ETHEL /ኢትኤል/

11/01/2023

ጎንደር የጥምቀትን በዓል ለማክበር አስፈላጊውን ዝግጅት አድርጋለች - አቶ ዘውዱ ማለደ የጎንደር ከተማ ከንቲባ

የጥበብና ኢትዮጵያዊነት መድመቂያ የሆነችው ጎንደር የጥምቀት በዓልን ለማክበር አስፈላጊውን ዝግጅት አድርጋለች ሲሉ የከተማዋ ከንቲባ ዘውዱ ማለደ አስታወቁ፡፡

አቶ ዘውዱ ጎንደር ከተማ የጥምቀት በዓልን ለማስተናገድ ያደረገችውን ዝግጅት አስመልክተው መግለጫ ሰጥተዋል፡፡፡

በመግለጫቸውም የባሕል፣ የጥበብና የኢትዮጵያዊነት መገለጫ የሆነችው ጎንደር ከሀገር ውስጥና ከተለያዩ የዓለማችን ክፍሎች እንግዶቿን ተቀብላ የጥምቀት በዓልን በደመቀ ሁኔታ ለማክበር መዘጋጀቷንም ጠቁመዋል፡፡

በከተማዋ ከጥር 6 ቀን 2015 ዓ.ም ጀምሮ “የባሕል ሣምንት” እንደሚከበር ነው ከንቲባው የተናገሩት፡፡

በዚህም መሠረት የአፄ ቴዎድሮስ የልደት በዓል፣ ሁሉንም የሚያሳትፍ ታላቅ ሩጫ፣ ምስጋናና እውቅና ፣ የታሪክና ወ መዘክር ቤተ ንባብ ግንባታ የመሰረት ድንጋይ ማስቀመጥ መርሐ ግብር ይከናወናል ብለዋል፡፡

በተጨማሪም የአዝማሪ ፌስቲቫል፣ የቁንጅና ውድድር፣ ኤግዚቢሽንና ባዛር፣ የፋሲለደስ ት/ቤት 80ኛ ዓመት በዓልና የገቢ ማሰባሰቢያ እንዲሁም የንጉሥ ዕራትና የፎቶ አውደ ርዕይ መርሐ-ግብሮች እንደሚካሄዱ ጠቁመዋል፡፡

የጥምቀት በዓል ሃይማኖታዊ ሥርዓት ደግሞ ከጥር 10 ጀምሮ እንደሚቀጥል ጠቁመው÷ በሁነቱም እንግዶችን የማስተናገድ ባሕልና ወግ ተጠናክሮ ይቀጥላል ነው ያሉት፡፡

እንደ መንገድ፣ ውሃና መብራትን የመሳሰሉ ልዩ ልዩ የመሰረተ ልማት አቅርቦቶችና አገልግሎቶች እየተሟሉ መሆናቸውንም አብራርተዋል፡፡

በበዓሉ ሰሞን ችግሮች እንዳይፈጠሩ ኅብረተሰቡ ከጸጥታ አካላት ጋር በመተባበር እንዲሰራም አሳስበዋል፡፡

በአገልግሎት ሰጪ ተቋማት በቂ ዝግጅት መደረጉንና የአልጋ እጥረት እንዳይከሰትም ተጨማሪ ዘመናዊ የእንግዶች ማረፊያ ድንኳኖች እየተዘጋጁ መሆናቸውን አስረድተዋል ሲል ፋና ዘግበዋል፡፡

•~•~•
"የጎሃ ቃልኪዳናችን የከፍታችን ልክ -ቃላችንን ፈፅመን ከፍታው ላይ እንገናኝ"

11/01/2023

የጥምቀት በዓል ፍፁም ሰላማዊ ሆኖ እንዲከበር የሚያስችል የቅድመ ዝግጅት ስራ መሰራቱን የጎንደር ከተማ ሰለምና ደህንነት መምሪያ ገለፀ፡፡

የመምሪያው ኃላፊ አቶ ፋሲል ሰንደቁ የዘንድሮ የጥምቀት በዓል በሰላም እንዲጠናቀቅ፣ የበዓሉ ታዳሚዎችም የቱሪስት መዳረሻዎችን ሲጎበኙና በመዝናኛ ቦታዎች ሲንቀሳቀሱ ፍፁም ሰላማዊ ስሜት እንዲሰማቸው የሚያስችል የፀጥታ ስራ እየተከናወነ መሆኑን አስመልክቶ ጋዜጣዊ መግለጫ ሰጥተዋል፡

የሰላምና ፀጥታ ግብረ ሃይል አባላት በከተማዋ በዓሉን ለመታደም ለሚመጡ እንግዶች ምቹና ሰላማዊ ለማድረግ ትልቅ ሃላፊነት ወስደው ስራዎችን እያከናወኑ መሆኑን መምሪያ ኃላፊው በመግለጫው አመላክተዋል፡፡

