SL Travel

19/09/2024

19/09/2024

එතන ලස්සන 😍

19/09/2024

තලිය වැටුනු ඇල්ල

17/03/2024

අනුරාධපුරයේ සංචාරයේ යෙදෙන ඔබට / ඔබ පවුලේ අයට සුන්දර නිස්කලංක තැනක නවාතැන් පහසුකම්.
0740228165

27/02/2024

අවට තිබ්බ view එක නිසා ලංකාවේ තිබ්බ පට්ටම ලස්සන දිය ඇල්ලක් .. දැන් ඒ view එක නැහැ ..
මේ දෙකම පායන කාලෙ ගත්ත පින්තූර දෙකක් ..

11/11/2023

01/11/2023

කොහොමද එ ටික 😍🤩

11/10/2023

- යන්න කලින් අනිවා මේක කියවලා යන්න
"ගැරඩි ඇල්ල, කලුගල" 👇👇

ශ්‍රි ලංකාවේ නුවර හා මහියංගනය අතර මැද තියන උඩුදුම්බර ප්‍රදේශයේ කලුගල හි ඇති ගැරඩි ඇල්ල කියන්නෙ සුන්දරත්වයෙන් පරිපූර්ණ නමුත් භායානක කන්දක් , ඔයාලා කලින් Hike ගිහින් නැත්තම් මේකට යන්න එපා මොකද ඒ ටිකක් අමාරුයි එහෙම උනොත්...

* * * * *

කලුගල පිහිටි ගැරඩි ඇල්ල තියෙන්නෙ උඩුදුම්බර ප්‍රදේශයේ ඔයාලාට මෙහෙ එනවනම් ක්‍රම දෙකකට එන්න එනම්

• නුවරට ඇවිල්ල එතනින් කෙලින්ම උඩුදුම්බර කලුගලටම බස් එකක් තියෙනවා

• එහෙමත් නැත්තම් කෙලින්ම කොළඹ - මහියංගනය / අම්පාර / පස්සර යන බස් එකකින් ඇවිල්ල උඩුදුම්බරින් බැහැලා එතන ඉදන් බස් එකෙ හරි ත්‍රී වීල් එකක හරි යන්න පුලුවන්

අපි කොහොමත් රස්තියාදු කාරයෝ නිසා සිකුරාදා හවස Night mail train එකෙ ගියෙ ඒ ගිහින් නුවරින් බැස්සෙ 11.30pm වගෙ 👉👈 සීන් එක කියන්නෙ බස් එක තියෙන්නෙ 4.30ටලු ඉතින් නුවර වටෙ රෑ එලි වෙනකන් ඇවිද්දා පිස්සො වගෙ ඇවිදලා රෑට කාලා අපි නුවර මහියංගනය බස් එකක නැග්ගා උඩුදුම්බරින් බහිනකොට උදේ 7ට වගෙ ඇති.. අපි ඊට පස්සේ තේකක් එහෙම බීලා අවශ්‍ය බඩු ටිකත් අරන් පයින් ගෑටුවා කලුගලට යනකන් 😑 අපෙ කොහොම හරි අපෙ අයියා කෙනෙක්ට ත්‍රීවිල් එකක් සෙට් වෙලා පොර ගිහින් කලුගල තියන කඩේකට ඊට පස්සෙ අපිටත් ඒ ත්‍රිවිල් එක කතා කරලා එව්වා මගක් දුර එද්දි.. අපිත් ගිහින් අරන් ගියපු කෑමත් කාලා එතනිනුත් කෑම ඕඩර් කරලා මූන කට සොදන් අවශ්‍ය දෙවල් කරගෙන අරගෙන යන්න පිටත් උනා උදේ 9ට වගේ...

කලුගල ගැරඩි ඇල්ල කන්ද ගත්තොත් මේ කන්ද කොටස් තුනකට ගන්න පුලුවන් ...

• පලමු කොටස

අපි උඩුදුම්බර ඉද්දී අපිට එක්කෙනෙක් කතා කරලා කිව්වා කන්ද ගාවටම ගිහින් දාන්නම් 1200/-ක් වගෙ දෙන්න කියලා අපි පන්ඩිතකමට ඔනි නෑ කියලා පයින් යන්න ගියා 🥲 ඔයාලා යනකොට එහෙම කතා කරොත් යන්න ඇත්තටම කිසි පාඩුවක් නෑ 8km වගෙ තියෙනවා කන්ද ගාවටම..පයින් යන්නෙපා කලුගල පහේ කනුව ගමෙන් තමා බහින්න ඔනි එතනින් බැස්සාම තියනවා කෑම කඩයක් පොරගෙන් තමා අපි කෑම ගත්තේ රස වගෙම ගානත් ශේප් එ අයියා සැහෙන්න උදව් කරා වැඩේට එ කඩේ ගාව ඉදන් කන්දේ පාමුලට 3km වගෙ තියෙන්නේ පයින් යනවනම් යන්න පුලුවන් නැත්තම් ත්‍රිවිල් එකක යනවනම් මහන්සිය ඉතුරුයි..

අපිනම් පන්ඩිතකමට පයින් ගියා 🥲😂 මුල් ටික එ කියන්නෙ කන්දේ පාමුලට යනකන් ගැම්මෙන් ගියා 5kg විතර බරත් උස්සන් එකෙක් 👉👈 කන්දේ පාමුල පටන් ගන්නෙ පොඩි ඇලපාරකුත් එක්ක තියන දේවාලයකුත් එක්ක තැනකින් එතනට පඩුරුත් දාලා මූනකට සොදන් නගින්න පටන් ගත්තා.. කන්දේ මුල් කොටසනම් අවුලක් නැ නගින්න පුලුවන් කැලෙ මැද්දෙන් යන්න තියෙන්නෙ චිල් එකෙ අපි කට්ටියත් එක්ක කොහොම හරි පැය එකමාරකින් වගෙ පලමු කොටස නැග්ගා... පලමු කොටස ඉවර වෙන්නෙ බන්ඩා කියන මාමා කෙනෙක්ගෙ පැලකින් .. එතනට ගිහින් මහන්සිත් ඇරලා එයාගෙන් වලං බඩු මුට්ටු ටිකකුත් අරන් දෙවෙනි කොටස නගින්න පටන් ගත්තා...

