Thailand Info for Myanmar

01/05/2024

ရာသီဥတု အပူချိန်လွန်ကဲမှုကြောင့် ထိုင်းနိုင်ငံတောင်ပိုင်း Nakhon Si Thammarat ခရိုင်တွင်းရှိ ရထားသံလမ်းများ ကွေးကောက်ကုန်ပါတယ်။ ထိုရထားသံလမ်းများ ပုံမှန်အတိုင်း ပြန်ဖြစ်စေဖို့ မီးရထားဝန်ထမ်းများက အချိန်တစ်နာရီကျော်ကြာ ကြိုးစားပြုပြင်ခဲ့ရပါတယ်

News/Photo: credit to Bangkok Post

29/04/2024

🏙 ပင်လယ်ရေမျက်နှာပြင် အမြင့်ပေအောက်ကို တဖြည်းဖြည်း နိမ့်ဆင်း ကျွံဝင်နေတဲ့ ဘန်ကောက် . . . ၂၀၅၀ မှာ တမြို့လုံး ပင်လယ်ရေအောက် ရောက်သွားနိုင်တယ်လို့ ပညာရှင်တွေ ခန့်မှန်းကြလို့ ကာကွယ်ရေးတွေ အသည်းအသန် လုပ်နေတဲ့ ဘန်ကောက် မြို့တော်စည်ပင်နဲ့ . . . ဘန်ကောက်မှာ ကွန်ဒိုတွေ အပြိုင်အဆိုင် ဝယ်နေကြတဲ့ မြန်မာတွေ 😅😅😅

------------------

ကျောက်ဖရား မြစ်ဝှမ်း မြေနိမ့်လွင်ပြင်ပေါ်မှာ တည်ရှိပြီး နှစ်စဉ် လက်မဝက်လောက် နစ်ဝင်နေတဲ့ ဘန်ကောက်မြို့ကို ပင်လယ်ရေအောက်ရောက်မယ်လို့ ပညာရှင်တွေ ခန့်မှန်း နေကြတာအခုမှ မဟုတ်ပါဘူး တော်တော်ကြာပါပြီ။ အဲလို ခန့်မှန်းနေကြတဲ့အတိုင်း ၂၀၁၁ ခုနှစ်က ဘန်ကောက်မြို့တစ်ဝက်လောက် မြုပ်သွားခဲ့တဲ့ ရေကြီးမှုကြီး ဖြစ်ပွားပြီး နောက်ပိုင်းမှာ ဒီလို ဘန်ကောက်မြို့ကြီး ရေအောက်ရောက်လိမ့်မယ်လို့ ခန့်မှန်းတွက်ဆချက်တွေ ပိုမို ခိုင်မာလာခဲ့ပြီး ဘန်ကောက်နေ ပြည်သူတွေနဲ့ ထိုင်းအာဏာပိုင်တွေ အနေနဲ့ နောင်တစ်ချိန် အဲလို ဖြစ်လာခဲ့ရင် ဘယ်ကို ပြောင်းကြမလဲ ဆိုတဲ့ အစီအစဉ်တွေ ချမှတ်လာခဲ့ကြပါတယ်။

Bangkok Soft Clay လို့ခေါ်တဲ့ ရွှံ့မြေပျော့ပေါ်မှာ တည်ထားတဲ့ ဘန်ကောက်မြို့ဟာ နှစ်စဉ် တစ်လက်မရဲ့ သုံးပုံတစ်ပုံကနေ လက်မဝက်ကျော်လောက်အထိ နှစ်စဉ် နိမ့်ဝင် ကျွံကျလျက်ရှိပါတယ်။ ဘန်ကောက်မြို့ရဲ့ အမြင့်ပေဟာလည်း ပင်လယ်ရေမျက်နှာပြင် အထက် တစ်ပေခွဲကနေ ခြောက်ပေ လောက်သာ ရှိပြီး ဘန်ကောက်မြို့ရဲ့ တချို့မြို့နယ်တွေဟာ ပင်လယ်ရေမျက်နှာပြင်အောက် နိမ့်ကျနေပြီး ဖြစ်ပါတယ်။ ဒီလို နှစ်စဉ် ကျွံဝင်နေမှုနှုန်းနဲ့သာ ဆက်လက်နိမ့်ဝင်နေမယ် ဆိုရင် ၂၀၅၀ မှာ ဘန်ကောက်တစ်မြို့လုံး ရေအောက် ရောက်သွားနိုင်တယ်လို့ ပညာရှင်တွေ တွက်ချက်ခန့်မှန်းထားကြပါတယ်

အဲဒါကြောင့် ဘန်ကောက်မြို့တော်စည်ပင်အနေနဲ့ ကြိုတင်ကာကွယ်ရေး အစီအမံတွေကို အင်တိုက်အားတိုက် ကြိုးပမ်းအကောင်အထည် ဖော်လျက် ရှိပြီး ဘန်ကောက်တစ်မြို့လုံး အတိုင်းအတာဖြင့် မြေအောက်ရေလွှဲဥမင်ကြီးများ နှင့် ရေလွှမ်းမိုးမှု ကာကွယ်ရေး အစီအမံများကို လုပ်ဆောင်လျက်ရှိပါတယ်၊ ဘန်ကောက်မြို့ပေါ်မှာ ညစဉ် ၁၀ နာရီနောက်ပိုင်းလောက်ဆိုရင် တချို့လမ်းတွေ ယာယီပိတ်ပြီး မြေအောက် ရေလွှဲဥမင် တည်ဆောက်ရေးတွေ လုပ်လေ့ရှိတာ ဘန်ကောက်နေသူ တော်တော်များများ သတိထားမိကြပါလိမ့်မယ်

ထိုင်းအစိုးရ အနေနဲ့လည်း နိုင်ငံစီးပွားရေး ဖွံ့ဖြိုးတိုးတက်ရေးသာမက ဘန်ကောက်ကနေ ပြောင်းရွေ့ဖို့ ရည်ရွယ်ချက်ပါ ပါဝင်တဲ့ အရှေ့ဖက် စီးပွားရေး စင်္ကြံ (Eastern Economic Corridor) စီမံကိန်းကို အားသွန်ခွန်စိုက် အကောင်အထည် ဖော်နေပြီ ဖြစ်ပါတယ်။ ဘန်ကောက်ရဲ့ အရှေ့ဖက်ကို ကားမောင်းချိန် တစ်နာရီဝန်းကျင်လောက်နဲ့ ရောက်တဲ့ Chachoengsao ခရိုင်၊ Chonburi ခရိုင်၊ နှစ်နာရီ ဝန်းကျင်လောက်သွားရတဲ့ Rayong ခရိုင် အဲခရိုင် ၃ ခုကို ပေါင်းပြီး Eastern Economic Corridor (EEC) စီမံကိန်းကြီးကို အကောင်အထည် ဖော်နေတာ ဖြစ်ပါတယ်။ ဒီဧရိယာထဲမှာ ထိုင်းရဲ့ အကြီးဆုံး ဆိပ်ကမ်းဖြစ်တဲ့ Laem Chabang ဆိပ်ကမ်း၊ အကြီးဆုံး စက်မှုဇုန်ဖြစ်တဲ့ Maptaphut စက်မှုဇုံ အပါအဝင် စက်မှုဇုံအများအပြား တည်ရှိနေတဲ့ အပြင်၊ ဗီယက်နမ်စစ်ပွဲကာလက အမေရိကန် လေတပ်အခြေစိုက်စခန်းဟောင်း ဖြစ်ခဲ့ပြီး လက်ရှိ သုဝဏ္ဏဘူမိ လေဆိပ်ထက် ဧရိယာပိုမို ကျယ်ဝန်းတဲ့ U-Tapao လေဆိပ်ပါ တည်ရှိနေတာ ဖြစ်တာမို့ လက်ရှိ ရှိပြီးသား အခြေခံ အဆောက်အအုံတွေကို အခြေခံပြီး ပိုမိုကောင်းမွန်တဲ့ စီးပွားရေး ဖွံ့ဖြိုးတိုးတက်မှု စီမံကိန်းတွေကို အကောင်အထည် ဖော်နေတာ ဖြစ်ပါတယ်

ဒီစီမံကိန်းကြီး ရုပ်လုံးပေါ်လာတာနဲ့အတူ ဘာလုပ်လုပ် စနစ်တကျ လေ့လာကွင်းဆင်း တွက်ချက်ပြီးမှ လုပ်တတ်တဲ့ ဂျပန်လူမျိုး စီးပွားရေးသမားတွေဟာလည်း Chonburi မြို့နဲ့ Laem Chabang ဆိပ်ကမ်းကြားမှာ တည်ရှိတဲ့ Sri-Racha မြို့မှာ လာရောက်နေထိုင် ရင်းနှီးမြှုပ်နှံလျက် ရှိပြီး အခုဆိုရင် အဲဒီ Sri-Racha မြို့မှာ ဂျပန်လူမျိုးတွေ လာရောက်နေထိုင်တာ အလွန်များပြားလာတဲ့အတွက် Little Japan in Thailand လို့တောင် တင်စားခေါ်ဝေါ်နေကြပြီ ဖြစ်ပါတယ်