በዓሉ ፍፁም ሰላማዊ ሆኖ እንዲጠናቀቅ የተለያሉ የህብረተሰብ ክፍሎችን በማወያየት በሰላምና ፀጥታ ስራው በባለቤትነት እንዲሳተፉ መደረጉን በመግለጫው አመላክተዋል፡፡

በወጣቶችን ፣ የሃይማኖት ተቋማትን ፣ ሴቶችን ፣ ባለሀብቶችን ፣ የፀጥታ አካለት በመቀናጀትና መላው የከተማዋ ነዋሪዎች በብሎክ አደረጃጀት በመሳተፍ በዓሉ ፍፁም ሰላማዊ ሆኖ እንዲጠናቀቅ እየተሰራ መሆኑን ጠቁመዋ፡፡

የህዝብ መገልገያ የትራንስፖርት ተሸከርካሪዎች ህብረተሰቡን በጨዋነትና በተለመደው የመስተንግዶ ባህል እንግዶችን እንዲያስተናግዱ ከሚመለከታቸው አካላት ጋር በቅንጅት እየተሰራ መሆኑን ተናግረዋል፡፡

ህበረተሰቡ የተለመደን የእግዳ ተቀባይነት ባህል አጠናክሮ የሰላምና ደህንነት ግብረ ሃይል ጎን በመሰለፍ ሃላፊነቱን እንዲወጣ ጥሪ አስተላልፈዋል፡፡

Gondar city communication

08/01/2023

* የሚገርመው በዚህች ምድር ላይ ለራሱ ብሎ የሚኖር አንድም ነገር የለም፤

* ወንዝ የራሱን ዉሃ አይጠጣም፣
* ባህር የራሱን ዓሳ አይበላም፣
* አትክልት የራሱን ፍሬ አይመገብም፣
* ፀሐይ የራሷን ሙቀት አትሞቅም፣
* ጨረቃ ለራሷ ብላ አትደምቅም፣
* አበባ ለራሱ ሲል አትፈካም፣
* ፍየል በግቷ የያዘችዉን ወተት አትጠጣም፣

- ነገሮች አንዱ ለሌላኛው እገዛ ነው የተፈጠሩት፣
- አንዱ ሌላው የጎደለዉን ለመሙላት ነው የተገኙት፣
- እኛም አንዳችን ለሌላኛችን እንኑር፣
- አንበላላ፣ አንጠፋፋ፣ እንተጋገዝ፣

* ሀሳብ የገባዉን - አዳምጠው፣
* ያማከረህን - መላ ስጠው፣
* ይቅርታ የጠየቀህን - እለፈው፣
* ቸገረኝ ያለህን - እርዳው፣