• දෙවෙනි කොටස

මේක පොඩ්ඩක් වගෙ පරිස්සමෙන් යන්න ඔනී පාරවල් වරදිනවා නැත්තම් ගල් එක්ක හයික් එකක් නගින්න තියෙන්නෙ අපෙ උන් පන්ඩිතකමට පයින් ගෑටුව නිසා මගක් වෙද්දී ඩල් 😂 special මමයි , දනංජය අයියයි , තීක්ශණයි 🤝

මේ කොටස ඇත්තටම පරිස්සමෙන් පරීක්ශාකාරි ලෙස නගින්න ඔනි මගින් මගින් පාරවල් ගොඩක් අහුවෙනවා හරි පාර ලකුනු කරලා තියෙන්නෙ එවා මංපෙත් ඔස්සේ අපි යන්න ඕනි නැත්තම් අයෙ එනවා බොරු මේ ටිකත් අවුලක් නැතුව හිමින් හිමින් නැග්ගා කොච්චර මහන්සි උනත් වටෙ තියන ලස්සන විව් එක නිසා ❤️ ඒක ටිකකින් අඩු වෙලා යනවා දෙවෙනි කොටසින් අපි ලාගා වෙන්නෙ දෙවෙනි ඇල්ල ගාවට එතන හුගක් ලස්සන තැනක් වගෙම සීතල වතුර තියන ලස්සන view එකක් තියන පට්ට තැනක් 🍃 මෙතනින් අපි ගෙනාපු කෑම ඔක්කොම කාලා ටිකක් ඉදලා තුන්වෙනි කොටස නගින්න පටන් ගත්තා.. මේක තමා අවුල

• තුන්වෙනි කොටස

ඔයාලා කලින් හයික් ගිහින් නැත්තම් මෙතනින් උඩට යන එක සැහෙන්න අමාරු වගේම පරිස්සමෙන් කරන්න ඔනී දෙයක් එක්කෝ නොයා ඉන්න එක.හොදයි කෝකටත් 🥲 සිරාවටම කියන්නෙ ඒ තරම් අමාරුයි වගෙම අපහසුයි.. මමත් පොඩ්ඩක් බය උනා නගින්න ඇත්තටම කිව්වොත්..

තුන්වෙනි කොටස නගින්න පටන් ගන්න තියෙන්නෙම 5M විතර දෙබොක්කාවක් ලණු වලින් , ඔව් කඹ වලින් නගින්න ඔනී පයින් ඇවිදන් යන්න තැනක් නෑ එතනින් එහාට අපි බෑග් අනම් මනම් ටික මුලින්ම එක්කෙනෙක් නග්ගලා එතනින් උඩට යවලා එක එකා හිමිට කඹ දිගෙ නැග්ගා නිකන් හරි අත ඇරුනොත් නැත්තම් කබේ කැඩුනොත් ආසාව අත් ඇරගනිම් ජිවීතේ 😪 ශේප් එකෙ නගින්න ඔනී එතනින් කොම හරි අපි ඒකත් නැගලා යන්න පටන් ගත්‍තා
විශේෂයෙන්ම කියන්නොනී මෙතනිම් එහාට හුලං තද උනොත් සිරාවටම යාගන්න පට්ට අමාරුයි අල්ලගන්න ගලක්වත් ගහක්වත් නෑ මාන පදුරු විතරයි ඒවා ගැලවිලා අතට එනවා අල්ලගන්න ගල් පවා ගැලවි ගැලවි අතට එනවා බඩගාගෙන බිම දිගාවෙලා තමා නගින්න ඔනී 👉👈 මෙතන ඉදන් කන්දේ මුදුනට මහලොකු දුරක් නැ 300m වගෙ තියෙන්නේ ඒත් පට්ට අමාරුයි පරිස්සමෙන් යන්න ඔනි කෙලින්ම එජ් එක වැටුනොත් කෑලිවත් නෑ 🙂 අනික එක එක්කෙනා අතරේ ටිකක් පරතරයක් තියන් නගින්න ඔනී මොකද එහෙම උඩ එක්කෙනා නගිනකොට ඒ ගල් වැලි කෙලින්ම එන්නෙ අපේ මූනට එ නිසා සාමාන්‍ය දුරක් තියන් ශෙප් එකෙ නගින්න 🙂 කන්ද මුදුනට ඔහොම ඔහොම හිමින් හිමින් ගියා මන් හිතන්නෙ අපිට වැඩිම වෙලාවක් යන්න ඇත්තෙ ඔය ටික නගින්න කොහම හරි මුදුනට යද්දි හතරටත් කිට්ටුයි..

කන්ද නැග ගන්න කොච්චර අමාරු උනත් මුදුනට ගියාම තියෙන view එක ඒක කොච්චර ද කියලා කියන්න බෑ ඒ තරම් ලස්සනයි , ලංකාව කියන්නෙ සැහෙන්න ලස්සන රටක් කියන එක දකින්නනම් එ වගෙ තැන් වලට යන්න ඔනී...

කන්ද මුදුනට ගිය ගමන් මන් කරෙ බෑග් එකයි කැම් එකයි පැත්තකට දාලා තනකොල ගොල්ලේ වැටුනා 😂 ඊට පස්සේ කූඩැල්ලෝ කාලා ලේ පෙරන් හිටියේ 👉👈 අපි හවස 5ට වගෙ කූඩාරමත් ගහලා 6ට වගෙ නාගෙන කරගෙන රෑ වෙන්න කලින් කන්න හැදුවා කන්න තිබ්බෙ නූඩ්ලස් , ඉතින් එවාත් හදන් කාලා ඔක්කොම කූඩාරමට වෙල ඉද්දි පොඩ්ඩක් වැස්සා උඩට එ වගෙම සැහෙන්න සුලග ඔයාලා ටෙන්ට් එක ගහන්න කලින් හොද තැනක් බලලා ගහන්න නැත්තම් ටෙන්ට් එකත් එක්කම පහල ඉදී , මොකද අපි පස් දෙනෙක් ඇතුලෙ ඉදලත් ටෙන්‍ට් එක ගැලවුනා තුන් සැරයක් විතර එ තරම් තද හුලගක් එන්නෙ .. අනික කූඩාරම හොදට වහගන්න දෙපැත්තෙන්ම උඩ සර්පයෝ ඉන්නවා අපි එක්ක තව කට්ටියක් උඩ හිටියා එයාලා ඉන්න තැනක ඇවිල්ලා තිබ්බා සර්පයෙක් ඒ නිසා පරිස්සමින් අනික වතුරට බහින්න කලින් පොඩ්ඩක් බලන්න හැමතැනම කක්කුට්ටො ඉන්නවා ඒ ගැනත් කල්පානාවෙන් ඉන්න...

