12/07/2023
د تېرو څو کلونو نه سېلګرې يا په غرونو پيدل ګرځيدل زمونږ خوښه مشغله ده, چې خپلو کښې سره راټول شو نو هم په دهغه ډيرو سختو , ستړيو او خوږو يادونه سره مشغولېږو او اوس دومره خبرې, يادونه او قصې لرو چې ورځي زمونږ دهغه ياداشتونو ملنډو او مسخرو ته هميشه کمې شي, بيا اختر دې وي ياران دې راټول شي او د بل چکر/ټريک پروګرام دې نه وي تر دې دمه ناممکنه ښکارې, زمونږ د چکر/ټريک د ځائ تعين او مېپ ذيموارې د فېضان رور وي او هغه په دهغه کښې پوره خودمختاره دی بلکښې ډيکټېټر دی چې هيس بله د چا نه منې او د هغه يو ډير عجيبه لاجيک دی چې زه هغه چرته نه ځم چرته چې خلق يا پلاسټک وي خو دا ځل پسي مونږ هم پشې شا منصوبه بندې خپلو کښې کړي وه چې عدم عتماد به پرې پيش کوو او دا ځل به د سوات غرونو نه بهر ټريک کوو او د خدائ کړه وو چې سړی رضا شو او دا ځل د کرامبر ډند بروغيل درې چترال karamber lake ,broghil valley chitral چکر جوړ شو او د اختر په دريمه مو سره فېصله وکړه چې سبا به د کرمبر ته اوځو خو د هغې لپاره لازمی وه چې خپل دهغه شک لر کړو چې دهغه ډنډ ته تللو له NOC راغستل لازمی دې کنه او هم د دهغه معلوماتو لپاره فېضان د خپل فيسبوک په پاڼه د ملګرو نه وپوښتل چې ډيرو خلقو پکښې مختلف جوابونه ورکړل او هم د دهغه پوسټ په ليدلو د پنډې نه راشد رور چې د فېضان فېسبک ملګری دی په ټلېفون رابطه وکړه او وئيل ئي چې مونږ هم راوان يو او د NOC انتظام تقريبا شوی نو که تاسو مونږ سره ځئ نو يو ځائ به لاړ شو بس بيا څه وو ماښام په شپږ خبره وشوه او په 9 مو د وتلو تياري ونيوله ځکه چې هغوي د پنډۍ نه راوتلي وو, په دهغه 2,3 ګهنټو کښې مو سامانونه راټول کړل او خپل ګاړي کښې کيناستلو او چترال بونې ته مو مخښه کړه, په ګاړي کښې سره 5 ملګرې وو چې دوه پکښې ډرائيوران وو او مونږ 3 خو سبحان الله, د لږ مزل نه پس مو غوښتل چې ګاړي کښې سندره ولږو خو چې ټېپ مو آن کړو نو خبر شو چې د ګاړي ټېپ کار نه کوي او ټوله شپه به هم داسي مزل کوو, د کور نه تر چترال ټنل پورې اسد ډرائيونګ وکړو او د هميشه شان مونږ شروع کښې غېر معمولي خوشحاله, خندا ګانې مو وکړي خو څنګه چې شپه مينځ ته شوه نو سترګې غړول مو د وسه اوتل, په لاره مو سره فېصله وکړه چې يو بل به خوب ته نه پريګدو او فېضان پکښې اوئيل چې که څوک اوده کيدلو نو سکونډ به ورته ورکوو, د تېمرګرې نه وړاندې فېضان سر شاته په زنګيدلو شو, کوشش به ئي وکړو چې ويښ پاتي شي خو بې اختياره به ئي سترګي پټې او خوله وازه شوه ټاټۍ سره به ئي اوئيل چائ, او بيا بس هر لږ ساعت پس به مو اواز کولو چينې کم, پتی زياده اور دود پتې او هم په دهغه ذکر کښې سحر ته بره دير کويټه چائ ته ورسيدو او هلته مو چائ پراټه وکړل نو ايله مو سترګې وغړيدې او واپس ژوندې شو, خو