Why Go Kerala

02/02/2021

കോഴിക്കോട് മിഠായിതെരുവ്

Sweet Meat (SM) street or Mithai Theruvu

14/01/2021

അർത്തുങ്കൽ പള്ളി
Arthunkal Church

11/01/2021

കോടമഞ്ഞ് കാണാൻ കൂരുമലയിലേക്ക്....

കൊച്ചി: കണ്ട കാഴ്ചകൾ മാത്രം കാണാതെ, പോയ വഴി തന്നെ സഞ്ചരിക്കാതെ അൽപ്പം മാറ്റിപ്പിടിക്കാൻ യാത്രാ ഭൂപടത്തിൽ ഇടമില്ലാതിരുന്ന പല കേന്ദ്രങ്ങളിലേക്കും സഞ്ചാരികളുടെ നോട്ടമെത്തിത്തുടങ്ങി. മുറ്റത്തെ മുല്ലയ്ക്ക് മണമില്ലന്നതൊക്കെ വെറും പഴങ്കഥയാക്കി തൊട്ടടുത്തുള്ളതും ഒറ്റ ദിവസം കൊണ്ട് പോയി വരാവുന്നതമായ ഇടങ്ങളിലേക്ക് സഞ്ചാരികൾ പോയി തുടങ്ങി. അതു കൊണ്ട് തന്നെ പ്രാദേശിക വിനോദ സഞ്ചാര കേന്ദ്രങ്ങളുടെ വികസനവും ടൂറിസം വകുപ്പ് നടപ്പിലാക്കി വരികയാണ്.

എറണാകുളം ജില്ലയിലെ ഇലഞ്ഞി പഞ്ചായത്തിൽ സ്ഥിതി ചെയ്യുന്ന മനോഹരമായ മലയാണ് കൂരുമല. ജില്ലയിലെ ഉയരം കൂടിയ കുന്നുകളിലൊന്നാണ് കൂരുമല. ഡിസംബര്‍, ജനുവരി മാസങ്ങളിലും, മണ്‍സൂണ്‍ മാസങ്ങളിലുമാണ് കൂരുമലയുടെ ഭംഗി കൂടുതല്‍ ആസ്വാദ്യകരമാവുന്നത്.പ്രഭാതത്തിലെയും സന്ധ്യയിലെയും കോടമഞ്ഞ് ഇറങ്ങുന്ന കാഴ്ച
കൂരുമലയിലേക്ക് യാത്രാപ്രേമികളെ അടുപ്പിക്കുമെന്നതിൽ സംശയമില്ല.


മലമുകളില്‍ നടന്നുകയറി മലനിരകളുടെ ഭംഗി ആസ്വദിക്കാനും കാറ്റു കൊള്ളാനും രാത്രിയില്‍ നക്ഷത്രങ്ങളെ കണ്ടു കിടക്കാനും മറ്റുമായി അടുത്ത പ്രദേശങ്ങളിലെ ആളുകള്‍ നേരത്തെ തന്നെ സന്ദർശിക്കാറുണ്ടായിരുന്ന കൂരുമല വികസിപ്പിച്ചെടുത്താൽ നല്ലൊരു
ഹിൽസ്റ്റേഷനാകുമെന്ന് പ്രദേശവാസികൾ അഭിപ്രായപ്പെട്ടിരുന്നു.ഉയരത്തിലുള്ള പാറകള്‍ നിറഞ്ഞതിനാല്‍ സാഹസിക ടൂറിസം ഇഷ്ടമുള്ളവർക്കും സന്ദർശിക്കാൻ പറ്റിയൊരിടമാണ് കൂരുമല.
അത്തരക്കാർക്കായി റോക്ക് ക്ലൈമ്പിങ്ങിനുള്ള സൗകര്യവുമുണ്ട്.

കൂരുമലയിലെ വിനോദസഞ്ചാര സാധ്യത കണക്കിലെടുത്ത് കൂരുമല ടൂറിസം പദ്ധതിക്കായി സംസ്ഥാന വിനോദ സഞ്ചാര വകുപ്പ് അമ്പതു ലക്ഷം രൂപ ചെലവഴിച്ചാണ് നിലവിലുള്ള വികസനപ്രവര്‍ത്തനങ്ങള്‍ പൂര്‍ത്തിയാക്കിയിരിക്കുന്നത്. പദ്ധതിയുടെ ഭാഗമായി കൂരുമലയിലേക്കുള്ള നടപ്പാത, മലമുകളില്‍ എത്തുന്ന വിനോദസഞ്ചാരികള്‍ക്ക് വിശ്രമിക്കുന്നതിനുള്ള മണ്ഡപം എന്നിവ തയ്യാറായി കഴിഞ്ഞു.
മലനിരകളുടെ ഭംഗി ആസ്വദിക്കുന്നതിനുവേണ്ടി വാച്ച് ടവറും പൂര്‍ത്തിയായിക്കഴിഞ്ഞു. കൂരുമല ടൂറിസം പദ്ധതിയുടെ ഉദ്ഘാടനം വിനോദ സഞ്ചാര വകുപ്പ് മന്ത്രി കടകംപള്ളി സുരേന്ദ്രന്‍ കഴിഞ്ഞ വർഷം ജൂലൈയിൽ വീഡിയോ
കോണ്‍ഫറന്‍സിലൂടെ നിര്‍വഹിച്ചിരുന്നു.

കൂരുമലയിലേക്ക് എത്താന്‍ എറണാകുളത്ത് നിന്നാണെങ്കില്‍ പിറവം വഴി ഇലഞ്ഞിയിലെത്താം. ഇവിടെ നിന്ന് കൂരുലയുടെ താഴ്‌വാരത്തിലേക്ക് മൂന്ന് കി.മീ ദൂരമുണ്ട്. കോട്ടയം റൂട്ടിലൂടെ എത്തുന്നവര്‍ക്ക് കുറവലങ്ങാട് വഴി ഇലഞ്ഞി എത്താം.

