由朝聖到定居

12/02/2024

下次請佢黎，咪唔怕聲浪過大被投訴囉

＃年齡暴露
＃差利卓別靈

11/02/2024

今日得貴人相助，初一都有波睇，仲要坐 KOP，氣氛真係不一樣，或者有D人覺得開波前唱 YNWA 係例行公事，但我每次都會好唱到好感動，可能黎左英國之後，對 YNWA 呢句感受更加強烈

場波大家都有睇，由於上半場入波係 Anfield road 果面，睇唔清楚，但見到禁區最矮果個都估到係 Jota 啦，同埋好多人話阿諾差，我唔否認佢上半場真係不在狀態，但鏡頭以外見到佢似係傷，紥住踼，好多球都唔係好敢全速跑，以高普性格，好少因為表現而半場換走，可能高普怕佢再傷，你可以話佢防守唔達標，但佢俾到一個助攻，同埋佢在場可以放唔少長波，你話我撑太子都係咁講

下半場利攻 KOP 就當然開心啦，見到 Darwin 真係好摶命，下下都好似爭佢錢咁全力衝去搶，同埋佢起步果下真係好快，雖然好多人笑佢柱王，但有佢在陣，真係會衝到對面亂晒，亦迫到對方唔少失誤，同埋佢成日都會示意球迷打氣，好有 passion，呢D都係數據上未必反映到出黎，另外鍾斯下半場頂左TAA，踼得淡定，唔會亂咁解圍，尤其係由後面組織攻勢，佢參與度好高，而換入既 Elliott，亦不惜氣力同般尼搶中場，減低麥卡同 Endo 壓力，係今場限米情況下，高普作出最有效果既調動，亦係贏波關鍵

現場球迷都會睇到某D球員表現麻麻，但佢地會不斷唱歌鼓勵佢，真係未聽過現場會大大聲鬧球員，成日都 come on red boy 咁叫

完場都有同來自香港既利迷見面，都有互相分享下在利生活既各種事項，居住，交通，就業等等，同埋作為利迷係利市生活，有咩好或者唔好

如果大家有咩想知，都可以 PM 我，我盡量以我經歷同大家分享

07/02/2024

你話隊波唔俾面你，落你面，隊波係美國球隊，你咁多官員在場，唔好忘記呢班官員俾美國制裁緊

你去制裁緊你嘅國家請隊波黎表演，你咩居心呀

04/02/2024

其實美斯蘇七唔出得, 咪即係港聯贏面大左喇, 咁都仲要嘈?
今晚我都唔知幾想飯唔出得呀, 最好成場坐 bench😂😂

02/02/2024

平時我返工係收 5 點，到 4:30 果陣老細過黎問我睇唔睇波，佢話佢個 fd 朝早落左倫敦，但回程大塞車，最快返黎到都下半場中段，所以放棄，話讓俾我，10 分鐘後同我話 5 分鐘後跟佢車行得，我話未夠 5 點喎，佢話太遲會塞車，最重要係佢好肚餓，想早 D 去食野，因為張飛係 hospitality，咁我就眾目睽睽下跟老細收早去睇波

今次唔係第一次，上次老細又係有 last minutes 搵我，跟住第二日個個走黎問我場波點，之後就開始有聲音，話佢係度做左好多年老細都都無叫過佢，點解我可以去之類，果次係聯賽盃對李城，今次仲要係英超對車，去球場果阿陣因為塞車，所以係車程上同佢傾好多野，由年青球員，高普離任，心水領隊，到估計陣容，再講埋其他球隊，最後佢話張飛唔想俾一個只係去飲飲食食，參觀球場，有波咪睇下心態既人，覺得我係真利迷所以搵我，算係少少員工福利掛

場波係點大家都清楚唔洗我講，係鍾斯蘇保有兩下細動作過人，我果度即係拍晒手，到紐尼斯多腳黃牌，又笑佢 stupid，食野果陣餐廳都見到 D 香港人，老細識好少少少少廣東話，佢話香港人喎，你識唔識佢地呀😅