په پوره دير کښې سپو ګاړي پسي منډې اوهلي, د ټنل نه وړاندې روډ تېر ځل ترکول وو البته دا ځل پکښې کار راوان وو او ټوله لار کچه ده او د چترال دوړې دې چې اوهي دې نو لکه ژرندې نه چې رابهر شي, زمونږ سره موټر ګاړی وو او روډ کچه وو نو هم د دهغه وجي لږ روسته ورسيدو چې بونې کښې راته راشيد, سليم,عرفان او احمد رور انتظار کولو چې ټول د پنډئ سره تعلق لرې, چترال د خاورو سپېره غرونه لرې او مينځ ئي د سيند د اوبو سره تک شين وي چې د سړې سترګي پرې بريښي البته سيند ئي عموما خړ وي ځکه غرونه ئي خاورين دې او د معمولي اوبو سره پکښې سلائيډنګ خطره وي, خلق ئي نرم مزاجه او امن پسند دې, نور د خوبانو , توتانو , مڼو کورنو او چېرې وغېره ميو خو تاسو ټولو ته پته ده ئي چې هره لار , چمن او ګودر کښې ميوي دې, خېر چې ورسيد نو سليم رور راته د سيد ولي ګيسټ هاوس سره لاس راکړو او مونږ ورکوز شو , د سليم او نورو ملګرو سره دا زمونږ اولنی ملاقات وو نو فېضان ورسره خبرې اترې کولي او مونږ په خېر پخېر ګزاره وکړه خو لږ ساعت کښې خبر شو چې نن ورځ د چهټئ ده نو DC نيشته نو NOC به راته سبا له ميلاويږي او مخ په وړاندې سفر به د هغې نه پس شروع کوو بس بيا څه وو سترګې مو سرې وي او دهغه خبره مونږ له پوره وه او لاړو سملاستو او مازيګر راويخ شو,لا ملاست وو چې اسامه راغی او وئيل ئي ققلاش ته اوځو نو ستاسو اراده شته کنه, دهغه وينا سره پاسيدو او د افتخار رور جېف کښې کيناستو , افتخار رور د يو جدا شخصيت مالک وو, سور سپېن رنګ نری دنګ قامت او هر وخت په مخ خندا, په 15 منټه کښې ئي د 9 واړه ملګرو نومونه ياد کړي وو ه او لږ ساعت کښې داسي محسوسيدله چې لکه د عمر ملګری مو وي, ققلاش ته چې لاړو نو سيزن ئي تېر وو البته دهغه بانډه لکه د يوې سحرا لږيدله او لاندې د بونې بازار ترې داسي لکه د شين غمې ځليږي, د لږ ډير ګرځيدلو او تصويرنو ويستلو نه پس واپس بونې ته راغلو خوراک سخاک مو وکړو او اوده شو, د سحر پاسيدلو سره د NOC په غم راويښ شو د مختلف خلقو په وينا 11 بجو ته مو NOC ترلاسه کړه, بېګونه مو د جېف په چت کېښول او ګاړي ته سواره شو , نن ورځ مزل لږ ګران دی د بونې نه تر ققلاشه 10,11 ګهنټي سفر دی چې روډ ئي کچه,نری او لاندې ترې خړ سيند بهيږي, افتخار رور په يو لاس کښې موبائل نيولی دی او په يو لاس ګاړی چلوي, کم ملګرې چې د سيند طرف ته ناست دې نو په زړه ئي خدائ خبر دی بل هر 5 منټه پس د واده ګاړي دې چې مخې له راځي خدائ خبر چې د چترال خلق صرف په اختر واده کوي که ولي, سليم رور په لاره لاره د افتخار نه د هر غر, هرې خوړګئ او هر ګليشئر په اړه معلومات اخلي, هر کلي ته وائي چې (افتخار یار یہ گاؤں بہت پیارا ہے ) بيا لږ وړاندې ولي راشي د اوبو نو دی وائي(عرفان دیکھو تو کیا کرسٹل پانی ہے) بيا سمدستي