09/01/2021

മലക്കപ്പാറ കാണാൻ പോന്നോളീൻ..😀
പാട്ട് കേട്ട് കേട്ട് പോകാം..🎵👌

സമയ വിവരങ്ങൾ ഇങ്ങനെ.👇

7.40,12.20,15.00,16.40 from KSRTC stand

8.10,12.50,15.20,17.10 from municipal stand

7.10,8.10,12.50,17.10 from malakkappara.💚💚💚💛🧡🧡❤️❤️

08/01/2021

കോവിഡിന്റെ പശ്ചാത്തലത്തില്‍ അടച്ചിരുന്ന സംസ്ഥാനത്തെ സ്പാകളും ആയുര്‍വേദ റിസോര്‍ട്ടുകളും തുറന്നുപ്രവര്‍ത്തിക്കുവാന്‍ സര്‍ക്കാര്‍ അനുമതി നല്‍കി. കോവിഡ്‌ നിയന്ത്രണ ചട്ടങ്ങള്‍ പൂര്‍ണമായും പാലിച്ചു കൊണ്ടായിരിക്കണം ഇത്തരം സ്ഥാപനങ്ങള്‍ തുറന്നു പ്രവര്‍ത്തിക്കേണ്ടത്. ശുചിത്വവും സുരക്ഷിതത്വവും ഉറപ്പ് വരുത്തുവാനുള്ള എല്ലാ മുന്‍കരുതലുകളും സ്ഥാപനങ്ങള്‍ സ്വീകരിക്കണം. കോവിഡ്‌ പശ്ചാത്തലത്തിലെ വിനോദസഞ്ചാരമേഖലയുടെ പ്രവര്‍ത്തനം സംബന്ധിച്ച് നിലവിലുള്ള സര്‍ക്കാര്‍ മാര്‍ഗരേഖകള്‍ പൂര്‍ണമായും പാലിക്കണം.

കടകംപള്ളി സുരേന്ദ്രന്‍
സംസ്ഥാന ടൂറിസം വകുപ്പ് മന്ത്രി

08/01/2021

#സഞ്ചാരപ്രിയരുടെ_പൊന്മുടി_നനുത്ത_തണുപ്പും_കുന്നുകളുടെ_ഹരിതശോഭയും_കോടമഞ്ഞും

നീണ്ട 9 മാസത്തെ അടച്ചിടലിനു ശേഷം പൊന്മുടി തുറന്നിരിക്കുകയാണ്
തിരുവനന്തപുരത്തുകാരുടെ മാത്രമല്ല, കേരളത്തിലെ മുഴുവന്‍ സഞ്ചാരപ്രിയരുടെയും പ്രിയപ്പെട്ട ഇടമാണ് പൊന്മുടി.

കോടമഞ്ഞും കാറ്റും കുളിരും എല്ലാമായി കിടിലന്‍ അനുഭവങ്ങളാണ് പൊന്മുടിയിലുള്ളത്. എപ്പോള്‍ ചെന്നാലും മഞ്ഞില്‍ പുതഞ്ഞു കിടക്കുന്ന ഇവിടുത്തെ പച്ചപ്പ് രസകരമായ അനുഭവമാണ് സഞ്ചാരികള്‍ക്ക് നല്കുന്നത്. ചെറുതായി മഴ കൂടി ഉണ്ടെങ്കിൽ ആ കാഴ്ചപറഞ്ഞറിയിക്കാനാവാത്തതാണ്.
കാറ്റിന്റെ അകമ്പടിയില്‍ ഹെര്‍പിന്‍ വളവുകളും വെള്ളച്ചാട്ടങ്ങളും താണ്ടിയുള്ള യാത്ര പ്രത്യേക അനുഭവമാണ് നല്കുന്നതെന്ന് പറയേണ്ടതില്ലല്ലോ.പൊന്മുടി കുന്നിന്റെ മുകളിലെത്തണമെങ്കിൽ 22 ഹെയർ പിൻ വളവുകൾ കടക്കണം.

ഇവിടെ മിക്കവാറും എല്ലാ കാലാവസ്ഥയിലും തണുപ്പു തന്നെയാണ്. കല്ലാറിന്റെയും മറ്റ് അരുവികളുടെയും നനുത്ത തണുപ്പും കുന്നുകളുടെ ഹരിതശോഭയും നിമിഷ നേരം കൊണ്ട് എല്ലാം മറയ്ക്കുന്ന കോടമഞ്ഞുമാണ് പൊന്മുടിയുടെ പ്രധാന നമ്മളിലേക്ക് എത്തിക്കുന്ന പ്രധാന ആകർഷണങ്ങൾ.

മല ദൈവങ്ങൾ പൊന്നു സൂക്ഷിക്കുന്ന മലയായതിനാലാണു പൊൻമുടി എന്ന പേരു വന്നതെന്ന് ഇവിടുത്ത കാണിക്കാരായ ആദിവാസികൾ വിശ്വസിക്കുന്നു എന്നൊരു കഥയുണ്ട് . എന്നാൽ ചരിത്രകാരന്മാർക്കു മറ്റൊരു അഭിപ്രായമാണുള്ളത്. ഇവിടെ പുരാതന കാലത്തുണ്ടായിരുന്ന ബൗദ്ധരും , ജൈനരും തങ്ങളുടെ ദേവനെ പൊന്നെയിര് ദേവൻ, പൊന്നെയിർ കോൻ എന്നു വിളിച്ചിരുന്നെന്നും അവിടെ നിന്നാണ് ഈ മലയ്ക്ക് പൊൻമുടി എന്നു പേരു വന്നതെന്നുമാണ്‌ നിഗമനം.

കല്ലാറിലെ ഉരുളന്‍ കല്ലുകളില്‍ നിന്നാണ് പൊന്മുടിയുടെ സൗന്ദര്യം തുടങ്ങുന്നത്. വിതുര, ആനപ്പാറ കഴിഞ്ഞാല്‍ കല്ലാറിലെ കാട്ടരുവികളായി. ഇവിടമാണ് പൊന്മുടിയുടെ പ്രവേശനകവാടം. ഗോള്‍ഡന്‍ വാലിയെന്നറിയപ്പെടുന്ന ഇവിടെ കുട്ടികള്‍ക്കും സ്ത്രീകള്‍ക്കും കാട്ടാറില്‍ കുളിക്കാനുള്ള സൗകര്യമുണ്ട്. പശ്ചിമഘട്ട മലനിരകളില്‍ നിബിഡ വനസൗന്ദര്യം ആസ്വദിക്കാവുന്ന വള്ളിപ്പടര്‍പ്പുകള്‍ ഗോള്‍ഡന്‍ വാലിക്ക് ചാരുതയേകുന്നു. സ്വാഭാവികമായ കാടാണ് പൊന്മുടിയുടെ മറ്റൊരു സവിശേഷത.

