Kalaw Trekking & Biking Tour

24/06/2023

Hello. Nature is waiting for you guys.

08/03/2023

Hello what's up guys.

12/08/2022

ကိုယ်ပြန်လာမယ့် မနက်ဖြန်ကိုသူ စောင့်မျှော်နေတယ်။ ကိုယ့်အတွက်မနက်ဖြန်ဆိုတာက ခုထိမသေချာ။

04/08/2022

မနက်ဖြန်တွက် အားယူရင်း အမှောင်ထဲမှာ လမ်းပျောက်နေဆဲ။

19/07/2022

မနက်ဖြန်ဆိုတာ မရှိရင်ကောင်းမယ်။
အကြွေးဆပ်ရမဲ့ ရက်မလို့။

05/07/2022

တနင်္သာရီတိုင်းမှာ အကြမ်းဖက်စစ်တပ် မီးရှို့ဖျက်ဆီးတဲ့ လူနေအိမ် ၈၄ လုံးထိရှိလာ

#တနင်္သာရီတိုင်း
#မီးရှို့ဖျက်ဆီး



၂၀၂၁ ခုနှစ်၊ စက်တင်ဘာလကနေ ၂၀၂၂ ခုနှစ်၊ ဇွန်လအထိ တနင်္သာရီတိုင်းမှာ အကြမ်းဖက်စစ်တပ်တွေနဲ့ လက်အောက်ခံ အဖွဲ့တွေရဲ့ လက်ချက်ကြောင့် အရပ်သားပြည်သူ နေအိမ် စုစုပေါင်း ၈၄ လုံး မီးရှို့ဖျက်ဆီးခံခဲ့ရတယ်လို့ Southern Monitor က ထုတ်ပြန်လိုက်ပါတယ်။

Website တွင် ဖတ်ရှုရန်---https://deltanewsagency.com/20085/

စုစည်းထားတဲ့ အချက်အလက်တွေအရ ပုလောမြို့နယ်မှာ အရပ်သား ပြည်သူ နေအိမ် စုစုပေါင်း ၃၁ လုံး၊ သရက်ချောင်းမြို့နယ်မှာ ၂၅ လုံး၊ တနင်္သာရီမြို့နယ်မှာ ၁၈ လုံး၊ ထားဝယ် မြို့နယ်မှာ ၄ လုံး၊ ရေဖြူမြို့နယ်မှာ ၃ လုံး၊ လောင်းလုံမြို့နယ်မှာ ၂ လုံးနဲ့ မြိတ်မြို့နယ်မှာ ၁ လုံး မီးရှို့ခံခဲ့ရတာဖြစ်တယ်လို့ ဆိုပါတယ်။

"အဖွဲ့က လက်လှမ်းမီသလောက် အချက်အလက်တွေကို စုစည်းထားတာဖြစ်လို့ မြေပြင်မှာ ယခုထက်ပိုများနိုင်ပါတယ်။''လို့ Southern monitor အဖွဲ့တာဝန်ရှိသူတစ်ဦးက ပြောပါတယ်။

ဇွန်လထဲမှာ နေအိမ် အလုံး ၃၀ မီးရှို့ခံရတာ ဖြစ်ပါတယ်။

အကြမ်းဖက်စစ်တပ်တွေဟာ စစ်ကြောင်းထိုးလာတဲ့အချိန်၊ ကျေးရွာအတွင်း ဝင်ရောက် စီးနင်းချိန်နဲ့ စစ်ကြောင်းပြန်လည် ဆုတ်ခွာချိန်တွေမှာ မီးရှို့ဖျက်ဆီးတာတွေကို လုပ်ဆောင်ခဲ့တာဖြစ်ပါတယ်။

Delta News Agency YouTube Link - https://youtube.com/c/DeltaNewsAgency
Delta News Agency Website Link - https://deltanewsagency.com/

12/05/2022

12/05/2022

မလေးရှားနိုင်ငံခြားရေးဝန်ကြီး NUG ဝန်ကြီးနဲ့တွေ့မယ်
(မြန်မာပြည်သူတွေ ဘယ်လိုရှေ့ဆက်မလဲ သိလိုကြောင်း မလေးရှား နိုင်ငံခြားရေး ဝန်ကြီးပြော)


#မလေးရှား



NUG အစိုးရ၊ နိုင်ငံခြားရေးဝန်ကြီး ဒေါ်ဇင်မာအောင်နဲ့ မေလ ၁၄ ရက်နေ့မှာ တွေ့ဆုံသွားမှာဖြစ်ပြီး မြန်မာပြည်သူတွေ ဘယ်လို ရှေ့ဆက်သွားကြမလဲ ဆိုတာနဲ့ ပတ်သက်လို့ သိလိုကြောင်း မလေးရှားနိုင်ငံခြားရေးဝန်ကြီး ဆိုင်ဖူဒင် အဗ္ဗဒူလာက ပြောလိုက်ပါတယ်။