၂၀၁၁ တုန်းက ဘန်ကောက်မြို့တစ်ဝက်လောက် ရေမြုပ်သွားတဲ့ အိပ်မက်ဆိုးကြီးဟာ ဘန်ကောက်မြို့နေ ပြည်သူတွေကို အခုအချိန်အထိ ခြောက်လှန့်နေဆဲ ဖြစ်ပါတယ်။ ၂၀၁၁ ရေကြီးမှု နောက်ပိုင်း ဘန်ကောက်မြို့ပေါ်မှာ ကွန်ဒိုတွေ အိမ်ရာစီမံကိန်းတွေ အများအပြား အသစ်ထပ်မံပေါ်ပေါက်လာပေမဲ့ ဒီအိပ်မက်ဆိုးကြီးရဲ့ ခြောက်လှန့်မှုရှိနေဆဲ ဖြစ်တဲ့အတွက် ဒေသခံထိုင်းတွေအနေနဲ့ ဘန်ကောက်မှာ အိမ် ခြံ မြေ ရင်းနှီးမြှုပ်နှံဖို့ စိတ်ဝင်စားမှု နည်းပါးဆဲ ဖြစ်ပါတယ်။ ဘန်ကောက်နဲ့ ဘန်ကောက်ဝန်းကျင်မှာ တည်ဆောက်ထားပြီး အခုအချိန်အထိ ရောင်းမထွက်တဲ့ ကွန်ဒိုအခန်းပေါင်း သိန်းဂဏန်းလောက် ဖြစ်နေတာ ကြည့်ရင် သိနိုင်ပါတယ်။ ထိုင်းအများစု အနေနဲ့ ဘန်ကောက်မှာ အိမ် ခြံ မြေ အသစ်တွေ ရင်းနှီးမြှုပ်နှံမယ့်အစား အရှေ့ဖက်စီးပွားရေးစင်္ကြံဒေသမှာ ပါဝင်တဲ့ ခရိုင် ၃ ခုမှာ ရင်းနှီးမြှုပ်နှံမှု ပိုမို ပြုလုပ်လာတာကို တွေ့ရပါတယ်

လက်ရှိ လူဦးရေ အထူထပ်ဆုံး မြို့တော် ဖြစ်နေတဲ့အပြင် စီးပွားရေး အချက်အခြာ မြို့တော်လည်း ဖြစ်တဲ့ ဘန်ကောက်ကို လောလောဆယ် လက်လွှတ်လို့ မရသေးပေမယ့် အချိန်မရွေး သဘာဝ ဘေးအန္တရာယ် ကျရောက်လာနိုင်တဲ့ အနေအထားရှိနေတဲ့ အရပ်ဒေသ ဖြစ်တာမို့ ရေရှည်ရင်းနှီးမြှုပ်နှံဖို့ ရွေးချယ်သင့်တဲ့ နေရာဒေသတစ်ခုတော့ မဟုတ်ပါဘူး။ ပင်လယ်ရေမျက်နှာပြင်အထက် တစ်ပေခွဲကနေ ခြောက်ပေလောက်အထိပဲ အမြင့်ရှိတော့တဲ့ အပြင် နှစ်စဉ်နိမ့်ဝင်နေရုံမက ကမ္ဘာကြီး ပူနွေးလာမှုကြောင့် ကမ္ဘာ့ပင်လယ်ရေ မျက်နှာပြင်ကလည်း နှစ်စဉ် ၄ မီလီမီတာနှုန်း မြင့်တက်လာနေတာကြောင့် ဘန်ကောက်မြို့ဟာ သဘာဝဘေးအန္တရာယ်ရဲ့ ခြိမ်းခြောက်မှု ကြီးမားစွာ ရှိနေတဲ့ မြို့တစ်မြို့ ဖြစ်ပါတယ်။ လူလုပ်အစီအမံတွေ ဘယ်လောက်ကောင်းကောင်း သဘာဝဘေးအန္တရာယ်နဲ့ တကယ်တမ်းကြုံတွေ့လာရင် တားဆီးဖို့ မလွယ်ပါဘူး။ ၂၀၁၁ ရေလွှမ်းမိုးမှု တုန်းကလို အဖြစ်အပျက်ဆိုးကြီး နောက်တစ်ခေါက် ပြန်မလာဘူးလို့လည်း ဘယ်သူမှ အာမခံချက် မပေးနိုင်ပါဘူး

ဒါပေမဲ့ ဘန်ကောက်မြို့ကြီးဟာ သူ့အရှိန်နဲ့သူတော့ ဆက်လက် တိုးတက်နေဆဲ ဖြစ်ပါတယ်။ အပေါ်ယံကြည့်ရင်တော့ ဘန်ကောက်က နေလို့ကောင်းတဲ့ မြို့ကြီးတစ်မြို့ ဖြစ်ပါတယ်။ ဒါပေမဲ့ ဘန်ကောက်မှာ အသစ်အသစ် ထွက်ပေါ်လာတဲ့ အိမ်ယာစီမံကိန်းတွေမှာ ရင်းနှီးမြှုပ်နှံကြသူ အများစုကို ကြည့်လိုက်ရင် ဒေသခံ ထိုင်းလူမျိုးတွေ တဖြည်းဖြည်း နည်းပါးလာပြီး အကြောင်းမသိသေးတဲ့ နိုင်ငံခြားသားတွေ ပိုတိုးလာတာ တွေ့ရပါတယ်

မြန်မာနိုင်ငံရဲ့ လတ်တလော နိုင်ငံရေး၊ စီးပွားရေး မတည်ငြိမ်မှုကြောင့် ဘန်ကောက်ကို ပြောင်းရွှေ့လာကြတဲ့ မြန်မာတွေ တော်တော်များများလည်း ဒီအကြောင်းတွေကို မသိကြတာ များပါတယ်။ ဘန်ကောက်က ကွန်ဒိုတွေအများစုဟာ Quality ကောင်းမွန်ခြင်း၊ Facility ကောင်းမွန်ခြင်း၊ သာမန် standard condo များပင်လျင် Luxury ဆန်ဆန် တည်ဆောက်နိုင်ခြင်း ဈေးနှုန်းသင့်တင့်ခြင်း တို့ကြောင့် မြန်မာတွေ ကြားမှာ လူကြိုက်များပါတယ်။ ဒါပေမဲ့ ဘန်ကောက်ရဲ့ အိမ် ခြံ မြေ ဈေးကွက်မှာ ရင်းနှီးမြှုပ်နှံဖို့ စဉ်းစားထားတယ် ဆိုရင်တော့ ၅ နှစ်တန်သည် ၁၀ နှစ်တန်သည် စတဲ့ ကာလတို အတွက်စဉ်းစားတာ ပိုကောင်းပါတယ်။ ဥပမာ - ဘန်ကောက်မှာ ကွန်ဒိုတစ်ခန်းဝယ်မယ် နောက် ၅ နှစ်လောက်နေလို့ မြတ်ရင် ပြန်ရောင်းမယ် ... အဲလိုလုပ်တာမျိုးဆိုရင် ကောင်းပါတယ်။ ဒါပေမဲ့ ဘန်ကောက်မှာ တည်ဆောက်ထားပြီး ရောင်းမထွက်တဲ့ ကွန်ဒိုအခန်းအရေအတွက်ဟာ ယူနစ် ၈ သောင်းနဲ့ တစ်သိန်းကြား ရှိနေတာမို့ တစ်ချိန်မှာ အမြတ်ရဖို့ ရည်ရွယ်ချက်နဲ့ ဝယ်မယ်ဆိုရင်တော့ မိမိကိုယ်တိုင် လေ့လာပြီး စနစ်တကျ ရွေးချယ်ဝယ်ယူတတ်ဖို့တော့ လိုပါတယ်။ ဘန်ကောက်မှာ ကွန်ဒိုဝယ်တိုင်း ဈေးမတက်ပါဘူး။ ဝယ်လိုအားထက် ရောင်းလိုအားက ၃ ဆလောက် များနေတဲ့အတွက် တချို့နေရာတွေမှာဆိုရင် ဈေးမတက်တဲ့အပြင် ဈေးပါကျတတ်တာမို့ ပွဲစားတွေ ရွှန်းရွှန်းဝေအောင် ပြောတဲ့ စကားနားယောင်ပြီး ဘုမသိဘမသိနဲ့ ရမ်းသမ်းမဝယ်မိဖို့တော့ အရေးကြီးပါတယ်