በዙርያችን ያለ ነገሮች ሁሉ ይጠፉና በመጨረሻም የሚቀረው የሠራነው መልካም ሥራ ብቻ ነው፡፡

* መልካምነት ዕድሜው ረጅም ነው፣
* መልካምነትም መልሶ ይከፍላል፣

ሰዉን በመጥቀም ይበልጥ የምንጠቀመው እኛ መሆናችንን እንወቅ፣

ፈጣሪያችን ከሰዎች ሁሉ መርጦ ችግረኛን ወደኛ የሚልከው ሊጠቅመን እንጂ ሊጎዳን አይደለም፡፡

17/12/2022

የአርቲስቶችና ጋዜጠኞች የዋንጫ ግምት

⚡️ኢትዮጵያዊያን አርቲስቶችና ጋዜጠኞች የዘንድሮውን የኳታሩን የአለም የዋንጫ ግምት በዚህ መልኩ አስቀምጠዋል።

አርቲስት ጎሳዬ ተስፋዬ
🇦🇷አርጀንቲና

አርቲስት ፍቅርአዲስ ነቃጥበብ
🇫🇷 ፈረንሳይ

ጋዜጠኛ ሰይፉ ፋንታሁን
🇦🇷አርጀንቲና

አርቲስት ታደለ ሮባ
🇦🇷አርጀንቲና

አርቲስት ያሬድ ነጉ
🇫🇷 ፈረንሳይ

ጋዜጠኛ አለምነህ ዋሴ
🇦🇷አርጀንቲና

ኮሜዲያን ደረጄ ሀይሌ
🇫🇷 ፈረንሳይ

አርቲስት በእምነት ሙሉጌታ(አደይ)
🇦🇷አርጀንቲና

አርቲስት ሰራዊት ፍቅሬ
🇫🇷 ፈረንሳይ

ጋዜጠኛ ጌጡ ተመስገን
🇦🇷አርጀንቲና

አርቲስት ሳሚ ዳን
🇦🇷አርጀንቲና

አርቲስት ዘሩባቤል ሞላ
🇦🇷አርጀንቲና

ጋዜጠኛ ገነነ መኩሪያ
🇦🇷አርጀንቲና

ጋዜጠኛ መሰለ መንግስቱ
🇫🇷 ፈረንሳይ

እርሶስ የዘንድሮውን የኳታሩን የአለም ዋንጫ ቅድሚያ ግምቶን ለማን ሰጡ❓

08/12/2022

15/09/2022

ለውድቀታችን ብዙ ምክንያቶችን መስጠት ለምደናል። ወደ ኃላ ለቀረንበት፤ የፈለግነውን ሳይሆን ያልፍለግነውን ለመሆናችን፤ ምክንያቱን ብንጠይቅ፤ እጅግ ብዙ ነገሮችን ለመደርደር እንችላለን። ግን ሁሌም ምክንያቶች በኖሩን ቁጥር፤ ውድቀታችንን በጸጋ ለመቀበል ዝግጁ ነን ማለት ነው ፤ እንደዛ ማለት ብቻም ሳይሆን ለወደፊቱ ውድቀታችንም ዝግጁ ያደርገናል::

ህልም ካለህ እና ህልምህ ለህይወትህ ትልቅ ትርጉም ካለው፤ ባዶ ማንነት ወጥትህ፤ ትርጉም ያለው ማንነት እዲኖርህ
ከፈለግክ ምክንያት መስጠትህን አቁም። ሁላችንም ለውደቀታችን ማስተባበያ የሚሆን ብዙ ምክንያቶችን ማቅረብ
እንችላለን….. በገዛ ህይወታችን ሃላፊነት ስለሚጎድለን፤ እራሳችንን እንዳንለውጥ ምክንያቶቻችን አስረው ይይዙናል።

ስኬታማ ሰዎች ግን ለውድቀታቸው ምክንያትን መስጥት የማይወዱ ሰዎች ናቸው። ስኬታማ ስል ገንዘብን ወይም የሃብት ክምችትን ብቻ እንደ ስኬት መለኪያ ቆጥሬው አይደለም። ስኬት በራሳችን መመዘኛ የሚለካ ነው።አንድ የሚያስማማን ነገር ግን ስኬታማ ሰዎች፤ የመረጡትን ኑሮ መኖር የቻሉ ናቸው። ልባቸው የወደደውን፤ ለህይወታቸው ትርጉም የሚሰጠውን መንገድ የተከተሉ፤ ብርሃናቸው ከራሳቸው አልፎ ለሰው የሚያበሩ ሰዎች ናቸው።

በዘልማድ ኑሮ ውስጥ ተዘፍቀን፤ ማህበረሰቡ ባወጣልን መስፈርት፤ አካባቢያችን ባሰመረልን መስመር፤ ችሎታችንን
ገድበን እስከመቼ እንኖራለን? ህልሞቻችንን ሌሎች ማየት ስለተሳናቸው ብቻ ቅዠት እየመሰለን፤ እውን የሚሆኑ ብዙ ህልሞችን እስከመቼ እናጨልማለን? አላማችንን እንደራሳችን አድርጎ የሚመለከትልን ሰው ስላጣን፤ አላማችንን በተስፋ መቁረጥ ጉድጓድ ውስጥ ቆፍረን ቀበርነው።

ችሎታችንን ሰው እንዲነግረን ስንጠብቅ፤ አቅም እና ችሎንታችንን፤ እንደቅጠል ጠወለጉብን:: እራሳችንን የሚመስል ከሰው መሃል ፈልገን ስላጣን፤ ሰውን ለመምስል ሙግት ጀመርን። ሌሎችን መስለን ተራ ሆንን፤ ስራችን የሌላውን መስሎ ተራ ሆነ። መመሳሰል ህይወታችንን የሚያቀልን መሰለንና፤ እኛነታችንን እረስተን ተመሳሰልን፤ ያኔ ልዩነታችን ሞተ፤ ከልዩነታችን ጋር እኛነታችን አብሮ ሞተ፤ከኛነታችን ጋር ህልማች ሞተ። የገዛ ውበታችን ጠፋ ምክንያቱም ውበት በልዩነት ውስጥ የሚንጸባረቅ ነበርና::

ስንቶቻችን የምንወደውን ስራ አየሰራን ነው? ትርጉም የሚሰጠን ኑሮ፤ ለመኖር ምክንያት የሚሆን እሴት ያለን ስንቶቻችን ነን? አብዛኛዎቻችን ችግራችንን ለምደነዋል፤ ውድቀታችንን ተቅብለነዋል፤ ስለምንኖረው ኑሮ ምንም አይነት ነገር የማድረግ አቅም የሌለን ይመስለናል፤ ህይወታችንን የሚለውጥ ሰው ወይም አጋጣሚ እስኪመጣ እንጠብቃለን፤ በዛ መሃል ውስጣችን ቀስ በቀስ ይሞታል።