Website တွင် ဖတ်ရှုရန်---https://deltanewsagency.com/17462/

မေလ ၁၁ ရက်နေ့၊ အမေရိကန်-အာဆီယံ ထိပ်သီးအစည်းအဝေး တက်ရောက်ဖို့ ဝါရှင်တန်ဒီစီ ရောက်ရှိနေတဲ့ မလေးရှား နိုင်ငံခြားရေးဝန်ကြီးဟာ RFA သတင်းဌာနခွဲတခုဖြစ်တဲ့ Benar News သတင်းဌာနနဲ့ တွေ့ဆုံစဉ် အဲဒီလိုပြောကြားခဲ့တယ်လို့ RFA က ဖော်ပြပါတယ်။

မလေးရှား နိုင်ငံအနေနဲ့ NUG အစိုးရကို သွယ်ဝိုက်ပြီးဖြစ်စေ၊ အလွတ်သဘောဖြစ်စေ အကူအညီပေးချင်သလို သူ့အနေနဲ့ NUG နိုင်ငံခြားရေးဝန်ကြီး ဒေါ်ဇင်မာအောင် ပြောမယ့်သတင်းစကားတွေ၊ အမြင်သဘောထားတွေကို နားထောင်ချင်ကြောင်း မလေးရှားနိုင်ငံခြားရေးဝန်ကြီး က ပြောပါတယ်။

မလေးရှားအစိုးရနဲ့ မလေးရှားပြည်သူတွေက မြန်မာပြည်သူတွေကို အစဉ်အမြဲ ထောက်ခံအားပေးနေတယ်ဆိုတာ ဒေါ်ဇင်မာအောင်ကို ပြောပြချင်တယ်လို့လည်း သူကပြောပါတယ်။

မလေးရှား နိုင်ငံခြားရေးဝန်ကြီးဟာ NUG အပါအဝင် မြန်မာ့နိုင်ငံရေး သက်ဆိုင်သူအားလုံးနဲ့ ထိတွေ့ဆက်ဆံကြဖို့ အာဆီယံနိုင်ငံတွေကို တိုက်တွန်းထားပါတယ်။

Delta News Agency YouTube Link - https://youtube.com/c/DeltaNewsAgency
Delta News Agency Website Link - https://deltanewsagency.com/

23/04/2022

19/04/2022

ထီးလင်း PDF သိမ်းပိုက်ခဲ့သည့် ကျင်းရွာရဲစခန်း၌ နေရာဝင်ယူသည့် စစ်ကြောင်း ပဒေသာမိုင်းဖြင့် ထပိမံတိုက်ခိုက်ခံရ၍ သေဆုံးထိခိုက်မှုများ

▪️မိုင်း ၇၅လုံးဖြင့် တိုက်ခိုက်ရာ စစ်ကောင်စီတပ်မှ ၅၀ ကျော်သေဆုံးနိုင်ပြီး လက်နက်ကြီးများပါ ပျက်စီးဟု ထုတ်ပြန်

မကွေးတိုင်း ထီလင်းမြို့နယ် ကျင်းရွာနယ်မြေရဲစခန်းကို ထီးလင်း ပြည်သူ့ကာကွယ်ရေးတပ်များက စခန်းသိမ်းတိုက်ခိုက်လိုက်ခြင်းကြောင့် စစ်ကောင်စီတပ်မှ စစ်ကူလာသည့် စစ်ကြောင်းသည် ကျင်းရွာ ရဲစခန်းသို့ ဝင်ရောက်နေရာယူစဉ် ပဒေသာမိုင်းဖြင့် ထပ်မံတိုက်ခိုက်ခံရ၍ သေဆုံးထိခိုက်များပြားခဲ့သည်ဟု ထီးလင်း PDFက သတင်းထုတ်ပြန်သည်။

ဧပြီ ၁၇ရက်တွင် ထီးလင်း PDFက ကျင်းရွာရဲစခန်းကို တိုက်ခိုက်သိမ်းပိုက်ရာ လက်နက်ချရန် ငြင်းဆန်သည့် စခန်းမှူး သေဆုံးပြီး ရဲ ၂ဦး ဒဏ်ရာရရှိကြောင်း၊ လက်နက် ၁၉လက်နှင့် ပစ္စည်းများသိမ်းဆည်းရမိခဲ့ကြောင်း ထီးလင်း PDFက ဓာတ်ပုံများနှင့်တကွ ထုတ်ပြန်ခဲ့သည်။ ကျန်ရဲတပ်ဖွဲ့များမှာ ပြည်သူနှင့်အတူ ပူးပေါင်းခဲ့သည်ဟု ဆိုသည်။