ထိုင်းနိုင်ငံရဲ့ အိမ် ခြံ မြေ ဈေးကွက်မှာ ရေရှည် ရင်းနှီးမြှုပ်နှံဖို့ ရည်ရွယ်ထားတယ် ဆိုရင်တော့ ဘန်ကောက်အစား Eastern Economic Corridor (EEC) ဒေသမှာ ပါဝင်တဲ့ Chachoengsao, Chonburi, Rayong စတဲ့ ခရိုင် ၃ ခုမှာ ရင်းနှီးမြှုပ်နှံ သင့်ပါတယ်။ EEC ဒေသ Pattaya မြို့အနီးမှာတည်ရှိတဲ့ U-Tapao လေဆိပ်ကြီးကို လက်ရှိ သုဝဏ္ဏဘူမိထက် ပိုမိုကြီးမားတဲ့ လေဆိပ်ကြီးအဖြစ် စတင်တည်ဆောက်နေပြီ ဖြစ်ပြီး စီမံကိန်း အဆင့် ၁ Phase 1 ကို ၂၀၂၅ အတွင်းမှာ ပြီးစီးပြီး စတင်ဖွင့်လှစ်မှာ ဖြစ်ပါတယ်။ လက်ရှိ မှာလည်း U-Tapao လေဆိပ်ကို နိုင်ငံတကာ မြို့ကြီး ၃၄ မြို့နဲ့ ခရီးစဉ်ပေါင်း ၆ထောင်ကျော် ချိတ်ဆက်ပျံသန်းနေပြီ ဖြစ်ပါတယ်။ U-Tapao လေဆိပ်တိုးချဲ့တဲ့ စီမံကိန်းဟာ လေဆိပ် Terminal တိုးချဲ့တဲ့ စီမံကိန်း သက်သက်မဟုတ်ပဲ Airport City ကိုပါ ပူးတွဲ တည်ဆောက်မှာမို့ စီမံကိန်း အဆင့် ၄ Phase 4 ပြီးစီးတဲ့ အချိန်ကျရင် အရှေ့တောင်အာရှရဲ့ အကြီးဆုံး လေဆိပ်ကြီးတစ်ခု ဖြစ်လာမှာ ဖြစ်ပါတယ်။

ထိုင်းအစိုးရအနေနဲ့ Eastern Economic Corridor Act လို့ခေါ်တဲ့ ဥပဒေတစ်ရပ်ပါ ပြဌာန်းထားပြီး EEC ဒေသတွင်းမှာ နေထိုင်လုပ်ကိုင် ရင်းနှီးမြှုပ်နှံသူတွေအတွက် အခွန်ကင်းလွတ်ခွင့်များ၊ နှစ်ရှည်ဗီဇာများ၊ နှစ်ရှည်မြေငှားခွင့်များ စတဲ့ အထူးအခွင့်အရေးများပါ ထည့်သွင်း ပြဌာန်းထားပါတယ်။ ထိုင်းနိုင်ငံရဲ့ အရှေ့ပိုင်းစီးပွားရေး စင်္ကြံ EEC စီမံကိန်းကြီး ရုပ်လုံးပေါ် အကောင်အထည် ပေါ်လာတာနဲ့အတူ စီးပွားရေးအခွင့်အလမ်းတွေလည်း အများအပြား ပေါ်လာမှာ ဖြစ်တာမို့ ထိုင်းနိုင်ငံမှာ ရေရှည် စီးပွားရေး ရင်းနှီးမြှုပ်နှံပြီး နေထိုင်ဖို့ ရည်ရွယ်ထားတယ် ဆိုရင်ဖြင့် ဘန်ကောက်ထက် EEC ဒေသကို ဦးစားပေး စဉ်းစားသင့်ပါကြောင်း အကြံပြု ရေးသားလိုက်ပါတယ်

-------------------------------------

ထိုင်းရင်းနှီးမြှုပ်နှံမှု ဘုတ်အဖွဲ့က EEC အကြောင်းတင်ဆက်ထားတဲ့ EEC စီမံကိန်းတွေ အကြောင်း အကျဉ်းချုပ် ဗီဒီယိုကို ဒီ Link မှာ ကြည့်ရှုနိုင်ပါတယ်
https://youtu.be/QlEHdC4WWVU

--------------------------------------

#ဘန်ကောက် #ထိုင်း

11/04/2024

ထိုင်းနိုင်ငံ ဘန်ကောက်မြို့အနီး ပထုံဌာနီခရိုင်ရှိ ဓမ္မကာယ ကျောင်းတော်တွင် ကျင်းပပြုလုပ်မည့် ထိုင်းနိုင်ငံ‌ရောက် မြန်မာနိုင်ငံသားများ အတွက်သီးသန့် သင်္ကြန်တွင်း တရားစခန်း ကို ဧပြီလ ၁၂ ရက် မှ ၁၇ ရက်အထိ ကျင်းပ ပြုလုပ်မည် ဖြစ်ပါ၍ သင်္ကြန်တွင်း တရားအားထုတ်ရန် စိတ်ပါဝင်စားသူ ဓမ္မမိတ်ဆွေများ အောက်ပါ ဖုန်းနံပါတ်များသို့ ဆက်သွယ်နိုင်ပါသည်

0858174656, 0633387742, 0992722963

တည်နေရာ Google Map: https://maps.app.goo.gl/NzrCJ8tGgFu2gXZi7

#ထိုင်း #ဘန်ကောက်

08/04/2024

မြန်မာနယ်စပ်နှင့် ထိစပ်နေသော ချင်းမိုင်ခရိုင်အတွင်းရှိ မြို့နယ် ၅ ခုကို ဘေးအန္တရာယ်ကျရောက်သောဒေသ (Disaster Zone) များအဖြစ် ချင်းမိုင်ခရိုင်ဝန် Nirat Pongsitthavorn က ဒီနေ့ ကြေညာလိုက်ပါတယ်။ ထိုသို့ Disaster Zone အဖြစ်သတ်မှတ် ခံရသော မြို့နယ်များမှာ Wiang Haeng, Chiang Dao, Chai Prakan, Fang, Mae Ai မြို့နယ်များ ဖြစ်ကြပါတယ်။ မြန်မာနယ်စပ်တလျောက် တောမီးများကြောင့် ချင်းမိုင်ခရိုင်တွင်း လေထုညစ်ညမ်းမှု အဆမတန် မြင့်တက်လာတဲ့အတွက် ယခုကဲ့သို့ ကြေညာခြင်း ဖြစ်ပါတယ်

Chiang Mai governor Nirat Pongsitthavorn has declared five border districts as disaster zones, so assistance can be sent to the local people immediately, a government spokesman said on Monday.
The five districts on the border with Myanmar that have been named disaster zones are Wiang Haeng, Chiang Dao, Chai Prakan, Fang and Mae Ai.

08/04/2024

🏢ကွန်ဒိုတွေ အပါအဝင် အိမ်ယာစီမံကိန်းတွေ အလွန်အကျွံဆောက်ထားပြီး အိမ်ယာ ယူနစ်ပေါင်း ၃ သိန်းဝန်းကျင်လောက် ရောင်းမထွက်ပဲ နှစ်စဉ်ရောင်းအားပါ ကျဆင်းလာနေလို့ စိတ်ညစ်နေတဲ့ ထိုင်းနိုင်ငံနဲ့ "ဂျင်း" ကြိုက်သော မြန်မာများ . . .

မအလ စနက်ကြောင့် မြန်မာပြည်တွင်းမှာ စီးပွားရေးတွေ ကျဆင်း ငွေတွေ လက်ထဲ မထားရဲလို့ ထိုင်းနိုင်ငံမှာ ကွန်ဒိုတွေ လာဝယ်ကြသူ မြန်မာတွေ တဖြည်းဖြည်း တိုး လာနေပေမယ့် ထိုင်းနိုင်ငံရဲ့ အိမ်၊ ခြံ၊ မြေ ဈေးကွက်ကတော့ အကျဖက်မှာပဲ ရှိနေဆဲ ဖြစ်ပါတယ် . . . ဘန်ကောက် တစ်မြို့ထဲတင် ရောင်းမထွက်တဲ့ ကွန်ဒိုအခန်း ယူနစ်ပေါင်း ၈ သောင်းခွဲလောက် ရှိနေပြီး ထိုင်းတစ်နိုင်ငံလုံး အတိုင်းအတာနဲ့ဆိုရင် ကွန်ဒိုအပါအဝင် အိမ်ယာယူနစ်ပေါင်း ၃ သိန်းဝန်းကျင်လောက် ရောင်းမထွက်လို့ ငုတ်တုတ်မေ့နေတာပါ

ထိုင်းနိုင်ငံ အိမ်ခြံမြေသတင်းအချက်အလက် စင်တာ (Real Estate Information Center) က မကြာသေးမီက ဖော်ပြတဲ့ ကိန်းဂဏန်းတွေ အရ ၂၀၂၃ တစ်နှစ်အတွင်း ထိုင်းအိမ်ခြံမြေ ရောင်းအားက ၂၂.၅ ရာခိုင်နှုန်းအထိ ကျဆင်းခဲ့တယ်လို့ သိရပါတယ်။

အဲဒါကြောင့် ဒီကာလမှာ မအလကြောင့် ထိုင်းမှာကွန်ဒိုလာဝယ်တဲ့ မြန်မာအရေအတွက် တိုးလာလို့ "ငါးပွက်ရာ ငါးစာချ" တဲ့ အနေနဲ့ ထိုင်းက ကွန်ဒိုအရောင်းသမားတွေ မြန်မာဈေးကွက်ထဲကို သုတ်ခြေတင် ပြေးကြပြီး ရန်ကုန် နဲ့ မန္တလေး မြို့ကြီးတွေမှာ ကွန်ဒိုအရောင်းပြပွဲတွေ တစ်ခုပြီးတစ်ခု လုပ်ကြတော့တာပါပဲ . . .

