Eman Zaky - حكاوي إرشاد

31/05/2023

My beautiful guests from Lebanon ❤️❤️❤️

31/05/2023

One of my best tours ever with best family ❤️❤️❤️

04/12/2022

أنا إيمان أيمن ذكي
مرشدة سياحية 😃 بنزل جولات مع أجانب و مصريين وعرب بقالي سنين بحب شغلي جدا وبحب أذاكر دايما في التاريخ و الآثار والمواضيع المرتبطة بيهم.
عامله الصفحة هنا عشان أنزل فيها فيديوهات حكاوي إرشاد اللي بدأتها عاليوتيوب من كذا سنة عشان نتكلم عن المعلومات المشهورة بينا كمصريين بالخطأ ونصححها ونحكي قصص مثيرة عن بعض القطع الهامة أو المتاحف اللي مش مشهورة بينا ولكن هي تستاهل كلنا نعرفها..
ف إلى كل مهتم بالتاريخ والآثار والحضارة تنورني هنا
ومستنية اقتراحتكم دايما لو في مواضيع معينة حابين نتكلم فيها أو نحكي عنها أو اقتراحات أو أفكار لقدام نعملها سوا... ولو حد يحب يزور مكان يقول فين وننظمله وقته وننزل جولة سوا
وشكرا لتواجدكم ياحلوين💜💜😍
ودا لينك القناة عاليوتيوب

مرشدة سياحية

04/12/2022

حكاية جديدة من
إزاي ال X Rays ساهمت في خبايا بعض قصص التاريخ وهنحكي عن مؤامرة ضد الملك ،وقصة موت المحارب الأول للهكسوس قبل أحمس
Like و share لو حبتوها 😍
وندعوا أصدقاءنا المهتمين ب mentions في الكومنت

مستنية اقتراحتكم وتعليقاتكم ولو حد حابب يسأل أو يعقب أكون ممتنه جدا 💜💜
وانتظروا جزء تاني هنحكي فيه قصة تفصيلية أكتر من القصص اللي ذكرناها في الفيديو دا

اتمني تحبوها 💜💜

04/08/2022

tour
tour
كان يوم جميل مع مجموعه لطيفه 😍😍

28/07/2022

يااااه عالزمن

شارع #الموسكي في #القاهرة ( قبل 162 سنة ) التقطت عام 1860 م

28/07/2022

Beautiful Megan❤️❤️
tour
tour

07/07/2022

و لما فشلت الحملات الصليبية المتتالية في إخضاع مدينة القدس لسيطرتها بسبب دفاع مصر المستميت عن هذة المدينة

قرر لويس التاسع ملك فرنسا أن يجمع جيوش أوروبا و يخوض بها حملة صليبية جديدة و لكن لإخضاع مصر اولا وما بعدها سيكون مجرد تحصيل حاصل ..

كان الحلف الأوروبي وقتها يوزاري حلف الناتو بمقاييس عصرنا الحالي ، كان انتصاره أمر مفروغ منه ومفيش فيه نقاش
لدرجة أن لويس التاسع قاد الجيش بنفسه

لكن مصر دايما كانت واقفه لهم زي العضمة في الزور
لا نافعة تتبلع ولا تتهرس ...
بتشرخ و تقطع زور كل من يتهيأله أنها لقمة سائغة
و قبل ما يكتشف أنها مرة علقم
بيلاقي نفسه مدفون في أرضها

نتيجة الحملة كانت مقتل جيش لويس التاسع بأكمله
و أسر لويس التاسع ملك فرنسا في دار قاضي القضاة ابن لقمان بالمنصورة

و تخيلوا معني أن قائد حلف عسكري عالمي زي دا
يبقي مجرد اسير مقيد بالسلاسل في حراسة سجان مصري .

في النهاية لويس التاسع افتدي نفسه بدفع فدية ضخمة جدا بمقاييس ذلك الزمان مقابل إطلاق سراحه

و عنه قال الشاعر المصري ابن مطروح

كل اصحابك اودعتهم بحسن تدبيرك بطن الضريح
خمسون ألفا لا يري منهم إلا قتيل أو اسير جريح

ابلغهم أن اضمروا عودة لأخد ثار أو لفعل قبيح
دار ابن لقمان باقية علي حالها ، و القيد باق و الطواشي صبيح .

ملحوظة :- الطواشي هو رتبة أمنية آنذاك شبيهة بالغفير الان
و صبيح هو اسم سجان لويس التاسع .