കൊവിഡ് കാരണം നിയന്ത്രണങ്ങള്‍ നിലനിര്‍ത്തി തന്നെയാണ് പ്രവേശനം അനുവദിക്കുന്നത്.രാവിലെ എട്ടുമുതൽ വൈകിട്ട് നാലുവരെയാണ് സന്ദർശനസമയം. അപ്പർ സാനിറ്റോറിയത്തിൽ രണ്ടു മണിക്കൂറിലധികം ചെലവിടാൻ അനുവാദമില്ല. മദ്യം, പ്ലാസ്റ്റിക്ക് എന്നിവ കൊണ്ടുപോകാന്‍ അനുവാദമില്ല.

പൊന്മുടിയിൽ താമസിക്കാൻ കഴിയുന്ന സ്ഥലം കെടി.ഡി.സി.യുടെ ഗോൾഡൻ പീക്ക് എന്ന ഹിൽ റിസോർട്ടും ഗവ: ഗസ്റ്റ് ഹൗസും മാത്രമാണ് ഉള്ളത്.

07/01/2021

ചരിത്ര സ്മാരകങ്ങളുടെ നാടാണ് ഫോര്‍ട്ട് കൊച്ചിയും മട്ടാഞ്ചേരിയും. കേരളത്തില്‍ ഏറ്റവും കൂടുതല്‍ വിദേശ സഞ്ചാരികള്‍ എത്തുന്ന ടൂറിസ്റ്റ് കേന്ദ്രവും കൊച്ചിയാണ്. പുരാതന യൂറോപ്യന്‍ നഗരത്തിന്റെ ദൃശ്യഭംഗിയാണ് ഫോര്‍ട്ടുകൊച്ചിക്ക്. ബാസ്റ്റ്യന്‍ ബംഗ്ലാവ്, വാസ്‌കോ ഡി ഗാമയുടെ മൃതദേഹം അടക്കം ചെയ്ത സെന്റ് ഫ്രാന്‍സിസ് പള്ളി. ഡച്ചുകാരുടെ കാലത്ത് നിര്‍മിച്ച ഡേവിഡ് ഹാള്‍, ഡച്ച് സെമിത്തേരി, പോര്‍ച്ചുഗീസ് മ്യൂസിയം, പരേഡ് ഗ്രൗണ്ട്, ഫോര്‍ട്ടുകൊച്ചി കടപ്പുറം,
കടപ്പുറത്തെ മനോഹരമായ ചീനവലകള്‍, പൗരാണിക ഭംഗിയുള്ള കെട്ടിടങ്ങള്‍,
മട്ടാഞ്ചേരി കൊട്ടാരം, പുരാതനമായ ജൂതപ്പള്ളി, പോര്‍ച്ചുഗീസ്-ബ്രിട്ടീഷ് ഭരണകാലത്ത് നിര്‍മിക്കപ്പെട്ട ഗോഡൗണുകള്‍, ജൈന ക്ഷേത്രം ഇതൊക്കെയാണ് കൊച്ചിയിലെ കാഴ്ചകള്‍.

കാണാം കൊച്ചി കാഴ്ചകൾ

06/01/2021

പ്രൗഢികൾ ഉറങ്ങുന്ന പത്മനാഭൻ്റെ വാസസ്ഥലം

പത്മനാഭസ്വാമി ക്ഷേത്രം, തിരുവനന്തപുരം

PadmanabhaSwamy Temple, Trivandrum

06/01/2021

അനന്തപുരിയുടെ സ്വന്തം കോഫി ഹൗസ്

06/01/2021

#ആലപ്പുഴ_സുന്ദരിയാണ്

കിഴക്കിന്റെ വെനീസ് എന്ന പേരില്‍ അറിയപ്പെടുന്ന ആലപ്പുഴ കേരളത്തിലെ ഏറ്റവും പ്രശസ്തമായ ടൂറിസ്റ്റ് കേന്ദ്രമാണ്. കായൽത്തീ‌രങ്ങൾ ആസ്വദിക്കണമെങ്കില്‍ ആലപ്പുഴയിലേക്ക് ഒരിക്കലെങ്കിലും പോകണം. ഹൗസ് ബോട്ട് യാത്രയോന്നോ, കെട്ടുവള്ള യാത്രയെന്നോ വിശേഷിപ്പിക്കുന്ന കായല്‍ ചന്തം കാണാനുള്ള യാത്രകള്‍ ആലപ്പുഴയിലെ ഏറ്റവും വലിയ പ്രത്യേകതകളാണ്. കായല്‍പ്പരപ്പില്‍ അത്യാഢംബരങ്ങളുടെ പ്രൗഢിയുമായി നീങ്ങുന്ന കെട്ടുവള്ളങ്ങള്‍ കേരളത്തിലെ മാത്രം ദൃശ്യമാണ്. ഓളം തല്ലുന്ന കായലിലൂടെയുള്ള ഹൗസ്ബോട്ട് യാത്ര ജീവിതത്തില്‍ മറക്കാനാവാത്ത അനുഭവമാണ്. ആലപ്പുഴയിലെ പതിവുകാഴ്ചയാണ് വിനോദസഞ്ചാരികളുമായി നീങ്ങുന്ന കെട്ടുവള്ളങ്ങള്‍. മറ്റൊരു പ്രധാന ആകര്‍ഷണം കെട്ടുവള്ളങ്ങളില്‍ കിട്ടുന്ന രൂചിയൂറും വിഭവങ്ങളാണ്. കായലില്‍ നിന്നും ചൂണ്ടയിട്ട് അപ്പപ്പോള്‍ പിടിച്ചു പാകം ചെയ്യുന്ന മത്സ്യവിഭവങ്ങളും കപ്പയും എന്നുവേണ്ട വായില്‍ വെള്ളമൂറിയ്ക്കുന്ന പലരുചികളും കെട്ടുവള്ളങ്ങളില്‍ സുലഭം.

