What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

Tabiat resurslari vazirligi Qashqadaryo viloyati boshqarmasi

Name: Tabiat resurslari vazirligi Qashqadaryo viloyati boshqarmasi
Address: Қарши шаҳар, Жайхун кўчаси, Qarshi, UZ
Telephone: +998752210959

Home
Uzbekistan
Qarshi
Tabiat resurslari vazirligi Qashqadaryo viloyati boshqarmasi

Қашқадарё вилояти Экология ва атроф муҳитни муҳофаза ?

04/04/2023

1-aprel - “Xalqaro qushlar kuni”

Tabiat resurslari vazirligi tomonidan 1-aprel - “Xalqaro qushlar kuni” munosabati bilan "Qushlarni asraylikʼʼ Respublika tanlovini eʼlon qilingan edi.

Shu munosabat bilan Tabiat resurslari vazirligi Qashqadaryo viloyati boshqarmasi tomonidan Qarshi shahridagi 9-umumiy o'rta ta'lim maktabida tanlov boʻlib o'tdi.

Ushba tanlovda maktab o'quvchilari tomonidan turli xildagi rasmlar chizildi va qush uyalari yasaldi. Ushbu tanlovdan yoshlarning quvonchlari cheksiz va qushlarga bo'lgan mehrlarini yanada uyg'otishi tabiiy.

19/12/2022

Шаҳрисабз туманида экологик назорат рейд тадбирлари олиб борилди.

Қашқадарё вилояти Экология ва атроф-муҳитни муҳофаза қилиш бошқармаси бошлиғи, Назорат инспеецияси, Шаҳрисабз туман прокуратураси, туман ИИБ, ЙХҲБ хамда тумани Экология бўлими билан ҳамкорликда Ўзбекистон Республикаси Президентининг 2017 йил 25 сентябрдаги 3286 сонли Қарорида кўрсатилган тартибда Шаҳрисабз тумани ҳудудидан оқиб ўтувчи Оқдарё дарёси ўзани ва қирғоқ минтақасида ноқонуний равишда рухсатсиз қум шағал қазиб олинишини олдини олиш мақсадида Экопатрул қўшма рейд тадбирлари ўтказилди.

Ўтказилган назорат рейд тадбири давомида 2 та давлат рақамсиз Hyundai ва Dosan русумли ҳамда 2 та фронтал юклагич жами 4 та хуқуқбузарлик техникалари ИИБ ЙҲХ ходимлари билан биргаликда вақтинчалик қонуний тўхтамга келгунга қадар жарима майдонига жойлаштирилди.

Шунингдек, кон геология фаолиятини назорат қилиш жанубий минтақавий инспекцияси томонидан Табиатга етказилган зарарни Вазирлар Маҳкамасининг 2022 йил 23 ноябрдаги 666 сонли Қарори тартибда хисоблаш учун бошланғич ўлчов ишлари олиб борилди.

Бундан ташқари Ўзбекистон Республикаси "Чиқиндилар тўғрисида"ги, "Сув ва сувдан фойдаланиш тўғрисида"ги," Ер ости бойликлари тўғрисида"ги Қонун талаблари бузилганлиги аниқланиб тегишли тартибда хужжатлаштирилди.

Экологик назорат рейд тадбирлари вилоят бўйлаб доимий олиб борилмоқда.

23/11/2022

"Яшил макон" умуммиллий лойиҳаси доирасида "Фарзандларимизга биздан гўзал боғлар қолсин" шиори остида дарахт кўчатлари экилди.

Шаҳрисабз шаҳар халқ таълими бўлими ҳамда шаҳар прокуратураси билан ҳамкорликда "Долзарб 40 кунлик" тадбирлари доирасида "Фарзандларимизга биздан гўзал боғлар қолсин" шиори остида 2-сонли умумий ўрта таълим мактаби ҳудудида дарахт кўчатлари экилди.

