365 Traveler

22/12/2023

හිම මල් තුහීන වලින් වැසී ගිය - හැටන් ප්‍රදේශය ❄️❤️

📷 credit goes to original photographer

05/12/2023

This is pretty cool. I was surprised by how small so many countries are.

30/11/2023

එංගලන්තේ ඉඳලා කොලඹට බස් සේවයක් තිබුන කියලා දැනන් හිටියද..? 😌

👇👇

'Dover - කොළඹ' නගරාන්තර බස්රථ සේවාව

දින 42 ක් - කිලෝමීටර් 20,000 ක් ........🌏🇱🇰🇬🇧
ලොව දෙවැනි දීර්ඝතම බස් රූට් එක...

🔃 ගමන් මාර්ගය :
Dover - Dunkirk - පැරිස් - වැනීසිය - ඉස්තාන්බුල් - ටෙහෙරාන් - කාබුල් - ලාහෝර් - දිල්ලි - රාමේෂ්වරම් හරහා කොළඹ

එංගලන්තයේ Penn Overland Tours සමාගම විසින් 1959-08-17 දින මෙම Dover - කොළඹ බස්රථ සේවය ආරම්භ කර ඇත.

කාර්යමණ්ඩල සාමාජිකයින් 4 දෙනෙක් සහ මගීන් 10 දෙනෙකු එක් ගමන් වාරයක් සදහා ඇතුළත් විය.
ගමන සදහා එක් අයෙකුගෙන් £78 ක් (රු. 32, 930) අය කර තිබුණි.
එය වර්තමානයේදී ගතහොත් £2300 කට (රු. 970, 000) ආසන්න ගණනකි.

ගමන් කාලය පුරාවටම බස්රථය තුළදීම ආහාර පාන පිළියෙළ කරගෙන ඇති අතර, මගීන් සදහා කුඩා නිදන ඇදන්, විදුලි පංකා සහ heaters සහිත විය.

එංගලන්තයේ Dover වරායෙන් Night Ferry service ඔස්සේ ප්‍රංශයේ Dunkirk වෙත ළගා වී, එතැන් සිට පැරීසිය, ඉතාලිය, තුර්කිය, ඉරානය - ඇෆ්ගනිස්තානය - පාකිස්තානය - ඉන්දියාව - රාමේෂ්වරම් තොටුපොළ දක්වා ගොඩබිම් මාර්ග ඔස්සේ පැමිණෙන බස්රථය ඉන්පසු නැවකට පටවා කොළඹට රැගෙනවිත් ඇත.

ඒ වන විටත් ලොව දීර්ඝතම බස්රථ සේවාව වූ ලන්ඩන් - කොල්කටා බස් සේවාව Albert Tours ආයතනය විසින් ආරම්භ කර තිබූ අතර, ඒ සදහා දින 50 ක් ගතවූ අතර ටිකට්පතක මිල £85 ක් විය. ඔවුන් කොල්කටාවට එන අතරමග ඇති ප්‍රසිද්ධ සංචාරක ගමනාන්තයන්හි නතර කරමින්, ඒවා මගීන්ට දැක බලා ගැනීමට අවස්ථාවද සැලසීම නිසා වැඩි ගමන් කාලයක් ගතවූ අතර, ගාස්තුවද වැඩිවිය.

අඩු වියදමකින්, අඩු ගමන් කාලයකින් මගීන්ට සේවාව සැපයීමේ අරමුණින් Penn Overland Tours ආයතනය විසින් මෙම Dover - කොළඹ බස් සේවය ආරම්භ කර ඇත.

කෙසේ වෙතත් ලන්ඩන් - කල්කටා බස් සේවාව 1976 වසර වන තෙක්ම ක්‍රියාත්මක වී ඇති නමුදු, Dover - කොළඹ බස් සේවාව කොපමණ කලක් ක්‍රියාත්මක වූවාද යන්න පිළිබඳව නිශ්චිත සදහනක් නැත.

==========================================================================

බොහෝ තැන් ලන්ඩන් - කොල්කටා ලොව දීර්ඝතම බස් රූට් එක ලෙස සදහන් වේ.

නමුත් සත්‍ය එය නොවේ.
1968 වසරේදී Albert Tours විසින්ම ආරම්භ කළ ලන්ඩන් - සිඩ්නි බස් සේවාවට ලොව දීර්ඝතම බස් සේවාවේ ගෞරවය හිමිවිය යුතුය.

එය London - Dover - Dunkirk - Paris - Venice - Istanbul - Tehran - Kabul - Peshawar - Lahore - New Delhi - Agra - Banaras හරහා කොල්කටාවට පැමිණ ඉන්පසු මියන්මාරය - තායිලන්තය හරහා සිංගප්පූරුවට පැමිණේ.
සිංගප්පූරුවේ සිට බස්රථය නැවකට පටවා ඕස්ට්‍රේලියාවේ Perth දක්වා රැගෙන ගොස් එතැන් සිට 4000 km දුරක් ගෙවා සිඩ්නි වෙත පැමිණ ඇත. ගමන් සදහා දින 132 ක් ගතවී ඇත.

1976 වසරේදී බස් සේවාව නවතා දමන තෙක් ලන්ඩන් සිට සිඩ්නි දක්වා මෙලෙස ගමන්වාර 15ක් පමණ සාර්ථකව නිමා කර ඇත.

දෙවැනියට ලොව දීර්ඝතම බස් සේවාව ලෙස Dover - කොළඹ හැදින්විය හැක.

එංගලන්තයේ සිට සිඩ්නි/ කොල්කටා/ කොළඹ දක්වා ධාවනය වූ බස් සේවාවන් සදහා යොදාගෙන ඇත්තේ AEC, BMC, British leyland බස්රථයි.

==========================================================================

වර්තමානයේදී ලොව දීර්ඝතම බස් රූට් එක ලෙස පේරුහි ලීමා නුවර සිට බ්‍රසීලයේ රියෝද ජැනෙයිරෝ දක්වා ධාවනය වන බස් සේවාව හදුන්වන බව අන්තර්ජාලයේ සහ බොහෝ ලිපි වල දැක ඇත.
එහි මුළු දුර 6200 km වූ අතර, ගමන් කාලය පැය 102 කි.
Ormeño S.A බස් සමාගම විසින් Marcopolo බද සහිත Scania, Volvo බස්රථ මේ සදහා යොදවා තිබූ අතර, සතියේ සෑම බදාදා සහ ඉරිදා දිනකම බස්රථයක් ධාවන‍ය විය.

කෙසේවෙතත් 2018 වසරේදී මෙම සේවාව ඔවුන් විසින් නවතා දමා ඇත. 😅
දැනට වසර 5 ක් ගතවී ඇතත් අදටත් බස් ධාවනය වන ලොව දීර්ඝතම බස් සේවාව කුමක් දැයි මේ වනතුරු හදුනාගෙන නොමැත.

ඒ අනුව වර්තමානයේදී ධාවනය වන ලොව දීර්ඝතම බස් සේවාව කුමක්දැයි නිශ්චිතව සදහනක් නොමැත.

©️ J.T
Old Bus Photos Collectors Association ™️ - 2k23

උපුටා ගැනීමකි. සියළු ගෟරවය මුල් හිමිකරුට. 🖤

22/11/2023

උදෑසන කුරුනෑගල අහසේ කලාතුරකින් දැකිය හැකි දසුනක් 🌞☁️🌸🌬️❤️🙏

📷 Credits goes to respective owners

21/11/2023

අම්බුළුවාව 🐾️🌷😘

Ambuluwawa
Sri Lanka 🇱🇰

📷 Credits goes to respective owners

21/11/2023

මේක නම් දිව්‍යලෝකයෙන් වැටිච්ච කෑල්ලක් 🥹🥰🌿🤍😍🔥

@2 ඔයාව GreenAcres Leisure Resort එකට එක්කන් යනවලු 😁🥳🥰

Credit Always Goes to respective owners ❤️

21/11/2023

Mirissa - Sri Lanka ❤️
#මිරිස්ස 🌴🌴 🇱🇰

18/11/2023

Welcome back, Nas Daily to Sri Lanka! 🏞🇱🇰

15/11/2023

දඹුල්ල ❤️😍✈️
Sri Lanka Balloon

📷 Credit goes to original photographer

15/11/2023

බලංගොඩ මානවයාගේ කුතුහලය පිරි අවමඟුල් සිරිත්

මළ සිරුරු ආදාහනය වර්තමානයේ අපේ අවමඟුල් සිරිතකටත් වඩා සමාජ තත්ත්වය පෙන්වන දෙයක් වෙලා. අධික වියදම් දරලා අවමඟුල් උත්සවශ්‍රීයෙන් පැවැත්වීමට බොහෝ දෙනා උත්සාහ කරන්නේ ඒකනෙ. අදින් අවුරුදු 38000කට එහා ජීවත් වුණු බලංගොඩ මානවයාගේ කාලෙ කෙනකු මියගිය පසු ඔහුගේ අස්ථි ජීවත්වන ලෙන තුළ ම යාන්තම් වළ දමා මානව පිරිස එහි ම ජීවත්වූ බව කැණීම්වලින් හෙළි ව තිබෙනවා. මේ අවමඟුල් චාරිත්‍ර ගැන සොයා බැලීම කුතුහලය දනවන වැඩක්.