ഹൗസ്ബോട്ടും കായൽത്തീരവും കഴിഞ്ഞാൽ പിന്നെ സഞ്ചാരികളെ ആകർഷിക്കുന്നത് ഇവിടുത്തെ ബീച്ചിന്റെ സൗന്ദര്യമാണ്. നൂറ്റാണ്ടു പഴക്കമുള്ള ആലപ്പുഴ കടൽപ്പാലവും ലൈറ്റ് ഹൗസും പ്രധാന ആകര്‍ഷണം. ആഞ്ഞടിക്കുന്ന തിരമാലകളിലൂടെ തീരത്തടിയുന്ന ശംഖുകളുടെ ഭംഗിയും തിരമാലകള‌െ തഴുകി വീശുന്ന കാറ്റും കടലോരത്തിന്റ സൗന്ദര്യം പതിന്മടങ്ങാകുന്നു. കാറ്റിന്റ ദിശയിൽ മൂക്കിലേക്ക് ബജ്ജിയുടെയും ചന മസാലയുടെയും ഗന്ധം തുളച്ചുക്കയറും. കുപ്പി ഭരണികളിൽ തിങ്ങിനിറച്ചിരിക്കുന്ന ഉപ്പിലിട്ട നെല്ലിക്കയും മാങ്ങയും എന്നു വേണ്ട സകലതും രുചിയിലൂടെ അമ്പരപ്പിക്കുന്നു. കായലോര യാത്രയിലൂടെയും ബീച്ച് സൗന്ദര്യം ആസ്വദിക്കാം.

06/01/2021

ൂപയ്ക്ക്_5_മണിക്കൂർ_ഒരു_കിടിലൻ_ബോട്ട്_യാത്ര_ആലപ്പുഴയിൽ !!!👍❤️

ആലപ്പുഴയിൽ 400 രൂപയ്ക്ക് 5 മണിക്കൂർ കിടിലൻ ബോട്ട് യാത്ര കൂടാതെ
ഏസി വേണമെങ്കിൽ അതും 600 രൂപയ്ക്ക്.. സർക്കാരിന്റെ ബോട്ട്.

ഏസിയിൽ 40 സീറ്റും നോൺ ഏസിയിൽ 80 സീറ്റും ഉണ്ട്. (Total 120) വിളിച്ചു ബുക്ക് ചെയ്ത് വന്നാൽ മാത്രമേ സീറ്റ് ലഭിക്കുകയുള്ളൂ. കൂടാതെ ബുക്ക് ചെയ്യുന്ന ഫോൺ നമ്പർ ഉള്ള വ്യക്തി ബോട്ടിൽ ഉണ്ടായിരിക്കണം.

രാവിലെ 11.00 മണിക്ക് ആരംഭിക്കുന്ന ബോട്ട് യാത്ര ആലപ്പുഴ ബോട്ട് ജെട്ടിയിൽ നിന്നും ആരംഭിച്ച് നേരെ ഫിനിഷിംഗ് പോയിന്റ് വഴി നേരെ സ്റ്റാർട്ടിംഗ് പോയിന്റിലേക്ക്....

അവിടെ നിന്നും നേരെ വേമ്പനാട്ട് കായലിലൂടെ പാതിരാമണൽ ലക്ഷമാക്കി നമ്മൾ യാത്ര തുടരുന്നു.

ആ യാത്രയിൽ സായികേന്ദ്രവും കണ്ട് പാതിരാമണലിൽ ബോട്ട് അടുപ്പിക്കും. അവിടെ കയറുന്നതിന് ഒരാൾക്ക് 10.00 ചാർജ് ഏർപ്പെടുത്തിയിട്ടുണ്ട്.

1.00 മണിക്ക് അവിടെ എത്തിയ നമുക്ക് നേരത്തെ കുടുംബശ്രീയിലെ ചേച്ചിമാർ ഊണിന് വേണ്ട കൂപ്പൺ തന്നിരിക്കും

100 രൂപയാണ് ഊണിന് ചാർജ് മീൻകറി, സാമ്പാർ, പുളിശ്ശേരി, കക്കായിറച്ചി, അവിയൽ, തോരൻ, അച്ചാർ എന്നിവ ഉണ്ടാകും

1 മണിക്കൂർ സമയം അവിടെ കാണാനും ഫുഡ് കഴിക്കാനുമായി ലഭിക്കും.

കുറച്ച് റെസ്റ്റ് എടുത്ത് 2.00 മണിക്ക് വീണ്ടും ബോട്ട് പുറപ്പെടും നേരെ കുമരകം ലക്ഷൃമാക്കി ഇതിനിടയിൽ നമുക്ക് ഐസ്ക്രീം ചായ സ്നാക്സ് മുതലായവ ബോട്ടിൽ തന്നെ തയ്യാറാക്കിയിട്ടുണ്ട്.

കുമരകം കായലിന്റെ സൈഡിലെ കുരിശടി വഴി ബോട്ട് പിന്നീട് ആർ. ബ്ലോക്ക് ലക്ഷൃമാക്കി പോകും ആ റൂട്ടിൽ അധികം ബോട്ടുകൾ പോകാത്ത റൂട്ടാണ് ആദൃ അനുഭവമായി ആ യാത്ര കൂടാതെ പലതരം പക്ഷികളെ ആ യാത്രയിൽ കാണാൻ സാധിച്ചു.

3.15 നോടുകൂടി ആർ ബ്ലോക്കിൽ നിന്നും സ്ഥിരം കോട്ടയം ആലപ്പുഴ റൂട്ടിലൂടെ ബോട്ട് ആലപ്പുഴയിലേക്ക് യാത്രയായി. ഈ യാത്രയിൽ ബോട്ടിന്റെ മുൻപിലും പുറകിലും നിൽക്കാനും ഇരുന്ന് യാത്ര ആസ്വദിക്കാനും സാധിക്കും...