Мактаб ўқувчиларини табиатга бўлган туйғуларини ошириш мақсадида дарахт кўчатларини экиш ишларида мактабдаги Миллий гвардияга ихтисослаштирилган синф ўқувчилари ҳам иштирок этиб, дарахт кўчатлари экишди.

11/11/2022

Самарқанд шаҳрида бўлиб ўтаётган Туркий давлат ташкилотлари саммити доирасида Қарши шаҳар Мустақиллик шох кўчасида ўтказилган кўчат экиш ишларида Қашқадарё вилоят ҳокимлиги, вилоят Экология бошқармаси, вилоят ўрмон хўжалиги, ИИБ, Миллий гвардия, вилоят "Ободонлаштириш" бошқармаси ходимлари, олимлар, ёшлар ва ОАВ иштирок этдилар.

"Яшик макон" умуммиллий лойиҳаси доирасида 200 туп каталпа, 300 туп дуб, 250 қрим қарағай, 150 мовий рангли кепарис, 200 туп элдор қарағайи дарахт кўчатлари экилди.

Ушбу экилган дарахт кўчатлари Президентимиз таъбирлари билан айтганда, "бу ниҳоллар - ҳаёт дарахтлари, дўстлик ва ўзаро ишонч, маънавият ва келажак боғлари бўлиб қад ростлайди".

05/11/2022

Давлат экология қўмитаси раиси Н.Обломурадов Қашқадарё вилоятидаги хизмат сафари давомида Қарши шаҳридаги 8-сонли умумий ўрта таълим мактабида "Яшил макон" умуммиллий лойиҳаси доирасида ташкил этилган кўчат экиш тадбирида иштирок этди.

Таъкидлаш ўринлики, шу кунларда мамлакатимиз миқёсида давом этаётган "Долзарб 40 кунлик" тадбирларида умумтаълим мактаблари ҳам фаол иштирок этмоқда. Ушбу мавсум давомида мактаблар ҳудудларига турли манзарали ва мевали кўчатлар ўтқазилаяпди. Бу борадаги ҳайрли ишлар келгусида мактаб ҳудудини кўкаламзорлаштириш, ўқувчи-ёшларда она табиатни асраб-авайлаш ҳамда миллий қадриятларимизнинг бардавом бўлишига хизмат қилиши билан ҳам аҳамиятлидир.

Вилоят Экология бошқармаси ходимлари, ўқитувчилар, ёш экопатрул гуруҳи аъзолари иштирок этган кўчат экиш тадбирида ана шу жиҳатлар ҳақида фикр-мулоҳазалар билдирилди.

Шундан сўнг Давлат экология қўмитаси раиси Н. Обломурадов мактаб ҳудудига яхши ният билан дарахт кўчати ўтқазди.

03/11/2022

Миришкор туманида "Оналар боғи" ташкил этилиб, манзарали кўчат ва гул ниҳоллари экилди.

Вилоят ҳокими "Яшил макон" лойиҳаси доирасида вилоятимиз аҳлига қилган мурожаатида ҳудудларда "Оналар боғи"ни яратишни таклиф қилди.

Шу мақсадда, Оила ва хотин-қизлар бўлими ташаббуси билан туман марказидаги "Маданият ва истироҳат боғи"да "Оналар боғи" ташкил этилди.

"Оналар яшил макон сари" ғояси остида ташкил этилган ҳашарда турли хилдаги манзарали дарахт кўчатлари ва гул ниҳоллари экилди.

28/10/2022

Автойўл ёқаларига элдор қарағайи дарахт кўчатлари экилмоқда.

Кўкдала туманида “Яшил макон” умуммиллий лойиҳаси доирасида олиб борилаётган кузги мавсумда туман ҳудудида яшил ҳудуд барпо этиш мақсадида элдор қарағайи дарахт кўчатларини экиш ишлари олиб борилди.

Шу муносабат билан бугун А378 104-113 км Самарқанд Ғузор автойўлининг йўл ёқаларида "Яшил макон" умуммиллий лойиҳаси доирасида 10 минг дона элдор қарағайи дарахт кўчатлари экиш ишлари бўлиб ўтди.

