محبت مر نہیں سکتی۔۔۔
محبت وصف ہے۔۔۔
محبت بنیاد ہے ۔۔۔
محبت اوّل ہے۔۔۔
محبت آخر ہے۔۔۔
محبت راز ہے۔۔۔
محبت احساس ہے۔۔۔
محبت محمّدالرّسول ہے ۔۔۔
محبت کعبہ ہے۔۔۔
محبت جنت ہے۔۔۔
محبت مر نہیں سکتی ۔۔۔
محبت وصف ہے رّب کا۔۔۔
محبت مر نہیں سکتی۔۔۔
محبت مر نہیں سکتی۔۔۔
از قلم: حراء بسراء
26/12/2022
14/12/2022
دوریاں۔۔۔۔
دلوں میں فرق آ جائے تو اس بات میں کوئی شک و شبہ نہیں ہے کہ انسان کی دلیلیں ،منتیں بیکار ہو جاتی ہیں ۔۔۔۔
یہ بات میری زندگی کا تجربہ ہے کہ انسان کے کسی رشتے میں جب دوری آ جاتی ہے تو اُس میں وہ لذت نہیں رہتی۔۔۔۔
انسان اپنے تعلق کو ٹھیک کرنے کی کوشش بھی کرے وہ چاہتا بھی ہو کہ سب کچھ پہلے جیسا ہو جائے تو بھی یہ ممکن نہیں ہوتا ۔۔۔۔۔
اُس رشتے میں پہلے جیسی چاشنی نہیں پیدا ہو پاتی۔۔۔۔۔۔
رشتے میں آ ہوئی وہ دراڑ کبھی نہیں جاتی ۔۔۔۔ آپ کی پیوند کاری بھی اُسے ختم نہیں کر سکتی ۔۔۔۔ یہ ایک تکلیف دہ صورت ہے جو ہمیشہ آپ کے ساتھ رہتی ہے۔۔۔۔
اس لیے رشتوں کو کبھی اس موڑ پر مت لے کر آئیں کہ آپ کے لیے بات کرنا محال ہو جائے ۔۔۔۔۔
آپ کے پاس الفاظ ختم ہونے لگیں۔۔۔۔
اللّٰہ پاک ہمیں رشتوں کو نبھانے کی توفیق عطاء فرمائیں۔
آمین ثمہ آمین
دلوں میں فرق آ جائے تو اتنا یاد رکھنا تم
دلیلیں ، منتیں اور فلسفے بیکار جاتے ہیں
از قلم:حراء بسراء
07/12/2022
کیوں؟؟؟
آخر کیوں ہماری زندگی سے محبت نکلتی جا رہی ہے۔۔۔
کیوں ہم سمجھوتوں کی زندگی گزارنے پر مجبور ہیں۔۔۔کہیں ذات کا مسئلہ ہے تو کہیں سٹیٹس کا۔۔۔!!!
کیوں ہم اپنی زندگی میں سمجھوتوں کو جگہ دے رہے ہیں؟؟؟
ہر دوسرا انسان سمجھوتہ کیے زندگی بسر کر رہا ہے۔۔۔
کیونکہ!!!
ہماری محبت خالص نہیں رہی ۔۔۔ ہماری محبت میں وہ طاقت، شدت اور گہرائی ہی نہیں رہی جو محبت کی خاصیت ہے ۔۔۔۔
جہاں ہماری محبت سے خلوص نکلا وہیں سمجھوتہ داخل ہو گیا۔۔۔ ہم نے اپنی محبت کو خود یتیم کر دیا ہے۔۔۔
محبت نے بھی ہم سے منہ موڑ لیا ہے۔۔۔۔
جہاں محبت کی قدر نہیں ہوتی وہ وہاں سے ہجرت کر لیتی ہے۔۔۔
محبت کی بے قدری کرنے والوں کو محبت اپنے پاس بھی نہیں پھٹکنے دیتی۔۔۔۔
زندگی تو سب کی بسر ہو ہی جانی ہے۔۔۔کیا ہی اچھا ہو کہ محبت کے سائے میں بسر ہو۔۔۔
محبت کے بغیر زندگی گزار تو لی جاتی ہے بسر نہیں کی جاتی۔۔۔!!!
اللّٰہ پاک ہمیں محبت بھری زندگی عطاء فرمائیں ہم محبت کے حصار میں رہیں نہ کہ سمجھوتوں کہ۔۔۔!!!
از قلم: حراء بسراء
07/12/2022
انسان لکھ بھی تبھی سکتا ہے جب کوئی وجہ ہو۔۔۔
وہ وجہ خوشی کی ہو یاں غم کی۔۔۔!!!