මධ්‍ය ශිලා යුග මානවයන් ආදාහනය කළේ කොහොමද?

අවමඟුල් චාරිත්‍ර ගැන ආදි ම සාධක අපට හමුවන්නේ මධ්‍යශිලා යුගය හෙවත් මෙසොලිතික යුගයෙනු යි. ඒ බලංගොඩ මානවයන් ලෙස සැලකෙන මානව ජනාවාසවලින්. ශ්‍රී ලංකාවේ මධ්‍යශිලා යුගය පිළිබඳ කාලනීර්ණ අනුව බුලත්සිංහල ෆාහියන්ලෙන අදින් වසර 48,000ක අතීතයකට ද, කුරුවිට බටදොඹලෙන අදින් වසර 37,000කට ද, කිතුල්ගල බෙලිලෙන අදින් වසර 31,000කට ද අයත් වන කාලනිර්ණ ලැබී තිබෙනවා. මේවා කැණීමේ දී මළ සිරුරු ආදාහනය ගැන විවිධ සාක්ෂි හමුවී තිබෙනවා.

ඒ කාලෙ කර තිබෙන්නේ මරණයට පත් ඥාතියාගේ මළසිරුර ගුහාවෙන් ඉවත එළිමහනක දමා එහි මස් දියවී ගිය පසුව ඇටසැකිල්ල හෝ එහි කොටස් එම තැනැත්තා ජිවත් ව සිටි ලෙනට හෝ එළිමහන් ජනාවාසයට ගෙනවිත් තැන්පත් කිරීම යි. බොහෝවිට එසේ තැන්පත් කර ඇත්තේ නැවුණු ඉරියව්වකින් බව හෙළි වී තිබෙනවා. ඉන් පසුව එම ලෙනේ ම අනෙක් ඥාතීන් ජීවත් ව සිටියා. අද නම් මිනී ඇටකටු සමඟ ජීවත්වීම බොහෝ දෙනාට බය හිතෙන කාරණයක්. මේ ගැන පැහැදිලි සාධක පී. ඊ. පී. දැරණියගල කළ කැණීම්වලදී ඇඹිලිපිටියේ බෙල්ලන්බැදිපැලැස්සෙන් හමු වි තිබෙනවා. එය අවුරුදු 6,000ක් පැරණි සුසානයක්.

රාවණ ඇල්ල ලෙනෙන් ගුරුගල් පාට ආලේප කළ මිනිස් හිස් කබල් කොටසක් ද පී. ඊ. පී. දැරණියගලට හමු වුණා. අස්ථිවල පාට ආලේප කිරීම මරණයෙන් පසු කරන ඇදහිලි ක්‍රමයක් බව ඒ අනුව පේනවා. බෙල්ලන්බැඳි පැලැස්සට සමාන සුසානයක් මන්නාරමේ පොම්පරිප්පුවලිනුත් හමුවුණා.

එය මූල ඓතිහාසික කාලෙට අයත් කර තිබෙනවා. දඹුල්ල ඉබ්බන්කටුව, යාපනය කන්තරොඩෙයි, කුච්චවේලි කොක්ඇබේ, යාපහුව ගල්සොහොන්කනත්ත, රංචමඩම, කෝන්වැව ආදී ස්ථාන මෙවැනි සුසාන හමු වී ඇති තැන් කිහිපයක්.

නවා වළ දැමීම

මියගිය පුද්ගලයකු වළ දැමීමේ දී නමා හකුළා වළ දැමීම හෙවත් උක්කුටි කයෙන් වළ දැමීම ගැන සාධක බෙල්ලන්බැඳිපැලැස්ස, රාවණා ඇල්ල සහ මිනිඇතිළියෙන් ලැබී තිබෙනවා. බෙල්ලන්බැඳිපැලැස්සෙන් පුද්ගලයන් 12 දෙනකුගේවත් ඇටකටු ලැබී ඇතැයි සිරාන් දැරණියගල සඳහන් කරනවා. බළන්ගොඩ මානවයා, මියගිය පුද්ගලයකු භූමදාන කරන විට – වළ දැමීමේ දී – බටහිර දෙසට හිස සිටින සේ වළ දමා තිබීම කැණීම්වලින් හෙළි වී ඇති කරුණක්. බටදොඹ ලෙනින් ද නවා හැකිළූ ඇටසැකිලි කොටස් ලැබී තිබුණා. ලෙන් බිම යන්තම් හාරා ඇටසැකිලි තබා ඒ මත ඉවතලන කසළ දමා තිබෙනවා.

අදත් යමෙක් මරණයට පත්වූ විට ආදාහනය කරන්නේ හිස බටහිර දෙසට සිටින ලෙස යි. බලංගොඩ මානවයා එසේ හිස දමා ඇත්තේ සූර්යා දෙසට හිස සිටින සේ බවට අනුමාන කරනවා. මධ්‍ය ශිලා යුගයේ සිට පූර්ව ඓතිහාසික යුගයට එන විට මානවයාගේ අවමඟුල් චාරිත්‍ර තරමක් දියුණු වෙනවා. එකල විධිමත් භූමදාන ක්‍රම පැවති බව හෙළිවී තිබෙනවා. මේ එවැනි සුසාන ක්‍රම කිහිපයක් ගැන කළ සොයා බැලීමක්.

සුසාන ක්‍රම ගැන වැදගත් සාක්ෂි දෙන ඉබ්බන්කටුව

දඹුල්ලට නුදුරුව පිහිටි හෙක්ටයාර් 13ක භූමිය වසා පැතිරී පවතින ඉබ්බන්කටුව සුසාන භූමිය මෙගලිතික හෙවත් මහාශිලා සම්ප්‍රදායට අයත් ගල් කුටීර ස්වරූපයේ සොහොන් ගණනාවකින් සමන්විත යි. එහි කාලය ක්‍රිස්තු පූර්ව 770-350 අතරට අයත්. මෙගලිතික සුසාන සඳහා ශිලා මාධ්‍ය භාවිත කර තිබෙනවා. ශිලා පුවරු , ශිලා ටැඹ, ශිලා කුට්ටි භාවිත කර සුසාන ගැබ් තනා තිබෙනවා. කැණීමෙන් සොයාගැනුණු සොහොන්ගත කිරීම් හතළිස් හතෙන් විසි එකක් තුළ මළවුන්ගේ අළු තැන්පත් වූ මැටි භාජන තිබුණා.

ඉබ්බන්කටුව සුසානය ශ්‍රී ලංකාවෙන් හමු වූ මූල-ඓතිහාසික සුසාන භූමි අතුරෙන් විශාලත ම භූමිය යි. සුසාන කුටියේ මිය ගිය කෙනාගේ අවශේෂ තැන්පත් කර ඇති මංජුසා හා බරණි අසල ම මැටි බඳුන්වල මියගිය පුද්ගලයා භාවිත කළ භාණ්ඩ තැන්පත් කර තිබී හමු වුණා. මේ ආකාරයේ ම ක්‍රමයක් ඊජිප්තු පිරමිඩවලත් දකින්නට ලැබෙනවා. ඉබ්බන්කටුවෙන් ඒ අන්දමේ වළං 180ක් හා වළං කැබලි 14,000 පමණ ලැබුණා. එම මුට්ටිවල තුළ තිබී සුවඳ විලවුන්, පබළු, තඹවලින් තැනූ අඤ්ජන කුරු, ලෝහ පළඳනා, සත්ත්ව ඇටකටු, ඇත්දළ භාණ්ඩ, ඊ හිස්, යකඩ කැබැලි වැනි පුරාවස්තු හමු වුණා. මේවා අද එතැන තනා ඇති කටුගෙයි දැකබලාගත හැකි යි.

