Rent a car

15/09/2023

Today's fuel prices ⛽

21/07/2023

ဆီဈေးတက်တယ်ဗျိုး
Today's Fuel price ⛽
(21-07-23)

13/05/2023

Today's fuel prices ⛽
(13-5-23)

05/05/2023

Today's fuel prices ⛽
(5-5-23)

30/04/2023

Fuel prices ⛽
(30-4-23)

04/04/2023

ဆီတိုင်ကီထဲက ဆီပန်.တွေ အပျက်အစီးနည်းအောင် ဘယ်လိုသုံးစွဲသင့်သလဲ

ကျနော်တို. လက်ရှိကားလောကမှာ ဆီတိုင်ကီထဲက ဆီပန်. ပြဿနာကြောင့် နေ.စဉ်နေ.တိုင်း ကား၀ပ်ရှော့ပို. ပြုပြင်နေရတဲ့ ကားတွေမနည်းလှပါဘူး ။ ကားပိုင်ရှင်တွေလည်း ဒီဆီပန်. ပြဿနာကြောင့် ကားမောင်းရတာ စိတ်အနှောက်အယှက်ဖြစ်ရ ၊ ကားပြုပြင်ရတာ ငွေကုန်ကြေးကျ များလှနဲ. ဒုက္ခများလှပါတယ် ။ ဒါကြောင့် ဒီနေ. ဆီတိုင်ကီထဲက ဆီပန်.တွေကို ဘယ်လို သက်တမ်းကြာရှည်အောင် သုံးစွဲသင့်တယ်ဆိုတာနဲ. ပတ်သတ်ပြီး ဆောင်ရန်ရှောင်ရန် အချက်လေးတွေကို ပြောပြချင်ပါတယ် ။

Electric Fuel Pump

အခုကျနော်တို. လက်ရှိ အသုံးပြုနေတဲ့ EFI (Electronic Fuel Injection ) နည်းပညာသုံး ကားတွေတိုင်းမှာ မရှိမဖြစ်အရေးပါတာက ဆီပန်.ပါ ။ ဒီဆီပန်.ကို အရပ်ထဲ ဆီပန်. ၊ တိုင်ကီပန်. အမျိုးမျိုးခေါ်ဝေါ်နေကြမယ့် ၊ ဒီကောင်လေးရဲ. နာမည်အစစ်က Electric Fuel Pump လို.ခေါ်ပြီး DC လျှပ်စစ်ဖြင့် မောင်းနှင်ထားတဲ့ ပန်.အမျိုးအစားဖြစ်ပါတယ် ။

ဒီ ဆီပန်.ရဲ. အဓိက တာ၀န်က ဆီတိုင်ကီထဲက ဆီတွေကို အင်ဂျင်မှာတပ်ဆင်ထားတဲ့ ဆီဖြန်းပေးတဲ့ Injector တွေဆီကို ဆီပို.ဆောင်ပေးတဲ့ တာ၀န်ကို ထမ်းဆောင်ပါတယ် ။ ဒီလို လောင်စာဆီတွေကို သယ်ယူပို.ဆောင်ရတဲ့ အခါမှာ ပုံမှန်ရိုးရိုးသယ်ယူပို.ဆောင်လို.မရပါဘူး ၊ ဘာဖြစ်လို.ဆိုရင် ယခု EFI နည်းစနစ်အရ အင်ဂျင်ခန်းထဲကို မီးလောင်ပေါက်ကွဲဖို. လိုအပ်တဲ့ လောင်စာဆီတွေကို Injectorတွေသုံး ဖြန်းသွင်းရတဲ့ အခါမှာ လောင်စာဆီတွေကို သေးငယ်တဲ့ ဆီအမှုန်အမွှားလေးတွေအဖြစ် ဖြန်းသွင်းပေးဖို.လို.လို.ပါပဲ ။ ဒါကြောင့် ဒီလောင်စာဆီတွေကို ဆီအမှုန်အမွှားလေးတွေဖြစ်အောင် ပန်းသွင်းပေးဖို. Pressure ဆိုတဲ့ အားပြင်းတဲ့ ဖိအားတခု လိုအပ်လာပါတယ် ။ ဒီလိုအပ်တဲ့ ဖိအားကို ရရှိအောင် ဒီဆီတိုင်ကီထဲက ဆီပန်.ကပဲ တွန်းပေးရတာပါ ။ ဒါကြောင့် ဒီဆီတိုင်ကီထဲက ဆီပန်.တွေဟာ သာမာန်ရိုးရိုး ပန်.တွေမဟုတ်ဘဲ အင်ဂျင်က လိုအပ်တဲ့ ဆီဖြန်းသွင်းစနစ်အတွက် ဖိအားတခုရရှိအောင် အလုပ်လုပ်ပေးတဲ့ ဆီပန်.တွေပါပဲ ။

ပုံမှန်အားဖြင့် ဒီဆီပန်.တွေရဲ. ဖိအား (Pressure) က အနိမ့်ဆုံး 30 ကနေ အမြင့်ဆုံး 100 Psi ကျော်ကျော်ထိရှိတတ်ပါတယ် (ကားအမျိုးအစား အင်ဂျင်အမျိုးအစားပေါ်လိုက်ပြီး အနည်းအများကွဲလွဲနိုင်ပါတယ် ) ။
ဒီဆီပန်.ကနေ ပို.လိုက် ဆီ Pressure က သတ်မှတ်ထားတဲ့ Pressure လိုအပ်ချက်အတွင်းမှာပဲ ရှိနေမယ်ဆိုရင် အင်ဂျင်ဟာ ပုံမှန်အတိုင်း ချောချောမွေ.မွေ. အဆင်ပြေပြေလည်ပတ်မှာဖြစ်ပါတယ် ။ အဲ့လိုမဟုတ်ဘဲ အကြောင်း အမျိုးမျိုးကြောင့် ဆီပန်. Pressure ကျသွားပြီဆိုတာနဲ. အင်ဂျင်တုန်တာ ခါတာ ၊ အင်ဂျင် အဆွဲအရုန်းကျတာ ၊ အင်ဂျင်နှိုးရခက်တာ ၊ နှိုးမရတော့တာ စတဲ့ ပြဿနာတွေနဲ. ကြုံတွေရမှာဖြစ်ပါတယ် ။

Electric Fuel Pump တခု ဘယ်လို အလုပ်လုပ်သလဲ

ကားမောင်းမယ့်သူက ကားသော့ကို On လိုက်တယ်ဆိုတာနဲ. ၊ PCM (Powertrain Control Module ) ကနေ Pump Relay တွေကို ကပ်စေပြီး Electric Fuel Pump တွေဆီကို လိုအပ်တဲ့ Power Supply Voltage ရောက်စေပါတယ် ၊ လိုအပ်တဲ့ ဗိုစ့်အားတွေ ပန်.ကို ရောက်ပြီဆိုတာနဲ. ပန်.က ထလည်ပြီး စက္ကန်.ပိုင်းလေးအတွင်းမှာ ဆီတွန်းပို.ဖို. လိုအပ်တဲ့ pressure တွေကို ဖြစ်ပေါ်စေပါတယ် ။ ဒီအချိန်မှာ ကားသော့ On ထားပြီး စက်မနှိုးမခြင်း ဆီတိုင်ကီထဲက ဆီပန်.တွေလည်ပတ်မနေအောင် PCM ကနေ အချိန်တိုင်ပင်တခုလုပ်ထားပြီး ထိန်းချုပ်ထားပါသေးတယ် ။

စက်စနှိုးလိုက်ပြီဆိုတာနဲ. ဆီတိုင်ကီထဲက ဆီတွေဟာ ဆီစစ်ဇကာ ( Filter) နဲ. Inlet Tube တွေကနေတဆင့် ဆီပန်.ထဲ စတင်၀င်ရောက်လာပါတယ် ။ အဲ့ဒီနောက်မှာတော့ One Way Check Valve ကိုဖြတ်ကျော်ပါတယ် ၊ One Way Check Valve ဆိုတာကတော့ ကျနော်တို. ရေဘုံဘိုင်တွေမှာသုံးတဲ့ ဘီလူးခေါင်းလိုပါပဲ ၊ ဒီကောင်လေးက ပန်.မလည်ဘဲ စက်သတ်ထားတဲ့ အချိန်မှာ ဒီပန်.ထဲမှာ သတ်မှတ်ထားတဲ့ ဆီဖိအားတခု ကျန်နေအောင် လုပ်ဆောင်ပေးတဲ့ ကောင်လေးပါပဲ ။

