Хамарын хийд, энергийн төв аялал

05/05/2024

Эрхэм хүндэт сүсэгтэн олон танаа:

Хамарын хийд, Хүслийн уулын аялал маань та бүхэнд үйлчилсээр байна.

Сайншанд - Хамарын хийд - Хүслийн уул - Сайншанд

Бид та бүхнийг Сайншанд өртөөнөөс галт тэрэгнээс тосч аван аялуулах болно.

Та аялахаар шийдсэн бол дараах зөвлөмжийг уншаарай. https://www.19001950.mn/call/news/18/read/752

Галт тэрэгний цагийн хуваарь харах бол https://eticket.ubtz.mn/schedule ороорой.

Мөн

Галт тэрэгний тасалбар захиалах бол https://eticket.ubtz.mn/ энэхүү линк рүү орж захиалж болно.

Бидэнтэй холбогдох утасны дугаар: 91520202, 91250202, 94176060

05/05/2024

Танд хүргэх мэдээлэл. 7

Хүслийн хар уул:

Хийдээс баруун хойно 20км гаруй зайд Хүслийн хар уул байх бөгөөд дээш өгсөх хоёр замтай, түр амрах хоёр буудалтай. Уулын бэлээс 100-гаад метр өгсөж нэг жижигхэн сүмд очно. Энэ нь эмэгтэйчүүд хүүхэд, настнуудын хүрэх цэг бөгөөд тус хайрханд зориулсан зан үйлээ энд хийнэ. Эрэгтэйчүүд нь дээшээ өгсөж тахилгатай оргилд гарч, оройд байх овоог тойрч мөргөн, гуйх зүйлээ хүсэж шивнэнэ. Энэхүү уулыг говийнхон эртнээс нааш тахиж ирсэн бөгөөд Хан Баянзүрх хэмээх албан ёсны нэртэй ажээ. Нутгийнхан Хүслийн уул, Хар уул, Шарилын уул гэх мэтээр нэрлэж иржээ. Уулын оройд байх овоо нь эрт цагт онголон дархалж аравнайлсан сүншиг, ганжир, хадаг, хийморийн дарцаг зэргээр чимэглэгдсэн байжээ. 1930 оноос өмнө овооны орой нь Хан хүний өмсдөг малгайтай ижил эрдэнийн чулуун чимэг бүхий титэм бүхий ганжиртай байжээ. Хан гэдэг нь тус ууланд олгосон цол бөгөөд Монгол оронд Хан, Богд, Гүн, Бээл, Бээс, Зайсан гэх мэт цолонд өргөмжлөгдсөн 120 орчим уул бий хэмээн судлаачид үздэг. Хамрын хийдээс зүүн хойш 2 километрт эрт үед лам нар сууж бясалгал үйлдэж байсан олон агуйнууд бий. Мөн эхийн умай хад, өвчин гэм арилгагч хад гэх мэтчилэн шүтэж биширдэг хаднууд бий. Хамрын хийдээс 1.5 километр зайд хойноос урагш 2 га талбай хамарсан Луутын цав хэмээх газар бий. Улаан, шар, хөх шавар дов толгод бүхий цав юм. Эндээс Иогундант хэмээх өвсөн тэжээлт аварга үлэг гүрвэлийн ясыг судлаачид олжээ. Мөн өөр бусад төрлийн үлэг гүрвэлийн чулуужсан яс, дун хясаа зэрэг тэнгисийн амьтадын болон ургамлын үлдэгдэл элбэг байдаг.

05/05/2024

Танд хүргэх мэдээлэл. 6

Эхийн умай:

Ийнхүү нэрлэгдсэн агуй бөгөөд ороод гарахад дахин төрсөн мэт сэтгэгдэл авч шинэ төрсөн хүүхэд шиг ариуслыг олж авдаг байна. Эхийн умайгаас дахин төрсөн хүмүүс өөр нэгэн хаданд очиж биеийнхээ бүхий л өвчтэй хэсгүүдийг үрж, өвчин зовлонгоо эдгээхийг даатгадаг ажээ.

05/05/2024

Танд хүргэх мэдээлэл. 5

Сакура цэцгийн хөндий:

Ноён хутагт маань зөвхөн Монгол орноор яваад зогсохгүй Манж, Түвд зэрэг газраар аялан ном хаялцаж, эрдэм авъяасаа ард олонд түгээж байсан гэдэг. Зөвхөн ном эрдмээс гадна одоогийнхоор нинжа нарын од хэлбэрт зэвсгийг гаргууд эзэмшсэн байжээ. Нэгэн удаа модны мөчрийг од шидэн тасар татахыг харсан нэгэн самурай хутагтыг бишрэн шавь орсон бөгөөд 3 жил Шамбалын оронд шавилан суусан ч энэхүү эрдмийг нь сурч чадаагүй ажээ. Нутаг буцахын өмнө багшдаа бэлэг болгон Сакура тарьж өгсөн ажээ. Хутагтын музейд самурайн сэлэм нь хадгалагдан үлдсэн байдаг.