佢有提到高普走係一個異數，因為領隊離開不外乎炒，轉會，退休，而家排榜首，聯賽盃決賽，但高普居然選擇休息離開，係好難想像，佢又話收到三姑個六婆消息，德國足總內部消息12月前已經知高普會走，佢話如果教球會，無一間比利更加有吸引力🤭，所以佢相信係德國國家隊，另外佢都有講雖然成日笑愛，但唔想佢降班，一個城市如果少左隊英超，未必係好事，係經濟，旅遊，就業都會受影響，同埋佢都有 fd 係愛迷，雖然成日互串，但都唔想佢地咁 sad，呢 d 可能係 local 同香港球迷既差別

路程中佢都有問我有無掛住香港，其實點會無，係陌生國度從新生活，不同語言，文化，工作，離鄉別井真係唔容易，有時睇返香港新聞，都會好 sad，到完場之後，佢笑笑口同我講，英國都有 d 野令你開心既，4:1 喎，唔好 sad 喇，其實都幾窩心，所以每次開波唱 YNWA 都會有種想喊既感動

27/01/2024

今日報紙

27/01/2024

我係好少會講關於足球，今次高普離開，實在千萬唔捨得，作為多年利迷，都經歷唔少領隊離開，但高普呢種高峰辭任莫講利物浦，係球圈都唔多見，所以真係好突然

由佢最初黎到，話自己唔係 special one，只係 normal one，佢果種幽默真係先令人第一印象接左佢，經過呢幾年，佢早早已經超越 normal one，甚至唔係 special one，而係好多人心目中既 only one，但見到佢呢幾年真係殘左好多，坦白講真係有心痛，記得多年前見過哥迪奧拿一個訪問，佢話岩岩由巴塞B隊升上教一隊果陣，果種壓力真係大到得人驚，球員8點開始集訓，佢就6點已經要返到去準備，訓練後仲要好多文件，開會，硬件，轉會，行政等等，比賽前大量睇返對手比賽，前一晚好多時會瞓唔到，所以幾年光晒頭，相信高普情況都唔差得遠，球迷星期六日休息係屋企睇波，但高普有無邊日可以休息真係好難講，始終人唔係機器，所以佢選擇休息係可以理解，或者應該話佢做咩決定我都支持

高普帶俾利既唔單單係成績，而係一種文化，每次有球場換出佢都會抱抱，或者有人覺得係流於表面，但其實對球員係有好大鼓舞作用，更重要係佢唔會介意個球員佢係鍾意定唔鍾意，表現好定差，總之一視同仁，或者亦因為咁，言行一致，令到球員信服，係企業文化上，佢唔單單係一個good boss，good manager，而係 good leader，而下一任領隊可唔可以持續呢種文化，我個人覺得係首要條件

歷史上利換領隊都無數次，Bill Shankly 退休之後，我諗都有人擔心 Bob Paisley 會唔會傳承到，但最後 Bob Paisley 比前者贏得更多冠軍，跟住仲有 Joe Fagan 同 Kenny Dalglish，都係冠軍級教頭，所以我對前景唔會太悲觀

而身為本地股東，我都講少少關於 FSG，我知實在好多人嘈，甚至block 或者 cap 我圖，好多 fsgout 都會話 FSG 令到高普離開，我睇法係如果唔係 FSG，我地又會唔會得到高普? 當年好多球會都想爭高普，但點解佢會揀利物浦，你可以話佢愛利，但未黎就愛定先? 佢都有講過，曼聯都有搵佢，佢都有考慮，但佢老婆叫佢唔好揀曼，所以我相信高普唔係非利不嫁，我更相信佢係同老細有傾過，大家發展方向一致先傾得埋，高普根本唔憂嫁，無需要硬食 FSG，仲要續兩次，我認同 FSG 係財技高手，佢可以俾既資源同油王無得比，但佢俾到高普最重要野，就係時間同信任，而家講當然馬後炮，但如果佢教車曼亞甚至巴皇，佢地老細可以忍受到4年先第一冠? 會唔會好似車老細咁成日入更衣室，我見到係 FSG 俾好大自由度高普處理球隊所有野，佢專心做球會管理同財技，高普負責球隊，兩者分工清楚，買咩人放咩人，我唔會有意見，球會高普自有決定，但好多人覺得只要你唔支持買人，就係股東，再重申，我係支持球會決定

