16/06/2024
JUGENDPERLE KALLAR: Vil du gi nytt liv til eit av dei gamle hotella i Treungen - eller kjenner nokon som vil det? Dette kan vere starten på ei eventyrleg reise for å få jugendperla til å skine att!
Gjennom eit par år har folk i og utanfor Nissedal kommune lura på kva ny eigar ville med Treungvegen 401. No er svaret klart: Den ikoniske og verna eigedomen i Tveitsund skal seljast!
Eigedomen med mest to mål tomt har husa så mangt sidan 1923 - mellom anna hotell, sparebank, telefonsentral, bustad, forsikringsselskap, kafé, bakeri og ymse andre forretningar. Hotellet til Malene Tveit var eitt av mange hotell i stasjonsbyen Tveitsund i mellomkrigstida.
Den verna eigedomen er lagt ut med prisantyding 2,6 millionar kroner, og tilstandsrapporten har eit kostnadsestimat på 1,7 millionar kroner for å rette opp avvika med tilstandsgrad 3.
Har du kroner, kunnskap, kreativitet og kraft til å gjennomføre, ja så er dette ein sjeldan sjanse til å bu og drive næring i Nissedal - midt i Treungen sentrum!
Lenke til meir informasjon finn du i kommentarfeltet.