ယင်းစခန်းသိမ်းတိုက်ခိုက်မှုတွင် စစ်ကောင်စီတပ်က ရဟတ်ယာဉ်ဖြင့် ပစ်ကူပေးခဲ့ပြီး မြေပြင်မှလည်း အင်အား ၂၀၀ခန့်ဖြင့် စစ်ကြောင်းထိုး စစ်ကူလာရာ ပြည်သူ့ကာကွယ်ရေးတပ်ဖွဲ့ဝင်များက ကြားဖြတ်တိုက်ခိုက်ခဲ့၍ ကနဦးထိတွေ့မှုတွင် စစ်ကောင်စီတပ်မှ ၅ဦးသေဆုံးခဲ့သည်ဟု ထီးလင်း PDFက ဆက်လက်ထုတ်ပြန်သည်။

အဆိုပါ စစ်ကြောင်းသည် ထီးလင်း PDF၏ နေရာသို့ ပစ်ခတ်ဝင်ရောက်ပြီး ဆိုင်ကယ် ၅စီး အပါအဝင် ပစ္စည်းများအား မီးရှို့ဖျက်ဆီါ်သွားကြောင်း၊ ထို့နောက် ကျင်းကျေးရွာသို့ ဝင်ရောက်ပြီး ရဲခန်းသို့ နေရာယူစဉ် စခန်းအတွင်း၌ ကားမိုင်းပဒေသာမိုင်း၇၅လုံးဖြင့်မိုင်းဆွဲတိုက်ခိုက်ခဲ့သည်ဟု ထီးလင်း PDFက ဆိုသည်။

ထို့ပြင် လက်နက်ငယ်များဖြင်ပစ်ခက်တိုက်ခိုက်ခဲ့ရာ စစ်ကောင်စီတပ်မှ ၅၀ကျော်သေဆုံးနိုင်ပြီး အများအပြားဒဏ်ရာရရှိနိုင်ကြောင်း၊ လက်နက်ကြီးများပါထိခိုက်ပျက်ဆီးသွားကြောင်း ကြားသိရသည်ဟု ထီးလင်း PDFက ထုတ်ပြန်သည်။ လက်ရှိတွင် စစ်ကောင်စီတပ်များသည် လူနေအိမ်များကို မီးရှိုနေသည်ကို မြင်တွေ့ရပြီး တိုက်ပွဲ ဆက်လက်ပြင်းထန်နေသည်ဟု အသိပေးထားသည်။

(ကျင်းရွာနယ်မြေရဲစခန်းထံမှ ထီးလင်းပြည်သူ့ကာကွယ်ရေးတပ်များ သိမ်းဆည်းရမိသည့် လက်နက်ခဲယမ်းများအား ​တွေ့ရစဥ်)
Crd:Spring Revolution

15/04/2022

13/04/2022

12/04/2022

12/04/2022

ဒီးမော့ဆိုမှာ နှစ်ရက်ဆက်တိုက် တိုက်ပွဲပြင်းထန်

ကန္တာရဝတီတိုင်း(မ်)

Website တွင်ဖတ်ရန် - https://bit.ly/3O821r5

ဧပြီလ ၁၁ ရက်နေ့ ကနေ ယနေ့အထိ ဒီးမော့ဆိုမှာ နှစ်ရက်ဆက်တိုက် တိုက်ပွဲပြင်းထန်နေတယ်လို့သိရပါတယ်။ စစ်ကောင်စီနဲ့ ကရင်နီဒေသခံကာကွယ်ရေးပူးပေါင်းတပ်ဖွဲ့ တို့ ထိတွေ့ တိုက်ပွဲ ဖြစ်ပွားခဲ့ကြတာပါ။ မနေ့က ဒီးမော့ဆို နေရာတော်တော်များများ တိုက်ပွဲ ဖြစ်ပွားခဲ့ပြီး နှစ်ဖက် ထိခိုက် ကျဆုံးမှုရှိခဲ့တယ်လို့ သိရပါတယ်။

“ ကျနော်တို့တော့ လက်ရှိပေါ့လေ ဒီရက်လည်း ကျနော်တို့ တိုက်ပွဲတွေ အကြီးအကျယ် ဖြစ်နေတယ်။ ဆိုတော့ ပြည်သူလူထုအနေနဲ့ သတိထားသွားလာဖို့ ပြီးတော့မှ မြေပြင်သတင်း နားစွင့်ကြဖို့ ကျနော်တို့ အနေနဲ့ တော့ အသိပေးလိုတယ်။ အထူးသဖြင့် တိုက်ပွဲဖြစ်နေတဲ့ မြို့တွေ ရွာတွေဖက် ဆိုလို့ရှိရင်တော့ အသွားအလာ မလုပ်ဖို့ ကျနော်တို့ အနေနဲ့ မေတ္တာရပ်ခံချင်တယ်ပေါ့။ “ လို့ (KNDF) ပြောဆိုခွင့်ရှိသူတစ်ဦးက ဆိုပါတယ်။

