Ceylon Government Railway Magazine, Electric diesel locomotive shed, maradana, Colombo 10 (2025)

02/02/2025

දුම්රියේ වල් අලි ගැටීම වැලැක්වීමට තවත් පියවරක්. අලි ගැවසෙන ස්ථාන වලදී දුම්රිය රියදුරන්ගේ අවධානය ඒ සඳහා යොමු කිරීමට යොදා ඇති පුවරුවල අලුතින් ස්ටිකර් ඇලවීම. ස්ටිකර් සැපයූ නිරෝෂන් ලක්මාල් ඇතුළු හිතවත් පිරිසට බෙහෙවින්ම ස්තූතියි !!!

© mr. Nirantha Vissundara

02/02/2025

Srilankan Railway job vacancy 📢

2025/1/03 gazette

02/02/2025

නන්පේරියල් ගැන..

කෑගල්ලට සංචාරකයින් අද්දවන පින්නවල හැදුව කතාව බලංගොඩටත් ආදර්ශයක් කරගන්න පුළුවන්...

මේ කතාව මම අහගත්තෙ ස්ලිඩා එකට ආව දේශකයෙක්ගෙන්.. Prasad Chaminda එතන හිටි නිසා එයා මේකට සාක්ෂි.. මම අහගත්ත කතාවක් නිසා වැරදි තැනක් තිබුනොත් නිවැරදි කරන්න..

70-77 ආණ්ඩුවෙ සංචාරක ඇමති P B G කළුගල්ල මහත්තයාට ඕනෙ වුනාලු කෑගල්ලට යමක් කරන්න.. සංචාරකයො කෑගල්ලට ගේන්න කෑගල්ලෙ අමුතු යමක් නෑනෙ.. (මම කෑගලලෙ ඉපදුනෙත් 76 දෙසැම්බර් නිසා පුදුම සතා පෙන්වන්නවත් විදිහක් තියෙන්න නැතිව ඇති..) මේ ගැන කලුගල්ල මහත්තයා සංචාරක ඇමති නිසා වනජීවී සහ සංචාරක අයගෙ උදවුවෙන් සහ අලි ගැන දන්න මිතුරෙකුගෙ උදව්වෙන් අලි පස්දෙනෙකු යොදාගෙන අලි අනාථාගාරය ඇරඹුවාලු.. මෙච්චර අලි නිදහසේ පාරෙ පවා ඉන්න රටේ කොළඹ නුවර පාරෙන් ඇතුලට වෙන්න තැනක නිසා සංචාරකයො නොඒවි කිියල හැමෝම කිව්වත් අර ප්‍රසිද්ධ මිතුරා නිසා කළුගල්ල මහත්තයා වැඩේ අතහැරියෙ නැහැලු.. අද ලංකාවට එන හැම සංචාරකයො හතරදෙනෙකුගෙන් කෙනෙක් පින්නවලට අනිවාර්යයෙන් යනවා.. දැන් තියෙන රැල්ල අනුව චීන කොරියන් වගේ අය 2025දි වැඩිපුර එන්න නියමිත නිසාත් පිනනවලට අලි බලන්න එන පිරිස තවත් වැඩිවේවි..

රත්නපුර කියන්නෙ කෑගල්ලට වඩා ලස්සන තැනක් වගේම විවිධත්වය අතින් ඉතා ඉහල තැනක්.. දියඇලි සිය ගණනක්, සිරිපා මාර්ග දෙකක්, සමනලවැව යකඩ නිස්සාරණය, බෙලිහූල්ඔය සුන්දරත්වය, දෙතනගල අපේ තිස්ස ජනනායක සර් හදන සුපිරි හෝටලේ, කූරගල ඉන්න බලංගොඩ මානවයා, හුණුගල් පොකුණ.. මැණික්.. නැති රෙද්දක් නෑ..

නමුත් සංචාරකයොන්ට මේවා අමතර නැරඹීම් මිස Main Attractions නෙමෙයි.. රත්නපුරේ කාටහරි කළුගල්ල වගේ වෙන්න ඕනෙනම් හොඳම තැන නන්පේරියල්.. ලෝකෙ වටේ ඇවිද්ද, නයිල් ගඟේ ආරම්භය පවා සොයාගන් සැමුවෙල් බෙකර් ලංකාවෙ කැලේක තියෙන කන්දකට නන්පේරියල් නොහොත් සිංහලෙන් අසමසම කියන වචනෙ දාන්න ඇත්තෙ නිකන්ම නෙමෙයි..

නන්පේරියල් ගමන අනිවාර්යෙන් Guided Tour එකක් වෙන්න ඕනෙ.. හෝටන් තැන්නට වගේම ⁣මේ ගමනටත් පොලිතීන් ප්ලාසටික් තහනම් වෙන්න ඕනෙ.. බලංගොඩ ජීප් සංගමේ Jeevitha Senanayaka ,වගේ අය පාරිසරික සංචරණය සහ මේවගේ කඳු වලට දක්ෂයො.. එයාලට වගකීම දුන්නොත් පරිසරය සුරැකීම ගැන බයවෙන්න දෙයක් නෑ..

දවසකට සංචාර⁣කයො පන්සීයකට ලොකු මුදලකට බුකිං දෙන්න ඕනෙ.. පාර ප⁣ටු නිසා ඉහළට පහළට යන්න කෝච්චියෙ වගේ ටැබ්ලට් දෙන්න වේවි.. අතරමග වංගු 32 අතරෙ වාහන මාරුවෙන තැන් 10ක් විතර හදන්න පුළුවං. තේ කර්මාන්ත ශාලාව බලන්න, 12 වංගුවෙන් පස්සෙ කැලෑ පාරෙන් හයික් කරන්න වගේ ඔප්ෂන් දෙන්න පුළුවං... කවුද අකැමති අඩි 7000ක් උඩට හයික් එකක් යන්න... වනජීවී මහත්තුරු වන සංරක්ෂණ මහත්තුරු එක්ක එකතුවෙලා Mountin Trail වලින් යන පාරවල් ටිකක් හදන්නත් පුළුවං.. එකඟ වෙනවානම් අපි හොරෙන් විසි තිස් වතාවක් ගිය ලෝකාන්ත ජිප් ට්‍රේල් එක හදලා ගයිඩ්ලා එක්ක පයින් යන්න ඉඩ දෙන්න උනත් පුළුවං.. විස්වාස කරන්න ඒක තමයි ලෝකෙ තියෙන ලස්සනම කැලේ ගමන.. Sammana Illangakoon Lal Sanjeewa Apsara Pathirana Lakmal Eranda වගේ මගෙ අනුග්‍රහයෙන් ඒ පාරෙ ගිය කෙනෙක්ගෙන් අහන්න.. ඒක ලෝකෙ තියෙන ලස්සනම ගමන කියල කියාවි.. ලක්මාල් ගත්ත පින්තූරටික බැලුවොත් ඔබට පිස්සු හැදේවි..

ලංකාව ගොඩ යන්න ඕනෙ.. හාල් මිල 120ට පාලනය කරපියව් කියන මිනිස්සු වෙනුවට තොපි 1000ට වික්කත් අපි කනවා යකෝ කියන ජනතාවක් අපි හදන්න ඕනෙ.. ඒකට අපට ආදායම් ඕනෙ. රටට ආදායම් ගේන්න සැමුවෙල් බේකර් නන්පේරියල් කිව්ව තැන බලන්න වියදම් කරන්න පුළුවං සංචාරකයො දවසකට දාහක් ගෙනාවොත් ආදායම ගැන හිතන්න.. දැනට පාර වහගෙන ඉන්න හැරි මුදලාලිටම කිව්වොත් එයා මේවැඩේට ආණ්ඩුවෙ සතයකවත් වැය නොකර කරාවි. එයාත් සංචාරක කර්මාන්තයෙ ප්‍රබලයෙකනෙ..

ස්තුතියි Sampath Pradeep Kumara Nissanka .. අළුත් තනතුරට සුභපැතුම්.. මම ඔනෙම දේකට සපෝට්.. ස්තුතියි මගෙ වචන සංචාරක නියෝජ්‍ය ඇමතිතුමාට අහන්න දුන්නට.. මම අවුරුදු දහයක මේකට දැඟළුවා.. මගෙ නනපේරියල් ඇල්බම්එක බැලුවොත් පෙනේවි ඒබව.. ලස්සන පින්තූර ඒකෙ පිරිලා..