ඊට පහුවෙනිදා අපි උදේම ඇහරුනා උදේනම් මොන කරු-මයක් ද දන්නෙ නෑ අපි නැගිටලා තේකකුත් හදන් බීලා කූඩාරමත් අකුලන් පහලට බහින්න ගත්තා 7.30ට වගෙ ඔයාලාත් පුලුවන් තරම් උදේම බහින්න හවසට හුලං වැඩි උනොත් බැහැගන්න බැරි වෙනවා අඩුම 11ට කලින්වත් බහින්න ... මේ බහින ටික තමා ඊලගට අවුල

• බැස්ම

ලංකාවෙ හුගක් කදු නගින එක තමයි අමාරුම බහින එකට වඩා නමුත් මේ ගැරඩි ඇල්ල කියන්නෙ නගින එකයි බහින එකයි දෙකම එක විදිහට අමාරු එකක් 🙂 මන් කලින් කිව්වෙ කන්දෙ තුන් වෙනි කොටස මේක තමා මෙ කන්දෙ අවදානම්ම තැන එ මොකද කියනවානම් මචං අල්ලගන්නවත් ගහක් නැ 🙂 මාන පදුරු තියෙන්නෙ එවාට බර දුන්නොත් පදුරත් එක්ක උබ හෙලේ 👉👈

කියන තරම් භායානකද ඔව් ඇත්තටම , හුලං ඇල්ලුවොත් බහින එක තවත් අවුල් මෙක කාලෙන් කාලෙට පොඩ්ඩක් ඩිපෙන්ඩ් වෙනවා හුලගයි වැස්සයි එක්ක .. කොහොම හරි අපි බහින්න පටන් ගත්තා 7.30ට වගෙ ඉදගෙනම පහලට රූට රූට තමා බැස්සෙ කලිසන් පස්සවල් එහෙම ඉවරයි 🙂 මගෙයි දනා අයියාගෙයි තීක්ශණගෙයි කලිසම් තුනේම පිටිපස්ස නෑ 👉👈 ඉරුනා මොකද සැහෙන්න පරිස්සමින් බහින්න ඔනී තැනක් මේක ගල් තිබ්බත් ගැලවිලා යනවා බහිනකොටත් ගැප් එකක් තියන් බහින්න මොකද නගිනකොට වගෙ නෙමෙ ලොකු ගලක් එම කකුලෙ හරි වැදිල පෙරලිලා ගිහින් කෙලින්ම පහල ඉන්න එක්කෙනාගෙ වදින්නෙ එ නිසා පරිස්සමින්.. අපි උදේ උඩ කන්නෙවත් නැතුව පහලට ඇවිල්ලා කන්නම් කියලා බන්ඩා මාමගෙන් ඉල්ලගත්ත වලං ටිකයි අපෙ Gopro cam එකෙ stick එකයි වතුරයි ඔක්කොම බෑග් එකක දාන් බැස්සේ අපෙ කරුමේ අපෙ අවාසනවට එ බෑග් එක වැටුනා කන්දෙන් පහලට 🙂 පහලට කන්නෙවත් නැතුව බැස්සේ අපි පහලටම පට්ට බඩගින්නෙ ඊට පස්සෙ ඒකත් කොම කොම හරි වෙව්ල වෙව්ල බැස්සා දෙවෙනි ඇල්ල ගාවට එ කියන්නෙ දෙවෙනි කොටසට එතන ඇල්ලෙන් වතුර බීලා බැස්සෙ මගක් බහිනකොට කලන්තේ වගෙ මොකද සැහෙන්න මහන්සියයි බඩගින්නයි අනික බෑග් වල බරයි ඔක්කොම එක්ක අමාරුවෙන් අමාරුවෙන් බැස්සා බැහලා බණ්ඩා මාමාගෙ පැල ගාවට ඇවිල්ලා බෑග් එකක තිබ්බ නූනූඩ්ල්ස් අරන් නිකම් අමුවෙන් කාලා තමා ඉතුරු ටික බැස්සෙ කොහොම හරි අපි කන්දේ පාමුලටම ආවා එතන තියෙනවා පීල්ලක් එකෙන් නාගත්තා සීතල වතුර නිසා ඇගෙ පතේ තිබ්බ මහන්සිය සැහෙන්න නැති උනා ...

නාලා ඊට පස්සෙ අපි අයෙ අර පහෙ කනුවේ කඩේට වෙනකන් ආයෙ 3km වගෙ ඇව්ද්දා තවත් ඩල් අපි , ඊට පස්සේ දිව්‍යලෝකයට ගියා වගෙ ඒ කඩේට ගිහින් කෑම කාලා එතනින් වීල් එකක් කතා කරන් උඩුදුම්බර ටවුන් එකට ඇවිල්ලා බස් එකෙන් නුවරට ඇවිල්ලා ගෙවල්.බලා පිටත් ව ගියා 👉👈

• කියන්න තියෙන්නෙ යනවනම් සිරාවට පරිස්සමින් යන්න , මොකද සැහෙන්න අවදානම් තැනක් කන්ද එ වගේම මාරම ලස්සන තැනක් ... ගමේ මිනිස්සුත් මාරම හොද ගතිගුණ තියන කට්ටියක් ඉන්නෙ එ වගෙම යන අයට කියන්නෙ උඩ බෝතල් අනම් මනම් දාලා එන්නෙප සැහෙන්න තිබ්බා අපි එවා අරන් ආවාත් අපෙ බෑග් එක පහලට වැටුනා තියන බරටම..
හයික් වලටනම් මරු තැනක් හැබැයි එ වගේම බායානක තැනක්
Ashan Eranda

Team members

Elvi Madushanka , Charith Dilshan Fernando , MaDhushan PeRera , Theekshana Nilruk .....