ဆီစစ်ဇကာ (Filter ) ကတော့ ဆီတိုင်ကီထဲမှာ ၀င်ရောက်နေတဲ့ အညစ်အကြေးတွေ ဆီပန်.ထဲကို ၀င်ရောက်ပြီး ဆီပန်.ပျက်စီးတာကို ကာကွယ်ဖို.ရယ် ၊ နောက် ဆီပန်.ကနေ တဆင့် ဆီဖြန်းပေးတဲ့ Fuel Injector တွေဆီရောက်ရှိပြီး Injector တွေ မပျက်စီးအောင်ကာကွယ်ပေးဖို.ရယ် လုပ်ဆောင်ပေးပါတယ် ။

ဒီ Electric Fuel Pump တွေဟာ အင်ဂျင်စက်စစနှိုးလိုက်တာနဲ. စတင်အလုပ်လုပ်ပြီး ၊ အင်ဂျင်လည်ပတ်နေသမျှ ကာလပတ်လုံး တောက်လျှောက်မရပ်မနား အလုပ်လုပ်ပါတယ် ။ Electric Fuel Pump တွေဟာ သတ်မှတ်ထားတဲ့ ပုံမှန် Speed နဲ. လည်ပတ်နေပြီး ၊ တခါတရံမှာတော့ အင်ဂျင်ရဲ. လည်ပတ်နှုန်းနဲ. သုံးစွဲတဲ့ ၀န်အားပေါ်မူတည်ပြီး အနှေးအမြန် ပြောင်းလဲ လည်ပတ်ပါတယ် ။

ဒီလိုအချိန်မှာ အကြောင်းအမျိုးမျိုးကြောင့် အင်ဂျင်ရုတ်တရက်ထိုးရပ်သွားတယ်ဆိုရင် PCM ကနေ PRM Loss Signal ကို ပေးပို.ပြီး Electric Fuel Pump ကို လှမ်းရပ်ထားလိုက်ပါတယ် ။
ဒါကတော့ ပုံမှန် EFI စနစ်ကားတွေမှာပါတဲ့ Electric Fuel Pump တလုံးရဲ. အလုပ်လုပ်ပုံ အကြမ်းမျဉ်းလေးပါ ။

Electric Fuel Pump တွေဘာကြောင့် ပျက်စီးရသလဲ

1 . ဆီတိုင်ကီထဲမှာ ဆီကို ကုန်ခါနီးအထိသုံးတာ
Electric Fuel Pump တွေဟာ Armature တွေရယ် Carbon Brush တွေရယ် ပွတ်တိုက်ပြီး လည်ပတ်ရတဲ့ Pump အမျိုးအစားတွေဖြစ်တာမို. Pump တွေလည်ပတ်တဲ့ အခါ အပူကို ထုတ်လွှတ်ပါတယ် ။ ဒီအပူကို ဘယ်လိုပျောက်စေလဲဆိုရင် ဒီဆီပန်.ထဲကို လောင်စာဆီတွေဖြတ်သန်းသွားလာခြင်းဖြင့်ရယ် ၊ နောက် ဆီတွေဖြတ်သန်းသွားခြင်းဖြင့် အတွင်းပိုင်း ပစ္စည်းတွေကို ချောချော မွတ်မွတ်ဖြစ်စေခြင်းတွေရယ်နဲ. ဆီပန်.တွေရဲ. အပူချိန်ကို လျော့ကျစေပါတယ် ။
ဒီလိုအခြေအနေမှာ ဆီတိုင်ကီထဲ ဆီလုံလုံလောက်လောက်မရှိဘူးဆိုရင် ဆီပန်.ကို ဖြတ်သန်းမယ့် ဆီအလုံအလောက်မရှိတာမို. လည်ပတ်နေတဲ့ ဆီပန်.တွေကို အအေးပေးတဲ့ စနစ်တွေ ၊ ချောဆီပေးတဲ့ စနစ်တွေကို လျော့ကျစေပြီး ဆီပန်.တွေကို မြန်မြန်ဆန်ဆန်ပျက်စီးစေပါတယ် ။ ဆီအကျွင်းအကျန် နည်းနည်းလေးနဲ. ဆီပန်.တွေကို မကြာခဏမောင်းမယ်ဆိုရင်တော့ ဆီပန်.တွေကို မကြာခင် ကြိမ်းသေပေါက် ပျက်စီးစေမှာဖြစ်ပါတယ် ။

ဆီတိုင်ကီရဲ. ဆီ၀င်ဆန်.နိုင်မှု ပမာဏ ၄ ပုံ ၁ ပုံအောက် ကျအောင် အမြဲသုံးစွဲတယ်ဆိုရင်တော့ ဆီတိုင်ကီထဲက ဆီပန်.တွေရဲ. သတ်မှတ်သတ်တမ်းပြည့်သည်အထိ သုံးစွဲနိုင်မှာ မဟုတ်ပါဘူး ။ ဒါကြောင့် ဆီဂိတ်ဖင်ကပ်မှ ဆီဖြည့်တာ ၊ ဒိုင်ခွက်မှာ ဆီတိုင်ကီမီးလင်းလာတဲ့ အထိ ဆီကုန်အောင် သုံးတဲ့ အလေ့အထတွေက ဆီပန်. မြန်မြန် ကြွမယ့် အလေ့အထတွေပါပဲ ။

နောက်တချက် အပေါ်မှာရှင်းပြခဲ့သလိုပဲ ၊ ဆီတိုင်ကီထဲက ဆီပန်.တွေက သတ်မှတ် Pressure အတိုင်းမောင်းနှင်ရတဲ့အခါမှာ ၊ ဆီတိုင်ကီထဲမှာ ဆီကျန်နည်းနေမယ်ဆိုရင် ဆီထုရဲ. ဖိအားမရှိတဲ့အတွက် ဒီဆီပန်.တွေဟာ သတ်မှတ်ထားတဲ့ Pressure ရောက်အောင် ထိန်းထားဖို.ခက်ခဲပါတယ် ၊ ဒီလို သတ်မှတ် Pressure အလွယ်တကူမရတဲ့ အတွက် ဆီပန်.ဟာ နဂိုထက်ပိုပြီး အလုပ်လုပ်ရပါတယ် ။ ဒီတော့ ဒီ Electric Fuel Pump Overworked ဆိုတဲ့ အလွန်အကျွံအလုပ်လုပ်ရတာမို. သက်တမ်းမြန်မြန်တိုစေပါတော့တယ် ။

2. ဆီထဲမှာ ရေရောနှောပါလာတာ
လောင်စာဆီတွေထဲမှာ ရေရောနှောပါလာတာကလည်း Electric Fuel Pump တွေကို မြန်မြန်ပျက်စီးစေပါတယ် ။ ဒီလိုအခြေအနေမျိုးကို ဘယ်အချိန်မှာတွေ.ရတတ်သလဲဆိုရင် ၊ ကားတွေကို အသုံးမပြုဘဲ ရက်လများစွာရပ်ထားတတ်တဲ့ ကားတွေမှာ အဖြစ်များတတ်ပါတယ် ။ လောင်စာဆီတွေထဲမှာ ရောနှောပါလာတဲ့ ရေခိုးရေငွေ. (Moisture) က ဒီဆီပန်.ထဲမှာရှိတဲ့ သတ္တုအစိတ်အပိုင်းတွေကို ပျက်စီးစေတတ်ပြီး ၊ ပန်.တွေကို သုံးမရအောင်ဖြစ်စေတတ်ပါတယ် ။