Tmn Karunasena අපේ ලොකු අයියා කල්තොට ප්‍රාදේශීය ලේකම් කාර්යාලය සහ කල්තොට වාරි නවීකරණ ව්‍යාපෘති වල ලේඛන හදපු කෙනා.. හැකිනම් වසන්ත මන්ත්‍රිතුමාට කළුගල්ල ඇමතිතුමාගෙ කතාව කියන්න.. කෝච්චියත් කුරුවිටට ඇදලා සිරීපාදෙ යන්න සෙට්කලානම් රත්නපුර ලෝකෙම කථාවෙන ස්වභාවිකත්වය හා බැඳුණු සංචාරක පාරාදීසයක් වෙනබවට නිසැකයි..

මේක දිනන්න පුළුවං සටනක්.. අපට මේ රට හදන්න පුළුවං.. ඒකට කැපවෙන්නයි ඕනෙ.. චීන්නු ඉන්දියන් කාරයො බිලියන ගනන් මිනිස්සු ගොඩදාදදි අපට ගොඩදාන්න තියෙන්නෙ මිලියන විසිපහයි..

මේගැන ඔබේ අදහස් කියන්න.. හැමෝටම දැනගන්න බෙදාහරින්න.. හැමොගෙම අදහස් වටිනවා..

© mr. Champika nirosh

01/02/2025

රථ වාහන අලුත්වැඩියා වෘත්තීය ගැන සමාජ මාධ්‍ය තුල බෙදා හදා ගැනෙන, "ගරාජ් කාරය නැත්නම් ඩොක්ටර්ස්ල මහාචාර්යවරු පාරෙ වාහන තල්ලු කරනවා" වගේ අතිශයෝක්ති වර්ණනා වලට මගේ කොහෙත්ම කැමැත්තක් නැති උනාට, මම ආතල් එකට මගේ එකවුන්ට් එකෙන් එහෙම පෝස්ට් ශෙයා කරනව.එතකොට ගමේ හොස්පිට්ල් එකේ ඩොක්ටර් ඇවිත් "එහෙනම් අපිටත් වෙන්නෙ හෙට ඉඳන් තල්ලු කරන්න තමයි" කියල කමෙන්ට් එකක් දාල යනව. ඩොක්ටර්ගෙ වාහනේ පර්ජො උනාට, ඒසී එකට ඇවිත් තියෙන්නෙ ඩෙන්සො බ්ලෝවර් එකක් නිසා ඒසී වැඩ කරන්නෙ නැති උනාම ඩොක්ටර් මට කෝල් එකක් දෙනව.හවස හතරට විතර "බකබුස් ඔහෙ තාම වැඩ ද? තේ එකක් වත් බීල ඉන්නො" කියල අවසානයට අබ ඇට දෙකක් වගේ ඇස් දෙකයි කට වෙනුවට හරස් ඉරක් තියෙන වික්ශිප්ත වීමේ ඉමොජි එක එක්ක සුදු කිඹුලිගෙන් වට්සප් මැසේජ් එකක් එනව.සමහර යාලුවො කෝල් එකක් දීල ,"මචන් මගේ කාර් එකේ ලයිට් වගයක් පත්තු උනා මෙහෙම එන එක අවුලක් නැද්ද කියල අහනව. එහෙම ඇහුවෙ සමීපතම මිත්‍රයෙක් නම්, "ලයිට් තියෙන්නෙ පත්තුවෙන්න තමයි බන්. එන්න පුලුවන් දුර ඇවිත් මග කඩන් හැලුණම කෝල් කරපන් මම වැඩක ඉන්නෙ" කියනව. එහා පැත්තෙන් "හුත්තෝ සිරා අහන්නෙ පිස්සු කියවන්න එපා!" කියනව.

මහ රෑක ක්ලච් වොශර් ගියාම හොයාගන්න ම තැනක් නැත්නම් ඩෙනිම් සරමක නූලක් වොශර් එක වටේ ගැටගහල,බ්‍රේක් ඔයිල් නැත්නම් සන්ලයිට් කැටයක් වතුරෙ දියකරල ගෙදර අරන් එන හැටි ඉගැන්නුවේ සුසන්ත අයියා ! දැන් එයා තමන්ගෙම ව්‍යාපාරයක් කරගෙන ඉන්න පරිණත කාර්මිකයෙක්.

"උඹට මම කියන්නම් දෙයක්.WHOකන එකත් ලේසි නැහැ.කෙලින් කරගන්න ඕනෙ. ඇතුලට දාල උස් පහත් කරන්න ඕනෙ. ඒකටත් මහන්සි වෙන්න ඕනෙ . ඒක නිසා ගැලවෙන්නෙ නැති ඇනයක් දකින දකින පාරට මට කතා කරන්න එපා ! ගලවන්නෙ කොහොමද කියල එක පාරක් ට්‍රයි කරල බලපන් !

සහජාසයෙන් එන ප්‍රජනනය කිරීමේ කුසලතාව උදාහරණයට අරන්, මම එක්ක වැඩ පුරුදු වෙන්න ආපු අනික් යාලුවට අවවාදාත්මක වෘත්තිය මාර්ගෝපදේශනය ලබා දෙන්නෙ බුලත්සිංහල ඉඳන් මහරගම ඔටෝ සිටි එකේ වැඩට ඇවිත්, රාජ්‍ය අමාත්‍යාංශ වල වාහන හදලම අලසකම ජීවිතේ ට ඇතුල් වෙච්ච, තමන් එක්ක පෙර කාලයේ නිදි වැදපු ගෑනියෙක්, තමන්ට වඩා උසස් ජීවන තත්වයක් ඇති මිනිහෙක් ගෙ කාර් එකක ඇවිත් බැහැල යනව දක්කම " දැන් අර මහත්තය ඉස්සරහ ශීට් එකේ තියාගෙන යන්නෙත් ඉස්සර මම ගහපු එකක් තමයි " කියල ආඩම්බර වෙන සුනීතරත්න අයියා! ඊට පස්සෙ අපි වැඩ කරපු වැඩහලේ කැඩිච්ච ඇණ ගැලවීමේ ඉහලම කුසලතා සහතිකය අයිති කරගන්නෙ මගෙ යාලුවා.සමහර දේවල් උගන්වන පැටර්න් එක නරක උනාට ඒකෙ පසු ප්‍රතිඵලය සුභදායී වීම මට අත්දකින්න ලැබුන.

ක්ලච් එක නැති උනත් වාහනයක ගමනක් ගිහින් එන්න පුලුවන් කියල ඉගැන්නුවේ මගේ වෘත්තිය ඉගෙනුම් ජීවිතේ මගේ සමකාලීන මිත්‍රයෙක් වෙච්ච සචියා. එහෙම පුලුවන් කියල ඉගෙන ගෙන වැඩි කාලයක් යන්න කලින් අපි දෙන්නටම,ඩොල්ෆින් හයි රූෆ් එකක ක්ලච් එක නැතුව එයාපෝට් එකේ ඉදන් ගල්කිස්සට එන්න වුනා!

හොන්ඩ ඩුවල් ක්ලච් එකට චයින රේසර් එක එන්න කලින් පොඩි රේසර් දෙකට ආදේශක විදියට එක්ස්කැවේටර් ට්‍රැවලින්ග් මෝටර් වල රේසර් වගයක් අරන් අපිට ඕනෙ මිනුම් වලට ලේත් කරල හැදුවෙ මමයි රුසිරුයි. පන්චිකාවත්තෙ ජයසේකර බෙයාරින්ග් කියන කඩෙන් බෙයාරින්ග් අරගෙන සරස්වතී හාඩ්වෙයාර් එකෙන් ඇලුමිනියම් පොලු ගෙනත් ඒවයෙන් ඇලුමිනියම පිස්ටන් කැපුවෙත් අපි දෙන්න.රුසිරු දැන් නුගේගොඩ තියෙන වර්ක්ශොප් දෙකක හිමිකාරීත්වය දරන ධනවාදී නාගරික තරුණයෙක්. ඇලුමිනියම් පිස්ටන් දාල හදපු වෙසෙල් වෙන වර්ක්ශොප් වල ගලවල ඒ ගැන විවේචනාත්මක වීඩියෝ සමාජ මාධ්‍යට මුදා හැරල තිබුන.කටුවෙන් බැරිනම් මිටියෙන් හරි වැඩේ වෙන්න ඕනෙය කියන කතාව නිදහසට කාරණාවක් විදියට අරන් මම ඒ සියලු බැනුම් නොසලකා හැරිය! ක්ලච් දෙකක් දාල ජපන හදපු වෙසෙල් ග්‍රේස් ජීපී ෆයිව් වලින් බෙල්ල මිරිකල උපයපු යුගය අහවර නිසා මට මේක කියන්න හිතුනෙ!