Маълумот учун, ушбу автойўл ёқаларига 70 минг дона элдор қарағайи дарахт кўчатлари экиш режалаштирилган.

24/10/2022

Яккабоғ тумани "Наврўз" МФЙ ҳудудида 1000 га майдонида жойлашган ёнғоқзор.

23/10/2022

Косон тумани мактабларида мевали ва манзарали дарахт кўчатлари етиштирилмоқда.

Президент Шавкат Мирзиёев раислигида ўтган видеоселектор йиғилишида "Яшил макон" умуммиллий лойиҳасини бошлаш чоралари муҳокама этилиб, дарахт экиш бўйича долзарб 40 кунлик эълон қилинди.

Шу муносабат билан тумандаги 97-умумий ўрта таълим мактабида экилган мевали дарахти кўчатлари бориб ўрганилди.

Ушбу таълим даргоҳида 2000 дона элдор қарағайи, 1000 дона бодом дарахти, 120 дона ўрик дарахти ҳамда анор, бодом дарахт кўчатлари етиштирилмоқда, дейди мактаб директори.

Дарахт кўчатларини мактаб ҳудудида етиштириш жараёнларида ўқувчи ёшларнинг қизиқиши ортида, албатта, болаларда табиатга бўлган муҳаббат ва ҳурматни шакллантириш ҳамда уларнинг ёшликдан меҳнатсеварлик фазилатларини ривожлантиришдан иборатдир.

Азиз тумандошлар! "Яшил макон" умуммиллий лойиҳасида сиз ҳам ўз ҳиссангизни қўшишни унутманг!

22/10/2022

"Яшил макон": "Долзарб 40 кунлик" тадбирлари

22/10/2022

"Яшил макон” умуммиллий лойиҳаси доирасида Қашқадарё вилоят Экология бошқармаси томонидан ишчи гуруҳ ташкил қилиниб, ҳудудларда кўчат захиралари ўрганилди.

Ўрганиш давомида Шаҳрисабз шаҳар "Файзобод" МФЙ ҳудудида жойлашган 10 минг дона элдор қарағай дарахти кўчат захираси ташкил қилинганлиги ҳамда ушбу ташкил қилинган дарахт кўчатлари суғориш тизими мавжуд бўлган ҳудудларга экилиши бўйича маъсул ташкилотларга тавсиялар берилди.

21/10/2022

Қарши-Шаҳрисабз автомобиль йўлининг Қарши шаҳар ҳудудидан ўтувчи қисмида “Яшил макон” умуммиллий лойиҳаси доирасида павловния, гужум, сосна ва бошқа манзарали дарахтлар экиш ишлари бошланди.

Қашқадарё вилоят ҳокими М. Азимов, шаҳар ҳокимлиги вакиллари, вилоят Экология ва атроф-муҳитни муҳофаза қилиш бошқармаси ходимлари, Ўзбекистон экологик партияси шаҳар кенгаши раиси, маҳалла раислари, депутатлар ҳамда ОАВ вакиллари иштирок этишди.

Мутахассислар иштирокчиларга дарахтларни экиш техникаси, суғориш тизими ва парваришлаш ҳақида маълумотлар беришди.

Шундан сўнг вилоят ҳокими М. Азимов, вилоят Экология бошқармаси бошлиғи А. Эшонқулов ҳамда келажагимиз бўлган ёшлар иштирокида дарахт экиш ишлари бошлаб юборилди.

21/10/2022

"Yashil makon" umummilliy loyihasi doirasida daraxt ekish ishlari G'uzor tumanida ham boshlandi.

Bugun G‘uzor tumanida "Dolzarb 40 kunlik" tadbiri doirasida tuman hokimi boshchiligida tegishli mutasaddi tashkilotlar rahbar va xodimlari ishtirokida seminar tashkil etildi.

Seminarda tuman hokimi B.Suyunov tadbirni namunali o‘tkazish va ekilgan daraxt ko‘chatlarni parvarishlash bo‘yicha o‘z tavsiyalarini berdi.