နောက်တချက်က တချို.လောင်စာဆီတွေထဲမှာ ရောပါလာတတ်တဲ့ Ethanol (အရက်ပျံ) တွေကလည်း ရေခိုးရေငွေ.ပျံမှုတွေကို လွယ်လွယ်ကူကူဖြစ်စေတတ်ပြီး ဆီတိုင်ကီထဲမှာရှိတဲ့ သတ္တုအမျိုးမျိုးကို ပွန်းစားပျက်စီးစေပါတယ် ။ အထူးသဖြင့်ကတော့ ဆီထဲက ရေခိုးရေငွေ.ထဲက ဆီဘယ်လောက်ရှိတယ်ဆိုတာကို တိုင်းတာပေးတဲ့ Fuel Level Sensor တွေ ပျက်စီးစေမှု အများဆုံးဖြစ်ပါတယ် ။ ဒါကြောင့် အခုဆိုရင် ဆီမသန်.တဲ့ ၊ ဆီအရောအနှောများတဲ့မြန်မာနိုင်ငံမှာ ဆီဂိတ်မမှန်လို. ပြုပြင်ရတဲ့ကားတွေ များပြားလှတာဖြစ်ပါတယ် ။

ကားတွေကို ရပ်ထားတာ ကြာပြီး ၊ ပြန်လည်အသုံးပြုတော့မယ်ဆိုရင် အကောင်းဆုံးကတော့ ဆီတိုင်ကီထဲက ဆီအဟောင်းတွေကိုဖောက်ချပြီး ၊ သန်.ရှင်းရေးလုပ် အသစ်ထည့်အသုံပြုတာကတော့ အကောင်းဆုံးပါပဲ ။

3. ဆီအရည်အသွေးမပြည့်မီတာ (ဝါ) ဆီမသန်.တာ
ဆီအရည်အသွေးမပြည့်မီတာ ၊ ဆီမသန်.တာကြောင့် ဆီတိုင်ကီထဲက Electric Fuel Pump တွေအပျက်များတာကိုတော့ လူတိုင်းသိကြပါတယ် ။ ဒါပေမယ့် နည်းနည်းလေးထပ်ရှင်းပြချင်ပါသေးတယ် ။ ဒီဆီတိုင်ကီထဲကို ဆီထည့်လိုက်တယ်ဆို ၊ ဒီဆီမှာပါ၀င်တဲ့ အရာတွေအားလုံးက ဆီတိုင်ကီကနေ ဆီပန်.ထဲကို ရောက်ပါတယ် ။ ဆီတိုင်ကီမှာ ပါလာတဲ့ အညစ်အကြေးတွေကို သန်.စင်ဖို. ဆီစစ်ဇကာ ( Fuel Filter ) ပါရှိပေမယ့် ၊ ကံမကောင်းစွာပဲ ဒီ ဆီစစ်ဇကာတွေဟာ 70 Microns အရွယ်အစားရှိတဲ့ အမှုန်အမွှားလေးတွေကိုပဲ စစ်ထုတ်နိုင်ပါတယ် ။ ဒီတော့ ဒီ 70 Microns အရွယ်ထက်ငယ်တဲ့ အမှုန်အမွှားတွေဟာ ဆီစစ်ဇကာနေဖြတ်ပြီး ဆီပန်.ထဲရောက်ပြီး အချိန်ကာလကြာလာတာနဲ.အမျှ ဆီပန်.တွေကို ပျက်စီးစေပါတော့တယ် ။
92 Ron , 95 Ron အစရှိတဲ့ အရည်အသွေးပြည့်မီတဲ့ ဆီတွေကို သုံးစွဲတာကလည်း သင့်ကားရဲ. ဆီပန်.တွေ အသက်ရှည်စေကြောင်း နည်းလမ်းကောင်းတခုဖြစ်ပါတယ် ။

ဆီပန်.တွေ မကောင်းတော့ဘူးဆိုရင် ဘယ်လို လက္ခဏာတွေပြလာမလဲ ?

1 . ဆီတိုင်ကီထဲက ဆီပန်.အသံကြမ်းလာတာ
ပုံမှန်အားဖြင့် ဆီတိုင်ကီထဲက Electric Fuel Pump တွေဟာ ကောင်းကောင်းမွန်မွန်အလုပ်လုပ်နေမယ်ဆို အသံမကြားရသလောက် ငြင်သာပါတယ် ။ အဲ့လိုမဟုတ်ဘဲ ဆီတိုင်ကီထဲက ဆီပန်.တွေ ကောင်းကောင်းအလုပ်မလုပ်တော့ဘူးဆိုရင် ဆီပန်.တွေရဲ. လည်ပတ်တဲ့ အသံကြမ်းလာတွေဖြစ်တတ်ပါတယ် ၊ အရပ်ထဲမှာတော့ ဆီပန်. ညီးသံလို.ခေါ်ဝေါ်ပါတယ် ။ ဒီအသံကြားရတယ်ဆို ဖြစ်နိုင်တာတွေက ဆီတိုင်ကီထဲမှာ ဆီမရှိတော့တာ ၊ ဆီပန်.ပျက်ချင်တာ ၊ ဆီစစ်ဇကာကြေးတွေပိတ်တာ အစရှိတဲ့ ပြဿနာတွေဖြစ်နိုင်ပါတယ် ။

2 . Start ရှည်တာ ၊ အင်ဂျင်အနှိုးခက်တာ
ဒီပြဿနာလေးက အဖြစ်များတဲ့ ပြဿနာတခုပါပဲ ၊ ခုတလောလေးမှာတင်ကို ဒီလိုပြဿနာနဲ.လာတဲ့ ကားတွေမနည်းပါဘူး ၊ ကား၀ပ်ရှော့လောကမှာတော့ Start ရှည်တာ ၊ ဒါမှမဟုတ် အင်ဂျင်နှိုးခက်တာလို.ပြောကြတာများတယ် ။ ဒီလိုဖြစ်စေရတဲ့ ပြဿနာအကြောင်းအရင်းတခုက ဒီဆီပန်.နဲ.သက်ဆိုင်ပါတယ် ။ ဆီပန်.တွေက ပုံမှန်အားဖြင့် အပေါ်မှာပြောခဲ့သလိုပဲ ၊ သော့ဖွင့်လိုက်တယ် On လိုက်တယ်ဆိုတာနဲ. စအလုပ်လုပ်ပါတယ် ။ ဒါပေမယ့် ပန်.က သိပ်မကောင်းတော့ဘူးဆိုရင် စက္ကန်.ပိုင်းလေးအတွင်းမှာ လုံလောက်တဲ့ Pressure ရအောင် မစွမ်းဆောင်နိုင်တော့ပါဘူး ။ ဒီတော့ သော့ဖွင့်ပြီး စက်တန်းနှိုးလိုက်တယ်ဆို အင်ဂျင်က လည်တာ အရင်ကထက်ပိုကြာပြီး စက်ချက်ခြင်း မနှိုးဘဲ စက်အနှိုးရခက်တာတွေကြုံလာရတာပါပဲ ။

3 . အင်ဂျင်တုန်.ဆိုင်းသွားတာ
ဒီလို အင်ဂျင်တုန်.သွားတာက ပုံမှန်မောင်းနေချိန်အဖြစ်နည်းပြီး ၊ အရှိန်နဲ. မြန်မြန်ဆန်ဆန် မောင်းနေတဲ့အချိန်မှာ ဖြစ်တတ်ပါတယ် ။ ဘာကြောင့်ဖြစ်ရတာလဲဆိုရင်တော့ ဆီတိုင်ကီထဲက ဆီပန်.က အင်ဂျင်က လိုအပ်တဲ့ ဆီကို ပုံမှန်ပေးပို.နေရာကနေ ရုတ်တရက် ဆီပေးမှု ဆီတွန်းပို.မှု နှောင့်နှေးသွားလို.ဖြစ်ရတာပါပဲ ၊ ဒါဟာလည်း ဆီတိုင်ကီထဲက Electric Fuel Pump ချို.ယွင်းလာရင် ဖြစ်တတ်တဲ့ရောဂါတခုပါပဲ ။

4 . ၀န်ရုန်းတဲ့အခါမှာ အင်ဂျင်ရုန်းအားကျတာ
ဒီလိုရောဂါအဖြစ်များတာကတော့ တောင်ပ်ါတွေ ကုန်းတက်တွေကို တက်တဲ့အခါနဲ. ကားပေါ်ပစ္စည်းတွေ ကုန်တွေတင်ပြီး အရှိန်တင်မောင်းနှင်တဲ့အခါမှာ တွေ.ရပါတယ် ။ အဲလိုအခြေအနေမျိုးတွေ အင်ဂျင်ထိုးရပ်သွားတတ်ပါတယ် ၊ ဘာဖြစ်လို.လဲဆိုရင် ၀န်ရုန်းတဲ့အခါမှာ အင်ဂျင်ပိုမိုလည်ပတ်ဖို.အတွက် လိုအပ်တဲ့ လောင်စာဆီ Pressure ကို ဆီပန်.က တွန်းပို.မပေးနိုင်တော့လိုပဲဖြစ်ပါတယ် ။