මැටි ඔරු සුසාන (Clay canoe/Clay cist)

මේ ආදාහන ක්‍රමය ශ්‍රී ලංකාවට ම ආවේණික ලෙස සැලකෙනවා. පොළොවේ මැටියෙන් තැනූ ඹරු ආකාර ආකෘතියක් ගත් සොහොන් තුළ මළ සිරුර හෝ අස්ථි කොටස් දමා පසුව දවා තිබෙනවා. 1952 වසරේදී පී. ඊ පී. දැරණියගල මාතර බණ්ඩත්තර දී පළමුවෙන් මෙම සුසාන වර්ගය වාර්තා කර තිබෙනවා. ඉබ්බන්කටුවෙන් ද ක්‍රිස්තු පූර්ව 720 ට අයත් මැටිඔරු සුසානයක් හමුවුණා.

1996 දී ආචාර්ය නිමල් පෙරේරා වාරණට නුදුරු ඕගොඩපොළ කළ නමැති ස්ථානයේ කැණිමක් කළා. එමි මැටි ඹරු ක්‍රි.පූ 250 ට අයත් වන බවට කාලනීර්ණවලින් හෙළි වුණා. රුවන්වැල්ලේ නිකවලමුල්ලේ කළ කැණිමකින් මැටි ඔරු සුසානයක් ලැබුණු අතර එහි කාලය ක්‍රිස්තු පූර්ව 400ට අයත්. රාජ් සෝමදේව ඇඹිලිපිටිය රංචමඩමේ 2006 දී මැටිඔරු සුසානයක් කැණීම් කළා. එහි කාලය ක්‍රිස්තු පූර්ව 1359 ට දිව යනවා. සෝමදේව ම සිදු කළ හල්දුම්මුල්ල සුසාන කැණිම ක්‍රිස්තු පූර්ව 1750 ක් අතීතයට අයත්.

ශිලා මංජුසා සුසාන (Cist burial)

අප රටේ පූර්ව ඓතිහාසික අවධියෙන් බහුල ලෙස භාවිත කළ සුසාන වර්ගයක් තමයි මේ. මේ වර්ගයට අයත් සුසාන බිම් උතුරු මැද, වයඹ, මධ්‍යම හා නැඟෙනහිර පළාත්වලින් හමු වුණා. මෙහි දී කර ඇත්තේ ශිලා පුවරු හතරක් භාවිත කර මංජුසාවක් සේ පොලොවේ සිටුවා ඒ තුළ ඇටකටු ආදිය තැන්පත් කිරීම යි. විශාල සහ කුඩා ප්‍රමාණවලින් මේවා හමුවෙනවා.

ශෛලමය කුටිය තුළ මැටි මුට්ටිවල අස්ථි හෝ මළ සිරුර දහනය කළ අඟුරු තැන්පත් කර ඒ සමඟ මිය ගිය පුද්ගලයා භාවිත කළ භාණ්ඩ කිහිපයක් ද වළ දමා තිබෙනවා. ලංකාවේ ශිලා මංජුසා සුසාන වැඩි ම ප්‍රමාණයක් දැනට වාර්තා වන්නේ මල්වතු ඔය, යාන් ඔය, කිරිඳි ඔය, දැදුරු ඔය, දඹුලු ඔය ආදී ගංගා නිම්න ආශ්‍රිත ව යි.

ශිලා කේතුක සුසාන (Cairn mound)

ශිලාකේතුක සොහොන් ගැබ් තනා තිබෙන්නේ කැටගල් හෝ ගල්පුවරු කන්දක් සේ ගොඩ ගැසීමෙන්. මිය ගිය අයගේ භෂ්මාවශේෂ මුටිටිවල දමා ඒ මත තමයි ගල් ගොඩ ගසා තිබෙන්නේ. මියගිය පුද්ගලයාගේ ආභරණ ආදී භාණ්ඩත් මැටි භාජනවල දමා තිබෙනවා.

කොක්එබේ, හොරොව්පොතාන අසල නිකවැව,මොරගොඩයාය, ගොරකපැලැස්ස, නීලගිරිසෑය, කෝවිල්තැන්න, සෙට්ටිවත්ත, මාමඩුව යන ස්ථානවලින් මේ සුසාන ලැබී ඇති බව ආචාර්ය තුසිත මෙන්ඩිස් සදහන් කරනවා.

ශිලා පෙළ සුසාන (Alignment)

මේක දුලබ සුසාන ක්‍රමයක්. ශ්‍රී ලංකාවෙන් හමුවී තිබෙන්නේ එක් සුසානයක් පමණයි. එය හමුවන්නේ කොක්ඇබේ මහාශිලා සුසාන බිමෙනු යි.

එහිදී කර තිබෙන්නේ මීටර් එකක් පමණ උස ශිලා පුවරු සිරස් අතට පෙළක් ලෙස පොළොවේ සිටුවා ශිලා පෙළ දෙපැත්තේ ම සුසාන බරණි සහ පූජා මුට්ටි වළ දැමීම යි.

බරණි සුසාන (Urn pot)

ඓතිහාසික යුගයේ ශිෂ්ටාචාරයට පැමිණීමට පෙර මිනිසුන් සිය මළ සිරුරු තැන්පත් කළ තවත් ආකාරයක් වන්නේ මැටි බරණි තුළ අස්ථි කොටස් දමා වළ දැමීම යි. එම බරණි ප්‍රමාණයෙන් විශාල යි. මේ ආකාරයේ වළ දැමීම් පොම්පරිප්පු, මාකේවිට, කොක්ඇබේ, ඉබ්බන්කටුව, තම්මැන්නාගොඩැල්ල ඇතුළු ස්ථාන කිහිපයකින් ම හමුවුණා.

පොම්පරිප්පුවේ බරණි තුළ මානව අස්ථි, දත්, පබළු, තඔ වළලු, යකඩ කොටස් තිබී හමු වුණා. ඉබ්බන්කටුවෙන් පමණක් හමු වූ බරණි සුසාන සංඛ්‍යාව 21ක්.

ශිලා මංචක සුසාන (Delmenoid)

මෙම සුසාන ආකෘතිය ශිලා මංජුසා සුසානයට සමාන වුවත් ඊට වඩා විශාල යි. මේ ගැන ජනප්‍රිය ම උදාහරණය හමුවන්නේ රඹුක්කන පදවිගම්පොළින්. පොළොවෙන් ඉහළට සිරස් අතට සිටුවන ලද විශාල ගල් පුවරු ගල් ගෙයක් ආකාරයට තනා එම කුටිය තුළ බරණි තැන්පත් කර තිබුණා.
හොරොව්පොතානට නුදුරු වාහල්කඩ ප්‍රදේශයේ සහ කහටගස්දිගිලියට නුදුරු ගල්ඇඳකටුව නම් ස්ථානයේ ද මෙවැනි සුසාන ඇති බව ආචාර්ය තුසිත මෙන්ඩිස් සඳහන් කරනවා.

