03/08/2023
රෝද දෙකෙන් රට වටේ.😯🌱❤️🌿🌺☘️
දින 11ක්..කි.මී. 1806ක්..
ආ ගිය තැන් ගැන සේරම කියන්න අමාරුයි.ආයෙ යන කෙනෙක්ට වැදගත් වෙයි කියල හිතෙන ටිකක් විතරයි මේ...
--------------------------------------
ලඟපාත කියලා නොසලකා හැරියට දෙවිනුවර ලයිට් හවුස් එක අසල මුහුදු වෙරළත් හරිම ලස්සනයි. කොරල් ආශ්‍රිතව ජීවත්වෙන මුහුදු මාළු බලන්න ආස කෙනෙකුට pigeon island ම යන්න ඕන නෑ, මෙතන්ට ගියානම් දවසක් උනත් බලන් ඉන්න තරම් මාළු ඉන්නවා.
ඒ වගේම තමයි මාතර ඉන්න කෙනෙකුට උනත් යැවෙන්නෙ නැති, ඒත් යන්නම ඕන තැන් ටිකක් තමයි හිරිකැටිය වෙරළ, නිල්වැල්ල වෙරළ, ගොයම්බොක්ක වෙරළ, රැකව වෙරළ,මඩිහ වෙරළ,තල්පෙ වෙරළ.. උදේ 9ට කලින් හරි හවස 4න් පස්සෙ හරි ගියානම්... 👌👌
රැකව කැස්බෑවුන් බලන්න පුලුවන් මොන කාලෙටද? බලන්න පුලුවන්ද? ඒ ගැන තොරතුරු දන්න කෙනෙක් ඉන්නවනම් කියන්න.
හම්බන්තොට පැත්තට එද්දි ටිකක් හවස්වෙලා තිබ්බ නිසාත්,ඒ වෙලාවට අලි ඉන්නවා කියපු නිසාත් සිතුල්පව්ව හරහා කතරගම යන අදහස අතාරින්න සිද්ද උනා. දැන්නම් හිතෙනවා අපරාදෙ කියලත්.
බුත්තල කතරගම පාරේනම් කොහොමත් අලි ඉන්නවනේ. පාරේ යද්දි එක පාරටම අලියෙක් මතු උනාම දැනෙන feeling එක ගන්න ඕන නම් උදේ 7ට 8ට වගේ කතරගම ඉදන් යන්න පිටත් වෙන්න. සතුන්ට කෑම දෙන්න එපා කියලා බෝඩ් නම් ගහලා තියෙනවා. ඒත් පාර මැද ඉන්න අලියව පාර අයිනට ගන්න තීන හොදම විදිය ඒක තමයි.
කල්ලඩි බීච් නම් ලස්සන උදේට. 6ට 7ට වගේ ගියොත් වෙරළට එන මාළු බෝට්ටු බලන්නත් පුලුවන්. හැබැයි එතන ඉන්න බල්ලො සෙට් එකට නම් මාළු අරන් දෙන්නත් වෙනව. උන් මාළු දෙනකන් පස්සෙන්ම එනව.
කල්ලඩි පාලම යට වෙනදට නම් ජෙලි ෆිෂ්ල ඉන්නව ගොඩක්. මේ පාර හිටියෙ නෑ. වතුර පිරිසිදුයි වෙනදට වඩා.
මේ හැම වෙරළකම රැල්ල වැඩියි ටිකක් මේ දවස් වල. වෙනදට පූල් එකක් වගේ තියන මාබල් බීච් එකෙත් රැල්ල ගහනව. පතුල පෙන්නෙ නැති වෙන්න වැලි ඇවිස්සිලා තියෙන්නෙ සාමාන්‍ය තැනක් වගේ. වෙනද නම් ඒකෙ ගොඩක් ඈතට යනකන්ම පතුල පැහැදිලිව පේනව නේ.
ඒ වගේම තමයි පරවි දූපතටත් රැල්ල වැඩි දවසට බෝට්ටු යන්නෙ නෑ. ඒ නිසා එහේ යන්නම බලාගෙන කෙනෙක් trinco යනවනම් මාර්තු - ඔක්තෝබර් මාස ඇතුලත යන්න.හොඳම අප්‍රේල් මැයි වගේලු. ඒත් දැන් ඒ සීසන් හරියටම සෙට් වෙන්නෙ නෑ කියල වනජීවි එකෙන් කිව්ව. ඒක නම් කෙනෙක් මැරෙන්න කලින් යන්නම ඕන තැනක්. කොරල් වලට අඩිය තියන්න නම් එපා. අල්ලන්නත් එපා. දැන් බොහොම ටිකයි ඉතුරු වෙලා තියෙන්නෙ.
කෝකිලායි කලපුව හරහා මුලතිව් යන්න හැදුවත්, කලපුවෙන් තියන බෝට්ටුවෙ විස්තරයක් හරියට හොයාගන්න බැරි උන නිසා කලපුව වටේ පාරකින් ගියා. බයික් එකේ නිසා ප්‍රධාන පාරෙන් නොයා අතුරු පාරවල් වලින් දාගෙන ගියාට, පස්සෙ තමයි දැනගත්තේ ඒකෙ හැම තැනම අලි ඉන්න පාරක් කියල. හැබැයි අපිට නම් හම්බ උනේ නෑ. ඉඳල ගියපු බවට නම් සාක්ෂි තිබ්බ උණු උණුවෙ...