05/05/2024

Танд хүргэх мэдээлэл. 4

Бурханы мэлмий:

Шамбалын орны үүд хэмээн нэрлэгддэг хана бөгөөд бурханы мэлмийг дүрсэлсэн байдаг. Дэлхий ертөнц өөрчлөгдөхөөс өмнө их гэгээрлийг олж байсан гурав дахь ертөнцөд оюун ухаан өгсөн хүний мэлмий хэмээнэ. Энэ мэлмийг ширтэж бие, хэл, сэтгэлээр үйлдсэн гэмийг ариусган засахыг даатгаснаар засал ном уншуулаагүй хүмүүст засал болж байдаг. Аливаа хүн өөрийнхөө дотоод ертөнцийг эндээс нээж олдог хэмээнэ. Бодлоо төвлөрүүлж мэлмийг ширтсэнээр хоёр хөмсөгний хооронд байгаа цагираг эргэх шиг, нүд ирмэж байгаа юм шиг, хамрын хар хүрээ нь олон янзын гэрлээр солигдох туяарах гэх мэт мэдрэмж төрдөг байна. Тийм мэдрэмж өөрт төрж байвал энерги сайтай байна гэсэн үг ажээ. Хэрвээ хөдөлгөөн мэдрэхгүй бол энэ Шамбалын орноос сайн энерги хуримтлуулах хэрэгтэй хэмээн айлддаг. Энергийн төвийн хойд дэнж дээр байх овоонд гурван удаа залбирч өмнөх тахилын ширээн дээрх цөгцнүүдэд идээ будаа өргөөд өмнө зүгт байх “Үлэмжийн чанар” дууны үг сийлээстэй суварганы дэргэд ирж таван бадаг бүхий бүтнээр нь дуулаад Шамбалын орны мөнгөн хаалгаар гарснаар эргэл мөргөлийн үйл ажиллагаа дуусна.

05/05/2024

Танд хүргэх мэдээлэл. 3

Шамбалын орон буюу Энергийн төв:

Данзанравжаа шавь нарын хамт 1851 онд Хамарын хийдийн Дүйнхорын дацанд Цагийн хүрдний ном буюу Дүйнхорын хурал хурж, цам харайгаад Шамбалын оронд залрах мөрийг гаргаж, олон сүсэгтнийг Шамбалын оронд дагуулах ерөөл тавьсанаас хойш 166 жил өнгөрчээ. Хамарын хийд байгаа газар бол энерги ихтэй, газрын доор амин судалтай хэмээн үзэж Шамбалын оронд зорчих цэгийг тодорхойлжээ. Энергийн төвд нар мандахтай зэрэгцэн очвол сайн хэмээнэ. Шамбалын орны эзнийг Улаан хүлэг баатар байдаг хэмээн үздэг. Шамбалын орон гэдэг нь оюуны орон гэсэн үг бөгөөд зөвхөн сүнс юмуу оюун санаагаараа очиж чадах Бурхны орон гэсэн утгыг илэрхийлдэг. Одоо хийдийн дэргэд байгаа Шамбалын орон-ыг тойруулан суварга бүхий хашаа босгож тохижуулж, Гаадамбын 77 боть судрыг залсан. Шамбалын орон 25 хаадтай бөгөөд жил бүр тэдэнд зориулан тус хийдийн лам нар тахилга үйлдэж ном уншдаг.

05/05/2024

Танд хүргэх мэдээлэл. 2

Өвгөн суварга:

Хамарын хийдийн дэргэд Монголын хамгийн том суваргыг бүтээн залж 2011 оны 9 дүгээр сарын 10-нд нээлтээ хийжээ. Монгол гэрийн хэлбэртэй, 32 метр өндөр, 5 талтай ажээ. Анх 1823 онд Ноён хутагт энэ суваргыг бүтээж байжээ. Ингэхдээ Монгол төрийг мандан бадруулах, ард түмнээ өвчин зовлонгүй, нутаг орноо ган зудгүй байлгах үүднээс бүтээсэн гэдэг. Уг суварга 1937 он хүртэл сүсэгтэн олондоо адистид хүртээж байгаад буулгагдсан байна. Шинээр бүтээсэн Өвгөн суваргын таван талд нь Бурхан багшийн таван дүр буюу Язгуурын 5 бурхан заларч, оройд нь соёмбо байрлуулжээ. Уламжлалын дагуу тарнийн хүчийг оршоож олон боть цай, 7 тонн арц, иж бүрэн тавилгатай таван ханатай гэр хоёрыг, бурхан шүтээн, Улааны шашны номын дагуу лүйжин тавьж байгаа ламтны шуумал дүр, торго дурдан зэргийг шүншигт нь хийсэн байна. Мөн оройн хэсгийн бунхан дотор Ноён хутагтын номлосон сургаалийн дагуу жинхэнэ шүншигийг нь хийж битүүмжилсэн байна. Гол амин мод буюу сорогшинг Төв аймгийн Батсүмбэр сумын Минжийн хангайгаас авчирч, эргэн тойронд нь олон суваргын чуулбар хийжээ. Түүнээс доош байх танхим руу нэгэн олс уяаг оруулсан бөгөөд үзүүрт нь том очир уяжээ. Танхимын хойморьт байх Бурхан багш, Гүрү ренбүүчийн хөргийг залсан ширээн дээр тэр очирыг тавьжээ. Тэрхүү очирт мөргөхөөр бурханд мөргөж байгаа гэсэн үг гэнэ.

Зургийг: Энхбаяр Шатар

05/05/2024

Танд хүргэх мэдээлэл. 2

ХАМРЫН ХИЙД

Дорноговь аймгийн төв Сайншанд хотоос урагш 45 километрт байдаг. XIX зууны үеийн Монголын нэрт соён гэгээрүүлэгч, яруу найрагч, ноён хутагт Д.Данзанравжаа 1820 онд 17 насандаа Өвөр хамар гэдэг газар Хамрын хийдийг байгуулжээ. Хамрын хийд нь 1938 оноос өмнө Зүүн хүрээ, Баруун хүрээ, Цохон, Дүйнхор гэсэн 4 хэсэгтэй, Лам нарын, Хамбын, Багшийн, Номчийн зэрэг дөрвөн аймагтай, Авга, Чойр, Ламрим, Дүйнхор, Хүүхдийн дацантай улааны шашны хийд бөгөөд 80 гаруй сүм хийдтэй, 500 гаруй ламтай байжээ. Хамрын хийдийг устгах үед лам Г.Түдэв Ноён хутагт Д.Данзанравжаагийн шарилын сүмээс 64 авдар эд зүйлсийг нуун авч 1990 он хүртэл газар булах, агуйд нууж дарах зэргээр 52 жилийн турш үе улиран хадгалж иржээ. Тэдгээр үлдсэн зүйлийг Хамрын хийдэд эргүүлэн залснаар тус хийдийн үйл ажиллагаа сэргэсэн байна

05/05/2024

Танд хүргэх мэдээлэл. 1

Ноён хутагт Данзанравжаа нь Монгол оронд шамбалын орныг байгуулсан соён гэгээрүүлэгч юм. Эдүгээ түүний байгуулсан Шамбалын орон буюу “Энергийн төв”-ийг зорих, гадаад, дотоодын жуулчдын хөл жилийн аль ч улиралд тасрахаа больжээ. Шүтэж бишрэхээс гадна байгалийн үзэсгэлэн бүрдсэн газарт амар амгаланг мэдэрч алжаалаа тайлах зорилгоор Хамрын хийдийг зорих хүн ч олон бий. Ингээд Хамрын хийдэд очихоос өмнө таны мэдэх ёстой зүйлсийг хүргэж байна.

1. Улаанбаатараас 521 км зайнд оршдог.
2. Шамбалын оронд нар мандахтай зэрэгцэн очвол сайн гэлцдэг.
3. Сакура цэцэг нь дөрөвдүгээр сарын сүүлээс тавдугаар сарын эхний долоо хоногийн дотор гүйцэт дэлгэрдэг.
4. Говийн догшин ноён хутагт Данзанравжаа Япон шавьтай байсан бөгөөд 19 дүгээр зуунд тэр шавь нь Хутагтын бясалгал хийж, бүтээлээ туурвиж байсан алдарт 108 агуйн хажуу жалганд уг сакураг нутгаасаа авчирч суулгаж хутагт багшдаа бэлэглэсэн гэдэг.
Япон шавь нь буцахдаа өөрийн сэлмийг дурсгал болгон үлдээсэн нь одоо "Данзанравжаа" музейд хадгалагдаж байна. Энэ музей Сайншанд хотод байрладаг билээ.
5. Салхи, шуурга ихтэй учир бие ил задгай гарсан хувцас тийм ч тохиромжтой бус.
6. Сайншанд хотод зочид буудлын нэг өрөөнд хоноход дунджаар 60 мянга төгрөг төлдөг. Хамрын хийдийн ойролцоох гэр буудлын үнэ 50-70 мянган төгрөг/4-5 ортой/.
7. Дараах маршрутаар зан үйл хийнэ: Мөөм овоо--Шамбалын орон руу явах зам--Энхтайвны хонх--Хилэнцийг арилгах Алтан хаалга--Бирдийн ходоод--Сэржим өргөх талбай--Суварга-Алтангавал овоо—Бясалгалын агуй—Эхийн умай—Ноён хутагтын сэнтий—Хүслийн уул
8. Авч явбал зохих зүйлс: Сэржим өргөх архи, цэвэр ус, сүү, шар будаа, тавгийн идээ, арц, хүж