Kusumsiri Wijayawardena
උපුටා ගැනිමකි..
මුල් හිමිකරුට ස්තුතිය 🌹

15/11/2023

කණ්ඩලම හෝටලයේ ගෘහනිර්මාණ ශිල්පී Jeffery Bhava ගේ ගෙදර දැකල තිබුනද 😲🍃🥰🥀🌿🏡 . නියමයි නේ ♥️

📷 Credit goes to original photographer

14/11/2023

ලංකාව කියන්නෙ පාරාදීසයකට😍🌿😱 ගොඩක් අය දන්නෙත්නෑ මෙහෙම තැනක් ලංකාවේ තියෙනවා කියලා🤧🌺💚😍🌿🐬🌲🍀❤️

Gartmore Falls | Maskeliya 🍃💦

නුවරඑළියේ සිට දුර - 73.2 km (පැය 2 විනාඩි 28)

ගාට්මෝර් ඇල්ල පිහිටා ඇත්තේ නුවරඑළිය මස්කෙළිය නගරයේය. එය උසින් මීටර් 25 ක් වන අතර එය ශ්‍රී පාද ශුද්ධ කන්දට ආසන්නව පිහිටා ඇති බැවින් එය "ශ්‍රී පාද ඇල්ල" හෝ "ආදම්ගේ කඳු මුදුන" ලෙසද හැඳින්වේ. ගාට්මෝර් වතුයාය තුළ පිහිටා ඇති ගාට්මෝර් දිය ඇල්ල මස්කෙළිය ජලාශයට වැටේ. එය ගාට්මෝර් දිය ඇල්ලට ඉහළින් එක්වන දිය පහර දෙකකින් පෝෂණය වේ. මෙම සෑම දිය පහරක්ම එක් වීමට පෙර දිය ඇල්ලක් නිර්මාණය කර ගාට්මෝර් වතුයාය තුළ පිහිටා ඇත. Upper Gartmore Falls සහ Lower Gartmore Falls ලෙස නම් කර ඇති මෙම දිය ඇලි දෙක ඒකාබද්ධව Gartmore Estate Waterfalls හෝ Gartmore Falls ලෙස හැඳින්වේ.

ගාර්ට්මෝර් ඇල්ල වෙත පැමිණීම

නුවරඑළියේ සිට අවිස්සාවේල්ල - හැටන් - නුවරඑළිය මහා මාර්ගය ඔස්සේ ගමන් කර හැටන් - මස්කෙළිය - ඩල්හවුසි මාර්ගයේ නානුඔය, කොටගල, හැටන් සහ දික්ඔය පසුකර මස්කෙළිය දක්වා ගමන් කරන්න. මස්කෙළියේදී ගාට්මෝර් පාරට හැරී මෙම මාර්ගයේ ගමන් කර ගාට්මෝර් ඇල්ල වෙත ළඟා විය යුතුය.🍃🇱🇰

ලංකාවේ ලස්සන ලංකවේ අයට බලන්න නැතුව මොකටද. ගියාට කමක් නෑ විනාශ කරන්න එපා..

Creadit goes to original photographer 📸

08/11/2023

මේ නුවරඑළියට/ මහනුවරට සංකේතයක් වුන අවුරුදු 200කටත් වඩා පැරණි තැපැල් ස්ථාන
📮📭📫✉️

📷 Credit goes to original photographer

08/11/2023

- දැන් නම් එහේ කොටි පාරාදීසයක් "හෝර්ටන් තැන්නේ සුන්දරත්වය" 🌼☘️🌸🍁🐾

📷 credit goes to original photographer

06/11/2023

Huge lightning strikes over Colombo City 🇱🇰

Sony A7RV + 16-35mm GM


📷 Credit goes to original photographer
https://www.facebook.com/ThilinaKWP?mibextid=ZbWKwL

06/11/2023

තනිවුනු ගම පුංචි නවසීලන්තය හෙවත් "මැණික්පාලම"😱😮🌳💐🍃🇱🇰

මැණික්පාලම කියන්නේ ලංකාවේ තියෙන සුන්දරම ගමක් කීවොත් වැරදි නෑ. නම කීවට ලංකාවේ මිනිස්සුන්ගෙන් 5% ක් වත් අහල නැතුව ඇති.කොටින්ම කීවොත් ආසන්නතම නගරයක් වන අපි කවුරුත් දන්න "තලවකැලේ" මිනිස්සුවත් මේ ගම ගැන දන්නේ නෑ.එතරම්ම හුදකලා ගමක්...සමහර විටක මේ ගම ආශ්‍රිතව තිබෙන ලංකාවේ දෙවැනි විශාලතම කිරි හරක් ගොවිපල වන ජාතික පශු සම්පත් සංවර්ධන මණ්ඩලයට අයත් මැණික්පාලම ගොවිපල නොතිබෙන්නට මේ ගම තවත් හුදකලා වීමට ඉඩ තිබුණා වගේම මේ ලියමන සතු කතුවරයාවත් මේ ලියමන නොලියා ඉන්නට තිබුනා..මාගේ උසස් අධ්‍යාපන කටයුතු නිමා කිරීමෙන් පසුව රැකියා පුහුණුව සදහා මා තෝරාගත්තේ මේ ගොවිපලයි.

ඉතින් මේ ගම ආශ්‍රිතව තිබෙන ඉතාමත් අලංකාර camping site එකක් නිසා බිදක් හෝ මේ පිලිබද ජනතව අතර සමාජ මාධ්‍ය ජාලාවල පලවනවා දැකගන්න පුලුවන්. ඒත් ඉතාම සුලුවෙන්. මෙහි ඇති "හරිත කන්ද" නමින් හදුන්වන අති අලංකාර කන්ද නිසා ගම තවත් හැඩවෙනවා.ගම එක් පැත්තකින් මායිම් වන්නේ හෝටන්තැන්න රක්ෂිතයට.කිරිගල්පොත්ත කන්ද හරි ලස්සනට මෙහිදී දැකගන්න පුලුවන්. ඒ වගේම අනික් පසින් හරිතකන්ද සහ පාත්‍රාගල කන්ද යන කදු අතරින් පිහිටි සානුවෙන් බැසගියගොත් බගවන්තලාව යන නගරයට ගල් තලා මතින් චිත්තාකර්ෂණීය තේ වතු යායක් මැදින් බැස යන්නට පුලුවන්.බගවන්තලාව නගරයේ සිට කදුපන්තිය දෙස බැලූකල හරිතකන්ද උඩින්ම දැකගන්න පුලුවන්.ගල් තලාවට ආවම සමනළ කන්ද දෑස් ඉදිරිපිට ඉතාම අලංකාරව දැකගන්න පුලුවන්.ඉර බැසයන සැන්දෑවකනම් එය චිත්‍රයක් වගේ දර්ශනයක්..

මෙයට පිවිසෙන ආකාරය ගැන කතා කලොත් හැටන් වල සිට ආගරපතන කියන නගරයට ගමන් කරන්න ඕනෙ. තලවකැලේ සිට උනත් ගමන් කරන්න පුලුවන්.(32km) එතන ඉදන් බෝපත්තලාව කියන ගමට යන්න ඕනේ.(6km)එතන ඉදන් තවත් 6km ගියාම තමා මැණික් පාලම ගම හම්බවෙන්නේ.බගවන්තලාවේ ඉදන් එනවනම් හැටන් වල ඉදන් දික්ඔය නෝවුඩ් පාරේ බගවන්තලාවට ඇවිල්ලා සානුව ඔස්සේ කන්ද තරණය කරලා එන්න ඕනේ. වාහන කිසිවක එන්න බෑ. අඩුමගානේ බයික් එකක්වත්.වාහන වල එනවනම් අනිවාර්යයෙන්ම "ආගරපතන" හරහා එන්න ඕනේ. ආගරපතන හරහා ඕනෑම වාහනයක එන්න පුලුවන්. කාර් වල එහෙම එනවනම් ටිකක් සැලකිලිමත් වෙන්න ඕනේ.. පාර ටිකක් අවුල් තැන් නැතුවාම නෙවේ...

ඔයා ටිකක් uncommon traveller කෙනෙක්නම් "මැණික් පාලම" කියන්නේ ඔයාට travel කරන්න හොදම තැනක්...

Photos Credit goes to Respective Owners

04/11/2023

- නුවර කියන්නෙම හිත නිවීමක් 😍✨🌸☘️

Photo credit goes to original photographer

03/11/2023

පැයකින් වගේ යන්න පුලුවන් ලස්සන Hike එකක් !සුන්දරත්වයෙන් පිරි "මානිගල" ✨😮🛖🍃💫🌸

දුම්බර ට වෙලාව කියන සුන්දර මානිගල
මාතලේ කියන්නේ පරිසර සෞන්දර්යය අතින් ඉහළ තැනක් කියලා අමුතුවෙන් කියන්න දෙයක් නෑ. මාතලේ නිවාඩුවට යන හැමෝම රිවර්ස්ටන් යනවා.රිවර්ස්ටන් ගිහින් පරිසරය විඳලා ආවට ගොඩාක් දෙනෙකුට මඟහැරෙන තැනක් ගැන තමයි මේ කියන්නේ.