မနေ့က ဒီးမော့ဆို ဥခူရီ ကျေးရွာမှာ ဖြစ်ပွားတဲ့တိုက်ပွဲအတွင်းမှာဆိုရင် KNDF B-02မှ ရဲဘော် မောင်ဦးရယ်၊ မောင်အလက်ဇန်းဒါးနဲ့ မောင်ကောင်းမြတ် တို့ ကျဆုံးခဲ့တယ်လို့ KNDF B-02က ဒီကနေ့ သတင်းထုတ်ပြန်ပါတယ်။

မနေ့က ဖြစ်ပွားတဲ့ တိုက်ပွဲ အတွင်းမှာ KNDF ဖက်ရဲဘော် ၆ဦး ကျဆုံးခဲ့ပြီး စစ်ကောင်စီဖက် ကျဆုံးမှု ကိုတော့အတိကျမသိရှိရသေးဘူးလို့ သိရပါတယ်။

-------------------------------------------------------
Website (Bur) - www.kantarawaddytimes.org
(Eng) - www.ktnews.org
Facebook (Bur) - www.facebook.com/KantarawaddyTimes
(Eng) - www.facebook.com/ktimeseng
Twitter - twitter.com/KantarawaddyTim
Youtube - www.youtube.com/user/MrKtimes
Soundcloud - soundcloud.com/kantarawaddy-times

12/04/2022

10/04/2022

စစ်ကောင်စီကနေ ပူးပေါင်းလာတဲ့ ဗိုလ်မှူးတင်လင်းအောင် နဲ့ တပ်မ (၇၇)မှ CDM ဗိုလ်ကြီးတို့ လေးကေ့ကော် ဒေသတိုက်ပွဲမှာ လက်နက်ကြီး ပစ်ခတ်မှု လမ်းညွှန်ပေးပြီး၊ တိုက်ပွဲဝင်နေ။

Crd – Cobra column

07/04/2022

🟢 နောင်အန်ရွာအထက်မှာ TNLA နဲ့ စစ်ကောင်စီ လက်အောက်ခံ ပန်းဆေးပြည်သူ့စစ်တို့ ပစ်ခတ်မှုဖြစ်ပွား‌၊ ပြည်သူ့စစ်ဘက်မှ ‌၃ ဦး သေဆုံးပြီး ၅ ဦးဒဏ်ရာရ

ရွှေဖီမြေ၊ ဧပြီလ ၇ ရက်၊ နမ့်ခမ်း

ဒီနေ့မနက် ၁၁ နာရီခန့်က ရှမ်းမြောက် နမ့်ခမ်းမြို့နယ် နောင်အန်ကျေးရွာအထက်မှာ စစ်ကောင်စီ လက်အောက်ခံ ပန်းဆေးပြည်သူ့စစ်နဲ့ တအာင်းတပ်မတော် (TNLA)တို့အကြား အပြန်အလှန် ပစ်ခတ်မှုဖြစ်ပွားရာ ပြည်သူ့စစ်ဘက်မှ ၃ ဦး သေဆုံးပြီး ၅ ဦး ဒဏ်ရာရရှိခဲ့တယ်လို့ သိရပါတယ်။

ပြည်သူ့စစ်တပ်ဖွဲ့ က ကားတစ်စီးနဲ့ တက်လာချိန် လုံခြုံရေး ကင်းလှည့်နေတဲ့ TNLA တပ်ဖွဲ့က စစ်ဆေးဖို့တားနေစဉ် ရပ်မပေးပဲ ပစ်ခတ်ပြီး ကားမောင်းပြေးတာကြောင့် TNLA က ပြန်လည်ပစ်ခတ်လိုက်တာလို့ မြေပြင်မှာ လှုပ်ရှားနေတဲ့ TNLA တပ်သားတစ်ဦးက ပြောပါတယ်။

"ကျနော်တို့ အဲမှာ စစ်ဆေးမှုတွေ လုပ်နေတဲ့အချိန်မှာ သူတို့က လူဆယ်ယောက်ကားတစ်စီးနဲ့ တက်လာတယ်။ သူတို့က အရင်စပစ်တာပေါ့။ ပစ်တော့ ကျနော်တို့ဘက်လည်း ပြန်ပစ်တာ။ သူတို့ဘက်က ၃ ယောက်သေတယ် ၅ ယောက် ဒဏ်ရာရပြီးတော့ ၂ ယောက်ကတော့ ထွက်ပြေးသွားတယ်"

