19/10/2014
رح نرجع نزرع محل كل شجرة صنوبر الف شجرة رح نرجع نعمر محل كل بيت انهد عشر بيوت مليانة ناس منحبها وبتحبنا رح نرحع نسلم ع بعض بعد صلاة العيد بساحة جامعنا الصغير بس الكبير بحب اهلنا لبعضون رح نرجع ندبوك بساحة الضيعة قدام النبعة رح نرجع نسوق الميتورات بطرقات الضيعة رح نرجع نهرب من شباك البيت بعد صلاة الجمعة وننزل عالنهر منشان نصطاد سمك رح نرجع نلعب طابة بساحة المدرسة ونقسمها ع تنين ونعلق بين بعض هاد الفريق صار اقوى واعطيني ه اللاعب من عندك لنكمي اللعبة رح نرجع نحوش دراق من البستان ونستفو بالفلين رح نرجع نعلق مع بعض منشان نعلق عالكراسي ع باص عمي ابو يحيى وعمي ابو علي وبالاخير ما بيقعود الا النسوان واهمشي رح نرجع منشان نلتم ونلعب شدة بالشتا وصوباية الحطب شغالة رح نرجع نعمول موالد والشباب يصفو جمب بعض منشان نوزع طاسات القرا يخنة والبرغل رح نرجع نجتمع ونعمر الضيعة من جديد رح نرجع يعني رح نرجع يعني رح نرجع
