𝚃𝚛𝚊𝚟𝚎𝚕 𝙱𝚞𝚍𝚍𝚒𝚎𝚜 𝚋𝚢 𝕡𝕣𝕒𝕞𝕠𝕧𝕝𝕠𝕘𝕤

15/10/2022

ℕ𝕒𝕝𝕝𝕒𝕞𝕦𝕕𝕚 𝕍𝕚𝕖𝕨𝕡𝕠𝕚𝕟𝕥
തിരുവനന്തപുരത്തു നിന്ന് രാത്രി യാത്ര ആരംഭിച്ചു തൃശ്ശൂർ - കുതിരാൻ തുരംഗം വഴി രാവിലെ ആളിയാർ ഡാം ചെക്പോസ്റ്റിൽ എത്തി


അവിടെ നിന്ന് 07am ന് മാത്രമേ കടത്തി വിടൂ കുറച്ച് നേരത്തെ കാഴ്ചകൾക്ക് ശേഷം 07am ന് ചെക്പോസ്റ്റ് കടന്നു. വാൽപാറയിലേക്ക് പോകുന്നവഴി വരയാട് ഹനുമാൻ കുരങ്ങന്മ്മാർ വിവിധയിനം പക്ഷികൾആളിയാർ ർ ഡാമിന്റെ മനോഹരമായ കാഴ്ചകൾ എന്നിവ കണ്ട് വാൽപ്പാറ ടൗൺ ൽ എത്തി. അവിടെ പലപ്പോളും പോയിട്ടുണ്ടെങ്കിലും ഭക്ഷണം കഴിക്കാൻ നല്ലൊരു ഹോട്ടൽ കണ്ടിരുന്നില്ല, എന്നാൽ ഇത്തവണ ചെറുതാണെങ്കിലും വളരെ നല്ലൊരു ഹോട്ടൽ കണ്ടെത്തി. അവിടെ നിന്ന് പ്രഭാത ഭക്ഷണവും കഴിഞ്ഞ് നല്ലമുടി വ്യൂ പോയിന്റ്ലേക്ക് യാത്ര തുടർന്നു. നല്ലമുടി വ്യൂപോയിന്റിലേക്കുള്ള യാത്ര ഏതൊരു സഞ്ചരിയുടെയും മനസ്സിനെ കുളിരണിയിപ്പിക്കുന്നതാണ്.




അങ്ങനെ നല്ലമുടി വ്യൂപോയിന്റ് ചെക്ക്പോസ്റ്റിൽ എത്തി, നിങ്ങൾ ഒരു സഞ്ചാരി ആണെങ്കിൽ ഒരുതവണ എങ്കിലും ഉറപ്പായും പോയിരിക്കേണ്ട ഒരു സ്ഥലമാണിത്. അതിനടുത്ത് വാഹനം പാർക്ക് ചെയ്തശേഷം ഫോറെസ്റ്റ് ചെക്ക്പോയിന്റ് ൽ ചെറിയൊരു പ്രവേശന ഫീസും നൽകി വ്യൂപോയിന്റിലേക്ക് നടന്നു. ഏകദേശം 3കിലോമീറ്റർ നടന്നാൽ വ്യൂപോയിന്റിൽ എത്താം. അവിടത്തെ കാഴ്ചകൾ കാണുമ്പോൾ നടന്ന ക്ഷീണമെല്ലാം പമ്പ കടക്കും. വ്യൂപോയിന്റ് ൽ നിന്ന് പ്രധാനമായും കാണുന്നത് കേരളത്തിന്റെ ആദിവാസി ഗ്രാമമായ ഇടമലകുടിയാണ്. കൂടാതെ ധാരാളം വെള്ളച്ചാട്ടങ്ങളുടെ വിദൂര കാഴ്ചയും കാണാനാകും. നല്ലമുടി വ്യൂപോയിന്റ് ൽ നിൽക്കുമ്പോൾ ചുറ്റുമുള്ള മലനിരകൾക്ക് അതിൽ കൂടുതൽ ഉയരം കാണാനാകില്ല. കൂടാതെ തേയിലയും കാപ്പിപ്പൊടിയും വാങ്ങാനും രുചിക്കാനും പറ്റുന്ന ഒരു ചെറിയ കടയും ഉണ്ട്.ഏകദേശം ഒരുമണിക്കൂർ അവിടെ ചിലവിട്ട ശേഷം തിരികെ വാൽപ്പാറ ടൗണിൽ എത്തി രാവിലെ കണ്ടെത്തിയ അതെ ഹോട്ടലിൽ നിന്ന് ഉച്ചഭക്ഷണവും കഴിഞ്ഞ് നിരാർ ഡാമിലേക്ക് യാത്ര തിരിച്ചു.
നിരാർ ഡാമിലേക്കുള്ള യാത്ര, തലനാർ AGB srinivas estet benglaw വിശേഷങ്ങൾക്കായി കാത്തിരിക്കൂ........

