Kharagny - خرجني

12/01/2022

مصر فيها اماكن عجيبة بس مش كل الناس تعرفها 😍

الفطار دا مش هيكلفك غير ٦٠ جنيه في فندق ميركيور - الاسماعيلية

بينك و بين القعدة دي مشوار ساعة و تلت بالعربية و هتتمتع بجرعة ارتخاء اعصاب 😇 على شاطئ بحيرة التمساح اللي تعتبر جزء من قناة السويس
إنت بتدخل من بوابة الفندق و تتمشى شوية وسط الاشجار لحد ما توصل للشاطئ "مش بعيد"

مكان كبيييييير و كله ترابيزات على شاطئ البحيرة، تقعد بقى تلف و تتصور براحتك مع المنظر الطبيعي الجميل دا 🌳 🌅 و على فكرة في كمان Kid's area ببلاش في نفس المكان

اختار بس الترابيزة اللي تعجبك و الفطار هيجيلك لحد عندك .. بيقدموا فطار شرقي "فول، طعمية، بيض، جبنة، بتنجان، مخلل، عيش و عصير برتقال او عناب" الطقم دا كله على بعضه كدة ب ٦٠ جنيه

او ممكن تختار فطار كونتيننتال عبارة عن "انجلش كيك، دنش، كرواسون و عصير"
((مبتدفعش عليهم زيادة خدمة ولا ضريبة))

نفس المكان فيه مطعم كله ازاز في ازاز "بانوراما" و الميزة كمان انه في مستوى عالي مرتفع فا بتبقى شايف ڤيو البحيره 🌊 من فوق مع ال Landscape اللي كلها زرع اخضر و نخل و يا سلام بقى لو هتتغدى وقت غروب الشمس .. هتشوف منظر احلى من الخيال 🌅

عندك كذا اختيار للغداء كلهم ب ١١٠ جنيه "السعر شامل خدمة و ضريبة"
بتختار بين وجبة شيش طاووق او كوردن او ستيك و كل طبق من دول بيكون معاه صنفين جانبيين بتختار بينهم "رز، مكرونة، بطاطس، خضار سوتية، بطاطس مهروسة"

او ممكن تطلب اي بيتزا علي مزاجك بالاسعار اللي في المنيو و بتبقي في حدود من ٦٠ ل ٧٠ جنيه🍕

علي فكرة ده واحد من أقدم الفنادق الموجودة في إسماعيلية و كان معروف باسم فندق ايتاب

متكسلوش يلا و جمعوا صحابكوا و العيلة عشان تقضوا يوم جميل في مكان أجمل و مناظر تحفة تخليكو تتصوروا صور حلوة و هتبقي سفرية كمان مش مجرد خروجة و تشغلوا اغاني رايحين و راجعين نفصل بيها بعد اسبوع شغل 🧘🎧

و هتفضلوا كمان تفتكروا اليوم ده كل ما تشوفوا الصور مع البحيره و الڤيو الجميل 🏖️

09/01/2022

دليلك في القاهره( 1)

عايزين نتفسح نتفسح فين ؟اقولك يا سيدى

🛑 حدائق عامه
✅ الازهر بارك
✅ حديقه الاسره
✅جزيره المعادى
✅ حديقه الميريلاند
✅ حديقه الفسطاط
✅الحديقه الدوليه
✅الحديقه اليابانيه
✅حديقه الحريه
✅ حديقه الاندلس
✅حديقه الاسماك
✅ حديقه الحيوان

🛑 اهم معالم القاهره
✅ الاهرامات وابو الهول
✅برج القاهره
✅ نهر النيل
✅ القريه الفرعونيه
✅خان الخليلى
✅قلعه صلاح الدين الايوبي
✅شارع المعز
✅ المتحف المصري
✅ المتحف القبطى
✅متحف الفن الاسلامي
✅ بانوراما حرب اكتوبر
✅قصر عابدين
✅ قصر البارون

🛑افضل مدن ملاهي في القاهره
✅ دريم بارك
✅وندر لاند
✅اكوا بارك
✅ كريزى وتر
✅كيدزانيا
✅ فابى لاند بورتو كايرو
✅ ماجيك بلانيت

🛑اهم المولات ومراكز التسوق
✅ مول العرب
✅ مول مصر
✅ كايرو فستفال سيتى
✅سيتى ستارز
✅خان الخليلى
✅ جنينه مول
✅معادى سيتى سنتر
✅صن سيتى مول
✅داون تاون
✅فيرست مول

🛑 اشهر المساجد التاريخيه
✅ مسجد احمد بن طولون
✅ جامع عمرو بن العاص
✅جامع محمد على
✅الجامع الازهر
✅ جامع محمد بن قلاون

🛑اشهر الكنائس التاريخيه
✅الكنيسه المعلقه
✅كنيسه ابو سرجه
✅ دير القديس سمعان بالمقطم

