21/01/2022
إقليم Apulia الجميل في جنوب إيطاليا 🇮🇹 هو وجهه مثالية لرحلة إكتشاف بالسيارة 🚗 فالإقليم غني بكل ما يخطر ببالك. الطبيعة الريفية 🌳 والشواطئ الفيروزية الرائعة 🏖️ والبلدات النابضة بالحياة 🏘️ بالإضافة، طبعاً، للأطباق المحلية اللذيذة 🍝 هذا الجزء الرائع والغير مكتشف من إيطاليا هو وجهتنا التالية في رحلة جديدة مع جروب مسافرون بلا حدود
رحلتنا رح تبدأ مع وصولنا لمطار Salento في مدينة Brindisi، اللي رح نتركها ورانا ببداية مشوارنا لكن بالتأكيد رح نرجعلها. رح نتوجه لمدينة Lecce اللي بتنافس Florence بفنونها المعمارية وحجارتها الصفراء، لتكون Lecce نقطة انطلاقنا لإكتشاف الساحل الجنوبي لإيطاليا من خلال زيارة كل من Melendugno، Otranto، و Gallipolli. بعد هيك رح ننتقل لـ Francavilla Fontana ونقضي ليلتين في نزل ريفي ونزور كل من Locorotondo و Alberobello المعروفة بأكواخها الكلسية البيضاء.
وجهتنا التالية مدينة Matera المحفورة في الصخور. المدينة تتبع لإقليم Basilicata، إلا انها وجهة واجب زيارتها طالما صرنا قريبين منها، قبل ما نكمل لمقرنا التالي في مدينة Bari الساحلية، عاصمة إقليم Apulia واللي من خلال إقامتنا فيها رح يكونلنا فرصة نزور كهوف Castellana وبلدات Polignano a Mare و Fasano وبنبدأ طريق العودة إلى Brindisi مروراً بـ Ostuni، لنودع إقليم Apulia وإيطاليا
رحلتنا رح تكون لـ 10 ليالي/11 يوم، من تاريخ 2-5-2022 ولغاية 12-5-2022 (مع فرصة للتمديد لو حد بحب يكتشف أي مناطق أخرى) والتنقل رح يكون بسيارات مستأجرة لحتى يكون عنا مرونة بالحركة والبرنامج ونعرف نضيع براحتنا 📍📍📍
التكلفة 💷؟ كالعادة، كل واحد مسؤول عن حجوزاته، سواء طيران أو إقامات، والأسعار ممكن تتغير وتختلف من شخص لشخص ومن يوم ليوم، إلا إنه تقدير التكلفة للشخص الواحد 1000 – 1200 يورو لكامل الرحلة ... ممكن أكثر أو أقل
الفيزا 📄؟ كل واحد ادرى بحاجته لفيزا لدخول إيطاليا ومدى سهولتها أو صعوبتها نظراً لوضعه وحالته الخاصة
الشروط 🔏؟
- عدد المشاركين محدود جداً جداً جداً
- كل عضو مسؤول عن طلب تأشيرته من السفارة
- كل عضو مسؤول عن حجز الهوستل أو الفندق الذي ينم اختياره
- كل عضو مسؤول عن حجز تذكرة سفره بالتواريخ المتفق عليها
- كل عضو مسؤول عن إدارة وقته
- مسموح لكل مشارك حقيبة محمولة من أم ال ١٠ كيلو
- المشاركة مفتوحة للأعضاء بغض النظر عن مكان إقامتهم (بنرحب باللي حابب ينضم لنا من أي دولة)
- المشاركة مفتوحة لأي شخص بشرط أن لا يقل عمره عن 21 سنة
- الرحلة ليست وسيلة للحصول على تأشيرة ⛔ أو دخول أوروبا لأي غرض غير المشاركة فيها
- الناس السلبيين واللي بيعترضوا على كل شي غير مرحب فيهم 🚫
للمشاركة، الرجاء تعبئة النموذج الخاص بالرحلة على الرابط
https://www.cognitoforms.com/JordanUnlimited1/PugliaTripParticipationForm
