https://www.facebook.com/109246904012606/

Supat Valley Kohistan, Dassu, Kohistan Tikai (2024)

17/10/2023

Snowfall at Saif ul Malook
پری دیکھنے کی تلاش میں ہم بھی چل پڑے

جھیل سیف الملوک

23/08/2023

morho valley.🖤

22/08/2023

وادی سوپٹ، بقلم لعل بادشاہ یودن:

لفظ "کوھستان" کا نام سنتے ھی دماغ کی سکرین میں اونچے اونچے اور ہر طرف پھیلے برفیلے پہاڑوں کا منظر گھومنے لگتا ھے، مگر ان پہاڑوں کے بیچ میں ایسا خطہ اللہ نے بچھایا ھے کہ جس کے تصور سے ھی دل میں ٹھنڈک کا احساس ھوتا ھے، اسکے قدرتی مناظر دیکھ کر یوں محسوس ھوتا ھے کہ اللہ تعالی اس خطے پر بہت ھی مہربان ھے۔
اس خطے میں ایک ایسی ھی جنت نطیر وادی ھے، کہ جہاں قدم رکھتے ھی انسان کسی افسانوئی یا خیالی دنیاں میں خود کو محسوس کرنے لگتا ھے، اس خطے کا یہ ٹکڑا زمین پر کسی چھپی ھوئی بہشت سے کم نہیں ھے، جہاں ہر طرف نیلگوں پانی، کہیں صاف شفاف شیشے کی طرح تو کہیں نیلے آسمان کی طرح گہرے رنگ کے ندی نالے وسیع و غریض اور سرسبز میدانوں کے بیچوں بیچ بل کھاتے ھوۓ, جن کے کناروں پر پھولوں کی لڑیاں اپنے خوشبووں سے فضا کو معطر کرتی ھے، اور جب اوپر سے ٹھنڈی ٹھنڈی ھوائیں سرسر کر کے چلنے لگتی ھے تو یہ پھول اور سرسبز میدانوں کی گھاس جھومنے لگتی ھے، ایسا لگتا کہ میرے آنے سے پھول کلیاں خوشی سے جھوم، ناچ کر میرا استقبال کر رھی ھے۔
اس خطے میں بے شمار جھیلیں ہیں، جہاں قدم رکھتے ھی کوہ قاف کی دیومالائی کہانیاں دماغ میں اترتی ھے، جس کے دامن میں گہرے نیلے رنگ کی جھیلیں جہاں پریاں اتر کر تیرنے لگتی ہیں، اور بندہ کچھ دیر کے لئیے تنہائی اور پرسکون ماحول، عجیب سی کیفیت اور ہر طرف سنسناہٹ و پراسراریت کے عالم میں جھیل کے کنارے خود کو ان پریوں کے درمیان مسکراتا ھوا پاتا ھے۔ یہ ایسی کیفیت اور ایسا دلکش و حسین منظر ھوتا ھے جسے الفاظ میں بیان کرنا سورج کو چراغ دکھانے کے مترادف ھے۔

جب صبح کی کرنیں زمین پر پڑنے کے بعد منعکس ھوتی ہیں تو اپنے ساتھ سبز چراگاھو کا رنگ چراکر فضا میں بکھر جاتی ہیں، جس سے سبز اور نیلے رنگ کا ایک قوس قزح بن کر فضا میں ایک ایسا منظر تشکیل دیتے ہیں کہ بندہ چیخ کر اٹھے،
فَبِأَيِّ آلاءِ رَبِّكُمَا تُكَذبٰن۔