🛑 اشهر مطاعم

♦️ مشويات
✅ابو شقرا
✅ الدهان
✅ كابر صبحى
✅ المنوفى
✅ عنتر الكبابجى

♦️ اسماك
✅مطعم اسماك
✅ فيش ماركت
✅ قدوره
✅البرج
✅ابن حميدو
✅ طأطأ

♦️كشرى
✅ابو طارق
✅ سيد حنفى
✅ توم اند بصل
✅ التحرير

♦️مسمط
✅ حبايب السيده
✅ بحه الناصريه

لو بتحب الفسح والخروجات تابعنا

08/01/2022

بورسعيد ده وقتها ❤️🙈🙈

لما تروحو بورسعيد متنسوش تعملو الحاجات دي😍

اول ما توصلو

1/ روحو افطرو علي البحر اكيد الفطار علي البحر مختلف

2/تروح تتمشو في شوارع بورسعيد القمر هتعجبكم
خصوصا شارع ديليسبس وهتشوف قاعده التمثال

3/روح اركبو المعديه ومتنسوش العيش علشان طيور النورس وتشوف مبني قناه السويس
المعديه ( مجانا) حاجه قمر كدا 🌸❤️

4/روحو بقي بورفؤاد واتفرجوا علي طراز البيوت هناك ازي حاجه تحفه بجد 😍

5/طبعا محدش ينسي اهم حاجه الشيكولاته مينفعش تروحو من غير ما تجيبو شيكولاته من بورسعيد
في محلين مشهورين اوي
محمود الفار//// وعلوش
ادخلو الاتنين وشوف الاسعار ً والمناسب ليك هاته 🍫🍫

6/ولازم تاكلو اكله سمك هناك لان السمك في بورسعيد مختلف

7/ومينفعش تروحو بورسعيد من غير ما تاكلو كساتا من سلسبيلا 😘

8/ولو عندك وقت الصبح لازم تروح جبال الملح هناك هتحس انك في اوروبا
واتصورووو كتيررررر هناك بقي

9/ طبعا لازم تروحو حديقه فريال لانها ليها سحر خاص انا بحبها وبحب المكان هناك لويفي التصوير

10/ لو عايزين تقعدو في cafee يبقي شارع طرح البحر واتمشو كتير هناك

11/ وتقدرو تعملو شوبينج هناك ب اسعار حلوه اوي

Kharagny - خرجني أفضل صفحه ترشيحات لاماكن الخروج في مصر.

21/12/2021

قصر للبيع كامل مع فرشه

بسعر مغري جداً

مساحه الارض 3250 متر مربع
مساحه البناء 2000 متر مربع

القصر مكون من:
١٤ غرفه نوم ، و ١٠ حمام
تكيف مركزي و سخان مياه مركزي و مصاعد
كراج ضخم يستقبل حتى ٩ سيارات
نظام كاميرات مراقبه
نظام تسخين مياه مركزي
نظام تكييف مركزي أيضًا.

تفاصيل القصر:
#طابق التسويه : بركه وجاكوزي داخلي / جيم / غرفتين ساونا وستيم / غرفه العاب / غرفه سينما /غرف خدم
#الطابق الارضي : صالون / غرفه طعام / غرفه نوم للضيوف / مكتب / مطبخ و DIRTY KITCHEN / حمامات ضيوف
#الطابق الاول : جناح الماستر الرئيسي / 3 غرف ماستر / مطبخ خدمات
#طابق الروف : 4 غرف نوم ماستر / / مطبخ مفتوح / غرفه غسيل / غرفه خادمه
#الحديقه : بركه سباحه وجاكوزي / شلالات ونوافير راقصه / مساحات رائعه للجلوس والطعام /حمامات خدمات / باربيكيو
يتكون الطابق الأرضي من:
مرآب ضخم يمكنه تحمل ما يصل إلى 9 سيارات في وقت واحد.
- هناك مساحة تخزين ضخمة في الطابق الأرضي لأي شيء من صالة الألعاب الرياضية إلى أي شيء تريده.

#مواصفات البناء:

رخام اسباني كريما مارفيل و رخام نيو بورتورو ورخام ايطالي سيتواريو وبيانكو ب
اصباغ وديكور البيت كامل من شركه ديلوكس
البيت مزود بنظام صوتيات
تكييف مركزي نظام VRV من شركه دايكن
تمديدات الصحيات كامله من شركه بوغاتي الايطاليه وبويلرات بوش
بورسلين البيت كامل من شركه PORCENALOSA الاسباني
فرش البيت من الشركه الانجليزيه CHRISTOPHER GUY
الفرش والستائر من شركه RUBELLI الايطاليه
القصر مزود ب خلايا شمسيه لتوفير الكهرباء
القصر مزود ب خلايا شمسيه لتدفئه الماء
نظام كاميرات مراقبة

السعر 121000000 جنيه مصرى فقط لا غير
ولا يوجد نظام تقسيط

20/12/2021

اوربا الغلابه 😍
الشيخ زايد عامله عظمه في راس 😍❤️

خرجني اكبر صفحه ترشيحات اماكن للخروج في مصر 🔥

20/12/2021