ብዙዎች የሚያውቁት ጥቂቶች ግን የሚኖሩበት እውነታ ግን ይህ ነው። ለህይወትህ ሃላፊነት ከወሰድክ እና መሆን የምትፈልገውን ከወሰንክ በዚህ ምድር ላይ ካንተ በቀር ከጉዞህ የሚያስቀርህ ማንም የለም። እርግጥ ነው መንገድህ ሁሉ አልጋ በአልጋ አይሆንልህም፤ ብዙ ችግር ያጋጥመሃል ምክንያቱም የስኬት መንገድ ቀላል ቢሆን ኖሮ ሁሉም ይሳካለት ነበር። ግን ከባድ ነው…….መንገድህ ሊያቀልልህ የሚችለው አንድ ሚስጥር አለ እሱም ህይውትህን ለመቀየር ምን ያህል ትፈልጋለህ?

ናፖሊዮን ሂል አንድ ሰው ስኬታማ እንዲሆን የሚያስችለውን ሚስጢር እንዲህ ይናግረዋል “ሰዎች አሸናፊ እንዲሆኑ ሊኖራቸው የሚገባ ባህሪ አለ እሱም ፤ የሚፈልጉትን ነገር በእርግጠኝነት ማወቅ፤ መወሰን እና ውሳኒያቸውን በተግባር
ለማዋል የሚያስችላቸው ከፍተኛ ፍላጎት ማዳበር። ” እኒዚህ ሶስት ነገሮች አንድ ላይ ሲዋሃዱ ህይወታችንን ወደፈለግንበት
አቅጣጫ እንድንመራ የሚያስችለንን መሪ ጨበጥን ማለት ነው።

ብዙዎቻችን በህይወታችንየምንፈልገውን ነገር አናውቅም፤ ብናውቅ እንኳን መወሰኑ ይከብደናል። ለምን? ለመለወጥ ስለምንፈራ? ዛሬ ያለንበትን ቦታ ስለለመድነውና መጪውን ስለማናውቅ? ሌሎች አይሳካም አይሆንም ስላሉን? አቅማችንን
ማንም ነግሮን ስለማያውቅ? ወይስ ውድቀትን ፈርተን?ሁላችንም ምክንያቶች አሉን፤ እኒህ ምክንያቶች ደግሞ ባለንበት
ቦታ እንድንቀር የሚቸነክሩን ሚስማሮች ናቸው። ለውድቀትህምክንያት እስከሰጠህ ድረስ…ካሰብክበት አትደርስም ምክንያቱም ፤ የመለወጥ ፍርሃትህ ሌላ ምክንያት መፍጥር አያቆምምና።

ከዚህ አለም ስትሄድ በምን መታወስ ትፈልጋለህ? ዳግም በማታገኛት አንዴ በተሰጠችህ በዚህች አጭር ህይወት ምን ማድረግን ትመርጣለህ? መለወጥ የምትፈልገው ምንድን ነው?የምትፈልገውን እና የሚያስደስትህን ስራ መስራት?መልካምቤተሰብ መመስረት? መማር? ከሱስ መላቀቅ? የጀመርከውን ስራ መጨረስ?

ለምትወዳቸው ሰዎች መኖር? ወይስ ምን? የራስህን ህልም መኖር ካቃተህ የሌላውን ሰው ህልም እውን
ለማድረግ ስትለፋ እንደምትኖር እመን፤ አይ የራሴን ህልም ማሳካቱን እመርጣለው ካልክ ደግሞ፤ ሶስቱን ነገሮች አስታውስ፤
♦️ የምትፈልገውን ነገር እወቅ
♦️ወስን
♦️ለመለወጥ ፍላጎት ይኑርህ።

ከምንም በላይ ምክንያት መስጠትህን አቁም።ሁሉም ስዎች ትልቅ እንዳይሆኑ እንቅፋት ሊሆኑባቸው የሚችሉ ብዙ ምክንያቶች አሏቸው።

ልዩነቱ ደካሞች በምክንያት ታስረው፤ከአቅማቸው በታች ሲኖሩ፤ ጠንካሮች ግን ችግሮቻቸው እና እንቅፋቶቻቸውን የውድቀት ምክንያት ከማድረግ ይልቅ፤ እራሳቸውን ይበልጥ ያጠነክሩበታል………ከመንገዳቸው የሚያቆማቸው ምንም ነገር የለም፤ ማንም ከአላማቸው አይገዝፍባቸውምና::

#ወዳጄ ያንተስ አላማ ምን ያህል ግዙፍ ነው?

09/07/2021

06/01/2021

ለመላው የክርስትና እምነት ተከታዮች በሙሉ፡፡ እንኳን ለጌታችን ለመድሐኒታችን ለኢየሱስ ክርስቶስ የልደት በዓል በሰላም አደረሳችሁ፡፡

መልካም በዓል ይሁንልን!

