Chawngtlai Mizo Historical Village

CHAWNGTLAI - MIZO HISTORICAL VILLAGE (162 km from Aizawl, 50 km from Champhai)- Historical Sites and Artifacts at Chawngtlai- Mizo Historical Village are:
1. House site of Chawngtlai Chief Nikuala, who guarded the western part of Mizoram from the eastern enemies
2. Sahlam - a tree where they hung enemy heads
3. Zawlbuk ban - Foundation post bachelor quarters
4. Tawlhlohpuan - the first warriors cl

othes originated from this village
5. Pasaltha Hranghleia feikibar - Brave worriers Hranghlei’s spear-head
6. Manganga lungtat - Whetting stone of Manganga, the chief blacksmith
7. Manganga lung - Monuments pictorial stone of Manganga, the chief blacksmith
8. Chawngtlai - The flowering tree called Chawngtlai
9. Hmar Lungtat - Whetting stone of Hmar tribe dating back to 1700 AD
10. Pasaltha Hranghleia thlan - Tomb stone of brave warriors Hranghleia, who guarded the western from the eastern enemies
11.Lasi lalnu Tantihchhingi Khawpuitan - the hills of the forest fairy queen Tantinchhingi
12.Lal Nikuala inthawina - Chief Nikuala’s worship place
13.Tantinchhingi Khawpuitan puk - A fairy queen Tantinchhingi cave at Khawpuitan
14.Thingtlang Thlanmual hmasaber - First village graveyard in Mizoram
15.Hranglung - Monument by warriors in the 18th century
16. Lal lungdawh - Monuments by the Chief and his family
17.Lalruanga lungkahkeh - the ancient famous mizo warlock stone crushed with his arrow
18.Lal Nikuala man tuma lo thawk Bristish sipai inkulhna - The resting place of Chief Nikuala where the Bristish Army captured him
19.Mithah kawn - The last slaughter place, where the enemy warriors from Pawih tribe slaughtered the Lushei.
20.Mizoram lungphun sang ber - Tallest monolith in Mizoram 24.6 feet
21.Lungsen(red rock)- fortune telling red coloured rock
22. Biaklawma lung - Memorial stone of biaklawma, a bachelor who guided the children in doing good and introduced the idea of the Mizoram Presbyterian’s version of babies’s Christening
23.Puk ropui - The big/great cave
24.Lasi rorelna puk - A cave where the forest fairies used to have council meetings
25.Theire puk - the cave where the village priest used to give offerings to the pagan gods
26.Hringei puk - The cannibal cave
27. Sai Bualpui Dil - A bathing pond of the elephants

A chipchiar zawkin Mizo tawngin aw....

CHAWNGTLAI
(MIZO HISTORICAL VILLAGE)

Chawngtlai khua hi k*m 1887 bawr vela lal ropui tak Nikuala Zahau ho a din a ni a, a ram chhungah hian thing par mawi tak Chawngtlai thing a tam avangin a khaw hmingah hian an phuah ta a ni. Tuna Chawngtlai khua hi lal Nikuala leh a khua leh tui ten hmun hrang hrang an kai hnuah, a tupa Chawngtlai lal, Zahuata hovin k*m 1932-ah luah lehin, tun thlenga mei mit lo a dingin, in zathum sawmnga (350) chuanga chhal a ni. Chawngtlai ram chhungah hian phuahchawp leh thawnthu mai ni lo, kan pip**e khan sulhnu tam tak an hnuchhiah a, chungte chu thangtharte hmuh theih turin a la awm nual a. Khualzin te hip turin hmun pawimawh a tam hle bawk. Mizoramah hian a khaw mal khaiah pip**e sulhnu hlui, hnam rohlu leh hmun pawimawh neih ngah leh neih tamah a ber a ni hial awm e. Chuvang chuan, Chawngtlai hi ‘Mizo Historal Village’ tia chhal ngam a ni. Pip**e sulhnu chhinchhiah tlak tak tak chanchin tawi chu i han chhui zawr zawr teh ang. Zoram humtu zam ngai lo lal Nikuala
Chawngtlai hmuna Mizo pip**e sulhnu tam tak lo awmna chhan ber, zoram humtu lal Nikuala chanchin tawi hi he booklet-ah hian telh loh theih loh a ni a. A chanchin pawimawh zual nia ngaih chauh i han thlir ho teh ang. Tirhkoh Vanchhunga chuan, “Nikuala Zahau pawih zahawm leh lawmawm, chibai buk turin ka lukhum ka hawng lo thei lo”, a ti. Liangkhaia chuan, “Nikuala, amah chauhin tang mahsela Halkha pawih ho zawng zawng pawhin an ngam lo zawk,” a ti bawk a. Mizo ziaktu lar K.Zawla chuan, “Pawih ho zorama lo lut tur Vuta’n a hrilhru a, a lo that phiar zel,” a ti. Tirhkoh Vanchhunga chuan, “Nikuala pa fel hi a hming i chawimawi ang u, mipui mitin vanneihna min thlentu Nikuala, Pawih pate takte a ni,” tiin, “Lusei mipui humhimtu ropui pakhat chu Nikuala, Dokhama pa leh Zahuata pu hi a ni,” a lo ti hial bawk. Heti khawpa ringtu hmasa leh lehkhathiam hmasate pawhin Nikuala chungchang hi an ziak duh anih chuan, Zoram tan hian a pawimawh hle ang tih hi chu kan chhuizawn thiam mai awm e. Sailo rama Lusei ho chuan Falam-ah chhiah an chawi k*mtin a, lusei lalten an sawisel ngam si lo; chu aia lusei tana rip zawk leh nasa zawk chu mihring an phil ru a, an man bawk a, an tawrhhlelhawm em em a ni. Thlantlang pawih leh Halkha pawih chuan Lusei ho chu an run reng a, an that reng bawk a. Tirhkoh Vanchhunga sawidanin, “ Naupangte pawh an ru bo fo a ni”. Hemi avang hian Sailo lal tamtakte chuan Mizoram thlang lam an pan phah nasa reng a ni. Hetianga pawih ho chimawm taka an che thin hi lal Nikuala chuan duh lovin, huaisen takin pawih do hi a la (puang) ta a ni. Chutianga do a lak ngam avang chuan lal Nikuala khuaah hian pasaltha huaisen tak tak an pem lut nasa hle a. Nikuala leh a pasalthate chuan do an han la tak tak a, pawih pasalthate chu an that mang vek a, lusei khaw tamtakah chhiah khawn a bang a, Lusei ram chu pawih ral lakah a lo ralmuang ta a ni. Tirhkoh Vanchhunga sawi angin, “Mihring chhiah leh sum chhiah khawnin, Pawih ho chuan Tiau lui an rawn kan ngam ta rih lo a ni”. Hei vang hian Nikuala hian Zoram humtu nih hi a phu ve reng a ni. Nikuala’n pawih ral a do chhung hi k*m 12 vel zet a ni a, pawih ral a do chhung hian mi pathum (3) Hauzika, Kapvunga leh Kapchina te chauh a hlauh a ni. Nikuala’n hetiang taka do a lak avang hian Pawih ho chuan Nikuala chu an haw ta em em a, mahse, an do ngam tawh bawk si lo a. Vailian vawi 2-naah Mizo lalte zingah Nikuala pawh mi run hmang leh milu la thin a ni tih an hria a, Burma lam atanga vailian lo kal hnenah chuan pawih ho chuan, “Nikuala, Chawngtlai lal chu, mi do hmang leh mi thah ching tak a ni. Thlantlang mi panga (5) a that a, an lu pawh a la nghe nghe a ni,” tiin, Halkha miten sipai hnenah chuan an hek a. Chu hekna avang chuan Nikuala man tur chuan sipai ho chuan Chawngtlai khua chu an pan ta a ni. The Chin Hills tih lehkhabu,7th April,1895 a Bertram S. Carey, C.I.E. leh