31/05/2023

දොළොස්බාගේ පුංචි නුවරඑළියේ අපූරු කඳු මුදුන්

ඉතා සිසිල් දේශගුණයකින් ද නිතර හමා යන වේගවත් සුළං ධාරාවලින් ද යුක්ත දොළොස්බාගේ සබරගමුව පළාතට සහ මධ්‍යම පළාතට අයත් සුන්දර කඳුකර ප්‍රදේශයක්. අහස උසට විහිදුණු මිහිදුමින් බරවුණු අලංකාර කඳු පන්තිවලින් වට වූ මේ පෙදෙස වැඩිපුර සංචාරක ආකර්ශනයට ලක්වූ පැත්තක් නම් නොවෙයි.
මෑතක සිට ටිකින් ටික සංචාරකයන් දොළොස්බාගේ සොබා සුන්දරත්වය විඳ ගැනීමට එනවා. තේ වගාව තමයි මෙහි සෑම තැනක ම දැක ගත හැක්කේ. විශාල තේවතු යායන් වගේ ම කුඩා තේවතුත් එහි පැතිරී තිබෙනවා.
පිහිටීම
දොළොස්බාගේ කඳු පන්තිය අප රටේ ඉතා සුන්දර කඳුකරයක් ලෙස නම් දරා තිබෙනවා. දොළොස්බාගේ කුඩා නගරය පිහිටා තිබෙන්නේ මුහුදු මට්ටමේ සිට මීටර් 985ක් ( අඩි 3232)ක් උසින්. මහනුවරටත් වඩා සිසිල් දේශගුණයක් අවට අත්විඳින්නට ලැබෙනවා. මේ නිසා පුංචි නුවරඑළිය යන නමත් මේ පළාතට භාවිත කරනවා.
නාගරිකරණයෙන් දූෂීත නොවූ පිටිසර වටපිටාවක් තමයි මෙහි පවතින්නේ. පුරාණ බෙදීම් අනුව උඩ පළාත දිසාවට අයත් දොළොස්බාගේ දකුණින් පස්බාගේ කෝරළයෙන් ද, බටහිරෙන් පාත බුලත්ගම රටින් ද, උතුරින් සතර කෝරළය මහ දිසාවට අයත් පරණකුරු කෝරළයෙන් ද මායිම් වෙනවා.
ඒ. සී ලෝරිගේ ගැසටියර් වාර්තාවේ සඳහන් කරන අන්දමට 1890 කාලය වනවිට දොළොස්බාගේ වැඩි භූමි ප්‍රමාණයක් කෝපි සහ තේ වගාවට යටවී පැවතුණා. 1871 වනවිට එහි වතු 28ක් පැවතුණ අතර, 1896 වනවිට පැවති ඉංග්‍රීසි වතු 57 ක ලැයිස්තුවක් ලෝරි සිය වාර්තාවේ ඉදිරිපත්කර තිබෙනවා.
යන්නෙ කොහොමද?
කොළඹ සිට බුලත්කොහුපිටිය පත්තම්පිටිය හරහා තමයි මේ පෙදෙසට ළඟා විය හැකි සුන්දරත ම මඟ වන්නේ. ඒ පාරේ දොළොස්බාගෙට දුර කිලෝ මීටර් 110ක්. පත්තම්පිටියේ සිට තේවතු හරහා කිලෝමීටර 2ක් පමණ දුරට යනතෙක් මාර්ගය වසර දෙක තුනකට පෙර නම් තිබුණේ ඉතා අබලන් අයුරින්.
බුලත්කොහුපිටිය ගමන් මාර්ගයේදී රුක්මල් ඇල්ල, නලඟන ඇල්ල වැනි දියඇලි රාශියක් දැකබලා ගැනීමට ලැබෙනවා. මහනුවර ගම්පොළ හරහා නාවලපිටියට පැමිණීමෙන් ද දොළොස්බාගේ පෙදෙසට පිවිසිය හැකි යි. නාවලපිටියට එහි සිට කිලෝ මීටර් 20ක් පමණ දුර යි. නාවලපිටියේ සිට මේ දක්වා ඇති පාරත් පසුගිය කාලයේ නම් ඉතා අබලන් ව තිබුණා. ඉතා අලංකාර තේවතුවලින් යුක්ත කඳු වගේ ම වනාන්තර සහිත කඳු මුදුන් ද මේ පෙදෙසට සුන්දරත්වයක් ගෙනෙනවා.
කුඩා නගරයක්
මේ කඳුකරය සබරගමු පළාතට සහ මධ්‍යම පළාතට අයත්. ප්‍රධාන මාර්ගවලින් ඈත් ව පිහිටි නිසා වාහන ඉතා අඩු සංඛ්‍යාවක් තමයි මේ පාරවල්වල දැකගත හැක්කේ. දොළොස්බාගේ නගරයේ දැකගත හැක්කේත් කඩසාප්පු කිහිපයක් පමණ යි.
එහි රෝහල මුලින් ම ඉදිකර ඇත්තේ ඉංග්‍රීසින්1865දි යි. කොලෝනියල් ක්‍රමයට තැනූ පැරණී ගොඩනැඟිල්ලත් රෝහලේ තවම දක්නට තිබෙනවා. ඉංග්‍රීසි සමයේ මෙය කඩිසර නගරයක් වූ බව පැවසෙතත් අද වනවිට එය කුඩා හන්දියක් පමණ යි. හින්දු බැතිමතුන් නිතර පැමිණෙන කෝවිලත් එහි පැරණි ස්මාරකයක්.
කබරගල තරණය
මහනුවර දිස්ත්‍රික්කයේ නාවලපිටිය නගරය ආසන්නයේදිත්, බුලත්කොහුපිටිය දේදුගල හරහා යන ගමනේදීත් දොළොස්බාගේ කඳු වැටියේ උස ම කන්ද වන කබරගල කන්ද අපට දැක ගත හැකි යි. නිතර මිහිදුමෙන් බර ව පවතින මේ කන්දේ උස ම මුදුන වන්නේ මීටර 1506ක් පමණ උස කබරගල කන්ද යි.
මෑතක සිට දේශීය ගවේෂණශීලි සංචාරකයන්ගේ වඩා ආකර්ෂණයට පත් කඳු මුදුනක් ලෙස කබරගල ප්‍රකට වී තිබෙනවා. බොහෝ පිරිස් එක් දිනකින් තරණය කළ හැකි කබරගල නැගීමට පැමිණෙන ඇතර සමහරුන් කඳු මුදුනේ කඳවුරු තනා රාත්‍රිය ගත කරනවා. කබරගල කන්ද අයත් වන්නේ මහනුවර දිස්ත්‍රික්කයට යි.
නාවලපිටිය නගරයට පැමිණ දොළොස්බාගේ පාරේ කිලෝමීටර 11ක් ගමන් කරන විට මෙරිවිල හන්දිය හමු වෙනවා. එතැනින් හැරී, තොලබෝවල ශ්‍රී ජේතවනාරාම විහාරය අසලට පැමිණ එහි සිට අඩිපාරක් ඔස්සේ කබරගල කඳු තරණය ආරම්භ කළ හැකි යි. තේ වතු හා ෆයිනස් කැලෑව පසු කර ගෙන කන්ද වෙත ගමන් කළ යුතු යි.
මේ කඳු තරණයේ දී කූඩැල්ලන් බහුල ව හමුවන නිසා උන් සිරුරුවල එල්ලීම වැලැක්වීමේ පිළියම් සහිත ව පැමිණීම අවශ්‍ය යි. කඳු මස්තකයේ දී සිත් මෝහනයට පත්කරන දසුනක් දැකගත හැකි යි. කොත්මලේ ජලාශය, මොණරකන්ද හා පුස්සැල්ලාව අවට තේවතු, ගම්පොළ හා අම්බුලුවාව කන්ද ආශ්‍රිත ප්‍රදේශ මෙන් ම සමනළ කඳුවැටිය තෙක් පැතිරුණු මධ්‍යම කදුකරයේ නිරිත දිග ප්‍රදේශත් ඉතා අලංකාර ව දිස් වෙනවා.
රාස්සගල කන්ද
දොළොස්බාගේ පිහිටි තවත් සුන්දර කඳු මුදුනක් තමයි රාස්සගල නැත්නම් රාක්ෂාව කියන්නේ. එය මේ කඳු පන්තියේ උසින් දෙවැනි කඳුවැටිය යි. මීටර 1438ක් උස මෙම කන්ද මුදුනේ පිහිටි ගල් තලාව හා ගල් කුළුවල විවිධාකාර හැඩතල නිසා කා තුළත් හටගන්නේ කුතුහලයක්.
ගම්පොළ හා නාවලපිටිය නගරවලට මේ කන්ද කදිමට දිස්වෙනවා. දොළොස්බාගේ සිට වංගු ගැසෙමින් ඇදෙන පටු පාරේ රාක්ෂාව හන්දියට පැමිණ රාක්ෂාව තේ කර්මාන්ත ශාලාවට අයත් තේ වතු ඔස්සේ තේ ෆැක්ටරිය අසලට පිවිස අඩි පාරක් දිගේ කඳු මුදුනට ළගා විය හැකියි. ඈතින් කබරගල කන්දත් නිතර මේ පාරට දිස්වෙනවා. ගමන් මඟ දෙපස කුඩා දියඇලි රාශියක් ද හමු වෙනවා.
රාවණ රජු හා සම්බන්ධ ජනප්‍රවාදයත් මේ කන්දට ගෙතී තිබෙනවා. කිනිහිර කන්ද, පත්තිනි අම්මා කන්ද, වංගෙඩි මෝල්ගස් කන්ද ලෙස ප්‍රාදේශීයව විවිධ නම් කිහිපයක් රාස්සාව කන්ද හැඳින්වීමට යෙදෙනවා. රාවණාට ආයුධ සෑදූ ස්ථානය වූ නිසා කිනිහිර කන්ද නම ලැබුණු බවයි පැවසෙන්නේ. කිනිහිරි ගල නම් කිනිහිරයක් හැඩැති පර්වතයක් මේ කන්දේ දැක ගත හැකි යි.
අරණායක හරහා ගලන මාඔය ආරම්භ වන්නේ රාස්සගල කන්දේ මීටර් 1200ක් උස බටහිර බෑවුම් ප්‍රදේශවලිනුයි. මේ කන්දේ පහළ බෑවුම් සබරගමුව පළාතේ අරණායක ප්‍රාදේශීය ලේකම් කොට්ඨාසයට අයත් වෙනවා. අසුපිනි ඇල්ල පිහිටා තිබෙන්නෙත් රාස්සගල කඳුවැටියට අයත් පහළ බෑවුම්වල යි.
පුංචි දානිගල නම් කඳුවැටියක් ද රාස්සගලට නුදුරින් පිහිටා තිබෙනවා.
දේවගිරි ඇල්ල
දොළොස්බාගේ කඳු පන්තියේ කෑගල්ල දිස්ත්‍රික්කයට අයත් බෑවුමක තමයි දියනගිරි ඇල්ල හෙවත් දේවගිරි ඇල්ල පිහිටා තිබෙන්නේ. උසින් මීටර 90ක් (අඩි 295ක් ) පමණ වන දේවගිරි ඇල්ල තවමත් සංචාරකයන්ගේ ආකර්ශනයට එතරම් ලක්වී නැහැ.
බුලත්කොහුපිටිය හරහා දේදුගලට පැමිණ දොළොස්බාගේ පාරේ ගමන් කර අතුරු මාර්ගයක පියමං කිරීමෙන් මේ ඇල්ල අසලට පැමිණිය හැකි යි. මෙහි විශාල ජල කඳක් දැකගත නොහැකි වුණත් ඉතා සුන්දර දිය සේල රාශියකින් ඇල්ල සමන්විත යි. මෙහි ජලයෙන් කැලණි ගඟේ ශාඛාවක් වන වී ඔය ද පෝෂණය වෙනවා.