නිවාඩුවට රිවර්ස්ටන් යන් කවරුත් දැකලා තියෙනවා මේ විශාල පර්වතය මේකට කියන්නේ මානිගල කියලා. මේ මානිගලට යනවා නම් මහලකොටුව, රත්තින්ද සහ ඇටන්වල කියන ගම් කිහිපයක් පසුකරන් පයින් යන්න වෙනවා.මහලොටුව ගම පහුකරගෙන යනකොට හම්බවෙනවා තෙල්ගමු ඔය. මේ ඔය පටන් ගන්න කන්දට කියන්නේ සුදුගල කන්ද කියලලු. එහෙම කියන්නෙ ඇයිද කියලනම් දන්නෙ නෑ.

ඇටන්වල කියන ගම තමයි මානිගල කන්දට පෙර අපිට දකින්නට ලැබෙන මිනිස් වාසස්ථානවල අවසානය. ඊට පස්සේ තියෙන්නෙ තනිකර කැළෑව. මේ කැළෑව ඇතුලෙත් තව එක ගමක් තිබිල තියෙනවා. ඒ ගමට කියන්නේ වල්පොළමුල්ල කියලලු. වියළි කාලයේදී ආහාර සොයාගෙන වස්ගමුව වනාන්තරයෙන් එන වන අලින්ගේ ගැටුම් නිසා, වල්පොලමුල්ල කියන ගම වර්ථමානයේ නමකට පමණක් සීමාවෙලා.

ඇත්තටම මේක කන්දක් කියල කිව්වට කන්දක්මත් නෙමෙයි; කඳු යායක් .එක කන්දක් මුදුනට නැග්ගම තව එකක් තියෙනව. ඒවගේ එකක් තමයි ඇත් ඔළු කන්ද කියන්නෙ.

මේ පර්වතයට ‘මානිගල’ යන නම ලැබුණ හැටිත් හරි අපුරු කථාවක් .ඉස්සර රිවෙස්ටන් වතු යායේ අතීතයේ රස්සාව කළ දමිළ කම්කරුවන් වෙලාව දැනගෙන තියෙන්නේ මේ අද මානිගල කියන ගලෙන්. මේ පර්වතයේ පිහිටි හතරැස් කොටුවක් වැනි ස්වාභාවිත විවරයට හරියට සවස 4.30 ට ඍජුව හිරු එළිය වැටෙනවා. ඒකේ ඡායාව බලලා අර කම්කරුවෝ වෙලාව බලගන්නවා. දෙමළෙන් වෙලාව හඳුන්වන්නේ “මනි“ කියලා. වෙලාව හෙවත් “මනිය” කියූ ගල මනිගල වෙලා පස්සේ කාලෙක ඒක සිංහල කටට හුරු වූයේ “මානිගල” කියලා.

මානිගල කඳු මතට ආවම දකින්න පුළුවන් විශාල තණතලාවක්. ඒක අක්කර 10ක් පමණ විශාල යි. පර්වතය මත අඟල් කිහිපයක් ගනකම ඇති පස් තට්ටුව විශාල ගස් වැඩීමට හිතකර නෑ. කරඹ, හීන්බෝවිටියා වැනි ශාක තැන තැන පැතිරිලා තියෙනවා.

මානිගලට ඉහළින් දිස්‌වන කඳුවලල්ල පතනේගල, බටඅඬුව කපොල්ල (රිවස්‌ටන්) කිරිමැටියා කන්ද යකුන්නේගල ඔස්‌සේ ගොම්බානීය හරහා නකල්ස්‌ සිට උඩදුම්බර දක්‌වා දිවෙන ප්‍රධාන කඳුවැටියෙන් සමන්විතයි. උතුරින් තැනිතලාවක්‌ බවට පත්වන දඹුලු, සීගිරි ප්‍රදේශයද වයඹ දෙසින් කරගහතැන්න ප්‍රදේශය පේනවා. දකුණූ පැත්තෙන් පෙන්නේ ගොම්බානීය, නකල්ස්‌, කිරිගල්පොත්ත වගේ කඳු. නැගෙනහිර පැත්තෙන් වන්නිමාන, ලකේගල, ලබුලැස්‌සපතන ආදී කඳු අතර අලංකාර තුන්හිස්‌ගල පේනවා. කෙළින්ම පහළ බලද්දී නෙත ගැටෙන්නේ ඇටන්වල හා රත්නින්ද ප්‍රදේශවල වෙල්යායයි.

ඇත්තටම මානිගල කියන්නේ අති සුන්දර තැනක්.වටපිට ලස්සන බලන්න විතරක් නෙවෙයි පරිසරයේ සුන්දරත්වය විඳින්නත් මෙතන මරු. ඒ නිසා ආයේ නිවාඩුවට රිවර්ස්ටන් පැත්තේ යනවා නම් මානිගල බලන්න යන්න අමතක කරන්න එපා.

03/11/2023

මාතලේ ගලේවෙල ඉදන් විනාඩි 15 කින් වගේ යන්න පුලුවන් ලස්සන තැනක් තියනව 😍🌿🌴 මීට කලින් මෙහෙම තැනක් ගැන අහල තිබුනද 😍🌿🌴

🌿🌴ඇදන්ගල🌴🌿

🌴🌿 පෝස්ට් එක බලන හැමෝම අපේ පේජ් එක 365 Traveler ෆලෝ කරන් යන්න මේ වගෙ ලස්සන තැන් බලන්න 🌿🌴

(📷 මුල් හිමිකරුවන් සතුයි )

#ඇදන්ගල

03/11/2023

03/11/2023

#නකල්ස් වලට වසන්තය උදාවෙලා 🐠🐍🦋🌹🕸️🕷️🌷🌳🌴🌺🐝💐🍃🦧🍀🍁🦚🍂🙈☘️😯🕊️❤️🌿

🇱🇰

📷 All rights reserved to the original owner

03/11/2023

යක්ශ ගෝත්‍රිකයන් විසූ අරුමපුදුම රිටිගල ස්වාභාවික දැඩි රක්ශිතය...💚🍃🧘

📸 credit goes to original photographer..

✍️ උපුටාගැනිමකි......







🇱🇰

📷 credit to respective owner

02/11/2023

ඔබ ආසම දුම්රිය ස්තානය නම් කරන්න 🚂❤️👍

📷 Credit goes to original photographer

02/11/2023

බෝඹුරු ඇල්ල 🌳🍂🌎🦋🌊🧚‍🏄‍♂️

බදුල්ල ද්‍රිස්ත්‍රික්කයේ ඌව පරනගම ප්‍රදේශයේ පිහිටා ඇති මනරම් දිය ඇල්ලකි. නුවර එලිය නගරයේ සිට බෙහෙවින් වංගු සහිත මාර්ගයක කිමි 14ක් දුරින් පිහිටා ඇත.. ශ්‍රිලංකාවේ පලලින් වැඩිම දියඇලි අතර මුල් තැනක් ගන්නා මෙය ⁣දෙස් විදෙස් සංචාරකයන්ගේ ඉහලින් ආකර්ශනය දිනාගත් දිය කොමලියකි. කුඩා අඩි පාරක් දිගේ ජල පහරවල් ගස් මුල් අතරින් ඇල්ල වෙත ගමනය දුශ්කරය තවද කූඩැල්ලන් බෙහෙවින් සිටින නිසා ගමන තවත් දුශ්කර වූවත් අවට වටපිටාව නිසා කිසිදු මහන්සියක් නොදැනෙන ගමනකි...ඇල්ලේ එක් අන්තයකින් හරිතවන් තනපිටිය මෙහි ආකර්ශනය තවත් වැඩි කරයි.

It is a beautiful waterfall located in the Uva Paranagama area of ​​the Badulla District. Located 14 km from Nuwara Eliya on a very winding road. The waterfall along the small footpath makes it difficult to reach the waterfall through the tree roots and the journey is more difficult due to the presence of leeches, but the surroundings make it a tireless journey ... The green meadows at one end of the falls add to the attraction.