5 . ဆီစားနှုန်း မမှန်တာ
ပျက်စီးယိုယွင်းလာတဲ့ ဆီပန်.တွေကြောင့် ကားရဲ. ဆီစားနှုန်းမမှန်တာတွေဖြစ်တတ်ပါတယ် ၊ ဘာကြောင့်ဆိုရင် ဆီပန်.တွေထဲမှာ အဖွင့်အပိတ် Valve တွေပါ၀င်ပြီး အဲ့ဒီကောင်တွေချို.ယွင်းလာတယ်ဆိုရင် ဖွင့်ချိန်ပိတ်ချိန်တွေ မမှန်တာကြောင့်ရယ် ၊ ဆီပန်.တွေရဲ. သတ်မှတ် Pressure တွေကို သေချာ မထိန်းချုပ်နိုင်တာတွေကြောင့်ရယ် ဆီပိုပို.တာ ၊ ဆီနည်းနည်းပဲပို.တာတွေဖြစ်စေပြီး ဆီးစားနှုန်းမညီမညာဖြစ်စေတတ်ပါတယ် ။

6 . အင်ဂျင်နှိုးမရတော့တာ
ဒါကတော့ ဆီတိုင်ကီထဲမှာရှိတဲ့ Electric Fuel Pump လုံး၀ ဂန်.သွားတဲ့အခါမှာဖြစ်တတ်တဲ့ ပြဿနာပါပဲ ။ သော့ဖွင့်မယ် ၊ စက်နှိုးမယ် ၊ အင်ဂျင်ကလည်း လည်မယ် ၊ ဒါပေမယ့် စက်လုံး၀ မနှိုးတော့ဘူးဆိုရင် အဖြစ်အများဆုံး ဖြစ်နိုင်ချေအရှိဆုံး ပြဿနာက ပန်.မလည်တော့တာ ၊ ပန်.လည်သည့်တိုင်အောင် လုံလောက်တဲ့ ဆီမပို.တော့တာကြောင့်ပဲ ဖြစ်ပါတယ် ။
ဒီအချက်တွေက ဆီတိုင်ကီထဲက Electric Fuel Pump တွေပျက်စီးယိုယွင်းလာရင် ဖြစ်လာတတ်တဲ့ ပြဿနာတွေပါပဲ ။ ဒီတော့ ဆီတိုင်ကီထဲက ဆီပန်.တွေကို ရေရှည်အသုံးပြုနိုင်အောင် သေချာဂရုစိုက် ထိန်းသိမ်းသင့်ပါတယ် ။ ဆီတိုင်ကီထဲက ဆီပန်.တွေဟာ ပုံမှန်အားဖြင့် ကီလို 160,000 ကီလိုနီးပါးလောက် အသုံးခံတတ်ပါတယ် ။

အပေါ်မှာပြောထားသလို ၊ ဆီတိုင်ကီထဲက ဆီ Level ကို 4 ပုံ 1 ပုံထက်ရောအောင် မသုံးတာ ၊ ဆီတိုင်ကီပန်.ကို ဖြုတ်ဆေးကြောတာ ၊ ဆီသန်.သန်.ရွေးချယ်၀ယ်ယူသုံးစွဲတာ အစရှိတဲ့ အမူအကျင့်ကောင်းတွေကို လုပ်မယ်ဆိုရင်တော့ ဆီတိုင်ကီထဲက Electric Fuel Pump တွေကို သက်တမ်းစေ့သုံးစွဲနိုင်မှာဖြစ်ပါတယ်ခမျာ ။ ဆီတိုင်ကီထဲက Electric Fuel Pump တွေဟာ ကားတစီးရဲ. အင်ဂျင်လည်ပတ်ဖို.အတွက် မရှိအဖြစ်အရာတခုဖြစ်ပါတယ် ။ ဒီဆီပန်.မကောင်းရင် ပြဿနာမျိုးစုံကြုံရပြီး ကားမောင်းသူတွေအတွက် စိတ်အနှောက်အယှက်ဖြစ်ရပါတယ်။ ဒါကြောင့် ဆီတိုင်ကီထဲက ဆီပန်.တွေ.ရဲ. ရောဂါလက္ခဏာတွေအကြောင်းသိပြီး ဘယ်လိုကြိုတင်ကာကွယ်ရမယ်ဆိုတာ တင်ပြဆွေးနွေး လိုက်ရပါတယ်ခမျာ ။

Credit #
Prime Auto Technology

03/04/2023

Today's fuel prices ⛽
(4-4-23)

02/04/2023

Today's fuel prices ⛽
( 2-4-23 )

31/03/2023

Fuel prices ⛽
(31-3-23)

30/03/2023

Today's fuel prices ⛽
( 31-3-23 )

03/03/2023

3-3-2023

27/02/2023

Today's fuel prices ⛽
(28-02-2023)

25/02/2023

Today (25-02-2023)
Fuel prices ⛽

22/02/2023

Today's fuel prices
23-02-2023

21/02/2023

Brake Bleeding အကြောင်း တစေ့တစောင်း

Brake Bleeding လုပ်တယ်ဆိုတာ ဘီးမှာရှိတဲ့ လေချူခေါင်းတစ်ခုစီကနေ ဘရိတ်ဆီ ညှစ်ထုတ်လိုက်တာကို ဆိုလိုတာပါ။ ဒီမှာတော့အများအားဖြင့် ကားတစ်သက်တစ်ခါတောင် မလုပ်ကြပါဘူး။ ဘရိတ်လိုင်နင်/ရှုး အသစ်လဲသွားလည်း ဘရိတ်ဆုံထဲက နယ်လွန်ပြီးထွက်လာတဲ့ ဘရိတ်ပစ္စတင်ကို အတင်းအဓမ္မ အနိုင်ကျင့် နောက်ပြန်တွန်းထည့်ပြီး ပြန်လဲပေးကြတာများပါတယ်။

အဲ့ဒီလိုလုပ်တာ အထဲက ဘရိတ်ပစ္စတင်/ဝါရှာနာသွားတတ်ပါတယ် O Ring ဝါရှာဆိုရင် ပြောင်းပြန်လိမ်ပြန်ဝင်တတ်ပါတယ်။ ဖိအားတစ်ခုကို ပြန်ဆန့်ကျင်ပီး တွန်းလိုက်ရလို့ပါ။ ရှူး/လိုင်နာ နေရာယူသွားတဲ့ တစ်ထုစာနဲ့ညီမျှတဲ့ ဘရိတ်ဆီအချို့ ဘရိတ်ဆီဗူးထဲမှာ ပြန်လျှံတက်လာတာ လက်တွေ့ပါ။ ဒါဟာ အလွယ်နည်းပေမယ့် လက်တွေ့မှာ မကောင်းပါဘူး။

စက်ခန်းထဲမှာ ဘရိတ်ဆီပြန်လျှံ ကျတတ်လို့ Body Paint များကိုစားသွားပါမယ်။
လေထဲက ရေခိုးရေငွေ့ကို နီးကပ်စွာ ထိတွေ့နေတဲ့ စက်ခန်းထဲက ဘရိတ်ဆီကွာလတီကျနေပါပြီ။
နောက်ထပ် ရေငွေ့နဲ့ ထိတွေ့နေနိုင်တဲ့နေရာကတော့ ဘီးမှာတတ်ထားတဲ့ ဘရိတ်ဆုံတစ်ဝိုက်မို့ သူတို့အတွင်းမှာ အနှစ်နှစ်ကာလ အချိန်အရ ရေငွေ့ခိုနိုင်လို့ ဒီနေရာတွေမှာ ဘရိတ်ဆီကွာလတီကျ< ရေငွေ့ပါဝင်မှုကြောင့် ဘရိတ်ဆုံအတွင်းပိုင်း သတ္တု ဂျိုး များလာကာ ဆုံ ဂျမ်းဖြစ်တတ်ပါတယ်။ မသိမသာလည်း ဖြစ်နေတတ်လို့
Disc Pad တွေ တစ်ခြမ်းစား အစားမညီဖြစ်တတ်ပါတယ်။
ဒီတော့ ဒီလိုမျိုး နောက်မဖြစ်အောင် ဘရိတ်ရှုးလဲတော့မယ်ဆိုရင်…