H.N.Tuck, Political Officer-te ziahdan chuan 3rd, April, 1891-ah chuan Fort White atanga mel 84 a hla an kal hnu chuan Nikuala khua chu an thleng ta a. Daipawnah chuan awm hmun an khuar lawk zet a. Chawngtlai daia awm hmun an khuar fel hnu chuan, Nikuala chu Political Officer, Bertram S. Carey hmaah chuan an ko ta a ni. Nikuala an rawn hruai chuan thil awmdan an hriat duh zawg zawng chu an zawt a. Ani pawhin chiang tak leh pawmawm takin a chhang zel a, mi zawng zawng k*tah a awm a, a k*tah mi zawng zawng pawh an awm a ni tih a sawi bawk. He lehkhabuin Vailian hnathawh dan a sawinaah, Nikuala hian ni sawm panga (15) kal taah khan Halkha rama Dawn khua mi panga (5) a that a,he thu hi a zep bik lova,nghet takin a ding tlat a. Hetiang hian a thah chhan a sawi a, k*m sarih (7) kal ta atang khan heng Halkha mite hian a khua leh tui mi sawmruk panga (65) aia tlem lo an that tawh a,an lu te pawh an hawn tawh avangin, mi pang (5) te hi a that ve a ni tih tlang takin a sawi chhuak.Bertram S. Carey chuan, an lo tih dik tawk lohna avangin hremna an pumpelh thei lo ang a, mi pahnih (2) thattu chu a hnenah an rawn hruai ang a, Nikuala In an thiahsak bawk ang a, Silai sawm hnih panga (25), Chem sawm hnih panga (25), Fei sawmhnih panga (25) leh Sial pakhat (1) chawi tura phutin, hei hi mi panga (5) an thah hremna a nih thu a sawi bawk. Tichuan, an phut chu tihhlawhtlin sak an tum hle a, Silai sawm pathum (13) bakah Chem an phut an pe thei mai a. A tuk zing dar ruk leh a chanve ah Silai pariat (8) an pe leh a, mahse an phut, mi thattu pahnih (2) chu an hruai thei ta lo a. Mahse, mi pakhat hlauthawngin a hekna avangin mi thattu pahnih (2) te bihrukna hrilhin an man ta a ni. Man an tum tum hnihna 3rd April,1892-ah Chawngtlai an thleng a, sipai tawnglettu an hruai Chhuanthanga chuan,"Sipaiho hi Sial lo talh la, tichuan i bang ther pawh an thliak lovang," a ti a. Nikuala pawhin a awih mai a. Sipai Officer hmaah chuan a ding a, mi lu engzatnge a lak tawh tih an zawt a, mi panga (5) lu a lak tawh thu a hrilh a. Hetia an inzawh lai hian an milu khaina 'Sahlam’ thing hnuai kawr atang chuan uiin mi lu a rawn pu chhuak hlauh mai a, an han zawn chuan rang takin mi pasarih (7) lu chu kawrah chuan an hmu chhuak ta mai a, Nikuala chu an man ta a, Chawngtlai khua pawh an hal darh vek a ni. Nikuala chu Chhak lam vailian chuan an hruai ta a, a kal tha duh hauh lo mai a, an tihngaihna hre lo chuan an zawn ta ngawt mai a. An han zawn pawh chuan a hlang atang chuan a zuang thla a, tlanbo a tum a, an um a, an man leh a. A kal duh ngang si loh avangin a puakin an paw ta ngawt mai a ni. Chuti chung pawh chuan a pawtute tukkhum chu a la seh sak ta zel tho va. A zangthal zawngin an paw ta ngawt mai a, kawngko remchang an thlen veleh, kawng ko chu a tlawh vak a, a pawtute nen chuan an tlu leh dial thin a. Sipai thinrim chuan an silai kawmin an chhu a, an tlawh thuai thuai bawk a, a hmaite pawh a vung ber bur mai a ni an ti. Sipai pawh hian lusei ho man chu an hreh phah sawtin an sawi. Tichuan an hruai zel a, a pianna khaw bul Tlau hmun an thleng a; hetah hian hun engemawchen chu an awmpuiin an sawi. Chuta tang chuan an hruai leh a, Kankhaw Jail-ah an dah leh ta a. Heta a awm lai hian a chhungte pawhin an tlawh thu an sawi. Jail-a a tan lai hian chaw a ei tha duh lova, a bar duh bawk si lo. A tawpah chuan a vengtuin chaw chu a barh ta ngawt mai a, mahse, a thinrim a la reh lo a ni ang chu, chaw barhtu k*t chu a seh sak leh zel a, enkawl a harsa kher awm asin. A tanna case an siamsak danah chuan mi sawmhnih (20) thata an puh avangin k*m sawmhnih (20) tang turin an ti a, mahse k*m sawmhnih (20) tak tak chu tantir an tum lo a, ni khat chu chhuah an tum a, chhuah mai tur anih thu a hriat chuan, chuti maia chhuah chu Nikuala ngaih a tha tawk lo a ni ang. Chaw ei a hun chuan chaw petu Samamawnga chuan chaw a rawn pe a, Nikuala chuan rilru danglam a pu ta thut a, a chhuah dawn manah tiin amah chaw petu chu Chair ke b**gin a vawthlu tawp a, a vaw hlum der ta mai a. “Engti zia nge i vuak hlum mai?” tia an zawh chuan, “Tang chhuah dawn manah k*t sil nan ka ti a ni,” a ti ve hmiah mai a ni. Hetiang a mi a thah leh tak si avang hian rilru kim loah an ngai a, a tan hun pawh an pawtsei leh a, mi a dahnaah an tantir ta a ni.A hun hnuhnunga a tanna hmun hi chu British ram vek a la ni bawk a, a thihni thlenga a tanna hi Calcutta niin an sawi. Mizoram leh hnam, Pawih ral leh hnam dang laka Mizoram chhantu lal huaisen Nikuala, Chawngtlai lal chu Jail-ah a damchhung hun a hmang zo ta a ni. Chanchintha khawvar thlen hmain zoram chu a thim em em a, a chak chak leh a huai huaiin ram an la zau a, an mi leh sate an veng him bawk a. Sahlama milu khai tam thei apiang mipui tan belhfakawm an ni thin. Chutih hunlai ngei chuan Nikuala ngei pawh hian Sahlamah milu thahnem tak a khai ngei a, chu Sahlam chu vawiin thleng hian Chawngtlai khaw chhungah hmuh theihin a la awm. Hei hian lal Nikuala hi a khua leh tuite mai bakah Lusei ram a venhim zia leh a thawh nasatzia a entir a ni. Kan ram, Mizoramah mizote him leh thlamuang taka kan awmna chhanah hian a bul ber kan Pathian a ni chungin, lal Nikuala hi sawi hmaih theih a ni bik lo. Tirhkoh Vanchhunga chuan, “Nikuala Zahau pawih zahawm leh lawmawm, chibai buk turin ka lukhum ka hawng lo thei lo”, a lo ti reng a, Vawiina keinin Mizoram ngeia thlamuang taka ‘Haleluia Chorus’ kan rem thei ta mai hi a ropuiin a lawmawm a, Pathianin Mizoram a hmangaihzia hriat thar leh hi kan bat ve a ni. Chawngtlai khua leh a ram chhunga pip**e sulhnu chhinchhiah tlak tak tak leh khualzinte tana hmun nuam tak tak,hmun danga awm ve lo thil hlu, ramdang atanga khualzin lo kal te tan pawha tlawh chakawm, keini mizote tan ngei pawha hnam rohlu tling pha tur hmun tam tak awm te hi i hman remchan huna an chanchin ngaihnawm tak te i hriat theihnan leh i mit leh beng, hriatna a tlai zual theihnan tawite tein i han tarlang teh ang. Chawngtlai khuaa Pip**e sulhnu pawimawh te:
1. Zoram humtu lal Nikuala In hmun
2. Sahlam (Pip**en ral thah lu an khaina thing)
3. Sahlam leh a chhehvela thil hlu pho chhuah te:
• Zawlbuk ban
• Tawlhlohpuan lo chhuahna tobul
• Pasaltha Hranghleia tawlhlohpuan
• Pasaltha Hranghleia feikibar
• Lal thirdeng Manganga lungtat