03/04/2023

ඒකනම් පිස්සුවක්..☘️🌿🌴

23/02/2023

- හෝර්ටන්තැන්නට බොහෝ සමානකම් ඇති "ගවරවිල තැන්න" 🔥☘️💫🌸🥰

ගවරා විසූ මෙම ගවරවිල විශාල පතනක් වුවත් මෙය විලකි. මන්ද ගවරවිල කියා මෙය හඳුන්වන්නේ අධික වර්ෂ සමවල දී මෙම ඉසව්ව ජලයෙන් යට වන බැවිනි. එලෙසම ප්‍රධාන ජල පෝෂකයක් වන මෙම සමස්ත කඳුවැටිය මතින් දිය ඇලි දහයක් පමණ උපත ලබන අතර සිරිපා අවාරය තුළ වැටෙන වර්ෂා ජලය උරාගෙන ඉන් දැයට ද‌ායද කරන ජල පරිමාව ඉතා විශාලය. මීටර 1800කට ඉහළ කන්දක පවතින අක්කර කිහිපයක් විශාල මෙම පතන සොයා අප සමනල රක්‍ෂිතයට ගොඩ වැදුණේ වර්ෂාව නොමැති කාලයේ දී ය.
කොළඹ සිට අවිස්සාවේල්ල හරහා හැටන්වලට පැමිණ දියගල හන්දියෙන් සිරිපා මාර්ගයට හරවා මස්කෙළිය නගරයට පැමිණෙන විට වෙලාව පාන්දර 4ට පමණ වූ අතර එතැන් සිට අප්කොට් හරහා ෆොග්මෝර් වතු යයාට පැමිණියේ මීදුම් හිරිකඩ සළුපිළි ලෙහා ද‌ාන කණිසමේය. ඉන්පසු අප ෆොග්මෝර් වතුයායේ ඉහළ කොටසට පිවිස එතැනින් යතුරුපැදිය නවතා තේ වතු අතරින් ගමන් කිරීමට සැරසුණේ කුඩා අඩි මාර්ගයන් ඔස්සේය.

