سیاحت مالدیپ (2025)

22/06/2022

سمندر کے اندر تعمیر ہونے والا دنیا کا سب سے بڑا شہر

دنیامیں بہت سے لوگ ایسے ہیں جنھیں سمندر کے کنارے رہائش پذیر ہونا پسند ہوتا ہے لیکن اگر بات کی جائے کسی ایسے شہر کی جو سمندر کے اندر سطح آب پر تیرتا ہو تو یقیناً یہ تصور حیرت انگیز ہے۔یوں تو دنیا کے کئی ممالک بالخصوص دبئی میں ایسے رہائشی منصوبے متعارف کروائے جا چکے ہیں لیکن مالدیپ میں سمندر میںدنیا کا سب سے بڑا شہر بسانے کا منصوبہ حجم کے اعتبار سے اپنی مثال آپ ہے۔

مالدیپ کے دارالحکومت مالے سے 10 منٹ کےبحری سفر کی مسافت پر بحر ہند کے پانیوں میں تیرنے والے شہرکے منصوبے پر تیزی سے کام جاری ہے۔یہ شہر اتنا بڑا ہوگا کہ 20 ہزار افراد اس میں رہائش پذیر ہوسکیں گے۔اس شہر میں 5 ہزار تعمیراتی یونٹس بشمول گھر، ریسٹورنٹس، دکانیں اور اسکول وغیرہ بھی موجود ہوں گے۔مالدیپ کی جانب سے اولین تعمیراتی یونٹس جون 2022 کے آخر تک متعارف کرائے جائیں گے اور 2024 میں وہاں لوگ رہنا شروع کریں گے جبکہ 2027 تک شہر کی تعمیر مکمل ہو جائے گی۔

یہ حیرت انگیز منصوبہ دراصل مالدیپ کو سمندر کی سطح میں اضافے سے لاحق خطرات سے بچنے کا ایک حل ہے۔تقریباً 1200 جزائر پر مشتمل مالدیپ موسمیاتی تبدیلیوں سے سب سے زیادہ متاثرہ ممالک میں سے ایک ہے۔ماہرین کے تخمینے کے مطابق سمندری سطح میں اضافے کے نتیجے میں لگ بھگ پورا مالدیپ اس صدی کے آخر تک سمندر میں ڈوب سکتا ہے۔ایسے میں ایک تیرنے والا شہر سمندر کی سطح بلند ہونے پر بھی محفوظ رہ سکتا ہے اور مالدیپ کے لاکھوں شہریوں کے لیے نئی امید بھی ہے۔

اس شہر کے رہائشی آنے جانے کے لیے کشتیوں، سائیکلوں یا الیکٹرک سکوٹرز کا سہارا لیں گے جبکہ شہر کے اندر پیدل گھومنا بھی ممکن ہو گا۔شہر میں تعمیر ہونے والے گھروں کو ایک مقامی شپ یارڈ میں تعمیر کرکے اس نئے شہر تک پہنچایا جائے گا جہاں انھیں زیرآب موجود کنکریٹ کے ڈھانچے سے جوڑ دیا جائے گا۔شہر میں بجلی کے حصول کے لیے سولر انرجی سے مدد لی جائے گی جبکہ ائیر کنڈیشنرز کے متبادل کے طور پر گہرے سمندری پانی کی ٹھنڈک کو استعمال کیا جائے گا۔اس شہر میں ایک گھر کی قیمت ڈیڑھ لاکھ ڈالرز سے شروع ہوگی۔

اس حیرت انگیز منصوبے پر مالدیپ کی حکومت ڈچ ڈوک لینڈز نامی کمپنی کے ساتھ مل کر کام کررہی ہے۔یہ کمپنی اب تک دنیا بھر میں300 سے زائد پانیوں میں تیرتے گھر، دفاتر، اسکول اور طبی مراکز تعمیر کر چکی ہےمگر مالدیپ کا منصوبہ اب تک کا سب سے بڑا منصوبہ ہے جس کی مثال دنیا میں کہیں نہیں ملتی۔

سیاحت مالدیپ

24/09/2023

20/07/2023

24/06/2023

24/06/2023

17/01/2023

22/06/2022

02/05/2022

29/04/2022

Address

Telephone

Website

Alerts

Contact The Business

Videos

پاکستانی سیاحوں کے لیے خوش خبری

جزیرے کی زندگی پر کیف نظارہ

مالدیپ کے خوبصورت مناظر

سمندر کا سفر

مالدیپ سیاحوں کی جنت

مالدیپ کے خوبصورت جزیروں کی سیر کریں

Best honeymoon place

fishing 🎣

Shortcuts

Share