အဲဒီပစ်ခတ်မှုမှာ TNLA ဘက်က ထိခိုက်ကျဆုံးမှုမရှိဘဲ ပန်းဆေးပြည်သူ့စစ်ရဲ့ လက်နက်ခဲယမ်းအချို့ကို သိမ်းဆည်းရမိကြောင်းလည်း သူက ဆိုပါတယ်။

ရှမ်းမြောက်မှာ စစ်ကောင်စီတပ်နဲ့ ၎င်းရဲ့လက်အောက်ခံ ပြည်သူ့စစ်တွေအပြင် တိုင်းရင်းသား လက်နက်ကိုင်တွေလည်း သွားလာလှုပ်ရှားပြီး တိုက်ပွဲလည်း မကြာခဏ ဖြစ်ပွားတဲ့ ဒေသတစ်ခု ဖြစ်ပါတယ်။

#ပစ်ခတ်မှု #ပြည်သူ့စစ် #သေဆုံး #နမ့်ခမ်း
#ဓာတ်ပုံ- TNLA
https://www.facebook.com/451214215694715/posts/1169433450539451/

06/04/2022

ငဖဲမြို့နယ်မှာ စစ်ကောင်စီနဲ့ PDF တိုက်ပွဲဖြစ်ပြီး စစ်ကောင်စီဘက်က ၂၀ နီးပါး သေဆုံး

ငဖဲ၊ ဧပြီ ၆၊ ၂၀၂၂။

မကွေးတိုင်း၊ ငဖဲမြို့နယ်ထဲမှာ စစ်ကောင်စီနဲ့ PRA မကွေးတို့ ထိတွေတိုက်ပွဲဖြစ်ပွားပြီး မိုင်းကွင်းထဲဝင်သွားတဲ့ စစ်အုပ်စု ၂၀ နီးပါးသေဆုံးခဲ့တယ်လို့ People's Revolution Alliance အဖွဲ့ဆီက သိရပါတယ်။

ဧပြီ ၃ ရက်ကတည်းက စစ်ကြောင်းထိုးဖို့ပြင်ဆင်နေတဲ့ စစ်ကောင်စီတပ်တွေရဲ့ သတင်းကိုကြိုသိထားလို့ ပြင်ဆင်မှုတွေလုပ်ထားခဲ့ပြီး ခုခံတိုက်ခိုက်နိုင်ခဲ့တာဖြစ်တယ်လို့ PRA Magway စစ်ဦးစီးချုပ် ဟာကျူလီက ပြောပါတယ်။

"ကျနော်တို့ မျှော်မှန်းထားသလိုပဲ ပြင်ဆင်ထားတဲ့ နေရာကို ရောက်တဲ့အချိန်မှာ ကနဦး မိုင်းဆွဲတိုက်ခိုက်ပြီးတော့ လက်နက်ငယ်တွေနဲ့ အပြန်အလှန်တိုက်ခိုက်ခဲ့ပါတယ်" လို့ ဟာကျူလီက ပြောပါတယ်။

ကြိုတင်ပြင်ဆင်မှုအပြင် မြေပြင်အနေအထားအရ အင်အား ၆၀၀ နီးပါးရှိတဲ့ စစ်ကြောင်းကို ခုခံချေမှုန်းထားနိုင်ခဲ့တယ်လို့ ပြောပါတယ်။

"မှောက်ပြီးတော့ လုံးဝကိုပြန်မထနိုင်တာ ကျနော်တို့ရေတွက်ကြည့်တာ အယောက် ၂၀ ရှိပါတယ်။ ဒါပေမယ့် သူတို့ဘက်က အင်အားများတော့ ကာပစ်ပစ်ပြီး အလောင်းတွေကို ခြေထောက်ကနေ ဆွဲတာတွေ လက်ကဆွဲတာတွေ ရရာဆွဲပြီး အလောင်းတွေ ပြန်ကောက်သွားပါတယ်။ တိုက်ပွဲက တော်တော်လေး ပြင်းထန်ပါတယ်။ မိုင်းကွင်းထဲကို တည့်တည့်ကျသွားတာဆိုတော့ သူတို့လုံးဝကို မလှုပ်တော့ပါဘူး။ ကျဖို့ရာ ခိုင်နှုန်းအရမ်းများပါတယ်" လို့ PRA Magway စစ်ဦးစီးချုပ် ဟာကျူလီက ပြောပါတယ်။

တိုက်ပွဲတွင်းမှာ PDF ဘက်က ရဲဘော် ၂ ဦး လက်နက်ကြီး အစထိမှန်ကာ ဒဏ်ရာအသေးစားရခဲ့ပြီး၊ ဆေးကုသမှုခံယူနေကာ စစ်ကောင်စီဘက်ကလည်း နောက်ထပ်စစ်အင်အားတွေ ထပ်ဖြည့်နေတယ်လို့ သိရပါတယ်။