සීටීබී බස් වල කචල් පයිප්ප ප්‍රශ්නෙට සබන් වගේම හුනුයි සීනියි ත් හොදට ගැලපෙනව කියල කියා දුන්නෙ රත්මලාන ඩිපෝවේ සරමක් ඇදැගෙන වැඩ කරපු අමරෙ අයියා! අමරෙ අයිය කියන්නෙ යකඩ උනත් බය අපිට බය වෙන්න ඕනෙය කියල හිතපු, ඕනෙම වැඩක් කටුවෙන් පටන් අරන් බැරිම උනොත් රාත්තල් පහලවේ මිටියෙන් හරි ඉවර කරපු කාය ශක්තියෙන් උපරිම වැඩ ගනිපු,ආවුද වලට වඩා අත්දැකීම් පාවිච්චි කරපු එන්ජිම බානව වෙනුවට, ගෝල්ඩ්ලීෆ් එකක් බොන ගමන් රින්ග් සෙට් එක වටේ ඇස්බැටස් නූලක් ඔතල ගොඩ දාන්න කල්පනා කරන ජාතියේ මනුස්සයෙක්

රේඩියේටර් ලීක් එකකට තේ කොල දානව වගේම බිත්‍තරයක් කඩල දාන එකත් ගෙදරට එන දුරකට තරම් සාර්ථක යි කියල කිව්වෙ හක්මන මුලටියන පාරෙ වේපතඉර හන්දියේ දැනට වයෝවෘධ ව ඉන්න ඉස්සර කාටවත් හදන්න අමාරු බීඑම්සී පෙට්‍රල් ලොරි , ෆෝඩ් ලොරි හදපු,පස්සෙ කාලෙක වාහන හෙනත් කඩල විකුනපු වාහන ගෑස් කරල පත්තරේට ගියපු සිරි මාමා. සිරි මාමට මාව දැක්කම එයාගෙ අතීත වීර ක්‍රියා කියන්න සුදුසු ම මනුස්සයෙක් කියල හිතන්න ඇති ! සිරි මාම මම යන හැම වෙලාවකම රදාවෙල පුතා ඇවිත් කියල හිනා වෙනව.මම ගන්න කිසිම කෑල්ලකට සිරි මාම වටින ගානක් කියන්නෙ නෑ!මම වැඩියෙන් පන්සීයක් දාහක් සිරි මාමට දීල එනව. සිරි මාමට ඇත්තටම ඕනෙ මම එක්ක කයියක් ගහන්න, අතීතයේ එයා කරපු වීරකම් ගැන කියන්න, එයා ගැන පත්තරේ පල වෙච්ච ලිපිය ලැමිනේට් කරල හදපු ෆොටෝ එක මට පෙන්නන්න , "දැන් අපි වගේ එවුන් නෑ පුතේ කියල" ආඩම්බර වෙන්න.

"ගොඩක් කන්න නම් කට ලොකු වෙන්න ඕනෙ! ඒ කන ටික තියාගන්න බඩත් ලොකු වෙන්න ඕනෙ . එතකොට රෙන පුකත් ඊට සාපේක්ෂව ලොකු වෙන්න ඕනෙ"

ඉන්ධන වායු මිශ්‍රණය සහ සිලින්ඩර පුරවා ගැනීමේ කාර්‍ය්ක්ශමතාව වගේ විශාල පරාසයක විහිදුණු භෞතික විද්‍යා කාරණා ටිකක්, පුක උදාහරණයට අරන් පැහැදිලි කලේ රේස් කාර් හදපු දොන් ටෙනා.ඉරිදා හවසට එලිමහන් රංග පීඨ වල, සමාජ මාධ්‍යයේ ප්‍රසිද්ධ ධනවාදී ගෑනුලමයි එක්ක ඩ්‍රාම බලන්න ගියපු ඒ යාලුව දැන් ජපානේ වාහන කඩන යාඩ් එකක වැඩ !

හෙඩ් එකක් හදන හැටි, ගොම මැටි අනල ගාගෙන චට්ටි හෙඩ් පාහපු හැටි, වෑල් ශිට් එකේ ඈන්ගල් එක වෙනස් කරල බස් වල හෙඩ් හදල නම ගොඩ නගා ගත් හැටි කිව්වෙ ඇඹිලිපිටිය DKW එකේ අතුල මාම.අතුල මාමට මම එක්ක හිතවත්කමක් ගොඩ නැගෙන්නෙ මැක්සිමෝ එන්ජිමක වෑල් ශීට් එකක් හදාගන්න ගිහින්! අතුල මාම තමන්ගේ ආත්ම ශක්තිය සහ වෘත්තීය පලපුරුද්ද ගැන නිතරම ආඩම්බරයෙන් කියන කතාවක් තියෙනව

"මෙතන මොකා දමල ගහල ගියත් මට පුලුවන් පුතා මෙතනට එන ඕනෙම වැඩක් තනියම ඉවර කරල දෙන්න "

"රේඩියටර් එකක් ලීක් උනාම මෝරපු නැති කිරි බේරෙන පුවාලු හරි ආනමලු හෙඩියක් හරි ලීක් වෙන තැන තදට උලහන්"

එහෙම කිව්වෙ බස් එකක් අරගෙන ස්කූල් හයර් එකක් කරල ඒ බස් එකම හදල වාහන හදන්න පුරුදු වෙලා පස්සෙ කාලෙක බස් එක විකුනල මහරගම වත්තෙගෙදර ෆුඩ්සිටි එක ගාව විජිත මෝටර්ස් එකේ ලොකු බාස්උන්නැහේට යටින් ඉන්න බාසුන්න්නැහේ කෙනෙක් වෙච්ච සෝමවීර.
"කස්ටො ගැන ලොකුවට හිතන්න එපා බන්.හරිගියොත් හොඳ පුතා නැත්නම් හුත්තිගෙ පුතා "
සෝමවීරට පාරිභෝගිකයන් ගැන තිබුන යථාර්ථවදී කියවීම ගැන මට පුදුම හිතෙන්නේ දැන් !

දැන් මාසෙකට විතර කලින් මම යාලුවෙකුට ඉඩමක් බලන්න බිබිල හරහා රිවස්ටන් යනව.මුලු ගමනම ඉවර වෙද්දි කිලෝමීටර් එක්දාස් ගානක්.කලස්ටර් පැනල් එකේ ඔක්කොම ලයිට් පත්තු වෙච්ච වැගන් ආර් 55S මාදිලියේ වාහනේක බිබිලෙ යන ගමන් මම ඒ ලයිට් පත්තු වෙච්ච ක්ලස්ටර් එකේ ෆොටෝ එකක් එක්ක ෆේස්බුක් එකේ පෝස්ට් එකක් දානව, "ඔබ කාර්මිකයෙකු නම් ඔබගේ රථයේ දැල්වෙන සියලු අනතුරු හැඟවීම් සංඥා නොසලකා හැරිය හැක" කියල. මට මාතෘත්වය මුහුව අත්‍යයන්තයෙන් ආදරේ කරපු මගේ චොකලට් කිඹුලි ඒ පෝස්ට් එක දැකල!

වෘත්තීය ජීවිතේ කාර්‍යබහුලත්වය නිසා ඇගේ යොවුන් වියේ ආදරේ පරිච්ඡේදය නිසි ලෙස නොලියවීම සහ මම කෙරෙහි ඇති දරුණු ගණයේ ආදර ප්‍රතික්‍රියාවේ අවශේෂ විදියට ඉතිරි උනු කෝපයට චෝදනාත්මක ස්වරයක් මිශ්‍ර කරපු මගේ චොකලට් කිඹුලි වට්සප් පණිවිඩයක් එවනව !