• Lung milem
• Chawngtlai thing
• AD 1700 hmalama Hmar ho lungtat
4. Zoram humtu Pasaltha huaisen Hranghleia thlan
5. Lasi lalnu Tantinchhingi Khawpuitan tlang leh lal Nikuala inthawina
hmun
6. Thingtlang thlanmual hmasa ber
7. Hranglung
8. Lal Lungdawh
9. Lalruanga lung kah keh
10. Lasi lalnu Tantinchhingi Khawpuitan puk
11. Lal Thirdeng Manganga lung
12. K*mpinu Sipaiten Nikuala an man dawna an riah hmun
13. Mi thah kawn (Pawih ralin Lusei an thah hnuhnun berna hmun)






Chawngtlai khuaa khualzin tana thil chhinchhiah tlak leh tlawh chakawm te:
1. Mizoram Lungphun sang ber
2. Lungsen (Aienna lung)
3. Mizorama Nau hual/lawm tichhuaktu Kristian Tlangval Biaklawma
hriatrengna
4.Chawngtlai hming putchhan thing/pangpar
5. Paranga pa tanna puk
6. Puk ropui
7. Lasi rorelna puk
8. Hringei puk
9. Theire puk (Bawlp**e inthawina hmun)
10. Sai bualpui dil
11. Sakei kua
12. Lungding (pip**e biak thin)
13. Lei pawp
14. Sakhi leilawn
15. Tuifar
16. Pastor Kaplunga damlai lungphun leh Pasaltha Hranghleia
17. Wolf Cup pawl lung
18. Lunglei
19. Vahlah lunglen tlang
20. Zoram humtu Pasaltha huaisen Hranghleia fanu Hmingliani

CHAWNGTLAI KHUAA PIPU SULHNU PAWIMAWHTE:

Zoram humtu lal Nikuala In hmun
Nikuala hian chawngtlai hi k*m 1887-1892 inkar khan a awp a. A in awmna hi Chawngtlai football playground sirah niin, a awmna lai hi humhalh a, enkawlzui mek a ni. Sahlam (Pip**en ral thah lu an khaina thing)
He Sahlam hi Chawngtlai Lal Nikuala khua te Sahlam (Mi lu khaina) thing a ni a, kan pipu ten an ral thah lu an khaina thing bik a ni. K*m 1887 vel atanga hman tan niin, he Sahlam lo pianchhuah dan chu hetiang hi a ni. Halkha pawih ten Mizo lal leh khuate an rawn run reng avangin Chawngtlai lal Nikuala leh a pasalthate chuan pawi do an la tak tak ta a. Hei vang hian khawchhak lam pawih ho pawn Chawngtlai khua chu run chimih vek an tum reng a ni. Chawngtlai bei tura rawl rala che, pawih pasaltha Ralbilha leh a ho te (an vaiin mi pasarih) chu an lo che ta ngei a, a hma atang rengin Ralbilha hi amah chauh pawha rawlrala lo che fo tawhin Sialhawk ramah pawh Ralbilha puk a awm hial. Milu pakua (9) la tawhin, nupa tuak kua (9) tang a lo then tir tawh. Heti khawpa mihrang leh hrat khawkheng hian nupui neih leh milu sawm (10) lak a rual a, lawm chu a tum ber a ni a. A rip thei ang berin an lo thawk chhuak a, an lo thawk ritin ral lu an hmingkima hawn lo chuan kir leh an tum lo. An chanchin chuan lal tam tak leh khaw tam tak chu a tiralti hle a, mutmu pawh an tuah thei meuh lo. Ral lo kal thu hi Biate lal Kairuma chuan a zan zana zualko tirin Khawhai lal a va hrilhtir nal nal a. Chutih lai chuan finrawl chhuahin Ralbilha leh a hote hi lo chelh khawtlaiin, zu a lo zuk a, Khawhai lalin a lo hriat chuan Lal Nikuala hnena a lo tiam ang ngeiin, ‘Ral an lo kal hunah Khawhai tlangah mei kan rawn khuk ang’ a tih chu meikhuk hmangin Nikuala khua chu a hrilh hre ta a. Lal Nikuala leh a khua Chawngtlai hian lo hriain a rang thei ang berin ro an rel ta nghal a ni. He tih laia Nikuala pasaltha lar zualte chu; Hranghleia, Chawngluta, Kawlhanga, Lalbawnga, Thanherha, Savawma, Chalbawnga, Tawka, Kaphnuna, Liantuvunga, Chawngphunga, Buangkela, Mamkawia, Kaiphunga, Chhunkhama te an ni. Nikuala pasaltha te hi an huaiin an kawlh hle a, mahnia rawlrala che ngam thiau an ni. Pawih ralho phei chuan, 'Nikuala khaw Pasaltha chu Sakei ang thiau an ni' an ti. Pasaltha Chawngluta phei chuan 'Pawi pasaltha ho nen hian papuiah min khung khawm sela, a hlehin inhlep ral thak ila' tih khawpin a ngamin a cho thin. Nikuala pasaltha te hian indo hi an kham lo hle tiin upa ten an sawi thin bawk. Khawhai phulah Chawngluta leh a hoten, Pawih pasaltha Ralbilha leh a hote chu lo changin, mi sawm (10) an ni a, ni sarih (7) chhung ngawt Ralbilha leh a ho te an lo chan lai hian Pasaltha Hranghleia leh a ho ten Thlikva kaiah an lo chang ve thung a, Chawngluta hian Ralbilha te ho hi Thlikva kaia an kal zawk a rin avang hian Khawhai phula chang tura an ti hi a lungawiloin a thin a rim hle. Mahse, a chang chhuak ta zawk si; Chawngluta a awm hle hle thei tawh lo, kawnglaiah chhawl insawh hliahin hmelma lo kal tur chu a chang tawp mai a ni. Ralbilha a lo lang a, Chawngluta silai a puak thawr a, midang silaiin a zui a, Ralbilha ho te an tlu zo ta. An hotupa Buangkela chu Chawngluta lamah lo tlanin, Ralbilha lo tlu sawp reng chu a rawn hmu a, Tawka (Trawka ti a lam tur) pawh lo tlanin Ralbilha lu chu Buangkela'n kuai dakin Tawka hian a hrawkah a zai ta a, Tawka'n Ralbilha hrawka a zai dawn hian Ralbilha hian a mit a la khap fak fak. Tawka hi pa uang thuang lo tak niin, pasaltha ni mahse, Ralbilha lu a tan hian a rap ru hle a, zu hmuna zawh chhuah an tum pawhin a sawi tha duh lo hle a, a ruih lungpuam fe loh phei chuan a sawi duh ngai lo. Tichuan, heng an milu lakte hi Sahlam hian khaiin, an k*t thak hnawihna silaimu tuartu Fah thing erawh chu a thi tawh a. Sahlam kiang maiah hian an zu bel hunna thin, lei an rih zawl pawh k*m 1976 thleng khan hmuh theihin a la awm. He indo hian k*m thum awhin, Pawih lam sawm pakua (19) thah an ni a, silai sawmpakhat (11) lak a ni. Tin, Pawih ral lam hian Nikuala khua Chawngtlai khaw mi pathum (3) an that a, silai pakhat an la ve bawk. Heng hun lai hian Chawngtlai khua chu in za li (400) chuang niin, silai fung sawm sarih (70) a awm (Lal Nikuala fapa Chawngtlai lal Zahuata chuan a diary-ah heng thu hi a ziak). He Sahlam hi k*m 1887 leh 1892 inkara Chawngtlai Lal Nikuala leh a pasaltha ten Lusei chhan nana khawchhak Pawih ral nena an indo laia an ral thah lu an khaina atana an hman thin niin, mi lu sawm pakua (19) khai a ni. He Sahlam hi lusei ten an leido ral thah lu an khaina hnuhnung ber a ni bawk. Tin, Chawngtlai hi inrun leh indo vanga Vailianin khua an hal hnuhnung ber leh tawpna a ni nghe nghe. Sahlam leh a hung chhungah hian Chawngtlai khuaa Pip**en sulhnu chhinchhiah tlak leh Pip**e thil hlu thenkhat lakkhawm theih te, a kawltute hnen atanga la khawmin hmuh theiha pho chhuah a ni a. Heng a hnuaia kan han tarlan bakah hian thil dang hlu tak tak Chawngtlai khuaah hian hmuh tur tam tak a awm. Heng a hnuaia tarlan bik te hi mimalin an kawl te anih hlawm avangin lakkhawm a, he khuaa Museum siam theih hunah dah tum a ni.