07/04/2022

كلنا نسمع ونعرف طه حسن..لكن ماحدش جرب يزوره ويشوف مكان عاش فيه ويقرب أكتر من قصته ويسمع عن حكاويه وحكاوي بيته الجميل .. دي كانت ملخص لزيارتي وان شاء الله نعمل فيديو أحدث له

28/03/2022

جزء من شرح تمثال الملك منتوحتب الثاني (نب حبت رع)
الموحد الثاني لمصر في عصر الدولة الوسطي بعد فوضي وانهيار الدولة القديمة ❤️❤️

28/03/2022

مع الناس الحلوة في جولتنا الاخيرة بالمتحف المصري بالتحرير ❤️❤️

28/03/2022

جزء من شرح جولتنا الاخيرة بالمتحف المصري بالتحرير ❤️❤️❤️ مع صحبة الناس الحلوة

24/03/2022

اتكلمنا قبل كده علي فيديو فيه اللغة المصرية القديمة عبارة ع ايه وخطوطها ايه هم
النهارده بنتكلم عن الخط القبطي بالذات وتكوينه عامله ازاي ... وهو اللي ساعدنا في فك رموز اللغة المصرية القديمة

22/03/2022

مساء الفل عالناس الحلوة
ان شاء الله في جولة الجمعه الجايه 3/25
هتبقي في المتحف المصري
هنتعرف علي قطعه المهمه وحديقة المتحف وكل ماتحتويه
ونتكلم عن المبني نفسه
هنبدأ شرح باذن الله س 1ونص وهنتجمع في حديقة المتحف
الجولة مجانية
تذكرة دخول المتحف 40 ج
ولو طالب 20
اللي مهتم وحابب ينورنا في الزيارة يأكد علي برايفت ع الخاص لو سمحتم

21/03/2022

من ااتماثيل المحببه لقلبي في الشرح ❤️

كا عبر أو ( شيخ البلد)❤️❤️
من تماثيل المتحف المصري المهمة جدا التمثال دا اكتشفوه عمال مارييت ومن كتر تطعيم العين ماهو أشبه بالحقيقي لما اكتشفوه مع اشعة الشمس وهي بتضرب في عينين التمثال بتتلألأ وهم باصين للجزء العلوي فقط للتمثال حسيستهم انهم بيشفوا شيخ البلد بتاعهم حي تاني ،قعدوا يجروا ويقولوا شيخ البلد حي شيخ البلد صاحي
ومن وقتها واسمه تمثال شيخ البلد😄

لكن اسمه الحقيقي هو كاعبر 😊
وكان كاهن مرتل من ضمن الكهنه
وكان لازم علي كل كهنة مصر انهم يكونوا حالقين الرأس واي شعر زائد في جسم الكاهن أيضا كنوع من الطهارة والنظافة
تمثال من خشب الجميز من التماثيل النادرة من الاخشاب ومعمول من 4 بلوكات بس واحد للجسم والرأس والتاني للذراع الأيمن والثالث والرابع للذراع الأيسر..
ولما بنروح هناك ونحط كشاف الموبايل عالعينين بنشوف لألأة البؤبؤ والعيون كأنها حقيقية فعلا..😄😄

20/03/2022

اكتشاف جديد بسقارة تعلن عنه البعثة المصرية ودكتور مصطفي وزيري عن اكتشاف 5 مقابر منقوشة ترجع لنهاية الدولة القديمة وبداية عصر الإنتقال الأول.. مقابر جميلة جدا مازالت محتفظة بألوانها ورونقها ونقوشها وبها تماثيل خشبية بالإضافة الي اواني زيوت رمزية بجانب عدد من القرابين المحنطة
اكتشاف جديد وهام جدا بجنوب سقارة علي بعد حوالي 100 م فقط من هرم مرن رع أحد ملوك الاسرة السادسة بالدولة القديمة
وفي الصور بعضها لمقبرة لشخص يدعي حنو وهو من ألقابه السمير الأوحد والعمدة وحامل أختام مصر السفلي وغيرهم..
❤️❤️❤️

20/03/2022

كا عبر أو ( شيخ البلد)❤️❤️
من تماثيل المتحف المصري المهمة جدا التمثال دا اكتشفوه عمال مارييت ومن كتر تطعيم العين ماهو أشبه بالحقيقي لما اكتشفوه مع اشعة الشمس وهي بتضرب في عينين التمثال بتتلألأ وهم باصين للجزء العلوي فقط للتمثال حسيستهم انهم بيشفوا شيخ البلد بتاعهم حي تاني ،قعدوا يجروا ويقولوا شيخ البلد حي شيخ البلد صاحي
ومن وقتها واسمه تمثال شيخ البلد😄