"ඔහෙට ඉතින් වාහන වලින් තොර ලෝකයක් නැහැනේ!කොයි වෙලාවෙ බැලුවත් වැඩ වැඩ වැඩ"

උදේ වැඩට යනකොට අවුරුදු ගානක් ආදරේ කරල කසාද බඳින්නයි ෆොටෝ ගන්නයි යන ජෝඩුවක් ,දෙනගම වැව් බන්ට් එකේ මේ රටේ වටිනම වාහනේ වෙච්ච ප්‍රිමියෝ එකක බොනට් උස්සන් ඉන්නව දැක්කම කාගෙ හරි ලස්සන දවසක් නැති වෙන එක ගැන දුක හිතිල ගිහින් බැලුවම ස්ටාටර් මෝටර් එකේ ක්ලිප් එක බුරුල් වෙලා.ඒක සියලු 1NZ වලට වලංගු පොදු දෝශයක්.ක්ලිප් එක ගහල වාහනේ ස්ටාට් උනාම මනමාලිට යාලු වෙච්ච කොල්ලට තමන්ගෙ මවු දෙමව්පියො කැමති උනා වගේ හැගීමක් මූණෙන් පේන්න ගන්නව.බොනට් එක වහන කොට ඇතුලෙ ඉන්න දෙවෙනි මනමාලි මගේ දිහා බලාගෙන ඉන්නව. එතකොට මට ලැජ්ජා හිතෙනව!

කුඹල්වෙල අසපුවට යන්න ගියපු ලෙලන්ඩ් බස් එකක ඩීසල් බ්ලොක් එකක් හදල දුන්නම බස් එක ඇතුලෙදිම මාව දේවත්වයට පත් වෙනව. වයසක ආච්චිලා මගෙ හැදූ වැඩූ දෙමව්පියන්ට අනේක වාරයක් ස්තූතිවන්ත වෙනව. මේ රත්තරං පුතා මතු බුදුවෙන්න ඕනෙ කියනව. "ඩීසල් බ්ලොක් එකක් හදල මතු බුදු වෙන්න පුලුවන් නම් එන්ජිම හදලා දුන්නොත් පසේ බුදු වෙන්නත් පුලුවන් නේද ආච්චි අම්මේ" කියල අහන්න හිතෙනව. ස්ටාට් නැති බස් එක එක පාරට ස්ටාට් උන එක ඒ ආච්චිලාට බුදුන් වහන්සේ යමා මහ පෙලහැර පෑම සේ දැනෙනව . ඒකෙ ප්‍රතිඵලයක් විදියට ට්‍රිප් එක යද්දි කන්න ගෙනාපු වැලිතලප අග්ගලා වගේ කැවිලි වලින් ටිකක් බ්‍රවුන් පේපර් එකක දාල මට දෙනව.ඒ දෙන ගමන් ඔය රත්තරං අත් දෙකට තුරුනුවණේ සරණයි කියනව !

ජීවිතේ සෑහෙන දේ අහිමි උනත් මේ වගේ පොඩි පොඩි දේවල් වලින් ලැබෙන තෘප්තිමත් භාවය වෘත්තීය පීඩනය නිසා ඇතිවෙන වෙහෙසකර ගතිය අතුරුදහන් කරවනව!

මට මේ හැම එකම ලැබෙන්න උක්තයෙහි නාමනය කල සියලු චරිත වලින් උකාහාගත් අත්දැකීම් සහ රථවාහන සම්බන්ධයෙන් වැඩකටයුතු කල දිවයිනේම ප්‍රසිද්ධ චරිත බොහෝ ලගින් ඇසුරු කිරීම මූලිකවම හේතු උනාය කියල මම හිතනව. බ්‍රශ් කුඩු එක්ක සුපර් ග්ලූ,සුපර් ග්ලූ එක්කබේබි ශෙරමි පවුඩර් සුපර් ග්ලූ එක්ක ඇන්කර් කිරි පිටි ,ලයිට් කණු වල තියෙන ටියුශන් සර්ලගෙ බකට් කම්බි, වයර් ටයි, ඇරල්ඩයිට්, වගේ දේවල් වලින් වාහනයක් මග නැවතුනාම තාවකාලිකව ප්‍රථමාධාරයක් දීල ගෙදර එන්න පුලුවන් කියල දන්න නිසා මට කිසිම වාහනේක යද්දි මේක මග නවතීවිද ගමන ගිහින් එන්න බැරි වේවිද වගේ අනාරක්ෂිත සිතුවිලි දැනිල නැහැ! ඒක නිසා සෑහෙන කාලෙකට පස්සෙ වෘත්තීය ජීවිතේ ගැන මේ ෆොටෝ එකේ තියෙන කතාවට මම සර්වයෙන් එකඟ වෙනව 💛

© madhawa rubashinghe

01/02/2025

දැණුම සහ අත්දැකීම්
====================

දැණුම කියන්නේ අපි පොතපතින්, අධ්‍යන කටයුතුවලින්, පරීක්ෂණ වලින්, ඉගෙන ගැනීමෙන් හෝ ඉගැන්වීමෙන් සහ තවත් බොහෝ මාර්ග වලින් ජීවිතයට ලබාගන්නා දෙයක්. අත්දැකීම් කියන්නේ ලබාගත් එම දැණුම භාවිතා කරලා ප්‍රායෝගිකව යම් ක්ෂේත්‍රයක්, වෘත්තීයක් හෝ විෂයක් සම්බන්ධයෙන් දිගුකාලීනව ජීවිතයට ලබාගත් දෙයක්. ඉතිං මේ දැණුම සහ අත්දැකීම් අපේ ජීවිතයට එකතු කරන්නේ අසීමිත වටිනාකමක්. ඒක මෙන්න මේ පොඩි කතාවෙන් තවත් පැහැදිලි කරගන්න පුළුවන්.

එක්තරා විශාල වෙළෙඳ දුම් නැවක් වටින කියන නොයෙක් බඩු භාණ්ඩ සමග වරයකින් පිටත්වෙලා වෙනත් රටක වරායකට ගමන් කරනවා. ගමනාන්තයට යන්න කලින් ගොඩබිම ආසන්නයේදී නැවේ ඇන්ජිම කාර්මික දෝෂයකට ලක්වෙනවා. නැව නතරවෙනවා. නැවේ සිටි කාර්මිකයෝ සහ කාර්යමණ්ඩලවලය එක් වෙලා මේ දෝෂය නිවැරදි කරගන්න එක එක විදියට උත්සාහ කරත් අවසානයේ බැරුව යනවා. කපිතාන් ඉතා අසරණ වෙනවා. පසුව තීරණය කරන්නවා ආසන්නම තියෙන කුඩා වරායට කණ්ඩායමක් යවලා වඩා දක්ෂ නැව් කාර්මිකයෙක් කඳවාගෙන එන්න. මේ අරමුණෙන් පිටත්වූ කණ්ඩායම හැමතැනම නැව් කාර්මිකයෙක් හෙව්වත් හොයාගන්න ලැබෙන්නේ නෑ. නමුත් ඔවුන්ට මහළු කාර්මිකයෙක් හොයාගන්න පුළුවන් වෙනවා. වෙන කරන්න දෙයක් නොමැති නිසා ඔහුව කැඳවාගෙන නැවට එනවා. කපිතාන්ට හඳුන්වා දෙනවා. මෙම මහළු මිනිසා දැකලා කපිතාන්ට කේන්ති යනවා. අර කණ්ඩායමට බැනවදිනවා.

"දැං ඔබට මේ නැව යතා තත්වයට පත්කරන්න පුළුවන් ද? කෝ ඔබ සතුව ඒ සඳහා උපකරණ ආයුධ තිබේද?"

කියා කපිතාන් මහළු කාර්මිකයාගෙන් අහනවා.

"ඔව් මට පුළුවන් උත්සාහ කරලා බලමු. නමුත් මා සතුව ඇත්තේ මේ මිටිය සහ තවත් යතුරු සහ නියන් දෙකක් පමණයි"

කපිතාන්ට හිනා යනවා නැවත කේන්ති යනවා. "මේ කුඩා ආයුධ මල්ලෙන් මේ විශාල නැවේ ඇන්ජිම මේ මිනිහා කොහොම හදන්නද?"අර කණ්ඩායමට නැවත බැන වදිනවා.

