𝐓𝐑𝐀𝐕𝐄𝐋 𝐍𝐔𝐑𝐒𝐄

28/12/2023

I am a girl who has conquered my dreams

In the most difficult times of life
I lived for me

In the most difficult places in life
I braced myself

"So I really love me"♥️

28/10/2023

#කෙල්ලෙක්ට_තනියෙන්_යන්න_පුලුවන්_තැනක්

ඔයත් හැමදාම එක එක්කෙනා එහෙ මෙහෙ ගිහින් ගහලා දාන සෙල්ෆියි, ෆොටෝසුයි වලට ලයික් කරන කෙනෙක්ද?ශ්‍රී ලංකා ප්‍රජාතන්ත්‍රවාදී ජනරජයේ අතිගරු ජනතාවගෙන් මේ හීල්ලීමට මූලිකවම වග කියන්නෙ කෙල්ලො. කොල්ලන්ට ලැබෙන මූලික අයිතිවාසිකම් වලින් හරි අඩක්වත් නොලැබෙන තැන කෙල්ලො හැමවෙලේම බලන්නෙ තමන් හදාගත්තු එක්ටැම් ගේක තනිවෙන්න.

ඇත්තටම තමන්ට කැමති දෙයක් කරන්න ඕනි නම්, තමන්ට තමන්ව විශ්වාස නම් ලෝකෙම එක පැත්තක් වෙලා තියෙන තැන මම කියන කන්සෙප්ට් එක හොදටම ඇති වෙන කාගෙවත් අත් ඕනිද එතකොට ජීවිතේ ඇවිදගෙන යන්න කෙල්ලෙක්ට ..?

ගැල්වේස්ලෑන්ඩ් ජාතික උද්‍යානය
නුවරඑළිය
_________________________________
පිදුරුතලාගල කඳු මුදුන සිපගනිමින් හිරු රශ්මිය පොළව සිබින්නට සුදානම් වන වෙලාවේ මගේ සුදානම වූයේ නුවරඑළිය නගරයට මදක් නුදුරින් පිහිටි ගැල්වේස් පාර්ක් නැරඹීම යැම සදහායි. පාවහන් නොමැතිව බිම පා තැබීමටවත් නොහැකි සීතල රජ කරන විට මම ජර්සි තුල ගුලි වූයේ පාරාජය භාරගනය. කෙතරම් සීතල වුව ද, එය ගණනකටවත් නොගත් ලිලී මල් ඔච්චම් කරමින් සිනාසෙන්නට වූ නිසා ම, මම මගේ ගමන යා යුතු යැයි දැඩි සේ අදිටන් කර ගතිමි.
ග්‍රෙගරි වැවට උඩින් පියාඹා යන කොකුන් රෑණ, වැවට උඩින් සුදු පිරුවටයක් එලුවා වැනි ය. මිහිදුම් තිර කෙමෙන් කෙමෙන් මෑත් වෙද්දී, ඒ අතරින් අපි නුවරඑළියේ සිට උඩුපුස්සැල්ලාව පාරේ ආර්ථික මධ්‍යස්ථානය අසලින් වැටී ඇති ගැල්වේස් පාර දිගේ සැතැපුමක් පමණ ගමන් කර ගැල්වේස්ලෑන්ඩ් ජාතික උද්‍යානයේ පුවරුව හමුට සේන්දු විය. (Department of Wildlife Conservation, Havelock Rd, Nuwara Eliya)

මුළු පෙදෙසම හරිත වර්ණයෙන් බැබලෙමින් ඇත. පරිසරයේ නිහඬ බව බිඳ දමමින් කුරුල්ලන්ගේ සුමියුරු ගී නාදයද කඩිසරව එහෙ මෙහෙ දුවන ලේනුන්ගේ ටිං ටිං හඩත් රැගෙන හමන මද සුළගේ සිලි සිලි හඩින් සැලෙන තුරුලතා තම අසිරිය විදගන්නට පැමිණෙන්නට මට කරන ආරාධනවක්දෝ සිතුනි.
වනජීවී සංරක්ෂණ දෙපාර්තමේන්තුවට අයත් කාර්යාලයෙන් ටිකට්පතක් මිලදීගත මම ක්‍රමානුකුවලව සකසා ඇති මංපෙත් ඔස්සේ පියනැගුවේ තුරුවදුලේ සැඟවී මිහිරි ගී නද පතුරන කුරුලු කෙවිලියන් දැක ගැනීමේ අටියෙනි.
ඉංග්‍රීසි ජාතිකයන් මෙරටපාලනය කළ සමයේදී, ඔවුන්ගේ රටට සමාන දේශගුණික තත්ත්වයක් පවතින නුවරඑළිය ප්‍රදේශයේ වෙසෙමින් වතුවගා කටයුතුවල නියැළිනි. සතුනට ඇල්මක් දැක්වූ ඉංග්‍රීසි පාලකයන්, ඔවුන්ගේ වාසය සඳහා අභය භූමියක් තැනිය යුතු යැයි තීරණය කළේ ය. ඒ අනුව ගැල්වේස්ලෑන්ඩ් අභය භූමිය, අක්කර 15ක බිම් පෙදෙසක තනනු ලැබීය. මේ ඉඩම, කපිතාන් පී.පී. ගැල්වේස්ට අයත්ව තිබූ නිසා, ගැල්වේස්ලෑන්ඩ් ලෙස නම් කර ඇත.
මෙය අභය භූමියක් ලෙස 1938 මැයි මස 27 වැනිදා ප්‍රකාශයට පත් කෙරිණි. ජෛව විවිධත්වයෙන් අනූන මේ භූමියේ සුරක්ෂිත බව තව දුරටත් තහවුරු කිරීම සඳහා 2006 වසරේ මැයි මස 18 වැනිදා හෙක්ටයාර් 29.32ක (අක්කර 73ක්) බිම් ප්‍රමාණයක් ගැල්වේස් ජාතික උද්‍යානය ලෙස ප්‍රකාශයට පත් කෙරිණි‍. එහෙත් මේ මනරම් ගැල්වේස්ලෑන්ඩ් ජාතික උද්‍යානය සංචාරකයන් වෙනුවෙන් විවෘත කරනු ලැබුවේ 2007 වසරේ අප්‍රේල් 04 වැනිදා සිටය. මේ වනවිට මේ ජාතික උද්‍යානය වනජිවී සංරක්ෂණ දෙපාර්තමේන්තුව යටතේ පවතින අතර, හෙක්ටයාර 56.6ක බිම් ප්‍රමාණයකින් යුක්තවේ .
දුර්ලභ පිහිටීමකට හිමිකම් කියන ගැල්වේස් ලැන්ඩ් උද්‍යානය උදේ හයේ (6 AM) සිට සවස පහ (5 AM ) දක්වා සංචාරකයින්ට විවෘත වන අතර ශ්‍රිලංකාවේ නගරයක් මධ්‍යයේ පිහිටි එම ජාතික උද්‍යානයද මෙය වේ.

නිරිත දිග මෝසම් වැසි හා සංවහන වැසි ලැබෙන මේ වනෝද්‍යානයට, වාර්ෂිකව මිලිලීටර් 2400 (2400ml) වර්ෂාපතනයක් ලැබේ. කඳුකර තෙත් සදාහරිත කලාපයට අයත් මේ වනයේ සාමාන්‍ය උෂ්ණත්වය සෙල්සියස් අංශක 15.5 (15.5°C). එම උෂ්ණත්වය සෙල්සියස් අංශක 16 ඉක්මවා යන්නේ නැත.
රතු හා කහ පොඩ්සොලික් පසකින් යුතු මේ වනෝද්‍යානයේ වැඩිපුරම ස්වභාවිකව වැඩුණු වැල් සපු, කීන, දඹ වැනි ශාක මෙන් ම, ඉංග්‍රීසින්ගේ පාලන කාලයේ වැව්වා යැයි සිතිය හැකි ෆයිනස්, යුකැලිප්ටස් වැනි ද්විතියික ශාක පද්ධතියක් ද ඇත. මේ ශාක ප්‍රජාවට යටින් බටකෑල පර්ණාංග කුරුබට, පහන් නෙළු වැනි ආරෝහක ශාක හා අපිශාක ප්‍රජාවක් ද වැවි තිබීම විශේෂත්වයකි.
වනාන්තරයට ඇතුළු වන ස්ථානයේ සිට කිලෝ මීටර් 1.8ක් පමණ දුර යන තෙක් පටු මංපෙත් සකසා ඇත්තේ සංචාරකයින්ගේ පහසුවට මෙන්ම වනාන්තරයේ සුන්දරත්වය වන හානිය අවම කරගන්න අටියෙනි.
වනයේ මැද හරියට පමණ යනවිට විවිධ වර්ණයෙන් යුතු සමනලුන් ඉගිල යන අයුරු දකින්නට ලැබීම අපූර්ව දසුනක් විය. සමහර තැන්වලදී කොළවල හඬ නඟමින් කැළය තුළට දිවයන සතුන්ගේ හඬ සිතට කුතුහලයෙන් පිරවීමට සමත් විය. ගෝනා, හාවා ,වැලිමුවා, වල් ඌරා, අඳුන් දිවියා, දඩු ලේනා වැනි ක්ෂීරපායි සතුන් මේ වනෝද්‍යානයේ උරුමක් කරුවන්වේ. තැන තැන ඇති ලීයෙන් නිමවූ අසන සංචාරකයින්ට වනාන්තරයේ නිදහස විදීමටත් සතුරන් කුරුල්ලන් නැරබීමට මහගු රුකුලක් ගෙනාවේය.
ඉතා උස් තුරු මත හිඳ මිහිරි ගී ගයන කුරුල්ලන්ගේ නද දසතින් ම ඇසේ. කෙතරම් ඉවසිලිවන්තව උන් සොයා නෙතු දිව ගිය ද, කොපමණ වේලාවක් බලා සිටිය ද, උන් දැකගන්නට නොලැබුණු අවස්ථා බොහෝය. අපේ රටට ආවේණික කුරුල්ලකු වන පීතකන් කොණ්ඩයා මේ වනාන්තරයේදී වැඩිපුරම දැකිය හැකි බව සදහන් වුවද මා හට නම් ඒ සදහා වාසනාව හිමි නොවිනි.
මේ වනාන්තරයේ කුරුලු විශේෂ 35ක් සිටින අතර, ඉන් විශේෂ 09ක්ම අපේ රටට ආවේණික කුරුල්ලන් ය. දෑදෙමලිච්චා, ලංකා සිතැසියා, ලංකා බෙරග දෙමලිච්චා , අලුකෑදැත්තා, ලංකා නිලන මැසිමාරා, ලංකා වළිකුකුලා, උරුවන් තිරාසිකයා, කහකන් කොන්ඩයා, මයිලගොයා වැනි කුරුල්ලන‍්ගෙන් යුතු මේ වනයේ සර්ප විශේෂ ඉතාමත් අඩු ය. නයා, ඇහැටුල්ලා සහ ලේ මැඩිල්ලා කුරු බෝදිලිමා, අං කටුස්සා වැනි සර්ප විශේෂ වනය වාසස්ථාන කරගෙන ඇති බවට සදහන් කර තිබිණි.
ගැල්වේස්ලෑන්ඩ් වනයේ සැරිසරන විට ශ්‍රී ලංකාවේ විශාලතම පර්ණාංග ශාකය වන ගිනිහොට ශාකය වනය පුරා ම දැකගත හැකි ය. වන උයන ඇතුළට යනවිට අහස සිපින රූස්ස ගස් අතර, අතු විහිද ගිය අලංකාර ගසක් දැකගත හැකි විය. වෙනත් වනයකදී දක්නට නොලැබෙන මේ අහස සිබින තරමටම උස් වූ විදේශීය ශාක විශේෂය ඇරෝකේරියා වර්ගයට අයත් බව මම පසුව කල සොයාබැලීමේදී දැනගත හැකිවිය.
මේ වනාන්තරයේ බොහෝ තැන්වල සතුන්ට ජලය බීම සඳහා සැකසූ කුඩා වතුර වළවල් දැකගත හැකි විය.
ගැල්වේස්ලෑන්ඩ් ජාතික උද්‍යානදී, වෙනත් වනෝද්‍යාන වල එකවර දකින්නටට නැතිතරම් දිලීර හා ලයිකන වර්ග අතුපතර මෙන්ම පොලවේද දැකගන්නට ලැබෙන අතර උද්‍යාන අලංකාරය තවත් ඔප්නංවන සාදකයක් විය.
ගැල්වේස් ලැන්ඩ් උද්‍යානයේ පුරා අඩහොරවකට වඩා කාලයක් නිහඩව සුන්දරත්වයත් නිදසහස් මොනවට විදි මම ඒ සුන්දරත්වයට සමුදී නැවත මගේ නවාතැන බලා ගමන් කෙරෙමි.