အဲဒါဆို ထိုင်းမှာ ကွန်ဒိုဝယ်မယ်ဆိုရင် မှားသလား ဆိုတော့ တကယ်တမ်း လက်တွေ့ လာရောက်နေထိုင်ဖို့ ဝယ်တာဆိုရင်တော့ မမှားပါဘူး။ ဒါပေမဲ့ ပြန်ရောင်းဖို့ ရည်ရွယ်ချက်နဲ့ ရင်းနှီးမြှုပ်နှံမယ် ဆိုရင်တော့ ကွန်ဒိုပွဲစားတွေရဲ့ "ဝယ်ပြီးရင် မြတ်မှာ" ဘာညာ စတဲ့ ရွှန်းရွှန်းဝေအောင် ပြောတဲ့ စကားတွေကို နားမယောင်ပဲ ကိုယ်တိုင် ဈေးကွက်ကို အရင်လေ့လာပါလို့ ပြောချင်ပါတယ်။ ဝယ်လိုအား (Demand) ထက် ရောင်းလိုအား (Supply) က ၃ ဆကျော် များနေတဲ့ ထိုင်း အိမ်ခြံမြေ ဈေးကွက်မှာ ဝယ်ထားတိုင်း မမြတ်တာကတော့ အမှန်ပါ။
ဝယ်ပြီး မြတ်တဲ့ နေရာတွေ ရှိပေမယ့် အဲနေရာတွေမှာ ဈေးကွက် အတွေ့အကြုံဝါရင့်တဲ့ အိမ်ခြံမြေ ရင်းနှီးမြှုပ်နှံသူတွေက နေရာဦးထားပြီးသားမို့ ထိုင်းအိမ်ခြံမြေ ဈေးကွက်မှာ ရင်းနှီးမြှုပ်နှံဖို့က အိမ်ခြံမြေ အရောင်းသမား ပွဲစားတွေရဲ့ ရောင်းရပြီးရော အချိုပေါ်သကာဆင့်ထားတဲ့ စကားတွေ နားယောင်ပြီး ရမ်းသမ်း မဝယ်မိဖို့က အထူးအရေးကြီးပါတယ်

အခုလောလောဆယ် ထိုင်းမှာ ကွန်ဒိုတွေ လာဝယ်ကြတဲ့ မြန်မာတွေကြားမှာ လက်တွေ့ မြင်နေရတာကတော့ "ဝယ်ပြီးရင် မြတ်မှာ" ဆိုတဲ့ ထိုင်း "ဂျင်း" ကို အားပါးတရ မြိန်ရေယှက်ရေ စားနေကြခြင်းပါပဲ . . .

ပြောချင်တာကတော့ ကိုယ့်နိုင်ငံရဲ့ ဈေးကွက်အနေအထားနဲ့ လုံးဝ လုံးဝ မတူတဲ့ ထိုင်းဈေးကွက်ထဲ ဝင်ရောက် ခြေချဖို့ ကြံစည်ထားတယ် ဆိုရင်ဖြင့် သူတပါးပါးစပ်ကထွက်တဲ့ စကားလုံးတွေနဲ့တင် ဂိတ်ဆုံးမနေပဲ တကယ့် ဈေးကွက်ကို လက်တွေ့ကျကျ သေချာနားလည်အောင် အရင်လေ့လာကြပါလို့သာ ပြောချင်ပါတယ်

#ဘန်ကောက် #ထိုင်း

30/03/2024

ဗိုလ်တထောင် ဘိုးဘိုးကြီးလည်း မအလဒဏ် မခံနိုင်တော့လို့ လွယ်အိတ်ကြီး တစ်လုံးလွယ်ပြီး ထိုင်းကိုတက်လာပါပြီ။ ဘိုးဘိုးကြီးက အရင်ကထဲက ထိုင်းပရိတ်သတ် များပြီးသား ဆိုတော့ ထိုင်းပရိတ်သတ်တွေက ထောက်ခံပေးထားလို့ ရာသက်ပန် ဗီဇာကင်းလွတ်နဲ့ ပျော်သလောက် နေမယ်လို့ သိရပါတယ်။ နောက်ဆိုရင် ဗိုလ်တထောင် ဘိုးဘိုးကြီး အားကိုးနဲ့ ၃၇ မင်းပါ ထိုင်းကိုပြောင်းရွှေ့တော့မလို့ စီစဉ်နေကြပြီလို့လည်း သိရပါတယ်

23/03/2024

မကြာသေးခင်က ဂယက်ထသွားတဲ့ ဘန်ကောက်မှာ စားစရိတ် တစ်ရက် ဘတ် ၃၀ ပဲ ကုန်တယ်ဆိုတာကလေ တကယ်တော့ များတောင်နေသေးတယ်။ အမှန်တကယ်က ဘန်ကောက်မှာ နေစရိတ် စားစရိတ် တစ်ဘတ်မှ မကုန်ပဲ နေလို့ရသဗျ။ အခုပုံထဲက နေရာက ဘန်ကောက်က Homeless တွေအတွက် ဘန်ကောက်မြို့တော်စည်ပင်က ထမင်းဘူးတွေ အခမဲ့ ဝေတဲ့နေရာ။ နေ့စဉ် မနက် ၈ နာရီကနေ ညနေ ၅ နာရီအထိ ဖွင့်တယ်။ မနက်စာ နေ့လည်စာ ညနေစာ သုံးနပ်စလုံး ဖရီးသွားဆွဲလို့ရတယ်။ နေရာက မြဘုရား၊ အမျိုးသားပြတိုက်၊ Khaosan Road တွေနဲ့ နီးတယ်။ နေရာအတိအကျ သိချင်သူတွေအတွက် မြေပုံပါ ထည့်ပေးလိုက်တယ်နော် 😁

နေစရိတ်လည်း အဲလိုပဲ တစ်ဘတ်မှ မကုန်ပဲ နေလို့ရတယ်။ အဲနေရာနားတဝိုက်မှာ Homeless တွေ အများကြီးပဲ။ သူတို့နဲ့ မိတ်ဆွေဖွဲ့ပြီး လိုက်နေလိုက်ရင် ရပြီ။ အခန်းခလည်း မကုန်တော့ဘူး။ အိမ်သာတက်ချင် ရေချိုးချင်လည်း ပူစရာမလိုဘူးနော်။ အဲနားမှာ ဘန်ကောက် မြို့တော်စည်ပင်က mobile toilet ကားကြီးတွေ လာရပ်ထားပေးသေးတာ။

ကဲ ဘန်ကောက်မှာ နေစရိတ် စားစရိတ် တစ်ဘတ်မှ မကုန်ပဲ နေချင်သူများအတွက် နည်းလမ်းလေး လာရှဲပေးလိုက်ပြီနော် 😁😁😁

https://maps.app.goo.gl/apmf9q67pmLqqEpT7

21/03/2024

ထိုင်းနိုင်ငံမှာရေရှည်နေဖို့visa ရှာနေသူများအတွက် ၅နှစ်အထိသက်တမ်းတိုးနေထိုင်သွားနိုင်မယ့် Non Ed University Visa ရှိပါတယ်။
ပထမ တစ်နှစ်မှာ 12+ 3 months = 15 months ရရှိမှာဖြစ်ပြီး (၅) နှစ်အထိ သက်တမ်းတိုးပြီး နေလို့ရတဲ့ အတွက်University Visa က လက်ရှိလူအများဆုံးရွေးချယ်ကြတဲ့ Visa ဖြစ်နေပါတယ်။
သူ့ရဲ့ အားသာချက်တွေကတော့
✅အတန်းတက်စရာမလို၊ စာမေးပွဲဖြေစရာမလိုခြင်း
✅အတန်းတက်ချင်ရင်လည်း တစ်ပတ်တစ်ရက် Online ကနေ Thai-Language သင်ကြားနိုင်ခြင်း
✅အသက် ၄၈ နှစ်အထိ လျှောက်ထားနိုင်ခြင်း
✅တခြား Visa အမျိုးအစားတွေကနေ အလွယ်တကူပြောင်းလဲနိုင်ခြင်း
✅သက်တမ်း (၅)နှစ်ထိ တိုးနေနိုင်ခြင်း
✅(၃)လ တစ်ခါ Immigration သွားစရာမလိုခြင်း
✅ နိုင်ငံအပြင်ကို Re-entry တုံးထုပြီး ထွက်လို့ရခြင်း
✅ကျောင်းထောက်ခံစာနဲ့ ဘဏ်အကောက်ဖွင့်နိုင်ခြင်း
✅ကျောင်းသားကဒ်ရရှိခြင်း
✅ထိုင်းနိုင်ငံအတွင်း မိမိစိတ်ကြိုက်နေရာမှာ နေထိုင်လို့ရခြင်းတို့ပဲဖြစ်ပါတယ်။
စျေးနှုန်းအနေနဲ့ကတော့ (၅၅၀၀၀) ဘတ် ကျသင့်မှာဖြစ်ထိုင်း - Go Mal မှာ ယုံကြည်စိတ်ချစွာ ဝယ်ယူရရှိနိုင်ပါတယ်။

