14/03/2023
Avail your flight booking with us.
QATAR AIRWAYS TO RESUME DAVAO-DOHA FLIGHTS! 🇶🇦✈️
GOOD NEWS! Gianunsyo sa Qatar Airways nga mubalik nagyud ang Davao-Doha flights karong April 1, 2023 human temporaryong naundang og halos 3 ka tuig.
Ang impormasyon nabutyag atol sa ITB Berlin 2023, ang pinakadakong international travel and tourism trade show sa tibook kalibutan nga gipahigayon didto sa Germany.
Kini napud ang mamahimo nila nga 4th destination sa Pilipinas, human sa Manila, Clark, ug Cebu. Nag-inusara lamang kini nga direct flight gikan Mindanao ngadto sa Middle East na dili na gikinahanglan pa muadto og Manila!
Gawas sa Davao City, ibalik napud sa maong airline company ang naandan nila na flight route sa 10 ka mga destinasyon karong tuiga sama sa Beijing, Birmingham, Buenos Aires, Casablanca, Marrakesh, Nice, Osaka, Phnom Penh, Ras Al-Khaimah, ug Tokyo Haneda.
Ang byahe adunay triangular route na Doha-Cebu-Davao flight nga serbisyohan sa ubos sa Boeing 787-8 Dreamliner, na mubyahe matag adlawng Sabado.
Manukad ang flight QR-936 didto sa Doha, Qatar pagka 3:05 AM local time ug gitakdang muabot sa Cebu pagka 5:55 PM. Human sa kapin 90-minute nga stopover sa Cebu, muhawa kini pagka 7:25 PM ug mularga napud pa-Davao City nga gilaumang muabot pagka 8:30 PM.
Ang final leg sa flight muhawa napud sa Davao pagka 10:30 PM ug mubyahe pabalik sa Doha ug muabot didto pagka 3:55 AM local time.
Kahinumduman nga unang gilusad ang weekly flights ngadto sa Davao kaniadtong June 18, 2019 apan kinahanglan pa muagi sa Clark airport.
Ang nahimong desisyon sa Qatar Airways nga ibalik nila ang direct flights kay tungod sa nakita na dakong economic potential sa syudad ug mahatagan pa og dugang na travel options ang ilang mga pasahero.
Source: Aviation Updates Philippines