ස්වාභාවික මංපෙත තුලදී ඔබගේ අත්දැකීම් මල්පල ගන්වනු පිණිස ……..
♾ නිශ්ශබ්දතාවය සුරකින්න.
♾ මංපෙතෙන් බැහැරව ගමන් කිරීමෙන් වලකින්න.
♾ ශාක ඉදිරීමෙන් හෝ හානි කිරීමෙන් වලකින්න.
♾ වන සතුන්ට හානි කිරීමෙන් වලකින්න.
♾ සෙසු නරඹන්නට බාදා නොවන අයුරින් හැසිරෙන්න.
♾ උද්‍යානය තුලට අපද්‍රව්‍ය එකතු නොකීරිමට වග බලා ගන්න.
♾ උද්‍යානය තුල ගිනි දැල්වීම හෝ ගිනි ඇතිවිය හැකි ක්‍රියා සිදු නොකරන්න.
♾ සංගීත භාණ්ඩ , ගුවන් විදුලි යන්ත්‍ර යන ආදිය උද්‍යානය තුලට ගෙනයාමෙන් වලකින්න.
♾ නියමිත කාලයට පසු උද්‍යානයෙන් බැහැරවීමට කාරුණික වන්න...

මෙලෙස ඔබ උද්‍යානයට ආදරය කරන පරිසර හිතකාමියෙකු ලෙස හැසිරෙනු ඇතැයි මම බලාපොරොත්තු වන්නෙමි.

සටහන - සුභාෂණි තෙන්නකෝන් (28/10/2019)

ලංකාවේ තනියම යන්න පුලුවන් තැන් ගැන දැන ගන්න..
එකතු වෙන්න මාත් එක්ක..

https://www.facebook.com/travelnurseSubha?mibextid=ZbWKwL

22/10/2023

අනිවාර්යයෙන් කියවන්න. දැනුවත් වෙන්න

තමන්ගෙ 4ටො එකක් දාලා ෆේක් එකවුන්ට් එකක් හදලා ඒක අයින් කරගන්න බැරුව දඟලන අය අනිවාර්යෙන්ම කියවන්න.

අද නොයෙකුත් හේතූන් මත කාගෙහරි පොටෝ එකක් තමන්ගෙ වගේ දාගෙන ගොඩාක් fb එකවුන්ට් දකින්නට ලැබෙනවා.. හුඟක්ම තරහවක් පිරිමහගන්න තමයි මේ වැඩේ කරන්නෙ.

ඒකත් වැඩිපුරම කෙල්ලන්ගෙ පොටෝ තමයි උස්සලා දාගන්නෙ. එහෙම දෙයක් වුනොත් හුඟාක්ම අය කරන්නෙ කලබල වෙන එක සහ බයවෙන එක විතරයි. කොච්චර බයවෙනවද කිව්වොත් තමන් fb ප්‍රොෆයිල් එකේ දාගෙන තියෙන හැම රියල් පොටෝ එකක්ම ඩිලීට් කරනවා. තමන්ගෙ බය නිසා එතන කරන්නෙ සම්පූර්ණම මෝඩ වැඩක්.

තමන්ගෙ පොටෝ එකක් අවසරයකින් තොරව කාගෙහරි ප්‍රොෆයිල් එකක ප්‍රොෆයිල් පික්චර්, කවර් පොටෝ, වෝල් එකේ හෝ කමෙන්ට් එකකට යන ඕනෑම විදිහට දාලා තිබුණහොත් අපිට ඒ එකවුන්ට් එක එක රිපෝට් එකකින් පැය 24ක් ඇතුලත ඩිසේබල් කරලා දාන්න පුලුවන් බව ඔබ දන්නවාද?

මෙහෙමයි තමන්ගෙ නම චායාරූප විස්තර යොදාගෙන කවුරුහරි ෆේක් එකවුන්ට් හැදුවොත් මුලින්ම කලබල නොවී ඉන්න, බය වුනොත් මුකුත්ම කරගන්න බෑ. තමන්ගෙ පොටෝ කිසිසේත්ම ඩිලීට් කරන්න එපා මොකද ප්‍රිටෙන්ඩින්ග් ඩිසේබල් එක සාර්ථක ඉක්මණින් සාර්ථක වෙන්න පොටෝ එකක් තිබිය යුතුයි. එහෙනම් මං ප්‍රිටෙන්ඩින්ග් රිපෝට් එකක් ගහන විදිහ කියලා දෙන්නම්.

මුලින්ම fb එකට ලොග් වෙන්න. (UC බ්‍රවුසරයකින් ලොග් වුනොත් වඩාත්ම සාර්ථකයි.) අදාල ෆේක් එකවුන්ට් එක සර්ච් කරන්න.. ඒ එකවුන්ට් එක විව් වුනාට පස්සෙ දකුණු පසින් ඩොට් 3ක් පෙන්නනවා ඒ ඩොට් 3 ක්ලික් කරන්න. ඊටපස්සෙ එතන එන ඔප්ෂන් වලින් Give a feedback or report ඔප්ෂන් එක කිලික් කරන්න.

ඊටපස්සෙත් අපිට ඔප්ෂන් ටිකක් දෙනවා එතනින් pretending to be කියන ඔප්ෂන් එක ක්ලික් කරන්න. ඊට පස්සෙ අපෙන් අහනවා කාටද මෙයාගෙන් හිරිහැරයක් වුනේ කියලා එතන ඔප්ෂන් 3ක් දෙනවා, Me , A friend and Celebrity කියලා එතනින් Me කියන ඔප්ෂන් එක දෙන්න ඊටපස්සෙ submit to report කියන එක ක්ලික් කරලා ඊටපස්සෙ එන ඔප්ෂන් එකේ තියෙන පුංචි කොටුවට ටික් එකක් දාලා Done කරන්න.

ඔන්න දැන් ප්‍රිටෙන්ඩින්ග් ඩිසේබල් එක වැදිල ඉවරයි එතනින් නවතින්න එපා.

ආයෙ පස්සට ගිහින් රිපෝට් ඔප්ෂන් එකට ගිහිල්ලා This is a fake එකවුන්ට් කියන ඔප්ෂන් එකෙනුත් රිපෝට් එක සබ්මිට් කරන්න.. ඊට පස්සෙ ඒ එක්වුන්ට් එකේ තමන්ගෙ පොටෝ දාලා තියෙනව නම් ඒ පොටෝ එකෙ දකුණු පැත්තෙ උඩ තියෙන ඩොට් 3 ක්ලික් කරලා Give a feedback or report කියන ඔප්ෂන් එක ක්ලික් කරලා එන ඔප්ෂන් වලින් Harrasment කියයන ඔප්ෂන් එක ක්ලික් කරන්න..

ඊටපස්සෙ සබ්මිට් කරාම ඔප්ෂන් 5ක් දෙනවා එතනින් this shouldn't be on facebook කියන ඔප්ෂන් එක ක්ලික් කරාම තවත් ඔප්ෂන් 5ක් දෙනවා එතනින් 4වෙනි එක ක්ලික් කරන්න ඊටපස්සෙ Me , A friend and celebrity කියලා ඔප්ෂන් 3ක් දෙනවා එතනින් Me කියන ඔප්ෂන් එක ක්ලික් කරලා ෆේස් බුක් සබ්මිට් කරන්න.. එච්චරයි වචන ගොඩකින් පැහැදිලි කරාට කරද්දි හරිම ලේසියි.

හොඳට මතක තියාගන්න කිසිම විටෙකත් ඒ එකවුන්ට් එක බ්ලොක් කරන්න එපා.. දැන් පැය 24ක් ඇතුලත ඩිසේබල් එක වැඩ කරනවා.. වැඩේ ඊටත් වඩා ඉක්මණ් කරගන්න නම් තමන්ගෙ ලිස්ට් එකේ ඉන්න තව යාලුවො දෙන්නෙකු ලව්වා උඩ කියපු පිලිවෙලටම අර Me කියලා දෙන්න ඕනි තැන්වල A friend කියන ඔප්ෂන් එක දීලා එතන එන සර්ච් බාර් එකේ තමන්ගෙ ඔරිජිනල් එකවුන්ට් එක සර්ච් කරලා රිපෝට් එක සබ්මිට් කරන්න කියන්න.

එතකොට ෆේස්බුක් හෙල්ප් සෙන්ටර් සිස්ටම් එකෙන් ඉක්මණින්ම රිපෝට් එක රිවිව් වෙනවා. සපෝට් ඉන්බොක්ස් එකට නොටිෆිකේෂන් එකක් එනවා ඉන් අ රිවිව් කියලා. එකවුන්ට් එක ඩිසේබක් කරාමත් නොටිෆිකේෂන් එකක් එනවා ඔයාලට තියෙන්නෙ බලාගෙන ඉන්න විතරයි.