4.00 മണിയോടെ ബോട്ട് ആലപ്പുഴ ബോട്ട് ജെട്ടിയിൽ ബോട്ട് അടുപ്പിച്ചു. 11 മണിക്ക് ആരംഭിച്ച യാത്ര 4 മണിക്ക് തിരികെ എത്തി കൂടാതെ
ഇവിടെ നിന്നും ബീച്ചിൽ പോയി ലൈറ്റ് ഹൗസും, ബീച്ചും കണ്ട് സൂര്യാസ്തമയത്തോടൂകൂടി വീട്ടിലേക്ക് മടങ്ങാം...

ഒരു ദിവസം ആലപ്പുഴ കുറഞ്ഞ ചിലവിൽ കാണാൻ ആഗ്രഹിക്കുന്നവർക്ക് ഇത് ശരിക്കും പ്രയോജനം ചെയ്യും തീർച്ച...

06/01/2021

സംസ്ഥാന വിനോദ സഞ്ചാര വകുപ്പ് 2.80 കോടി രൂപ ചെലവഴിച്ച് വടകര കാരക്കാട് നിര്‍മിച്ച വാഗ്ഭടാനന്ദ പാർക്ക് നാടിന് സമര്‍പ്പിച്ചു.

കേവല ആദ്ധ്യാധമികതയ്ക്ക് അപ്പുറം ഭൗതിക ജീവിതത്തിലെ മനുഷ്യരുടെ പ്രശ്നങ്ങൾക്ക് പരിഹാരം നേടാൻ സംഘടിത യത്നം ആവശ്യമാണെന്ന് തിരിച്ചറിഞ്ഞ ശ്രീ വാഗ്ഭടാനന്ദ ഗുരു, ആ വഴിക്കുള്ള പ്രവർത്തനങ്ങളുടെ വേദിയായി ‘ആത്മ വിദ്യ സംഘ’ത്തിന് രൂപം നൽകിയ വടകര കാരക്കാടിന്റെ മണ്ണിലാണ് അദ്ദേഹത്തിന്റെ സ്മാരകമായി പാര്‍ക്ക് ഒരുക്കിയിരിക്കുന്നത്.

പൊതു ജനങ്ങളുടെ കായികവും മാനസികവുമായ വളർച്ചയ്ക്കും വിനോദത്തിനും ഉതകുന്ന രീതിയിലാണ് വിനോദ സഞ്ചാര വകുപ്പ് പാർക്ക് നിര്‍മ്മിച്ചിരിക്കുന്നത്. ഓപ്പൺ ജിം, ബാഡ്മിന്റൺ കോര്‍ട്ട്, നടപാത നവീകരണം, റെയിൻ ഷെല്‍ട്ടര്‍, കിയോസ്കുകള്‍, ടോയിലറ്റ് ബ്ലോക്ക്, കിണര്‍ നവീകരണം, ഇലക്ട്രിക്കല്‍ പ്രവർത്തി, സെക്യൂരിറ്റി ക്യാബിൻ എന്നിവയാണ് പദ്ധതിയുടെ ഭാഗമായി പാർക്കിൽ ഒരുക്കിയിരിക്കുന്ന അനുബന്ധ സൗകര്യങ്ങൾ.

06/01/2021

#സുന്ദരിയായ_വാൽപ്പാറ_പൊള്ളാച്ചി_റൂട്ടിലെ_ഈ_40_ഹെയർപിൻ_വളവുകളിലൂടെ_ഒരു_കിടിലൻ_യാത്ര

04/01/2021

250 രൂപയ്ക്ക് മൂന്നാർ ഒരു ദിവസം മുഴുവൻ കാണാം..

ക്ലിക്കായി കെഎസ്ആര്‍ടിസി....
ആദ്യ ദിനത്തില്‍ എത്തിയത് 30 യാത്രക്കാര്‍..
കെഎസ്ആര്‍ടിസിയുടെ മൂന്നാര്‍ സര്‍വീസിന് മികച്ച പ്രതികരണം. ആദ്യദിനത്തില്‍ തന്നെ 30 പേരാണ് മൂന്നാര്‍ കറക്കത്തിനായി എത്തിയത്. ..

വിനോദസഞ്ചാരികള്‍ക്ക് മൂന്നാറിലെ കാഴ്ചകള്‍ കണ്ട് ആസ്വദിക്കുന്നതിനായാണ് കെഎസ്ആര്‍ടിസി ബസ് സര്‍വീസ് ആരംഭിച്ചത്.വെള്ളിയാഴ്ച രാവിലെയാണ് പഴയ മൂന്നാര്‍ ഡിപ്പോയില്‍നിന്നു സൈറ്റ് സീയിങ് എന്ന പേരിലുള്ള ബസ് സര്‍വീസ് തുടങ്ങിയത്.

രാവിലെ ഒന്‍പതിന് ഡിപ്പോയില്‍ നിന്നാരംഭിക്കുന്ന സര്‍വീസ് ആദ്യം ടോപ് സ്റ്റേഷനിലെത്തും. ഒരു മണിക്കൂറോളം അവിടെ ചെലവഴിച്ച ശേഷം, കുണ്ടള, എക്കോ പോയിന്റ്, മാട്ടുപ്പട്ടി, ഹണി ട്രീ, റോസ്ഗാര്‍ഡന്‍ എന്നിവിടങ്ങള്‍ സന്ദര്‍ശിച്ചശേഷം അഞ്ചുമണിയോടെ ട്രിപ്പ് അവസാനിപ്പിക്കുകയും ചെയ്യും.ആദ്യ ട്രിപ്പില്‍ മലയാളികളായിരുന്നു ഭൂരിഭാഗം എത്തിയിരുന്നത്....

250 രൂപ മാത്രമാണ് ഒരു ദിവസത്തെ കറക്കത്തിനുള്ള ചെലവ്. ചെറിയ ചെലവില്‍ മൂന്നാറിലെ പ്രധാന സ്ഥലങ്ങള്‍ സന്ദര്‍ശിക്കാന്‍ കഴിഞ്ഞതിന്റെ സന്തോഷത്തിലായിരുന്നു യാത്രക്കാരിലധികവും.