• Zawlbuk ban: K*m 1932 atanga Chawngtlai khua meimit lova luah a nih tirha sak a ni a, rei luah loin k*m 1936 khan thiah a ni. He zawlbuk ban hi k*m 1974 a Y.M.A. in faina hnatlang an neih tuma an laichhuah, Tuaitit thing a ni a, Chawngtlai Presbyterian Kohhran Upa, Upa C. Lalhmangaiha chuan lo dah tha ngar ngarin, thangthar te tan he thil hlu tak hi hmuh theihin a awm ta a ni.
• Tawlhlohpuan lo chhuahna: K*m 1890 hma lam khan khawchhak pawih hi Mizote chungah an hrangin an chimawm em em thin a, Lusei ho lahin an ngam si lova. Sailo rama Lusei ho chuan pawi khawpui Falamah chhiah an chawi k*mtin a. Chawngtlai Lal Nikual’n pawih do a lak hnuah chhiah chawi hi an bang chauh. Amaherawhchu, Thlantlang pawi leh Halkha pawihte chuan Lusei run an bang duh chuang lo a, hmuntinah an that reng a, Tirhkoh Vanchhunga sawi danin naupangte pawh an ru bo fo a ni awm e. Hetianga an chimawm em avang hian Chawngtlai Lal, Nikuala chuan pawih do lak tak tak a tum ta a. Do lak tak tak dawn chuan ruahmanna fel tak neih a ngai a. A khua leh tuiah chuan pawi ral laka zam miah lo tur leh tlanchhe lo tur Pasaltha huaisen engzat nge awm tih finfiah hmasak a duh a. Tuna 'Tawlhlohpuan' lo ni ta, tawlhlohpuan anih hmaa 'Puanrin' an tih thin chu, a puan chu thu hmun mahse, Tawlhlohpuan hming a lo pu hlen dawn ta a ni. Tunhma chuan Puanrin chu Zahau leh Hualngo mi tha bikte chauhin an nei thei a, Sechhun Khuangchawi thei nupui puan bik a ni. Chuvangin, mi naran tan neih phal a ni lo. Hetih hun lai hian Pawih ral an hlauhawmin an chimawm em em mai si a. Lal Nikuala leh a Upate chuan, Pasaltha, khua leh tui chhantu, huaisen leh ral laka tlanchhe ngailo tur zawn nan hranden zu an khawn ta a. Chu an zu khawn tur bulah chuan an mi lu lak tawh rimchhe tak mai chu zu hnim kher tura dahin, an zu khawn hma chuan an hnim phawt a. An zu hnim zawh chuan Pasaltha huaisen te khan,"Ral lakah ka hnungtawlh reng reng lovang" tiin zu chu an khawn ta thin a ni. Chutiang tithei leh tingam hnenah chuan Lal Nikuala nupui Lalngurvungi chuan ral laka hnungtawlh miah lo tur a intiamte hnenah chuan, an tawlh lo ngei dawn a ni tih nemngheh nan PUANRIN chu a lo bahtir ta zel a. Chuta chinah chuan Puanrin chu TAWLHLOHPUAN an ti ta a ni. Chutiang chuan pawih ral chu an do ta tak tak a, Chawngtlai Pasaltha Hranghleia te, Chawngluta te leh pasaltha huaisen tak takte chuan pawih pasalthate chu an that mang teuh hle. Mizoram chu humhimin a lo awm ta a. Tun thlengin an milu khaina Sahlam thing Chawngtlai Phaiveng a mi hi Chawngtlai Welfare Committee leh Chawngtlai YMA ten an la humhalh reng a ni. Hetianga tuma do ngam loh pawih ral an do a, an tukdawl tak avang hi a ni ngei ang 'Khuavel chelh loh Chawngtlai tlang hmingthang tual kan lenna' an lo tih kher thin. Chawngtlai Lal, Nikuala leh a Pasalthate hi Mizoram chhanhimtu ropui tak an ni. Tlawm ve ngai lo Lal Nikuala tluka zoram himna atana thawh hlawk hi an awm tawh kher lo ang.
• Pasaltha Hranghleia tawlhlohpuan: He puan hi Pasaltha hmingthang leh huaisen Hranghleia tawlhlohpuan niin, he puan hlu tak hi Lal Nikuala leh a nupui Lalngurvungi te ban a ni. Lal Nikuala leh a nupuiin an pasalthate hnena ral do an lak dawn a, hnung tawlh miah lo tura huaisen taka ral bei turte hnena an ban puanrin a ni. He puan leh hetiang ang zulzuia tah hi Pasaltha Hranghleia ban a nih atang hian ral laka hnungtawlh lo tur entirnan ‘Tawlhlohpuan’ tiin a hming an vuah a, vawiin thlengin he puan hi Mizo te puan chhuanvawr berte zinga mi a ni. Pasaltha Hrangleia Tawlhlohpuan puan hi a taka hmuh theih a la awmin, Pasaltha Hranghlei’n a fanu Pi Hmingliani hnena a rochun tir a ni.
• Pasaltha Hranghleia feikibar: Ral leh sa hrang laka a mite leh a khua leh tui chhan himna atana a hman thin fei hi humhalh leh enkawl a ni a, an manganna leh raltitna lak ata, thin thi leh lungmuang taka nunau leh naupangte an awm theihna tur atana Pasaltha Hranghleia hmanrua hman fo a ni.
• Lal thirdeng Manganga lungtat: K*m 1911 vela Lal Dokhama thirdeng thin Manganga pum lungtat a ni.
• Lung milem: Chawngtlai ramchhungah hian a lo luah hmasatute sulhnu lung milem hmun thum laiah a awm a, heng lung milem te hi k*m 1700 AD hmalama Mizote thlang kan tlak tak tak hma, Chawngtlai leh a chhehvela Hmar chi peng pakhat ‘darlawng’ leh hmar hnam peng dang ho lo awm te sulhnu nia hriat a ni a. Lung pher hlai takah milem nalh tak tak leh a hunlai a mite nunphung tarlang thei tur, awmze nei tak ker a ni. Lung milem hmun khat a mi chu zo tlangsang atanga zawn sawnin Chawngtlai Sahlam bulah phun anni. Pakhat leh chu Thingpawnchhe tlang lung milem pakhat atanga mel hnih chuang laia hlaah a awm a. He lung milemah hian Dinasaur lem kan pip**en an lo ziak reng mai a. Hei hi thilmak tak a tling a ni. He lung milem hmunkhata awmna leh lehlama awmna inkar ruam rem tak mel hnih dawn chuang lai mai hi tunhmaa khawpui lian tak awmna nia hriat a niin, lung milem hi kawtchhuah lehlam lehlam a phun nia hriat a ni.
• Chawngtlai thing: Chawngtlai thing hi he khaw hming putchhan hi niin, November - January thla ah a par thin a, a par hi a mawiin savaten a zu hi an duh hle bawk. He thing pangpar hi Chawngtlai Sahlam hung chhung leh Chawngtlai ramah a tam hle a.Chawngtlai leh khawzawl inkar kawngpui sirah pawh phun a ni bawk a ni. Tin, Chawngtlai thing leh Tlaizawng thing hi thing unau tih thin a ni a, an in ngai em em a, Tlaizawng hian a zawng a zawng thin a. Chuvang chuan Chawngtlai zawng, a lam tawiin Tlaizawng a ni e an ti bawk.