Shundan so‘ng, mahallalar, ko‘chalar va dala atroflariga mevali va manzarali daraxt hamda gul ko‘chatlari ekildi.

20/10/2022

Qashqadaryo viloyatida "Yashil makon" umummilliy loyihasinining kuzgi mavsumidagi "Dolzarb 40 kunlik" ko‘chat ekish ishlari ko‘tarinkilik bilan boshlandi.

Mirishkor tumani A. Navoiy istirohat bog‘i hududida Qashqadaryo viloyat Ekologiya boshqarmasi, tuman hokimi va hokim o‘rinbosarlari, tuman Obodonlashtirish boshqarmasi xodimlari bilan hamkorlikda 1000 ga yaqin turli xildagi daraxt ko‘chatlari ekildi.

Ko‘chat ekish ishlari mahallabay tizimida tashkil etilib, MFY oqsoqollari, faollar hamda yoshlar ishtirok etishdi.

19/10/2022

Qashqadaryo viloyat hokimi M. Azimov viloyat Ekologiya boshqarmasi xodimlari faoliyati bilan tanishdi.

Viloyat hokimi Murotjon Azimov Qashqadaryo viloyat Ekologiya boshqarmasida xodimlar faoliyati tanishdi.

Yig‘ilishda viloyatimiz hududlarida iqlim sharoiti natijasida o‘z ta’sirini ko‘rsatayotgan, chiqindilar bilan bog‘liq muammolar, daraxt kesilish holatlari, shuningdek, fuqarolarning ekologiyaga oid murojaatlari ko‘payib borayotganligi ta’kidlab o‘tildi.

Yig‘ilish davomida Viloyat hokimi tomonidan hozirgi k***a eng dolzarb muammolardan biri bo‘lib turgan ekologiyaga oid muammolarni bartaraf etish, atrof-muhit tozaligini asrab-avaylash, kelajak avlod uchun ekologiyani saqlash borasida o‘z fikrlarini bildirib o‘tdi.

Viloyat hokimi fuqarolar tomonidan kelib tushayotgan murojaatlariga ham to‘xtalib, murojaatlar bilan ishlashda tezkorlik va aniqlikka e’tibor qaratish kerakligini ta’kidladi.

Shuningdek, viloyat hokimi mas’ullarga Prezidentimiz tomonidan e’lon qilingan "Dolzarb 40 kunlik" tadbiri doirasida amalga oshirilishi lozim bo‘lgan ishlarga tayyorgarlik ishlarini borish jarayonida barchadan birdek chin yurakdan ishlash kerakligi ta’kidladi.

Yig‘ilish so‘nggida kuz-qish mavsumlarida olimlar va mutaxassislar bilan maslahatlashgan holda cho‘l hududlarida issiq garmsel va qurg‘oqchilikka chidamliligi uchun qayrag‘och (gujum), chinor, bodom daraxtlari, yapon saforasi daraxtlari, tog‘li hududlarla dub, igna bargli daraxtlar (archadoshlar) barcha turlari, lola daraxti, yapon saforasi daraxtlari ekilishi hamda ekilgan ko‘chatlarning to‘liq ko‘karishini ta’minlash uchun tomchilatib sug‘orish texnologiyasini joriy etish va amalga oshirish ishlari belgilab olindi.

17/10/2022

Qashqadaryo viloyati Ekologiya va atrof-muhitni muhofaza qilish boshqarmasida korrupsiyaga qarshi kurashish va uning oldini olish masalasiga bag‘ishlangan yig‘ilish bo‘lib o‘tdi.

Yig'ilishda O‘zbekiston Respublikasi Ekologiya va atrof-muhitni muhofaza qilish Davlat qo‘mitasi Korrupsiyaga qarshi kurashish va kompleans nazorat bo‘limi boshlig‘i Urunov Bahodir ishtirok etib, viloyat Ekologiya boshqarmasi xodimlari hamda shahar va tuman bo‘limi boshliqlariga tizimda korrupsiyaga yo‘l qo‘ymaslik, uning oqibatlari xaqida tushunchalar berib o'tdi.