09/03/2024

အဲဒီ ထိုင်းအစိုးရလိုင်း NT Mobile ကို မိုဘိုင်းအင်တာနက်သီးသန့် အတွက် ကိုယ်တိုင် အသုံးပြုလာတာ အခုဆို ၂ နှစ်ကျော်သွားပါပြီ။ စ သုံးကာစ က နာမည်ကြီး AIS, DTAC, True တို့ထက် ဈေးနှုန်းက ထက်ဝက်ကျော် သက်သာနေတော့ ဟုတ်ပမလား လိုင်းကောင်းပါ့မလား ဆိုပြီး မယုံတစ်ဝက်ယုံတစ်ဝက် နဲ့ သုံးရင်းသုံးရင်းကနေ တစတစ ယုံကြည်စိတ်ချမှု ပိုရှိလာပြီး ဆက်သုံးဖြစ်သွားတာ အခုအချိန်အထိပါပဲ။ ကျနော်သုံးတဲ့ ပုံစံကတော့ ဖုန်းအဟောင်းထဲ ထည့်ထားပြီး Wifi Hotspot ပြန်လွှင့်ပြီး သုံးတာပါ။ မိသားစုနဲ့ အပြင်သွား ခရီးသွားရင် အဲ hotspot ကို လူ ၄ ယောက်လောက်တပြိုင်နက်သုံး၊ YouTube ကနေ သီချင်းတွေဖွင့် အဲလိုတွေသုံးတာ ပုံမှန်ပါပဲ။ ဒါတောင် ကိုယ်ဝယ်ထားတဲ့ package က 2Mbps ပဲရတဲ့ သာမန်အမြန်နှုန်း package ပါ။

အိမ်မှာကတော့ True ရဲ့ Fiber လိုင်းကို အသုံးပြုပါတယ်။ အခု NT က တစ်နှစ်စာ Maxspeed package ကို အရမ်းတန်တဲ့ ဈေးနဲ့ ထပ်ထုတ်လိုက်တာဆိုတော့ သိသိချင်း ချက်ချင်း sim ရော wifi router ရော ပြေးဝယ်၊ မှတ်ပုံတင်ပြီး စမ်းကြည့်တာ speed test လုပ်ကြည့်တော့ NT Maxspeed က 9.6 Mbps ရတာတွေ့တယ် ဒါနဲ့ အိမ်က တစ်လ ဘတ် ၇၀၀ ကျော် ပေးရတဲ့ True Fiber ကိုလည်း စစ်ကြည့်လိုက်တာ သူက 10 Mbps ပဲရတာ တွေ့ရတယ်။ နှစ်မျိုးလုံး speed test လုပ်တဲ့အချိန်က အင်တာနက်အသုံးများချိန် peak time လို့ပြောလို့ရတဲ့ ည ၇ နာရီဝန်းကျင်လောက်မှာ စမ်းတာ။ အဲဒါနဲ့ လူသုံးနည်းတဲ့ အချိန်တွေမှာလည်း အဲ ၂ ခုယှဉ်ပြီး ထပ်စမ်းကြည့်တော့ ၂ ခုစလုံး 20 Mbps ဝန်းကျင်နဲ့ speed က မတိမ်းမယိမ်းပဲ။ အဲဒါနဲ့ အခု လက်ရှိ အိမ်သုံးနေတဲ့ တစ်လ ဘတ် ၇၀၀ ကျော် ပေးနေရတဲ့ True Fiber လိုင်းကို ရပ်တန်းက ရပ်ပစ်ဖို့ ဆုံးဖြတ်လိုက်ပြီး True service center မှာ သွားပြီး cancel လုပ်ပစ်ခဲ့လိုက်တော့တယ်။

ဘန်ကောက်မှာ နေရင် အသုံးစရိတ်က ဟိုနည်းနည်း ဒီနည်းနည်းနဲ့ ပေါင်းလိုက်ရင် snowball effect လိုပဲ လစဉ် စားရိတ်က ‌ဘတ်သောင်းချီကုန်တာ ဆိုတော့ အဲလို ချွေတာရေး နည်းလမ်းတွေလည်း သိထားပါမှ တော်ကာကျတာ။ အခုခေတ်မှာ အင်တာနက်က မရှိမဖြစ် ဆိုတော့ ဒီလိုချွေတာရေး နည်းလမ်းတွေ ရှာမသုံးနိုင်ရင် တစ်လတစ်လ အင်တာနက်အတွက် စရိတ်ကလည်း မနည်းဘူး။ DTAC sim card နဲ့ 4 Mbps လောက်အမြန်နှုန်းကို တစ်လ ဘတ် ၄၅၀ လောက်ပေးသုံးရတာ ထက်စာရင် ဒီ NT Maxspeed ကို တစ်နှစ်စာ ဘတ်တစ်ထောင်ကျော်လေးနဲ့ ဝယ်ပြီး တစ်လဘတ် ၁၀၀ နှုန်းလောက်နဲ့ စိတ်ကြိုက် အမုန်းသုံးလို့ ရ‌တော့အရမ်းတန်ပြီပေါ့။

NT Mobile ကို ၂ နှစ်ကျော် သုံးလာတဲ့ အတွေ့အကြုံအရ ပြောရရင် ဘန်ကောက်နဲ့ ထိုင်းမြို့ကြီး တော်တော်များများမှာ လိုင်းက ကောင်းကောင်းမိတာ များပါတယ်။ မြေအောက်ခန်းတို့၊ မြေအောက်ကားပါကင်တို့ တိုက်တွေအများကြီး ပြွတ်သိပ်နေတဲ့ တိုက်ခန်းတွေကြားက အောက်ဆုံးထပ် အတွင်းခန်းတွေ၊ တောထဲတောင်ထဲတွေ မှာတော့ တခါတလေ လိုင်းပျောက်တတ်ပါတယ်။ ယေဘုယျအားဖြင့်တော့ လိုင်းကောင်းပါတယ်။ ဒါကြောင့်မို့ ထိုင်းမှာ ကြာကြာနေပြီး အင်တာနက် အသုံးစရိတ် ချွေတာလိုသူများ သုံးသင့်တဲ့ လိုင်းဖြစ်ပါတယ်လို့ အကြံပြုလိုပါတယ်

05/03/2024

🚌ဘန်ကောက်မှာ Google Map အသုံးပြုပြီး ဘတ်စ်ကား စီးနည်း

🚍ယနေ့ခေတ်မှာ လက်ထဲ Smart Phone တစ်လုံးကိုင်ထားပြီး Google Map လေးမှ မသုံးတတ်ရင် ခေတ်နောက်ကျ ကျန်ခဲ့ပြီလို့တောင် ပြောလို့ရတဲ့ ခေတ် ဖြစ်နေပါပြီ။ ဘန်ကောက်မှာ သွားလာတဲ့ အခါ Google Map က အလွန်အသုံးဝင်ပြီး မသုံးမဖြစ် သုံးသင့်တဲ့ app တစ်ခုလည်း ဖြစ်ပါတယ်။ Google Map ကောင်းကောင်း သုံးတတ်ရင် ဘန်ကောက်မှာ ဘယ် ဘတ်စ်ကားနံပါတ်က ဘယ်ရောက်တာလဲလို့ လူတကာလိုက်မေးနေစရာ မလိုပဲ Google Map ပေါ်မှာတင် အလွယ်တကူ ရှာဖွေကြည့်လို့ ရပါတယ် . . .

ဘန်ကောက်မှာ Google Map အသုံးပြုပြီး ဘတ်စ်ကား ဘယ်လိုစီးရမလဲ ဆိုတာ ဖော်ပြပါ ပုံလေးတွေကို တစ်ပုံချင်းစီနှိပ်ပြီး ဖတ်ကြည့်သွားလိုက်ပါ

#ဘန်ကောက် #ထိုင်း

03/03/2024

ℹ️ ထိုင်းနိုင်ငံတောင်ပိုင်း Nakhon Si Thammarat မြို့က Walailak Universityရဲ့ International College က ဖွင့်လှစ်တဲ့ Bachelor of Business Administration (BBA) International Program မှာ အာဆီယံနိုင်ငံတွေက ကျောင်းသားတွေ အယောက် ၃၀ အတွက် Full and Partial Scholarship ပညာသင်ဆုတွေ ပေးမယ့် အစီအစဉ်ပါ ဖွင့်လှစ်ထားပါတယ်။ ဒီတက္ကသိုလ်ဝင်ခွင့်အတွက် နောက်ဆုံးလျှောက်လွှာတင်ရမယ့် ရက်ကတော့ ၃၀ ဧပြီ ၂၀၂၄ ဖြစ်ပါတယ်။ လျှောက်လွှာတင်ပြီးလို့ တက္ကသိုလ်ဝင်ခွင့် ရရှိပြီ ဆိုရင်တော့ Scholarship တွေ ဆက်လျှောက်လို့ ရနိုင်ပါတယ်။

Scholarship မရရှိလို့ ပုံမှန်အတိုင်း ကျောင်းလခ သွင်းပြီးတက်မယ် ဆိုရင်တော့ Bachelor of Business Administration (BBA) Program အတွက် ကျောင်းလခက 57500 Baht per semester ဖြစ်ပါတယ်။ 4 Years Bachelor Degree Program ဖြစ်တဲ့အတွက် ၄ နှစ်စာကျောင်းလခ အတွက် 460000 Baht ကျသင့်မှာ ဖြစ်ပါတယ်။