11/06/2022

ഇന്ന് വേളി ടൂറിസ്റ്റ് ഗ്രാമം സന്ദർശിച്ചു, വളരെ ഭംഗിയുള്ള കാഴ്ചകൾ കണ്ടു അതോടൊപ്പം അഭംഗിയുള്ള കാഴ്ചകൾ കൂടി കാണാനിടയായി. തിരുവനന്തപുരം സന്ദ ർശിക്കുന്നവർക്ക് അറിവുള്ളതാണല്ലോ നമുക്ക് അഭിമാനകരമായ ശംഖ്‌മുഖം കടൽ തീരം ഇന്ന് സഞ്ചരികൾക്ക് ആസ്വദിക്കാൻ കഴിയാത്ത അവസ്ഥയിൽ ആണന്ന കാര്യവും , എന്നാൽ നമുക്ക് ഇത്തിരി ആശ്വാസം നൽകുന്ന വേളി കടൽത്തീരം കൂടി നമ്മൾ സഞ്ചാരികളുടെ അശ്രദ്ധ ഒന്നുകൊണ്ടു മാത്രം നഷ്ടപ്പെടുമോ എന്ന ആശങ്കയിലാണ്. സർക്കാർ നമ്മുടെ വിനോദ സഞ്ചാര കേന്ദ്രങ്ങൾ പരമാവധി സംരക്ഷിക്കാൻ ശ്രമിക്കുന്നുണ്ട് എന്നാ സന്ദർശകരായ നാമോരോരുത്തർക്കും വലിയ പങ്കുണ്ട്. ഈ ഫോട്ടോ ൽ നിങ്ങക്ക് കാണാം അങ്ങ് ദൂരെ കുറച്ചുപേർ അവർ സന്ദർശകരല്ല അവർ NCC ൽ ഉള്ള കുട്ടികൾ ആണ്, അവർ സന്ദർശകർ വലിച്ചെറിയുന്ന മാലിന്യങ്ങൾ പെറുക്കി മാറ്റുന്ന ജോലിയിൽ ആണ്. അവർ ലാഭേച്ഛ ഇല്ലാതെ ഈ ജോലിയിൽ ഏർപ്പെട്ടിരിക്കുന്നത് നമുക്കും നമ്മുടെ വിലമതിക്കാനാകാത്ത പരിസ്ഥിതിക്കും വേണ്ടിയാണ്. നാം ഓർക്കണം ഈ കഴിഞ്ഞ ജൂൺ 5ന് ആണ് നമ്മൾ World Environment Day ആചരിച്ചത് എന്നിട്ടാണോ ഇന്നേ ദിവസവും ഈ കാഴ്ച കാണേണ്ടി വന്നത്. പരിസ്ഥിതി സംരക്ഷണം വെറുമൊരു ജൂൺ 5 ന് മാത്രം ഒതുക്കാതെ പരിസ്ഥിതിയെ സംരക്ഷിക്കൂ നാളേക്ക്.... വരും തലമുറകൾക്കായി........