06/01/2021

ከክለብም በላይ ታላቁ ሩጫ በመናገሻዋ ጎንደር ከተማ ጥር 9 ቀን ለ3ኛ ጊዜ ይካሄዳል 5 ኪ.ሎ ሜትር የሚሸፍነው የከተማ ላይ ሩጫ በድምቀት ይካሄዳል። የሩጫ ማሊያው በመሸጥ ላይ የሚገኝ ሲሆን ደጋፊዎቻችን መሮጫውን በመግዛት ከወዲሁ ለሩጫው እንድትዘጋጁ ጥሪ እናስተላልፋለን።

🇦🇹 !!🇦🇹

23/12/2020

is also another place of our death!

Today also people are being killed because of their nation. frankly speaking We have not seen the right efforts to solve the current problem. Even today, our killers are seem to be on the side of the solutions.but they are the basic problems of our death!

don't kill my people!

We still call on the federal government to take all necessary action against the killers.

22/12/2020

የመጽሐፍ ርዕስ፦ ስውሩና ያልተነገረው የአይሁዳውያን እና የኢትዮጵያውያን ታሪክ

ደራሲ፦ ፕ/ር ፍቅሬ ቶሎሳ ጅግሳ

አሳታሚ፦ ንባዳን ኃ.የተ.የግል ማኅበር (Nebadan plc)

የገጽ ብዛት፦ 234 (ከአባሪዎችና ምስሎች ጋር)

ዳሰሳ አቅራቢ፦ ሚኪያስ ጥ.

ሰውዬው በትምህርቱና በሥነ-ጽሁፉ ዓለም ከከረሙ፣ ዘመን አልፏቸዋል። ኢትዮጵያ እያሉ ካሳተሟት፣ “ወለላ” ከተሰኘች የአጫጭር ልቦለዶች መድበል አንስቶ እስከዛሬ እስከጻፏቸው ታሪክ-ቀመስና ልቦለዳዊ ሥራዎቻቸው ድረስ በዓለም አቀፍ ደረጃ እውቅናን አትርፈዋል። በአሁኑ ሰዓት በዩኒቨርሲቲ ኦፍ ሊንኮልን (university of Lincoln) በመምህርነት እየሠሩ ይገኛሉ፤ ፕ/ር ፍቅሬ ቶሎሳ።

የፕ/ሩ ስም ከቅርብ ጊዜያት ወዲህ በጉልህ ይነሳል፤ “የኦሮሞ እና የአማራ እውነተኛው የዘር ምንጭ” መጽሐፋቸው፣ የበርካታ ውይይቶች ማዕከል ሆኖ ሰንብቷል። ጉዳዩን ወረድ ብለን የምናነሳው ይሆናል። በቅርቡ ያሳተሙት “ስውሩና ያልተነገረው የአይሁዳውያን እና የኢትዮጵያውያን ታሪክ” ከቀደመው መጽሐፋቸው በጭብጥ ይለያል። በአብዛኛው የሚተርከው ኢትዮጵያውያን ከአይሁዶች ጋር ስላላቸው ስር የሰደደ ትስስሮሽ ነው።

ደራሲው የመጽሐፉ መታሰቢያነት የሰጡት “ብርቅዬና ጥንታዊ ታሪካችንን መዝግበው ላቆዩ ባለውለታዎቻችን” ነው። ከስሞቹ መካከል የመሪራስ አማን በላይ ስም ተጠቅሷል። ፕ/ሩ ለዚህ መጽሐፍ እንደግብዓትነት የተጠቀሙት የመሪራስ አማን በላይን ሥራዎችን፣ መጽሐፍ ቅዱስንና ሌሎች የታሪክ መጻሕፍትን ነው። ሁለቱ መጻሕፍት፣ “ዣንሸዋ”ና “ያሻር” በጥንት ዘመን ከመጽሐፍ ቅዱስ በፊት የነበሩ ናቸው፤ (ገጽ 29)። እነዚህ መጻሕፍት ያለፈውን ዘመን ታሪክና የኢትዮ-አይሁድ ትስስሮሽን ለማሳየት፣ ፕ/ሩ በእጅጉ ተጠቅመውባቸዋል። መጻሕፍቱ “ሱባ” በሚባል፣ በቅድመ-መጽሐፍ ቅዱስ ጊዜ በነበረ ቋንቋ የተጻፉ ናቸው። የሱባ ቋንቋ ነባር መሆኑን ለማሳየት በዚህ መጽሐፋቸው የምስል ማስረጃ አካትተው ቀርበዋል፤ (ገጽ 32ና 33 ላይ)። ፊደላቱ ለላቲን ፊደል መነሻ በመሆን አገልግለዋል። (ገጽ 31)