Walailak University ဟာ ပင်လယ်ကမ်းခြေတွေနဲ့ သာယာလှပတဲ့ ထိုင်းနိုင်ငံတောင်ပိုင်း Nakhon Si Thammarat မြို့မှာ တည်ရှိပြီး ၂၀၂၃ ခုနှစ်အတွက် Times က ရွေးချယ်တဲ့ Young University Rankings မှာ ထိုင်းနိုင်ငံရဲ့ နံပါတ် ၃ အဆင့် ရှိ တက္ကသိုလ်အဖြစ် ရွေးချယ် သတ်မှတ်ခံခဲ့ ရတဲ့ တက္ကသိုလ်လည်း ဖြစ်ပါတယ်။ ဒီတက္ကသိုလ်ဟာ ဘန်ကောက်နဲ့ အလှမ်းဝေးတဲ့ ထိုင်းနိုင်ငံတောင်ပိုင်းမှာ တည်ရှိတာမို့ မြန်မာတွေအကြားမှာတော့ ထင်ရှားတဲ့ တက္ကသိုလ် တစ်ခုမဟုတ်သေးပါဘူး။ ဒါပေမဲ့ ကာလတိုအတွင်းမှာ ထိုင်းနိုင်ငံရဲ့ ထင်ရှားတဲ့ တက္ကသိုလ်ကြီးတွေကို ရင်ပေါင်တန်းနိုင်ပြီး University Ranking အနေနဲ့ ထိပ်တန်း စာရင်းဝင် ဖြစ်လာတဲ့ ဒီ Walailak University ကိုလည်း မြန်မာကျောင်းသားတွေအနေနဲ့ တက်ရောက်သင့်တယ်လို့ မြင်မိပါတယ်။ အာဆီယံ ကျောင်းသား အယောက် ၃၀ အတွက် Scholarship တွေ ဖွင့်ပေးထားတာကလည်း အခွင့်အရေး တစ်ခုဖြစ်တာမို့ BBA Program ကို စိတ်ဝင်စားသူများ လျှောက်ကြည့်သင့်ပါတယ်။

📌ကျောင်းလျှောက်ရန်နှင့် information အသေးစိတ် ကြည့်ရှုရန် -
https://wuic.wu.ac.th/en/international-business/

📌Scholarship ပညာသင်ဆု လျှောက်ရန် -
https://wuic.wu.ac.th/en/2023/09/20/announcement-of-walailak-university-international-college-wuic-undergraduate-excellence-scholarships-full-and-partial-tuition-fee-waiver-scholarships-academic-semester-1-2023-round-2/

📍 ကျောင်းတည်နေရာ Google Map -
https://maps.app.goo.gl/YXsSHnXzfGtD38UQ8

#ထိုင်း

03/02/2024

ဒီလ ၂၃ ကနေ ၂၅ အထိ Buriram မြို့က Chang International Circuit မှာ ကျင်းပမယ့် အရှေ့တောင်အာရှရဲ့ အကြီးဆုံး Drift Event ဖြစ်ပါတယ်

02/02/2024

ဟို အယောက် ငါးထောင်ဆံ့တဲ့ Cruise သင်္ဘောကြီး လိုက်စီးဖို့ မမီလိုက်လည်း မနက်ဖြန် ဘန်ကောက် ကျောက်ဖရား မြစ်ထဲက ဒီသင်္ဘောကြီးကို လိုက်စီးလို့ ရနိုင်ပါသေးတယ် 😁

31/01/2024

🛩 2022 က စတင်မိတ်ဆက်ခဲ့ပြီး လူကြိုက်လည်းများခဲ့တဲ့ One Day Pilot Program လေးကို ၂၀၂၄ အတွက် ဖေဖော်ဝါရီ ၃ ရက်ကနေ ပြန်လည် စတင်မှာ ဖြစ်ပါတယ် ✈️

🎯 ဘန်ကောက်မှာ နေထိုင်ကြသူများ နှင့် ဘန်ကောက်ကို အလည်အပတ် လာရောက်သူများ အတွက် အားလပ်ရက် မှာ ဝါသနာပါလို့ပဲ ဖြစ်ဖြစ်၊ အတွေ့အကြုံအသစ် လိုချင်လို့ပဲ ဖြစ်ဖြစ် ကလေးတွေကို သင်ပေးချင်လို့ပဲ ဖြစ်ဖြစ် ... အလွယ်တကူ လုပ်နိုင်မယ့် one day pilot program လေးကို မိတ်ဆက်ပေးချင်ပါတယ် ... အငယ်ဆုံး အသက် ၇ နှစ်ကစပြီး join လို့ ရတဲ့ အစီအစဉ်လေး ဖြစ်ပါတယ်

📌 ဒီ အစီအစဉ်လေးမှာ

🌄 နံနက်ပိုင်း

လေယာဉ်မောင်းတာနဲ့ ပတ်သက်တဲ့ flight basics အခြေခံအချက်အလက်တွေ၊ လေကြောင်းနဲ့ ပတ်သက်တဲ့ အချက်အလက်တွေ၊ လိုက်နာရန် စည်းကမ်းတွေ၊ ရာသီဥတုနဲ့ ပတ်သက်ပြီး သိသင့်တာတွေ၊ လေကြောင်း ဆက်သွယ်ရေး အခြေခံတွေ ကို မြေပြင်မှာ အရင် စပြီး စာတွေ့ သင်ကြားရမှာ ဖြစ်ပါတယ်

အဲဒီနောက်မှာ လေယာဉ်ကို မပျံသန်းမီ ဘယ်လိုစစ်ဆေးရမယ် ဆိုတာကို လေယာဉ်အစစ်နဲ့ လက်တွေ့ သင်ကြားရမှာ ဖြစ်ပါတယ်

🏞 နေ့လည်ပိုင်း

စာတွေ့ သင်ကြားလို့ ပြီးရင် flight simulator နဲ့ အမောင်းသင်လေ့ကျင့်ရမှာ ဖြစ်ပါတယ်

ပြီးရင် Flight Instructor နဲ့အတူ တကယ့်အမောင်းသင် လေယာဉ် အစစ်နဲ့ ကိုယ်တိုင်လက်တွေ့ မောင်းနှင် ပျံသန်း ရမှာ ဖြစ်ပါတယ်

မြေပြင်သင်ခန်းစာကို မနက် ၈ နာရီခွဲကနေ နေ့လည် ၁၂ အထိ သင်ရမှာ ဖြစ်ပါတယ် ... နေ့လည် ၁၂ နဲ့ ၁ နာရီကြား lunch break ပြီးရင် flight simulator နဲ့ ဆက်လက် သင်ကြားရမှာ ဖြစ်ပါတယ် ... ပြီးရင် Cessna 172 အမောင်းသင် လေယာဉ်ကို Instructor နဲ့ အတူ ကိုယ်တိုင် မောင်းနှင်ပျံသန်းရမှာ ဖြစ်ပါတယ်

သင်တန်းချိန် နံနက် ၈ နာရီခွဲမှ ညနေ ၅ နာရီအထိ ဖြစ်ပါတယ်

🗞 တစ်နေ့တာ သင်ကြားမှုနဲ့ လက်တွေ့ပျံသန်းမှု ပြီးဆုံးရင်တော့ one day pilot program completion certificate ကို ပေးအပ်မှာ ဖြစ်ပါတယ်

📆 ၂၀၂၄ ဖေဖော်ဝါရီနဲ့ မတ်လ အတွက် One Day Pilot သင်တန်းဖွင့်လှစ်မယ့်ရက်တွေကတော့

February
3 SAT, 4 SUN, 10 SAT, 11 SUN, 17 SAT, 18 SUN, 24 SAT, 25 SUN

March
2 SAT, 3 SUN, 9 SAT, 10 SUN, 16 SAT, 17 SUN, 23 SAT, 24 SUN, 30 SAT, 31 SUN

💰 Fees (including one day pilot complete course + lunch box + Insurance + Bangkok pickup/drop off (BTS/MRT Bangwa Station), Photo/Video and guide service)