ဘရိတ်ဆီဗူးထဲက ဘရိတ်ဆီအားလုံးကို ပိုက်ပျော့တစ်ခုနဲ့ ဆိုင်ဖွန်လုပ်စုပ်ထုတ်ပါ။ သုံးနေကျ DOT နံပါတ်ဆီအသစ်အပြည့်ပြန်ဖြည့်ပါ။
ရှေ့ဘီးတစ်စုံ/နောက်ဘီးတစ်စုံစီ ကြိုက်သလိုလဲပါ။
ရှူးဟောင်းမဖြုတ်ခင် ဘရိတ်လေချူ ခေါင်း ကိုအပြီးဖြုတ်လိုက်ပါ။
ရှူးအထိုင်ကို နောက်ပြန်တွန်းတဲ့အခါ ဖိအားမရှိတော့လို့ ဝါရှာမနာတော့ပါ။
လိုင်နာ/Pad အသစ်ကို သေချာစွာလဲပါ Adjust လိုက်ပါ။
လေချူခေါင်း ကောင်း/မကောင်း အပြင်မှာ စစ်လိုက်ပါဦး။ မကောင်းရင်အသစ်လဲပါ၊ ဈေးမကြီးပါဘူး။
လေချူ ကောင်းတွေ သေချာစွာ ပြန်တပ်ပါ။ အကုန်မကြပ်ဘဲ စက်နှိုးခါ ရိုးရာအတိုင်းလေချူပါ။လျော့သမျှ အလျင်မီအောင်ထည့်ပါ။ ဆီအသစ်တွေ စနစ်ထဲ စဝင်ပါပြီ။ ဘီးကလေချူခေါင်းက တစ်ဆင့် ရေငွေ့တွေခိုနေတဲ့ ဆီဟောင်းတွေလည်း ထွက်ကျသွားပါပြီ။ ဆီဟောင်းပြန်မသုံးပါနဲ့ သံဂျီးဆေး မူလီချွတ်ဖို့လောက်ပဲပြန်သုံးပါ။
အဆင်ပြေစွာ Bleeding လုပ်ပီးရင်တော့ သင့်ကားလေး တစ်မိုးလောက် ကောင်းကောင်းအဆင်ပြေပါပြီ။ မိုးအကုန် ဆောင်းအကူး ရှူးလဲစရာမလိုတောင် ပေ့ါပါးလွယ်ကူစွာ Brake Bleeding လုပ်သင့်ပါသေးတယ်။ မသေမချာ မသပ်မယ် နည်းပညာ အတွင်းသရုပ်ကို အခြေခံမထားဘဲ လုပ်ပေးလိုက်တဲ့ ကားအတွက် ဘရိတ်ရှူးငြိနေလို့ Drum/Disc ပူလို့ ရှူးတစ်ခြမ်းကပ်တာတို့ ဖြစ်တတ်ပါတယ်။ ဒီတော့ အစကောင်း မှ အနှောင်းသေချာအောင် ဂရုစိုက်ကျပါစို့…

ားသတင်းစုံ
­

08/02/2023

အမြန်နှုန်း တစ်နာရီ မိုင် 261 😮

29/01/2023

#မော်တော်ယာဥ်ဖောင်းကြွနံပါတ်ပြားအသစ်ထုပ်ယူရန်အတွက်ဘာတွေယူဆောင်လာရမလဲ.....?

ဖောင်ကြွနံပတ်ပြားဖိုးပေးသွင်းပြီးသာမိတ်ဆွေများအတွက်........

၁။ ကမ ၃ ( OWNER BOOK )

၂။ ငွေသွင်းချလံ

၃။ လာရောက်ဆောင်ရွက်သူ မှတ်ပုံတင်မိတ္တူ

၄။ ယာဥ်နံပါတ်ပြားဖြုတ် ယူလာပါရန်။

၅။ နံပတ်ပြားပျောက်ဆုံးပါက သတင်းစာကြော်ငြာ ယူလာပေးပါရန်။

#မော်တော်ယာဥ်သက်တမ်းတိုး နှင့်
#ယာဥ်မောင်းလိုင်စင် တာဝန်ယူ ဝန်ဆောင်မှု။


Ko Pho La Pyae (09;5060210)
Ma Zin Mar
(09 440009300) (09 450 840 505)
တိုက်အမှတ် (၂၂)မြေညီ ၊ လိုင်စင်ရုံး
ဘတ်(စ်)ကားမှတ်တိုင်အနီး ၊ ငမိုလ်ရိပ် (၁၀)လမ်း ၊ သံသုမာလမ်းမကြီး ၊သင်္ဃန်းကျွန်းမြို့နယ် ၊ ရန်ကုန်မြို့။

27/01/2023

လိုင်စင်နံပါတ် မမှတ်မိတော့တဲ့ ယာဉ်မောင်းလိုင်စင်ပျောက်ဆုံးတာကို ဘယ်လိုပြန်လျှောက်မလဲ
January 14, 2023 - by Car Thadin Sone

ယာဉ်မောင်းလိုင်စင်တွေ အကြောင်းအမျိုးမျိုးကြောင့် ပျောက်ဆုံးသွားလို့ အသစ်ပြန်လျှောက်ရတော့မယ်ဆိုရင် မှတ်ပုံတင်မူရင်း/မိတ္တူ၊ ယာဉ်ထိန်း ရဲတပ်ဖွဲ့ရုံး ထောက်ခံစာ နှင့် ပတ်စ်ပို့ပုံ (၃) ပုံ အစရှိတာတွေ လိုအပ်ပါတယ်။

မှတ်ပုံတင်တို့ ပတ်စ်ပို့ပုံတို့က အခက်အခဲမရှိနိုင်ပေမယ့် ယာဉ်ထိန်း ရဲတပ်ဖွဲ့ရုံး ထောက်ခံစာယူမယ်ဆိုရင်တော့ ယာဉ်ထိန်း ရုံးကိုသွားရပါတော့မယ်။ ဒီအခါမှာ မိဘပြည်သူများကို နားလည်ထားစေချင်တာက ယာဉ်ထိန်းရဲထောက်ခံစာဟာ ပျောက်ဆုံးသွားတဲ့လိုင်စင်နံပါတ်ကို အမှုကင်းရှင်းကြောင်းစိစစ်ထောက်ခံပေးတာ ဖြစ်တာကြောင့် မိမိရဲ့ယာဉ်မောင်းလိုင်စင်နံပါတ်လေးတော့ သိထားဖို့လိုအပ်ပါတယ်။

နံပါတ်ကလည်းမမှတ်မိဘူး ယာဉ်မောင်းလိုင်စင်ကိုမိတ္တူ ကူးထားတာလည်းမရှိ ဓာတ်ပုံရိုက်ထားတာလည်းမရှိဘူးဆိုရင်တော့ ထောက်ခံပေးရမည့် ယာဉ်မောင်းလိုင်စင်နံပါတ် မရှိတဲ့အတွက် ထောက်ခံစာရေးရာမှာအဆင်မပြေပါဘူး။

by TaboolaSponsored LinksYou May Like
Never Eat These Cancer Causing Foods
Dailymgz
Meet Single Women from Singapore
Online Dating | Search Ads
ယာဉ်မောင်းလိုင်စင်နံပါတ်ရရှိမှသာ အဆင်ပြေမှာဆိုတော့ နံပါတ်ကလည်းမမှတ်မိတာမို့ ဘယ်လိုလုပ်ရမှန်းမသိတော့ဘူးဖြစ်ကြရတယ်။ ဒီတော့ မိမိရဲ့ယာဉ်မောင်းလိုင်စင်နံပါတ်ကို မှတ်ထားပါ မိတ္တူကူးထားပါ ဓါတ်ပုံရိုက်ထားပါ။