ግራ ሲያጋባን ለኖረው፣ ኢትዮጵያ የሚለው ስም “ከየት መጣ?” ለሚለው ጥያቄ፣ ፕ/ር ፍቅሬ “ኢትዮጵያ ማለት ቢጫ ወርቅ (ለእግዚአብሔር) ማለት ነው።” (ገጽ 222) የሚል ምላሽ ሰጥተዋል። ለ'ኔ፣ ትክክለኛው ቃለ-ብያኔ የፕ/ር ፍቅሬ ቃለ-ብያኔ ነው።

ስለዮዲት ጉዲት (አስቴር) “ሊታመን የማይችል” አዲስ ታሪክ፣ ፕ/ር ፍቅሬ ይዘው ከተፍ ብለዋል። ዮዲት ጉዲትን ሲገልጿት፣ “እንደባለውለታ” አድርገው ነው። ለዓመታት “የተጋትነው” የዮዲት አውዳሚነት ትርክትን የሚገለብጥ መረጃ ያገኘን ይመስለኛል። ይህቺ ሴት ለግዕዝ ቋንቋ “ባለውለታ ናት” ይሏታል። እንዴት “ባለውለታ” እንደሆነች በዝርዝር እንመልከት።

አንድ ጊዜ ዮዲት የእንቁዮጳግዮን ወታደር ለመሆን ትበቃለች። በወታደርነት ለመሥራት የተነሳችበት ሰበብ፣ አይሁዳውያን ወገኖቿ “ህዝበናኝ” በተባለ የአክሱም ንጉሥ የደረሰባቸው ግፍ ነበር፤ (ገጽ 139ና 140)። በሌላ በኩል፣ “መራሪ (መሪ)” የሚባል የአዜብ (አዘቦ) ንጉሥ፣ እንቁዮጳግዮን የተባለች ልጅ ነበረችው። ትንቢት ተናጋሪዎች “ንጉሥ ያልሆነ ባል ታገባና የቆየውን ያ’ንተን ሥርዓት የሚለውጥ ልጅ ትወልዳለች።” ብለው ለመራሪ ስለነገሩት፣ ልጁ ከማንም ወንድ ጋር እንዳትገናኝ ይከለክላታል፤ (ገጽ 140፣ 141)። ንጉሥዬው ወደ አክሱም በሄደ ሰሞን፣ ሰለሞን የሚባል ከሌዊ ወገን የሆነ አናጢ ያገኝና ወደእልፍኙ ያመጣዋል። እንቁዮጳግዮን ወዲውኑ በፍቅር ትከንፋለች። ንጉሡ ይህንን ሲያውቁ፣ ሰለሞንን የግንድ ቀፎ ውስጥ ከምግብ ጋር ከትቶ በአትባራ (በኋላ በንጉሡ ትካዜ ምክንያት ተከዜ) በተባለው ወንዝ ውስጥ ጨመረው፤ (ገጽ141)። ወደ አክሱም ልኮት “ይሆናል” ብላ ወደ አክሱም ተራ ሴት መስላ ሄዳ ስትፈልግ፣ አንድ እሱን የሚመስል ሰው አየች። ሰለሞን መስሏት ተጠመጠመችበት። እሱም “ንጉሴ ነኝ፤ ወንደሙ ነኝ። ሰለሞን ሳይሰናበተን እንደወጣ ከቀረ ዓመታት አልፈዋል፣ የት እንዳለ እንጃ!” አላት። ንጉሴን ይዛ ወደ ቤተ-መንግሥት መጣች። አንዴ አባቷ ፈርቷልና “ጀግንነቱን ለማረጋገጥ” በሚል ሰበብ ጦር ሜዳ ልኮ ያስገድለዋል፤ (ገጽ142)። የዮዲት ወታደር መሆን የሚጀምረው እንቁዮጳግዮን ህዝበናኝን አንቃ ከገደለች በኋላ ነው።

ዮዲት የነበራት ጥንካሬና ተዋጊነት፣ በሌሎች ዘንድ አስፈሪ እንድትሆን አድርጓታል። እንቁዮጳግዮንና ዮዲት በዝምድናም ተሳስረዋል፤ የእንቁዮጳዮግዮን ልጅ መራ ተክለሃይማኖትን ዮዲት አግብታለችና። (ገጽ 146-147)

የግዕዝን ቋንቋ ከዐረባዊ ድምሰሳ የታደገችው፣ የዐረብ “ብክለት” ያጋጠማቸውን ቤተ-ክርስቲያናትን በማቃጠል፣ ዐረብ ጳጳሳትን አስሮ “በመግደል”ና ከአጋዝዕያን ጋር የተነካኩና የግዕዝ ቋንቋን መለያ ያደረጉ ቤተ-ክርስቲያናት እንዲቋቋሙ በማድረግ ሲሆን፣ ድርጊቷ በእስክንድሪያና በሮማ ጳጳሳት አስወግዟታል።