"စစ်ခွေးတွေကတော့ အင်အားတွေထပ်ပြီးတိုးချဲ့ပြီးတော့ ကျနော်တို့ကို အပြတ်ချေမှုန်းဖို့ ပြင်ဆင်နေပါတယ်" လို့ သူကဆက် ပြောပါတယ်။

တိုက်ပွဲဖြစ်ခဲ့တဲ့နေရာက ငဖဲမြို့အနောက်ဘက် ၁၆ မိုင်အကွာ၊ ရေယာဥ်တောင်ကြောမှာ ၂ ကြိမ်တိုက်ပွဲဖြစ်ခဲ့တာပါ၊ စစ်ကောင်စီရဲ့ လှုပ်ရှားမှုတွေကို အချိန်မီသတင်းပေးနိုင်ဖို့ ကိုလည်း ပြည်သူလူထုကို တိုက်တွန်းထားပါတယ်။

ဓါတ်ပုံ- People's Revolution Alliance Magway

#မြေလတ်အသံ

06/04/2022

တီးတိန်အုပ်ချုပ်ရေးမှူး သေနတ်နဲ့အပစ်ခံရ
======
ချင်းပြည်နယ်၊ တီးတိန်မြို့နယ် ထွေအုပ်မှူးဦးကြည်မင်းထွန်း (၃၂ နှစ်) ဟာ ယနေ့ ဧပြီ၆ ရက် ညနေ ၆ နာရီလောက်က မြို့မဈေးရှေ့တွင် သေနတ်နဲ့ အပစ်ခံရတယ်လို့ သတင်းရရှိပါတယ်။

ဒါပေမယ့် ဦးကြည်မင်းထွန်း သေ၊ မသေ မသိရသေးပါ။

06/04/2022

ကျသွားသည့် မောခီးစခန်းသို့ စစ်ကောင်စီတပ်များ ပြန်လည်ရောက်ရှိ

ဧပြီ ၆ ရက်၊ ၂၀၂၂ ခုနှစ်။ ကေအိုင်စီ

ပြီးခဲ့သည့် မတ်လလယ်ပိုင်းက ကရင်အမျိုးသားလွတ်မြောက်ရေးတပ်မတော် (KNLA)တပ်ဖွဲ့၏ တက်ရောက်ရှင်းလင်းခဲ့သည့် မြဝတီတောင်ပိုင်းရှိ စစ်ကောင်စီတပ်၏ မောခီးစခန်းကို ယနေ့ ဧပြီလ ၆ရက် နေ့လည်ခန့်တွင် စစ်ကောင်စီတပ်များ ပြန်လည်ရောက်ရှိနေပြီဟု ကေအဲန်ယူဘက်က အတည်ပြုပြောသည်။

အဆိုပါ မော်ခီးစခန်းကို ပြန်ထိုင်ရန် စစ်ကောင်စီတပ် အင်အား ၂၀၀ ကျော်ဖြင့် ဧပြီလ ၅ ရက်နေ့ကတည်းက ဝေါလေမှ မော်ခီးစခန်းသို့ ဦးတည်စစ်ကြောင်းထိုးဝင်ရောက်လာခြင်းဖြစ်ပြီး လမ်းကြောင်း တစ်လျှောက်တွင် KNLA ပူးပေါင်းတပ်ဖွဲ့က ကြားဖြတ်တိုက်ခိုက်သည့်အတွက် စစ်ကောင်စီဘက်က ထိခိုက်ကျဆုံးမှုများပြားလျက်ရှိသည်ဟု ကေအဲန်ယူ ကော့ကရိတ်မြို့နယ် အတွင်းရေးမှူး ပဒိုစောအယ်ကော် သောက ပြောသည်။

၎င်းက " မကြာသေးခင်ကပဲ (နေ့လည်) စခန်းထဲ သူတို့ ပြန်ရောက်ပြီ။ သေနတ်သံတွေက ကြားနေတုန်းပါပဲ။ စခန်းကုန်းမှာနေပြီး လက်နက်ကြီး လိုက်ပစ်တာဖြစ်ဖို့များတယ်။ သူတို့အားလုံး ထိခိုက်ကျဆုံးတာ အယောက် ၂၀ ကျော်မယ်ထင်တယ်။ ဘာဖြစ်လဲဆိုတော့ ညက ဝေါလေဘက်ကို ကားနှစ်စီးနဲ့ လူနာပြန်သယ်သွားတယ်။ ညက ပြန်ပို့တဲ့အထဲမှာ စစ်ကြောင်း၊ တပ်ခွဲမှူးတွေပါတယ်။ "ဟု ကေအိုင်စီသို့ ပြောသည်။