其實 locals 大多數都滿意 FSG 管理球會，本地亦唔多反對 FSG 聲音，覺得佢幫球會好多，由最初差D破產被 RBS 接管到而家市值40億，佢地都好感謝 FSG 引入現代化管理，令到球會重上軌道，同時球會復興帶黎既經濟效應都幫左利市唔少，香港球迷大部份只係見到 pitch 發生既野，而 locals 見到既係更多

我會覺得 FSG 同高普係絕配，FSG 財技出色，將唔岩用既人出貨套現，轉會高手，攪好訓練場，而高普就專心球隊，但好多人覺得高普成日幫 FSG 遮醜，又或者如果高普配油王肯定更好，但呢D都係假設性題，我更偏向相信佢地合作無關，當然你話無爭拗就假，但我都相信佢地想球會好

最後，希望球員可以拼盡全力，用四冠送別高普，送佢一個完美結局

23/01/2024

第一時間係諗起楊悅盈, 佢未去加拿大之前, 就算佢消失係大眾眼前, 但我地一樣無忘記你

13/01/2024

台灣加油

06/01/2024

佢話唔願變成咁
不過就，不過就
不過就會總係咁
嗰啲嘢，過去就
經已沒有嗰家嘢喇
所以沒法不離開
以後全部靠自己
一個人小便

Hong Kong Movie 香港電影

04/01/2024

今年1月1日，好多人都慶祝新一年，我就去左集會，之前已經有人同我講果日一月一喎，利對紐要睇波喎，果日吒咤喎，又有人質素主辦單位，又有人質疑集會內容，我去之前都有d猶豫，去到見到真係少人，係咁多次最少人一次，話無失望就假，一路集會一路諗好多野

黎左咁耐，每次有唔同集會，我都會出席，每次見到愈來愈少人，都會諗下次仲黎唔黎，有諗過放棄唔再出席，集咁多次又有咩用，只係圍下爐之嘛，自己生活都未處理好，仲攪咁多野做乜，安份生活咪算囉，呢篇對白係我腦海出現過無數次，但我真係怕只要有一次唔去，就有籍口跟住以後都唔去，我真係好怕有一日會忘記，好怕有一日會變得麻木，好怕有一日會遺忘一班為香港人付出過嘅手足
＃請你不要遺下我
＃請你不要忘掉我

其實我要花兩個鐘去曼城，集會唔夠一個鍾，又花兩個鍾返屋企，值唔值？我記得4年前，唔記得幾多次，一個新界仔搭個幾鐘車過海，再用6個鐘由維園行去金鐘，再要行行返去銅鑼灣先有車返新界，晒到嘔試過，落水狗試過，唔好問我值唔值，應該問願唔願意，呢幾年，我鬧過，提過，氹過，求過，到今日我無再同任何人講去集會，亦唔會再叫任何人去，真係好攰

回程上網睇返吒咤，YY，Gin lee，陳蕾，Ian，軒公都會提過曾經想放棄，因為好難，但正正因為難先要繼續落去，我唔知我仲可以堅持幾耐，或者有一日我都可能會放棄，但最起碼呢一刻仲撐到