ගවරවිල යනු විශාල කඳුවැටියකි. මධ්‍යම පළාතේ මායිම වන මෙම කන්දේ දකුණු බෑවුමෙන් පහළ සබරගමු පළාතේ රත්නපුර දිස්ත්‍රික්කයේ ප්‍රදේශවල වේවැල්වත්ත, දෙහෙන කන්ද සහ රාස්සගල පිහිටා ඇත. මෙම කන්දට නැගෙනහිරින් සමනල දෙවන උසම මහමුණි කන්ද (මීටර 2040) පිහිටා ඇති අතර ඊට ඔබ්බෙන් මරියකොටේ කන්ද පිහිටා ඇත. ගවරවිල ප්‍රධාන කන්දේ උස මීටර 1980ක් පමණ වන අතර ඊට අමතරව මීටර 1900 වඩා උසැති අවශේෂ කඳු දෙකක් මෙහි පිහිටා ඇත. ගවරවිල තැන්න බැලූ බැල්මට කුඩා හෝර්ටන් තැන්නක් ලෙස පෙනෙන අතර එහි පිරී ඇත්තේ මාන පඳුරු පමණි.

Photo credit goes to original photographer

13/02/2023

- රත්නපුර ගවරගිරිය පුදේශයේ සස්වභාවික සුන්දරත්වය 🧡🍃✨⛈🌸🌻
Photo credit goes to original photographer

09/02/2023

දවසක මෙතනට ගිහින් එන්න, පුදුමාකාර සැනසීමක් තියෙන තැනක් 🥺🙏🌿🔥🌻🏜️
"නා උයන" ආරණ්‍ය සේනාසනය - මැල්සිරිපුර ☸️

පලමුව විනෝදය සඳහා මෙහි නොයන මෙන් කාරුණිකව ඉල්ලමි..🙏

මෙම නා උයන ආරණ්‍යය සේනාසනයේ නැවතී භාවනා කරන්න ඔබත් කැමතිද 🙏☘️❤️

නා උයන ආරණ්‍යය සේනාසනය ශ්‍රී ලංකාවේ සුවිශේෂී තැනක්, මෙම ආරණ්‍යය සේනාසනය බොහෝ ස්වාමීන් වහන්සේලා මෙන්ම ගිහි පිංවතුන් පවා නැවතී භාවනා කරන්න පුලුවන්.

ඉතින් මේ ස්ථානයට ගිහි ඔබටත් යන්න පුළුවන් සිල් සමාදන් වෙලා භාවනා කරන්න. වෙනම භාවනා වැඩසටහනක් නැහැ. සේනාසනයේ තියන කාල සටහනේ විදිහට භාවනා කටයුතු කරන්නයි තියෙන්නේ. කමටහන් දෙන්න ස්වාමීන් වහන්සේ මුණගැසී කමටහන් අරන් භාවනා කරන්නයි තියෙන්නේ, යම් ප්‍රශ්නයක් ආවම නැවත ගිහින් කමටහන් ගැන සාකච්ඡා කරලා කමටහන් පිරිසිදු කරගන්න පුළුවන්.

දානේ ගන්න, වත කරන්න, බුදුන් වදින ඒවා තමා හැමදාම කරන්න ඕන, වැඩිම වෙලාව තියෙන්නේ භාවනාවට. බොහොම නිදහස් කවුරුත් හොයන්න නෑ භාවනා කරාද නැද්ද කියල තමන්ගේ අතේ තමයි තියෙන්නෙ උපරිම ප්‍රයෝජන ගන්න එක. භාවනා කරන්න ආස කෙනෙක්ට හරිම නිදහසේ ඒ වැඩේ කරගන්න පුලුවන් කමටහන් උපදෙස් අනුව තනියෙම.

තමන්ට කැමති දවස් ගානකට කැමති දවසක ඉන්න පුළුවන් ගිහින්. එතනට ගිහින් ලියාපදිංචි වෙලා ජංගම දුරකතන, පර්ස් ආදී බඩු බාරදීලා කුටියට යන්න පුළුවන්. ඒ කුටියේ ගිහි අය කීප දෙනෙක්ම ඉන්නවා. චෛත්‍යය ගාවට ගිහින් භාවනා කරන්න පුළුවන්. එතනට ස්වාමීන් වහන්සේලත් වැඩම කරලා භාවනා කරන නිසා හරිම සතුටක් දැනෙනවා.

සේනාසනයට යද්දි ගෙනියන්න ඕනේ පොඩි පොඩි උපකරණ හා ඇදුම් වගයක් තියනවා ඒ ඔක්කොම දුරකතන ඇමතුමක් දීලා අහගන්න පුලුවන්.

මෙන්න සෙනාසනේ දුරකතන අංකය. වැඩි විස්තර දැනගන්න පුලුවන්.

037 4947378 ☎

✍️ ©Fantastic Travelers

09/02/2023

- සූරියකන්ද දුර්ගය හා සුවිශේෂී "හිමිදිරි පෙදෙස" 🍀🌈🥰💫🌸

සිංහරාජයේ නැගෙනහිර මායිමේ පිහිටි එක්තරා සුවිශේෂි කුඩා බිම් කඩකි. තෙත් කලාපීය පරිසරයෙන් මදක් ගිලිහුණු රක්වාන හා දෙනියාය අතරින් යා හැකි හිමිදිරි පෙදෙස (Morning Side) යනු ඉතාමත් අලංකාර ස්ථානයකි. එම ප‍්‍රදේශය හිමිදිරි පෙදෙස ලෙස හඳුන්වන්නේ උදේ සිට සවස අඳුර එනතුරුම එම සීමිත ප‍්‍රදේශය හිමිදිරි උදය මෙන් පැවතීමය.