မော်ခီးစခန်းကို ပြန်ထိုင်ရန် စစ်ကြောင်းထိုး ဝင်ရောက်လာသည့် စစ်ကောင်စီ စစ်ကြောင်းအား နယ်မြေခံ KNLA၊ KNDO ပူးပေါင်းတပ်ဖွဲ့တို့က ဖြတ်တိုက်ခိုက်မှုပြုလုပ်ခဲ့ရာတွင် စစ်ကောင်စီဘက်က ၂၀ ကျော် ထိခိုက်သေဆုံးခဲ့သလို KNLA၊ KNDO ပူးပေါင်းတပ်ဘက်ကလည်း ထိခိုက်ကျဆုံးမှုအချို့ရှိခဲ့သည်ဟု KNLA ဘက်က ပြောသည်။

စစ်ကောင်စီနယ်ခြား ခံစစ်စခန်းတစ်ခုဖြစ်သည့် မော်ခီးစခန်းကို ယခင်လ မတ်လ ၂၁ ရက်နေ့က ကရင်အမျိုးသားလွတ်မြောက်ရေးတပ်မတော်-KNLA တပ်မဟာ ၆ နှင့် ကရင်အမျိုးသားကာကွယ်ရေးတပ်ဖွဲ့-KNDO ပူးပေါင်းတပ်ဖွဲ့များက သိမ်းပိုက်ရှင်းလင်းခဲ့ခြင်းဖြစ်ပြီး လက်နက်ခဲယမ်းအမြောက်အများလည်း သိမ်းဆည်းရမိခဲ့သည်။

" စခန်းကို တက်ရှင်းလင်းပြီးကတည်းက ဘယ်သူမှ မထိုင်ဘူးလေ။ အခု သူတို့စခန်းမှာပဲ အသေပြန်ထိုင်မလားတော့ သေချာမသိရသေးဘူး။ ညနေလောက်မှ အခြေအနေ ထပ်သိရမယ်။ "ဟု ကော့ကရိတ်မြို့နယ် အတွင်းရေးမှူး ပဒို စောအယ်ကော်သောက ဆက်ပြောသည်။

၎င်း စစ်စခန်းတွင် စစ်ကောင်စီဘက်က ပြန်ထိုင်နိုင်ရန် ကော့ကရိတ်-မြဝတီ လမ်းပိုင်းနှင့် ထိုင်းနိုင်ငံဘက်အခြမ်း မဲဆောက်-ဝေါလေ နယ်ခြားလမ်းမှ စစ်အင်အား စစ်ကူပို့ဆောင်မှုများ ပြုလုပ်ခဲ့သေးသည်ဟု KNLA ဘက် ပြောဆိုခဲ့သည်။

မြဝတီတောင်ဘက် ဒေါနအရှေ့ဘက်ခြမ်းတွင် လတ်တလော ဖြစ်ပွားနေသည့် တိုက်ပွဲများကြောင့် ကျေးရွာအုပ်စု ၇ စုမှ စစ်ရှောင်နေရသည့် စစ်ဘေးရှောင်ပြည်သူ ဦးရေ (၁၁,၄၃၄) ဦးရှိသည်ဟု ဒေါနအရှေ့ခြမ်း စစ်ရှောင်ကူညီရေးအဖွဲ့၏ ပြုစုထားသော စာရင်းတွင် ဖော်ပြထားသည်။


Photo-မောခီးစခန်းကို KNLA/KNDO တပ်ဖွဲ့များ တက်ရောက်သိမ်းပိုက်ရှင်းလင်းခဲ့စဉ် (Photo-KNDO)

04/04/2022

ပလက်ဝမြို့နယ်၊ ဆမီးမြို့တွင် တိုက်ပွဲဖြစ်ပွားရာ စစ်ကောင်စီတပ် ၆ ဦးသေဆုံးဟုဆို
=====
ချင်းပြည်နယ်၊ ပလက်ဝမြို့နယ်၊ ဆမီးမြို့ အဝင်ဂိတ်အား CDF-Paletwa နဲ့ CNAတို့ပူးပေါင်းကာ ဧပြီ ၃ ရက် ည ၈ နာရီခွဲဝန်းကျင်က အာဏာသိမ်းစစ်ကောင်စီတပ်တို့ တိုက်ပွဲဖြစ်ပွားခဲ့တယ်လို့ CDF-Paletwa ကသတင်းထုတ်ပြန်ထားပါတယ်။

အဲ့ဒီတိုက်ပွဲမှာ လက်နက်ကြီး၊ လက်နက်ငယ်ဖြင့် မိနစ် ၃၀ လောက် အပြန်အလှန်ပစ်ခတ်ကြရာ စစ်ကောင်စီတပ်ဖက်က ၆ ယောက်သေဆုံးပြီး အများအပြားဒဏ်ရာရရှိတယ်လို့ CDF-Paletwa ကထုတ်ပြန်ထားတယ်။