03/01/2021

Pandikkuzhi Thekkady's new attraction ...

Thekkady's new attraction is the village of Pandikuzhi, which is located on the Kerala - Tamil Nadu border. To the highlights of Pandikuzhi with breathtaking views, view points and waterfalls !!

Pandikkuzhi, located close to Thekkady, is a place where one can climb into the chunk at a glance. It is a place where tourists do not come in large numbers but once in a while it seems to come again and again.

As it is located close to the Tamil Nadu border, all the sights here have a Tamil scent. Most of the sights here are from Tamil Nadu.

This is a great place to capture views on camera. The aim of the photographers who come here is to frame the landscape of this beautiful country. There are endless views here, no matter how many copies. The scenery from the top of the hill is the most attractive.

After the camera views, people who are interested in trekking come here. The trekking here attracts those who want to see the different views of Thekkady. There is no doubt that trekking here is one of the most memorable experiences of the foothills and mountain tops.

The waterfall here is one of the important attractions of Pondikuzhi. Falling from a height of 1200 feet, this waterfall is also a popular destination among tourists.

One of the unique features of Pandikuzhi is the diversity of its wildlife. There is so much biodiversity here that you can only see green everywhere.

The best time to visit this place is from September to March, although it is super during the year. There is no need to think of other ways to pass the time as there are sights to see from morning till evening.

Pondikuzhi is located at a distance of 5 km from Thekkady, between the Chellar Kovil and the Tamil Nadu border. The nearest railway station is Theni. It is located at a distance of 60 km from Theni. The nearest airport is Madurai Airport. The distance from the airport to this place is 140 km. It is only 4 km from Kumily.

03/01/2021

പാണ്ടിക്കുഴി തേക്കടിയുടെ പുതിയ ആകർഷണം...

കേരളാ-തമിഴ്നാട് അതിർത്തിയോട് ചേർന്ന് കിടക്കുന്ന പാണ്ടിക്കുഴി എന്ന ഗ്രാമമാണ് തേക്കടിയുടെ പുതിയ ആകർഷണം. കിടിലൻ കാഴ്ചകളും വ്യൂ പോയിന്‍റും വെള്ളച്ചാട്ടവും ഒക്കെയായി മനംകുളിർപ്പിക്കുന്ന കാഴ്ചകളുള്ള പാണ്ടിക്കുഴിയുടെ വിശേഷങ്ങളിലേക്ക്!!

ഒറ്റ നോട്ടത്തിൽ തന്നെ ചങ്കിൽ കയറിക്കൂടുന്ന ഒരിടമാണ് തേക്കടിക്ക് തൊട്ടടുത്തു കിടക്കുന്ന പാണ്ടിക്കുഴി. സഞ്ചാരികൾ ഒത്തിരിയൊന്നും എത്തിയിട്ടില്ലെങ്കിലും ഒരിക്കൽ വന്നുപോയാൽ പിന്നെയും പിന്നെയും വരാൻ തോന്നിപ്പിക്കുന്ന ഇടമാണിത്.

തമിഴ്നാട് അതിർത്തിയോട് ചേർന്നു സ്ഥിതി ചെയ്യുന്നതിനാൽ ഇവിടുത്തെ കാഴ്ചകൾക്കെല്ലാം ഒരു തമിഴ് മണമായിരിക്കും. തമിഴ്നാട്ടിൽ നിന്നുള്ള കാഴ്ചകളാണ് ഇവിടെ കൂടുതലും കാണുവാൻ സാധിക്കുക.

കാഴ്ചകള്‍ ക്യാമറയിൽ പകർത്തുവാൻ പറ്റിയ ഒരിടമാണിത്. അതിമനോഹരമായ ഈ നാടിന്‌‍റെ ഭൂപ്രകൃതി ഫ്രെയിമിലാക്കുകയാണ് ഇവിടെ എത്തുന്ന ഫോട്ടോഗ്രാഫർമാരുടെ ലക്ഷ്യം. എത്ര പകർത്തിയാലും തീരാത്ത കാഴ്ചകൾ ഇവിടെയുണ്ട്. മലമുകളിൽ നിന്നുള്ള പ്രകൃതി ദൃശ്യങ്ങളാണ് ഏറ്റവും ആകർഷകമായത്.

ക്യാമറ കാഴ്ചകൾ കഴിഞ്ഞാൽ ട്രക്കിങ്ങിൽ താല്പര്യമുള്ളവരാണ് ഇവിടെ എത്തുന്നത്. തേക്കടിയുടെ വ്യത്യസ്തമായ കാഴ്ചകൾ കാണുവാൻ താല്പര്യമുള്ളവരെ ആകർഷിക്കുന്നതാണ് ഇവിടുത്തെ ട്രക്കിങ്ങ്. അടിവാരത്തിലെ കാഴ്ചകളും മലമുകളിലെ അനുഭവങ്ങളും ഒക്കെയായി എന്നും ഓർമ്മയിൽ വയ്ക്കുവാൻ കഴിയുന്ന ഒന്നായിരിക്കും ഇവിടെ നടത്തുന്ന ട്രക്കിങ്ങ് എന്നതിൽ സംശയമില്ല.

പാണ്ടിക്കുഴിയിലെ കാഴ്ചകളിൽ പ്രധാനപ്പെട്ട ഒന്നാണ് ഇവിടുത്തെ വെള്ളച്ചാട്ടം. 1200 അടി മുകളിൽ നിന്നും പതിക്കുന്ന ഈ വെള്ളച്ചാട്ടം ഇവിടെ എത്തുന്ന സഞ്ചാരികളുടെ ഇഷ്ട ഇടവും കൂടിയാണ്.

പാണ്ടിക്കുഴിയുടെ എടത്തു പറയേണ്ടുന്ന പ്രത്യേകതകളിലൊന്ന് ഇവിടുത്തെ ജീവജാലങ്ങളുടെ വൈവിധ്യമാണ്. എവിടെ നോക്കിയാലും പച്ചപ്പ് മാത്രം കാണുന്ന ഇവിടെ അത്രയധികം ജൈവവൈവിധ്യമുണ്ട്.