እስከዛሬ የምንሰማው ስም “ማጥፋት” ከንቱ እንደነበርና እንደሆነ፣ ፕ/ር ፍቅሬ በጥናትና ምርምር አስደግፈው አቅርበውልናል። አዕምሯችን ላይ ስር የሰደደን ታሪክ፣ በአንድ አዳር ነቅሎ መጣል ከባድ ነው። አዲሱን ታሪክ ያኛውን ለመሞገት ብንጠቀምበት ጥሩ ይመስለኛል። “እሳቶ፣ ዮዲት ጉዲት” እያልን የምንጠራት ሴት፣ ምን ያህል ለግዕዝ ቋንቋ “ባለውለታ” እንደሆነች እንረዳለን - ከመጽሐፉ።

ሌላው፣ ለኔ አዲስ የሆነብኝ፣ የንግሥተ-ሳባ (ኢትያኤል) ታሪክ ነው። ብዙ ጸሐፍት፣ “የንግሥተ-ሳባ ታሪክ ተረት-ተረት ነው።” በማለት ይናገራሉ - ይጽፋሉ። ፕ/ር ፍቅሬ ይህንን ታሪክ ከመጽሐፍ ቅዱስና ከላይ ከተጠቀሱት (“ያሻር”ና “ዣንሸዋ”) አጣቅሰው፣ እውነተኝነቱን አረጋግጠውልናል። ንግሥተ-ሳባ ወደሰለሞን ስትሄድ፣ ሁለት ሴቶችን አስከትላ ነው፤ እንዷ የግል ዘመዷ የሆነችው ሳሆይ የተባለች የአገው፣ የራያና ቆቦ ንግሥት ስትሆን፣ ሌላኛዋ ደግሞ ቢልቂስ፣ አዜብ ከምትባል ኢትዮጵያዊትና በወቅቱ የየመን (በዛን ጊዜ የመን ናግራን ትባል ነበር) ንጉሥ ከነበረ ሰው በየመን የተወለደች ልዕልት ነበረች። (ገጽ 109)

ከሦስቱ፣ ሁለቱ ሴቶች ከሰለሞን ጸንሰዋል። ንግሥት ሳሆይ “ዜጋዬ”፣ ንግሥተ-ሳባ (ኢትያኤል) “ምኒልክ”ን ወልደዋል። በአፈ-ታሪክ ደረጃ የሚወራውን በእውነተኛ ሰነዶች አማካይነት አረጋገጥን ማለት ነው።

የኢትያኤል (ሳባ) እናት “እስያኤል” በተባለ ዲበ-ሰብ ንጉሥ ተገድላለች፤ ምክንያቱም ከሌላ የንጉሥ አገልጋይ ጋር ፍትወተ-ስጋ ስትፈጽም ተገኝታ። ኢትያኤል (ንግሥተ-ሳባ) የነገሠችው “እስያኤል”ን በመግደል ነበር። እንደአጋጣሚ ሆኖ ማንነቷን ደብቃ ንጉሡን ስታገለግል ቆይታ፣ ጊዜና ቦታ ሲመቻችላት ትገድለዋለች። በኋላም፣ ንስሃ ለመግባት ጸሎት ስታደርስ፣ እግዚአብሔር ተገልጦ፣ በደለኛ እንዳልሆነች ይነግራታል። ንግሥተ-ሳባም ከጸጸት ትድናለች ማለት ነው። (ገጽ 103፣ 104)

በስሙ አህጉር ስለተሰየመለት-ስለንጉሥ “እስያኤል” እናንሳ! እስያኤል ዲበ-ሰብ የሆነ ንጉሥ ነበር፤ 150 ከሚደርሱ አንበሳዎች ጋር የተፋለመና በቅሎን ለመጀመሪያ ጊዜ በ genetic engineering ያስገኘም ንጉሥ ነበር። እርጅናን የሚከላከልበት መንገድ (mechanism) የነበረው ንጉሥ እንደእርሱ ያለ አይመስለኝም። ለ480 ዓመታት ኖሮ፣ ከዚህ በኋላ መክረም ስለሰለቸው፣ እግዚአብሔርን እንዲገድለው ተማጸነ። ኢትያኤልን ጌታ አሳሰበና አስገደለው። (ገጽ 98፣ 99ና 102)