لكن اسمه الحقيقي هو كاعبر 😊
وكان كاهن مرتل من ضمن الكهنه
وكان لازم علي كل كهنة مصر انهم يكونوا حالقين الرأس واي شعر زائد في جسم الكاهن أيضا كنوع من الطهارة والنظافة
تمثال من خشب الجميز من التماثيل النادرة من الاخشاب ومعمول من 4 بلوكات بس واحد للجسم والرأس والتاني للذراع الأيمن والثالث والرابع للذراع الأيسر..
ولما بنروح هناك ونحط كشاف الموبايل عالعينين بنشوف لألأة البؤبؤ والعيون كأنها حقيقية فعلا..😄😄

20/03/2022

محراب مدرسة برقوق ❤️❤️

17/03/2022

ناس كتير بتقول لغة هيروغليفي ، ولكن في الحقيقة هي خط من ضمن خطوط كانت بتكتب بيها اللغة المصرية القديمة ..
وهنتعرف علي باقي الخطوط والفروق بينهم

12/03/2022

مش جامع لا ولا واجهة بيت إسلامي ، دي واجهة ومدخل الكنيسة المعلقة
شوفوا الجمال في الزخارف والتصميم والآية اللي مكتوبة
(سلوا تعطوا، اطلبوا تجدوا، اقرعوا يفتح لكم)

11/03/2022

لو هنعمل جولة جديده قريب في القاهره تحبو تزوروا ايه وايه أفضل يوم ليكو ؟

10/03/2022

لسه المتحف المصري له قيمته وتحفه وآثاره حتي بعد نقل المومياوات، ولسه فيه مومياوات كمان جوه وهو نفسه المبني كمان بقي أثري بذاته فهو مكان تاريخي أثري يستحق الزيارة ونعرف قصته

09/03/2022

كلنا عارفين إن المصريين القدماء كانوا بيأمنوا بالبعث والخلود من بعده
وعشان كده عملوا كل حاجه تساعد علي دا
-زي تحنيط أجسامهم -
-وكمان كتب الموتي االي بتدفن معاهم وفيها تخيل عن ماسيقابلونه بعد الموت وكيفية المرور منه.
-كتابة اساميهم في كل مكان في المقبرة وعالتابوت وممتلكاته لحفظ اسمه
وكل دا عشان لما الروح ترجع للمتوفي تتعرف عليه من خلال جسده وملامحه واسمه ويصحي من تاني..
-من ضمن الحاجات االي عملها المصري القديم عشان اابعث هو الأقنعة الجنائزية التي تحمل ملامح المتوفي زي االي ف الصورة دي

ليه؟!🤔
عشان لو لأي سبب المومياء تدمرت او اختفت في ظروف ما او اتسرقت او اي حاجه تقدر الروح تتعرف ع المتوفي من خلال ملامحه في القناع.. دا غير ان القناع كان بيتحط علي وجه المومياء بعد التحنيط ولفه بلفائف الكتان وذلك لحفظ الوجه

كل حاجه كانوا بيعملوها بسبب و كل حاجه كان ليها مردود ديني عقائدي أيضا 😊
الصورة دي من المتحف المصري، والأقنعه تخص يويا وثويا آباء الملكة تي زوجة الملك امنحتب الثالث ،دولة حديثة
(يويا وثويا ليهم ممر مخصوص لمحتويات مقبرتهم معروضه فيه مع المومياوات بتاعتهم حاجه جميلة وفريده جدا هناك)

08/03/2022

في حكاوي ارشاد بنصحح بعض المعلومات المغلوطة بيننا او نقول معلومات بسيطة ناس كتيرة ممكن ماتعرفهاش رغم بساطتها ..
دلوقتي هنتكلم عن الدقهلية والمنصورة نظرا للفيديو الاخير ونأكد علي كام معلومة

-المنصورة مدينة وهي عاصمة الدقهلية ..زيها زي الزقازيق عاصمة الشرقية وطنطا عاصمة الغربية
-مافيش حاجه اسمها محافظة المنصورة 😄
-المنصورة نشأت في عام1219 يعني أثناء الحملة الصليبية الخامسة مش زي ما معروف بالخطأ انها نشات أثناء الحملة الصليبية السابعة لما لويس التاسع هجم بحملته علي مصر
- المنصورة أصبحت عاصمة الدقهلية عام 1527 أثناء الحكم العثماني لمصر ..قبل كده كانت أشمون طناح أو الرمان كانت المقر الرسمي.
- كلمة الدقهلية جايه من دقهلة ودا مركز تابع لمحافظة دمياط دلوقتي ، لكن زمان كان ضمن اقليم الدقهلية وكان اسمه أقليم المرتاحيه والدقهليه وبعديم اتغير اسمه للدقهلية فقط وأصبحت عاصمته مدينة المنصورة


#المنصوة #الدقهلية