• Hmar lungtat: Hmar lungtat hi Mizorama mizote thlang an tlak tak tak hmaa Hmar hnam peng pakhat darlawng hoin Chawngtlai khaw chung an luah laia an lungtat lo hman thin nia hriat a ni a. He lungtat hi k*m 1700 AD hmalam a mi a ni awm e. Hranghmingthanga, Chawngtlai Vengpui, pip**e sulhnu hlui tuipui em emtu hmuhchhuah a ni. Zoram humtu Pasaltha huaisen Hranghlei thlan
Mizo pasaltha huaisen leh hmingthang kan neih tlemte zinga mi niin, Chawngtlai lal Nikuala pasaltha chhuanvawr ber a ni a. A vanglai chuan sa leh ralah mi hrat khawkheng, khawtlang muantu, pawih ral laka zoram chhantu a ni. Tarkunin a dam a, a chak vak tawh loh, ramvak leh sapel thei tawh lo a nih hnu chuan, mi ramvak leh sapel hlawhtlingin kawtchhuaha hlado chhama tlang an tlir changte hian a lung leng em em thin a, pawnah chhuakin a târ hnuah hlado,
Lenghnem e, awm vial leh maw,
Tharsa nan va hawl chu e,
Kei chu e, par bang e,
Ka chuai ai e;
Lam chho kai lai e,
Ka zuam lo e. tih chu mittui tla chungin a lo chham ve thin. Râl panga (5) a that a, sai pahnih (2), se le pahnih (2), Ramsial sawm pathum (13), Sakei pathum (3), Sakhi tel loin sa zathum (300) chuang a kap a, Ruai vawi sawmriat pahnih (82) a theh. Ramchhuahnaah thawm a dim thiamin Vazar ram tla lai a man nalh nalh thei a, zukchal pawh hnung lam atanga thawm dim taka vehin a sat hlum bawk. Chawngtlaia an awmlai hian Hranghleia farnua fapa (a tupa) leh midang te chuan Dawn (Tiau lui chhak lawk, Thingsai chhak a mi) atang chuan an khua Chawngtlai chu an rawn rûn a, a tupa ngei pawh Zoram chhan nan a kap hlum hial. K*m 88 a upa a nihin April ni 2, 1942 khan Chawngtlai khuaah hian a boral. Pasaltha Hranghleia hian thlawhna hi a awm theih a ring ngai lova, thirhlawm vansangah a thlawk thei lo a ti tlat a, a thihni chiah hian Jet fighter Chawngtlai chung zawnah a rawn thlawk an ti. A ruang hi Chawngtlai thlanmual hluiah zalh a ni a, tunah a thlan hi Chawngtlai venglai Isua Kohhran Biak In atanga 100ft vela hlaah hmuh theihin a la awm. Lasi lalnu Tantinchhingi Khawpuitan tlang leh lal Nikuala inthawina hmun
Mizo te Kristian kan nih hma khan Khawpuitan tlang hian huai nei leh rau neiah an ngai thin. Nikuala'n Chawngtlai a luah lai hun (1887-1892) hian milu lak tuma rammu tur leh rawlrala chea an chhuah dawn apiangin he tlangah hian kalin a inthawi thin. An chem ai a kal dawn (an hlawh tlin dawn) chuan he tlang huaisar tak hi khur der der leh rûm veng vengin an hre thin; an hlawhtling thin reng lah tak a. Tin, Zahuata Keìfang tlanga a lal lai khan he tlanga ramhuai ho chuan 'Aihawlh' tih te, 'Nu-ek' tih ten khua a mite an rawn au thin (Keifang tlang leh Khawpuitan hi a inep ut a ni). Ramhuai ho pawh an in au ve tho va, 'Lengzik' tih leh, 'Tantinchhing', tih te a in auin, an in au thawm hi Keifang tlang ami te pawhin an hre fo mai. Hei mai bakah hian Khuailui lama ramhuaite nen pawh inauvin, ‘Kailui’ tia in au ri te an hre thin. Lasi lalnu Tantinchhingi leh a hote awmna a nih avang hian helai tlang leh a chhehvelah Lasi puantah lai te leh an puanzar tlar dal te an hmu thin a, tau meichher chhi an tam thei hle bawk. Khawpuitan tlang hi tan lalnu Tantinchhingi lalna tlang anih avangin hmundanga ramhuai chengte nen pawh an intlawh pawhin an indo fo thin a, Lurh tlang lama ramhuaite nen pawh nasa taka indovin, ramhuai ho chu vansangah vamurah changin, lurh ramhuaite nen an indona vansang zawnah hian vamur thi tamtak tla awmin thisen te pawh a baw tentun hial niin a hmututen an sawi thin. He an indo tum hian khawpuitan lama ramhuaite hian hnehna an chang. K*m 1990 hmalam thleng khan helai velah hian ramhuai thawm hria hi an awm fo thin a. Thutak Nunpuitu Team (TNT) ten zanah petromax khaiin ramhuai hnawhchhuahna leh tawngtaina an nei a. Heta tang hian ramhuai ho te hi an thawm hriat a ni leh ngai ta lo. He an ramhuai hnawhchhuah tawngtai tuk hian mak tak maiin, Chawngtlai nu pakhat helai bawra lo a feh chuan ramhuai ho pem thawm leh an tawng ri nawk nawk a lo hria a ni. He tlang leh a chhehvelah hian puk a awm nual a, Khawpuitan puk, Hringei puk, Lasi rorelna puk, Puk ropui leh Parangapa tanna puk te a awm. A tlangdung leh chhehvel hian Chawngtlai khua chu khawchhak lam ral lo kalna tur dalin kham chhengchhe pui pui leh lung bang kal rem lo tak takin a hual zui mai a, mihring kal awlsamna deuh chu khan thum (3) chiah a awm a. Nikuala lal lai hian heng khanahte hian pasaltha enthlatu ventir tlat an ni. He tlang hi Chawngtlai atangin 3 km chauha hla a niin, a hmun thleng motor a kal thei. Khawpui tan tlang leh a chhehvel tlang hi a sangin a nuam em em a, khua a lang tam a, fur khaw thian tak tak lai chuan Sialsuk tlangte pawh a theih hial a, a hmu thei deuh chuan East Pakistan (tuna Bangladesh) tuikhuah pawh an hmu thei hial thin. He tlanga lawn tawh te chu lunglenna mak takin a zem thin a. Chawngtlai kal tawh phawt chuan he tlang leh a chhehvel hi kal ngei ngei an tum thin. He tlang san zawng hi 7003 ft. a ni a, he tlang atanga tlangdung inkhawh hmun nuam tak hi a thelh nuamin, nuam taka nunau pawh kal zar zar theih tura tlangdung kawng mel hnih vel samfai a ni. Heng tlangdung a tlang chip thenkhatte hi an sang hlawm hle a, heng tlangdung kham rang sen veng vungah te hian puk tih tham tak tak a awm bawk a ni. Thingtlang thlanmual hmasa ber
He thlanmual hi Superintendent of Lushai Hills, C.G.G.Helme an khawtin hnenah kawtkai leh kaiten hnuaiahte inphum mai mai tawh lo a thlanmual hmun hran nei theuh tura thupek a chhuah hma lam, k*m ruk (6) k*m 1924 ah Keifang tlangah thlanmual hmun mumal tak, lane fel tak neiin, Nikuala tupa Zahuata khua Chawngtlai chuan an lo nei tawh. K*m 1929 khan Pu Makthanga chuan uar leh duhthawh fe in ‘Mizo leh Vai Chanchinbu’ ah (Editor a ni) khawtinin thlanmual neih atul zia thui takin a lo ziak tawh a, sawrkar lamah pawh a nawr na viau a ni awm e. K*m 1930 ah chuan Mizoram awptu Superintendent of Lushai Hills, C.G.G.Helme chuan thlanmual neih chungchangah thupek a chhuah ta hial a, Mizo leh Vai chanchinbu, May,1930 chhuakah hetiangin; 'Tun chinah lal khaw tinten mitthi an phumna hmun Thlanmual, a hran nei sela a tha em em a ni. Khawlai thler leh kawngka bul lawka mitthi phum hi a tha lo a ni.Tun chinah khaw daiah mitthi phumna hmun Thlanmual hmun a hranin siam tawh tur a ni.Thupek anga siam lo an awm chuan a pawi ang. Tuikhura luanglut thei lo lamah ni rawh se' tiin. Hetih hunlai hian Mizoram thingtlang khaw hrang hrangah Chawngtlai khua anga thlanmual mumal nei hi an awm hriat a ni lo. Hei vang hian sapho awpna hnuai ni lo Mizoram thingtlang khuaah chuan chawngtlai khaw hlui thlanmual hi thlanmual hmasaber nia hriat a ni. A thlanlung atanga a land an chuan mi sawmnga (50) chuang vel phum an ni. He thlanmualah hian sal paruk nei te, hmeichhe sakei ai te, Thangchhuah te, B**g b**galow-a b**g phuntute leh midang, mihrang tak tak phum an ni. Chawngtlai khua atangin kilometre khat leh a chanve vela hlaa awm a ni a, Motor-in a hmun thleng deuhthaw a kal theih. Hranglung