(උපුටා ගැනීමකි)

15/10/2023

ජීවිතේ විදින්න හරි ලස්සනට
ඔයා තනියම
ඒක ලේසී
තමන්ව තමන් සැටිස් කරන්න ඒක ලේයි...
මොකද අපි ගැන හොදටම දන්නෙ අපි ළමයෝ.

❤😍❤️😍❤️

30/09/2022

අවාරේ ලස්සන💜️💙❤❤️

30/09/2022

AWESOME PLACE TO STAY ❤️❤️

30/09/2022

25/08/2022

අනුරාධපුරය ❤️❤️

18/08/2022

ගැටඹේ පන්සල

04/08/2022

වැස්සත් එක්ක සුදුගල ඇල්ල , නාවලපිටිය

24/07/2022

අදහස් ගැළපෙන මිනිස්සු මුණගැහුනම
😍😍😍

21/03/2022

දොලුකන්ද තරණය ❤️

ලංකා මෑණියන් අලංකෘත කරවීමට සොබාදහමෙන් ලැබුණු දායාදයන් මෙපමණයි කිව නොහැකි තරම් ය . ඒ අතර තවත් ලස්සන තැනක් විදියට , පරිසරයේ සුන්දරත්වය පිරුණු මනස්කාන්ත දර්ශන රැගත් ස්ථානයක් ලෙස කුරුණෑගල දිස්ත්රික්කයේ පිහිටා තිබෙන දොලුකන්ද හැඳින්විය හැකිය.

දොලුකන්ද වන දහන ඓතිහාසික හා පරිසර වටිනාකමින් යුතු ප්‍රදේශයක් ලෙස දෙස් විදෙස් සංචාරකයන්ගේ ආකර්ශනයට පත් වී තිබෙනවා. මන් ද ඒ බව දොලුකන්ද සoචාරය කල මා හට සාක්ෂි සහිතව දැක ගන්න ලැබුනු නිසා. සොබාදහමේ අන්තර්ගත බොහෝ අංගයන් දොලුකන්දේ දැකිය හැකිය. වෘක්ෂ ලතාවන් , කුඩා ජල මාර්ග, ගල් පර්වතයන්, සත්ත්ව විශේෂ, ගල් ලෙන්, ඖෂධ පැළෑටි ආදින්ගේ සුන්දරත්වයෙන් එය මනාව පෝෂණය වී ඇති බව දක්නට ලැබුණි.

දොලුකන්දේ ඉතිහාසය රාම රාවණා යුගය දක්වා දිවෙයි. එකී ඓතිහාසික කරුණු දැන ගැනීමට නම් දොලුකන්ද තරණය කිරීම වැදගත්ය. දොලුකන්දේ අසිරිය විඳ ගැනීමට ඊට පිවිසිය හැකි මාර්ග 2ක් පවතියි.

එනම් කුරුණෑගලින් මුත්තෙට්ටුගලට පැමිණ 10 කණුවෙන් උඩුපිල ගම දක්වා වූ ගමන් මාර්ගයත් එමෙන් ම ඉබ්බාගමුවෙන් මඩගල්ල මාර්ගයේ 8km පමණ පැමිණි විට මුණ ගැසෙන ගොඩවෙල හන්දියෙන් දොලුව ගමට පිවිසිය හැකි අතර ඉන් ඔබ්බෙන් දොලුකන්ද පිහිටා තිබෙයි. ගමන් මාර්ගය අති දුෂ්කර වූවත් එය නොතකා එහි සුන්දරත්වය විඳ ගැනීමට බොහෝ දෙනා තවමත් පැමිණෙන ආකාරය අපට දැකගන්න හැකි විය.

දොලුකන්ද පිළිබඳව ගොඩනැගුන ජනප්‍රවාද කිහිපයක් පවතියි. ඒ අතර ඉතා ජනප්‍රිය පුරාවෘතයක් ලෙස සැලකෙන්නේ, රාමා සීතා කතා පුවතයි.
රාම හා රාවණා යුධ වදිමින් සිටි අවස්ථාවේදී රාවණා විසින් එල්ල කරන ලද පහරකින් රාම රජු රෝගී වෙයි. රාම රජුට අවශ්‍ය ඖෂධ සෙවීමේ වගකීම පැවරෙන්නේ හනුමන්තාටය. ඔහු ඒ සඳහා හිමාලයට ගිය අවස්ථාවේදී ඔහුට අවශ්‍ය බෙහෙත් ඖෂධ සොයා ගැනීම අපහසු වීම නිසාවෙන් හිමාල පර්වතයෙන් කොටසක් රැගෙන ලංකාවට පැමිණෙන අතරතුරදී ඉන් කොටසක් කඩා වැටුන බවත් එය දොලුකන්ද ලෙස නම් කෙරුන බවත් ජනප්‍රවාදයේ සඳහන් වෙයි. ඇතමෙක් එහි තවත් කොටසක් ගාල්ල ප්‍රදේශයට පතිත වූ බව පිළිගැනෙන අතර වර්තමානයේදී එය ගාල්ලේ රූමස්සසල බවත් ,තවත් ජන ප්‍රවාදයකට අනුව එය රිටිගල බවත් පිළගැනේ. නමුත් එය දොලුකන්ද බවට සැලකීමට තරම් පිළිගත හැකි සාධක තිබෙයි. එනම් දුර්ලභ ඖෂධ වර්ග රාශියක් එහි දක්නට ලැබෙයි. මෑත කාලීන කරන ලද පර්යේෂණයකදී අනාවරණය වී තිබෙන්නේ දුර්ලභ වර්ගයේ වී විශේෂයක් දැනට පවතින්නේ හිමාලයේ සහ දොලුකන්දේ පමණක් බවයි. එහෙයින් එම කොටස දොලුකන්ද ලෙස පිලිගැනීම සාර්ථක නිගමනයකි.
ජන ප්‍රවාදයන්ට අනුව හනුමන්තා හිමාල පර්වතයෙන් කොටසක් රැගෙන ආ බවත් ,රාවණා ,විජය ,පණ්ඩුකාභය රාජ්‍ය සමය දක්වා දොලුකන්දේ ඉතිහාස පුරාවෘතයන් දිවයයි. එමෙන්ම බෞද්ධ ඉතිහාසයත් මේ සමඟ බැඳී පවති. ගල්ලෙන්වල හමු වී ඇති බ්‍රාහ්මීය අක්ෂර වලගම්බා රාජ්‍ය සමයේ බව පිළිගැනේ.
අතීතයේ දොලුකන්ද ගිරි බණ්ඩාර නම් පාලකයෙක් යටතේ පාලනය විය. ඔහුගේ දියණිය පාලි නම් තැනැත්තියකි. පණ්ඩුකාභය කුමරු යුධ වැදීමෙන් අසරණ වී සිටි අවස්ථාවේදී රජුට පාලි කුමරිය හමු වෙයි. ඇය ඔහුව නවතා ගෙන ඖෂධ කරන ලද්දේ දොලුකන්දේ නවතා ගෙනය.“ගලේ නිරිඳු තෙද පාමින් අරන්කැලේ...”ලෙස ගිරි පාලකයා සිය පාලනය ගෙන ගිය ආකාරය ඉතිහාස පොත්පත් සාක්ෂි දරයි. ඒ අනුව පණ්ඩුකාභය රාජ්‍ය සමයේ පටන් දොලුකන්ද ඖෂධ උයනක් ලෙසට පිළිගැනීමට හැකි තරම් සාක්ෂි හමු වී තිබෙයි.
විජය කුවේණි කතා පුවතත් සමඟ ද දොලුකන්ද බැඳී පවති. විජය රජු දරුණු කුෂ්ට රෝගයකින් පීඩා විඳිමින් සිටියදී අවශ්‍ය බෙහෙත් පැළෑටි ලබා ගැනීමට දොලුකන්දට පැමිණෙයි. ඔහුත් සමඟ කුවේණිය පැමිණි අතර කුවේණිය විසින් වර්තමානයේ කුවේණිගල ලෙස හැඳින්වෙන පර්වතයට වී විජය රජු ආරක්ෂා කරා යැයි ඉතිහාස කතාවන් සාක්ෂි දරයි. එම නිසාම යක්ෂ ගෝත්‍රික ජනපදයන්ට වටවී පවතින ප්‍රදේශයක් ලෙස දොලුකන්ද සැලකිය හැකිය.
මේ අනුව දොලුකන්ද භූමිය වටා ගෙතුණ ඓතිහාසික, ආගමික පසුබිමක් පවතින බව අනාවරණය විය.
දොලුකන්ද උස් කදු මුදුනක් සහිත වීමෙන් සම්පූර්ණ ප්‍රදේශයම ඉන් නැරඹිය හැකිය. ඒවගේම ශීත කාලගුණයක් සහිතය. මෙම රක්ෂිතය අලංකාර එමෙන්ම නිතර දක්නට නොලැබෙන ඖෂධ විශේෂ, පැළෑටි බොහෝමයකින් ගහණය.
වයඹ පලාතේ අසිරිය ඔප් නැංවීමේ හැකියාව දොලුකන්දට ලැබී තිබෙන නිසාම සංචාරක ආකර්ශනය දිනා ගෙන තිබෙයි. විවිධ ස්වභාවික ගුහා, කඳු බෑවුම් දක්නට ලැබෙන අතර අතීතයේ භික්ෂූන් වහන්සේලා එහි නැවති භාවනායෝගීව වැඩ විසූ බව එහි නටඹුන් තුළින් පෙනෙයි.
මෙම කන්ද තරණය කළ අපට ඇතාගල සමග කුරුණෑගල නගරය කුවේණිගල සමග නෙරියාව වැව, හිරිපිටිය , යක්දෙස්සාගල හක්වට්නාඔය ,අරංකැලේ කන්ද, දැදුරු ඔය ඩැම් එක , අම්බොක්ක කන්ද, කිඹුල්වානා ඔය, දොලුකන්ද වැව, ආදි දොලුකන්ද වටා ඇති මාතලේ ප්‍රදේශයේ කදු සමග මානපහ කදු වැටියම සමග සෑහෙන ප්‍රදේශයක් ඉහලට අපූරුවට දිස් වෙයි.
සුන්දර වූ වෘක්ෂලතාවන්, ඖෂධ වර්ගයන්, ගල් ලෙන්, පොකුණු , සත්ත්ව විශේෂයන්ගෙන් යුතු දොලුකන්ද සැබවින්ම සොබාදහමේ අගනා සම්පතක් වේ , එය රැක ගැනිම ඔබට සහ මට පැවරෙන තවත් වගකීමකි.

වැදගත් කරුණු. ⚠️

බීමට සුදුසු ජලය උඩ නැහැ. අවම එක්කෙනෙකුට 1.5L අරන් යන්න.