回程去左一間香港人新開嘅餐廳，好有禮貌，價錢合理抵食，有機會可以再去

上次係 london euston 見到有個香港後生仔彈琴，想同大家分享
＃想它變真嗎
＃每日挖點沙
＃按部砌好它

我只可以係我呢個無人睇嘅濕鳩 page 度發噏瘋，現實我又可以同邊個講？

03/01/2024

1月份係liverpool 好多餐廳都做優惠，好多都平到半價，睇下邊間啱你心水啦

25/12/2023

我公司有個 policy 係每人每年大假，一開始就扣三日，因為會留起放12月聖誕同新年中間果3日，好似今年就由23放到2號，原因係好多人都想放呢3日，公司就放得呢個唔放得果個，決定全公司一齊扣3日，全公司一齊休長假，雖然叫個個硬食3日，但我覺得ok架

而我今年無咩放假，去到11月仲有10日，阿頭不斷催我放，話唔放就無，最後我就由12月9號放到1月2號，差唔多放足一個月，所以我就決定週圍去下，想去蘇格蘭或者倫敦，第一個決定去蘇格蘭，諗諗下又想去埋倫敦感受聖誕氣氛，最後反正假多就決定去晒兩個地方

我係由利市坐 coach 上 glasgow，因為之前買左車飛，只可改不可退，就唯有改去 glasgow，去到住 travelodge，£31一晚算幾抵住，都係周圍行下，去左 University of glasgow，500年歷史真係好靚，我份人係好鍾意行路行街行公園，係市中心附近行下充滿年代感嘅百貨公司同火車站已經可以行一日

Glasgow 聖誕市集唔算大，但附近建築充滿特式，好傳統英式亦好有貴氣，係消費貴d囉

離開 glasgow 之後先落利市再落倫敦，因為之前買飛無得改，所以獨立再買，點知仲平，利市來回倫敦只係￡45，叫好平喇，今次住 student hall，book 果陣唔知架，去到即刻覺得年青返晒，佢俾大房我，兩張雙人床，兩張大書枱，兩個大衣櫃，仲有洗手盤，唯一不便係 shared bathroom，但都好大好乾淨，又有廚房可以煮食，仲要包早餐，窮L啱晒，每晚只係￡70，聖誕檔期叫好抵喇

倫敦真係好多人，但亦充滿聖誕氣氛，特別係好多唔同燈飾，唔同舖亦有唔同裝飾，總之成個城市都好聖誕，好彩係呢幾日暖返，無大風雨，個個走晒出黎，d野好似唔洗錢咁狂買，我主要都係週圍行，繼續行街行公園，無咩特定目的地，享受下真正嘅自由行，係有日去左睇富臨，原因係.....平

我個人係好鍾意聖誕節，眼見香港愈來愈唔重視，遲d一國一制可能無得再過聖誕，真係好可惜囉

＃唔好評論相
＃我唔太識影相
＃眼睛就係最好相機

25/12/2023

提提大家，Boxing day 英超係 Amazon Prime 播，如果大家無 join Prime，可以睇下有無得 free trial，隨時有驚喜

25/12/2023

香港銀行用數錢機，英國銀行用磅錢機

我去銀行攞錢，個職員拎疊錢放上個磅，磅一磅就俾我，心諗有無咁兒戲，我拎上手一數又準喎，之後問 local 同事，佢地都話未見過，因為佢地好少去銀行拎咁多現金

＃我見識少
＃英鎊定英磅
＃多幾粒塵會唔會重左

10/12/2023

唔夠時間咪補到夠囉, 唔夠就再用埋VAR, 完場再吹返轉頭先仲得

#你頭左味

08/12/2023

早排 boiler 壞左，call 左人要第二日先黎到，夜晚唔知沖涼點算，突然記得附近有 leisure centre，我無 join 月費，但可以單次游水（￡5），心諗￡5沖個涼啦

Center 收夜晚9點，我8點去到，問係咪￡5可以游水？職員話8:30就收游泳，我話ok再問係咪游水包沖涼？職員問我淨係沖涼唔游水？我話 boiler 壞左 balabala 咁，佢就開個閘俾我直入無收我錢