فریز فیلنگز میں انسان کچھ لکھنے کے قابل بھی نہیں ہوتا۔۔۔۔ الفاظ بھی ساتھ چھوڑ دیتے ہیں۔ جب انسان کچھ بھی محسوس نہ کر پا رہا ہو تو کچھ لکھنے کے لیے بھی الفاظ نہیں ملتے ۔۔۔ یوں محسوس ہوتا ہے جیسے سب کچھ ہینگ ہو گیا ہو۔۔۔۔
نہ رونا آتا ہے نہ ہنسی ۔۔۔!!!
انسان اپنی اُس کیفیت کو بھی بیان کرنے کے قابل نہیں ہوتا۔۔۔
شاعر ، مصنف تبھی کچھ لکھتے ہیں جب وہ اُس کیفیت سے گزر رہے ہوتے ہیں۔۔۔
وہ اپنے دُکھ سُکھ کو اپنے تخیل میں ڈھال کر صفحے پر بکھیر دیتے ہیں۔۔۔
پھر ہر کوئی اپنی کیفیت کے مطابق وہاں سے الفاظ اٹھا لیتا ہے۔۔۔اور اُسے یہی محسوس ہوتا ہے کہ یہ اُسی کہ حالت کو بیان کیا گیا ہے۔۔۔
کیونکہ درد تو درد ہی ہوتا ہے۔۔۔
بس درد کی شدت میں فرق ہوتا ہے۔۔۔!!!
از قلم: حراء بسراء
07/12/2022
ہم میں سے ہر ایک اپنے اندر اپنے دُکھوں کا غموں کا پہاڑ اٹھائے ہوئے ہے۔۔۔۔
اُن کا اتنا بوجھ ہے کہ انسان لڑکھڑانے لگا ہے۔۔۔۔
ہر دفعہ خود کو نئی ہمت دینے کی باوجود پھر کچھ ایسا ہو جاتا ہے کہ انسان منہ کہ بل گِرتا ہے ۔۔۔۔
اور چوٹ پہلی چوٹ سے زیادہ شدت رکھتی ہے۔۔۔۔
از قلم:حراء بسراء
05/12/2022
جو انسان کا ہو اور اسے نہ ملے اس کے لیے تو بندہ روئے بھی۔۔۔۔۔
جو کبھی آپ ک تھا ہی نہیں اس کے لیے کیا رونا...!!!
حراء بسراء
15/11/2022
کیا محبت صرف افسانوں ،ناولوں اور کہانیوں تک محدود ہے ؟؟؟
نہیں۔۔۔
ایسا نہیں ہے حقیقی دنیا میں بھی محبت ویسی ہی ہوتی ہے۔۔۔ ہاں اگر وہ واقعی محبت ہو تو۔۔۔۔۔
وقتی جذبات کو محبت کا نام مت دیں۔۔۔۔
حقیقت میں بھی ہم جب کسی کو یاد کرتے ہیں تو اُس کے دل پر دستک ضرور ہوتی ہے ۔۔۔
اُس دستک کی کھٹکھٹاہٹ اتنی سٹرونگ ہوتی ہے جتنے ہمارے جذبات سٹرونگ ہوتے ہیں۔۔۔
یہ ہو سکتا ہے کہ دوسرا دستک پہ دروازہ نہ کھولے ۔۔۔۔ لیکن یہ نہیں ہو سکتا کہ اُسے آپکی دستک سنائی نہ دے۔۔۔۔۔
وہ دستک کو سن کہ نظر انداز کر دے وہ الگ بات ہے ۔۔۔۔۔
لیکن!