وائي (فیضان بھائی دیکھوں کتنا خوبصورت پہاڑ ہے بلکل کے ٹو جیسا) د هرې ګهټې, بوټي , نالئ, ابشار , کلي او غره نه چې سليم رور کم خوند اخلي شايد که بل څوک ترې اخلي , عرفان هم په خپل راښکلي اواز کښې پرې سبحان الله وائي د سليم رور د دومره خوښي اظهار سره زمونږ ملګرې هم سرونه چاپېره چورلوي چې کم ځائ دې دا دومره ښکلي غرونه , کلي ابشارونه خو شايد دوي ترې هغه خوند نشي هغيستلی, د مستيج نه تر لشکرګاز پورې د چيترال سکاوټس 8 چوکۍ دې چې په هره چوکۍ انټرې کوي البته زمونږ ډرائيور د اين او سي سره زمونږ پوره معلومات په پاڼه ليکلي وو او په هر چوکۍ مو ورله يوه يوه کاپې جمع کړه چې زمونږ وخت ئي بچت کړو , افتخار په پوره لار مشغول کړو, په خپل ګاړې ډير مئين دی په هر خبره وائي (سلیم بھائی یہ جان ہے میری) د مستيج نه تر لشکرګاز پورې روډ کچه او نری دی البته افتخار پرې په خپل مخصوص انداز کښې په 40 سفيډ ځي, دا ټوله لار ډيره خايسته ده البته روډ ئي داسي دی چې ساه به دې بنده وي, چترال کښې کليول ژوند هم په هغه خپل زوړ شکل کښې موجود دی د بروغيل درې 80% خلق اغا خان کميونټي سره تعلق لرې او د اغا خان کارونه خپل خلقو له د ستائنې وړ دې تر واخانه ئي ورته د سکول , اوبو او رڼا انتظام کړی, دا ټوله لاره دنګ دنګ غرونه لرې , ھره دره کښې خوړګۍ دې چې اکثر پکښې به ګاړی کراس کوي هم چې افتخار ترې ډير تنګ وو بلکښې کشکنجا خوړ خو ئي د سر درد وو او چې اوبو ته ئي جېف ورکوز کړو نو تر چته ئي پورته شوي او هغه دهغه سټنټ ته ډير خوشحاله وو, د کشنکنجا نه وړاندې په يو چېک پوسټ خبر شو چې وړاندې روډ اوبو وړی دی مونږ ټول ئي خفه کړو افتخار رور هم سوچ واغست البته مونږ اراده وکړه چې ورځو او په هر حال کښې ورځو, لار د کوئو زووم سره ورانه وه په لاره مو پسي بېلچه راغيستې وه بس بيا څه وو زه او سليم رور شروع شو او په موشکله سره مو د 2 ټائرونو لار جوړه کړه چې افتخار رور مونږ ټول ګاړي نه کوز کړو او دهغه ځائي کښې ئي ګاړی تېروست , ماسخوتن 9 بجو ته اخرې چېک پوسټ ته ورسيدو , د پېنځلسمې سپوګمۍ خپل په پوره غرور د غره نه راښکاره شوه , په دهغه چيک پوسټ تقريبا يوه ګهنټه ودريدلو چې خالص د افغانستان بارډر غره ويخ کښې دی او د ټولو لوازماتو پس راوان شو او تقريبا 11 بجو ته لشکرګاز ته ورسيدو او هلته مو شپه تېره کړه, سحر وختي پاسيدو د لشکرګاز خواره ميدانونه سړی بېخي حېران کړي چې په ګهنټه کښې يو ميدان نه ختميګي او په هر دوه ميټره کښې درباندې مرميډ اواز کوي, پيدل سفر مو د لشکرګاز ميدان د اخرې سر نه شروع کړو او د لږ مزل نه پس زه د ملګرو نه جدا شوم او د قدرت دې نظارو کښې ورک شوم د غرونو په لمنو کښې په کليوميټرو شنه او د ګلونو ډک دشتونه, هر غره سره خپله دصفا اوبو خوړګۍ چاپېره د واورو