Pasaltha, mi that/ral that, mi hràng huaisen ve tawk takin an damlai lung leh an damlai nun hriat reng nan lung an phun thin a, chu chu Hrânglung chu a ni. Hrânglung hi mizoram khaw tam tak hian an nei lo a, hriat pawh an hre kher awm lo e. Hmanlai huna raldo/lei do nei khua loah phei chuan Hrànglung phun thei hi an tam lo. Hrânglung hi a huaisen leh ralthat nazawng emaw, duh duhina phun theih a ni lova, Mizo hmânlai kalphungah chuan, Chawngthu hnam chauhin an phun thei. Hmânlai chuan, thiang leh thianglo an ngah a, Sailo hnamin sa piangsual sa an ei thiang lo a, Lusei hnamin Khiang thing leh Fartuah thing hmanruaah an la in, an hmang thiang lo, khiang thing chu kuang urna a ni a, Fartuah chu mi rawp lam nana milem a tuk thin a nih vang a ni. Hetiang deuh hian Lusei hnam nazawngin Hrânglung an phun thiang lo. Hranglung hi ànchhia nen a phun a ni thin. Hetiangin; “He ka Hranglung hi, a ti chhe tu chu Mihring a ni emaw, Ràn a ni emaw, Ngal ngetin thi rawh se” tiin thu chhamin an phun thin. Vawikhat pawh Arro lal Rokima lawmthu sawi na tur, Pu Chuauliana (L) F/o Upa P.C.Khawhluna Se pa rang chal lian tak, Chawngtlai a mi chu an lei a, Arro khuaa an kai tur chu Pu Ralkhama hranglung a si thlu a, Chawngtlai pa tar ho chuan,'E khai, in ran chu damin inkai thleng lovang a', an ti a. An sawi ang ngeiin Khawzawl Dinthar thlen hma kelbuh tui bulah vanduaithlak takin a thi der mai a. Arro khua chu a sa phurin an buai hle a ni awm e. Vawikhat leh pawh bawng chal pakhat hi Hranglungah a pang a nawt a, chu Hranglung chu a tliak ta mai a, hemi hnu reilo teah chu Bawng chal chu chinghnia in a seh leh bawk. Chhungkaw pakhat pawhin an pu Hranglung beh chhanin In an sa a, a tirah chuan serh ve deuh mah se, khua a lo rei a, an serh lo zo ta a, chu an pu Hranglung chu sawi thluin, kaiten phahah te an hmang a, chuta tanga reiloteah an chhung chu pan chhia in a bawm a, an thi zo ta. Tunah hian Chawngtlaiah Hranglung hmuh theih pakhat a la awm a, Chawngtlai hmuna Manganga hmun awm lai a mi a ni a, kawtchhuah a phun a ni. Helai hmun hi Chawngtlai khaw chung niin khua atangin mel chanve vel a hla a ni. Lal Lungdawh
Dokhama fapa Zahuata chuan Keifang tlang an va luah lai, k*m 1929 k*m khan Saizawl (vengpui mualzawl) luah phei an tum sa tawh a, Ni 26.9.1929 ah Chawngtlai lal Dokhama chu a thi a, a fapa upa ber, Zahuata chuan a pa hriatrengna lung chu a dawh ta a ni. Keifang tlangah chuan a pa lung chu dawh ta lovin, khawthar kai an tumna lam, Saizawl lamah lung hi an dawh ta zawk a. A pa thih hlim chhawnah lung hi an va dawh nghe nghe. He lungdawhah hian Dokhama nau Liannawla, Kelkang lal lung pawh phun a ni. Pastor Kaplunga damlai lung ropui tak an phun pawh hmuh tur a awm bawk. Tin, Zahuata fapa, Nithanga, a pu Nikuala hming chawia hming an sak lung leh lungphun dang te awmin, he kawtchhuah lungdawhah hian avaiin lung hi sawmhnih (20) chuang phun niin, tuna la ding hmuh theih chu sawmpali(14) a ni. Lalruanga lung kah keh
Mizo zinga dawithiam ber, Lalruanga’n a thal hmangin lung hi a kap keh nia an sawi thin a ni. He dawithiam Lalruanga lung kah keh hi chawngtlai ram chhungah hmuh theihin a la awm a, a lung kah keh hi a lian hle a ni. Lasi lalnu Tantinchhingi Khawpuitan puk
He puk hi Chawngtlai leh a chhehvel pukah hian a lar hle a. He puk kua hi a fur a thalin luahtu awm ang mai hian a bel hnum hlarh hlarh reng a. Bak leh sathar te tual chai thinna niin, tun hma chuan Lasi leh ramhuai ho ten he puk leh a chhehvel hi an an inti tatu hle thin nia sawiin,abikin Lasi Lalnu Tantinchhingi leh a hote chenna puk nia sawi thin a ni. Lal thirdeng Manganga lung
Hei hi Chawngtlai khaw chung, 'Mânganga lung' hmuna Dokhama lal laia thirdeng, Màngang damlai lungphun a ni. K*m 1911 vela phun tawh a ni. K*mpinu sipaiten lal Nikuala an man dawna an riahna hmun
Khawchhak lam atangin Nikuala bei turin k*mpinu sipaite chu an thuam famkim nen an thawk chhuakin, Burma lam atangin Neihdawn tlang an rawn kal liam a. Chawngtlai dai fem mai, High School veng atanga khawzawl lam kawng, high school chhak lawk kawng kawi kual lai, ram rem leh Variah lei deuh hmunah zan riahna hmun bengbelin helai hmun hi Vairiah hmun tih a lo ni ta a ni. he hmun hming hian chawngtlai chanchinah hmun pawimawh tak a luah ta a ni. an riahna hmun hi khaw lan theihna ni si lo, khawdai lawk a ni a, zing khua a lo var a, Ar khuang ri te an hre ta, an han kal hlek a, Nikuala khua Chawngtlai chuan a lo ep ta ut mai si; an hawihai hle a ni an ti. Nikuala'n do a lak laia a khaw hmun thlan, Chawngtlai khua hi a lo biru em a ni. Ràl hlauhawmna lam, chhim lam, khawchhak lam leh hmar lam zawng zawng hi tlang leh khåm in a hual chhuak vek a, khan (pass) pathum (3); Bawngkawn, Chehrep kawn leh Sentet kawn chauh a awm. Khawthlang lamah erawh tlang in a hual ve lo a, kawlkil thleng hmuh theihin a in hawng huau ve thung. Nikuala'n khawchhak pawih, Halkha leh Thlantlang te doa a hneh hi indo leh inrun, Mizorama a thlen hnuhnunna ber nia hriat a ni a, a hnu lamah hetiang hi sawi leh hriat zui a ni ta meuh lo. Chuvangin, Chawngtlai khua hi Zoram khawvar panna lamtluangah hmun pawimawh tak a ni a tih theih awm e. Mi thah kawn
He hmun hi Chawngtlai atanga 7 km vela hlaah a awm. Chawngtlai lal Nikuala leh khawchhak pawi ho in do laiin Chawngtlai khua hian Buhro hmunah lo an nei a, Chawngtlai pa zing taka buh phur tura an kal chu khawchhak lama pawi chhe ralte hian lo changin a kal hmasa pahnih, Kapvunga leh Hrangbawiha leh mi pakhat an lo that a. Kapvunga leh mi pakhat hi a lu an hawn a. Hrangbawiha erawh hi chu insaseng thei hramin a lu a tlanbopui hman a, amaherawhchu, a thi ta tho a ni awm e. CHAWNGTLAI KHUAA KHUALZIN TANA THIL CHHINCHHIAH TLAK TE:
Mizoram lungphun sang ber