වෙන කරන්න දෙයක් නොමැති තැන මේ මහළු කාර්මිකයා ලවා නැව හදාගන්න තීරණය කරනවා. මහළු මිනිසා නැවේ ඇන්ජින් කාමරයට රැගෙන යනවා. කපිතාන් සහ කාර්යමණ්ඩලවලය මේ දෙස උපහාසයෙන් බලාගෙන ඉන්නවා. මහළු කාර්මිකයා නැවේ ඇන්ජිම වටා තුන් වරක් ගමන් කරනවා. ඇන්ජිම ලඟ එක්තරා තැනක නතර වෙලා එතැන පරීක්ෂා කරලා එම ස්ථානයට ඔහු ලඟ තිබූ මිටියෙන් පහරවල් දෙකක් ගහනවා. ඇන්ජිම නැවත පණගන්වන්නැයි ඔහු කපිතාන්ට කියනවා. පුදුමයි ඇන්ජිම පණගැන්වුණා. කපිතාන්ට ඉතා සතුටුයි. මහළු කාර්මිකයා ලඟට ගොස් ස්තුති කර

"මා හට කරන ලද මේ මහඟු උපකාරය වෙනුවෙන් ඔබට ප්‍රතිඋපකාරයක් කිරීමට අවශ්‍යයි. ඔබට මම මේ සඳහා ගෙවීමක් කරනවා. ඔබට මේ සඳහා කොපමණ මුදලක් අවශ්‍යද?"

මහළු කාර්මිකයා මදක් කල්පනා කර ඩොලර් 1000/= ඉල්ලනවා. මෙය ඇසූ කපිතාන්ට නැවතත් කේන්ති යනවා.

"එච්චර මුදලක් ඉල්ලන්න ඔබ කරපු මහ ලොකු වැඩේ මොකක්ද? මිටියෙන් පාරවල් දෙකක් ගැහුවට ඩොලර් 1000/= ඉල්ලන්න ඔබට ඔල්මාදද? ඩොලර් 1000= ගෙවන්න නම් ඔබ කරපු වැඩවල විස්තරයක් මට දෙන්න"

මහළු කාර්මිකයා මදක් කල්පනා කරලා ඔහු සතුව ඇති කුඩා ආයුධ මල්ලෙන් පැන්සලක් සහ ඉල්ලාගත් කඩදාසියක මෙහෙම ලියනවා.

"මගේ දැණුම සහ අත්දැකීම් වලට ඩොලර් 998/= සහ මිටි පහරවක් දෙකට ඩොලර් 2/=" ලෙස.

මේක කපිතාන්ට දෙනවා. කියවපු කපිතාන්ට නැවත සිනහ යනවා. කතාව තේරෙනවා. මහළු කාර්මිකයාගෙන් සමාව ඉල්ලනවා. ඔහුව අගයනවා. ඩොලර් 1000/= දීලා ගොඩනිමට පිටත්කරනවා.

බලන්න දැණුම සහ අත්දැකීම් අපේ ජීවිතයට කොපමණ වටිනාකමක් දෙනවද කියලා.

- Copied

01/02/2025

නව දුම්‍රිය සාමාන්‍යධිකාරි තුමාගේ සංකල්පයට අනුව ක්‍රියාත්මක "සතිඅන්ත ඈල්ල ඔඩ්සි දුම්‍රිය" මහනුවර දෙමෝදර දුම්‍රිය ස්ථානය අතර අද දින (2025.02.01) පෙ.ව. 09.45ට මහනුවර දුම්‍රිය ස්ථානයෙන් ගමන් ආරම්භ කරන ලදී. මෙම දුම්‍රිය සැම සෙනසුරාදා සහ ඉරිදා දිනකම ධාවනය වේ.

පළමු පන්තියේ වෙන්කල ආසන (AFC) 176 - Rs : 7,000/-
දෙවන පංත්යේ වෙන්කල ආසන (SCR) 176 - Rs: 6,000/-
තෙවන පංතියේ වෙන්කල ආසන(TCR) 44 - Rs: 5,000/-

Train proceed on dead slow at following View Points
👀 Horsteal fall
👀 Adamspeak view point
👀 St. Clair Water Fall
👀 Great Western Station (stoping)
👀 Elgine Water Fall
👀 Summit Level
👀 Tunnel No - 18
👀 Windbreak
👀 Kithal Ella Water Fall

🛑Train stopped at Ninearch bridge at 10 minutes

Photo credits Mr. Indika Weerakon & Shenal Kavesha Dias.

01/02/2025

අද ගොඩක් වැස්ස දවසක්. කොලඹ ඉදන් යන කෝච්චියේ එක කෑල්ලක ජනේලයක් ටිකක් තද විදිහට ඇරලා තිබ්බා. අපේ සමාජයේ මහත්තුරු කියන අය ඔතන ඉඳගෙන ඉදලා ශීට් එකත් තෙමෙන්න ඇරලා නැගිටලා ගියා.

ටික වෙලාවකින් ඒ සීට් එකට ආවේ සමාජයේ රස්තියාදු කාරයෙක් / කුඩු කාරයෙක් යැයි කියන හැඩරුවක් තියෙන මනුස්සයෙක්. ඔහු ඇවිත් ඒ විවෘත කරලා තිබුනු ජනේලෙත් වහලා ඔහුගේ හිසේ ගැටගසා තිබූ ලේන්සුව ගලවලා අරගෙන ශීට් එක වතුර බින්දුවක්වත් නැති වන විදිහට පිහදාලා නැහිටලා යන්න ගියා. ❤️❤️

සමාජයේ මහත්තුරු ලෙස හදුන්වන ෂර්ට් ඇදලා යට කරලා සපත්තු දාන මිනිස්සූ එහෙම හැසිරෙනකොට නිකන්ම නිකන් ටීෂර්ට් එකක් ඇඳලා, ශෝට ඇදලා බාටා දාලා කොන්ඩෙ ටිකක් වවාලා ඔලුවට ස්කාෆ් එකක් ගැට ගහපු ටිකක් කලුවට හුරු මනුස්සයෙක් සමාජෙ කියන විදිහට නම් ඔහු කුඩුකාරයෙක් එසේ සිදු කීරිම ගැන හිතට ආවේ අමුතුම හැගීමක් හිතට ආවා❤

Respect ❤ මනුස්සකමින් ❤🔥

උපුටා ගැනීමකි

31/01/2025

වසර කිහිපයකට පසු නැවතත් කන්කසන්තුරේ රාත්‍රි තැපල් දුම්රිය මංගල ගමන මෙසේ ආරම්භ වූ වගයි.

© mj roberts & ravindu

31/01/2025

ඔන්න ඕකයි ප්‍රශ්නය 😌😌

© Mr. CJS

30/01/2025

කෝච්චි වල උදේ හවස යන කෙල්ලො පට්ට කපටියි. උන් කරන්නෙ කෝච්චියේ යන්න පටන් ගත්තම ටික ටික කෝච්චිය ඇතුලේ පොඩි ගැන්සියකට සෙට් වෙන එක.

අහිංසක හිනාපාර දාගෙන හිටියම ඉතින් ඕනම අයියා කෙනෙක්ගෙ හිත් වෙඬරු වගේ උණු වෙනවා.හැබැයි කෙල්ලෝ ඔහොම මායම දාලා කොල්ලොව අල්ලගන්නේ උන්ගෙම වාසියට.

එතකොට සැමන් පැක්වෙලා වගේ යන කෝච්චියක සීට් එකක් අල්ලගන්න එක නතින්.මොකද මායමට අහුවෙච්ව එව්වෝ ඒක කරනවා.

ගැන්සිය එක්ක ඉන්නකොට ආරක්ශාවත් තියෙනවා.එතකොට අසහනකාරයෝ ජැක් ගහන්න එන ප්‍රවණතාවයත් අඩුයි.මොකද එහෙම උනොත් නස්පුක් වෙන්න සෙට් එකෙන් කන්න වෙනවා.අහිංසක හිනාව දාගෙන කොමළ කරන ගැන්සියේ කෙල්ලෙක් වෙනුවෙන් කෝච්චියෙන් එළියට පනින්න උනත් සූදානම් අයියලා කිහිප දෙනෙක්ම ඔය එක ගැන්සියක ඉන්නවා.