සමහර තැන් වල තාමත් බිම්බෝම්බ ඉවත් නොකරපු බිම් තියනව කියලත් බෝඩ් ගහල තියනව ඒ පාර අයිනෙම. Trinco ඉඳන් මුලතිව් යද්දි තමයි ඒ.
යාපනේ ඉදන් ඩෙල්ෆ් යනවනම් උදේ 8ට වගේ බෝට්ටුවක් තියනව කිව්ව. ඒක ආයෙත් හවස 3ට ගොඩබිමට එනවලු. යන්න කැමති කෙනෙක් ඉන්නවනම් හොයල බලන්න. අපිට කිව්වෙ නාගදීපෙට යන තැන ජැටියෙ ඉඳපු ආමි එකේ අය. ඩෙල්ෆ් යන්න සල්ලි අයකරන්නෙ නෑ කිව්ව, ඒක නේවි එකේ බෝට්ටුවක්ද කොහෙද. වෙනම යනවනම් බර ගාණක් වෙයි කිව්ව.
මන්නාරම් දූපතට යනකොට වගේ නෙමෙයි , එනකොට නම් ඉඳිකට්ටෙ ඉඳන් check කරනව. හේතුව නම් දන්නෙ නෑ. ඒකටත් ලේස්ති වෙලා යන්න යන කෙනෙක්.
එහේ කුරුළු අභයභූමිය බලනවනම් පයින්ම යන්න.වාහන සද්දෙට සතුන් බයයි. එතන තිබ්බ Flemingo ලා එන තැන් දෙකක්. ඒත් උන් නම් හිටියෙ නෑ. උන් ඉන්න කාලයක් දන්න කෙනෙක් ඉන්නවනම් කියන්න.
මන්නාරම ඉඳන් පුත්තලමට, විල්පත්තුව මැදින් එන්න පට්ටම ආසාවක් තිබ්බත් ඒක කරගන්න බැරි උනා. පාලමක් කැඩිල නිසා යන්න බෑ කියලයි කවුරුත් කිව්වෙ. ඇත්ත නැත්ත දන්නෙ නෑ.
---------------------------------------------------------
FAQ.
1.පශ්චාත් ප්‍රදේශ වලට අමාරුද?
නෑ..
ඒක පදින බයික් එක අනුවයි, බයික් එක පදින විදිය අනුවයි, බයික් එකේ condition එක අනුවයි, යන දුර අනුවයි, එක දිගට වාඩි වෙලා ඉන්න වෙලාව අනුවයි තීරණය වෙන දෙයක්. අනික "මොන කරුමයක්ද මේ" කියල හිත හිත ගියොත් කිලෝමීටරයක් ගියත් අමාරු දැනෙයි. ඕනම දෙයකට බලපාන්නෙ හිතයි. ඒ වගේම වාහනේට සලකන විදිය අනුව තමයි වාහනෙත් අපිට සලකන්නෙ.
2.කීයක් වියදම් උනාද?
ඒක ඔයාල ඉන්න තැන් අනුව, කන බොන තැන් අනුව වෙනස් වෙනව.
අපි ගියපු දුර කිමී1806යි.
1806 බෙදල ඔයාගෙ බයික් එකේ ලීටරේකින් දුවන්න පුලුවන් කිලෝමීටර ගණනෙන්, ඒ එන උත්තරේ පෙට්‍රල් ලීටරේක මිලෙන් ගුණ කරන්න. එතකොට ඔයාලට යන තෙල් වල වියදම ලැබෙයි. 😋.....................................
ඒ වගේම මේකට like, comment කරපු අයගෙන් පොඩි ඉල්ලීමක් කරන්නම්. මම මහලොකුවට travel කරපු මනුස්සයෙක් නම් නෙමෙයි. ලංකාව කියන්නෙ පුදුම ලස්සන රටක්. ඒ ලස්සන තවත් වැඩි කරන එක අපේ යුතුකමක් වගකීමක්. ඒක කරන්න පුලුවන් හොඳම සෙට් එක ඉන්නෙ මේ group එකේ කියල මම හිතනව. 👌👌👌
ඔයාල කවුරුත් travel කරන්න කැමති අය නිසානෙ අපේ මේ වැඩේට කැමති උනෙත්. පොඩි දෙයයි කරන්න තියෙන්නෙ. ඔයාල යන තැනක තියන ටොෆි කොලයක් උනත් කමක් නෑ, කැතක් ලැජ්ජාවක් නැතුව අහුලන්න.පස්සෙ මග තියන dust bin එකකට දාන්න. අපි මේ හැම තැනකම ඒක කරා. දැනටමත් ඔයාල මෙහෙම කරනවත් ඇති. මේකෙ ඉන්න සෙට් එක ඒ වැඩේ හරියට කලොත්, අඩු කාලෙකින් ලොකු දෙයක් කරන්නත් පුලුවන් වෙයි. 💪💪
ස්තුතියි හැමෝටම
ලංකාවේ ගොඩක් අය නොදුටු අලුත්ම ලස්සන ත?