တကယ်လို့များ နံပါတ်ကိုလုံးဝပြန်မရနိုင်တော့ဘူးဆိုရင်တော့ မိမိရဲ့မှတ်ပုံတင်နံပါတ်နဲ့ မိမိယာဉ်မောင်းလိုင်စင်လုပ်ခဲ့တဲ့ရုံးမှာ လိုင်စင်နံပါတ် ရှာပေးဖို့ အကူညီတောင်းလို့ရပါတယ်။ သက်ဆိုင်ရာရုံးကလည်း အကူအညီပေးပါလိမ့်မယ်။

ယာဉ်မောင်းလိုင်စင်နံပါတ်သာ မှတ်မိထားရင်တော့ အပျောက်လျှောက်တဲ့အခါမှာ အချိန်ကုန်သက်သာ သွားတာပေါ့။ ဒါကြောင့် မိမိရဲ့ယာဉ်မောင်းလိုင်စင်နံပါတ်လေးတော့ တစ်နည်းနည်းနဲ့မှတ်ထားဖို့ သတိပေးလိုက်ပါရစေ။

24/01/2023

ဖောင်းကြွနံပါတ်ပြား အသစ်များကို မတ်လအကုန်တွင် အပြီးပြောင်းလဲ တပ်ဆင်ရမည်
January 19, 2023 - by Car Thadin Sone

တိုင်းဒေသကြီး/ပြည်နယ် ဒေသ သင်္ကေတ တို့အပြင် မြို့နယ်ကိုယ်စားပြု ဂဏန်းဖော်ပြချက်နှင့် မော်တော်ယာဉ် အမျိုးအမည် ဖော်ပြချက်တို့ကိုပါ ထပ်မံထည့်သွင်းထားသော မော်တော်ယာဉ်ဖောင်းကြွနံပါတ်ပြားများကို ယခုနှစ် မတ်လအကုန်တွင် အပြီးပြောင်းလဲတပ်ဆင်ရမယ်လို့ ကုန်းလမ်းပို့ဆောင်ရေးညွှန်ကြားမှုဦးစီးဌာနက ဒီကနေ့မှာ ထုတ်ပြန်လိုက်ပါတယ်

ဌာနဆိုင်ရာမော်တော်ယာဉ်များ၊ အဝေးပြေးခရီးသည်တင်ယာဉ်များ၊ မြို့တွင်းခရီးသည်တင်ယာဉ်များ၊ တက္ကစီများ၊ ကုန်တင်ယာဉ်များအားလုံး လာမည့် မတ်လ ၃၁ ရက်နေ့အပြီး ပြောင်းလဲတပ်ဆင်ကြရန်နှင့် ပုဂ္ဂလိကမော်တော်ယာဉ်ပိုင်ရှင်များအနေနဲ့လည်း သက်တမ်းတိုးချိန်တွင်ဖြစ်စေ၊ သက်တမ်းတိုးချိန် မတိုင်မီဖြစ်စေ ဖောင်းကြွနံပါတ်ပြားအသစ်များ အမြန်ပြောင်းလဲတပ်ဆင်ကြရမှာ ဖြစ်ပါတယ်။

မော်တော်ယာဥ် ဖောင်းကြွနံပါတ်ပြားတစ်ခုလျှင် ၉၀၀၀ ကျပ်ဖြင့် ရောင်းချနေပြီး မော်တော် ယာဉ်သက်တမ်းတိုး လာရောက်ဆောင်ရွက်သူများကို မဝယ်မနေရ ရောင်းချလျက်ရှိကြောင်း နေပြည် တော် က.ည.န အကျိုးဆောင်အသိုင်းအဝိုင်းမှ သိရပါတယ်။

Credit # ကားသတင်းစုံ

17/09/2022

Some of knowledges about breaking system.

ကားဘရိတ်ပြုပြင်သင့်နေပြီဆိုတာ ဘယ်လိုသိနိုင်လဲ
----------------------------------------------------------------------

မော်တော်ကားရဲ့ ဘရိတ်စနစ်ဆိုတာ အရမ်းအရေးကြီးတဲ့စနစ်ဆိုတာ အားလုံးသိထားပြီးသားဖြစ်ပါတယ်။ အင်ဂျင်ဂီယာမကောင်းလို့ ကားထိုးရပ်သွားနိူင်ပေမယ့် ကားဘရိတ်မကောင်းရင်တော့ အန္တရာယ်ကြီးကြီးမားမားကြုံတွေ့နိူင်ပါတယ်။ ဒါကြောင့် ကားဘရိတ်စနစ်ကိုလည်း ပုံမှန်စစ်ဆေးပြုပြင်မှုပြုလုပ်သင့်တာဘဲဖြစ်ပါတယ်။

ကားဘရိတ်စနစ်မှာ ရှေ့ဘရိတ်ကို ဒစ်ဘရိတ် (Disc Brake) အသုံးပြုပြီး နောက်ဘရိတ်ကို ဒရမ်ဘရိတ် (Drum Brake) အများဆုံးအသုံးပြုကြပါတယ်။ တချို့ကားတွေမှာတော့ ကားလေးဘီးလုံး ဒစ်ဘရိတ်စနစ်ကို အသုံးပြုတာလည်းရှိပါတယ်။ ဘရိတ်စနစ်မှာ ဘရိတ်ပတ် (Brake Pad) ၊ ဘရိတ်ရူး (Brake Shoe) နဲ့ ဘရိတ်ဆီတွေက သတ်မှတ်ကာလတခုမှာ ပုံမှန်လဲပေးရတာဖြစ်ပါတယ်။

ကားမောင်းနှင်နေရင်း ဘရိတ်ဖမ်းတဲ့အခါ ဘရိတ်လျောခြင်း၊ ဘရိတ်မှ အသံမြည်ခြင်း၊ ဘရိတ်နင်းစဉ် ကားတုန်ခါမှုဖြစ်ခြင်း၊ ကားဒိုင်ခွက်မှာ ဘရိတ်ချက်မီးလင်းခြင်း စတဲ့ ပြစ်ချက်တွေ ဖြစ်ပေါ်နေပြီဆိုရင်တော့ ဘရိတ်စနစ်ကို ချက်ချင်း စစ်ဆေးပြုပြင်ဖို့ လိုအပ်နေပြီဘဲ ဖြစ်ပါတယ်။ တချို့ကားတွေမှာ ဘရိတ်ပတ်အထူ ပါးနေတဲ့အခါ အချက်ပြမီးနဲ့ ဖော်ပြပေးတဲ့စနစ်ပါရှိတဲ့အပြင် မော်ဒယ်မြင့်ကားတွေရဲ့ ဒိုင်ခွက်မှာ ဘရိတ်ပတ်အထူကို ရာခိုင်နှုန်းနဲ့လည်း ဖော်ပြပါတယ်။

ကားဘရိတ်ဆီတွေကို အကြမ်းဖျင်း မိုင် 30,000 (ကီလို 48,000) သို့မဟုတ် 2 နှစ်တကြိမ် ပုံမှန်လဲပေးသင့်ပါတယ်။ ဒစ်ဘရိတ်ရဲ့ ဘရိတ်ပတ် (Brake Pad) အထူကိုလည်း 2 ~ 3 မီလီဘဲကျန်တော့တယ်ဆိုရင် ချက်ချင်းလဲပေးသင့်ပါတယ်။ ဒရမ်ဘရိတ်ရဲ့ ဘရိတ်ရူး (Brake Shoe) အထူကိုလည်း 1 မီလီဘဲကျန်တော့တယ်ဆိုရင်တော့ ချက်ချင်းလဲပေးသင့်ပါတယ်။ ဒါကြောင့် ဘရိတ်စနစ်ကို ပုံမှန် ၆ လတကြိမ် စစ်ဆေးသင့်ပြီး ခရီးသွားများပါက ၃ လ တစ်ကြိမ် စစ်ဆေးသင့်ပါတယ်။

ဘရိတ်ဖမ်းတဲ့အခါ ဘရိတ်ခြေနင်းပြား အရမ်းမာနေပြီဆိုရင်လည်း မာစတာပန့်လို့ခေါ်တဲ့ ဘရိတ်မာစတာဆလင်ဒါ (Master Cylinder) ကို စစ်ဆေးသင့်ပါတယ်။ တခါတလေ ဘရိတ်လျောတဲ့ ပြစ်ချက်တွေက ဘရိတ်မာစတာပန့်ကြောင့်လည်း ဖြစ်နိူင်ပါတယ်။ ဒါအပြင် ဘရိတ်ဆီလျော့တဲ့ ပြဿနာကြုံတွေ့ရပြီဆိုရင်လည်း ဘရိတ်ပစ်စတင်တွေက ဝှာရှာတွေမလုံတာလားဆိုတာကို သေချာစစ်ဆေးသင့်ပါတယ်။

