Caves in Myanmar လှိုင်ဂူများ (2025)

13/11/2022

06/10/2022

14/08/2022

02/07/2022

28/06/2022

"စိမ်းလန်းစိုပြေဖားစည်မြေမှ ကော့ကသောင်ဂူ"
ကရင်ပြည်နယ်သည် တောင်များ၊ လိုဏ်ဂူများ၊ စိမ်းစိုနေသောစပါးခင်းများနှင့် သဘာဝအလှတရားများပြည့်ဝနေသည့် ပြည်နယ်တစ်ခုဘဲဖြစ်ပါတယ်။ ကရင်ပြည်နယ်မှာလေ့လာလည်ပတ်စရာများစွာထဲမှ ခရီးသွားများကို ပိုပြီးဆွဲဆောင်လျှက်ရှိသည်မှာ သဘာဝတိုင်းဖြစ်တည်နေတဲ့ ထုံး ကျောက်ဂူကြီးများဖြစ်ပြီး၊ ထိုကျောက်ဂူကြီးများထဲမှ ကော့ကသောင်ဂူအကြောင်းကို ဖော်ပြပေးချင်ပါတယ်။ ကော့ကသောင်ဂူသည် ဘားအံမြို့မှတောင်ဘက်(၇)မိုင်အကွာ ဇွဲကပင်တောင်၏အရှေ့ ဘက် (၂) မိုင်အကွာတွင်တည်ရှိပါတယ်။ ကော့ကသောင်ဂူမှာအဝကျယ်ပြီးအတွင်းမှာ ကျဉ်းသွားသော တစ်ဖက်ပိတ်ထုံးကျောက်ဂူအမျိုးအစားဖြစ်ပြီး လိုဏ်ဂူ၏ အရှည်မှာ ပေ (၁၇၀) ဝန်းကျင်ခန့်ရှိကာ အနည်းငယ်ကျဉ်းမြောင်းပါတယ်။ ဂူအဝရဲ့အမိုးပေါ်မှာ ဘုရားရှင်အမှူးပြုတဲ့ သင်္ဃာတော်များကြွချီလာတဲ့ရုပ်တုတွေနဲ့ သရုပ်ဖော်ထားတာကို ဖူးတွေ့ခွင့်ရမှာဘဲဖြစ်ပါတယ်။ ဂူအတွင်းဘေးဝဲယာ တစ်ဖက်တစ်ချက်စီတွင် ဗုဒ္ဓရုပ်ပွား တော်(၂၈)ဆူကို စီတန်းပူဇော်ထားပြီး၊ ဂူနံရံတွေမှာတော့ လက်ရာမြောက်လှတဲ့ အုတ်ခွက် ဘုရားများကိုတွေ့ မြင်ရမှာဘဲဖြစ်ပါတယ်။ ဂူအတွင်းလာရောက် လည် ပတ်သူများအနေဖြင့် အသက်ရှူမှားလောက် အောင်လှပသော ကျောက် စက်ပန်းဆွဲများနှင့် ကျောက်စက်မိုးမျှော်များ ရှု့မငြီးဖွယ်ပြည့်နှက်လျှက်ရှိပါတယ်။ ဂူ၏အနီးနားတွင် စိတ္တသုခကန်ရေပြင်၏အလှနှင့်လွန်စွာပဏာရလှပပြီး ရေကန်ထဲတွင်လည်း ပျော်ပျော်ပါးပါးရေကစားနိုင်မှာဘဲဖြစ်ပါတယ်။ ဂူ၏အနီးတစ်ဝိုက်ရှိ စိမ်းစိုလှပသောလယ်ကွင်းလေးများမှ မိုးတွင်းရေလျှံနေတတ်၍ အင်းသဖွယ်ဖြစ်နေပြီး ထိုအင်းထဲတွင် အပျော်စီးလှေငယ်လေးများဖြင့် လှော်ခပ်သွားလာနိုင်မှာဘဲဖြစ်ပါတယ်။ သဘာဝအလှတရားများ ပြည့်နှက်နေတဲ့၊ လှပသည့်ရှု့မျှော်ခင်းမျိုးစုံကိုမြင်တွေ့ခံစားနိုင်မည့် ကရင်ပြည်နယ်ရှိ ကော့ကသောင်ဂူသို့သွားရောက်လည်ပတ်ဖို့ တိုက်တွန်းလိုက်ရပါ တယ်။

# ကော့ကသောင်ဂူ
# ကရင်ပြည်နယ် # ဘားအံမြို့
#စွဲမက်ဖွယ်ရာပြည်မြန်မာ
.Travel