Shuningdek, qo‘mitaning Korrupsiyaga qarshi kurashish va kompleans nazorat qilish bo‘yicha bo'limi tomonidan bugungi k***a mamlakatimizda korrupsiyaga qarshi olib borilayotgan izchil chora-tadbirlar haqida xodimlarga ma’lumot berilib, korrupsiyaga qarshi kurashish bo‘yicha kelgusida amalga oshiriladigan ishlar muhokama qilindi.

17/10/2022

TAYINLOV

Eshonqulov Akbar Burxonovich Qashqadaryo viloyati Ekologiya va atrof-muhitni muhofaza qilish boshqarmasi boshlig‘i lavozimiga tayinlandi.

Bunga qadar A. Eshonqulov Qashqadaryo viloyat hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimida ishlagan.

17/10/2022

"Yashil makon" umummilliy dasturi asosida amalga oshirilayotgan ishlar (Yakkabog' tumani).

14/10/2022

Ko‘kdala tumanida joylashgan pedagogika kollejida mamlakatimizni yashil makonga aylantirish yuzasidan amaliy seminar bo‘lib o‘tdi.

13/10/2022

Yakkabog‘ tumanida dunyoda eng tez o‘suvchi pavloniya daraxt ko‘chatlari yetishtirilmoqda.

Qashqadaryo viloyati Ekologiya va atrof-muhitni muhofaza qilish boshqarmasi xodimlari tomonidan Yakkabog‘ tumani "Jambul" MFY hududida 85 sotix yer maydoniga ekilgan 20 ming to‘p pavloniya daraxt ko‘chatlarini yetishtirish ishlari borib o’rganildi.

AgroXimGrup MCHJ agro kimyo ximoya markazi bosh direktori, texnika fanlari nomzodi agro kimyogar olim Rustamov Botir Turdiyevich tomonidan tashkil ushbu hududda barcha agrotexnik tadbirlari amalga oshirilgan holatda pavloniya daraxti ko‘chatlari yetishtirilmoqda. Pavloniya daraxtining Shantong gibridi, 9501 gibridi, FTE gibridi hamda Z07 gibrid kabi turlari ekilgan.

Mutaxassislarning e’tiroficha, pavlovniya dunyodagi eng tez o‘sadigan daraxt sanaladi. Yiliga 5 metrgacha bo‘y cho‘zadi. Ushba daraxt Xitoy, Yaponiya kabi davlatlarda juda ko‘p yetishtiriladi. Ushba daraxtga ayrim joylarda “Mo‘jiza daraxt” deb ham ta’rif berishadi. Chunki, o‘ta foydali, yog‘ochidan uy ro'zg'or buyumlari, mebellar, shuningdek musiqa asboblari tayyorlash mumkin. Ushbu daraxt suv o‘tkazmaydi, tanasiga qurt tushmaydi, gullaganida asalari uchun nektar vazifasini o‘taydi. Bargi yirik va ozuqabop. Yuqori haroratga chidamli. Yoqilg‘i sifatida ishlatilganida boshqa yog‘ochlardan farqli tarzda 100 foiz yonuvchanlik xususiyatiga ega. Hatto qarag‘ayga qaraganda ham ko‘p daromad keltiradi.

07/10/2022

Сувсиз шароитларда боғ яратиш ва парвариш қилишда Кўкдала педагогика коллежи тажрибаси

Мамлакатимизда яшил ҳудудларни янада кўпайтириш, келгуси авлодлар учун тоза ва озода, яшилликка бурканган табиий муҳит яратишдек эзгу мақсадлардан келиб чиқиб амалга оширилаётган “Яшил макон” умуммиллий лойиҳаси доирасидаги ишлар жорий йил куз мавсумида ҳам тизимли равишда ташкил этилаяпти.