တခါတလေမှာ ဒိုင်ခွက်မှာ ဘရိတ်ချက်မီးလင်းတဲ့အခါ ဘရိတ်စနစ်အကြီးစားစစ်ဆေးပြုပြင်မှုမဟုတ်ဘဲ၊ ဘရိတ်ဆီလျော့ခြင်း၊ ဘရိတ်မီးကျွံးခြင်း စတဲ့ပြစ်ချက်တွေလည်း ဖြစ်နိူင်ပါတယ်။ ဒါကြောင့် ဘရိတ်စနစ်ကို သတ်မှတ်ကာလအတိုင်း ပုံမှန်စစ်ဆေးပြုပြင်မှု ပြုလုပ်သင့်ပါကြောင်း အကြံပြုလိုက်ပါတယ်။

toကားအကြောင်း သိကောင်းစရာ
ပြန်လည်မျှဝေခြင်းသာဖြစ်ပါသည်။
Family Car Spa and Service

16/09/2022

ကားနံပါတ်ပြား License Plate
အသစ်ပြောင်းလဲတပ်ဆင်မည့်ကားများ တင်ကြိုလုပ်ဆောင်ထားရန်............

သက်တမ်းတိုး/အမည်ပြောင်း ဆောင်ရွက်ပြီး ဖောင်းကြွနံပါတ်ပြားအသစ် ဝယ်ထားသူများ တစ်လကြာပြီးနောက်ပိုင်းမှာ နံပါတ်ပြားအသစ် ထုတ်လို့ရပါပြီ။

ကားမှာ လက်ရှိတပ်ထားတဲ့ နံပါတ်ပြား အဟောင်း နှစ်ချပ်ကိုတော့ ပြန်အပ်ပေးရပါမယ်။

ဒါကြောင့် အချိန်ရရင် နီးစပ်ရာ ​ကားဘော်ဒီအလုပ်ရုံမှာ ကားရဲ့ နံပါတ်ပြားလော့သီးကို ကျောက်စက်တိုက်ဖြုတ်ပြီး၊ နပ်အထိုင်များကို WD-40 ဆေးဖျန်းကာ၊ နံပါတ်ပြားကို 10mm Bolt နပ်တိုင် အသစ်နဲ့ ယာယီပြန်စွဲလာခဲ့ပါ။

ကညန ရုံးရှေ့မှာ အမြန်ဖြုတ်ရပါက ကိရိယာမစုံမလင်နဲ့ဖြုတ်ရခြင်း၊ လော့သီးသံချေးတက်နေခြင်းတို့ကြောင့် မလိုလားအပ်သော ဘန်ပါ ပျက်စီးကျိုးပဲ့ခြင်းတို့ ဖြစ်နိုင်ပြီး၊ မသေမချာ မသပ်မရပ်ဖြစ်နိုင်ပါတယ်။

Writer - Thet Win

04/09/2022

TOYOTA WISH အကြောင်း

မြန်မာပြည်မှာတော့ လူကြိုက်များတဲ့ ကားလေးပါပဲ။MPV အမျိုးအစား ကိုယ်လုံးကိုယ်ထည် မကြီးပေမဲ့ အတွင်းလူဝင်ဆံ့ပုံက အံ့မခန်းပါပဲ။

၂၀၀၃ ခုနှစ်ကနေ ၂၀၀၇ ခုနှစ်အထိ ဂျပန်မှာ အရောင်းရဆုံး နံပါတ် ၁ ကနေ ၅ အတွင်းမှာ အချိန်အကြာဆုံး ရှိခဲ့ပါတယ်။ယခုဆိုရင် second generation တောင်ရောက်ရှိလာပါပြီ။First generation ကတော့ 2003 to 2008 ဖြစ်ပြီး Second generation ကတော့ 2009 to present ဖြစ်ပါတယ်။ Wish အကြောင်းကတော့ လူတော်တော်များများလည်း သိပြီးသားဆိုတော့ ဒီမှာ grade နဲ့ အင်ဂျင်အကြောင်းကို ပိုအသားပေးပြီး ပြောပေးပါ့မယ်။

First Generation

သူက မြန်မာပြည်မှာ တော်တော်များများတွေ့နေရပါပြီ။ အင်ဂျင်မှာတော့ ၁.၈လီတာကို 1ZZ-FE နဲ့ထုတ်လုပ်ပြီး ၂.ဝလီတာကိုတော့ 1AZ. FSE နဲ့ထုတ်လုပ်ကာ ဂီယာလေးချက် အော်တိုဂီယာစနစ် ဂီယာခုနစ်ချက် Super CVT-i စနစ်များနဲ့ ထုတ်လုပ်ပါတယ်။ ဘီးနှစ်ဖက်အကျယ် 2750mm (108.3 inch) အရှည် 4560mm(179.5 inch) အ ကျယ်1695mm(66.7inch) အမြင့် 1590mm (62.6 inch) အသီးသီးရှိပါတယ်။ ဦးဆောင်ထုတ်လုပ်ခဲ့တဲ့အင်ဂျင်နီယာကတော့ Mr.Takesh Yoshidea ဖြစ်ပြီွးှWish ရဲ့ပထမ Generation ကို Tokyo Motor Show မှာ 2002 October မှာစတင်မိတ်ဆက်ခဲ့ပြီး ဂျပန်ဈေးကွက်မှာတော့ ၂ဝဝ၃ ခုနှစ် January မှာစတင်ရောင်းချပေးခဲ့ပါတယ်။ ရှေ့ဘီးယက် 2wheels drive ကိုတော့ Codename ZNE 10G နဲ့ ထုတ်လုပ်ပြီး 4 wheels drive ကို ZNE 14G နဲ့ ထုတ်လုပ်ထားပါတယ်။

Grade တွေကတော့…

၁.၈ လီတာ အင်ဂျင်တပ်ထား ရင် ၄ မျိုးလောက် တွေ့ရပါတယ်။ X / XE package / XS package / X areo sport ဆို ပြီးတော့ပါ။ဘောင်နံပါတ်ကတော့ ZNE10 နဲ့ စပါလိမ့်မယ်။နောက်တစ်ခုက 2WD နဲ့ 4WD ပါ။ ရှေ့ယက်စနစ်မှာ ဘာမှ မပြောပေမဲ့ လေးဘီးလုံးမောင်းရင်တော့ 4WD ဆိုတာလေး ပါပါတယ်။ ဘောင်နံပါတ်က ZNE14 ဖြစ်ပါလိမ့်မယ်။ မြန်မာတွေအကြိုက်ကတော့ 2WD ပါ။ ဆီစားနှုန်းသက်သာလို့ပါ။၂.၀ လီတာ မှာတော့ နှစ်မျိုး အဓိက တွေ့ရပါတယ်။ G grade နဲ့ Z grade ပါ။ Z က ပိုမြင့်ပါတယ်။ ဘောင်နံပါတ်ကတော့ ANE10 / ANE11 စသဖြင့် ရှိပါတယ်။ NEO edition ဆိုတဲ့ တစ်မျိုးလည်း တွေ့ဖူးပါတယ်။ G နဲ့ X မော်ဒယ်တွေမှာပါ။

