iPu iPa khang'in i Chungmaang Phattheiboh leiset chung- mollelhaang phaicham lah a zale'ntah in ina le'ngun, i gamva' igamle'n nao ho baan'ah kho khat akuon khokhat ga kholaile'n,lhaang khat apat lhaangdangkhat gavil tiho hi eiho dia ichepi jing ukhat ana hi in, lougam le gamle'n na lhaang ichana lennin khenjongleh, kho jouse chu khankho in molle lhaang bang sanga ana kaaihuoi u ana hi-e. Kenglam
jonnin mollelhang, phaicham,vadung, thing le suong lah jot'in chuphaatlai khankho suutdiin ana kivil to jiuve. Chumabangin, thukhoh dungjuija hung ki sol 'Thingkho leh Malchapom' in jong lhunna loute ana neipon, ana saang loute ina umpouve. Hichenna ana kingailute, ei kah a ana kidou ana ki gaaal loute chu gamsung khantou dungjuija thilpha hung lhungho; improved mode of Transportation/
communications ho jeh hin kiki haa vil cheh, kiki len tuo cheh le kilom tah ahi. Ahin, vangset umtah in tu khangthah teho hi i thinglhaang gammu, i lenna lhaang u kimvel a gavahle hi 'Thinglhaang Sports' khat2 a gacheji ho tailou aki um beh tapuon, phamo akisa lheh e. Ajeh tampi umnaantin, apipen chu gamsung 'buoi' jeh-a amitakipin i khanglai hinkho atamjo ahitah hih jongleh ahoilai phasahpi munchom munchom cheh a imantah u hi ahe. Abelap diin Leiset jong akino cheh cheh tah jeh-a " koi jouse 'kin thupi' tailouva moh va va lou" trend ichepilaai u ahi jeh ahe- ahichu,,aphatchomna jong aumnai. Chubanah gamsung nam le nam kibuoi, i namsung buoi ho jeh a jong vaang ana hinaai. Adehset in cross-border (modern political) indigenous nation khat ihi khah tah jeh uva, India-Myanmar-Bangladesh namlen te kigamgina'n ikhen u hi ana umlou hihenlang leiset khantouna invang tubangin ina phaman uleh akhang akhangin ana kikilen to peh naante, ei ma gam leh namdang te lah ah. Tu idinmun ivetleh masangsanga Kol leh Phai kiviltona naailamcha hita, ahialah alang ni gella khosa teho insung kahjong kivil todi agamvaipohna daan nuoi ahitah jeh-a i zale'n nau phasahkhat kilamangta, phat chesaochenna daan hunggah chehcheh di ahijeh in ei ute jong moh umthei ihipouvin daan semna lampanga jong eiho Indigenous rights dopsanga umsah a chedungjuija nammite khankho kiguijopmat hi ipi border law umjongleh adoudaalthei a umsah lou tei nadia tohgon nei angaai'e. A ipi hitaleh", Phaat le ni kikhel bangin i chennau gam jong huinun daan ahung hoi jep jep taan, khangthah te jong malai pi le p**e banga Pu Pa lenna gam, i zale'nna gam kimvel chondia kiguong tampi i um tah diu ginchat ahi..hitia kigotna neiho dia masanga mukhah lou , vil khah lou lenna lhaang, vaangkhuo cheng leh a lei khankho lim ho ma muthei nadi lunngaito-a hiche page hi hung kisem ahi. Ateh Akhang, Nunao chapang akoi titah lou lenna lhaanga l'en le na akuon limlah hoi ineihou jong hilai a adanghotoh vetkhom thei ahinadia ihin poh lut diuvin tiem ihiuve. Ahitheileh eima tah in ikaapdoh lim ho hin tah utin, chuti lou ahileh lim kaap pa/nu credit pehtha ute. Lim jousea, amun, alhaang leh vaangkhuo min, location tiho hi jihtha soh diin iki tiem kit uve.