8900 Baht per person for 1 person
7900 Baht per person for 2 to 4+ people

#ဘန်ကောက် #ထိုင်း

31/01/2024

၂၀၂၄ ဇန်နဝါရီမှ ဧပြီ ၄ လတာ ကာလအတွင်း ထိုင်းနိုင်ငံရှိ လျှပ်စစ်မီတာခများ အနည်းငယ် တိုးမြှင့်မည် ဖြစ်ကြောင်း ထိုင်းနိုင်ငံ လျှပ်စစ်စွမ်းအင်ထုတ်လုပ်ရေး အာဏာပိုင်အဖွဲ့မှ ကြေငြာထားပါတယ်။ ၂၀၂၃ စက်တင်ဘာမှ ဒီဇင်ဘာအထိ ကောက်ခံသော အစိုးရဈေးနှုန်း လျှပ်စစ်တစ်ယူနစ် (1 kWh) လျှင် ၃.၉၉ ဘတ်မှ ၂၀၂၄ ဇန်နဝါရီမှ ဧပြီ အတွက် ဈေးနှုန်း လျှပ်စစ်တစ်ယူနစ် (1 kWh) လျှင် ၄.၁၈ ဘတ် သို့ ပြောင်းလဲ ကောက်ခံမှာ ဖြစ်ပါတယ်။ ၂၀၂၃ နှစ်ကုန်ပိုင်း ရာထားချက်အရ တစ်ယူနစ်လျှင် ၄.၆၈ ဘတ်အထိ တိုးမြှင့်ကောက်ခံရန် ရည်ရွယ်ထားသော်လည်း ၂၀၂၄ ဇန်နဝါရီ ၁၀ ရက်တွင် ထုတ်ပြန်သော အစိုးရ၏ ဆုံးဖြတ်ချက်အသစ်အရ ၄.၁၈ ဘတ် အထိသာ တိုးမြှင့်ကောက်ခံမည် ဖြစ်ကြောင်း သိရပါတယ်။

24/01/2024

ပြီးခဲ့တဲ့ ရက်ပိုင်းတွေတုန်းက Thailand Info for Myanmar page hack ခံရပြီး ဗရုတ်သုတ်ခ ဗီဒီယိုတွေ ဝင်တင်သွားတာ ခံလိုက်ရပါတယ်။ Hacker က admin အဖြစ်ပါ ဝင်သွားတာပါ။ ကံကောင်းတာက page ကို hijack လုပ်သွားလို့မရခဲ့ပဲ ကံကောင်းထောက်မစွာနဲ့ အချိန်မီ ပြန်လည် ပြင်ဆင်လိုက်နိုင်ပါတယ်။ အခုတော့ ပြန်ပြီး safe ဖြစ်သွားပါပြီ။ အရင်ရက်တွေတုန်းက page ကနေ ဝင်တင်သွားတဲ့ ဗီဒီယိုတွေဟာ Thailand Info for Myanmar က တင်ခဲ့တာမဟုတ်ပဲ hacker က ဝင်တင်သွားတာ ဖြစ်ကြောင်း အသိပေးအပ်ပါတယ်

06/12/2023

ထိုင်းနိုင်ငံ၏ Songkran (ထိုင်းသင်္ကြန် ပွဲတော်) ကို ဒီနေ့ Botswana နိုင်ငံမှာ ကျင်းပတဲ့ UNESCO အစည်းအဝေးက ကမ္ဘာ့ယဉ်ကျေးမှု အမွေအနှစ် စာရင်းတွင် ထည့်သွင်း သတ်မှတ်လိုက်ကြောင်း သိရပါတယ်။ ထိုင်းနိုင်ငံရဲ့ ခရီးသွားပုံရိပ်ကို မြှင့်တင်တဲ့ အနေနဲ့ အခုလာမယ့် ၂၀၂၄ Songkran ပွဲတော်ကို ဧပြီလ တစ်လလုံး ကျင်းပမယ်လို့ ထိုင်းအစိုးရက မကြာသေးမီက ကြေညာထားပါတယ်

Songkran, Thailand's famous water festival, boasts a rich and fascinating history that blends Hindu, Buddhist, and ancient Thai traditions – and has now been recognized by UNESCO as intangible cultural heritage.
UNESCO announced its decision from Botswana on Wednesday afternoon, Thai time, while events to mark the new honour will take place in Bangkok on Thursday.
Read more:
https://www.nationthailand.com/thailand/general/40033553

27/11/2023

ချင်းမိုင်မြို့တန်ဆောင်တိုင်ပွဲတော် မီး‌ရောင်စုံ အလှထွန်းညှိ ပြင်ဆင်ထားမှုများ

26/11/2023

နိုဝင်ဘာ ၂၄-၂၅ ပတ္တယားကမ်းခြေမှာ ကျင်းပခဲ့တဲ့ International Fireworks Festival 2023 ကို လူဦးရေ ၅ သိန်းခန့် လာရောက်ကြည့်ရှုခဲ့ကြပြီး ပတ္တယား ကမ်းခြေမှာ တိုးမပေါက်အောင် စည်ကားခဲ့ပါတယ်။ မီးရှူးမီးပန်း များကို ည ၇ နာရီမှ စတင်ပစ်ဖောက်တာ ဖြစ်ပေမယ့် လူအများစုက ညနေ နေမဝင်ခင်အချိန်ကထဲက ကမ်းလုံးညွှတ်မျှ လာရောက်နေရာယူ စောင့်ဆိုင်းနေကြတာ ဖြစ်ပါတယ်

Photos credit: Original uploader, Pattaya News

25/11/2023

Pattaya International Fireworks Festival 2023 ဒုတိယည မှာ ပစ်ဖောက်တဲ့ မီးရှူးမီးပန်းများကို မြင်တွေ့ရတာ ဖြစ်ပါတယ်

25/11/2023

မနေ့က စတင်ကျင်းပတဲ့ Pattaya International Fireworks Festival 2023 ရဲ့ ပထမညမှာ မြင်တွေ့ရတဲ့ မီးရှူးမီးပန်းများဖြစ်ပါတယ်။ ဒီပွဲတော်ကို နိုဝင်ဘာ ၂၄ - ၂၅ နှစ်ညတိုင် ကျင်းပတာမို့ သွားကြည့်ချင်ရင် ဒီတစ်ညတော့ ကြည့်လို့ရပါသေးတယ်

21/11/2023

ဒီ ကုမ္ပဏီကတော့ မင်မင်ကိုယ်တိုင် တည်ထောင်လုပ်ကိုင်နေတဲ့ ကုမ္ပဏီ ဖြစ်ပါတယ်။ ဒီလဟာ ကုမ္ပဏီရဲ့ ၅ နှစ်မြောက်နှစ်ပတ်လည် ဖြစ်တာ‌ကြောင့် အထူးအစီအစဉ် package လေးတစ်ခု ပြုလုပ်ထားတာမို့ ထိုင်းမှာ small business startup လုပ်ဖို့ စိတ်ပါဝင်စားသူများ ကုမ္ပဏီရဲ့ page ကတဆင့် ဆက်သွယ်နိုင်ပါတယ်

🎆Andaman International Service Company Limited ၏ ၅ နှစ်ပြည့် နှစ်ပတ်လည် အထူးအစီအစဉ် 🎇

🎀 Andaman International Service Co., Ltd. စတင်တည်ထောင်သည့် ၅ နှစ်ပြည့် နှစ်ပတ်လည် အထူးအစီအစဉ် အနေဖြင့် ထိုင်းနိုင်ငံသို့ လုပ်ငန်းတိုးချဲ့လိုသူ၊ လုပ်ငန်းပြောင်းရွှေ့လိုသူ၊ လုပ်ငန်းသစ် တည်ထောင်လိုသူ မြန်မာနိုင်ငံမှ အသေးစားနှင့် အလတ်စား စီးပွားရေး (SME) လုပ်ငန်းရှင် မိတ်ဆွေများအတွက် ထိုင်းနိုင်ငံတွင် အခက်အခဲမရှိစေပဲ အဆင်ပြေချောမောစွာ SME စီးပွားရေး လုပ်ငန်းများ စတင်နိုင်စေရန် အတွက် လိုအပ်သည့် အကြံဉာဏ်နှင့် သတင်းအချက်အလက်များ၊ ထိုင်းနိုင်ငံ၏ ဥပဒေများ လုပ်ထုံးလုပ်နည်းများ နှင့်အညီ စနစ်တကျ လည်ပတ်နိုင်သော စီးပွားရေးတစ်ခု ဖြစ်စေရန် လိုအပ်သော အကြံဉာဏ်များ ပါဝင်မည့် Myanmar SME Start-up Consulting in Thailand Package ကို စတင်မိတ်ဆက်လိုက်ပါတယ်

ဒီအကြံပေးဝန်ဆောင်မှုမှာ ပါဝင်မှာတွေကတော့

- ထိုင်းနိုင်ငံတွင် SME လုပ်ငန်း Start-up စတင်လိုသူများအတွက် လိုအပ်သော မှတ်ပုံတင်ခြင်းဆိုင်ရာများ၊ ဥပဒေနှင့် အခွန်ဆိုင်ရာများ၊ ကနဦး စတင် စရိတ် အနည်းဆုံး (minimum startup cost) ဖြင့် စတင်နိုင်သည့် နည်းလမ်းများ ဆိုင်ရာ အကြံပေးဆွေးနွေးမှု
- မိမိတည်ထောင်ဖွင့်လှစ်မည့် လုပ်ငန်း၏ တည်နေရာရွေးချယ်မှုနှင့် ပတ်သက်သော အကြံပေးမှု
- မိမိတည်ထောင်မည့် လုပ်ငန်း၏ ထိုင်းနိုင်ငံတွင်း ဈေးကွက်ဖောက်နိုင်မှု အလားအလာ နှင့် ပစ်မှတ်ထားမည့် စားသုံးသူအုပ်စု (target customers) ရွေးချယ်မှုဆိုင်ရာ အကြံပေးမှု