පරිසරයේ කාලගුණික හා වටපිටාව දහවලටත් සවසටත් එකම ලෙස දිස්වේ. නිතරම මීදුම් සළු අහස් වියනේ ගෙත්තම් කරගෙන සිටින සොඳුරු ඉසව්ව සොයා අප බොහෝ අය නොයන මාර්ගයකින් ඉතා දුෂ්කර හා අවදානමෙන් යුතු පාද චාරිකාවක යෙදුණු අත්දැකීම මෙයයි.

රත්නපුර සිට හෝ බදුල්ල ප‍්‍රදේශයේ සිට පැමිණෙන විට පැල්මඩුල්ලෙන් කහවත්ත හරහා රක්වානටත් ඉන්පසුව සූරියකන්දටත් පැමිණිය යුතුය. ගාල්ල ප‍්‍රදේශයේ සිට දෙනියාය හරහාද සූරියකන්දට පැමිණිය හැකිය. සූරියකන්ද ප‍්‍රදේශයේ දකුණු පෙදෙසට වන්නට සම්මත මගක් තිබෙන අතර එයට වන ජීවි සංචාරක බංගලාව ආශ‍්‍රිතයටම පහසුවෙන් යා හැකිය. එහෙත් රක්වාන සිට පැමිණෙන විට මාර්ගයේ දකුණු පසින් කුඩා තේ වත්තක් මැද හිමිදිරි පෙදෙස ගැන නාම පුවරුවකි. එතැන් සිට ඉතා අබලන් දුෂ්කර කඳුකර මගක් ඔස්සේ කි.මී. 7ක් ගෙවමින් හිමිදිරි පෙදෙසට ළඟා විය හැකිය. අප තෝරා ගත්තේ එම දුෂ්කර මාර්ගයයි.

උපුටාගැනීමකි
Photo credit goes to original photographer

08/02/2023

- ලංකාවේ ලස්සනම පාරක් හා සුන්දර දුම්රිය ගමනාන්තයක් හිමි සීතල "දියතලාව" 🚆🔥🌻❤️🏜️☘️🌊😍🙏🏕️
- 📷 credit goes to original photographer

07/02/2023

හිමාලයට නොදෙවෙනි කුරුණෑගල පිහිටි අත්භූත කන්ද😮😱 "දොලුකන්ද" ⛰🌿🙈🍃🦋🇱🇰🇱🇰

06/02/2023

- නන්පේරියල් කදු මුදුනෙම තියෙන "නැග්රක් බංගලාව" දැන් විවෘත්තයි 🍀🐝🍂🌸♥️🌾 🏔

ගොඩ දෙනෙක් ගිඩ කාලයක් බලන් හිටිය මේ Bungalow එක දැන් Book කරන්න පුලුවන්

දැන් Management එකAitken spence Hotels වෙතින්....

Nagrak Holiday Bungalow ❤️

Nagrak කියන්නේ නාන්පෙරිල් වතුයායේ බංගලාවක්.මේ වතුයාය පිහිටලා තියෙන්නේ බෙලිහුල් ඔය පලාතට කිට්ටුව.. හරියටම කිව්වොත්.ලෝකාන්තය බලන්න ගිහාම අපිට පල්ලෙහා පෙන තේ වත්ත තමයි මේක.
ඇත්තටම කිව්වොත් මේ වතු යාය ලෝකාන්තය පහල සිට උඩටම තියෙනවා ඒ තරම් ම ලොකුයි.

කොළඹ බදුල්ල පාරේ බෙලිහුල්ඔය පහුකරලා කිලෝමීටර් කීපයක් ගියාම නාන්පෙරියල් වත්තට යන පාර හමුවෙනවා.දුෂ්කර වංගු 33 ක් ගෙවාගෙන කිලොමීටර් 22 ක් කන්ද උඩට ගියාම මේ අති සුන්දර වතු බංගලාවට යන්න පුළුවන්.මේ හන්දියේ ඉඳලාම නගින්න තියෙන්නේ අර ලෝකාන්තයට පේන පල්ලම‍. හිතාගන්න පුළුවන්ද එතකොට කොහොම කන්දක් නගින්න තියෙනවාද කියල

මෙතනින් තමයි නැග්රක් බංගලාවට යන්න හැරෙන්නේ.. වම් පැත්තට යන්න ඕනේ… නැග්රක් කියන්නේ නොන්පෙරිල් වත්තේ Division එකක්, එකේ තමයි බංගලාව තියෙන්නේ..ඒ වගේම මේ හන්දියෙන් දකුණට එහෙම නැත්තන් Upper Division එක පැත්තට ගිහාම අපිට ලෝකාන්තය පහලට යන්න පුළුවන්

යන ගමනේදි හමුවෙන තව සුන්දර තැනක් තමයි බේකර්ස් වංගුව කියන්නේ. මේ හරිය මුහුදු මට්ටමේ ඉඳලා අඩි 5000 ට වැඩිය උසයි. පහලින් පේන් සමනල වැව එක්ක ලංකාවේ දකුණු පළාත හරිම සුන්දර දර්ශණයක් මෙතනට.මෙතන ඉඳලා බැලුවම නැග්රැක් බංගලාව ලස්සනට පේනව. ඇත්තටම කිව්වොත් මේ ගමනේ පවා පොඩි Adventure ගතියක් තියෙනවා.

කඳු මුදුනේ තනිවුන පාරාදීසය. නැත්තං නැග්රැක් බංගලාව.මේ බංගලාව 1936 හැදුවා කියලා විශ්වාස කරන්න පුළුවන් සාධක පිටිපස්සේ වතුර ටැංකියක තියෙනවා. ඒත් ඒ ගැන කියවෙන වෙන මුකුත් සාධකයක් නෑ හොයාගන්න. කොහොම වුනත් මෙතනට ගියාම දැනෙන්නේ කඳු මුදුනක තෝතැන්නකට ළඟා වුනා වගේ. සීතල කාළගුණයට හරියන විදිහට හදපු බංගලාවේ උණුසුම ආරක්ෂා කරලා දෙන්න ගිණි උදුනක් තියෙනවා.ඒ විතරක් නෙවෙයි සුව පහසු කාමරවල නිවාඩුවේ සුවය උපරිම ආකාරයෙන් විඳින්න පහසුකම් තියෙනවා.මේ බංගලාවේ කාමර 5ක් තියෙනවා. කෙලින්ම 10 දෙනෙකුට නවතින්න පුළුවන්..

