10/05/2021
भर्खरै मात्र पनि एउटा पोस्टमा Expiry Date सम्बन्धि केहि कमेन्ट हरु देखें ! अझै पनि हाम्रो कतिपय दाजुहरू यस Exp. Date को बारेमा अनविज्ञ हुनुहुदो रहेछ त्यसैले मैले यो पोस्ट गर्ने सोच गरे !
• आखिर के हो त Expiry Date ?
- Expiry Date भनेको त्यो मिति हो जुन नाघेपछि कुनैपनि खाद्य वस्तु तथा अरू औषधिहरू सेवन गर्न नहुने मिति हो
• के अघिल्लो दिन रात १२ बजे सम्म खाने हुने औषधि भोलि पल्ट खानै नहुने हुन्छ त ?
- अहँ होइन ! कुनै पनि औषधिको अन्तिम मिति तोकीदा, त्यसले गर्न पर्ने काम र गुणस्तर त्यस मिति सम्म प्रयोग लाएक हुन्छ, त्यस पश्चात त्यको गुणस्तरमा बिस्तारै ह्रास आउँदै जान्छ ! यसको मतलब कुनै पनि औषधि सेवन गर्दा अन्तिम मिति नजिकिदै गर्दा गुणस्तरमा ह्रास आउने हो, गर्न पर्ने भन्दा थोरै प्रभाबकारी हुने हो, न कि आज को भोलि औषधि विष हुने हो !
• कसरी राखिन्छ Expiry Date ?
- Medicine manufacturing पछि बजारमा आउनु भन्दा अगाडि नै , औषधिको अन्तिम मिति तोक्न लागि, धेरै जाँच भएर निस्किन्छ जस मध्ये एउटा यस्तो परीक्षण हुन्छ, जसमा औषधिलाई तोकिएको समय सम्म वातावरणीय तापक्रम भन्दा उच्चतम तापक्रममा राखेर त्यसको गुणस्तरको मापन गर्ने गरिन्छ, यसैले निर्धारण गर्छ कुन औषधिको म्याद कति समयको हुन पर्ने भन्ने कुरा, कुनैको १ वर्ष हुन्छ, कुनैको १८ महिना, कुनैको २ वर्ष त कुनै ४ देखि ५ वर्ष सम्म नी हुन सक्छ !
• कसरी हेर्ने Expiry Date ?
- मानौं, Abc नाम गरेको औषधिको अन्तिम मिति यही May 2021 छ, यसको अर्थ कसैले तपाईँलाई त्यो औषधि दिन्छ भने यहाँ उफ्रिएर गएर खाउला झै गरी झैझगडा गर्न पर्ने अवस्था छैन । होला केही हदसम्म गुणस्तर कम भएको हुन्छ तर यदि Expiry Date May 2021 रहेछ भने May महिना भरी प्रयोग गरेर सकिई सक्ने गरी त्यो औषधि प्रयोग गर्न सकिन्छ !
किनकि औषधिको अन्तिम मिति भनेर जुन महिना बनेको हो त्यो महिना हैन कि, अघिल्लो महिनालाई राख्ने गरिन्छ, जस्तैको माथिको Abc भन्ने औषधि को म्याद २ वर्ष थियो भने त्यो औषधि June 2019 मा बनेको हुने थियो ! यसरी यदि कुनै औषधि आजको दिनमा बन्दै छ र त्यसको Self Life ( म्याद ) १ वर्ष हुन्छ भने त्यो औषधिको अन्तिम मिति April 2022 हुनेछ, ताकि उपभोग गर्नेले तोकिएको महिनाको अन्तिम दिन सम्म उपभोग गर्न मिलोस् !
आशा छ यस पोष्टले केही कुरामाथि पारदर्शिता ल्याउला ! अझै पनि कसैलाई केही प्रश्न छन भने, म भरसक सबैको रिप्लाई दिने छु,
आशा छ आज तपाईँले जे सिक्नु भयो, अरुलाई पनि सिकाउनु हुन्छ ।
धन्यवाद ।