當然你可以話錢又唔係佢袋，都唔係佢 free 俾你，但去得嘅都係街坊，我諗我唔係第一個亦唔係最後一個，我相信人情味因素多於利益因素

最後好快沖完就走，佢忙緊收檔，say 個 bye 就走左

利市真係一個好有人情味嘅城市

02/12/2023

今日突然有人拍門，以為送貨，開門有人問門口d野係咪唔要，因為之前換 sink 盤（好大個），所以舊果個放係門口遲d掉，個人話佢屋企裝修完會掉垃圾，可以幫我掉埋，佢話仲有位有咩想掉都可以搬埋上車，我有張爛椅佢話無問題，我即刻跪謝，平時同佢女都有打招呼傾兩句，有次無門口入叫佢入黎坐下

雖然好多人話利市差，但相比起其他大城市，我覺得利市嘅人好nice又易相處，仲好肯幫人

＃對人好係有回報

07/10/2023

無人怪你地，香港人一定支持你地，係政府莫視，無資源下有咁嘅成績，已經超額完成

＃香港人加油

【有線新聞】亞運男子足球銅牌戰，港隊0比4不敵烏茲別克。 紅衫的港隊初段靠門將謝家榮有驚無險守住，開龍門球都為

04/10/2023

4年前覺得好荒謬, 估唔到今時今日更加荒謬陸續有來

28/09/2023

4年前全球響應, 4年後今日呢?

28/09/2023

尋晚入場撐愛隊，過程都幾有趣，原來都無諗住入場，返屋企睇算，點知尋日返工果陣，老細突然問我睇唔睇，佢話有個FD有事去唔到，問我去唔去，係款待票黎，我問幾錢，佢叫我開價，佢係 season ticket holder，所以買果陣會平一截，我再開更低價，佢話決定唔到，只係幫手搭佢口問FD，到收工前一個鐘都無聲氣，心諗都打定輸數，點知半個鐘後，佢走黎話有飛，問我有無渣車，無就跟佢車，心諗有冇咁突然，我話未夠鐘收工，佢就同我阿HEAD 講幾句，阿HEAD 就叫我執野走先，手尾聽日返黎再攪，因為我老細話早D去可以食多D，跟住全公司望住我跟老細走先

係車度我問佢點解唔搵佢D FD，佢話其實佢可以放俾黃牛，可以貴一截，但佢話唔志在(當然啦)，佢覺得我真係鍾意利物浦，因為平時係公司都會同佢傾下球員，球會，FSG，歷史，年青球員等等，我同老細一齊估正選，估中左10個，所以佢覺得我真係對利物浦好有興趣，所以決定搵我先，之後發覺原來佢有泊車證，可以泊正係球場出面，我問係咪season ticket holder 優待，佢笑住話因為佢買左8張款待票，仲話如果入到決賽，佢可以買到溫布萊決賽門票，好葡萄囉

食野就唔多講，大把人有經驗，不過見到有香港人係餐廳幫手，我估可能係 matchday part time，唔知師兄係唔係度呢?

上半場我地都覺得可以用多D DOAK，明明好多時空晒都唔俾佢，李城其實攔到佢，反而艾利諾成日錯腳出波就無效果，半場佢話有信心贏，晉級一定係我地，坐既位算唔錯，又好彩4個入波都係我呢邊，佢勁讚蘇師拉，話有機會係 best buy of the year，另外昆沙佢都鍾意，LOCALS 係偏向鍾意青訓球員，仲有endo 都好, 身體對抗性唔差, 位置感都好好, 經常截到波, 希望返到英可以KEEP得住啦

到散場走果陣，突然全條街一齊 YEAH，原來曼城輸左，利迷係街度一齊叫 city out，city out，都幾攪笑

今次突如其來既睇波，算唔算係另類員工福利呢?