ወደመጀመሪያ አካባቢ ስለኢትዮጵያ አሰያየም ስናወራ፣ አብረን ያላነሳነው ነገር አለ፤ ስለኢትዮጵና መልከጸዲቅ!
ኢትዮጵ የመልከጸዲቅ ልጅ ሲሆን፣ የሁላችንም “የዘር ግንድ” ነው። መጀመሪያ ላይ ስሙ “ኢትኤል” ነበር። በእግዚአብሔር ትእዛዝ ወደኢትዮጵያ አምርቶ፣ ኢትዮጵያ ላይ ነግሦ፣ 10 ወንድ ልጆችን ወልዶ፣ እነርሱ ተባዝተው፣ በ4000 ዓመታት ውስጥ አሁን በስሙ ለሚጠሩት ወደ100 ሚሊየን ለሚጠጉት ኢትዮጵያውያን አባት ሆነ ማለት ነው። (ገጽ 41)

ስሙ ከ“ኢትኤል” ወደ “ኢትዮጵ” የተቀየረው በእግዚአብሔር ትዕዛዝ ነበር። እግዚአብሔር “ጣና ሃይቅ ስትደርስ ‹ዮጵ› በሚባል ቢጫ ወርቅ ትከብራለህ። ‹ኤል› የሚለውን ቃል ከስምህ አውጥተህ፣ ‹ኢት› የሚለውን ከፊለ-ስምህን አስቀርተህ መጠሪያህን ‹ኢትዮጵ› ታደርጋለህ።” አለው፤ (ገጽ 41ና 42)። ከደረሰ በኋላ ነው - ያረፈባት አገር “ኢትዮጵያ” የተባለችው።

በግርድፉ ለማየት እንደሞከርነው፣ መጽሐፉ ስለኢትዮ-አይሁድ ትስስርና ከዚህ በፊት በስህተት ስናነሳው የነበረውን ታሪክ ለማጥራትና ለማስተካከል የሞከረ ነው። ጥቂት የአርትዖትና የዐረፍተ ነገር አሰካክ ግድፈት ቢታይም፣ ግድፈቱ ግን የመጽሐፉን ድንቅ የትረካ ፍሰት አላደናቀፈም።

የቀዳማዊ ምኒልክ ከታቦተ-ጽዮኑ ጋር 40,000 አይሁዳውያንን ማምጣቱን፣ ከዚህ በፊት ሰምተን አናውቅም።

በአጠቃላይ ፕ/ር ፍቅሬ ቶሎሳ ለኢትዮጵያዊነት ከባለፈው መጽሐፋቸው በበለጠ ሁኔታ፣ በዚህ መጽሐፍ ተቆርቋሪነታቸውን አሳይተዋል፤ በርካታ የሰነድ ማስረጃዎችን ተጠቅመዋል። የእስራኤል ምክር ቤት አፈ-ጉባዔ ዮኤል ኤደልስቲን መጽሐፉን አንብበው፣ “… ስላለፈው ዘመን የእስራኤል ሕዝብ ታሪክ በኢትዮጵያዊ ዕይታ ላከናወኑት ጥናታዊ ሥራ አድናቆቴን ልግለጽልዎ እወዳለሁ።” በማለት፣ አድናቆታቸውን ለግሰዋል፤ (ገጽ 6)። ይህ “ብዙ” የተባለለት መጽሐፍ፣ በአብዛኛው ኢትዮጵያዊ ዘንድ የሚጨምረው አንዳች ነገር እንደሚኖር አምናለሁ፤ ከኢትዮጵያዊያን ባሻገር፣ እስራኤላውያን በእብራይስጥ ተተርጉሞ ቢያነቡት (በቅርቡ መጽሐፉ ተተርጉሟል)፣ የበለጠ አዕምሯቸውን እንደሚያሰፉበትም አምናለሁ።

22/12/2020

ኢትዮጵ የመልከጸዲቅ ልጅ ሲሆን፣ የሁላችንም “የዘር ግንድ” ነው። መጀመሪያ ላይ ስሙ “ኢትኤል” ነበር። በእግዚአብሔር ትእዛዝ ወደኢትዮጵያ አምርቶ፣ ኢትዮጵያ ላይ ነግሦ፣ 10 ወንድ ልጆችን ወልዶ፣ እነርሱ ተባዝተው፣ በ4000 ዓመታት ውስጥ አሁን በስሙ ለሚጠሩት ወደ100 ሚሊየን ለሚጠጉት ኢትዮጵያውያን አባት ሆነ ማለት ነው።

ስሙ ከ“ኢትኤል” ወደ “ኢትዮጵ” የተቀየረው በእግዚአብሔር ትዕዛዝ ነበር። እግዚአብሔር “ጣና ሃይቅ ስትደርስ ‹ዮጵ› በሚባል ቢጫ ወርቅ ትከብራለህ። ‹ኤል› የሚለውን ቃል ከስምህ አውጥተህ፣ ‹ኢት› የሚለውን ከፊለ-ስምህን አስቀርተህ መጠሪያህን ‹ኢትዮጵ› ታደርጋለህ።” አለው፤

ከደረሰ በኋላ ነው - ያረፈባት አገር “ኢትዮጵያ” የተባለችው።