ဒေသကာကွယ်ရေးပူးပေါင်းတပ်တွေကတော့ အထိအခိုက်မရှိ ပြန်လည်ဆုတ်ခွာနိုင်ခဲ့ပါတယ်။

04/04/2022

ကော့ကရိတ်-မြဝတီ အာရှလမ်းမကြီးတွင် ယနေ့နံနက်တိုက်ပွဲ​ဖြစ်နေ၊ ကုန်တင်ကားနှစ်စီး မီးလောင်

မောင်ကြီး/People's Spring

ကရင်အမျိုးသားအစည်းအရုံး(KNU)ပူးပေါင်းအဖွဲ့နှင့် အကြမ်းဖက်စစ်ကောင်စီတပ်တို့ ကော့ကရိတ်-မြဝတီအာရှလမ်းမကြီးတွင် ယနေ့(ဧပြီ ၄ရက်) နံနက်အစောပိုင်းကစတင်ကာ တိုက်ပွဲ​ဖြစ်နေပြီး ကုန်တင်ကားနှစ်စီး မီးလောင်နေသည်ဟု ဒေသခံများက ပြောသည်။

ကော့ကရိတ်- မြဝတီ အာရှလမ်းပိုင်းရှိ ဆိပ်ဖူးတောင်ခြေတွင် ကားနှစ်စီး မီးရှို့ခံထားရခြင်းဖြစ်ပြီး အသေးစိတ်အခြေအနေကို မသိရှိကြောင်း မျက်မြင်တွေ့ခဲ့သူတစ်ဦးက ပြောသည်။

"အာရှလမ်းမကြီး မသုံးဖို့ KNUက သတိပေး ထားပေမယ့် အခြေအနေကြည့်ပြီး သွားလာနေကြတာပဲ။ ဒီနေ့တော့ မသွားကြတာ ကောင်းမယ်။လမ်းမနဲ့ မဝေးတဲ့နေရာမှာ တိုက်ပွဲလည်း ဖြစ်နေတယ်"ဟု ကော့ကရိတ်မြို့ခံတစ်ဦးက ပြောသည်။

စစ်အာဏာရှင်ဆန့်ကျင်ရေးတွင် ပြည်သူလူထုနှင့်အတူရပ်တည်နေသည့် ကရင်အမျိုးသားအစည်းအရုံး(KNU) ဦးဆောင်သည့် ပူးပေါင်းတပ်ဖွဲ့သည် ကရင်ပြည်နယ်သို့ စစ်ကြောင်းထိုးလာသည့် စစ်ကောင်စီတပ်ကို စောင့်ကြိုတိုက်ခိုက်နေပြီး ခရီးသွားပြည်သူများ အသက်အန္တရာယ်မဖြစ်စေရေးအတွက် အာရှလမ်းမအသုံးပြုခွင့်ကို ကန့်သတိ​ပေးထား​ခြင်းဖြစ်သည်။

မြေပြင်တိုက်ပွဲတိုင်းတွင် အထိနာနေသည့် အကြမ်းဖက်စစ်ကောင်စီတပ်က လေကြောင်းအသုံးပြုတိုက်ခိုက်နေပြီး ယမန်နေ့ကလည်း KNU တပ်မဟာ (၅) နယ်မြေသို့ လေကြောင်းမှ လာရောက်ထောက်လှမ်းသွားခဲ့သည်ဟု ဆိုသည်။

(​ကော့ကရိတ်-မြဝတီလမ်းပိုင်းတွင် တိုက်ပွဲ​ကြောင့် ကုန်တင်ကားများ ရပ်နားထားစဥ်၊ ပုံအ​ဟောင်းကို အသုံးပြုထားပါသည်)

#လူထုနွေဦး

'sSpring

https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/

02/04/2022

မဟုတ်မခံ စိုးဝင်းနိုင် (ခေါ်) ရဲဘော်ခေါခေါ
Video Crd: Heart Felt Word Media
Edit, ရဲဘော် ဘယ်လိုဖြစ်ရတာလဲဗျာ။

02/04/2022

အမှန်တရားရဲ့ဘက်တော်သား ဗိုလ်မှူးနဲ့ တပ်သား ရဲဘော်ကို လေးစားပါတယ်။

02/04/2022

ဆန္ဒပြရင်းလည်း တော်လှန်မယ်။ Gun ကိုင်ပီးလည်းတော်လှန်မယ်။
ဆားလင်းကြီးလူငယ်များရဲ့ အာဏာရှင်ဆန့်ကျင်ရေး ပြောက်ကျားသပိတ်။

ဓာတ်ပုံ - Aung Khant Zaw Photography

02/04/2022

Respect Chinland Defend Force.MD.

31/03/2022