අනික තමයි ගැන්සියක ඉන්නකොට බෑග් එක කරේ එල්ලන් ඉන්න ඕනේ නෑ. වාඩි වෙලා ඉන්න එකෙක් දඩස් ගාලා බෑග් එක අරන් ඌගේ ඔඩොක්කුවෙන් තියා ගන්නවා.
කෙල්ල සුදුවට ලස්සනට පොශ් ලයින් එකට ඉන්නවා නම් අයි ෆෝන් එකක හිමිකාරියක් නම් ඉතා ඉහළම වරප්‍රසාද ලැබෙනවා.

මම දවස් ගානක් ඔය වගේ කෙල්ලෙක්ව නිරීක්ෂණය කරා.ඒ කෙල්ල වෙනුවෙන් ඕනම මොහොතක දිවි පුදන්න උනත් රෙඩි පිට හයේ හතරේ පොරක් සැදී පැහැදී ඉන්නවා. කෙල්ල කෝච්චියට නගින්නේ මම නගින ස්ටේශන් එකෙන්මයි. ඒත් අර බුවා කෝච්චියට අපේ ස්ටේශන් එකට කලින් ස්ටේශන් එකකින් කෝව්චියට නැගලා වාඩි වෙලා එනවා.
ඔන්න දැන් මේකිත් කෝච්චියට ගොඩවෙලා සෙනඟ පීරගෙන අර බුවා ගාවට යනවා. මේකිව දැක්කා විතරයි ප්‍රින්සිපල්ව දැකපු හෙඩ් ප්‍රිෆෙක්ට් වගේ දඩබඩ ගාලා මූ නැගිටිනවා.නැගිටලා අරකිට ශීට් එක දෙනවා. ඊට පස්සෙ ඒකිගේ බෑග් එක රැක් එකට දානවා.ඒකිගේ ඇඟේ කවුරුත් නොගෑවෙන්න පථාක යෝධයෙක් වගේ ඒකි ගාව හිටගන්නවා.ඔන්න ඉතින් ඊට පස්සෙ මුකුළු කරනවා.

දැන් ඉතින් මමත් මූන් දෙන්නා ගාවට වෙලා මේ කෝළම් බල බල ඉන්නවා.
මූ කියනවා " කවී මම ඔයාට ඊයේ රෑ ටෙක්ස්ට් එකක් දැම්මා ඔයා රිප්ලයි කරේ නෑනේ." මේ බලන්නකෝ කියලා ෆෝන් එක පෙන්නුවා.
මූ ඒකිගේ නම සේව් කරලා තියෙන්නේ
" කවී ❤️" කියලා.
ඒක බලපු කෙල්ල ඒකිගේ ෆෝන් එක ඔබලා ඔබලා මූගේ කන්වසේශන් එක පෙන්නුවා. " කෝ අනේ මට ආවේ නෑනේ "

ෆෝන් එක පෙන්නුවාම අරූගේ මූණ සත පහ වගේ උනා.ඒ මැසේජ් ආපු නැති එකට වඩා මූගේ නම්බර් එක ඒකි සේව් කරලා තිබ්බ විදිහ දැක්කමයි කියලා ඕන ඔටු ලබ්බෙක්ට තේරෙනවා. මූ ඒකිගේ නික් නේම් එකෙන් හාට් දාලා සේව් කරන් හිටියට ඒකි මූගේ නම්බර් එක සේව් කරන් හිටියේ අන්තිම අමන විදිහට.

" Train Madumal ( seat) 💔😎

-කැල්ලා ගමගේ.

30/01/2025

😂😂😂

29/01/2025

හයිඩ්‍රොසීලයක් යනු වෘෂණ කෝෂයක් වටා ඇති තුනී කොපුවේ තරලය එකතු වූ විට ඇතිවන වෘෂණ කෝෂයේ ඉදිමීමකි. එය සාමාන්‍යයෙන් වේදනා රහිත වන අතර ශල්‍යකර්මයකින් ප්‍රතිකාර කළ හැකිය. හයිඩ්‍රොසීල පිළිබඳ ප්‍රධාන කරුණු කිහිපයක් මෙන්න:

හේතු
1. තරල අසමතුලිතතාවය: ශරීරය අධික තරලයක් නිපදවන විට හෝ එය නිසි ලෙස බැහැර නොකරන විට හයිඩ්‍රොසීල ඇතිවිය හැක.
2. තුවාල හෝ කම්පනය: වෘෂණ කෝෂ වලට පහරක් එල්ල වීමෙන් තරලය වෘෂණ කෝෂයට කාන්දු විය හැක.
3. ආසාදනය හෝ දැවිල්ල: එපිඩිඩයිමයිටිස් හෝ ඕකිටිස් වැනි තත්වයන් හයිඩ්‍රොසීලයට හේතු විය හැක.
4. සංජානනීය තත්ත්වය: සමහර ළදරුවන් උපතින්ම ඇතිවන දෝෂයක් හේතුවෙන් හයිඩ්‍රොසීලයෙන් උපත ලබයි.

රෝග ලක්ෂණ
1. වෘෂණ කෝෂයේ ඉදිමීම
2. වේදනාව හෝ අපහසුතාව (සමහර අවස්ථාවල)
3. වෘෂණ කෝෂයේ බර හෝ වේදනාව
4. විශාල වූ වෘෂණ කෝෂය

රෝග විනිශ්චය
1. ශාරීරික පරීක්ෂණය: වෛද්‍යවරයෙකු වෘෂණ කෝෂය සහ වෘෂණ කෝෂ පරීක්ෂා කරනු ඇත.
2. අල්ට්රා සවුන්ඩ්: රෝග විනිශ්චය තහවුරු කිරීමට සහ අනෙකුත් තත්වයන් බැහැර කිරීමට.
3. ට්‍රාන්සිලුමිනේෂන්: තරලය පරීක්ෂා කිරීම සඳහා වෘෂණ කෝෂය හරහා ආලෝකයක් විහිදුවන්න.

ප්‍රතිකාර
1. සුපරීක්ෂාකාරීව බලා සිටීම: කුඩා හයිඩ්‍රොසෙල් තනිවම විසඳා ගත හැකිය.
2. ඉඳිකටු ආශ්වාසය: ඉඳිකටුවක් සමඟ අතිරික්ත තරලය ඉවත් කිරීම.
3. ශල්‍යකර්මය: තරලයෙන් පිරුණු මල්ල ඉවත් කිරීම ඇතුළත් හයිඩ්‍රොසෙල්ක්ටෝමි.

සංකූලතා
1. ආසාදනය
2. ලේ ගැලීම
3. පුනරාවර්තනය
4. වෘෂණ ක්ෂය වීම (හැකිලීම)

ඔබට හයිඩ්‍රොසෙල් ඇති බවට සැක කරන්නේ නම්, නිසි ඇගයීම සහ ප්‍රතිකාර සඳහා සෞඛ්‍ය සේවා වෘත්තිකයෙකුගෙන් විමසන්න.

උපුටා ගැනීම:-
අබුබකර් සර්ඩීක් උස්මාන් ✍️

9652 කොස්ගම - කොටුව සීඝ්‍රගාමී
2025/01/29
කොස්ගමින් තමා නැගලා තිබ්බෙ
😹😹

© de seram

29/01/2025

කුරිරු යුද්ධයෙන් නැවත උපන් ඇය..
M2 - 570 එහෙමත් නැති නම් කැනඩාවේ ඇල්බර්ටා ("Alberta") පලාත යන නමින් නම් කරපු දුම්රිය ඇන්ජිම කොළඹ ක්‍රමය යටතේ කැනඩාවෙන් ලංකාවට ලැබෙන්නේ 1954 අවුරුද්දේ. M2 ඇන්ජින් කාන්ඩය යටතේ ලංකාවට දුම්රිය ඇන්ජින් 14ක් කැනඩාවෙන් ආධාර වශයෙන් ලැබෙනවා. ඒ අතරින් ලැබෙන දෙවනි ඇන්ජිම ඇය තමයි. ඒ විතරක් නෙමෙයි. M2 කාන්ඩයේ ඇන්ජින් 14 අතරින් හොඳම කාර්යක්ෂමතාවයක් තිබුනේ ඇයටයි.