සර්පයින් ඉන්න පුළුවන් අනික් තැන් වලට වඩා ටිකක්. සැලකිලිමත් වෙන්න.

කන්ද නගිද්දී හු කියා කියා, කුණුහරුප කියා කියා.. සින්දු දාගෙන යන්න එපා.. අපි ගනන් නොගත්තත් මේ තැන ටිකක් වෙනස් තැනක්.

වටිනා ඖෂධ තියන තැනක්. Bag වල දාගෙන අරන් එන්න එපා.

එහෙනම් පරිස්සමට ගිහින් විනාශ නොකර ඒ ලස්සන බලලා එන්න..

මං,
🖋️ TRAVEL NURSE

07/02/2022

සුන්දර තැන් සොයා
නක්ල්ස් වනපෙතේ ගලමුදුන ගම්මානයේ කෙලවරක පහස විදින ඇය ❤️❤️

https://youtu.be/prG8j9NqE_k

@TRAVELNURSE Music 👇Bliss by Luke Bergs | https://soundcloud.com/bergscloud/Creative Commons - Attribution-ShareAlike 3.0 Unportedhttps://creativ...

11/01/2022

Kᴏʟᴀᴘᴀᴛʜᴀɴᴀ Eʟʟᴀ - Mandaramnuwara
කොලපතන ඇල්ල - මන්දාරම් නුවර

මීදුමෙන් වේලාගන්න කඳුවලින් වටවුන දියඇලි වලින් ලස්සනවුන මන්දාරම්නුවර මම ලංකාවේ දැක්ක සුන්දරතම ගමක්.මන්දාරම් නුවර ග්‍රාමයේ පිහිටාඇති තවත් එක් දිය ඇල්ලක් වන මෙම සුන්දර දිය ඇල්ල පහසු ගමන් මාර්ගයකින් ලගාවිය හැකි මන්දාරම් නුවර පිහිටා ඇති එක් ඇල්ලකි. රු. 100 ක ප්‍රවෙශ පත්‍රයක් ලබාගැනීමෙන් සකසාඇති ගමන් මාර්ගයක් ඔස්සේ මෙම ඇල්ලට ලගාවිය හැකි අතර මෙම ප්‍රවේශ පත්‍ර උදෑසන 8 සිට සවස 5 දක්වා කාලය තුළ නිකුත් කරයි.

මල්සරා නම් දේවියක් කොළපතක කෑම ඔතාගෙනවිත් මෙම ඇල්ල ළග ආහාර ගෙන කොළපත දමා ගිය සිද්ධියක් හේතුකොටගෙන මෙම ඇල්ලට "කොලපතන" යන නම ලැබී ඇති බව ග්‍රාමීය මිනිසුන්ගේ එක් විශ්වාසයකි.

11/01/2022

මන්දාරම් නුවර
Mandaram Nuwara

මහනුවර සිට රිකිල්ලගස්‌කඩ හඟුරන්කෙත හරහා පදියපැලැල්ට විත් එළමලේ හන්දියෙන් හැරී කිලෝමීටර් 13 ක්‌ පමණ දුර ගිය කල ඔබට මන්දාරම් නුවර නම් මේ සුන්දර ග්‍රාමය වෙත ලගාවිය හැක.

මේ ගමට මේ මන්දාරම කියන නම වැටෙන්න ලොකු හේතුවක් තියනවා. ඒ තමයි මේ ගමට හිරු කිරණ කෙළින්ම පතිතවෙන කාලය හරිම කෙටියි. ඒ කියන්නෙ හිරු පරක්කුවෙලා උදාවෙනවා වගේම බොහොම ඉක්මනින් බැහැලත් යනවා.ඒකට හේතුව තමා මේ ගම වටේම හරිම සුන්දර කදු වළල්ලකින් ආවරණය කරනවා.
ගම බොහෝවේලාවට මීදුමෙන් වැහෙන නිසාම මන්දාරම්නුවර කියන නම වැටෙන්නත් එක හේතුවක්.
*පිදුරුතලාගල
*ගෝනපිටිය
*කබරගල
*උඩගබ්බල
මෙම කඳු වළල්ලට අයත්.

අද සැගවුණු ගම්මානයක් පමණක් වුවත්. ඈත අතීතයේ විශාල ඉතිහාස කතන්දරයක් මෙම ගම්මානය සගවාගෙන සිටින බවට මන්දාරම් නුවර පුවත නමින් කවි 866 කින් යුත් පැරණි කවි ග්‍රන්ථයක් සාක්ෂි දරයි.සීතාවක රාජසිංහ රජුගේ සිට කීර්ති ශ්‍රී රාජසිංහ රජු දක්‌වා රජවරු 8 දෙනෙක්‌ ගැන මේ කව් පොතේ තොරතුරු විස්‌තර කරයි.කෙටියෙන් කිවහොත් ශත වර්ෂ 2 ක කාලයක් උඩරට රාජධානියේ රජකම් කල රජවරුන් සමග මන්දාරම් නුවරට ඇති සම්බන්ධතා ගැන මෙම කවි පොතේ කියැවේ. මන්දාරම් නුවර ඈත ඉතිහාසයේ සිට රජවරුන්ට බොහෝ සේ ප්‍රයෝජනවත් වූ ආරක්‍ෂිත ස්‌ථානයකි. මහනුවර රාජධානියට මැඬලිය නොහැකි ප්‍රහාරයක්‌ එල්ල වූ හැම විටම රජවරු පලාගියේ මන්දාරම්පුරයටය. ඒ තනිවම නොවේ. රජ බිසව ඇතුළු අන්තඃපුර ස්‌ත්‍රීන්ද, රන්, රිදී, මුතු, මැණික්‌ ආදී සියලු ධනයද රැගෙනය.මහනුවර යුද්ධයක්‌ නම් ඊට මුහුණදී ගත නොහැකි නම් රජවරු අන්තඃපුර බිසවුන් රාජාභරණ රං රිදී මුතු මැණික්‌ ගෙනැවිත් ආරක්‍ෂාවට තැබුවේ මන්දාරම් පුරයේය.
නමුත් මාළිගාතැන්න නමින් හැඳින්වෙන ස්‌ථානයක්‌ හැර රජවරු පදිංචිව සිටියාදැයි දැනගත හැකි කිසිදු පුරාවිද්‍යාත්මක සාක්‍ෂියක්‌ දැන් මන්දාරම් පුරෙහි දකින්නට නැති වීම අවාසනාවකි.

සොබා සෞන්දර්ය විදීමට ප්‍රිය කරන ඔබට මන්දාරම් නුවර යනු යා යුතුම ස්ථානයකි. මේ සුන්දරත්වය මතු පරපුරටත් රැකගෙන යාමට අමතක කරන්න එපා. ❤️

05/01/2022

පිපෙන්න වෙරදරන පුංචි මල් කැකුලු වලට සවියක් වෙන්න
#නකල්ස්_වනපෙතේ_මිලින_වූ_ගම්මානය - #උඩගල්දෙබොක්ක ට ගිය අපේ ගමන

නකල්ස් වනපෙත හෙවත් දුම්බර කඳුවැටිය කියන්නෙ ශ්‍රී පාද අඩවියට පමණක් දෙවෙනි වන කඳුකර වනාන්තරය ලෙස කිව්වොත් එය වැරදි නෑ..සුවිසල් වනාන්තර පද්දති, මනස්කාන්ත දිය ඇලි , මීදුම් සළු වෙලාගත් කඳු වැටි ලොව කිසිම තැනකට නොදෙවෙනි ශාක හා සත්ව විවිධත්වය පමණක් නොව පැරණි සිංහල ප්‍රෞඩත්වය හා අනන්‍යතාව විහිදාපාන සුන්දර ගම්මාන රැසකින් නකල්ස් වනපෙත පොහොසත්.

නකල්ස් වනපෙතේ සැඟවුණ ගම්මාන වන මීමුරේ, කයිකාවල, දන්දෙනිකුඹුර, ඉමදූව, ඇටැන්වල , වල්පොලමුල්ල , ගලමුදුන වැනි රාශියක් ගම්මාන අතරින් උඩගල්දෙබොක්කට හිමිවන්නෙ සුවිශේෂී ස්ථානයක් . මීමුරේ , ඇටැන්වල, ගලමුදුන වැනි ගම්මාන දැන් දැන් නවීන ලෝකය සමග බද්ධ වෙමින් ඉදිරියට ගමන් කිරීමට උත්සාහ දරණ නමුත් උඩගල්දෙබොක්ක කාලයේ වැලිතලාවේ ක්‍රමයෙන් සැඟවී යමින් පවතිනවා. ඒ ගම්මානයේ ඇති අතිශය දුශ්කරභාවය නිසා සහ ජන ජීවිතය මුහුණදෙන අනේක විධ අහියෝග හේතුවෙන්. ගම්මානය වචනයේ පරිසමාප්තියෙන්ම යහන්ගල, කෙහෙල්පොත්දොරුවෙගල නොහොත් මල්ගස්පතන , තෙලඹුගල, බැලුම්ගල, කුවේනිගල වැනි යෝධ ගල් පර්වතවලින් වටවී ඇත්තක්. වාහනයකින් තබා බයිසිකලයන් වත් ගම්මානයට ලඟාවීමට පාරක් නැතිබව කිව්වොත් ඔබ පුදුම වේවි.
උඩදුම්බර- උඩ ඉලුක ගම්මානයෙන් වෙලංගොල්ලෙ පතන හරහා වැටී ඇති වනගත අඩිපාරත් , හසලක - උඩත්තාව හෝ මීගහමඩ ගමේ සිට වැටී ඇති වන අලි බහුල අඩිපාරත් හැරුණු කොට ජන ජීවිතය බාහිර ලෝකය සමග බද්ධවන වෙන ක්‍රමයක් නැ.තමන්ගේ නිශ්පාදනයක් අලෙවි කරගැනීමට, බඩුවක් මුට්ටුවක් ගැනීමට සතියකට හෝ සතිදෙකකට සැරයක් ටවුමකට ලඟාවීමට මෙන්ම බේතක් හේතක් ගැනීමට , දරු ප්‍රසූතියක් හෝ වෙනයම් හදිසි තත්තවයකදී ගම්මුන්ට කි.මි. 4 ක් 5ක් පමණ දුශ්කර අඩිපාරක් දිගේ උඩත්තව ගමට පල්ලම් බැසීමට සිදුවෙනවා. එයට අමතරව උඩගලදෙබොක්ක යනු වන අලි තර්ජනය නිසා නිතරම බැටකන ගම්මානයක්. මොරගහකන්ද ව්‍යාපෘතියෙන් පසු ඒ තත්වය තවත් උග්‍ර වෙලා කියලයි ගම්මු කියන්නේ .විශේශයෙන්ම ඔවුන්ට ටවුමකට ළඟාවීමට ඇති අඩිපාරේ නිතරම වන අලි ගැවසෙනවා. දිනපතා රැයක් දවාලක් නැතිව ගම්මානයට කඩා වදින වන අලින් ගැමියන්ගේ භෝග විනාශ කරන අතරම වල් අලි පහරදීම් හා ඒ නිසා සිදුවන මරණ දැන් සාමාන්‍ය ජන ජීවිතයේ කොටසක් වෙලා.
උඩත්තාව ඉදලා මාන කැලේ පහුකරගන කැලෑ මාර්ගය ඔස්සේ ගල් මුල් මතින් කිලෝමීටර් 4ක් පමණ පැමිණ බෝංචි වවා තිබූ කුඹුරු පසු කරමින් කුරහන් හේන් පසුකරමින් ගම තුලට සේන්දුවන අපට කටුක ගැමි දිවිය විද්‍යාමාන වන කටුමැටි ගැසූ බිත්ති සහිත ගම ගෙවල් දිස්වුනා. මෙසේ තව දුරක් යන විට ඈතින් අපට පාසලට අයත් ගොඩනැගිල්ල දිස් වූවා.නවීන තාක්ෂණය යම් පමණකට හෝ යොදා ගත් ගොඩනැගිල්ලක් ලෙස මා දුටුවේ එය පමණයි. ඉතාම සුහද ශීලී ආකාරයට විදුහල්පති මහතා අපව පිලිගත්තේ බොහෝ කලකින් හමුවන තම නෑදෑ පිරිසක් පිළිගන්නා අයුරින්. විදුහල්පතිතුමා පිලිගැන්වූ කහට කෝප්පයක් සමඟ කිතුල් හකුරු කියා හරියටම කිව හැකි තඩි හකුරු කැබැල්ලක රස විඳිමින් අප විදුහල්පති තුමා සමඟ පිලිසඳරක නිරත වුනා..
එහිදි දැනගන්න ලැබුනේ ගමේ ලමුන් විදිනා දුෂ්කරතාවයන් පමණක්‍ ය.විශේෂයෙන් ගමේ පිරිමි ලමුන් වයස අවුරුදු 10පමණ වියේ සිටම හේන් රැකීමට පුරුදු වීම පාරම්පරිකව ගිය සිරිතක්දෝ කියා මට සිතුනා.පාසලේ ලමුන් 12 වන අතර පිරිමි ලමුන් සිටියේ 4 දෙනෙක් පමනයි.

