමිණි රැපු තෙද නැසි මුණ්ඩ
නෙක් වර බුදුන් දුටු යක් සෙන්පති චණ්ඩ
ලක් රන් දෙරණ රැකදෙන දෙවි දැඩි මුණ්ඩ
වක් කොට හරින් රැපුනගේ උගුරෙහි දණ්ඩ

දැක වසවතු එදා, රෑස් කර මාර සමුදා
බුදු බවට බාදා, කරති වටලා මාර සමුදා
බුදුන් තනි කරලා, දෙවියන් ගියයි ඇරලා
දැඩි දෙවියෙක් සිටලා, යුධ කරමි සැළකළේ වැදලා

අවියක් නොගෙන තට, රුවන් සෝලූව රෑගෙන සුරතට
බැට දී දෙපළු කොට, යුධ කරමි සැළකළේ මුනිඳුට
සදෙව් ලොව බලමින, නා ලොව තිලොව බලමින
කෙනෙක් නැත සරිලන, 'මුණ්ඩ දෙවියයි' නමක් පවසනා

20/02/2024

🔱 යගු කෞරාණමන්ඨක දස ශීර්ෂපති ශ්‍රී ලංකේශ්වර රාවණාය නමෝ නමඃ 🔱


නීල ශරීර ප්‍රභා මුඛ යක්ෂං
ශ්‍රී කුන්ඩලීනී දිව්‍ය ශක්ති තේජසං
ශ්‍රී ලංකාධිපති රාවණ නමෝ නමහං
වන්දේ වන්දේ දස බල දිව්‍ය රාජ රාවණං...

රාවණයන්ගේ ශ්‍රී නාමයට මාගේ නමස්කාරය වේවා ... 🙏🙏🙏🙏🙏🙏🙏

16/02/2024

මහා බලැති කඩවර දෙවියෝ

රන්තොරනේ මුරකර සටිනා කඩවර
වම් අතිනේ ගෙන යන මුගුරු සැර වැර
එන් නිතියේ මල්සැර දේව කඩවර
රන් විමනේ දොර හැර එන්ඩ අවසර

05/02/2024

සියලු දෙනාට කාලී මෑණියන්ගෙ පිහිටයි...!!! ♥️

30/01/2024

🔱 ඔම් නමහ් ශිවාය 🔱

23/01/2024

රුදුරු ජය සොහොන් ජයගෙන නො ලසසේ
පතුරවන බලයේ සිහිකර වාසතු සේ
උතුරු සළුව පොරවා සුදු ලැමද මෙසේ
නැගිට ඒ ගෝඩිම්බර අළුයමට මෙසේ

යක්කමක් ගසා ගුවනේ අවිදිනවා
ඉක්මනක් වෙලා වට පිට විමසනවා
කොක් හඬක් ගසා අමු මිනියක් කනවා
මරුවා වෙසක් අරං මහා සොහොනාඑනවා

තල්ල දිගයි ගිරිලෙන සේ පිටේ ඇතා
බොල්ල හැඩයි හත් රියනයි උසයි යකා
බෙල්ල විකයි තනි ගමනේ රැකා
මෙපුද බලා මෙරඟට වර සොහොන් යකා

අරගත්තේ පන්දන් එළියක් අතට
ඉඳගත්තේ මහා සොහොනට පුද දෙන්ට
බල ඇත්තේ කඳ කුමරිඳුගේ අනට
අවනත්තේ මහ සොහොනා වර පුදට

පාට සුදයි සියෝ ගත මහසෝනා..
රෑට දිලෙයි කැඩපත සේ මුහුනා..
ඊට ඔබින අව තාලෙට පෙනුනා..
දුන් ඒ පුද කැප ගන් මහසෝනා..

අරන් කඩුව වෙසමුණි රජුගේ අනට..
වියන් යකාගේ හිත තුල දෙපතුලට..
සුරඟ සැවොම බල දැරුවෙමි සියො ලඟට..
වරම් ගතිමි මහසොනා පුද දෙන්න..

කෙලිනා සමයන් දැක බියවන්නේ.
පෙනුනා දෑසට තනි හිරු රැසිනේ...
වෙවිලා ඇග පත සලිත කරන්නේ..
පූනා කෙලියට වඩිමින් තෙදිනෙ....

කෙම්මුර දවසේ යනෙනා වේලේ
තුන් සමයන්වල යනෙනා වේලේ
උදැක ලෙඩ කර යකුනී මේ වේලේ
ගන්නට පුද කෙලි එන්න මේ වේලේ

පලමු උපනි සොහොනා ඒ සොහොනෙන්
දෙවෙනි උපනි සොහොනා එම අලුවෙන්
තෙවෙනි වරම්ලත් යමරජු බලයෙන්
විගස ඇවිත් මරු යකා. මෙපුද ගන්

❤️❤️❤️

23/01/2024

🔱🌞ඕම් නමඃ ශිවාය... 🌙 🔱
අධර්මයට එරෙහිවන ඊශ්වර දෙවියෝ ❤️

🔱ශිව දේව ගයත්‍රී මන්ත්‍රය🔱

"ඕම් මහා දේවාය විද්මහේ
වාග්විශුධාය ධීමහේ
තන්නෝ ශිව ප්‍රචෝදයාත්"🔱
🙏🙏🙏🙏🙏🙏🙏

08/01/2024

ඉනාමදන බන්ධනය ❤️

නියම හූනියම් පොතකි බොලන්නේ
මිනී මරන්නට උපත කියන්නේ
දැන කළහොත් තම දිවි ගැලවෙන්නේ
නොදැන කළොත් වරිගෙත් නැතිවෙන්නේ

කළොත් අපාගත වේය කියන්නේ
ඒ පොත් පිට පෙරළා බලපන්නේ
ලෝකඩ කටු ගැසු තැනට බලන්නේ
එතන තමයි හූනියම තියෙන්නේ

ලෝකඩ කටුවට බැල්ම හෙළා ලා
ඒ වැඩ නැති අඟනුන්ට වැසී ලා
ඔඩ්ඩිස පටුනේ කවි පද අස ලා
ඉනා මදන යකු වර එළි බැස ලා

ගුරුලන් දුටු නයි සේම පෙනෙන්නේ
ස්ත්‍රී පුරුෂය වෙන්ව සිටින්නේ
ඉනා මදන බන්දනේ බොලන්නේ
සිත ගත ගිනිජල් කරයි කියන්නේ