24/09/2023

終於的起心肝用左日半追晒成套《那年盛夏我們綻放如花》，我一向習慣係睇之前盡量避開有關劇透或者劇評，盡量白紙心態，但都知道類似大逃殺，魷魚，今際，以有限既資源，發揮無限既可能，能夠係香港拍出呢種風格同內容既劇集，仲要起用大量素/新人，陳健朗真心有料，取景最材都好香港，特別係屋村，商場，公屋等等場景，對我既感覺更加大，內容就唔多講，總之唔算好燒腦，但會令你不斷追落去果種緊湊同期待

我唸曾經經歷4年前既香港人，如果你唔怕血腥或面對人性，真係值得考慮去睇，入面某D演員，佢地背景亦好值得你地去支持

******************* 以下開始有劇透 ***************

我相信好多人將來封為神劇，會源於佢入面有大量暗喻，呢種暗喻真係只有香港人先明，修改遊戲規則，迫你出賣朋友，唔係你死就我亡，置身事外講野特別大聲，被消失，保密協議，假記招，遺忘…………等等，真係會令你諗返起一D想再記起既事，當中陳佩珊唔想死，就扮晒野冧何晞賢，想佢自殺救返自己，之後以為無事就回復本性，果種自私實在令人討厭，允仔佢為左幫兄弟報仇，寧願犧牲自己都想救返大家，其實佢算係安全既一個，自私D根本唔需要咁做，柯狗果種為救目的不擇手段，視人命如無物，感覺似夜神月，楊悅盈選擇自殺去結束，但自己落唔到手，石曉陽表面上係想救大家，但其實某程度上同柯狗都係不擇手段，佢係果種堅持自己岩多過堅持件事岩既人，而佢最後係仲有時間之下都依然同柯狗攬炒，而且係佢家姐面對，好難想像佢之前係幾咁努力去解決問題，可想而知佢對佢家姐有幾絕望，楊悅盈最後想爆大獲，但其他人唔敢附和，而知道係假記招去試佢地，佢地反而有拾抒一口氣既感覺，好似話好在唔係我爆，都話左無用架啦，最後一集係最深刻，抺走塗鴉，生活如常，唔想再提，但其實每個人都仲記得，CRYSTAL 係LOCKER 一直KEEP住手鏈，白卡勇永遠食兩份7仔，只係通街MTCC，俾你記得，你又可以做D咩，最後何晞賢諗返佢鬧楊悅盈既一幕，令我諗起一個故事，意思係勇氣唔係你唔驚而夠膽去做一件事，勇氣係你明明好驚但你依然去做呢件事

成套劇既核心MESSAGE，我個人覺得係「人類對抗權力的鬥爭，就是記憶與遺忘的鬥爭」，聽埋主題曲就會更加明白

24/09/2023

已經4年, 大家有冇比以前開心?

14/09/2023

利迷真係人材輩出, 呢位利迷星級大廚, 師承自法國, 之前佢係 ICC 我太窮食唔起, 之後係葵廣愉景都食唔少, 可惜佢有座位門市果陣我已經離開左香港, 我呢個MOMENT就撐唔到, 仲係香港或者會返香港既朋友一定要去幫襯, 希望黎緊佢有機會黎歐洲開業, 咁我就可以撐埋一份

.
偉大既正苦話要搞個夜市
商場播英超，亞洲盃
真係難為啲一個月用幾萬蚊去買播映權既小商戶，信正苦唔怕呀
起碼地產商/大集團唔會死呀
搶呀搶呀搶呀，搶人財搶生意

我地小商戶無夜市無晚市無埋午市
咁緊係要諗諗辦法

歡迎大家搵我地
-外賣到賣
-包場
仲有仲有可以搵我地
-outside catering
我地會到客人所在既場地提供服務

詳情可以DM/whatsapp/signal

#一系列改變
#希望大家多多支持
#喜歡既可以幫我地推介比朋友仔呀



#90888631

10/09/2023

相信大家都知係在英港人成立左一支球隊，Konger FC，係一支正式加入英格蘭足總註冊既球隊，第一場已經想去捧場，但因為當日火車縮班，我又無揸車，所以唯有放棄左，到今日終於扚起心肝去支持，佢係朝早10:15開波，而我就要早3個幾鐘出門口，已經用最快但最貴既方法 – 火車，唔緊要啦，最緊要去到