බංගලාවේ එළියට බැහැලා බැලුවම වටපිටාව ගැන වචනවලින් විස්තර කරන්න අමාරුයි ඒ තරමට සුන්දරයි.බංගලාවේ ගෙවත්ත හරි ලස්සනට මල් වවලා සකස් කරලා ‍තියෙන්නේ.එක පැත්තක බැලුම් හලක් තියෙනවා කන්දෙන් පල්ලෙහා බලන්න බෑවුම ආසන්නයේ පුංචි කුටියක් හදලා.තව එළිමහනේ ඉන්න කැමති අයට තවත් තැනක් සකස් කරලා තියෙනවා.යාලුවො කට්ටිය,ඔෆිස් එකේ අය,නෑදෑයො පවුලෙ අය එක්ක නිවාඩුවක් විවේකයක් ගත කරන්න නම් මේක නියම තැනක්.බංගලාවේ භාරකරු සහ කෝකියෝ දෙන්නා විතරයි ඉන්නේ. ආහාර හදාගන්න අවශ්‍ය දේවල් අරං යන්න වෙනවා.එහෙම අරං ගිහිං මේ කුක්ලට කියලා අවශ්‍ය දේවල් හදවා ගන්න පුළුවන්.

අනික් දැනගන්න ඕන කාරණාව තමයි මෙතන්ට ජංගම දුරකථන මුකුත් වැඩ කරන්නේ නැති එක. ලංකාබෙල් විතරක් වැඩ කරනවා අනිත් ඒවා මුකුත් නෑ.ඒ නිසා දවස තිස්සෙම කරදර කරන දුරකථනයෙන් ගැලවෙන්නත් මේක හොඳ තැනක්.

මෙහේ යනවා නම් කලින් කියලාම තමයි යන්න ඕන. මොකද කලිං බුක් කලේ නැත්තං අමාරුවේ වැටෙන්න වෙන්නේ.කොහොම වුනත් මෙහේ යන්න කලින් කාලගුණය බලන්නම වෙනවා. මොකද වැස්ස සහ සුළං තියෙනවා නම් මේ පැත්තට යන එක එච්චර ගුණදායක නෑ.
Nagrak Holiday Bungalow, Belihuloya, Sri Lanka |🇱🇰

✍️ Dilshan Randika

📞 07777 818 95
📞 011230 8408

Unwind and soak in nature's beauty at Nagrak Bungalow, perched at 7000 ft above sea level in Sri Lanka's highest elevated village. With views of the stunning Horton Plains and the World's End trail, this cozy hideaway offers 4 spacious bedrooms, dining facilities and can comfortably accommodate groups of up to 10.

Book now and start your hilltop adventure:
📞 07777 818 95
📞 011230 8408

Photo credit goes to original photographer

06/02/2023

එතන සුන්දරත්වය 😍🍃

29/01/2023

මිහිපිට දිව්‍ය ලෝකයක් 😮 සුන්දර ගලේ පන්සල
(බස් එකේ/train එකේ යන්න ඉන්න අයට වැදගත් වෙයි )🦋🍃🦋🌼🌸

"කහටරුප්ප ගලමුදුන ශ්‍රී සම්බුද්ධාලෝක විහාරය"

****
බදුල්ලේ ටවුන් එකේ ඉදන් යන විදිය..
බදුල්ල ඉදන් කහටරුප්ප බස් එකේ හරි පලාවත්ත බස් එකේ හරි ගලමුදුන විහාරයට යන්න පුළුවන්.
පලාවත්ත බස් එකේ ගියොත් පයින් යන්න ඕන දුර අඩුයි. හැබැයි පලාවත්ත බස් එක වෙලාවෙන් වෙලාවට තියෙන්නේ.

අපිත් කහටරුප්ප බස් එකේ ගිහින් මගින් බැහැලා පයින් තමයි ගියේ. එතකොට අපි තව පැය බාගයක් විනාඩි 40ක් වගේ වැඩිපුර පයින් ගියා.
පලාවත්ත බස් එක නවත්තන්නේ පහල දාලා තියන photo eke කඩේ ලග.
ආයේ බස් එක බදුල්ලට තියන වෙලාවත් අහලා කඩේට කියලා ගියොත් විනාඩි 10ක් 15ක් වගේ තියන් ඉන්නවා එනකන්.

හරිම නිස්කලංක ගල මුදුනේ තියන පන්සලක්.. ❤️

(සංචාරක අත්දැකීමක් ඇසුරින්)

06/01/2023

- නුවරඑළයේ යනවා නම් යන්නම ඕනි තැන් 18ක් 🌸🍃✨🌻🌿

05/01/2023

🍃හුදකලාව ගතකෙරූ 31st Night🍃

පොඩි කාලෙ ඉදන්ම තිබ්බ ලොකු ආසවක් තමයි රතිඤ්ඤා සද්ද නැතිව වෙඩි සද්ද නැතිව අවුරුද්දක අවසානය හා අවුරුද්දක
ආරම්භය නිස්කලංක තැනක සොබාදහමත් එක්ක හුදකලාව ගතකිරීම❤️....ඉතින් මං ඒ ආසාව මං හැබෑකරගත්තා🍃

මං හරි ආසයි මාව සතුටින් තියන්න....මං ආස කරන දේවල් කරලා මාව සතුටින් තියන්න.මොකද අපි ජීවත්වෙන්නෙ බොහොම පුංචි කාලයක්.ඉතින් ඒ ජීවත්වෙන පුංචි කාලයෙදි තමන් ආස විදියට ජීවත්වෙන්න පුලුවන් නම් ඒක තමයි අපිට අපි වෙනුවෙන් දෙන්න තියන ලොකුම සතුට.🍃

කෙදිනකවත් ඔබේ සතුට යම් කෙනෙකුගෙ හෝ යම්දෙයකගේ හැසීරීම මත බලාපොරොත්තු නොවන්න....👌
ඔබ සොයනා සතුට ඇත්තේ ඔබ තුලමය....❤️
ඉතින් මංද ඔබ එය සොයා නොයන්නෙ?🍃☘️🍃

Copped by

03/01/2023

- සුන්දරත්වයෙන් පිරි “කොස්ලන්ද” ✨🍃🌸🌾🌊
Photo credit goes to original photographer