Discovering Mianwali

30/11/2023

کندیاں ریلوےاسٹیشن میانوالی۔۔۔
کندیاں کندی قوم کا علاقہ ہے... یاد رہے یہ لفظ کندی ہے کنڈی نہیں... کنڈی پٹھان قبیلہ ہے... جبکہ کندی اپنا سلسلہ نسب مشہور مسلمان سائنس دان یعقوب الکندی سے جوڑتے ہیں... یعنی عرب... اس نسبت سے اسکا علاقہ کا نام کندیاں پڑھ گیا ہے... کندیاں پاکستان کا ایک اہم اور حساس علاقہ ہے... 1978 میں پاکستانی سائنسدان منیر احمد خان کی کاوشوں سے یہاں چشمہ نیو کلئیر پاور پلانٹ تعمیر کیا گیا ...
کندیاں ریلوے اسٹیشن پاکستان کا تیسرا بڑا ریلوے جنکشن ہے... کسی دور میں یہاں سے 12 مسافر ٹرینیں چلا کرتی تھیں.... اب یہ تعداد صرف دو رہ گئی ہے... اور تو اور اربوں روپے مالیت کے تیس انجن بھی ناکارہ کھڑے ہیں پاکستان ریلوے کو لوکوموٹوشید اور ریلوے ورکشاپ بھی ہے.... کندیاں ریلوے اسٹیشن پہنچ کر گاڑی کا انجن بھی تبدیل کر دیا جاتا ہے ....
کہتے ہیں کہ یہاں ایک اسٹیشن ماسٹر میل سنگھ نے 1904 میں گردوارا بھی بنوایا تھا... اسکے اثرات اب بھی موجود ہیں... کندیاں سے ایک سڑک ڈیرہ اسماعیل کو جاتی ہے .... کندیاں میں گاڑی کا قیام آدھا سے پون گھنٹا ہوتا ہے... یہاں انجن تبدیل کیا جاتا ہے.یہ ملتان اور سرگودھا خوشاب لالاموسیٰ کے لئے جنکشن ہے ... کندیاں ریلوے اسٹیشن ایک بڑا اور قدیمی ریلوے اسٹیشن ہے... کندیاں سے آگے گاڑی چشمہ بیراج کی نہروں کو کراس کرتے پپلاں کی جانب چل پڑتی ہے... راستے میں چشمہ پاور پلانٹ کا ٹرین سے نظارا قابل دید ہے ۔۔شکریہ

29/11/2023

. میانوالی کے انمول خزانے خوابیدہ وارث

جب بھارت سے تجارتی تعلقات بحال تھے، ایک روز واہگہ بارڈر جانے کا اتفاق ہوا. بارڈر سے تھوڑا پہلے دائیں طرف کچھ دفاتر بنے ہیں ان کے سامنے الٹے ہاتھ لدے ہوئے بیسیوں ٹرک ایک طویل قطار کی صورت بھارت جانے کیلئے اجازت کے منتظر کھڑے تھے.

حسب عادت پوچھا کہ بھئی اس قدروافر مقدار میں کیا چیز ہمارے یہاں سے بھارت جاتی ہے. بتانے والے نے بتایا کہ مٹی. مزید تحقیق پر پتہ چلا کہ میانوالی کے علاقے سے ایک سفید مٹی نکلتی ہے جسے ہائی ایلومینا کلے کہتے ہیں. اس مٹی کے قریب دوسو ٹرک روزانہ بھارت جاتے ہیں. اتر پردیش میں موجود ایلومینا بنانے والے 'رینوکوٹ ایلومینا پلانٹ' کو سب سے زیادہ قریب اور سستا یہی پڑتا تھا کہ وہ میانوالی کی ہائی ایلومینا کلے استعمال کرے.

حیرت، شرمندگی میں اس وقت تبدیل ہوئی جب بتانے والے نے بتایا کہ محض تین روپے فی کلوگرام بھارت کو بیچی جانے والی یہ وطن کی سفید مٹی ایلومینا میں تبدیلی ہوکر دوبارہ چالیس روپے فی کلو پھر ہمیں ہی بیچی جاتی ہے. کہ روزانہ کی بنیاد پر کئی کنٹینرز تیار ایلومینا کے بھارت سے منگوائے جارہے ہیں جو اس میانوالی کی مٹی سے ہی تیار ہوا ہے.