09/06/2022

09/06/2022

🅶︎🅰︎🆅︎🅸︎
ഗവിയിലേക്ക് ഒരു യാത്ര വളരെകാലത്തെ ആഗ്രഹമായിരുന്നു, അങ്ങനെ അതും സാധിച്ചു, വിഷുവും കഴിഞ്ഞു രാത്രി തിരുവനന്തപുരത്ത് നിന്ന് ഞാനടങ്ങുന്ന മൂവർ സംഘം ഗവിയിലേക്ക് യാത്ര തിരിച്ചു. യാത്ര ചെയ്യാൻ എപ്പോളും രാത്രി കാലമാണ് ഉത്തമം. ഏകദേശം 4മണിക്കൂറും 160കിലോമീറ്ററും ആണ് ഗവിയിലേക്കുള്ള ദൂരം. വെളുപ്പിന് 5മണിയോടെ ആംഗമൂഴി ഫോറെസ്റ്റ് ചെക്ക്പോസ്റ്റ് ൽ എത്തി.. എന്നാൽ 8am മുതൽ 11am വരെ മാത്രമേ ചെക്ക്പോസ്റ്റ് ൽ നിന്നും കടത്തിവിടൂ അതും മുൻകൂട്ടി ഓൺലൈൻ ആയി ബുക്ക്‌ ചെയ്ത 30സ്വകാര്യ വാഹനങ്ങൾ മാത്രം.(ഒരു ദിവസം )
8am വരെ ആംഗമൂഴി യിലെ ചെറിയ കവലയുടെ ഗ്രാമഭംഗിയും നാടൻ രുചികളും ആസ്വദിച് ആംഗമൂഴി ഫോറസ്റ് ചെക്ക്പോസ്റ്റിലേക്ക് യാത്രയായി. ചെക്ക്പോസ്റ്റിൽ വാഹനവും ബുക്ക്‌ ചെയ്ത പാസ്സും ചെക്ക് ചെയ്തശേഷം വീണ്ടും ഗവിയിലേക്ക് യാത്ര തുടർന്നു.... ഇനി ഏകദേശം 30മിനിറ്റും 19കിലോമീറ്ററും മാത്രം കൊടും കാട്ടിലൂടെയും ഡാമുകൾക്ക് മുകളിലൂടെയും യാത്ര ചെയ്ത് ഏകദേശം ഉച്ചയോടെ മൂഴിയാർ ഡാമിന് അടുത്തുള്ള നമ്മുടെ താമസസ്ഥലത്തെത്തി,കുറച്ചു നേരം വിശ്രമിച്ചശേഷം ഉച്ചഭക്ഷണവും കഴിഞ്ഞ് കാനന ഭംഗി ആസ്വദിക്കാനും ക്യാമറയിൽ പകർത്താനുമായി ഇറങ്ങി, കണ്മുന്നിൽ മലയാണ്ണാനും പക്ഷികളും കുറച്ചകലെയായി കേഴമാനും അങ്ങകലെ കാട്ടനാകളെയും കാണാൻ കഴിഞ്ഞു, ഈ കാഴ്ചകൾ എപ്പോഴും കാണാൻ കഴിയണം എന്നില്ല. ഡാമുകൾ ഒരുപാട് ഉണ്ടെങ്കിലും ഒരെണ്ണത്തിൽ പോലും ഇറങ്ങാനോ ഫോട്ടോ എടുക്കാനോ അനുവാദമില്ല. കാഴ്ചകൾക്ക് ശേഷം റൂമിൽ മടങ്ങിയെത്തി ഞങ്ങൾക്കായി വിളമ്പിയ നാടൻ ഭക്ഷണവും കഴിച്ച് അടുത്ത ദിവത്തെ യാത്രയും സ്വപ്നം കണ്ടുറങ്ങി.
അടുത്തദിവസം അതിരാവിലെ കുറച്ച് പ്രകൃതി ഭംഗിയും ആസ്വദിച്ചതിന് ശേഷം പ്രഭാത ഭക്ഷണവും കഴിഞ്ഞ് ഗാവിയോട് വിടപറഞ്ഞു. വന്നവഴി തിരിച്ചു പോകാൻ സ്വകാര്യവാഹനങ്ങൾക്ക് അനുവാത്തമില്ലാത്തതിനാൽ 2മണിക്കൂറും 55കിലോമീറ്ററും സഞ്ചരിച്ച് Vallakadavu Forest Check Post ലൂടെ പുറത്തിറങ്ങി വണ്ടിപെരിയാർ -കുട്ടിക്കാനം വഴി തിരിച്ച് തിരുവനന്തപുരത്ത് യാത്ര അവസാനിപ്പിച്ചു.
NB: ഈ യാത്ര വിവരണം ഇഷ്ടമായെങ്കിൽ നിങ്ങളുടെ പ്രോത്സാഹനവും അഭിപ്രായങ്ങളും comment ആയി അറിയിക്കാൻ മറക്കരുതേ.....

09/06/2022

29/09/2021

Mudeswara Temple