10/06/2024
*تحديـثـات السفـر للدول الافريقيه والخليجيه* 💖🇸🇩
*1: جمهورية مصر العربية 🇪🇬*
الدخول لها صعب جدا كما يعلم الجميع
تـاشيرة : من بورتسودان تحتاج لي شهور أشان تاخذة مجانية من سفارة وشبة متوقفة فى السفارات المصرية حول العالم كلها
أسهل وسيله لدخول مصر : الموافقة الأمنيةوسعرها نار للاسف فوق لل 2500$
*طيب ماهي الموافقة الأمنية:-*
يسمح لحامل الموافقة الامنية الدخول لجمهورية مصر العربية وهي بمثابة تاشيرة دخول ويعامل القادم الي مصر بها معاملة حامل التاشيرة و تقدر تعمل بيها أقامة فيها تطلع في خمسة يوم عمل .
توضيح سعرها عالي من بلدها الناس ماتفكر انه الوكالات هي رافعة سعرها وهم تجارأزمات من بلدها مولعه نار وما تشتغلوها الا مع زول مضمون لأنها مخاطر فيها عالية وعندها ألية محددة ما اى شخص يقول عندى موافقة أمنية خلاص بنجز ليك
2. *أوغندا 🇺🇬*
الدخول ليها ممكن بِوثيقه سفر و بتقبل اضافه الاطفال علي الجواز ( اذا السجل المدني سمح بالخدمات دي ) عموما مطار عنتبي ( كمبالا ) بيقبل الوثيقه و الجواز المُمدد، بالنسبه للفيزا كانت عند الوصول في المطار لكن حالياً اصبحت اونلاين و يوغندا دوله رخيه و السكن فيها متوفر و التعليم ممتاز و فيها درجه امان كويسه جدآ و فرص استثمار ممتازه!
*3.إثيوبيا🇪🇹*
*ممكن تدخل بالبر عبر القلابات الفيزا حتكلفك 80 دولار و بيدوك ليها في المعبر او المطار و بيقبلو الجواز المُمدد و الوثائق*
أما عن الحياه اثيوبيا كمان رخيه و فيها سكن رخيص و الفرص فيها كويسه سواء للاستثمار او التجاره و هي اقل جاذبيه لأستقرار العائلات من يوغندا لكن تظل خيار ممتاز و سهل للسودانيين.وممكن تقدم للتأشيره اون لاين
*4. إرتريا 🇪🇷*
الفيزا عند الوصول سواء في المعبر او المطار ....... و هنا ننبه الي انو المعبر لسه قافل. ... بالنسبه السكن و الاسعار اعلى من اثيوبيا و المعيشه اصعب شويه و ما بتقبل الجواز الممدد او الوثائق او اضافه الأطفال في الجواز و ما ينفع تجيهم الا بِـ جواز سفر ساري اكتر من 6 شهور
*5. ماليزيا 🇲🇾*
ماليزيا دوله متقدمه و فيها فرص استثمار و دراسه ممتازه و هي وجهه سياحيه معروفه و ما فيها مشكله غير ارتفاع تكلفه المعيشه و هي ما بتدخلك الا بي جواز ساري اكتر من 6 شهور و بيدوك الفيزا في المطار عند الوصول ( فيزا كاونتر ) بس بتحتاج تملا فورم قبل م تسافر الأقامة فيها شوية معقدة وصعبه
*6. رواندا 🇷🇼*
من افضل الدول الافريقيه و هي وجهه ممتازه للسودانيين و فيها جاليه سودانيه كبيره و التعليم فيها ممتاز جدآ و فيها فرص استثمار كبيره و قد تكون من افضل الوجهات الافريقيه للسودانيين حالياً لانو الدخول بفيزا عند الوصول و ما بتقبل اي شي غير جواز سفر ساري اكتر من 6 شهور. فقط ✅
🔴
*حالياً انا برشح ليك يوغندا كأفضل وجهه في افريقيا بالنسبه للسودانيين من حيث الدراسه و نفقات المعيشه*
*غير انها تعتبر بلد لجوء لكل طالبين اللجوء و اجراءته أسهل من هناك*
*ملاحظه:* 🎊🪷🔴
يوغندا تعتبر ارخص من رواندا لكن طبعاً رواندا اكثر رقي و تطور الفيزا ليها اون لاين برضو
*دول الخليج* 🫶🏻🙂↔
7.بالإمارات 🇦🇪
بالنسبه للامارات الشغاله حاليا فقط فيزا الشارقه و ركز كويس هنا!
"الناس ما تغلط و تقدم لي فيزا دبي أو أبوظبي لأنها ح يحصل ليها رفض تلقائي و حتخسر قروشك"
بالنسبه فيزا الشارقه السستم عليه ضغط عالي الأيام دي نسبه لأنه هو الوحيد الشغال حاليا ، يعني الناس تقدم و تصبر بس و التأشيرات بتتقبل بس بتاخد زمن أطول
اذا طلعت الفيزا و دخلت الإمارات ممكن تعمل إقامة الكوارث و هي افضل و ارخص اقامه متاحه حالياً للسودانيين عندها مميزات كتيره
*8.سلطنة عمان 🇴🇲*
متوفره اقامات حره و اقامات مستثمر و فيها مميزات كتيره و هي دوله ذات طبيعه جميله و معيشه رخيه بس سوق التوظيف فيها ضعيف جدا !
*9.السعودية 🇸🇦*
من السودان حاليا للأسف مافي أي طريقة دخول نسبة لعدم وجود سفارة أو قنصلية فاتحه في السودان حتى تاشيرة العمره و زيارة الأعمال وسياحة والشخصية واقفه بعد الحج إنشاء الله ترجع تشتغل تاني .
بالنسبه للزيارات العائليه القدوم أبوظبي أو دبي / مسقط / البحرين / و الاقامات حاليا بننصح تكون جهة عمان فقط ✅
الناس تستحمل شوية حتى أنتهاء موسم الحج وانتهاء الأجازة إنشاء الله كل شي يرجع يشتغل 🙏
✅️أكثر دولة متوفرة فيها فرص عمل
*10.البحرين 🇧🇭*
تأشيرات سياحيه م شغاله الآن
*11. قطر 🇶🇦*
القروش مطر 😊 أقامات متوفرة شديد اما الوظائف شبه معدومة عديل 😂😂😂 بالواضح كده لو ماشي لشغل مضمون طلع اقامتك لو ماشي تدور عمل الا ال cv بتاعك يكون مكتمل 100%
*وبكدة نتمنى نكون غطينا أغلب النقاط الممكن تفيد الناس و دا جزو من واجبنا و مسؤوليتنا الإجتماعيه و ان شاء الله ربنا يلطف بالبلاد و العباد..*
*للفائدة
وكل عام وانتم بخير
وكالة ماجستي للسفر والسياحه