2003 model အင်ဂျင် 1.8L/ZZFE အင်ဂျင်မှာ မြင်းကောင်ရေ 170mm (125lb/ft) four-wheel speed automatic ဖြစ်ပြီး 2.0L မှာတော့ ခြောက်ယောက်စီးအတွက် Codename ANE 11W နဲ့ ခုနစ်ယောက်စီးအတွက် ANE 10G version မျိုးကွဲနှစ်မျိုးကွဲပါသေးတယ်။ 2.0L မှာတော့ IAZ FSE Direct injection ဖြစ်ပြီး မြင်းကောင်ရေ ၁၅၅ကောင် (114 kw)ရုန်းအား 192Nm(142lb/ft) ရှိပါတယ်။ မျိုးကွဲအနေနဲ့ 2.0 D4 အင်ဂျင်များကို CVT ဂီယာဘောက်များနဲ့ တွဲဖက်ထုတ်လုပ်ပါသေးတယ်။ Wish ဟာဈေးကွက်အတွင်း အချိန်တိုကာလမှာပဲ Top 5 စာရင်းဝင်တဲ့အထိ အောင်မြင်ခဲ့ပြီး ပြိုင်ဘက်များကတော့ Honda Stream, Mazda Premacy နဲ့ Mazada 5 တို့ဖြင့်ပြီး Thailand market မှာတော့ ၂ဝဝ၃နှစ်ကုန်ပိုင်းမှာ စတင်ထုတ်လုပ်ခဲ့ပါတယ်။ ထိုင်းဈေးကွက်ထုတ် Wish မှာတော့ အင်ဂျင် 1AZ FE, wheel 17inch size, No privacy glass, Leather upholstery standard, 2 WD wheel drive, စတာတွေနဲ့ကန့်သတ်ထုတ်လုပ်ပြီး ၂ဝဝ၄ ခုနှစ် နိုဝင်ဘာမှာထုတ်လုပ်ခဲ့ တဲ့Taiwan Market မှာတော့ D4 Technology အင်ဂျင်အဆင့်မြှင့်ထားတဲ့LED နောက်မီး၊ Body color, packing censor စနစ် dual moonroof, leather seat တွေနဲ့ထုတ်လုပ်ခဲ့တာဖြစ်ပါတယ်

၂ဝဝ၅ခုနှစ်မှာတော့ Wish ရဲ့အောင်မြင်မှုအရှိန်ဟာ ဈေးကွက်မှာပိုမိုမြင့်မားလာတာကြောင့် အနည်းငယ်အ ဆင့်မြှင့်တင်ထားတဲ့ Wish ကိုထုတ်လုပ်ခဲ့ပါတယ်။ Headlight Bumpass LED taillight နဲ့ Dashboard တွေကို အဆင့်မြှင့်တင်ခဲ့တာကြောင့် ဆီသုံးစွဲမှုကိုထိထိရောက်ရောက်လျှော့ချနိုင်ခဲ့ပါတယ်။ 2005 model မှာ Wish ရဲ့ ‘W’ သင်္ကေတအစုံကို အနည်းငယ်ပြောင်းလဲခဲ့ပြီး Electronic throttle control စနစ်ကိုလည်း ပြောင်း လဲတပ်ဆင်ပေးခဲ့ပါတယ်။2007 mode မှာ တော့ G-Book ခေါ်တဲ့Telematics service ကိုဂျပန်မှာတပ်ဆင် ရောင်းချတဲ့ကားတွေမှာ ထည့်သွင်းပေးခဲ့ပါတယ်။2008 Wish model မှာတော့ စင်ကာပူဈေးကွက်မှာ အများအပြားတင်သွင်းခဲ့ပြီးကားရဲ့ Bodykit ငါးမျိုး နောက် LED break မီး၊ နောက်ကင်မရာ၊ ဘက်မှန်အချက်ပြမီး Flluminated Scuff plate, window muffler cutter စတဲ့ အဆင့်မြှင့်တင်မှုတွေပြုလုပ်ခဲ့ပါတယ်။

2015 Wish model

Wish ဒုတိယမျိုးဆက်(၂ဝဝ၉)ရဲ့ 2015 model မှာတော့ အတွင်းအပြင်ပိုင်းတွေမှာ ပိုမိုကောင်းမွန်တဲ့အဆင့် မြှင့်တင်မှုတွေပြုလုပ်ခဲ့ပြီး ခရီးသည်ရှစ်ဦးအထိ တင်ဆောင်လာနိုင်တော့မှာဖြစ်ပါတယ်။ ပိုမိုသက်သောင့်သက်သာ ဖြစ်စေမယ့်ထိုင်ခုံတွေ၊ ဝန်စည်စလယ်တွေတင်နိုင်မယ့်ကျယ်ဝန်းတဲ့ Luggage space ၊ အဆင့်မြင့်လေအေးပေးစနစ် နဲ့သတင်းအချက်အလက်ပေးစနစ်များ၊ ဖျော်ဖြေရေးစနစ်နဲ့ DVD sound စနစ်တွေအဆင့်မြှင့်တင်ပေးခဲ့ပါတယ်။

Dynamic stability control, Airbag ရှစ်လုံးဆီစားနှုန်းဓာတ်ဆီတစ်လီတာ ၁၆ကီလိုမီတာဖြစ်ပြီး 1800 CC ကို (Chassis ZGE 20G ၊ 2000 CCကို ZGE 22W 4WD) တွေကိုတော့ ZGE25 W နဲ့ထုတ်လုပ်ထားပါတယ်။ မြန်မာပြည်မှာလူကြိုက်များတဲ့ Grade တွေကတော့ ZGE 20 CX, S ဂရိတ် ZGE 22, Z Grade) များပဲဖြစ်ပါ တယ်။ ZGE 20 မှာတော့ ဂရိတ်ခွဲ X, A, S ဆိုပြီးခွဲပါသေးတယ်။ X ဂရိတ်ကတော့ ရှေ့ Shell မှာနီကယ်မဖြစ် Bumper Spoiler မပါတာ Fog Light မီးမပါတာ Push start မဖြစ်တာတွေရှိပါတယ်။ S Grade မှာတော့ရှေ့ Shell နီကယ်၊ Bumper Spoilers, Fog Light မီးပါပြီး Xenon headlight, Gear Daddle Shift 16” အလွိုင်း Push Start ဖြစ်ပါပြီ။ အမြင့်ဆုံးဂရိတ် Z မှာတော့ အင်ဂျင်ပါဝါ 2.0 L ZGE 22 နဲ့ထုတ်လုပ်ပြီး Overfender, 17” Original allay, Fog Light, Xenon Headlight, Push start, Cruise Control, Steptronic ဂီယာခုနစ် ချက်အပြင် Sport/Eco mode ခရီးသည်ခြောက်ဦးစီလျှောက်လမ်းပါပါတယ်။

သူကတော့ ၁.၈ လီတာ အင်ဂျင်တပ်ရင် grade 2 မျိုးလာပါတယ်။ S and X Grade တွေပါ။ ၂.၀ လီတာဆိုရင် နှစ်မျိုးလာပါတယ။ G and Z Grade ပါ။ ဘောင်နံပါတ်တွေက S and X – ZGE20 / ZGE25 (4WD)၊ G – ZGE21 ၊ Z – ZGE22 တို့ဖြစ်ကြပါတယ်။ များသောအားဖြင့် ၁.၈ လီတာတွေမှာ ဂီယာ ၄ ချက် အော်တို Transmission ဖြစ်ပြီးတော့ ၂.၀ လီတာ အင်ဂျင်တွေမှာ CVT ဆိုတာကို သုံးပါတယ်။First generation မှာတပ်ဆင်တဲ့ အင်ဂျင်တွေကတော့ 1.8 L 1ZZ-FE , I4 , DOHC 16 Valve , 2.0 L 1AZ-FSE , I4 , VVT-i 16 valve တို့ဖြစ်ကြပါတယ်။

Second generation မှာတပ်ဆင်တဲ့ အင်ဂျင်တွေကတော့ 1.8 L 2ZR-FAE , I4 Dual VVT-i , 2.0 L 3ZR-FAE , I4 Valve Matic တို့တပ်ဆင်ထားပါတယ်။ Engine ရဲ့ စွမ်းအားတွေ ကွာသွားပါတယ်။ ဆီစားနှုန်းတွေလဲ ကွာသွားပါတယ်။ နောက်ပြီး ဂျပန်တွေ ကိုယ်တိုင် 4WD ကို မကြိုက်တာတွေ့ရပါတယ်။ ၂၀၀၅ လောက်ကစပြီး 4WD မော်ဒယ် အတွေ့ရနည်းသွားပါတယ်။

Toyota Wish အကြောင်း တစေ့တစောင်းတော့ နားလည်သဘောပေါက်ကြလိမ့်မယ်လို့ ထင်ပါတယ်ခင်ဗျာ။

မိတ်ဆွေများ ဗဟုသုတတိုးပွားကြစေဖို့ ပြန်လည်မျှဝေခြင်းဖြစ်ပါတယ်။

Credit: original writer

#ကားအကြောင်း