വർഷത്തിൽ എപ്പോൾ പോയാലും സൂപ്പറ്‍ ആണെങ്കിലും സെപ്റ്റംബർ മുതൽ മാർച്ച് വരെയുള്ള സമയമാണ് ഇവിടെ എത്താൻ കൂടുതലും യോജിച്ചത്. രാവിലെ മുതൽ വൈകിട്ട് വരെ കണ്ടു നടക്കുവാനുള്ള കാഴ്ചകൾ ഇവിടെ ഉള്ളതിനാൽ സമയം കളയുവാൻ മറ്റു വഴികൾ ആലോചിക്കേണ്ടി വരില്ല.

തേക്കടിയിൽ നിന്നും അഞ്ച് കിലോമീറ്റർ അകലെ ചെല്ലാർ കോവിലിനും തമിഴ്നാട് അതിർത്തിക്കും ഇടയിലായാണ് പാണ്ടിക്കുഴി സ്ഥിതി ചെയ്യുന്നത്. ഏറ്റവും അടുത്തുള്ള റെയിൽവേ സ്റ്റേഷൻ തേനിയാണ്. തേനിയിൽ നിന്നും 60 കിലോമീറ്ററാണ് ഇവിടേക്കുള്ള ദൂരം. മധുര എയർപോർട്ടാണ് അടുത്തുള്ള വിമാനത്താവളം. 140 കിലോമീറ്ററാണ് വിമാനത്താവളത്തിൽ നിന്നും ഇവിടേക്കുള്ള ദൂരം.കുമളിയിൽ നിന്നും ഇവിടേക്ക് 4 കിലോമീറ്ററേയുള്ളൂ.

02/01/2021

ഗവി ടൂർ പാക്കേജ് വീണ്ടും, 85 കി.മീ കാട്ടിലൂടെ സഞ്ചാരം, ഭക്ഷണം; ഒരാൾക്ക് 2000 രൂപ

നീണ്ട ഇടവേളയ്ക്ക് ശേഷം വിനേദസഞ്ചാരകേന്ദ്രങ്ങൾ തുറന്നതോടെ സഞ്ചാരികളുടെ തിരക്കും വർധിച്ചു. ക്രിസ്മസ്–ന്യൂയർ ആഘോഷമാക്കാൻ സഞ്ചാരികളുടെ തിരക്കിലാണ് വിനോദസഞ്ചാര കേന്ദ്രങ്ങൾ‌. കൊറോണയിൽ തകർന്ന ടൂറിസം മേഖല ഇപ്പോൾ തിരിച്ചുവരവിന്റെ പാതയിലാണ്. സഞ്ചാരികള്‍ക്കായി നിരവധി ഒാഫറുകളും പാക്കേജുകളുമാണ് ടൂറിസ്റ്റ് കേന്ദ്രങ്ങൾ ഒരുക്കിയിരിക്കുന്നത്. പത്തനംത്തിട്ടയിലെ കോന്നി– അടവി– ഗവി സഞ്ചാരയിടങ്ങളെ കേന്ദ്രീകരിച്ച് മികച്ച ടൂർ പാക്കേജുകൾ പ്രഖ്യാപിച്ചിട്ടുണ്ട്.

കോവിഡ് നിയന്ത്രണങ്ങളെത്തുടർന്ന് നിർത്തിവച്ച കോന്നി– അടവി– ഗവി ടൂർ പാക്കേജ് മാനദണ്ഡം പാലിച്ച് പുനരാരംഭിച്ചു.കോന്നി ആനത്താവളത്തിൽ നിന്ന് രാവിലെ 7.15ന് യാത്ര ആരംഭിച്ച് അടവിയിൽ എത്തി കുട്ടവഞ്ചി സവാരിയും പ്രഭാത ഭക്ഷണവും കഴിഞ്ഞ് തണ്ണിത്തോട്, ചിറ്റാർ, ആങ്ങമൂഴി, കൊച്ചാണ്ടി ചെക്പോസ്റ്റ് വഴി മൂഴിയാർ ഡാം സന്ദർശിക്കും. കൊച്ചാണ്ടി ചെക് പോസ്റ്റ് മുതൽ വള്ളക്കടവ് വരെ 85 കിലോമീറ്റർ നിബിഡവനത്തിലൂടെയാണ് സഞ്ചാരം.

പുൽമേട്, ഇലപൊഴിയും വനം, നിത്യഹരിത വനം എന്നീ വ്യത്യസ്ത വനങ്ങളും കാണാം.പെൻസ്റ്റോക്ക് പൈപ്പ്, കക്കി ഡാം വ്യൂ പോയിന്റ്, കക്കി ഡാം, സിനിമ ഷൂട്ടിങ് നടക്കുന്ന സ്ഥലങ്ങൾ, ആനത്തോട് ഡാം, പമ്പ ഡാം എന്നിവ സന്ദർശിച്ച് ഉച്ചയ്ക്ക് കൊച്ചുപമ്പയിൽ എത്തി ഭക്ഷണത്തിനു ശേഷം ബോട്ടിങ്. ബൈബിളിൽ പറയുന്ന നോഹയുടെ പെട്ടകം നിർമിക്കാൻ ഉപയോഗിച്ച ‘ഗോഫർ’ മരം കണ്ട് ഗവിയിൽ എത്തിച്ചേരും. പ്രകൃതിഭംഗി ആസ്വദിച്ച് പെരിയാർ ടൈഗർ റിസർവ് വഴി വള്ളക്കടവിലെത്തും.