02/05/2024

Сакура цэцэглэж эхэлж байна. Та бүхэн ирж онцгой түүхтэй сакураг цэцэглэхийг үзээрэй.

24/03/2024

Сайн байна уу??
/Лусын тамга арилгах зан үйл/
Хамрын хийдийн аялал хэвийн явагдаж байгаа . Найз нөхөд , гэр бүлээрээ ирж Энерги авч , Хүслийн ууландаа залбирч хүслээ биелүүлээрэй 91520202

30/01/2023

Хамрын хийдийн аялал өдөр бүр явагдаж байна.

23/11/2022

04/10/2022

Сайхан сэтгэлт хүмүүс минь бяцхан дүүдээ хандив өгөөрэй гэж чин сэтгэлээсээ хүсч байна.

Хүн бүр чадах зүйлээрээ туслахад сайн үр дүнд хүрч л таараа.

Сүсэгтэн олны бодит дэмжлэгийн утга учир үүнд орших бизээ. Сайн үйлс бүхэн дэлгэрэх болтугай. Баярлалаа.

24/09/2022

СОНОРДУУЛГА!!!!
ЛУСЫН ТАМГА АРИЛГАХ ЗАН ҮЙЛ БОЛОХ ГЭЖ БАЙНА.
Лусын тамга эвдэх зан үйлийн тухай товч:

Сав ертөнц шим ертөнц хоёр хоорондоо шүтэн барилдлагатай оршдог билээ. Сав ертөнц гэдэг нь биднийг хүрээлэн буй байгаль дэлхий уул ус газар шороо бөгөөд шим ертөнц гэдэг нь түүнийг шүтэн оршигч амьд амьтан хүн төрөлхтөн юм.

Эрт дээр үеэс Монголчууд сав ертөнц болсон байгаль дэлхийгээ хайрлан хамгаалж түүнтэй зохистой харьцаж ирсэн уламжлалтай. Гол усыг бохирдуулах, хад чулууг хөдөлгөх, мод ургамлыг гэмтээх, газар шороог малтах тэр ч бүү хэл муу үгээр муушаахыг ч цээрлэдэг байжээ. Гэтэл сүүлийн 100 жилд дэлхий нийтэд шинжлэх ухаан техник технологи хөгжин үйлдвэрлэл хотжилт бий болж өргөжихийн хирээр хүн төрөлхтөн байгаль дэлхийтэйгээ буруу харьцан өгүүлж баршгүй их хор хохиролыг учруулсаар байна. Газар лус амьд буй бүхний шүтэн барилдлага зүй зохисгүй харилцаанаас улбаалаад газар лус савдагууд эргээд хүн төрөлхтөнд хорлол хөнөөл учруулан газар хөдлөлт, гал усны аюул сүүлийн жилүүдэд ихсэж ус гол мөрөн ширгэж, сүүлийн 5 жилийн хугацаанд зөвхөн УЛААНБААТАР хотын хэмжээнд газар хөдлөлт жилд 200-1800 удаа болтолоо өссөн зэргээс үзвэл түгшүүрийн харанга өдөр болгон бидний дэргэд ойртож дэлдэж буйг харж болох юм.

