05/01/2024
Нэн түрүүнд ХАБ😂 Аюулгүй ажиллагааны зааварчилгаа
Та 30 минут гүйсэнтэй тэнцэх их хэмжээний калори шатаадаг, ихээхэн биеийн хүч шаарддаг хөдөлмөр юм.
Ажлын өмнөх үзлэг:
Орны даац, дуугаралтыг заавал шалгана. Ажлын явцад ор нурж унах, хана цохих, өмчийн эвдрэл үүсэх магадлалтай.
Нэг бүрийн хамгаалах хэрэгсэл:
Үйлдвэрлэлийн осол, мэргэжлээс шалтгаалах өвчнөөс урьдчилан сэргийлэх зорилгоор нэг бүрийн хамгаалах хэрэгсэл хэрэглэнэ. Жич: Эрсдэлийн үнэлгээгээр хүүхэдтэй болохыг хүссэн бол хэрэглэх шаардлагагүй.
Хязгаарлагдмал орчин:
Хөнжлөөр толгойгоо бүтээхийг хориглоно, бүтэх эрсдэлтэй. Зуны нөхцөлд цонхоо сайн онгойлгож, агааржуулалт хийсэн байх ёстой. Унтлагын өрөөнөөс бусад газар, ялангуяа агаарын солилцоо бага орон зайд “ажиллахдаа” Хязгаарлагдмал орчны зөвшөөрөл бөглөж, ажлын байрны үзлэг хийсэн байх шаардлагатай.
Аюулыг мэдээлэх:
Ажлын явцад аюул илэрвэл ажлаа яаралтай зогсоож, аюулыг арилгах арга хэмжээ авна. Түгээмэл тохиолддог хандлага: Таны хамтрагч аюул илэрсэн ч “ажлаа дуусгахаар улайрч болзошгүй”.
Хамтрагчаа халамжлах:
Таны аюулгүй байдал таниас, мөн хамт ажиллах хүнээс шалтгаалдаг. Бусдад санаа тавьж, түүний ажиллах байрлалыг зөв сонгох нь чухал.
Эргономик:
Дахин давтагдах хөдөлгөөн их хийдэг учир зөв байрлалтай байх ёстой. Жишээ нь: Эрэгтэй нь дээрээ байрлалтай ажиллах үед өвдөг, тохой халцарч анхны тусламж авах эрсдэл өндөр. Тиймээс өвдгөвч хэрэглэх эсвэл ажлын гадаргуу зөөлөн байх ёстой... Сандал дээр ажиллах үед даацыг нь тооцсон байх ёстой. Ихэнх сандалны даац 100кг байдаг бөгөөд 1 хүн суух зориулалттай.
Өндөрт ажиллах:
1,5м-ээс дээш өндөрт ажиллахдаа заавал хаалт хашилт суурилуулсан байх ёстой. Балкон, эд зүйлс дээр авирч ажиллах нь аюултай. Хамгийн аюулгүй байршил бол газар эсвэл ор юм.
Дуу чимээ:
85db-ээс дээш дуу чимээ гаргах үед чихний бөглөө хэрэглэнэ. Дуу чимээг бууруулах инженерчлэлийн (амыг нь гараараа дарах) эсвэл захиргааны арга хэмжээ авч (чимээгүй чимээгүй гэж зааварлаж) болно.
Хэрэглэх багаж:
Ажлын бүтээмжийг нэмэгдүүлэх зорилгоор аливаа багаж хэрэглэхдээ аюулгүй ажиллагааны заавартай нь сайтар танилцана. Ажилдаа “хэт улайрснаас” бол багажаа эвдэх, хүн гэмтээх эрсдэл үүсгэж болохгүй.
Ажлын арга барил:
Урьд нь туршиж үзээгүй, огт мэдэхгүй арга барилаар нь ажиллах нь эрсдэлийг нэмэгдүүлдэг тул ажлын аюулын шинжилгээ хийх шаардлагатай.
Харанхуй орчин:
Бүдэрч унах, тээглэх, хальтирах, хөлөө орны ирмэгт цохих эрсдэлүүд үүсдэг. Ажлын талбай руу алхахдаа гар утасны гэрлийг ашиглаж болно.
Шингэн дутагдах:
Ам цангах шинж тэмдэг илэрвэл яаралтай ус уу.
Анхаарал сарниулах:
Гэнэт хаалга онгойх, хажуу өрөөнд хүн ханиалгах нь “ажлыг гацаах” аюултай тул дээд зэргийн сонор сэрэмжтэй ажиллах ёстой...
Эрхэм нөхөд нэмэлт зааварчилгаануудаа комментоор нэмнэ биз дээ 😄
