18/02/2024
#နိုင်ငံခြားခရီးစဥ်ကို အခုမှ လေယာဥ်နဲ့ #ပထမဆုံးစီးဖူးပြီးသွားမယ်ဆိုသူများအတွက်ပါ - အစဆုံး တချက်ချင်းရေးထားတာမို့ စာလေး နဲနဲရှည်ပါမယ်နော် ( ပုံတွေပေါ်မှာလဲ ပြောပြပေးထားပါတယ်)
1. နိုင်ငံခြားသွားဖို့ စစီစဥ်ချိန်ကတည်းက လေယာဥ်ကွင်းရောက်ချိန် မေးလေ့ရှိတဲ့ စကားတွေ ကို နားလည်အောင် ပြန်ပြောနိုင်အောင်တော့ သင်ထားသင့်ပါတယ်
2. Passport ရချိန် ကိုယ့်နာမည် မွေးသက္ကရာဇ် သေချာစစ်ပါ
3. လေယာဥ်လက်မှတ်ဝယ်ချိန် passport မှာ ပါတဲ့ နာမည်စာလုံးပေါင်းအတိုင်း တူရပါမယ်။ နာမည် ရှေ့မှာ Mg, Ma , U, Daw ပါနေတာက အစ တူရပါမယ် (ဥပမာ -Passport မှာ ကိုယ့်နာမည်က Ma Thidar လို့ ပေါင်းထားရင် လေယဥ်လက်မှတ်မှာလဲ တူရပါမယ် - Thidar လို့ပဲ မရသလို Ma Thida လို့ ဖြစ်နေလို့လဲ မရပါဘူး )
4. လေယာဥ်လက်မှတ် ဝယ်တဲ့အခါ ရက် ပြန်ပြောင်းတာ နာမည်ပြောင်းတာတွေလုံးဝ လုပ်မရတဲ့လက်မှတ် / ရက် ပြောင်းလို့တော့ရ အနည်းငယ် အလိုက်ပေးရမယ်ဆိုတဲ့ လက်မှတ်/ တကြိမ် ရက်ပြောင်းခွင့် ရလက်မှတ် စသဖြင့် စျေးကွာပါတယ်။ အလည်သွားမယ့် သူမဟုတ်ပဲ ကြာကြာနေဖို့အစီအစဥ်ရှိရင်တော့ refund ပြန်ထုတ်လို့ရတဲ့ လက်မှတ်ဆိုရင်တော့ % အနဲငယ်ပဲ ဆုံးမှာပေါ့နော်. နောက်တခုက စျေးသက်သာတဲ့ Air Asia လိုမျိုးဆိုလဲ Kg ထည့်မဝယ်ရင် free 7kg နဲ့က ဘယ်လောက်မှ သယ်မရလို့ ကြာကြာနေမယ့်သူဆို အဆင်မပြေပါဘူး
5. သွားဖို့ အထုတ်ပြင်တဲ့အခါ -ပိုက်ဆံ, ဘက်ထရီပါတဲ့ပစ္စည်း , powerbank, ph, laptop, မီးခြစ် အားလုံးက ကိုယ်နဲ့တူတူ သယ်မယ့် hand carry အိတ်ထဲပဲ ထည့်သယ်ရပါမယ်.