මෙවර අපේ ගමනේ අරමුණ උනේ ගමේ ලමුන්ට 2022 වසර සදහා අවශ්‍ය පාසල් උපකරණ , නිල ඇදුම් , සපත්තු හා බැංකු ගිනුමක් ආරම්භ කර දීමයි.උදෑසන ගම්මුන් සැකසු උදේ ආහාර වෙලෙන් පසු අපි අපේ කර්තව්‍යය සිදුකරා.
ඉන් පසු අපි ගම තුලට සේන්දූ උනේ තවත් ලස්සන බලන්න.ඒ යන ගමනෙදි අපිට අවුරුදු තුන්සියයක් පමණ පැරණි ගමේ පන්සල දිස්වන්නට වූවා.

"මේ පන්සලේ හාමුදුරු නමක් වැඩ ඉන්නවද? "

"නෑ නෝනා හාමුදුරුවො ඉන්නෙ පහල..ඔය දානෙකට , පිරිතකට තමා උඩට වඩින්නෙ "

මෙහෙම කිව්වේ ගමේ තලතෑනි නැන්දා කෙනෙක්.නමින් සිංහල බෞද්ධයන් වුවත් ගම්මුන්ගේ ආධ්‍යාත්මික ජීවිතය බොහෝ විට දේව ඇදහිලි , යක්ෂ ඇදහිලි බලි තොවිල් වැනි ක්‍රම හා බද්ද වූවක්. සමාජය, පරිසරය හා රජයන් විසින් හුදකලා කරන ලද මෙම ගම්මුන්ට ඒ ගැන දොස් කියන්නට බෑ .මට අයියනායක කවි පන්තියේ කවියක් මතක් වුනා..

සංහිද ළඟ බාරයට කිරි ඉතිරීම
කෙම්මුර දවස් වල පහනින් සැරසීම
වන අතු කඩා ගස් දෙබලක දැවටීම
මම නොකෙරුවත් නොකරමි එය ගැරහීම..
.ගමේ රැහන් දුරකතන නොමැති අතර ජංගම දුරකතන වලට ඒකාකාරව සිග්නල් ක්‍රියාත්මක නෑ..එමෙන්ම ගමේ පිරිස් විදුලිය ලබා ගන්නෙ සූර්‍යකෝෂ මගින්.ඔවුන්ට බාහිර තොරතුරක් දැනගැනීමට තිබෙන්නෙ කිසියම් ආයතනයකින් පරිත්‍යාග කල රේඩියෝ යන්ත්‍රයක් වැනි උපකරණයක් මගින්.ඉන්ටනෙට්, ෆේස්බුක්, මැසෙන්ජර් ඉමෝ , වට්ස් අප් , වයිබර් නොමැති නිදහස් ලෝකයක තනි වීමත් එක්තරා සැනසීමක්..
ඉතින් චාරිකාවක් ලෙස මෙන්ම සත්කාරක වැඩසටහනක් ලෙස අප සහභාගි වුනු උඩගල්දෙබොක්ක සංචාරයේ මතක සටහන් පෙලක් ඔබ හමුවේ තබන්නේ ඔබටත් මේ සුන්දර හුදකලා ගම්මානයේ දිවිගෙවන අහිංසක ජන ජීවිතය දශමයකින් හෝ ඉහල නැංවීමට කලහැකි යමක් වෙතොත් කිරීමට පසුබට නොවනලෙස කාරුණික ආයාචනාවක් කරමින්.

📸 🖊️ TRAVEL NURSE

උඩගල්දෙබොක්ක ගමනේ සොදුරු මතකයන් ලගදීම

https://youtube.com/channel/UCtLnkJEQ1fmZOk87NcSq_OQ

03/01/2022

ලකේගල පාමුල......
ගලමුදුන ගම්මානය

03/01/2022

ගලමුදුන ගම්මානය I

නකල්ස් කදු පංතියේ එක අන්තයක පාමුල පිහිටා ඇති මෙම ගම්මානය ලංකාවේ හුදෙකලා වූ ගම්මානයක් ලෙස ප්‍රකාශ කළහැක.කිසිදු ප්‍රවාහන සේවයක් නොමැති අතර කුඩා ගම්මාන දෙකක් හරහා මේ ගම්මානය යාමට හැකියාව ඇත. එනම් සුලුගුනේ නම් ගම්මානය හරහා හීන් ගග තරණය කර 10 km ආසන්න දුරක් ඉතා දුෂ්කර අඩි මාර්ගයක් ඔස්සේ ගමන් කර හැකි අතර වැසි කාලයට ගග තරණය කිරීමට නොහැකි නිසා ඒ මාර්ගය බාවිතා කල නොහැක.

මේ සුළුගුනේ හරහා තියෙන පාර.,යන විදිය කිව්වොත්

හසලක හෙට්ටිපොළ පාරේ තියෙනවා ගිනිපෙට්ටි පාලම කියලා පාලමක්. යටින් ගලන්නේ මීමුරේ ඉදන් එන හීං ගඟ. එතනින් තියෙනවා වම් පැත්තට පාරක් සුළුගුනේ ගමට. ඒ පාරේ යන්න ඕනේ. පන්සලක් තියෙනවා ඒකත් පහුකරගෙන යද්දි තියෙන තුන්මං හංදියෙන් දකුණු පැත්තට තියෙන උඩ පාරේ යන්න ඕනේ. ඒක කෙලින්ම සුළුගුනේ ට. ගමේ තියෙනවා පොඩි කඩයක්. ඒ කඩේ ළඟින් තමයි ගලමුදුන පාර පටන් ගන්නේ. මට මතක විදියට ඒ අඩිපාර තියෙන්නේ දෙවටක් දිගේ. මුලින්ම පොඩි ඇලක් හම්බෙනවා. ඊට පස්සේ හීංගග තරණය කරන්න ඕනේ. ඊට පස්සේ කුඹුරක් තියෙනවා පොඩි ගෙයක් එක්ක. ඒ ගේ පහුවෙද්දිම වගේ චූටි කොංක්‍රීට් පාලමක් තියෙනවා ඒකෙන් එගොට වෙලා යන්න ඕනේ. එතන ඉදන් දිගටම කැලේ මැදින් අඩි පාර වැටිලා තියෙන්නේ ගමට. ආයෙත් අතර මගදි පොඩි දොල පාරක් හරහා යන්න ඕනේ. ඒක පහුකරගෙන මීටර් 200ක් වගේ යද්දි අඩි පාර නිකං දෙකට බෙදෙනවා වගේ තියෙනවා. ඒකෙන් දකුණු පැත්තට යන්නේ නැතුව කෙලින් පාරේ යන්න. දකුණු පැත්තට තියෙන්නේ අලි පාර. එතනින් ටිකක් ඉස්සරහට ගියාම පාර පලල් කරලා හදලා තියෙනවා ගමටම.

සමහර විට අලි කලාතුරකින් හම්බෙන්න පුලුවන්. කල්පනාකාරීව යන්න ඕනේ.

