06/18/2024
🔴تسجيل 34 حالة وفاة بين الحجيج التونسيين من بينهم من ولاية سيدي بوزيد وفق مصدر من القنصلية العامة للجمهورية التونسية بجدة دون تحديد ان كانوا من البعثة الرسمية أم لا.
اعلى نسبة من الحجاج المفقودين هم توانسة وهذا راجع لأكبر سبب وهو وكالة الاسفار الشيء إلي خلا برشة اصدقاء من جنسيات اخرى يقولوا علاش لهذه الدرجة التوانسة جشعين؟ كيفاش وكالات الاسفار يعملوا هكة في حجاجكم؟
الحقيقة اللوم على الاولاد الي يبعثوا في بوهم للحج ، وعادة يكونوا مسنين ، تلقاهم غير قادرين لاصحيا ولا عقليا على الحج ،وهذا تشوفو قدام عينك ، فاذا كان الحج للتباهي فهذا حرام وثانيا الحج راهو موش باش تفسخ العمايل " الباهية " الي عملتها في حياتك، الحج راهو استطاعة وموش مالية فقط راهي صحية وهذا هام جدا. صدقوني في مشاهدة عن قرب قداش من حاج او معتمر يبدأ مسكين ويعيط عليه " المرشد " وتلقاه هو مسكين موش عارف حتى شيء،
ربي يرجع امهاتنا و ابائنا من الحج سالمين معافين و يتقبل منا ومنهم صالح الاعمال