دوستو! ایلومینا ،ایلومینیم دھات جسے عرف عام میں سلور کہا جاتا ہے کا ایک مرکب ہے جو خام حالت میں جب زمین سے نکلتا ہے. اس میں پچپن سے پچاسی فی صد تک ایلومینا ہوتا ہے اور باقی بے کار لوازمات. اس خام ایلومینا کو باکسائیٹ یا ہائی ایلومینا کلے کہا جاتا ہے. باکسائیٹ سے ایک عمل کے ذریعے جسے بائیر پراسس Bayor process کہتے ہیں، خالص ایلومینا Alumina حاصل کیا جاتا ہے. یہ خالص ایلومینا، ایلومینیم دھات بنانے کے کام آتا ہے . اس کے علاوہ اس سے درجنوں دیگر مفید کیمیائی مرکبات بنائے جاتے ہیں.

اس ایلومینا کو گندھک کے تیزاب کے ساتھ عمل کرکے ایلومینیم سلفیٹ بنایا جاتا ہے. اسے عرف عام میں پھٹکری بھی کہتے ہیں. اسلام آباد کے قریب واقع سملی ڈیم میں جہاں سے اسلام آباد کے بیشتر حصہ کو پانی سپلائی کیا جاتا ہے، روزانہ بیس ٹن یہ پھٹکری ڈالی جاتی ہے. جس سے گدلا پانی صاف ہوکرسپلائی کے قابل ہوتا ہے. اور ایک عرصہ تک یہ عمل بھارت سے درآمد کیے گئے ایلومینا سے بنائی جانے والی پھٹکری سے ہوتا رہا ہے. آجکل چین سے درآمد شدہ ایلومینا سے بنائی جارہی پھٹکری زیر استعمال ہے.
باکسائیٹ سے ایلومینا بنانے کا پلانٹ بالکل فلوٹنگ پیپر مل جیسا ہوتا ہے. اسی ڈایجسٹر جس میں توڑی ڈال کر گلائی جاتی ہے، میں باکسائیٹ اور کاسٹک سوڈا ملا کر کچھ دیر زیادہ دباؤ اور درجہ حرارت پر گرم کرنے سے ایلومینا اور دوسری بے کار لوازمات علیحدہ ہوجاتی ہیں. سنتے ہیں کہ پاکستان میں بہت سی پیپر ملیں بند پڑی ہیں. اگر کوئی قابل بہادر انجینئر طبع آزمائی کرے تو یہ کام کیا جاسکتا ہے.

بھارت میں دوہزار ٹن روزانہ یا اس سے زائد استعداد میں ایلومینا بنانے والے درجن بھر کارخانے موجود ہیں. چین میں تیس سے زائد. اس کے علاوہ سعودی عرب، ترکی، ایران حتی کہ ویت نام اور وینزویلا جیسے ممالک میں بھی ایلومینا بنانے کے کارخانے کام کررہے ہیں جبکہ وطن عزیز میں ہم ضرورت کا سارا ایلومینا پہلے بھارت اور اب چین سے درآمد کرتے ہیں.

جس طرح پاکستان کے پاس وافر مقدار میں خام مال موجود ہے ہم اگریہاں بڑے ایلومینا پلانٹس لگالیں تو نہ صرف مقامی ضروریات کو پورا کرسکتے ہیں میانوالی کی قسمت بدل سکتی ہے ۔بلکہ دوبئی اور ابوظہبی میں موجود ایلومینیم بنانے کی دنیا کی سب سے بڑی فیکٹریوں دوبال اور ایمریٹس گلوبل ایلومینیم کو بھی ایلومینا فراہم کرسکتے ہیں کیونکہ میری معلومات کے مطابق ان دونوں کمپنیوں کیلئے ایلومینا جنوبی افریقہ سے منگوایا جاتا ہے.

20/11/2023

میانوالی کے چنے۔

میانوالی کو خدا نے سب کچھ دیا ہے معدنیات سے لیکر ہر فروٹ سبزی تک کاشت ہوتی ہے
پاکستان کا شاید ہی کوئی ہوٹل یا گھر جہاں میانوالی کے چنے ناشتے میں استمال نہ ہوتے ہوں ۔ کیوں کہ جو چنے ہر ہوٹل اور گھر میں ناشتے میں کھائے جاتے ہیں وہ میانوالی کے چنے ہی ہوتے ہیں ۔ کیوں کہ میانوالی کے چنوں کے بغیر ناشتہ ادھورا ہے ۔
میانوالی کے چنے پورے پاکستان میں مشہور ہیں۔میانوالی کے کاشتکاروں کی سب سے اہم فصل چنا ہے۔ چنا بارانی فصل ہے یہ ریت کے ٹیلوں پر بھی ہوجاتی ہے۔ اس فصل کا سارا دارومدار بارشوں پر ہوتا ہے اگر بروقت بارشیں ہوجائیں تو فصل انتہائی بہترین ہوتی ہے ملکی سطح پر بھی بروقت بارشوں سے زرمبادلہ بچ جاتا ہے اگر بروقت بارشیں نہ ہوں تو ملکی ضروریات پورا کرنے کیلئے چنا دیگر ممالک سے منگوانا پڑتا ہے جس سے ملکی خزانے پر بوجھ بڑھ جاتا ہے۔
اگر ہم صرف چنے کی کاشت کرنے والے کاشت کاروں کو ہر طرح کی سہولیات دیں اور جدید ٹیکنالوجی کا استمال کریں تو میانوالی کی قسمت بدل سکتی ہے

11/11/2023

A Beautifull Documentary on Mianwali Distric..
Video Credit... Discover Pakistan Channel..