අනෙක් මාර්ගය දුන්ගොල්ල නම් ගම්මානය හරහා වැටීඇති දුශ්කර මාර්ගය වන අතර මීට වසර කිහිපයකට පෙර පැවති රජයකින් කුඩා මාර්ගයක් ලෙස සකසා ඇති අතර එය අදවන විටත් අවසන් කිරීම කිසිදු බලධාරියෙකුට නොහැකි වීම් ගැන අපට කනගාටුදායකය. වැසි සමය නිසා අපටද යෑමට හැකිවුණේ දුන්ගොල්ල නම් ගම්මානය හරහාය.අප ගලමුදුන ගමේ සිටින පාසල් යන සියලු දෙනාටම අවශ්‍ය පාසල් උපකරණ ,සපත්තු ,මේස් ,‍යුනිෆෝම් වගේම පාසල සදහා අවශ්‍ය ශබ්ද විකාශන යන්ත්‍රයක්ද ගෙනගිය නිසා ට්‍රැක්ටරයක් උපයෝගි කරගෙන ඉතා අවදානම් ගමනක් යාමට අපට සිදුවිය.
පවුල් 35 පමණ ජිවත් වන ගම්මානයේ ප්‍රධාන ජිවනෝපාය ලෙස හේන් ගොවිතැන කරන අතර වෙනත් කිසිදු අමතර ආදායමක් නොමැත.
ගලමුදුන ගම ගැන කතා කරද්දි පාසල ගැන කතා නොකරම බැරි තරම්.විදුහල්පති බණ්ඩාරනායක මහතාගේ කැපවීම මත අධ්‍යාපන ප්‍රතිඵල මිනිපේ ප්‍රාදේශීය කොට්ඨාසය පාසල් අතරින් අංක 1.එමෙන්ම සා/පෙල දක්වා මෙම පාසලෙන් අධ්‍යාපන හදරා විශ්ව විද්‍යාලය ප්‍රවේශය ගත් සිසුන් 04 දෙනෙකු සිටිනවා.දැනට සිසුන් 18ක් අධ්‍යාපන ලබන මෙම පාසලේ ගුරුභවතුන් 03ක් සහ ස්වෙච්ඡා වෙන් සිප්සතර ලබාදෙන සිල් මාතාවක්ද වනවා.
විදුලිය ද නොමැති මෙම ගම්මානයේ වන අලින්ගේ තර්ජන නිසා ඉතා දුෂ්කර ජිවිතයක් මෙම ගම්වාසීන් ගත කරනු ලබයි .තවත් සතුටු දායක ආරංචියක් එම ගම්වාසීන්ට ලැබෙනු ඇත.එනම් ලගදීම ඔවුන්ට සූර්යය ශක්තිය මගින් විදුලිය ලබාගැනීම සදහා ප්‍රතිපාදන ලැබී තිබීමයි.

🖊️ TRAVEL NURSE

18/12/2021

උඩගල්දෙබොක්ක ගම්මානයට යන ගමන්

14/12/2021

Beauty ❤️

Name:- Giant clam
( Tridacna gigas )
Location :- Kalpitiya , Sri Lanka
Depth :- 16 M
Temperature :- 28 C°
Olympus TG5 With PT-058 Housing
--------------------------------------------------------
Captured By Sam Fernando MSDT Instructor (Kalpitiya Diving Center)
Copyright Protected © Aquafriends|2021 All Right Reserved By Dananjaya Thilakarathna 😀😀 Share is allowed 😀😀
PADI Divemaster, Underwater Photographer And Videographer

10/12/2021

මිහින්තලේ පිහිටි තවත් පුදබිමක්
කටු සෑය

https://youtu.be/4P3lkj05Ieo

Katu Seyaකටු සෑය Nurse

02/12/2021

"ඔමික්‍රෝන්" ගැන ඔබ දැනුවත් ද?

කොවිඩ් - 19 වසංගතය සමග වසර දෙකකට ආසන්න කාලයක් අප දැන් ගත කර තිබෙනවා. මුල් වෛරසය ක්‍රමයෙන් වෙනස් වෙමින් නොයෙකුත් විකෘති ප්‍රබේධ නිර්මාණය වෙන බවත්, රෝගය බෝවීමේ අවදානම වැඩි පරිසර තත්ත්ව තුළ දී මෙවන් විකෘති නිර්මාණය වීමේ හැකියාව ද ඉහළ මට්ටමක පවතින බවත් අප හොඳින්ම දන්නා කරුණක්. එක් ලෝකයක් ලෙස සමානාත්මතාවයට ගරු කරමින්, එන්නත් සහ අනෙකුත් රෝග නිවාරණ පහසුකම් බෙදා හදාගෙන මෙම වසංගතයට මුහුණ දීම වැදගත් බව ලෝක සෞඛ්‍ය සංවිධානය සහ අනිකුත් විශේෂඥ ආයතන වරින් වර මතක් කිරීම් සිදුකළේ මේ නිසා යි. සියලු දෙනා ආරක්ෂා වන තුරු කිසිදු කෙනෙකු සම්පූර්ණයෙන් ආරක්ෂිත නොවන බව කීවේ ඒ නිසා යි.

අවාසනාවකට අඩු ආදායම්ලාභී රටවලට එන්නත් ලැබීමේදී සැලකිය යුතු ප්‍රමාදයක් දක්නට ලැබුන අතර මහද්වීපයක් ලෙස අප්‍රිකාව ලොව අඩුම එන්නත් ආවරණය සහිතව ඉතා අවදානම් තත්ත්වයක දිගින් දිගටම පසුවුණා. වරින් වර භයානක මට්ටමේ කොරෝනා රැළි ඇති කළ ඇල්ෆා, බීටා, ගැමා සහ ඩෙල්ටා විකෘති වෛරස් ප්‍රභේද අයත් වුණු, දැඩි ලෙස අවධානය යොමු කළ යුතු ( V.O.C.) කාණ්ඩයට, දකුණු අප්‍රිකාවෙන් නවතම සාමාජිකයෙක් එක් වන්නේ මෙවන් පසුබිමක් තුළ යි. 'ඔමික්‍රොන්' (B.1.1.529) ලෙස නම් කර ඇති ප්‍රභේදය මේ වනවිටත් ලෝකය පුරා දැඩි කතාබහට ලක්වෙමින් තිබෙනවා.

දකුණු අප්‍රිකාවේ සෑම පළාතකම පාහේ කොවිඩ් රෝගීන් සංඛ්‍යාව මෙම නව ප්‍රභේද හමු වීමට සමගාමීව සීඝ්‍රයෙන් ඉහළ යමින් පවතිනවා. නොවැම්බර් 9 වැනි දින ලබාගත් සාම්පලයක මුල්වරට මෙම කෝවිඩ් වෛරස ප්‍රභේදය දක්නට ලැබී ඇති අතර මේ වන විට එය ආසාදිත පුද්ගලයින් බොට්ස්වානා, බෙල්ජියම, හොංකොං, ඊශ්‍රායෙල් සහ එක්සත් රාජධානිය වැනි රටවලින් හමුවී ඇති බව තහවුරු කර තිබෙනවා. ජර්මනිය සහ චෙක් ජනරජය ඕමික්‍රෝන් ප්‍රභේදය ආසාදිත බවට සැක කෙරෙන රෝගීන් පිරිසක් සම්බන්ධයෙන් තවදුරටත් ජාන විද්‍යාත්මක පරීක්ෂණ පවත්වන බවට වාර්ථාවෙනවා. දැනට දනගැනීමට ඇත්තේ ඔමික්‍රොන් ප්‍රබෙදය ඇතිවුයේ යැයි සැකකරන පලමු රොගියා එන්නත ලබා නොගත්, දීර්ඝකාලීන ප්‍රතිශක්තීය අඩපණ කරන රොගයක් ඇති, ඒ සදහා ප්‍රතිකාරද ලබා නොගත් පුද්ගලයෙකු බවයි.

ඉතාම සීඝ්‍රයෙන් ව්‍යාප්ත වීමේ හැකියාව සහ වරක් කොවිඩ් ආසාදනයට ලක්වු පුද්ගලයන්ට හිමි විය හැකියි ස්වභාවික ප්‍රතිශක්තියට අභියෝග කරමින් යළි ආසාදනය වීමේ හැකියාව මෙම නව විකෘති වෛරස් ප්‍රභේදයට පවතින බව වාර්තා වුවත් භාවිතයේ පවතින එන්නත්වලට එය කෙසේ ප්‍රතිචාර දක්වයි ද යන්න පිළිබඳව තවදුරටත් පර්යේෂණ පැවැත්වෙමින් තිබෙනවා. මෙහි ඇති ජාන විකෘතිතා සංඛ්‍යාව අනෙකුත් ප්‍රභේද සමග සංසන්දනය කරන විට ඉතා ඉහළ අගයක් ගැනීම සුළු කොට තැකිය නොහැකිය තත්ත්වයක් බව විශේෂඥයන්ගේ අදහසයි.

රටක් වශයෙන් කොරෝනා රැලි තුනකට මුහුණ දීමෙන් සහ සිග්‍ර ව්‍යාප්තියක් සහිත ඩෙල්ටා ප්‍රබේධය හමුවේ වුවත් සෞඛ්‍ය පද්ධතිය බිඳ නොවැටෙන පරිදි කළමනාකරණය කරගනිමින් අප ලබාගත් අත්දැකීම් මෙවන් අවස්ථාවක නැවත සිහිපත් කරගැනීම ඉතාම වැදගත්. කිනම් විකෘති ප්‍රබේධයක් වුවත් අප හොඳින්ම දන්නා පුද්ගල දුරස්ථභාවය, නිවසින් පිටතට යන හැම විටම නිවැරදිව මුහුණු ආවරණ භාවිතය, දෑත් නිතර පිරිසිදු කරගැනීම යන මූලික සෞඛ්‍ය පුරුදු මඟින් වළක්වාගත හැකි නිසා මේ අවස්ථාවේ ඒවා තදින්ම ක්‍රියාත්මක කිරීම අපේ යුතුකමක්.

ලෝකය පුරා පැතිරෙමින් පවතින බිහිසුණු ඩෙල්ටා ප්‍රභේදය ඇතුළු විවිධාකාර "අවධානය යොමු කළ යුතු ප්‍රභේද" වලට එරෙහිව එන්නත් වලින් ලැබෙන ආරක්ෂාව දිනෙන් දින තවදුරටත් පැහැදිළි වෙමින් පවතිනවා. එන්නත් ආවරණයෙන් ඉහළ සිටින රටවල වාර්තාවන රෝගයෙන් සංඛ්‍යාවට සාපේක්ෂව සිදුවන මරණ සංඛ්‍යාව එන්නත්කරණය ට පෙර කාල වලට වඩා පැහැදිලිවම අඩු අගයක් පෙන්වනවා.
පූර්ණ එන්නත්කරණයට ලක් වූවන් අතර කොවිඩ් නිසා රෝහල්ගතවීම් 84 % කින් අඩු බව වාර්තාවල දැක්වෙනවා.
එන්නත් මාත්‍රා දෙකම ලබාගෙන පූර්ණ එන්නත්කරණයේ ආරක්ෂාව ලබාගැනීමත්, අනතුරුව තුන්වන මාත්‍රාවක් සඳහා සුදුසුකම් ලබන්නේ නම් එය මඟින් තවත් වැඩි ආරක්ෂාවක් සළසා ගන්නටත් තවදුරටත් ඔබට හැකියාව තිබෙනවා.

