29/06/2022
ဆေးခြောက်ပါဝင်တဲ့ ကွတ်ကီးကို စားသုံးမိပြီးနောက် ၃ နှစ်အရွယ် ကလေးငယ်တစ်ဦးမှာ ဘေးထွက် ဆိုးကျိုးသက်ရောက်မှုတွေခံစားရပြီး ဆေးရုံတင်ခဲ့ရ
ဆေးခြောက်ပါဝင်တဲ့ အရာတွေ စားသုံးပြီးနောက် ထိုင်းနိုင်ငံမှာ အသက် ၃ နှစ်အရွယ် ကလေးငယ် တစ်ဦး အပါအဝင် ကလေး ၆ ဦးတို့ ဆေးခြောက်ရဲ့ ဘေးထွက်ဆိုးကျိုးလက္ခဏာတွေ ခံစားခဲ့ကြရ တယ်လို့ သိရပါတယ်။
Thaipbsworld သတင်းရဲ့ ရေးသားဖော်ပြချက်ထဲ အသက် ၃ နှစ်အရွယ် ကလေးငယ်ဟာ ဆေးခြောက် ပါဝင်တဲ့ အစားအသောက် ဒါမှ မဟုတ်၊ ဆေးခြောက်ထည့်သွင်းထုတ်လုပ်ထားတဲ့ အမျိုးအစားအမည်မ သိရတဲ့ အပျော်တမ်းအစား အသောက်ကို စားသုံးမိပြီးနောက် ဇွန်လ ၂၁ ရက်နေ့ကနေ ၂၆ ရက်အတွင်း မလိုလားအပ်တဲ့ သက်ရောက်မှုတွေကို ခံစားခဲ့ရတယ်လို့ Royal College of Paediatricians of Thailand and the Paediatrics Society Of Thailand က ထုတ်ပြန်ခဲ့ကြောင်း သိရပါတယ်။
သတင်းအစီရင်ခံမှုကို ကိုးကားပြီး ချူလာလောင်ကွန်းဆေးရုံ၊ ရောဂါပိုးကူးစက်ဖြစ်ပွားခြင်းဆေးပေး စင်တာရဲ့ အကူပရော်ဖက်ဆာ ဒေါက်တာ အိုပက်စ် ပွတ်ချာရွန်က သူ့ရဲ့ ဖေ့ဘွတ်စာမျက်နှာပေါ် အင်္ဂါနေ့ ဇွန်လ ၂၈ ရက်နေ့က ပို့စ်တင်ရေးသားထားပါတယ်။ အဆိုပါ ပို့စ်ထဲ မိန်းကလေးငယ် ဟာ မိသားစုဝင်တစ်ဦးက ဝယ်ယူပြီး သိမ်းဆည်းထားတဲ့ ဆေးခြောက်ပါဝင်တယ်လို့ ယုံကြည်ရတဲ့ ကွတ်ကီးကို စားသုံးခဲ့ပြီးနောက် အိပ်ငိုက်ပြီး အားနည်းလာသလို ဖြစ်ခဲ့တာကြောင့် ဆေးရုံတင်ဆေးကုသမှုတွေ ပေးခဲ့ရတယ်လို့ ဆိုထားပါတယ်။
အခြား ၁၄ နှစ်သားအရွယ် စိတ်ကျန်းမာရေးမကောင်းတဲ့ ဆယ်ကျော်သက်တစ်ဦးမှာလည်းပဲ ဆေးခြောက် ရဲ့ သက်ရောက်မှုတွေ ခံစားရပြီး ၂ ပတ်ကြာ ဆေးကုသမှု မခံယူခဲ့ပဲနေထိုင်ခဲ့ပါတယ်။ သူဟာ သူငယ်ချင်းဖြစ်သူနဲ့ အတူ စိတ်ဖိစီးမှု လျှော့ချဖို့အတွက် ဆေးခြောက်ပါတဲ့ စီးကရက်ကို သောက်ပြီးတဲ့နောက် စိတ်ပိုင်းဆိုင်ရာ ခံစားမှုတွေ ပြောင်းလဲပြီး စိတ်ရှုပ်ထွေးမှုတွေဖြစ်ခဲ့ကာ ဆေးကု သမှုတွေ ပေးခဲ့ပြီး နေအိမ်သို့ ပြန်ပို့ခဲ့ရ တယ်လို့ သိရပါတယ်။
အခြားကလေးဆယ်ကျော်သက် ၁၇ နှစ်နဲ့ ၁၆ နှစ် ကလေးတွေမှာလည်းပဲ အလားတူ ဆေးခြောက် ပါဝင်တဲ့ အစားအသောက်၊ အပန်းဖြေတဲ့ အရာတွေ အသုံးပြုပြီးနောက် စိတ်ပိုင်းဆိုင်ရာ ပြဿနာတွေ ခံစားရပြီး ကုသမှုတွေ ခံယူခဲ့ရပါတယ်။
Ref:thaipbsworld