Bomburu falls
🇱🇰 Sri Lanka

📸 Credit to Respective Owner

01/11/2023

තල්පේ 🌊🏝️

ලංකාවේ මෑතකාලීනව සංචාරකයන් අතර ගොඩක් ජනප්‍රිය වුන ස්ථානයක් විදියට හඳුන්වන්න පුළුවන්. මෙම ස්ථානයේ තියෙන විශේෂත්වය තමයි වෙරළ ආසන්නයේ තියෙන කොටු හැඩැති වළවල්. මේ වලවල් වල බැහැල නාන්නත් පුලුවන්. නාන්න කැමති අයට වලවල් වගේම ආරක්ෂිත වෙරල තීරයක් තියෙනවා. මෙතන වෙනම පරයකින් වටවෙලා නිසා රැල්ල ලොකුවට සැරට එන්නෙ නෑ. ඒ නිසා නාන්න සහ මුහුදට ආස කරන හැමෝටම අලංකාර සහ නැවත නැවත යන්නට හිතෙන ස්ථානයක් තමයි තල්පෙ වෙරළ තීරය. මෙතනට යන ඔයාට නාන්න විතරක් නෙමෙයි පොඩි පොඩි මාලු, වෙනත් මුහුදු ජීවීන් එහෙමත් බලා ගන්න පුලුවන්. මතක තියාගන්න ඕනෙ දේ තමයි මෙතනින් මතකය සහ සුන්දර ඡායාරූප විතරක් අරගෙන එන්න.. වෙන මුකුත් ගේන්න එපා.. පරිසරයට හානි කරන්නත් එපා..

මාර්ගය - උණවටුනට ගිහිං මාතර පැත්තට කිලෝමීටර 6 ක් විතර ගිහාම යන්න පුලුවන්.

ජිවිතේ එක් වරක් හෝ විදින්න ඕන අත්දැකීමක් ✌️❤️🇱🇰

Thalpe beach | Galle
Sri Lanka 🇱🇰

📷 Credit goes to original photographer

01/11/2023

කාලා තියෙන අය දන්නවා ඒ රස...❤🥺

📷 Credit goes to original photographer

01/11/2023

කොළඹ අවට යන්න තැනක් හොයන අයට 😍❤️
ඇතුල්වීමේ ගාස්තු නෑ. 🤗
මට්ටක්කුලියේ බීච් එකත් එක්ක තියන පට්ටම තැනක්
හවස් වරුවක යනවනම් තමා ඉතින් මරූ.😊

Crow Island Beach Park 🇱🇰

📷 Credit goes to original photographer

31/10/2023

- සුන්දර දෙනියායට සංචාරයකට එනවනම් බලන්න තියෙන තැන් 7ක් 🌊🌿🐚🍂♥️🍀😍

පුංචි නුවරඑළිය විදිහට සමහරු හඳුන්වන දෙනියාය ප්‍රදේශය එහි ජෛව විවිධත්ව ලක්ෂණ සහ සුන්දරත්වය නිසා සංචාරකයන් අතර අතිශය ලෙස ජනප්‍රිය වී තිබෙනවා. ඉතින් අද අපි ඔබට කියන්නට සැරසෙන්නේ දෙනියාය ප්‍රදේශය ආශ්‍රිතව ඔබට නරඹන්න තියෙන තැන් ගැනයි. මාතර සිට දෙනියාය කරා යන ගමන අතරේදී ඔබට නරඹන්න පුලුවන් තැන් වගේම දෙනියායෙදී ඔබට නරඹන්න පුලුවන් තැන් ගැනත් මේ ලිපි‍යේදී ඔබව දැනුම් වත් කරනවා.

1. දෙනියාය ගැන දැනුවත් කිරීමක්
මාතර සිට අකුරැස්සට ඇවිල්ලා අකුරැස්සෙන් දෙනියාය පාරේ ඇවිත් පිටබැද්දර, මොරවක, කොටපොළ ආදී නගර කිහිපයක් පහු කරාම දෙනියාය නගරය මුණගැහෙනවා. විදේශීය සංචාරක ආකර්ශනය බහුලව දිනාගෙන තිබෙන දකුණුකරයේ සීත ප්‍රදේශයක් විදිහට දෙනියාය හඳුන්වන්න පුලුවන්. දෙනියායට යන අතරමග වගේම දෙනියායෙදීත් ඔබට වැඩිපුරම දකින්න ලැබෙන දෙයක් තමයි තේ වතු. නුවර එළියෙ වගේම විශාල තේ වතු වලින් පාර දෙපස හැඩ වෙලා තියෙන අයුරු ඔබට බලාගන්න හැකියාව තියෙනවා. ඒ වගේම අකුරැස්ස දෙනියාය පාර කියලා කියන්නේ ලොකු වංගු සහිත, කඳු සහිත පාරක්. ඒ වගේම දෙනියායට යද්දී පාර දකුණු පැත්තෙන් නිතරම වගේ දකින්න තියෙන බෑවුම ගැනත් ඔබ දැනුවත් කල යුතුමයි.

දෙනියායට එන ගමනෙදි බලන්න පුලුවන් තැන්.
--------------------------------------

1. ඕලු දොළ
ඕලු දොළ කියන්නේ මහා ලොකු තැනක් නම් නෙමෙයි. ඒත් බොහොම ලස්සන තැනක්. වතුරත් ගලා යන තැනක් ස්වභාවිකවම පොඩි විලක් වගේ හැදිලා තියෙනවා. ඒ හන්දා මෙතන නාන්න කියාපු තැනක් විදිහට හඳුන්වන්න පුලුවන්. මේක තියෙන්නේ අකුරැස්සේ ඉඳලා දෙනියාය පාරෙ එද්දි හමුවෙන හුලංදාව කියන ප්‍රදේශයේ. මෙතෙන්ට යන්න තියෙන්නේ වැල් පාලමක එහෙම ගිහිල්ලා. ඒ හන්දා ඕලු දොළට යන ගමන ඔබට අමතක නොවන ගමනක් වේවි.

2. එලමල්දෙණිය රජමහා විහාරය
එලමල්දෙණිය පන්සල බලන්න යන්න නම් පිටබැද්දරදී පොඩ්ඩක් පාර වෙනස් කරලා සියඹලාගොඩ පාරෙ ටික දුරක් යන්න ඔබට සිද්ධ වෙනවා. එහෙම යද්දි හමුවන පරගස්තැන්න හන්දියෙන් හැරිලා ගියාමයි ඔබට එලමල්දෙණියේ පන්සල හමුවන්නේ. රජමහා විහාරයක් වන මේ විහාරය වලගම්බා රජතුමාගේ කාලයේ හැදුව එකක් කියලයි සඳහන් වෙන්නේ. මේ පන්සල රජ්ජුරු බණ්ඩාර දෙවියන්ට පූජා කරපු එකක් කියලයි කියන්නේ. ඒ හන්දා දුකට පත්වෙච්ච ගොඩක් මිනිස්සු දෙවියන්ට දුක කියන්න මේ පන්සලට එනවා. බොහෝ විට ඔවුන්ට පිහිටක් ලැබුණු බවත් කියවෙනවා. කෙලින් උඩ බැලුවම පොඩ්ඩක් විතරක් ඇද වෙලා පේන අපූරු දිග පිය ගැට පෙළකින් මේ පන්සල සමන්විතයි. හැබැයි කකුලෙ එල්ලෙන කූඩැල්ලො ගැන නම් වගකීමක් ගන්න බෑ අපට.

3. ඇතාමළ ඇල්ල
දෙනියාය පාරේ පිටබැද්දර පහු කරලා ගමන් කරද්දී හම්බවෙන නිල් ඇල්ල වතුයාය ළඟින් දකුණු පැත්තට පල්ලෙහාට තියෙන පාරෙ පොඩි දුරක් ගියාම මේ ඇතාමළ ඇල්ල හම්බවෙනවා. මෙතැන ඉස්සර කාලෙක ඇතෙක් මළ නිසා ඇතා මළ ඇල්ල ලෙස ව්‍යවහාර වුණ බවයි කියවෙන්නේ. බොහෝ උස නැති එහෙත් අලංකාර දියඇල්ලක් විදිහට හඳුන්වන්න පුලුවන්. මෙතන නාන්නනම් හොඳ තැනක් නොවන බවත් ඔබට මතක් කල යුතුමයි.