සෙනඟ වැඩිපුර ගැවසෙන , වැසුනු / වාතාශ්‍රය අඩු, පුද්ගලයින් සමීපව ගැවසෙන ස්ථාන වල ගැවසීම කොවිඩ් ආසාදනය වීමේ ඉතා දැඩි අවධානමක් ඇති කරනවා. විශේෂයෙන්ම බොහෝ පිරිසක් එක අවස්ථාවක ආහාර ගන්නා වැසුණු අවකාශ තුළ සෙනග ගැවසෙන ආපන ශාලා හා විශේෂයෙන්ම විවාහ මංගල ආදී උත්සව අවස්ථාවල වෛරසය පැතිර යාමේ වේගය ඉතාමත්ම වැඩියි. මෙවැනි ස්ථාන හා අවස්ථාවන් හැකි උපරිමයෙන් මග හැරිය යුතු වෙනවා. නොඑසේ නම් ඒවායේ ගත කරන කාලය හැකිතාක් අඩු කළ යුතු වනවා. එළඹෙන උත්සව සමයේදී මෙය අප සියලු දෙනා සිහියේ තබාගතහොත් නැවතත් විශාල කොවිඩ් රැල්ලක් ඇති වීමේ ප්‍රවණතාවය අඩු කරගත හැකියි.

සෞඛ්‍ය උපදෙස්වලට එකාවන්ව අනුගත වෙමින් පෙර පරිදිම විද්‍යාත්මක ප්‍රවේශයක් අනුගමනය කිරීම හරහා රටක් ලෙස මෙම අභියෝගයත් ජයගැනීමට හැකිවනු ඇති බව අපේ විශ්වාසයයි.

23/11/2021

කැළණිය...

23/11/2021

ගිරිතලේ ...

22/11/2021

ස්වර්ණමාලී මහා චෛත්‍යය රාජයාණන්
Anuradhapura / Sri Lanka

05/11/2021

❤️මහනුවර රජවාසල කවටයා අන්දරේ❤️
❤️❤️❤️❤️❤️❤️❤️❤️❤️❤️❤️❤️❤️❤️❤️❤️

සද්ද විද්ද පළඟ පතිර රාජපක්‍ෂ වික්‍රමසිංහ මුතුකුමාරණ අධිකාරම් ලෙස ප්‍රකටව සිටි කවට අන්දරේ පිළිබද නොදන්නා කෙනකු නැති තරම් ය. එදාමෙදාතුර අප සමාජයේ සිටින සෑම කෙනකුම ඔහුගේ උපහාසාත්මක කවි මෙන් ම, කතා පිළිබඳව ද හොදින් ම දනී. ඔහුගේ ක්‍රියාකලාපය කෙබදු ද කියා ද දනී. උඩමලල ප්‍රදේශය යනවිට රජවාසල
අන්දරේ යන කවුරුන්දැයි විමසුවහොත් ඔහු පිළිබඳව නොදන්නා කිසිවෙක් සිංහල ජන සමාජයේ සොයා ගත නොහැකි තරමට අන්දරේගේ විහිළුවලින් ජනකතා ඉතිහාසය සුපෝෂිතය. රජ වාසල කවටයා යැයි සුප්‍රසිද්ධ අන්දරේ ප්‍රවාදය හා ඒ හා බැඳුණ රසවත් සිදුවීම් සංක්ෂිප්තයක් ලෙස ඔබට ගෙන ඒම මේ සටහනේ අරමුණයි.

රජ වාසලට කවටයෙකු අවශ්‍ය වූයේ ඇයි
රජ වාසලට කවටයෙකු වුවමනා වූයේ හුදෙක් හාස්‍ය රසයට පමණක් නොවන බව ඒ පිළිබඳ වැඩිදුර තොරතුරු විමර්ශනය කරන විට පැහැදිලි වේ. විශේෂයෙන් රාජ්‍ය පරිපාලනයේ දී රජුට ඇතිවන ඒකාකාරී බව, කටුක හා නීරස අවස්ථාවන් හී ඇතිවන පීඩනය අවම කිරීම උදෙසා කිසියම් විනෝදාස්වාදයක් පැතීම කවටයා මගින් අපේක්ෂා කර ඇතැයි සිතිය හැක. එපමණක් නොව වාසලේ කවටයා නිල නොවන පුරෝහිතයකුගේ භුමිකාව ඉටු කළ බැව් පෙනේ. ඒ විහිළු කර රජුව හිනැස්සීමෙන් නොව නිසි විහිළුවෙන්ම නිසි උපදෙස් දීමෙන් මෙන්ම වන්දිභට්ටයන්ගේ මුරැංගා අත්තේ තැබීම්වලින් රජුව බේරාගැනීමෙනි.

ජනප්‍රවාදයේ එන පරිදි අන්දරේගේ උපන්ගම වන්නේ මාතර දෙවුන්දර සමීපයේ කීරවැල්ලයි. කිරලවැල්ලේ ගුරුන්නාන්සේ නමින් හැඳින්වුණු ඔහුගේ පියා කුඩා අන්දරේට “බුද්දගජ්ජය” ඉගැන්නුවේය. පසුකාලයේ දී අන්දරේ ඉගෙනුම පිණිස ගැටමාන්නට යවා ඇත. එහෙත් උගැන්මට කම්මැලියෙක් වූ ඔහු ඉන් පලා ආවේය. උත්පත්තියෙන්ම මුඛරි වූ අන්දරේ එකල ප්‍රසිද්ධියට පත්ව සිටියේ හිටිවන කවියෙකු ලෙසය.

හාස්‍ය රසය උත්පාදනය කරමින් තැන තැන කවි කියමින් සිටි තරුණ අන්දරේ සෙංකඩගල රාජාධිරාජසිංහ රජුගේ (1782-1798) සේවයට එක්වීම පිටුපස රසවත් කතාවක් ජනප්‍රවාදයේ එයි.

වරක් රජුගේ නින්දට දැඩි ලෙස බාධා කරමින් සිටි මැඩියෙකු මරා දැමිය හැකි පුද්ගලයෙකු සොයමින් රජු රට පුරා අඬබෙර කරුවන් යැවීය. මැඩියා මරා දැමිය හැකි බව පැවසූ විසුළු පෙනුමක් ඇති කෙසඟ මිනිසෙකු රාජපුරුෂයින් රජමාලිගාවට ගෙන ආවේ ඔය අතරේ දීය.

රාත්‍රිය එළැඹිණි. මේ කෙසග මිනිසා මඟුල් පොකුණට අසළට වී දුන්න මානා ගෙන සිටියේ රාජද්‍රෝහී මැඩියා මැරීමටය. එක්වරම මැඩියාගේ හඬ ඇසුණේත්, එ් දිසාවට මිනිසා තම දුන්නෙන් ඊය විද්දේත් එකටම ය. ගෙම්බා එ් මොහොතේම අවසන් ගමන් ගිය අතර පසුදින පොකුණේ මැරී හුන් ගෙම්බා හා කුඩා මිනිසාද රජු හමුවට පැමිණවීය.

සද්දය ආ තැනට ඊතලයකින් විද ගෙම්බා මැරූ මේ මිනිසා රජු දුටුවේ අරුම පුදුම වැඩකරුවෙකු ලෙසිනි. මැඩියාගේ හඬ නිහඬ වීමෙන් රජු අප්‍රමාණ සතුටක් වින්දේය.

‘‘ මගුල් පොකුණේ සැඟව සිටි ගෙම්බා ඔබ සොයා ගත්තේ කෙසේද? රජු විමසීය.

‘‘අද උදෑසන මැරී පා වෙමින් තිබූ ගෙම්බාගේ මළ සිරුර සොයා ගත්තේ මා නොව රාජ පුරුෂයන් විසින්” යැයි පිළිතුරු ලැබිණි.

රජුගේ මුවට සිනා නැගිණි. ප්‍රශ්නය නොතේරුනෑයි සිතූ රජු නැවතත්,

‘‘ගෙම්බා පොකුණේ සැඟ වී සිටියේ කොහේදැයි ඇසීය.

‘‘එය දන්නේ නම් මිය ගිය ගෙම්බාම පමණකි” යැයි කුඩා මිනිසා උත්තර බැන්දේය.

මහ හඬින් සිනාසුණ රජු ඔහුට ඒ මොහොතේම “සද්ද විද්ද පළඟ පතිර” නම් නම්බු නාමයක් ප්‍රදානය කළ අතර ඔහුගේ විකට පිළිතුරුවලින් ප්‍රීතියට පත්ව රජ වාසළේ කවටයා තනතුර ද පිරි නැමීය. ඔහු අන් කවරෙකුත් නොව අන්දරේය.

කයිවැල් අන්දරේ

අන්දරේගේ කවීත්වය උපන්ගෙයි උරුමයක් විය. පත පොතින් ලද දැනුම නොව ස්වභාව ධර්මයා සහ ජන සමාජය ඇසුරෙන් ගැයුන අන්දරේගේ කවි මානව දයාවෙන් පිරි සෝපහාස රසයක් ගෙන එයි. වාසළේ කවටයා වූ අන්දරේ රජ ගෙදර කවිකාර මඩුවට සම්බන්ධ වූයේ රාජ සේවයට බැඳී ටික කලක් ගෙවුණ පසුය. කවියට පෙම් බැඳි රජුගේ කවිකාර මඩුවේ දිනක් මුං කොටුවේ රාල, වඩුගොඩ කවියා හා කැකිරි ගමයා වැනි අන්දරේගේ සමකාලීන කවියන් රැස්ව සිටියෝය. එවෙලේ රජු තේරවිල්ලක් ඉදිරිපත් කොට එය තෝරන්නැයි මේ කවීන්ට දන්වා සිටියේය. තේරවිල්ල මෙසේය.

දාර දෙකයි එක තැන මුල්කර තැනුවා

පාර තිහක් ගැසුවත් බයකුත් නැතුවා

කොන් සතරයි කණු සතරයි ගෙට ඇතුවා

තෝරාපන් ඊයේ මගදී දුටුවා

කවිමඩුවේ කවිකාරයන් අමාරුවේ වැටිණි. පිළිතුරක් දී ගත නොහැකි සිටි ඔවුන් දුටු අන්දරේ කවියේ හතර පද තෝරා දුන්නේය.

දාර දෙකයි එක මැද එය ගැවසීය

වටපිට යන කලට කණු සතරෙන් යාය

ගෙට වැඩි කළට කිසි බයකුත් නැතුවාය

මට දැනෙනා ලෙස මහරජ ඉබ්බාය

මහ රජ ඉබ්බාය යනුවෙන් අවසන් පදයෙන් අන්දරේ හීන්සීරුවේ රජුට උපහාසයක් ද එල්ල කළේය. තේරුම් කවියෙන් සතුටට පත් රජු වහා අන්දරේ කවිකාර මඩුවේ කවියෙක් බවට පත් කළේය. පසු කාලයේ කැකිරි ගමයා හා එක්ව අන්දරේ කී පරහු කවි සංවාද (පිළිතුරු කවි) අපේ ජනසාහිත්‍යයේ විශිෂ්ට පරිකල්පනයකින් යුක්ත කවි වර්ගයක් ලෙස සැලකේ. කවිවැල් අන්දරේ ලෙස අන්වර්ථ නමකින් ඔහු හැඳින්වූයේ එක දිගට කවි ගෙතීමේ තිබූ අපූරූ හැකියාව හේතුවෙනි. හිටිවන කවි, වස් කවි, සෙත් කවි, ශෘංගාරාත්මක කවි ආදී ඕනෑම කවියක් අන්දරේට සැණින් පබැඳිය හැකිව තිබුණි.