စသည့် start-up SME business in Thailand နှင့် ပတ်သက်သော အကြောင်းအရာများကို စုစုပေါင်း မိနစ် ၉၀ ကြာ (တစ်ရက်လျှင် မိနစ် ၃၀ စီ ၃ ရက်) အကြံပြု ဆွေးနွေးမည် ဖြစ်ပါသည်

ထို့အပြင် ထပ်ဆောင်း ဝန်ဆောင်မှု အနေဖြင့် consulting service package ဝယ်ယူသူတိုင်းအတွက်

- ထိုင်းနိုင်ငံရှိ စီးပွားရေး လုပ်ငန်းများနှင့် ပတ်သက်သော အချက်အလက်များ၊ မိမိလုပ်ကိုင်မည့် industry ပေါ်မူတည်၍ ဆက်သွယ်ချိတ်ဆက် လုပ်ကိုင်နိုင်သော ထိုင်းစီးပွားရေး လုပ်ငန်းများ၏ တည်နေရာနှင့် ဆက်သွယ်ရန်လိပ်စာများ၊ စီးပွားရေးဆိုင်ရာ Exhibition များ၊ Trade Show များနှင့် ပတ်သက်သော သတင်းများ နှင့် online networking များ စသည့် resource များကို အသုံးပြုနိုင်မည့် SME start-up resources and discussion group access free 1 year membership ကိုပါ ရရှိမည် ဖြစ်ပါသည်

- 1 year membership ကာလအတွင်း online Q & A ဝန်ဆောင်မှု

စသည်တို့ ပါဝင်မှာ ဖြစ်ပါတယ် . . .

- - - - - - - - - - - - - - - - - - - - - - - - - - - - - - - - - - - - - - - - - - - -

⏱ လက်ရှိ မြန်မာနိုင်ငံမှာ နိုင်ငံရေး၊ စီးပွားရေး မတည်ငြိမ်မှုများကြောင့် ဒီ ၂၀၂၁-၂၀၂၃ ကာလအတွင်းမှာ အိမ်နီးချင်း ထိုင်းနိုင်ငံကို ပြောင်းရွှေ့နေထိုင်သူများ၊ လုပ်ငန်းပြောင်းရွှေ့သူများ၊ အလုပ်အကိုင်လာရောက်ရှာဖွေသူများ တစ်နေ့ထက်တစ်နေ့ များပြားလာပါတယ်။ အရင်က ထိုင်းနိုင်ငံမှာ ရောက်ရှိနေထိုင် လုပ်ကိုင်နေတဲ့ မြန်မာဦးရေ ၅ သန်းကျော်ခန့် ရှိရာကနေ ၂၀၂၁ နိုင်ငံရေး၊ စီးပွားရေး မတည်မငြိမ်ဖြစ်ပြီးနောက်ပိုင်းမှာ ၁၀ သန်းခန့်အထိ တိုးလာပါတယ်။ ထိုသို့စီးပွားရေး လုပ်ငန်း ပြောင်းရွှေ့လာသူများ ထဲတွင် ထိုင်းနိုင်ငံတွင် ကုမ္ပဏီသစ် လာရောက်ဖွင့်လှစ်ကြသော မြန်မာလုပ်ငန်းရှင်များလည်း အများအပြားပါဝင်ပါတယ်။ ထိုင်းနိုင်ငံမှာ ကုမ္ပဏီတစ်ခု မှတ်ပုံတင်တာ လွယ်ကူပေမယ့် တကယ်တမ်း စနစ်တကျ လည်ပတ်နိုင်ဖို့က လွယ်ကူတာမဟုတ်ပါဘူး။ ဘာသာစကား အခက်အခဲများ၊ ဥပဒေရေးရာနှင့် အခွန်ရေးရာ နားမလည်မှုများ၊ စာရင်းအင်းဆိုင်ရာ အခက်အခဲများ၊ ထိုင်းစီးပွားရေး လုပ်ငန်းများနှင့် ဆက်ဆံရာမှာ ကြုံတွေ့ရတဲ့ အခက်အခဲများ၊ နေရာရွေးချယ်မှု မှားယွင်းပြီး ထိထိရောက်ရောက် မလည်ပတ်နိုင်မှုများ စတဲ့ အခက်အခဲ ပေါင်းစုံနဲ့ ရင်ဆိုင်ရပြီး နောက်ပြန်ဆုတ်သွားကြတဲ့ လုပ်ငန်းရှင် တော်တော်များများကိုလည်း တွေ့လာရပါတယ်

- ဒီလိုကြုံတွေ့ရတဲ့ အခက်အခဲတွေဟာ များသောအားဖြင့် လုပ်ငန်းတစ်ခု မတည်ထောင်မီ စနစ်တကျ လေ့လာပြင်ဆင်မှု အားနည်းခြင်း၊ စီးပွားရေးလုပ်ငန်း အကြောင်း၊ ဥပဒေအကြောင်း သေချာနားမလည်သော သာမန် စကားပြန်များကို အသုံးပြုပြီး အလွယ်တကူ ကုမ္ပဏီထောင်ခြင်း၊ နေရာငှားရမ်းခြင်း၊ ထို့ပြင် စီးပွားရေး အကြံပေးများနှင့်တိုင်ပင်ခြင်း၊ ကိုယ်တိုင် ဈေးကွက်ကို ကွင်းဆင်းလေ့လာခြင်းများ မပြုလုပ်ပဲ အခြားသူများလုပ်ကိုင်နေသော စီးပွားရေးများကို အားကျပြီး အလွယ်တကူ အတုယူ လုပ်ကိုင်ခြင်း၊ လုပ်ငန်းတည်နေရာ စနစ်တကျ မရွေးချယ်တတ်ခြင်း စသည်တို့ကြောင့် ဖြစ်ကြောင်း လေ့လာတွေ့ရှိရပါသည်

📌 မိမိတို့၏ Andaman International Service Co., Ltd. အနေဖြင့် ၂၀၁၈ နိုဝင်ဘာလ တွင်စတင်တည်ထောင်ခဲ့သော်လည်း ထိုကာလမတိုင်မီ ၂၀၀၆ ခုနှစ်ကထဲက ပထမဆုံး ကုမ္ပဏီ စတင်တည်ထောင်ပြီး Trading နှင့် ခရီးသွားလုပ်ငန်းများ စတင်လုပ်ကိုင်ခဲ့ပါသည်။ Andaman International Service Co., Ltd ကို တည်ထောင်ပြီးနောက် ခရီးသွား လုပ်ငန်းအပြင်၊ Event Organizing, Business Consulting and Registration, Border Trade, Online Shop services, Sourcing and Purchasing Services စသည်တို့ကို ဆက်လက်လုပ်ကိုင်ခဲ့ပါသည်။ Andaman International Service Company Limited ကို ထိုင်းနိုင်ငံတွင် နှစ်၂၀ကျော် နေထိုင်ပြီး စီးပွားရေးအတွေ့အကြုံရှိ ဒါရိုက်တာများက တည်ထောင်ထားခြင်း ဖြစ်ပြီး SME လုပ်ငန်းတစ်ခု အနေဖြင့် လုပ်ကိုင် လည်ပတ်နေသည့်အတွက် ထိုင်းနိုင်ငံသို့ ယခုမှလာရောက် အခြေချလုပ်ကိုင်လိုသော မိတ်ဆွေများအတွက် မလိုလားအပ်သော အချိန်ကုန် ငွေကုန်ခြင်းများ သက်သာစေပြီး ထိရောက်အကျိုးရှိမည့် start-up အကြံပြုချက်များကို ပေးနိုင်ပါသည်။ ထိုင်းနိုင်ငံတွင် မိမိတို့၏ လုပ်ငန်း စတင်တည်ထောင် လိုသော်လည်း မည်သို့မည်ပုံ စနစ်တကျ လုပ်ကိုင်ရမည်ကို မသိသောကြောင့် စမ်းတဝါးဝါးဖြင့် လုပ်ကိုင်ရင်း အချိန်ကုန် ငွေကုန် လူပင်ပန်း ဖြစ်ရခြင်းများမှ ကင်းဝေးစေရန် Andaman International Service ကို ယုံကြည်စိတ်ချစွာ အသုံးပြုလိုက်ပါ . . . 👈👈👈

- - - - - - - - - - - - - - - - - - - - - - - - - - - - - - - - - - - - - - - - - - - -

📋 မှတ်ချက်။ ။ SME Startup Consulting Service တွင် ထိုင်းနိုင်ငံရှိ စက်ရုံ၊ အလုပ်ရုံများ၊ importer များ၊ distributor များ၊ wholesaler များ စသည်တို့၏ တည်နေရာနှင့် သတင်းအချက်အလက်များ ကို အကြံပြုပေးမည် ဖြစ်သော်လည်း ၎င်းတို့နှင့် ဆက်သွယ်ချိတ်ဆက် ပေးခြင်း၊ ကြားခံ ဆွေးနွေးပေးခြင်းများ မပါဝင်ပါ။ ထိုသို့ ဆောင်ရွက်ပေးရန် လိုအပ်ပါက ဝန်ဆောင်ခ သီးသန့်ဖြင့် ဆောင်ရွက်ပေးနိုင်ပါသည် 🔖