4. ගැටබරු දේවාලය
දෙවුන්දර දේවාලය තරමටම ප්‍රකට ගැටබරු දේවාලය හාස්කම් වලින් පිරි තැනක් විදිහට විශ්වාස කෙරෙනවා. මෙතැනත් රජ්ජුරු බණ්ඩාර දෙවියොන්ට අයත් පූජා භූමියක් විදිහටයි හැඳින්වෙන්නේ. දෙනියාය පාරේ යන අතරමග කොටපොළ නගරයට ටිකක් මෙහායින් වම් අත පැත්තට උඩට තියෙන මාර්ගයක ගිහිල්ලයි ගැටබරුව දේවාලයට යන්න පුලුවන් කම තියෙන්නේ.

දෙනියායේ බලන්න තියෙන තැන්
-------------------------


1. හත්මාලේ ඇල්ල (සත්මහල් ඇල්ල)
ඉතාමත් අලංකාරම සහ සුවිශේෂීම භූ පිහිටීමක් තියෙන හත්මාලේ ඇල්ල පිහිටලා තියෙන්නෙ දෙනියාය නගරයෙ ඉඳලා බොහොම පොඩි දුරක් එහායින්. මොකක්ද මේකෙ තියෙන සුවිශේෂි කම කියලා ඔබ අහවි. දිය ඇල්ලක් කියන්නේ සාමාන්‍යයෙන් වතුර උඩ ඉඳලා පහළට වැටෙන තැනක් නේ. ඒත් මේ දිය ඇල්ලේ වතුර වැටෙන්නෙ තට්ටුවෙන් තට්ටුවට. එහෙම තට්ටු හතක් තියෙන හන්දා හත්මාලේ ඇල්ල කියලා මේකට කියනවා කියලයි කියන්නේ. ගිහිල්ලම බලන්න ඕන ලස්සන තැනක්. නාන්න බලාගෙන යන්න එපා. ටිකක් භයානකයි.



2. පැට්නා
දෙනියාය පල්ලෙගම ප්‍රදේශයේ තේ වත්තක් මැද තියෙන අපූරු තැනක් තමයි පැට්නා කියන්නේ. පැට්නා හි තියෙන්නෙත් අපූරු භූ පිහිටීමක්. සුලු දිය සීරාවක් ගලා එන, පල්ලෙහාට ලිස්සල එන්න පුලුවන් විදිහේ පැතලි විශාල ගලක් මෙහි තියෙනවා. ඒක හරියට සී සෝ එකක ලිස්සලා පල්ලෙහාට එනව වගේ. ඔබ නැරඹියම යුතු වෙනස් විදිහේ තැනක්. හැබැයි එද්දී ගේන පොලිතින් ප්ලාස්ටික් ඔබම අරගෙන යන්න කියන කාරුණික ඉල්ලීම ඔබෙන් කරන්නේ කෙටි කාලයක් තුළ සංචාරකයන් නිසා මෙතැන පරිසරයට වුණු විනාශය ඉමහත් නිසයි.

3. සිංහරාජය
ලෝක ප්‍රකට ජෛව විවිධත්ව පද්ධතියක් වන සිංහරාජ වනාන්තරයේ එක් ප්‍රවේශ දොරටුවක් දෙනියාය පල්ලෙගම ප්‍රදේශයේ පිහිටලා තියෙනවා. සිංහරාජය ගැන ඔබට අමුතුවෙන් කියන්න ඕන නෑනේ. නිවර්තන වැසි වනාන්තර කාණ්ඩයට අයත් වන සිංහරාජ වනාන්තරය දිය ඇළි විශාල ප්‍රමාණයක්, වන සතුන්, ශාක විශාල ප්‍රමාණයක් තමන්ගේ තුරුළේ හංගන් ඉන්න සොබාදමේ අපූරු නිමැවුමක්.

දෙනියායට එන ඔබට නවාතැන් ලබාදෙන්න ඉතා හොඳ තත්ත්වයකින් යුතු නවාතැන් බොහෝ ප්‍රමාණයක් ඉදිවෙලා තියෙනවා. සිංහරාජය නරඹනවනම් ඒ ඇතුළේ තියෙන නවාතැනේ නවතින්නත් ඔබට හැකියාව තියෙනවා.

ඒ වගේම සිංහරාජය ඇතුළට යද්දී ඔබේ දුරකථනයේ සිග්නල් නැත්තටම නැති වෙලා යනවා. ඒ හන්දා සිංහරාජය නරඹන්න යනවනම් ඒ ගැන ඔබේ ළබැඳියන්ට දැනුම් දීලම යන්න.

————————————————
DM For Credit Or Removal
Credit Always Goes to respective owner
————————————————

📷 photos credit goes to original photographer

_____________________________

31/10/2023

ශ්‍රී ලාංකීය ගෘහ නිර්මාණ ශීල්පයෙ රජු ජෙෆ්රි බාවා❤️

🌹එදා මෙදා තුර ශ්‍රී ලංකාවේ බිහි වූ විශිෂ්ටතම ගෘහ නිරිමාණ ශිල්පියා ලෙස ජෙෆ්රි මැනිං බාවා හැඳින්විය හැකිය. වෘත්තියෙන් නීතීඥයකු වූ බෙන්ජමින් ඩබිලිව්. බාවා ඔහුගේ පියාය. මව ස්කොට් ජාතික සම්භවයක් ඇති බර්තා මැරියන් කැම්බෙල් ය. බාවා මූලික අධ්‍යාපනය ලබා ඇත්තේ කොළඹ රාජකීය විද්‍යාලයෙනි. කේම්බ්‍රිජ් සරසවියෙන් උසස් අධ්‍යාපනය ලබා ඇත. 1944 ලන්ඩනයෙන් නීතී උපාධියක් ලබා ගත් ඔහු නීතීඥයකු ලෙස කටයුතු ක‍‍ළේය.

🌹කෙටි කලකින්ම නීති වෘත්තියෙන් සමු ගත් ඔහු ලුණු ගඟ රබර් වතුයාය මිලට ගෙන එය සුන්දරත්වයෙන් යුත් තැනක් බවට පත් කළේය. බෙන්තොට බීච් හෝටලය, සෙරන්ඩිබ් හෝටලය, හෙරිටන්ස් අහුන්ගල්ල, කන්ඩලම හෝටලය, ද ජෙට්වින් ලයිට්හවුස්, බ්ලූ වෝටර් මොහු විසින් නිර්මිත හෝටල් අතරින් කිහිපයකි. ඉන්දියාවේ මදුරායි සමාජ ශාලාව මෙන්ම ඕස්ට්‍රේලියානු ජාතික සිත්තරකු වූ ඩොනල්ඩ් ෆෙන්ඩ්ගේ බාලිහි පිහිටි පෞද්ගලික නිවෙස නිරිමාණය කර ඇත්තේද ඔහුය. බේරේ වැව මැද පිහිටා ඇති සීමා මාලකය, නව පාර්ලිමේන්තු ගොඩනැගිල්ල, හෙරිටන්ස් ආයුර්වේද මහ ගෙදර හා රැහුණු විශ්ව විද්‍යාලය සැලසුම් කිරීමේ ගෞරවය හිමි වන්නේද ඔහුටය.
ජෙෆ්රි බාවා තම නිවෙස ඉදි කිරීම සඳහා තෝරා ගත්තේ බේරැවල කාලවිල නම් ගමයි. නිවෙසක්ම පමණක් නොව එහි අලංකාර උද්‍යානයක්ද නිර්මාණය කළේය. මෙම උද්‍යානය විවිධ කලා නිර්මාණ රුසකින් සමන්විතය. උයනේ සහ මැදුරේ මූර්ති හා චිත්‍ර සියල්ලම නිමැ වී ඇත්තේ මෙම සොඳුරැ මිනිසා අතින්මය. 1919 ජූලි මස 23 දා උපන් මෙම අසහාය කලාකරැවා තමන් සතු සියලු දේපළ සිය සේවක පිරිස අතරේ බෙදා දී 1992 සැප්තැම්බර් 08 වැනි දින දිවියෙන් සමු ගත්තේය.