سپېنې د غرونو څوکۍ او هر دوه مېټره کښې د مرمډو چغې چوغارې او د ياکس/ ځنګلي څارو سيلونه د پوره پېنځه کهنټو ستړې مزل نه پس د کرامبر ډنډ مې تر سترکو شو, کرامبر ريښتيا هم د دنډانو بادشاه دی ګېر جاپېره ترې دنګ دنګ غرونه چې کالو سر پرې د واورو څادر خپور وي او ګېر چاپېره ترې شنې لمنې, زما ملګرې له ما شاته وو نو زه د لږي دمې نه پس پاسيدم ويډيوز مې ترې وکړي دا شين 4 کلومېټره ډند او چاپېره ترې تر اسمانه دنګ دنګ غرونه سړی خپل په حصار کښې اخلي زه ترې چاپېره وګرزيدم او بيا وخت په وخت نور ملګرې راغلل, د ملګرو رارسيدلو سره مو ټېنټونه ولږول, ملګرې دمې ته کيناستلو د لږي دمې نه پس ټول بهر راغلو د ډنډ نه سره ئي تصويرونه او ويډيوز جوړي کړي, ما او فېضان ئي په غاړه 1 ګهنټه مزل وکړو , د مازيګر شعاګانې په اوبو پړق کوي ښه ډير تصويرونه مو جوړ کړل خو چې شاته مو وکتل نو کېمپ مو ايله په سترګه راتلو او واپس تلو ته مو ملا ماته وه, خېر راتلل خو وو نو راغلو ملګرو روټئ کړي وه ټول ستړې وو يو نو د اوده کيدلو موډ کښې وو د لږ ګپ شپ نه پس مو قهوه پخښه کړه او اوده شو , سحر 3 بجې د خر په الرم زه راويخ شوم او چې راويښ شوم نو خبر شوم چې ملګرو شپه روڼ کړي ده, هوا وه او په ټېنټ خور پلاسټک څوک خوب ته نه دې پريښي , سمدستي مو ټېنټونه راټول کړل, بېګونه مو وتړل او 5 بجو ته مو واپسي وکړه, د دومره تادۍ وجه زمونږ واپس لار وهل وو چې په منډو منډو مو ځان افتخار ته راورسو چې راورسيدلو او افتخار زمونږ اواز واوريدلو نو د خوشحالۍ انتها ئي نه وه جوخت راغاړي وتلو او وئيل ئي چې (صلاح بھائی ماں گئی ) بيا چې ملګرې ټول راغلو نو خوراک نه واپس مو دوباره د ګاړې سفر شروع کړو اوس ملګرې ستړې وو نو دې سفر ته ئي زړه مات وو, البته سليم رور هم هغه شان د هر بوټې او خوړګي تپوس کولو چې افتخار هم تنګ شو نو بيا به ئي صرف دهغه وئيل (سلیم بھائی یہ سارا گلیشئر کا پانی ہیں) ماښام 9 بجو ته د لشکرګاز نه بونې ته راغلو , دا سفر د سړې کولمې وشاربې , بل دهغه روډ داسي دی چې زړه به دې هر وخت دهغه وائي چې اوس به سيند ته وليږم په دې کښې افتخار تورې چشمې لږولي ئي چې انتهائي خوند ورسره کوي او 40 سفيډ راوان وي,په اخره کښې سليم رور د فېضان نه تپوش وکړو چې چکر نه دې خوند واغست کنه , هغه جواب ورکړو چې ډير خوند ئي وکړو , هغه ترې بيا تپوس وکړو چې (آپ کے ٹیم نے انجوائے کیا) بس بيا ورسره جواب نو البته بله ورځ پرې مونږ تر کوره پورې ګپې اولږولي, د شپې مو خوراک نه پس سليم رور دلي نه روخست راوغيست او سحر بيا خپل د کور په لار راوان شو په ټوله لار مو د سليم رور او افتخار تر مينځ مکالمې يادولي او خوند مو ترې هغيستلو ,څومره چې کرامبر ډنډ خايسته وو هم دومره د سليم او افتخار شخصيت زړه راښکونکی وو .