အရည်, cream စတဲ့ ပစ္စည်းအမျိုးစား, မိတ်ကပ် Lotion, ဆေးရည် စတဲ့ အရာအားလုံးက 100ml ထက် ပိုရင် check in counter မှာ အပ်မယ့် luggage ထဲကို ထည့်သယ်ရပါမယ်.. ကိုယ်ရမယ့် အလေးချိန်ထက် မပိုအောင်လဲ ထည့်ဖို့လိုပါတယ် . ကီလိုပိုရင် ပျှမ်းမျှ တကီလို 10$ လောက်ပေးရပါတယ်
6. လိုအပ်တဲ့ document passport , hotel booking, လေယာဥ် လက်မှတ်, covid ဆေးထိုးမှတ်တမ်း အားလုံးကို ဖုန်းထဲမှာ ဓါတ်ပုံရိုက်သိမ်းထားပါ (ပျောက်တာမျိုးဖြစ်ခဲ့ရင် သုံးဖို့)
7. တယောက်တည်း စသွားရမှာမို့ပဲဖြစ်ဖြစ် ဘာမှ မကြောက်ပါနဲ့. ကိုယ့်ကိုကိုယ် ယုံကြည်မှု အပြည့်ထားပြီးသွားပါ
အဝတ်စား သပ်သပ်ရပ်ရပ်ဝတ်ပါလို့ ပြောကြတာမှာ မလိုအပ်ပဲ ကုတ်အကျီ စတိုင်ဘောင်းဘီတွေ ဝတ်ဖို့ မဟုတ်ပါဘူး (MOU နဲ့ သွားလို့ ကုမ္ပဏီ က စီစဥ်ရင်တော့ တမျိုးပေါ့နော် ) ကိုယ်နဲ့ကြည့်ကောင်းမယ် , သက်တောင့်သက်သာ ဖြစ်စေမယ့် အဝတ်စားမျိုးဆို ရပါတယ်
6. သွားမယ့်နေ့ - လေယဥ်ထွက်ချိန်ထက် သုံးနာရီ စော ပြီး ကောင်တာတွေ ဖွင့်လေ့ရှိပါတယ် . .အခုမှ စသွားမယ့်သူဆို ၃နာရီစော ရောက်နိုင်ရင် အကောင်းဆုံးပါ . အနဲဆုံး ၂ နာရီလောက်ထက်တော့ နောက်မကျပါစေနဲ့ .
အိမ်က မထွက်ခင် ပစ္စည်းတွေ သေချာပြန်စစ်ပါ -
အဓိက - ပတ်စပို့, လက်မှတ် , ပိုက်ဆံ
7. လေယဥ်ကွင်းရောက်တာနဲ့ အဆောက်အဦ ထဲကို ဝင်ချိန် အိတ်တွေ အားလုံးကို X Ray စက်ထဲဖြတ်ရပါမယ် .. အရင်ကလို လိုက်ပို့သူတွေ လိုက်လို့မရတော့ပါဘူး (လိုက်ချင်ရင် ပိုက်ဆံပေးဝင်ရပါတယ် .မလိုအပ်ဘူးလို့ ထင်တာပါပဲ).
8. X Ray ဖြတ်ပြီးတာနဲ့ အရှေ့နားက တိုင်က TV screen မှာ ကိုယ်စီးမယ့် လေယာဥ်နာမည်ကို ရှာပြီး ဘယ်ကောင်တာလဲ (A, B, C, D စသဖြင့် ကြည့်ပါ . ပြီးရင် ကောင်တာ ရှိ နေရာ ကို ရှာပြီး တန်းသွားစီပါ
9. ကိုယ့်ကောင်တာ က B ဆိုပါစို့ , B နေရာ ရောက်ရင် ကောင်တာတွေအပေါ်မှာ ရေးထားတဲ့တံဆိပ်က ကိုယ့်လေယဥ်လိုင်း ဟုတ် မဟုတ်ကြည့်ပါ ၊ ဟုတ်တယ်ဆိုရင်
တန်းစီတဲ့အခါမှာလည်း ရိုးရိုးလက်မှတ် (Economy Class) , အထူးတန်း (Business / First Class) စသဖြင့် ကိုယ့်လက်မှတ် အလိုက် သတ်မှတ်လိုင်းမှာပဲ တန်းစီပါ . , Internet Checkin လုပ်ပြီးသားသူတွေ အတွက် လိုင်း တခု , ခနခနခရီးသွားလို့ member အထူးသမားတွေ အတွက် လိုင်းတခုလဲ ရှိတတ်ပါတယ်. (တချို့Airline ဝန်ထမ်းတွေက လိုင်းမှားစီမိရင် ပြောတဲ့ပုံစ က မမိုက်လို့ရယ်)
10. အိတ်အပ်ပြီးသွားပြီဆိုရင် ပတ်စပို့်ရယ် boarding pass လို့ ခေါ်တဲ့ ကဒ်လေးတခုရယ်. Immigration ဖြတ်ရင် ပြဖို့ ဖြည့်ရမယ့် စာရွက် တခု ပေးပါလိမ့်မယ်
တခါတည်းဖြည့်လိုက်ပါ . Boarding Pass ကို မပျောက်အောင် ဂရုစိုက်ပါ
11. ပြီးရင်တော့ စက်လှေကားနဲ့ အပေါ်တက်တာနဲ့ immigration ဖြတ်ဖို့ ကောင်တာတွေ တွေ့ပါမယ် . တခါတန်းစီပါ .. .