Магадгүй та өөрийгөө би ямарч буруугүй хэмээн бодож магад. Яагаад гэвэл би газар ухаагүй, мод таслаагүй, ус бохирдуулаагүй, амьтан алаагүй хэмээх боловч байгаль дэлхий лус савдагийг тамлан сүйтгэж хорлон хөнөөж авсан эд материалыг машин, гар утас, түлээ нүүрс, гоёл чимэглэл, орон сууц, хувцас хунар, хоол унд болгон ашиглаж байгаа учраас газар лусаас хамааралгүй газар лусаас аваагүй, газар лусад өргүй хэн ч үгүй билээ. Тийм ч учраас газар лусын хорлолыг бид түгээмэл адилхан амсдаг. Бидний амьсгалж буй агаар, ууж буй ус, идэж буй хүнс, амьдарч буй орчин бүгд хортой аюултай болсоор байна. Үүгээрээ дамжуулаад хүн бүхэн өвчин эмгэг, үхэл зовлон, гай цээр зэрэгт нэрвэгдэж дэлхий ертөнц сүйрлийн ирмэгт тулаад буйг бүгд мэдэх болж, гарц авралыг хайсаар байгаа. Ийм аюулд өртсөн хүмүүсийг бидний өвөг дээдсүүд лусад тамгалагдсан хэмээдэг байж. Хэрвээ лусад тамгалуулсан бол гай зовлон өвчин үхэл, бүтэлгүйтэл доройтолд үргэлж нэрвэгдэх бөгөөд насан өөд болсон ч тэр тамга нь арилалгүй олон төрлийг даган ямар нэгэн байдлаар муу нөлөөлөл үзүүлсээр байдаг хэмээн дээдийн номонд өгүүлсэн нь олонтаа. Ингэхээр газар лусын хорлол гэдэг бидний төсөөлж байснаас ч үлэмж их юм.

Лусыг баясгах хийгээд хорлолоос гэтэлгэх олон ном судруудыг эртний мэргэд гэгээнтнүүд зохиож зан үйлийг үйлдсээр ирсэн ч Лусын тамга эвдэх ном нь нэн ховор юм. Энэхүү ном нь Жаран жарныг дамжин Догшин Ноён хутагтын эрдэнэсийн гуу сан болсон олон авдартай номонд байсныг өдгөө ил гарган тавих гэж байна. Энэ нууц тарнийн бүтээл үйл нь газар лусын хорлол гэмд өртсөн хамаг олонд их тустай байх нь дамжиггүй юм.

ЭНЭХҮҮ НОМЫН ҮЙЛ АЖИЛЛАГАА НЬ 2023 ОНЫ 04- Р САРЫН 08 БУЮУ БЯМБА ГАРИГТ ӨВӨРБАЯСГАЛАНТ ХАМАРЫН ХИЙДИЙН ӨВГӨН СУВАРГАНД БОЛОХ ГЭЖ БАЙНА.
Жич: Бэлдэх зүйлс
1. Цэвэр ус 2 ш /хэмжээ хамаарахгүй/
2. Нэг удаагийн аяга 1ш
3. Малчид малын тамга
4. Даллаганы уут

Утас91520202

05/08/2022

05/08/2022

СОНОРДУУЛГА
Цогт Цагийн хүрдний зарлигийн сахиус ДОРЖ ШҮГийн авшиг хайрлах зан үйл

Цогт цагийн хүрд буюу Дүйнхор бурханы зарлигийн сахиус Дорж шүг бурханы машид ховор нандин авшигийг ХАНБРҮЛ ринбочэ бээр Дорноговь аймгийн Өвөрбаясгалант Хамарын хийдийн Өвгөн сувраганд 2022.08 сарын 09ны өдөр нийт сав шим ертөнцийн амар амгалан сайн сайхны тухайтад айлдах гэж байна.
Утас:91520202

05/08/2022

Цогт Цагийн хүрдний зарлигийн сахиус ДОРЖ ШҮГийн авшиг хайрлах зан үйл

Цогт цагийн хүрд буюу Дүйнхор бурханы зарлигийн сахиус Дорж шүг бурханы машид ховор нандин авшигийг ХАНБРҮЛ ринбочэ бээр Дорноговь аймгийн Хамарын хийдийн Өвгөн сувраганд 2022.08 сарын 09ны өдөр нийт сав шим ертөнцийн амар амгалан сайн сайхны тухайтад айлдах гэж байна.

25/05/2022

Сайн байна уу??
Хамрын хийдийн аялал өдөр бүр хэвийн явагдаж байгаа . Найз нөхөд , гэр бүлээрээ ирж Энерги авч , Хүслийн ууландаа залбирч хүслээ биелүүлээрэй 91520202,88337388

05/04/2022

Сайн байна уу??
/Лусын тамга арилгах зан үйл/
Хамрын хийдийн аялал хэвийн явагдаж байгаа . Найз нөхөд , гэр бүлээрээ ирж Энерги авч , Хүслийн ууландаа залбирч хүслээ биелүүлээрэй 91520202,88337388