අසුව දශකයෙන් පස්සේ ශ්‍රී ලංකාව තිස් අවුරුද්දක් තිස්සේ කුරිරු යුද්ධයකට මුහුන දෙන්නට පටන් ගන්නවා. මේ කුරිරු යුද්ධය නිසා ලංකාවට අහිමි වන මිනිස් ජීවිත ප්‍රමානය අති විශාලයි. මේ කාලසීමාව තුල යුද්ධයෙන් බැට කන්නේ ශ්‍රී ලංකාවේ ආර්ථිකය, එදිනෙදා ජනජීවිතය පමනක් නොවෙයි. ශ්‍රී ලංකා දුම්රිය දෙපාර්තමේන්තුවටත් මේ තිස් වසරක කුරිරු යුද්ධය නිසා සිදු වෙන විනාශය අති මහත්. උතුරු නැගෙනහිර ප්‍රදේශ වල දරුණුවටම ඇවිලෙන මේ කුරිරු යුද්ධය නිසා ඒ පලාත් වල ජනතාව තමන් වාසය කරන ප්‍රදේශ අත හැර ශ්‍රී ලංකාවේ දකුණු පලාත් වලට සංක්‍රමනය වෙනවා. "යාපනය" උතුරු පලාතේ ප්‍රධානම වානිජ නගරය වගේම වැදගත්ම නගරය විදියට හඳුන්වන්න පුළුවන්. යාපනයට වගේම ලංකාවේ උතුරු පලාතට රටේ දකුණු දිගින් ගොඩබිම හරහා සම්බන්ධතාවය පැවතුනේ A9 (යාපනය - මහනුවර) ප්‍රධාන මාර්ගයෙන් සහ උතුරු දුම්රිය මාර්ගයෙන් පමනයි.

මේ ගොඩබිම් සැපයුම් මාර්ග දෙක වීරෝධාර රණවිරුවන්ට වගේම කුරිරු ත්‍රස්තයන්ටත් බොහෝම වැදගත් වුනා. රණවිරුවන් මේ සැපයිම් මාර්ග දෙක ආරක්ශා කරමින් ලංකාවේ උතුරු ප්‍රදේශ වල එදිනෙදා ජනජිවිතයට අත්‍යාවශ්‍ය සැපයුම් අඛන්ඩව කරගෙන යාමට උත්සහ දරද්දී, කුරිරු ත්‍රස්තයන්ට අවශ්‍ය උනේ මේ සැපයීම් මාර්ග දෙක විනාශ කරලා යාපනය ඇතුලු උතුරු පලාතේ එදිනෙදා ජනජිවිතය විනාශ කර දමන්නටයි. ඒ නිසා ත්‍රස්තවාදින් උතුරු මාර්ගය ඔස්සේ ගමන් කල දුම්රිය කිහිපයකටම මිලේච්ච බෝම්බ ප්‍රහාර එල්ලකලා. ඒ ප්‍රහාර වලින් සාමාන්‍ය ජනතාවට වගේම විරෝධාර රණවිරුවන්ටත් ජීවිත වලින් වන්දි ගෙවන්නට සිද්ධ වුනා. ඒ අතරින් දරුණුතම ප්‍රහාරය 1985 වසරේ ජනවාරි 19 වෙනිදා උතුර දකුණ යා කරපු සහෝදරත්වයේ දුම්රිය "යාල් දේවි" දුම්රියට එල්ල කල කුරිරු බෝම්බ ප්‍රහාරයයි. මේ ප්‍රහාරය එල්ලවුනේ මුරුකන්ඩි (MRK) - මාන්කුලම් (MKM) දුම්රිය ස්ථාන දෙක අතරේදියි. ඒ ප්‍රහාරයෙන් 48 දෙනෙක් ජීවිතක්ෂයට පත් වෙනවා.

ඒ ප්‍රහාරයෙන් පසුව යෝජනා වුනේ උතුරු දුම්රිය මාර්ගය වසා දැමීමටයි. නමුත් මේ දුම්රිය මාර්ගය උතුරට භාන්ඩ ප්‍රවාහනයේ ඇති අත්‍යාවශ්‍යතාවය නිසා බලධාරීන් තීරණය කරනවා දුම්රිය ධාවන කටයුතු උතුරු මාර්ගය ඔස්සේ දැඩි ආරක්ශක රැකවල් මැද සිදුකරගෙන යන්නට. කොහොම හරි තවත් අවුරුදු හතරක් උතුරු දුම්රිය මාර්ගය ඔස්සේ දුම්රිය ධාවනය ඉතා දැඩි යුධ හමුදා ආරක්ෂාව මධ්‍යයේ සිදු වෙනවා. 1990 අවුරුද්දේ ජූනි 13 වෙනිදා උදෑසන කංකසන්තුරයේ (KKS) සිට කොළඹ (FOT) බලා ගමන් කරන සීඝ්‍රගාමී දුම්රිය සුපුරුදු වෙලාවට ගමන් ආරම්භ කරනවා. ඇන්ජිම විදියට භාවිතා වෙන්නේ M4 එකක්. මේ වෙනකොට 570 Alberta නවතා තිබුනේ කංකසන්තුරේ ඉස්ටේසමේ. ඇය ඒ වෙනකොට පලෙයි (PAL) සහ කංකසන්තුරේ අතර කෙටි දුර දුම්රිය ධාවනය කරමිනුයි සිටියේ. කංකසන්තුරේ - කොළඹ සිඝ්‍රගාමී දුම්රිය කොළඹට ලඟා විමත් සමඟ දුම්රිය දෙපාර්තමේන්තුව තීරණය කරනවා උතුරු මාර්ගයේ දුම්රිය ගමනාගමනය තාවකාලිකව අත්හිටුවන්නට. මුලින් මේ තීරණය තාවකාලික එකක් වුනාට රුදිරු ත්‍රස්තවාදීන්ට පුළුවන් වෙනවා මේ තීරණය වසර විස්සකට වැඩි කාලයක් ඉස්සරහට දිගු කරන්නට. අවාසනාවන්ත ලෙස උතුරු දුම්රිය මාර්ගය සම්පූර්ණයෙන්ම වසා දැමෙනවා. තාවකාලිකව දුම්රිය දෙපාර්තමේන්තුව ගත් තීරණය විශාල අත් වැරැද්දක් වන්නේ ඊට පසුවයි. සම්පූර්ණ රාත්‍රී තැපැල් දුම්රියක්, ඔයිල් වැගන්ස් කිහිපයත්, භාන්ඩ ප්‍රවාහ ගැල් මැදිරි කීපයකුත්, 1990 ජූනි 13 වෙනිදා රාත්‍රී තැපැල් දුම්රිය මගින් කොළඹට ප්‍රවාහනය කිරීමට සූදානම් කර තිබුන භාන්ඩත් කංකසන්තුරය ඉස්ටේසමේ හිර වෙනවා. ඒ විතරක් නෙමෙයි. ඇය "Lady Alberta" ඇයටත් සිදුවෙනවා කංකසන්තුරය ඉස්ටේසමේ කිසිඳු හව් හරනක් නැතිව සිරවී සිටින්නට.