Immigration က ပြီးရင် security check ကောင်တာကို ထပ်ဖြတ်ရပါမယ် . ရူးဖိနပ် စီးထား , ခါးပတ်ဝတ်ထား ရင် ချွတ်ပြီး ဖြတ်ရပါတယ်
12 . Xray ပြီးရင် စက်လှေကားနဲ့ အပေါ်တက် duty free အရောင်းဆိုင်တွေ ဖြတ်ပြီးရင် အောက်ပြန်ဆင်း ကိုယ်စီးရမယ့် gate ကို ရှာသွားပါ (boarding pass မှာ gate နံပါတ် ပါပါတယ်) . Gate ရှေ့ကို ထွက်မယ့်အချိန်ထက် ၄၅ မိနစ်လောက် စော ရောက်နေနိုင်တာ စိတ်ချရပါတယ်
13. လေယဥ်ဆိုက်တဲ့အခါ - Arrival ဆိုတဲ့ ဆိုင်းဘုတ်လမ်းညွှန် အတိုင်း လိုက်သွားပြီး immigration ဆိုတဲ့နေရာထိသွားရပါမယ် (တခြားနိုင်ငံ ဆက်သွားမယ့်သူများက Transist ဆိုတဲ့လမ်းညွှန်အတိုင်းလိုက်)
14. Immigration မှာ တခါတလေ လူများရင် နာရီဝက်ကျော်လောက်ထိ တန်းစီရတတ်ပါတယ် .
တချို့ နိုင်ငံတွေက immigration မှာပြဖို့ white card / landing card ကို လေယဥ်ပေါ်မှာ လေယာဥ်မယ်က ဝေပေးပြီး ဖြည့်ရပါတယ် (တချို့နိုင်ငံတွေက online ကနေ ကြိုဖြည့်ထားရပါတယ်) .
15. ကိုယ့်ရှေ့က လူ immigration counter အလှည့်ကျ ဝင်နေချိန် ကိုယ့်အောက်က အဝါရောင်စည်းထက် မကျော်ပါနဲ့ .