آپ کی سٹرونگ فیلنگز آپ کا مسیج اّسے پہنچا دیتی ہیں ۔۔۔۔
دنیا میں محبت نہ رہے تو دنیا کا وجود بھی قائم نہیں رہ سکے گا۔۔۔۔
محبت کے بغیر کچھ بھی مکمل نہیں ہوتا۔۔۔۔
محبت ازل سے ابد تک ہے۔۔۔۔ محبت خدا کی ذات کا وصف ہے۔❤️
جس دل میں محبت نہ ہو وہ دل نہیں صرف بلڈ پمپ کرنے والی مشین ہوتی ہے۔۔۔۔
انسان کو محبت کی بنا پر ہی اشرف المخلوقات ہونے کا شرف حاصل ہوا ہے ۔۔۔۔ (الحمدللہ)
محبت جس کو اپنے لیے چن لیتی ہے اس کو پھر رنگ سنائی اور خوشبو دیکھائی دینے لگتی ہے ۔۔۔۔
ایسے لوگ پھر محبوب سے وصل میں ہی نہیں ہجر میں بھی ہمکلام رہتے ہیں۔۔۔ ان کی آنکھیں کھلی ہوں یابند ہوں محبوب کی صورت نگاہوں سے جاتی نہیں ہے۔۔۔۔
اللّٰہ پاک ہمیں محبت کرنے والوں میں شامل رکھیں ۔۔۔۔ دردِ دل عطاء فرمائے آمین
از قلم: حراء بسراء
24/10/2022
دوریاں آ گئ سالوں کی درمیاں میں
محبت تو آج بھی وہیں کھڑی ہے
حراء بسراء
24/10/2022
طویل عرصے بعد میسر ہوا مجھے
ہاں وہ پل جیسے لوگ خوشی کہتے ہیں
حراء بسراء
24/10/2022
مدتوں بعد یہ محبت کی بارش
لگتا ہے دل جاناں میں بہار آ گئ ہو
از قلم: حراء بسراء
11/09/2022
میری جانب اٹھنے والی آنکھوں کا رخ موڑ لیا
تم نے میرے عیب دکھائے اپنی پردہ داری سے
از قلم: حراء بسراء
11/09/2022
رات ہوتے ہی دل کے آنگن میں یادوں کا سویرا ہو جاتا ہے ۔۔۔
پھر ایسی روشنی نمودار ہوتی ہے کہ نہاں خانہ دل کے تمام دکھ درد عیاں ہونے لگتے ہیں ۔۔۔
زخموں سے خون رسنا شروع ہو جاتا ہے ۔۔۔ جوڑ جوڑ سے درد کی ٹیھسیں اٹھ اٹھ کر دماغ کو مفلوج کر دیتی ہیں ۔۔۔
پھر جنون کی کیفیت طاری پیدا ہو جاتی ہے ۔۔۔سب کچھ بہنے لگتا ہے ۔۔۔۔
جیسے ہی صبح کی پہلی کرن پڑتی ہے اندر رات کا سماں پیدا ہو جاتا ہے اور سسکیاں دن کے شور میں دب جاتی ہیں ۔۔۔
ہم بظاہر نارمل انسان کی طرح دن سارے معمولات پورے کرتے ہیں ۔۔۔ اور پھر رات ہوتے ہی سب کچھ وہی سے شروع ہو جاتا ہے.!!!
از قلم: حراء بسراء
11/09/2022
محبت میں گزارا ہوا وقت کبھی نہیں بھولتا ۔۔۔۔
چاہے وہ چائے کا کپ ہو۔۔۔
یاں
ساتھ چلتے ہوئے چند قدم ۔۔۔
حراء بسراء
11/09/2022
سب کچھ کر لو لیکن!
راہ محبت میں کسی کا ہاتھ نہ چھوڑو۔۔۔
یقین کرو وہ ہاتھ چھوڑنا نہیں ہوتا کسی کی رگیں کاٹنے کے برابر ہوتا ہے ۔۔۔۔
یہ ایسی اذیت ہوتی ہے جو ہر گزرتے لمحے کے ساتھ بڑھتی چلی جاتی ہے ۔۔۔۔
حراء بسراء
11/09/2022
پچھتاوا
دنیا کا لا علاج مرض ہے۔۔۔۔
جو لا حق ہو جائے تو جان نہیں چھوڑتا ۔۔۔۔
یہ تو مرنے کے بعد بھی انسان کے ساتھ جاتا ہے اس کے اعمالوں کی طرح ۔۔۔
اس سے نجات ممکن نہیں ہے ۔ ہر شخص اس مرض کا شکار ضرور ہوتا ہے ۔۔۔
بس فرق یہ ہے کسی کو جلدی اور کسی کو دیر سے ۔۔۔
پچھتاوا کسی بھی بات کا ہو سکتا ہے ۔۔۔
ماں کی نافرمانی کا۔۔۔
کسی بے قدرے کے لیے جوگ لینے کا ۔۔۔
بے وفا سے وفا کرنے کا ۔۔۔
محبت سے منہ موڑ لینے کا ۔۔۔
اپنا شاندار وقت برباد کرنے کا ۔۔۔
اپنوں کو کھو دینے کا۔۔۔
نااہل کیلئے درد دل پالنے کا ۔۔۔۔
اور بھی بےشمار باتیں پچھتاوے کا باعث بن سکتی ہیں۔ یہ ایسی بیماری ہے جو انسان کو اندر سے ایسے کھوکھلا کر دیتی ہے جیسے لکڑی کو گن اندر سے کھوکھلا کر دیتا ہے ۔۔۔
از قلم: حراء بسراء
29/08/2022
واجب المحبت ہوتے ہیں وہ لوگ جو دوسرے کی خوشی کیلئے اپنی خوشی کو پس پشت ڈال دیتے ہیں۔۔۔۔
حراء بسراء
25/08/2022
ہمارا حقیقی معیار وہی ہوتا ہے جو دوسرے ہماری عدم موجودگی میں ہمیں دے رہے ہوتے ہیں۔۔۔۔
جب انسان کو کسی سے کوئی تکلیف ملتی ہے تو اس کے نعم البدل میں اللّٰہ پاک ہمیں بہترین سے نواز دیتے ہیں ۔۔۔۔
انسان کو وہ کچھ عطاء کر دیا جاتا ہے جو اس کی پہنچ سے بہت دور ہوتا ہے ۔۔۔۔
اتنا بلند مقام ومرتبہ اور عزت اس میں انسان کا بھی کردار ہوتا ہے۔ اس کی بھی ریاضت شامل ہوتی ہے۔۔۔
لیکن!