කාලය ගලාගෙන යනවා. යුද්ධය දරුණුවටම සිද්ධ වෙනවා. දුම්රිය සිල්පරකොට, රේල් පිලි වලින් බංකර් තැනෙනවා. කංකසන්තුරේ ඉස්ටේසම පිහිටලා තියෙන්නේ අධි ආරක්ෂිත කලාපයකයි. ඒ පලාලි ගුවන් හමුදා කඳවුරය යාබදවයි. කංකසන්තුරේ දුම්රිය ස්ථානයේ ගබඩා සංකිර්ණය හමුදා ගබඩා සංකීර්ණ හැටියට භාවිතා කරන්නට පටන් ගැනෙනවා. භාන්ඩ ප්‍රවාහන මැදිරි සහ තෙල් ප්‍රවාහන් මැදිරිත් ගබඩා කිරීම් වෙනුවෙන් යොදා ගන්නවා. ඩිසල් ඉලෙක්ට්‍රික් ඇන්ජිමක් වෙච්චි ඇල්බර්ටා බලශක්ති උත්පාදකයක් විදියට යොදාගත්තා කියලා සමහරු කියනවා. ඒත් ඒ කතාවේ ඇත්ත නැත්ත ගැන සැකයක් නම් මටත් තියෙනවා. කොහොමින් කොහොම හරි 1995 ඔක්තෝඹර් මාසයේ ඇරඹෙන "Battle of Jaffna" දෙසැම්බර් මාසයේ අති සාර්ථකව අපේ විරෝධාර රණවිරුවන් අවසන් කරන්නේ යාපනය නගරය අත්පත් කරගනිමිනුයි. මෙයින් පස්සේ දුම්රිය දෙපාර්තමේන්තුවට අවස්ථාව ලැබෙනවා දුම්රිය දෙපාර්තමේන්තුව සතු වත්කම් වල තත්වය නිරික්ෂනය කරන්නට. එයින් ප්‍රධානම වුනේ කංකසන්තුරේ ඉස්ටේසමේ අතහැර දමා තිබුනු M2-570 ඇල්බර්ටා දුම්රිය ඇන්ජිම සහ දුම්රිය මැදිරියි. වාසනාවකට වගේ එහි යන දුම්රිය දෙපාර්තමේන්තුවේ බලධාරීන්ට දකින්නට ලැබෙන්නේ ඉතාමත් හොඳ තත්වයේ තිබෙන ඇල්බර්ටා ඇන්ජිමයි. බලධාරීන් ඒ අවස්තාවේම තීරණය කරනවා ඇයව නැවතත් කොළඹ රැගෙන එන්නට.

ඇල්බර්ටා නැවත කොළඹ රැගෙන ඒමේ මෙහෙයුම ලේසි පහසු එකක් වුනේ නෑ. ඒකට මූලිකම හේතුව උනේ දරුණුවටම යුද්ධය ඇවිලෙමින් තිබුන ඒ වකවානුවේ ගොඩබිම් මාර්ග සියල්ලක්ම පාහේ ඇහිරි තිබීමයි. දෙපාර්තමේන්තුවට තිබුනු එකම විකල්පය වුනේ මුහුදු මාර්ගය. මේ බැරෑරුම් කාර්ය බාරදුන්නේ ඉංජිනේරු ඩිලන්ත ප්‍රනාන්දු මහතා, Chief Loco Foreman ලලිත් ෆොන්සේකා මහතා සහ Train controller ගුත්තිල වික්‍රමසිංහ යන මහත්වරුන්ටයි. කංකසන්තුරේ සිරවී තිබුන රාත්‍රී තැපැල් දුම්රියත්, තෙල් සහ භාන්ඩ ප්‍රවාහන මැදිරිත් සමඟ ඇල්බර්ටා දුම්රිය ඇන්ජිම යන සියල්ලම කොළඹට මුහුදු මගින් ප්‍රවාහට මුලින්ම තීරනය කලත් ඊට වැයවන අධික මූල්‍යමය වියදම නිසා අවසන් තීරනයකට එලඹෙනවා ඉතාමත් හොද මට්ටමෙන් තිබුන ඇල්බර්ටා ඇන්ජිම පමනක් කොළඹට ප්‍රවාහනය කරන්නට. ඇයට අවසානයේ සිදු වෙනවා වසර ගනනාවක් කංකසන්තුරේ ඉස්ටේසමේ ඇයගේ තනි නොතනියට උන්නු රුමේනියම් මැදිරිවලට වගේම තෙල් සහ භාන්ඩ ප්‍රවාහන ගැල් වලට සමුදීලා කොළඹ එන්නට.

ටොන් 79ක් බර ඇයව ඔසවන්නට පුළුවන් ආකාරයේ දොඹකරයක් තිබුනේ නෑ. ඒ නිසා දුම්රිය බලධාරීන් තිරණය කරනවා ඇයව කොටස් වලට වෙන් කරන්නට.

1998 වසරේ අප්‍රේල් මාසයේ දවසක "ලංකා මුදිත" නෞකාව කංකසන්තුරය දුම්රිය ස්ථානයට කිලෝමීටර දෙකක් දුර මුහුදේ නැංගුරම් දමනවා. ඒ කොටස් වලට වෙන් කල ඇල්බර්ටා ඇන්ජිම රත්මලානට රැගෙන ඒම සඳහා. කංකසන්තුරේ නාවුක වරායෙන් කුඩා යාත්‍රා මගින් කොටස් කල ඇයගේ කැබලි එකින් එක ලංකා මුදිත නෞකාවට රැගෙන ආවා. ටොන් 79ක් වෙච්චි සියලුම කොටස් නැවට පැටවීමෙන් පසුව "ලංකා මුදිත" නාවුක හමුදාවේ දැඩි ආරක්ෂක රැකවල් මැද ගැඹුරු මුහුදට යාත්‍රා කලා.

ඇල්බර්ටාගේ කොටස් රත්මලාන දුම්රිය වැඩබිමට ලැබීමෙන් අනතුරුව හැමෝගෙම එකම අභිප්‍රාය වුනේ ඉක්මනින් ඇයට නැවත පන ලබා දෙන්නටයි. දුම්රිය වැඩබිමේ සේවකයන් දිවා රෑ නොබලා තමන්ගේ උපරිමයෙන් වැඩ කිරීමේ ප්‍රතිඵලයක් විදියට මාස 04ක් වගේ කෙටි කාලයකින් ඇයට නැවත පණ ලබා දෙන්නට දුම්රිය දෙපාර්තමේන්තුවට හැකියාව ලැබුනා. 1998 අගෝස්තු 27 වෙනිදා එවකට දෙපාර්තමේන්තුව භාර ව සිටි අමාත්‍ය ෆවුසි මහතා විසින් ඇය නැවතත් ශ්‍රී ලංකා දුම්රිය දෙපාර්තමේන්තුවට උත්සවශ්‍රීයෙන් එක් කරනවා.

ඇල්බර්ටා වෙනුවෙන් දහඩිය හෙලපු දුම්රිය දෙපාර්තමේන්තුවේ හැමෝටම වගේම ත්‍රිවිද හමුදාවේ සියලුම දෙනාටම දුම්රිය ලෝලින් වන අපගේ ගෞරව පූර්වක ස්තුතිය පුදකල යුතුමයි..

මේ සටහන මම අද ඊයේ ලිව්ව එකක් නෙමෙයි. මේ ලිපිය මම මුලින්ම ලියන්නේ Elakiri.com වෙබ් අඩවියට. ඒ 2015 අවුරුද්දේ දෙසැම්බර් 08 වෙනිදා. මේ ලිපියට සියලුම තොරතුරු සහ පින්තූර ලබාදුන්නේ ඔස්ට්‍රේලියාවේ පදිංචි අකිල ආරියපෙරුම මගේ ආදරණීය මිත්‍රයා.

https://elakiri.com/threads/කුරිරු-යුද්ධයෙන්-නැවත-උපන්-ඇය.1714677/

© Nawoda Perera

6 month Schedule repair එකකින් පස්සේ පේන්ට් කරපු M4 752 " පේදුරුතුඩුව "...😍🔥 © lakshan

29/01/2025

CR450 EMU Train Prototype Unveiled in Beijing on December 29Building High-Level Self-Reliance and Strength in Railway Science and Technology, and Consolidating and Boosting China’s Leading Edge in High Speed Railway Technology

28/01/2025

කොළඹ ඉඳන් දෙමොදරට කෝච්චි පාර හදාගෙන ආපු සුද්දා දෙමෝදර station එක ලඟට ආවට පස්සේ "අනේ අය්යේ... අපි ඉවරයි " 😂

Ceylon Government Railway Magazine

02/02/2025

02/02/2025

02/02/2025

01/02/2025

01/02/2025

01/02/2025

01/02/2025

31/01/2025

31/01/2025

30/01/2025

30/01/2025

29/01/2025

29/01/2025

29/01/2025

29/01/2025

29/01/2025

28/01/2025

Address

Website

Alerts

Contact The Business

Videos

Shortcuts

Share

Category