තවත් දිනක් රජු සිය වාසළ කටයුතු හමාර කරමින් පැමිණ සිටි රාජ අමාත්‍යාදීන්ට අපූරු යෝජනාවක් ගෙන ආවේය. රාජ සභාවේ සියළු දෙනා පසුදා එනවිට බොරුවක් ගොතාගෙන ආ යුතු අතර, ලොකුම බොරුවට ත්‍යාගයක් ද දෙන බවට රජු සැල කළේය. පසුදා රාජ සභාවට පැමිණි සියල්ලෝම ගොතා ගෙන ආ බොරු රජුට සැල කළ නමුත් ඒ කිසිවකින් රජු සෑහීමකට පත් නොවීය. අවසානයේ අන් අයගේ බොරුවලට සවන් දෙමින් සිටි අන්දරේ නැගිට තමාට බොරුවක් කීමට උවමනා බව රජුට පැවසීය. අවසරය ලැබිණි.

රජකම් කළත් ඉඳගෙන සිහසුනක මත

ඔබ ගොන් රජෙකි මේ මහ ගොන් රැලට හිත

ඔබ මෙන් කුහක නින්දිත අධමයකු කැත

මුළු ලංකාවෙ වෙන කිසියම් තැනක නැත

රජුගේ පාලන තන්ත්‍රය සෘජුවම උපහාසයකට ලක් කරමින් අන්දරේ සිය බොරුව කවියෙන් කීය. රාජ සභාවම තුෂ්ණිම්භුත විය. රජුගේ කටයුතු විචාරයට ලක් කිරීම හෝ රජුට අවමන් කිරීම එකල සිදු විය නොයුත්තකි. සියල්ලෝම බලා සිටියේ අන්දරේට මරණ දඩුවම ලැබෙන තෙක්ය. එහෙත් රජු සිනාසී හොඳම බොරුව අන්දරේ කී බවට පිළිගත්තේය. ත්‍යාගය ලැබුණේ අන්දරේටය.

අන්දරේ ප්‍රවාදය ඇසුරින් උපන් ජනකතා
කවි පමණක් නොව අන්දරේ චරිතය ඇසුරින් උපන් ජනකතා ද රසවත්ය. හතර බීරී කතාව එබඳුය. දිනක් රජ බිසවට අන්දරේගේ ප්‍රිය බිරිඳ දැකීමට කැමැත්තක් ඇති විය. අන්දරේ ඇය ගැන කතා කරන්නේ මහ ඉහළිනි. හොඳ වැඩක් කරන්නම් යැයි සිතූ අන්දරේ ගෙදර ගොස් බිරිඳට පැවසූ‍‍යේ ‍දේවිය රජ මාලිගාවට ඇය හා එන ලෙස දැන්වූ බවය. රාජ දේවිය බිහිරි බැවින් ඇය හා කතා බස් කිරීම හඬ නගා කළ යුතු බව ද අන්දරේ බිරිඳට සිහිපත් කළේය. බිරිඳ සමග මාලිගාවට පිවිසි අන්දරේ ඉක්මන් ගමනින් රජ බිසවට ද පැවසූයේ සිය බිරිඳ බිහිරි බැවින් ඇයට හඬ නගා ආමන්ත්‍රණය කළ යුතු බවයි.

දැන් රජගෙදර එකම ගාලගෝට්ටියකි. මෙහෙසිය අන්දරේගේ බිරිඳට මහ හඩින් කතා කරයි. බිසව බිහිරි යැයි සිතූ අන්දරේගේ බිරිඳත් ඇයට දෙවැනි නොවී මහ හඬින් අමතයි. රජු ද පැමිණ බලා සිටියි. රජ ගෙදර පිරිස රැස්ව මේ කිනම් අරුමයක්දැයි විමසයි. අන්දරේ පමණක් බඩ අල්ලන් සිනාසෙමින් පසු වෙයි. රජුට ද කාරණය තේරුම් ගියේය. අවසන රජ බිසව හා අන්දරේගේ බිරිඳ පිරිසගේ සිනාහඩ මධ්‍යයේ අන්දරේට දෙස්දොවොල් තැබූහ.

අන්දරේ සීනී කෑ හැටි, තිතයන් මැල්ලුම හා බත් කද, වප් මඟුලට හරකුන්ට පණිවුඩ කීම, ගොරකා මුලේ කතාව ආදී ළමා ලොව රසවත් කළ අන්දරේගේ කතාන්දර බොහෝ වෙති.

ජන වහරේ එන අන්දරේ කතා මාලාව ඇසුරින් නූතනයේ බිහිව ඇති නිර්මාණ බොහෝ අැත. එම නිර්මාණ රසවින්දනය පමණක් නොව වරෙක පුළුල් සමාජ දේශපාලන අර්ථයක් ලබා දී ඇත. ප්‍රවීණ නළු එඩී ජයමාන්න මහතා රංගනයෙන් දායක වූ කවට අන්දරේ, ප්‍රවීණ නළු ජයලත් මනෝරත්නයන්ගේ අන්දරේලා අැතුළු වේදිකා නාට්‍ය, කුඩා දරුවන් සඳහා නිර්මාණය වූ කාටුන් කතා මාලා, හතර බීරී කතාවෙන් ප්‍රතිනිර්මාණය වූ දොම්පෙට යන පාර කොයිබදෝ ගීතය, ජේ. ඒ මිල්ටන් පෙරේරා ගයන රන් පොකුණෙන් දිය නාගෙන එන්නේ වැනි ගීත ද මේ අතර වෙයි. පොත් පත් මගින්ද අන්දරේ ප්‍රවාදය ප්‍රතිනිර්මාණය කළ ජන කතා එකතු බොහෝ ඇත.

වයස්ගත වනතුරුම අන්දරේ රජුගේ හා රජ ගෙදර ඇත්තන්ගේ මුවට සිනා නංවමින් සිය රාජකාරිය අකුරටම ඉටු කොට තිබේ. කවටයෙකු, කවියෙකු හා අදිකාරම්වරයෙකු ලෙස අන්දරේ වාසළේ සිය භුමිකාව ඉටු කර ඇත.

සිය ජීවිතයේ අවසන් ගමන් උපන් ගමෙහිම යන්නට සිතූ අන්දරේ සෙංකඩගල රාජධානියෙන් සමුගෙන රුහුණට එන්නට පිටත් වූයේ සහයට පිරිසක් ද සමගිනි.නැවත ගමට යා යුතු බව ඔහු තීන්දු කර, රජුට දැන්වූයේ, තමන්ට ද රජකු මෙන් ගමට යා යුතු බව ය. රජු ඔහුට දෝලාවක් ද, රාජපුරුෂයන් ද, රාජ ඇඳුම් ද, ඔටුන්නක් ද ලබා දී යැව්වේ ය.
උණ රෝගයෙන් ද දුබලව සිටි අන්දරේ හම්බන්තොටට නුදුරු උඩමළල වැව් ඉස්මස්තේ දී පිපාසිතව දෝලාවෙන් බැස්සේය.තමන් රෝගාතුර වූ බව වටහා ගත් ඔහු, තමා මරණයට ළඟාවී ඇති බවත්තේරුම් ගත්තේ ය. ඔහු සෙමෙන් පලු ගසක් යට හිඳ ගත්තේ ය. ඒ හුස්ම ගැනීමේ අපහසුතාවක් දැනුණු හෙයිනි. දෑත් දෙපා දෙපසට විහිදාගත් ඔහු, කවියකින්ම තම ජීවිතයේ අවසන් හුස්ම හෙළුවේය.


රිදී කළේ රන් කොතලේ බීපු මට

නිකම් කළේ පැන් නැතිවිය පිපාසෙට

කොට්ටමෙට්ට ඇඳ ඇතිරිලි තිබූ ප්ප්මට

මෙහෙමත් කල යාද පළුවීර ගස් යට

ඔහු මිය ගිය ශෝක ජනක පුවත ඇසූ රජු වහා අන්දරේ මිය ගොස් සිටි ස්ථානයට පැමිණියේය. ඔහු වැතිර සිටි ආකාරය දුටු රජතුමා “මේ මිනිසා මළත් මාව හිනස්සනවා” යැයි පැවසූ බව ජනවහරේ එයි.

අන්දරේ මිය ගිය ද ඔහු කිසිදා ‍‍නොමියෙන චරිතයක් බවට පත්ව ඇත. අන්දරේ යනු සැබෑ චරිතයක් නොවන බවත්, එකල සිටි කවීන් හැඳින්වීමට පොදුවේ යොදා ගත් නමක් බවත් සමහරක් විද්වතුන්ගේ මතයයි. අන්දරේ නාමය බිඳී ආවේ පෘතුගීසි බසේ ඇන්ඩෘ යන නාමයෙන් බව ද කියැවේ.

කෙසේ වුවත් අවසන් නින්දට පිවිසි උඩමළල වැව් ආසන්නයේ අන්දරේ අදටත් දෑත ‍දෙපය දෙපසට විහිදුවා නරඹන්නන්ගේ මුවේ සිනහවක් තැබීමට සමත් වී සිටී. හම්බන්තොට උඩමළල වැව් අබියස කවට අන්දරේ‍ගේ සොහොන ‍ලෙස ප්‍රසිද්ධියට පත් මෙම ස්ථානය අන්දරේගේ ජීවිතයේ විවිධ අවස්ථා මූර්තිමත් කොට තිබේ. හම්බන්තොට සිට තිස්සමහාරාම පාරේ යනවිට හමුවන උඩමළල හන්දියෙන් වමට ඇති පාරේ කිලෝමීටරයක් පමණ ගොස්, එහි දකුණු දෙසින් වූ වැව අයින දිගේ ඇවිද යන ඔබට හදවත් තුළ නොමියෙන අන්දරේගේ සොහොන් බිමට පිවිසිය හැක.උඩමලල ප්‍රදේශය යනවිට රජවාසල කවටයාගේ පිළිරුවක් , මාවත අයිනේ දැක ගැනීමට පුළුවන.

එතැනින් වමට හැරී මීටර් දෙතුන් සීයක් පමණ දුරක් ගෙවමින් ගියවිට , මේ සොහොන පිහිටි ස්ථානය වෙත ළගාවිය හැකි ය. හම්බු පදුරුවලින් ගහණ, ඕලු මල් පිපුණු විලක් අසබඩ මේ අපූරු ස්ථානය සකස් කර තිබේ. ඒ කවට අන්දරේට ගරු කිරීමක් වශයෙනි.