Қашқадарё вилоятининг Кўкдала туманидаги педагогика коллежида лойиҳа доирасида жорий кузги мавсумда амалга оширилиши лозим бўлган мақсад ва вазифалар ижросини таъминлаш, дарахт экиш ва парвариш қилиш ишларини тўғри ташкил этиш масалаларига бағишланган семинар бўлиб ўтди.

Давлат экология қўмитаси раиси Н. Обломурадов, ҳудудий Экология бошқармалари мутасаддилари иштирок этган семинарда “Яшил макон” умуммиллий лойиҳасининг жорий кузги мавсумида белгиланган вазифаларни ҳудудлар иқлим шароитидан келиб чиққан ҳолда тўғри ва тизимли ташкил этиш, мавжуд имкониятлардан унумли фойдаланиш, бу борада Кўкдала педагогика коллежининг тажрибасини оммалаштириш юзасидан фикр-мулоҳазалар билдирилди.

Шундан сўнг семинар қатнашчилари коллеждаги ушбу боғнинг яратилиши, мавжуд дарахтларни қарийб 20 йил давомида парвариш қилинишида жонбозлик кўрсатиб келаётган мазкур таълим муассасасининг директори, “Дўстлик” ордени соҳиби Мўминхон Азимовнинг бой тажрибасини ўрганишди.

Мўминхон Азимов тадбир иштирокчиларига сув танқис ҳудудларда самара берадиган суғориш тизими яратиш, дарахтларни парвариш қилишда агротехник меъёрларга қатъий риоя қилиш билан боғлиқ жиҳатлар ҳақида сўзлаб берди.

Семинар якунида Кўкдала педагогика коллежининг боғ яратиш ва дарахтларни парвариш қилиш билан боғлиқ бой тажрибасини мамлакатимизнинг бошқа таълим муассасаларида ҳам оммалаштириш ва кенг тарғиб этишга келишиб олинди.

24/09/2022

Ўзбекистон аккредитация маркази ДУК томонидан кеча Қашқадарё вилояти Экология ва атроф-муҳитни муҳофаза қилиш бошқармасининг синов лабораториясига "МАЪҚУЛЛАШ ТЎҒРИСИДА ГУВОҲНОМА" берилди.

21/09/2022

Давлат экология қўмитаси хузуридаги атроф-муҳитни муҳофаза қилиш соҳасида фаолият юритаётган ходимлар учун ўқув-семинари ташкил этилди.

21/09/2022

Давлат экология қўмитаси хузуридаги атроф-муҳитни муҳофаза қилиш соҳасида фаолият юритаётган ходимлар учун
ўқув-семинари ташкил этилди.

19/09/2022

17 сентябр — Бутунжаҳон тозалик куни.

Қашқадарё вилоят Экология ва атроф-муҳитни муҳофаза қилиш бошқармаси томонидан сана муносабати билан экоакция ўтказилди.

“Қўнғиртоғ” массивида жойлашган Қарши шаҳар чиқинди полигони ҳудудида ўтказилган экоакцияда Ўзбекистон Экологик Партияси Қашқадарё Вилоят Кенгаши, Тоза ҳудуд ДУК, ташкилот ходимлари, ҚарМИИ талабалари, ёш экопатрул гуруҳи, волонтёрлар ва ОАВ вакилларидан иборат 400 нафардан ортиқ кўнгилли фуқаролар иштирок этишди.

10 та қаттиқ маиший чиқинди ташиш техникаси жалб этилган акция давомида 5 гектар ҳудуд тозаланиб, 15 тоннага яқин чиқиндилар олиб кетилди.

13/09/2022

Давлат экология қўмитаси томонидан сохада фаолият юритаётган ходимларнинг малакасини ошириш борасида ишлар амалга оширилиб келинмоқда.

Жумладан, Қўмита ҳузуридаги Атроф-муҳитни муҳофаза қилиш соҳасида фаолият юритаётган ходимларни қайта тайёрлаш ва уларнинг малакасини ошириш маркази мутасаддилари бугун Қашқадарё вилояти Экология бошқармаси туман (шаҳар) инспекторларининг малакасини ошириш бўйича ўқув-семинарини бошлашди.