03/08/2023

کالاباغ میانوالی کے گلابی نمک کے بلب .

کالاباغ میں نمک کی بہت سی کانیں موجود ہیں ان سے زیادہ تر نمک خام مال کی صورت میں کوڑیوں کے بھاؤ بیچا جا رہا ہے اگر پرائیویٹ سیکٹر میں کچھ لوگ آگے آئیں. نمک کے بلب اور لیمپ بنا کر اپنا برانڈ بنا کر بیچیں تو کروڑوں ڈالرز کا زرمبادلہ میانوالی پاکستان میں لا سکتے ہیں. میانوالی کے نوجوانو کو روزگار کے مواقع میسر آ سکتے ہیں اور کالاباغ شہر و گرد نواح کے علاقوں کی قسمت بدل سکتی ہے یاد رکھیں پنک سالٹ پاکستان کی پراڈکٹ ہے اسے مختلف طریقوں سے ، مختلف شکلوں میں ڈھال کر انہیں بیچنا آپ کا استحقاق ہے. پنک سالٹ بلب کے بیشمار فائدے ہیں ہوا کو صاف کرتا ہے الرجی اور دمہ کو کم کرنے کی لئے مفید ہے کھانسی اور عام سردی کی دیگر علامات کو دور کرتا ہے.

01/08/2023

پنک سالٹ . کالاباغ کا سونا
پاکستان میں نمک پیدا کرنے والا کھیوڑہ اور وڑچھہ کے بعد تیسرا بڑا شہر کالاباغ ہے کھیوڑہ اور وڑچھہ کی نمک کی پیورٹی بلترتیب 99 اور 98 پرسنٹ ہے جبکہ کالاباغ کے نمک کی پیورٹی 96 پرسنٹ ہے
وڑچھہ اور کھیوڑہ کا. نمک زیادہ تر بیرون ملک جاتا ہے اور کالاباغ کا نمک پورے پاکستان میں سپلائی ہوتا ہے جو کہ خام مال کی صورت میں ہوتا ہے. جو کہ کوڑیوں کے بھاؤ بکتا ہے اس میں ہم value addition کر کے بیرون ملک سونے کی بھاؤ بیچ سکتے ہیں.
دنیا میں اس وقت 4 کروڑ دمؔے کے مریض ہیں ۔ یورپ میں تقریباً ہر دسواں بندہ اس موذی مرض کا شکار ہے اور دوائیوں سے وقتی آرام تو آ جاتا ہے لیکن اس کا کوئ مستقل علاج نہیں ہے
کالاباغ میں نمک کی سینکڑوں کانیں موجود ہیں جن میں کچھ alive ہیں اور کچھ متروک
اگر پرائیویٹ سیکٹر میں کچھ لوگ آگے آئیں اور ان نمک کی کانوں میں Asthma Resort بنا کر ان کی دنیا بھر میں Aggressive Marketing
کی جاۓ تو ہم دنیا بھر سے دمے کے لاکھوں مریضوں کے لیئے
میڈیکل ٹورزم کا بہترین Destination
بن سکتے ہیں اور کروڑوں ڈالرز کا زرمبادلہ پاکستان میں لا سکتے ہیں
اور کالاباغ شہر و گرد نواح کے علاقوں کی قسمت بدل سکتی ہے
پولینڈ اس وقت ساری دنیا میں سب سے زیادہ ریوینیو
دمہ یا Asthma کے مریضوں سے
اس قسم کے ریزورٹ بنا کر حاصل کر رہا ہے
جبکہ پاکستان کے پاس دنیا کے سب سے مہنگے پنک سالٹ کی کافی زیادہ کانیں موجودُُہیں
ذرا سوچیئے !
kalabaghpinksalt

27/07/2023

By Allah's command, today we are going to create a new page, the purpose of which is to discover the beauty of Mianwali and the natural resources of Mianwali.
GemsOfMianwali

الله کی حکم سے آج ہم ایک نیا پیج بنانے جا رہے ہیں جس کا مقصد میانوالی کی خوبصورتی اور میانوالی کے جو نیچرل ریسورسز ہیں انکو ڈسکوور کرنا ہے

07/02/2023

18/08/2021