🌹🌷🌸🌼🌻

📷 credit goes to original photographer

27/10/2023

- සැගවුණු රං සෙම්බුවක පුරාවෘතයක් ඇති "සෙම්බුවත්ත" ☘️🌼🌸🍂✨

📷credit goes to original photographer

27/10/2023

- යන්න ඕනිම තැනක් "ග්‍රේට්වෙස්ටර්න්" ☘️🌼🥰🌸🍂

📷credit goes to original photographer

27/10/2023

කිතුනුවන්ගේ ආදරේ - තේවත්ත පල්ලිය 😍💒🙏

📸 Dulshan

27/10/2023

- ඕනම කෙනෙක්ට තනියෙන් උනත් යන්න පුළුවන් ට්‍රිප් එකක් "ගලබොඩ ඇල්ල" 🤍🐝💕⛰🐚🛤

මේ දවස් වල පැට්රල් කෙස් නිසා ලොකු බජට් එකක් නැතුව සාමන්‍ය වියදමකින් ගිහින් එන්න පුළුවන් ගමනක්, තමා ගල්බොඩ දිය ඇල්ල ❤ 😍

කොලබ ඉන්න කෙනෙක්ට නම් උදේ 5.55 බදුල්ලට යන කෝච්චියේ ගියා නම් ගල්බොඩ ස්ටේෂන් එකෙන් 10.30 වෙද්දී බහින්න පුළුවන්. ට්‍රෙන් එකේ 2nd class ටිකට් එකක් 300 වගේ වෙන්නේ. පැය 4.30 5ත් අතර කාලයක් ට්‍රෙන් එකේ යන්න වෙනවා.

ගල්බොඩ ස්ටේෂන් එකෙන් බැහැලා පයින් යන්න තියෙනවා දිය ඇල්ලට විනාඩි 30ක වගේ දුරක් දිය ඇල්ලට යන පාර නම් ගොඩක් ලස්සනයි. 🥺

11 වෙද්දී දිය ඇල්ල ලග, ආයෙත් ගල්බොඩ ඉදන් හවස 2.28 සහ 4.06 ට කොච්චි 2ක් තියෙනවා කොලබට ගොඩක් රැ වෙන්න කලින් ගෙදර එන්න ඕනේ නම් 2.28 එකේ අවොත් කොලබ කොටුවට රැ 7.30 වගේ වෙද්දී එන්න පුළුවන්. 😌

අපිට දිය ඇල්ල ලග පැය තුනක් වගේ කාලයක් තියෙනවා නාන්න අනම් මනම් ඔක්කම කරගන්න, ඒ වගේම ඇදුම් මාරු කරගන්න තැන් තියෙනවා ගැහැණු 👩‍🦰 පිරිමි 👨‍🦰 දෙගොල්ලටම ඒ පහසුකම් ඔක්කම තියෙනවා. දිය අල්ලට යද්දී ටිකට් එකක් ගන්නවා රුපියල් එක්කෙනෙක්ට 50යි.

🔴 සැ.යූ:

01.කෝච්චියේ 2nd class ටිකට්ස් බුක් කරලා යන්න නැත්තම් හිටගෙන යන්න වෙන්නේ ගල්බොඩට එන්න වෙන්නෙත් එහම. ඒ තරම් සෙනග මොකද බස් ගාස්තු වැඩි නිසා හැමෝම යන්නේ ට්‍රෙන් එකේ. 😇

02.ගල්බොඩ කඩවල් මුකුත් නැහැ, එක නිසා කෑම බිම මෙහෙ ඉදන්ම අරන් යන්න වෙයි. 😭

03.ගල්බොඩ දිය ලග ඇල්ල වැල් පාලමක් තියෙනවා ඒක උඩ ගිහින් නටන්න එපා පාලම දෙපැත්තට පද්දන්න එපා. එදා ඇවිත් ඉදපු මල්ලිලා නංගිලා ටිකක් මේක පද්ද පද්ද දිව්වා 😞 එහම කරන්න එපා මේක වැඩි දවසක් තියෙන එකක් නැහැ මොකද පාලම ගොඩක් අබලම් තත්වයේ තියෙන්නේ

📷 credit goes to original photographer
Copied

27/10/2023

රත්නපුර පැත්තෙ ගියොත් යන්නම ඕන ලස්සන පැත්තක් - ගවරගිරිය 🏔️🌞🌊🌸🐢🌳❤️

📸 Photo credit goes to original photographer

27/10/2023

මීදුමෙන් වැසිගිය මඩොල්සිම 🙉🍃😲☘️🏡🌻♥️
දැක්කම යන්නමයි හිතෙන්නේ 😍😍😍

📷 credit goes to original photographer

23/10/2023

මීට කලින් දැකලා තියෙනවද😱
ලංකාවේ තියෙන පතුල පෙනෙන මුහුද 😮🌺🌿🌹🐦🍃

පරවි දූපත ජාතික උද්‍යානය නිලාවේලි

📷 credit goes to original photographer

23/10/2023

හපුතලේ | Haputhale | 🌍🥀🥰🌼

තණ්ඩලේ දෙන්නා දෙපොලේ දක්කනවා
කටු කැලේ ගාලේ නොලිහා වද දෙනවා
හපුතලේ කන්ද දැකලා බඩ දනවා
පවු කල ගොනෝ ඇදපන් හපුතල් යනවා

ඒකාකාරී වෙහෙසකර ජිවිතයෙන් මිදිලා නිස්කලංක වටපිටාවක ආශ්වාදය විදින්නට යන්න හොදම තැනක් තමා හපුතලේ කියන්නේ..

රේල් පීලි දිගේ,තේ වතු මැදින් පරිසරයේ මිහිරියාව විදින්නට කැමැති පුද්ගලයෙකු නම් එයටද කදිම ස්ථානයක් තමා හපුතලේ...

හපුතලේ බදුල්ල දිස්ත්‍රික්කයේ පිහිටි රමණිය නගරක්..

හපුතලය නගරය බණ්ඩාරවෙල සහ දියතලාව යන නගර වලට ඉතා ආසන්නයි.....

කෝච්චියෙන් හපුතලේ යන ගමන නම් හරි සුන්දරයි...

සුන්දර තේ වතු මැදින් යන දුම්රිය ගමන ඔබේ විඩාව සන්සිදුවාවී...

කොළඹ කොටුවෙන් උදෑසන 8.30 ට පිටත් වෙන උඩරට මැණිකේ කෝච්චිය හපුතලේට ලගා වෙද්දී සවස 5 පමණ වෙනවා...

අහ් හපුතලේ දුම්රිය ස්ථානය ගැනත් කියන්න ඕනේ..
උඩරට දුම්රිය මාර්ගයේ 69 වන දුම්රිය ස්ථානයයි..

ඉදල්ගස්හින්න සහ දියතලාව දුම්රිය ස්ථානය අතර තමා හපුතලේ දුම්රිය ස්ථානය තියෙන්නේ...
1893 ජුනි 19 වන දින තමා හපුතලේ දුම්රිය ස්ථානය විවෘත කරලා තියෙන්නේ..

හපුතලේ ගියාම ඔයාලට බලන්න පුලුවන් තැන් ගොඩක් තියෙනවා ඒ තමා...

* හෝර්ටන් තැන්න
* ඇඩිසම් බංගලාව
* දියලුම දියඇල්ල
* බඹරකන්ද දියඇල්ල
* හල්දුම්මුල්ල
* ඉදල්ගස්හින්න
* බෙරගල කපොල්ල
* තන්ගමලේ අභයභූමිය
* සොරගුණේ දේවාලය
* ලිප්ටන් සීට්
* හපුතලේ කන්ද

හපුතලේ පිහිටලා තියෙන්නේ මුහුදු මට්ටමේ සිට මීටර් 1431ක් ඉහළින්..
ඒ නිසා අපිට හරියටම හපුතලේ කාලගුණය නම් කියන්න බෑ...
හැබැයි වර්ෂය මුළුල්ලේම පාහේ හපුතලේට සෞම්‍ය කාළගුණයක් තමා පවතින්නේ...

ඉතින් ඔයාලටත් නිවාඩුවක් හම්ඹුණාම හපුතලේ ගිහින් එන්න..
හපුතලේ view point එකත් හරිම ලස්සනයි.. එතනට ගියාම වටේ පෙනෙන්නේ හරිත මුහුදක් වගේ...

හපුතලේ කන්ද නගින ගොන්නු දෙන්නත් එතන ඉන්නවා.. ගිහින් බලන්න.



උපුටාගැනීමකි .

📷 මුල් අයිතිකරුවන් සතුය .