വണ്ടിപ്പെരിയാർ, പീരുമേട്, കുട്ടിക്കാനം, മുണ്ടക്കയം, എരുമേലി, റാന്നി വഴി കുമ്പഴ എത്തി രാത്രി ഭക്ഷണം കഴിഞ്ഞ് കോന്നിയിൽ തിരിച്ചെത്തും. ഒരാൾക്ക് 2000 രൂപയും 10 മുതൽ 15 പേർ വരെയുള്ള സംഘത്തിലെ ഓരോരുത്തർക്കും 1900 രൂപയും 16 പേര‍ടങ്ങുന്ന സംഘത്തിലെ ഓരോരുത്തർക്കും 1800 രൂപയുമാണ് ടിക്കറ്റ് നിരക്ക്. 5 വയസ്സിനു മുകളിലുള്ളവർക്ക് ചാർജ് ബാധകമാണ്. യാത്രാ ഫീസ്, ഭക്ഷണം, കുട്ടവഞ്ചി സവാരി, ബോട്ടിങ് തുടങ്ങിയവ ടിക്കറ്റ് നിരക്കിൽ ഉൾപ്പെടും.

01/01/2021

മാട്ടുപ്പെട്ടിയും ഹണിട്രീയും കണ്ട് പോകാം. ഇടയ്ക്ക് ബോട്ടിങ്ങിന് നിർത്തും. 250 രൂപയ്ക്ക് മൂന്നാർ ചുറ്റിക്കറങ്ങാം. സർക്കാരിൻ്റെ KSRTC യിൽ.....

മൂന്നാര്‍; 250 രൂപ ടിക്കറ്റെടുക്കണം ഒന്‍പതു മണിക്ക് എടുക്കുന്ന ബസ് നേരെ ടോപ് സ്റ്റേഷനിലേക്ക്. പിന്നീട് കുണ്ടള, എക്കോപോയിന്റ്, മാട്ടുപ്പട്ടി, ഹണീ ട്രീയൊക്കെ കണ്ട് വൈകിട്ട് നാലു മണിയോടെ മടക്കം. വിനോദസഞ്ചാരികള്‍ക്ക് ​ഗംഭീര പുതുവര്‍ഷ സമ്മാനവുമായി എത്തുകയാണ് കെഎസ്‌ആര്‍ടിസി. കുറഞ്ഞ ചെലവില്‍ സഞ്ചാരികളെ മൂന്നാര്‍ ചുറ്റിക്കാണിക്കുന്ന സര്‍വീസിനാണ് തുടക്കമിടുന്നത്.

മൂന്നാറിലെത്തുന്ന വിനോദസഞ്ചാരികള്‍ക്ക് നാടുചുറ്റിക്കാണാനുള്ള അവസരമാണ് കെഎസ്‌ആര്‍ടിസി ഒരുക്കുന്നത്. ജനുവരി ഒന്നുമുതലാണ് ഈ സര്‍വീസ്. 50 പേര്‍ക്ക് യാത്ര ചെയ്യാവുന്നതാണ് ബസ്. രാവിലെ ഒന്‍പതിന് കെഎസ്‌ആര്‍ടിസി ഡിപ്പോയില്‍നിന്നാരംഭിക്കുന്ന സര്‍വീസ് നേരേ ടോപ് സ്റ്റേഷനിലെത്തും

അവിടെ ഒരുമണിക്കൂര്‍ തങ്ങാം. തുടര്‍ന്ന്, ബസ്, കുണ്ടള, എക്കോപോയിന്റ്, മാട്ടുപ്പട്ടി, ഹണീ ട്രീ എന്നിവിടങ്ങളിലും ബോട്ടിങ്‌ നടത്തുന്നതിനും നിര്‍ത്തിയിടും. നാലുമണിയോടെ തിരിച്ച്‌ ഡിപ്പോയില്‍.

ഒരാള്‍ക്ക് 250 രൂപയാണ് ചാര്‍ജ്. വിനോദസഞ്ചാരികള്‍ രാവിലെ ഡിപ്പോയിലെത്തി ടിക്കറ്റെടുക്കണം. രാജമല, മറയൂര്‍, കാന്തല്ലൂര്‍ ഭാഗത്തേക്ക് മറ്റൊരു ബസ് സര്‍വീസും ഉടന്‍ ആരംഭിക്കും. മൂന്നാറിലെത്തുന്ന വിനോദസഞ്ചാരികള്‍ക്ക് സ്ലീപ്പര്‍ കോച്ചില്‍ നൂറുരൂപ മുടക്കി താമസിക്കുന്നതിനുള്ള പദ്ധതി വിജയമായതിനെത്തുടര്‍ന്നാണ് കെഎസ്‌ആര്‍ടിസി പുതിയ പദ്ധതി നടപ്പാക്കുന്നത്.

01/01/2021

28/12/2020

Alappuzha Beach
Alappuzha Beach is a beach in Alappuzha town and a tourist attraction in Kerala, India. Beach has an old pier which extend to sea is over 150 years old. Alappuzha beach host many events annually like Alappuzha beach festival, Sand art festival and many more...

Nearest Railway Station: Alappuzha (100mts)

Nearest Airport: Kochin International Airport (approx:80 kms)

28/12/2020

The Punalur Suspension Bridge, located in Punalur is the oldest motorable Bridge in Kerala, which was built by Travancore Government and is now a historical attraction
The suspension bridge crossing the river is the only suspended-deck type in south India. Built in 1877 by Albert Henry across the Kallada River, this huge bridge was suspended by two spans and was used for vehicular movement. Construction took more than six years. It is said that after completion of the bridge people hesitated to walk over the bridge. In order to prove the strength of the bridge the engineer and his family passed under the bridge in a country boat while six elephants were walking over it

27/12/2020

Kottukal Cave Temple

The Kottukal Cave Temple is situated in the village of Kottukal, Kollam district. This rock cut shrine has two caves, both facing the east with the sculpture of the main deity, Lord Ganesha, in between. The smaller cave has an idol of Lord Hanuman and the larger one has a monolithic Nandi in it. The temple also has a Shiva Linga.

The temple known as Kottukkal Thrikovil Cave Temple built on a single piece of rock showcases excellent architectural brilliance and ancient culture. The temple also has a well that never dries up. Another major attraction is the Mandapam.

Nearest railway station: Kollam, about 47 km

Nearest Town: Anchal, Kollam

Nearest Airport: Trivandrum International Airport.

27/12/2020

കുട്ടനാടൻ ഷാപ്പ്
കപ്പയും(മരച്ചീനി) മീൻകറിയും

Kuttanadan Toddy Shope
Tapioca with Fish

26/12/2020

Welcome to our world