我預早左到，夠時間去人稱英國大家樂既Wetherspoon 食個我最愛既benedict egg早餐先，去之前已經睇左地圖，但食完行過去果陣發現一條香港人龍，就唔諗死跟，原來比賽場地係學校河既另一邊，好在夠多香港人先無去錯地方

去到未開波已經好多人到左，識途老馬就帶晒櫈同遮霸好場邊位，我初黎步到就企係度焗晒啦，比賽過程就唔多講，有睇直播都知最後贏2:1，現場觀眾唔少都係一家大細，有老有嫩，部份唔太識足球，總之我地一跌就係人地矛，球證吹我地就係黑哨，好主場FEEL，但我想講就算佢地唔太熟識足球，都願意大熱天時晨早流流黎撐香港人，淨係呢點都值得尊敬

完場我去返曼市市中心行下，去到唐人街果陣，俾我見到青木堂個牌，我知佢黎左英國，但無留意佢係曼市唐人街，當然係入去打個卡先啦，因為我無預約，又趕車走，唔係把個脈都唔錯，不過去到見到個環境，D 回憶返晒黎，最正係佢有正骨復位，有機會真係要試試

最後返利市我無搭火車，因為唔趕時間就選擇最平既方法，就係搭 Coach，當平時你搭幾個站都要£2既時候，佢由 Manchester 去 Liverpool 最平只係£3，就會知道佢有幾平

最後想講，作為一個利迷，居然會去曼市支持一隊曼市球隊，係好難想像，連我同事都話，你係利迷做乜成日去曼市?? 敵人黎喎，因為在我而言，香港同香港人，比利物浦更重要，而同時好多人話擔心呢樣果樣唔去遊行集會，呢D咁普通既聯誼活動，完全無風險，你都唔去撐下香港人，我真係唔知仲有咩活動你會去撐香港人囉

搭 National Express 記住用 jamdoughnut 同 topcashback，折上折

Jamdoughnut

Use my referral code DAZD to get a £2 bonus when you use the app for the 1st time. Download for free: https://app.jamdoughnut.com/JoinNow

Topcashback
http://bit.ly/3URYf7R

02/09/2023

今日終於可以睇到入樽，我揀左去 Picture House，佢今期做緊日本動漫主場，大堂仲擺左少少遊戲機俾大家玩，個場似放映院多過戲院，個場坐到30人，都坐左近20人，見有一家大細，小朋友幾歲，應該未知咩叫入樽， 但好乖全場都坐定定無嘈，應該父母識得教

今日睇英文字幕，因為 National Cinema Day，只係￡３就有，令我放棄左過兩日既中文字幕版，心諗漫畫都睇左三十次，應該明啦，點知當中有新加劇情，好在英文字幕都係練單英語，尚算睇得明，其實故事大家都知，都唔怕劇透，我個人覺得上半場有D悶場，成個裡面似打機畫面 Wide shoot，到下半場好多 Close up，就精彩得多

入樽係我睇過其中一套最熱血漫畫，其他仲有我們的足球場同早期既 One Piece，都講過山王之戰睇過起碼三十次，估唔到今次睇劇場版，知道晒劇情都依然好熱血，完場出左 Credit 就有部份人走左，我選擇留低，希望最後有彩蛋，原來真係有，最後山王之戰有經典一幕，亦令我諗起４年前同一幕

31/08/2023

無野再講，要去就去，唔去就唔去

＃八三一
＃保持憤怒
＃不忘初心
＃一次比一次少人