He lungphun sang 24.6 ft zeta sang hi Mizorama Chanchintha lo thlen atanga k*m 100-na champha hriatrengna atana Phaiveng Presbyterian Kohhranin an phun a ni a.Chawngtlai Vengthlang tuikhur hlui kawng Saphut lung atanga lak niin, a lakna hlatzawng hi 1537 meters zeta thui a ni. July thla k*m 1993 ah lak bul tanin, a lak tantirh ni hian Pathian hnena inhlanna hunserh neiin Pathian puihna dil a ni. He lung ni lo hi hemi tiat tho a aia tawi hret 22 ft. a sei chu la hmasain ni 10 chuang hnukin, 1300 metres vel an hnuh thlen hnuah an tib**g palh a, kohhran mipuiten an tuarin pawi an ti hle. Tichuan tuna lung phun hi Pathian puihnaa la tha lehin an hnuk leh ta a, kohhran mipuite pawh an fimkhur sawtin a hma aiin Pathian pawh an au ngun zawk ta a. Pathian Engkim titheia chuan a hnuh kal tir zel a, ni khatah an hnuh tawi berin 55 ft. leka thui te an hnuk a, a hnuh thui ber ni chuan 776 ft. laia thu te an hnuk leh lawi si. Lung b**g ta leh tuna lungphun hi a hnuh nan leh a phun dinnan hian ni 130 chuang an hmang a, Kohhran hnatlang tha 3200 chuang sen a ni. Hetihlai hian Kohhran member zawng zawng hi a pui a nawiin mi 242 lek niin, dan zawhkim phei chu mi 123 chauh anni. He lungphun nana mimal ran thawh pawh an awm nual a ni. He lung an tundin dawnah hian Pu J.Lalsangzuala(L), hetihlaia Finance Minister chuan, “ A tundin hi chu nangni tan chuan thil harsa tak a ni ang, Engineer mi thiam zawk rawih tur a nih hi a ti a”, Tichuan, kohhran mipuiten Khawzawl a Department Engineer te an va rawn leh a, khawl tha zawk hmang lo chuan tundin a hrasat tur thu alo hrilh si. Kohhran hruaituten an ngaihtuah chiang a,chutianga tunnan sum, kohhranin a neih loh bakah atir atang Pathian kan rinchhan tawh a, Pathian rinchhan chungin keimahniin kan tung tur a ni’ tiin an tum an tiruh a, P&E, leh PHE lam Department Typher leh hruizen te hawhin, a tunnan hian thinglian pui pui kih khawm a ni. Tichuan Pathian a rinchhanna nghat ngam kohhran mipuite duhthusam chu tihhlawhtlina awmin, Mizorama lungphun sang ber ni turin he hmunah hian tundin a lo ni ta a ni. Lungsen (Aienna lung)
He lung hi mak deuh maiin k*mtin hian a sendan a inang lova, a sen lar k*m leh a sendal deuh k*m awmin, he lung a sen lar chang hi chuan ‘Chawngtlai khua hian buh leh bal kan ngah dawn e’ an ti a, a sen lar k*m chuam mak tak mai hian Chawngtlai khaw mipui hi buh leh balah an hausain an beisei aia tam an thlo chhuak thin. A sen hi a lar lem loha a dal deuh tum chuan buh leh bal an thar a kiamin, an k*m that loh k*m a ni thin. He lung hi Chawngtlaia lo khawsa thin te khan k*mtin khel lova bul leh bala an hausak dawn leh dawn loh aiennan lo hmang thinin, an thlawhhma lak dawnah zawlnei ang thawthangah an ngai thin a ni. Mizorama nau hual/lawm tichhuaktu Kristian Tlangval Biaklawma hriatrengna
Tv. Biaklawma k*m 22, Pu Pawibawia Pachuau fapa hi k*m 1921 ah lo piangin, tleirawl sual pawh nei lo, Chawngtlai khaw timawitu a lo ni a, naupang te ni siin tlangval tlawmngai tak a ni chho a, 'Val-Upa' tia sawi hial a hlawh. Naupang ten eng thil emaw ti dawn se, 'Biaklawma'n a phal lo ' an tih chuan, an tilui ngam ngai lo. Naupang leh tleirawl ho khawm thiam tak a ni a, Boys Scout ah te hruaitu ni thinin, Wolf Cub ah phei chuan a thih ni thlenga Cub Master a ni. A ho hian Nau hual pawh bul tan a ni a, hei hi Zoram pum huapin a lo darh ta a, Kohhran Programme pawimawh tak a lo ni ta a ni. A thil tih leh hnathawh hi zoram Kristian te tan a pawimawhin a hming hi a dai leh tawh lo ang. Ni 6. 12. 1943 ah a Lalpa hnenah a chawl ta. A thlan lung hi Chawngtlai leh Tualte inkar kawngah a awm. Chawngtlai hming put chhan
K*m 1887 hmalam Nikuala Buang khua a lal lai hian khawchhak lama pawi ral ho hrang em em do tuma hma an lak tak tak dawnah hian tum khat chu an ram vak a, Tuipui lui rawn kanin Chawngtlai ram an rawn chuan a, zo tlangsang lama rawn chuang chhuakin, helai tlangsang hi a thengthawin nuam an ti hle. Tin, helai ram leh a chhehvel a, kham bawm leh thingdang ring thing pangpar an hmuh chuan mawi an ti em em mai a, chutiang thing pangpar chu a lo tam nangiang bawk nen, an ramvak an haw hnu chuan Upa te hnenah zawtin, an pangpar hmuh a nalh zia an sawi chuan, Upate chuan “Chawngtlai thing par a nih chu a mawi asin” an lo ti a. Tichuan Nikual leh a khuate tuna Chawngtlai hmuna an rawn pem hian a khaw hmingah he rama thing pangpar mawi tak hming chawi hian ‘Chawngtlai’ an sa ta a ni. Parangapa tanna puk
Zakeua, Chawngtlai miten ‘Parangapa’ an tih mai chu pukah hian luh tumin, Pip**en ro an thuhruk a ring a. Zakeuva hi thing thei tak mai leh thing zar sang tak tak leh te tak tak pawh zawng ang maia zawh zawi zawi khawpa thing theia sawi thin a ni. He pukah hian Pip**en ro an thuhruk a ring a ni awm e, Thingzar hrui uai thlain, a puk awmna hi inthen luh chawp ngaia puk a lo nih avangin a inthenlut a, a hrui a chu a thlah leh ta si a, a ban pha tawh si lo; a tang ta a, ‘Paranga pa pukah ka tang e’ tiin, a au ta ruai ruai mai a ni awm e. A chhung leh khatten a lo haw lo tih an hriatin an zawng ta a. A kalna niawm lam an chhui zel a,a thawm an hre ta a, a tanna puk bul an thlen hi chuan a aw pawh a lo chhang viau tawh. Parangapa puka atan avang hian hla lar tak, Pu B. Zoramthara chuan a phuah a, ‘Sakhming chul lo, Parangpa’n ka tang a ti, A au ruai ruai khamrang pukah’ tiin, he hla hi a hunlai chuan Zoram tluanah a lar hle a. YMA Day nikhuaah pangpar lamah sak thin a ni. Puk ropui
He puk hi Sai bualpui dil atanga hla lote Champhai ep lama awm a ni a. Chawngtlai ramchhunga pukah chuan a lian ber leh zau ber a ni. A pianhmang hi dawrawn ang deuh niin, a puk chhung lamin zuihin a pawn lam a arh chhuak thung a ni. Mi 100 chuang leng zeta lian niin, he puk hi tunhmaa helai chhehvela lo chengte chuan an hmang tangkai hle thinin an sawi a. Rambuai lai pawh khan ramhnuai sipaiten tawmnan an hmang thin an ti. Lasi rorelna puk
He puk hi Chawngtlai atanga hla deuh tak, Chawngtlai ramchhung champhai ep lama awm a ni a. A puk luhna kua hi zim deuh mahse, a puk chhung lam chu a var zau thung a. He pukah hian ramhuaite leh lasi te pawh awmin ro an lo rel tawh ngei thin nia rin a ni a. He pukah hian lal thutna chair ang tak lung ban lehlam lehlam nghahchhan nei a awm a, a bul velah a khawnbawlte thutna tur a awm leh thliah thliah thung. Chawngtlai atanga he puk awmna hi a hlat deuh avangin hun thawl tak neih loh chuan kal maina chi a ni lo thung. Hringei puk