Малака ошириш курсини ташкил қилишнинг асосий мақсад ва вазифалар хусусида тушунчалар берилиб, бундан кўзланган мақсад биринчи навбатда истиқболли кадрлар тайёрлаш эканлигини, бошқарма ходимлари ўртасида устоз-шогирд анъаналарини кенгайтириш ва ёшлар ўртасида касбий кўникмани шакллантиришга эътибор қаратиш кераклиги таъкидланди ва тингловчиларнинг таклиф-мулоҳазаларини тингланди.

Ўқув-семинари савол жавоб, ўзаро мулоқот усулида олиб борилди.

06/09/2022

Расмий муносабат

Ижтимоий тармоқдаги “Шаҳрисабз тумани Шанбе қишлоғидаги аҳоли хонадонларига ёввойи йиртқич ҳайвон Силовсин кираётгани айтилмоқда.” мазмунидаги хабар юзасидан Қашқадарё вилояти Экология бошқармаси Шаҳрисабз туман инспекторлари томонидан бориб ўрганилди.

Ушбу ҳолат юзасидан "Шанбе" МФЙ-да махалла раиси, кўча бошиси ҳамда махалла фаоллари билан биргаликда махалла ҳудудида ўрганиш ишлари олиб борилди

Ўрганиш ва суриштирув ишлари натижасида "Шанбе" МФЙ ҳудудида Туркистон силовсин ҳайвони йўқлиги аниқланди. Туман инспекторлари томонидан "Шанбе" МФЙ-га ёндош махаллаларда қидирув суриштирув ишлари олиб борилмоқда.

02/09/2022

Қашқадарё вилояти экология бошқармасида “Янги Ўзбекистонда эл азиз, инсон азиз” шиори остида давлатимиз мустақиллигининг 31 йиллиги кўтаринки руҳда байрам қилинмоқда.

Ўзбекистон Республикаси мустақиллигининг 31 йиллиги муносабати билан Қашқадарё вилояти Экология ва атроф муҳитни муҳофаза қилиш бошқармасида байрам тадбири ташкил этилди.

Тадбирда Қашқадарё вилоят Экология бошқармаси бошлиғи Қ. Нормуҳаммедов барчани айём билан табриклаб, бугунги кунда мамлакатимизда экология ва атроф муҳит муҳофазаси соҳасига давлатимиз томонидан алоҳида эътибор қаратилаётганини таъкидлаб, устувор вазифаларни амалга оширишда фидойи ва фаол ходимларнинг ҳам хизмати катта бўлаётганини қайд этди.

Байрам тадбирида хизмат вазифаларига виждонан ёндошиб, фидойилик ҳамда алоҳида ўрнак билан хизмат кўрсатиб келаётган ходимлар, бошқарманинг ташаккурномалари билан тақдирландилар.

26/08/2022

Назорат рейд тадбири давлатимиз Мустақиллигининг 31 йиллиги тантаналари нишонланаётган кунларда халқимизга янада кўтаринки байрам кайфиятини улашиш, шаҳар, туманларимиз тозалигини таъминлаш, экологик қонунбузилишларнинг олдини олиш, ўсимлик дунёси, сув, ер, ҳаво каби ҳар битта экологияга алоқадор нарсаларга нисбатан қонунбузилишларини олдини олиш мақсадида Қашқадарё вилояти Экология ва атроф муҳитни муҳофаза қилиш бошқармаси Ички ишлар бошқармаси ҳамда Миллий гвардия ходимлари билан ҳамкорликда ўтказилди.

24/08/2022

«Яшил макон»: кўчатларни парваришлаш жараёнлари

Address

Қарши шаҳар, Жайхун кўчаси
Qarshi

Opening Hours

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00

Telephone

+998752210959

Website

https://ecokash.uz/

Alerts

Be the first to know and let us send you an email when Tabiat resurslari vazirligi Qashqadaryo viloyati boshqarmasi posts news and promotions. Your email address will not be used for any other purpose, and you can unsubscribe at any time.