ကိုယ့်အလှည့်ရောက်ရင် .passport , boarding pass ကို immigration အရာရှိကို ပေးလိုက်ပါ . ပြီးရင် ညာထောင့်က လက်ဗွေနှိပ်တဲ့စက်ပေါ် သူညွှန်တဲ့အတိုင်း လက်လေးချောင်းတင် လက်ဓွေယူပေးလိုက်ပါ . ပြီးရင် mask ချွတ် camera ကို ကြည်ွ ဓါတ်ပုံ အရိုက်ခံလိုက်ပါ . ပြီး ရင် သူစာအုပ်ပေါ် တုံးထုပြီး စာအုပ်ပြန်ပေးရင် သွားလို့ရပါပြီ
ပုံမှန်အားဖြင့် အဲ့အဆင့်တွေ အားလုံးကို အရာရှိက စကားတခွန်းမှ မပြောပဲ အမူရာနဲ့ ပဲ ပြပါတယ် ။ နဲနဲရစ်ချင်သူနဲ့တွေ့ရင်တော့ ဘာလာလုပ်တာလဲ , ဘယ်မှာနေမှာလဲ , ဘယ်နှစ်ရက်နေမှာလဲ, အပြန်လက်မှတ်ဝယ်ပြီးပြီလား စသဖြင့် မေးတတ်ပါ တယ်
မေးလာခဲ့ရင် ချက်ချင်းပြန်ဖြေနိုင်အောင် , ပြဆိုရင်လည်း ချက်ချင်းထုတ်ပြနိုင်အောင် အဆင်သင့်ဆောင်ထားပါ (ဖုံးထဲ ဓါတ်ပုံလဲ ပြလို့ရပါတယ်)
** passport ပြန်ရရင် အဝင်တုံးထုပေးလိုက်ရဲ့လား , နေ့စွဲတွေမှန်ရဲ့လား , သံရုံး က visa ယူလာသူတွေဆိုလဲ ရက်အပြည့်ထုပေးလိုက်ရဲ့လား စစ်ပါ (မှားနေရင် တခါတည်း ပြန်ပြောပါ)
16. ပြီးရင်တော့ အပ်ထားတဲ့ အိတ်တွေ ယူနိုင်ဖို့ ထုံးစံအတိုင်း TV screen မှာ ရှာ နံပါတ်ပြတဲ့နေယာမှာ သွားစောင့် အထုတ်ယူလို့ရပါပြီ
17. အထုတ်တွေ ယူပြီး အပြင်ထွက်တော့မယ်ဆို အစိမ်းရောင် Custom Exit ကနေ ထွက်ပါ (အနီရောင်က လုံးဝ မထွက်ပါနဲ့ ၊ အခွန်ဆောင်ရမယ့် ပစ္စည်းပါလာသူတွေ အတွက်ပါ )
ထွက်တဲ့အချိန် အဲ့နေရာက Cistom အရာရှိတွေ သွားကြည့် မနေပါနဲ့ . ခပ်တည်တည်ပဲသွားပါ . မဟုတ်ရင် အထုတ်တွေ ခေါ်ဖွင့်ပြခိုင်းနေတတ်ပါတယ်
အစားသောက် ဆေးဝါး လူသုံးကုန် အားလုံး က ကိုယ်သုံးဖို့လောက် သယ်တာ သယ်လို့ရပါတယ် . တမျိုးတည်းကို အလွန်အကျွံအများကြီးတော့ မဖြစ်နဲ့ပေါ့ (ဂျပန်, သြစတေးလျ, အမေရိကန် ဆိုရင်တော့ သယ်မရတာတွေ များပါတယ်)
18. အပြင်ရောက်ပြီဆိုရင်တော့ လာကြိုသူတွေက ဘန်ကောက် ဆိုရင် အများအားဖြင့် Gate 5 မှာ စောင့်နေရလေ့ရှိပါတယ် .
(မြန်မာနိုင်ငံက အထွက် ပုံစံကို ရေးပြထားတာပေမယ့်. ဘယ်နိုင်ငံမဆို ဒီပုံစံအတိုင်းပါပဲ ,
Vacation ရလို့ အခုမှ UAEကနေ ရန်ကုန်စပြန်မယ့်သူများအတွက်လဲ ပုံစံတူတူပါပဲ (လေယဥ်ကွင်း ပုံတချို့လဲ ထည့်ပေးထားပါတယ်)
သိချင်တာရှိလဲ မေးထားလို့ရပါတယ် အားတဲ့အချိန် ဖြေပေးပါမယ်
_____________________________
🛫 လေယာဥ်လက်မှတ်များ ဝယ်ယူလိုပါက 🛬
Contact Us
☎️ 09 9699339418
သို့ အချိန်မရွေး ဆက်သွယ်မေးမြန်းစုံစမ်းနိုင်ပါတယ်။
