02/11/2023
රැකියාවට එහා ගිය මනුස්සකම..
අපි 28 වෙනිදා නුවරඑලි ගියපු ගමනේ හරි ලස්සන පුංචිම පුංචි සිදුවීමක් උනා. අපේ පුංචි පුංචි අත්වැරදීම් කීපයක් නිසා රාගල හන්දියේදි සියලුම වාහනවලට නවත්වන්න පොලිස් අණ ලැබුනා. අපි හැමෝම හිතුවේ අපිට දඩයක් ලැබෙයි කියලා. හරි ලස්සන සිදුවීමක් එතන වුනා.
කොල්ලෝ ඔක්කොම ටික එකතු කරලා හරිම ලස්සන හරවත් දේශණයක් දෙන්න රාගල පොලිසියේ ඒ මහත්වරු කටයුතු කලා. ඉතින් ඒ දේශණය අවසානයේ ඒ මහත්වරු කිව්වෙ "පරිස්සමෙන් ගිහින් වරෙල්ලා, බුදුසරණයි කියලා"
රාගල පොලිසියේ රථවාහන අංශයේ ලක්මාල් මහත්තයා සහ අනිත් මහත්තයා අපි ආදරයෙන් මේ වෙලාවේ මතක් කරනවා. ඒ වගේම ස්ථානාධිපතිතුමා අපි ඔවුන්ගේ වසම පසුකරනකම් ජීප් රථයෙන් ඇවිත් අපි ගැන සොයා බැලුවා..
ඔබතුමන්ලාගේ ජීවිත සර්වප්‍රකාරයෙන්ම සාර්ථක වේවා යැයි අප පතන්නෙමු..
" වන සිව්පාවුන් වැනි මිනිසුන් මැද දෙවි දේවතාවුන් වැනි මිනිසුන් ඇත "
- ඡායාරූපය අයේශ් ඉඳුනිල් කැමරා කාචයෙන්