He puk hi lasi khawpuitan tlangdunga awm niin, he tlangdunga kham mawi ber, leh hmuhnawm ber niin, a kham chawi vel leh kham bang vel hi a hmuhnawmin, a chhuanawm hle a, he puk bul kham vela awm hi chuan ramdang hmun mawi takah kan awm emaw tihtur khawpin a hmun a mawiin a nuam a ni. Tin, hetah hian puk lian vak lem lo, tawmhulna remchang tak, sathar leh ramsate riahna hmun a awm. He puk hming put chhan hi Chawngtlai tlangval lungleng thei tak, hmangaihnaa lungliam, heng lai tlangdung nuam ti em em leh a rilru a thawh tawha helai hmun tlawh reng thin, Red Indian nunchan ngaina em em, ‘The Cannibals Club’ dintu, Dennis C.Laltlangmawia(Matlangmawia) zawnchhuah niin, a Club hmingchawi hian ‘The Cannibal Cave/Hringei puk’ vuah a ni. Theire puk(Bawlp**e inthawina hmun)
He puk hi Chawngtlai Phaiveng Vawmkawlui kawng chung tlang dung phei, khua atanga hnai tea awm a ni a, an sawi thin dan chuan helai pukah hian kan pip**e hunlai khan an puithiam ‘Bawlpu’ te kha an inthawi thin a ni awm e. He pukah hian mak tak maiin ramhuai ho tu nia sawi thin te pawh a awm a, a puk hi a zau lo nangin a dangdai ve a, hnam rohlu a ni. Sai Bualpui dil
He dil hi Chawngtlai atanga zo tlangsang lama awm niin, a hmun vel hi tunhma chuan Sai rualin an duh em em thin a, Sairual hian bualah an hmang nasa thin hle. Rihdil ang maia tuihna lo putchhuak hmuh tur awm lem lova dil lo insiam a nih avang hian Chawngtlai khuaa kan pi leh pu cheng hmasa hian an lo ngaipawimawh hle thin. Heng lai ram hi a tlang chhehvel a nuam em em a, Tlaizawng a tamin a par lai chuan lung tileng khawpa mawi a ni. Bualpui dil kotlang atang hian thlanglam hawi la lungpui lian tak kawr ruam, sai tluang hlui an tih sirah i hmu ang a, chu lungpui kiang chu helaia saiin mi pakhat a chilhlum an phumna a ni. He dil dep ram pharh nuam tak hi Lal Nikuala lam hnai tak Liantlirthanga hmun a ni. Chawngtlai run tur tan khan kalna remchang anih avangin Lal Nikuala hian Liantlirthanga hi veng turin a awm tir thin. Chawngtlai Village Council ten tuihna lo kam zel avangin he dil hi cheibawl tul an ti a, a hmun leh a vel te an cheibawl a, an humhalh tha tlat a ni. Helai vel hi a nuam hle a, Tlaizawng kung a tamin a par lai phei chuan tlawh a manhlain a mawi thin hle. Chawngtlai atangin 3 km vela hla a ni. Sakei kua
Lungpui lianpuiah puk a awm a, he puk kuaah hian Sakeiin no neiin, sakei hian he puk hi an ngaina hle nia hriat a ni a. Upate chuan k*mtinin he puk hi Sakei hian an tlawh thin niin an sawi. Chawngtlai ramchhung, Khawzawl atanga 7 km vela hla, Champhai road kawng thlang lam, kawng atanga hnai takah a awm. Lungding(Pip**e biak thin)
He lungpui sakhat hi a sangin a lian hle. A san lam hi 75 ft zeta sang a niin, mak tak maiin lung thuthmun (a bul) hi a len lam tehkualin 75 ft. tho a ni. He lung hi kan pip**e chuan huai neia ngaiin an be thin. Chawngtlai atanga khawthlang lam 3km vela hlaa awm a ni. Leipawp
Chawngtlai ramchhungah hian leipawp hi hmun hnihah awmin, mak tak maiin lung hnuaiah leipawp pakhat zawk chu a kaw ringawt mai a. A kaw puk hi a ropui dangdai hle a, Chawngtlai atanga kalin 2 km velah a awm. Pakhat zawk hi Lasai khawpuitan tlang dung, Pasaltha Sangluta tlakhlumna bula awm niin, tlang zawlah kuain, khamah a kaw tlang thung. Sakhi leilawn
He sakhi leilawn hi kawr thuk tak maia lung indawh kai niin, achunga kal theih tura indawh rem tak a ni. Tuifar
He tuikhawhthla mawi tak mai hi Khawzawl to Champhai kawngpui dunga awm niin, Khawzawl atanga 10 km velah a awm a, a awmna hi Chawngtlai ramchhung a ni. Fur ruahtui tamlai chuan helai tuikhawhthla hi a mawi thei hle a. He kawnga kalte chuan kalpelh harsa an ti thin hle. He Tuifar, tuikhawhthla mawi takah hian motor driver tamtak zanlama he hmun tlanpeltute chuan tunhma deuh chuan Lasi inbual an hmu thin niin an sawi fo a ni. Pastor Kaplunga damlai lung leh Pasaltha Hranghleia
Mizoramah hian Pastor damlai lungphun sawi tur hi an vang hle. Mizo pasaltha huaisen hmingthang Hranghleia damlaia Chawngtlai khaw bialtu Pastor chu Kaplunga a ni. Pator Kaplûnga hian ni 26.12.1939 k*mah Sechalin damlai lung a phun dawn a. Japan leh K*mpinu indo lai a ni a, Krismas tuk saruai ni niin, Pastor hmasa hian a damlai lung phunna ruai hi Krismas ruai atan rin nghal turin a thawh a. Se chal talh a tum a ni. Chutih lai chuan chawngtlai khuaah tuna Venglai leh Phaiveng te la awm lovin, veng khatah, Saizawl, tuna Mualveng leh a chheh vela la awm khawm lai a ni a. Tin, Lal, Zahuata'n in 30 chuang hnawt chhuak a, an ai ti mai ila, Zathlír Pawi a chah luh leh Pawiveng lo din tan hun lai a ni a, hun thim leh Khawvar an in nawk lai, Thing leh Mau innawh hunlai a ni. Hetih hun lai hian pu Kaplunga chu pastor hna chelhin Chawngtlaiah a rawn awm a, thu thlunghlui ziaa damlai lung te pawh phun an uar lai a ni. Pastor Kaplunga damlailung phunna tur Se chal pawh Biakin tual hung pawnah (tuna Primary School-II compound) an thlung ruau mai a, an talh dawn ta. Pasalthate'n an kap a, a tlu lo va, an kap ul ul mai a, an kap thlu chuang lo. An mangang chuan putar Hranghleia (Pasaltha Hranghleia) k*m 85 mi chu an zuk pun ta ngawt a, a ni chu lo kalin, puankawp hlui tawh tak hi a bat hlun a, a silai chu zakzehin a lo kal kun hlo hlo a, Sial bulah chuan dingin hlado, ''Kan kah hnu, kan kah hnu; Vanglai såra kan kah hnu'' tiin hlado an chham a, a Awllan silai chu a lek vuai a, a puak thawr a, sial chu a awp rup a, sechal chu a thi ta. Midangin an kahhlum zawh loh chu Pasaltha Hranghleia chuan awlsam tein a hnuk a chhat ta mai a. Hei hi Pasaltha k*t thlak nat vang nge? kha sial kha an lo hliam chauh tawh vang tih hi sawi zui a la hlawh ta reng a ni. Pastor Kaplunga Damlai lung phun leh Nikuala fapa, Dokhama lungdawh te hi Thangthar te pawhin an hmuh theih turin a la awm reng a, Chawngtlai khua leh dai vel i fan hun chuan, kùt ni vang thlaa tu dang ngai lova Chhawng an lo hnawhna hmun te hian i lung a tih len ve a rinawm. He damlai lung hi Chawngtlai Presbyterian Kohhran Biak In chhak, lal lungdawh hmuna awm a ni. Wolf Cup Pawl lung
Tun hun atanga thlir let chuan hmanlai a ni ta. K*m 70 chuang a vei ta. Chu hun chu 1940 a ni a, hetih lai hian chawngtlai khua chu khaw lian lo tak niin, in 150 vel awmna chauh a ni. Mahse, he khuaah hian pawl pawimawh tak pakhat WOLF CUB PAWL a lo ding tawh a. He pawl hi THILTHA TI PAWL ti te pawhin an sawi mai thin. K*m 1940 chho a tleirawl atanga tlangval thlengin he pawlah hian an inpe vek a, Zawlbuk awm tawh lo mahse, he pawlah hian inzirt