در حقیقت یہ اللّٰہ پاک کا انعام ہوتا ہے۔۔۔
دیکھنے والے کو شاید یہ محسوس ہو کہ یہ بندہ تو اس قابل ہی نہیں ہے۔ لیکن انسان کو وہی منصب ملتا ہے جس کا وہ اہل ہوتا ہے ۔۔۔ یاں اللّٰہ پاک جب منصب عطاء کر دیتے ہیں تو انسان کو اس منصب کے قابل بھی بنا دیتے ہیں۔۔۔۔۔
اللّٰہ پاک کی عطاء میں کمی نہیں ہے۔۔۔۔ اس کی نعمتوں کا شمار ممکن ہی نہیں ہے۔۔۔۔۔
میں مان ہی نہیں سکتی کہ انسان کی کیی گئی محبت کہ بدلے میں اس کے کاسئہ محبت کو خالی رکھا جائے۔۔۔۔
انسان کو وہی کچھ ملتا ہے جو اس نے دوسروں کو دیا ہوتا ہے۔۔۔۔
چاہے وہ عزت ہو یاں محبت۔۔۔۔
اللّٰہ پاک نے جو مقام عزت مجھے عطاء کیا ہے میں تو ساری زندگی سر بسجود ہو کر بھی ایک نعمت کا شکر ادا نہیں کر سکتی۔۔۔۔
یہ صرف اللّٰہ پاک کی عطاء ہے۔۔۔ اس کا کرم ہے ۔۔۔ اس کی شان ہے۔۔۔
اس کی رحمت ہی ہے جو اس نے اس قابل سمجھا کہ وقت کے شیخ المکرم سے ہمیں جوڑ دیا۔۔۔۔
وہ شیخ المکرم جن کے راستے پر چل کر ہم
آقا دو جہاں آپ صلی اللہ علیہ وآلہ وسلم ❤️
کے در پہ جانے کی سعادت حاصل کر سکتے ہیں۔۔۔۔
الحمدللہ ثم الحمدللہ۔۔۔
آج کے دور میں اس سعادت کا حاصل ہو جانا اللّٰہ پاک کا خاص کرم خاص رحم ہے۔۔۔۔
اتنی عزت اتنا مقام اس نسبت سے عطاء کر دیا جس کا کوئی ثانی نہیں ہے۔۔۔۔
مالک دو جہاں رب العالمین اللّٰہ ہمارے دل کو اپنی محبت سے بھر دے۔۔۔۔
ہمارے حال پہ رحم فرما۔۔۔ بیشک تو رحیم ہے۔۔۔
اللّٰہ پاک ہمارا حامی وناصر ہو۔۔۔۔
از قلم:حراء بسراء
23/08/2022
زندگی میں خوشی لانے کے لیے اک شخص ہی کافی ہوتا ہے ۔۔۔۔۔
اس شخص سے بات کرنے کے لیے جتنا ہم تڑپتے ہیں ۔۔۔۔اس کی کیفیت کا اندازہ کوئی دوسرا شخص نہیں لگا سکتا۔۔۔۔۔
اک دفعہ آواز سن کے کچھ عرصے کے درد کا علاج مل جاتا ہے....
لیکن پھر وہی بیقراری ۔۔۔۔۔
لا حاصل کی چاہ ہی ایسی ہوتی ہے۔۔۔۔ درد عمر بھر کے لیے روح میں اتر جاتے ہیں۔۔۔۔
ہم میں سے ہر کسی نے کسی نہ کسی کو اپنے سینے میں دبایا ہے ۔۔۔۔۔ وہ ہماری محبت ہو ۔۔۔ یاں کوئی عزیز دوست۔۔۔ یاں عظیم استاد۔۔۔۔
ہر گزرتے لمحے کے ساتھ ۔۔۔۔
شدت میں اضافہ ہوتا چلا جاتا ہے۔۔۔۔
کچھ لوگ ہوتے ہیں ایسے جن کے لیے ہر روایت توڑنے کو جی چاہتا ہے۔۔۔۔۔
ہم بھی ملے تھے کبھی حجابوں سے نکل کر ❤️
ہاں وہی ہے کل جہان میرا ۔۔۔
وہی ہے کل اثاثہ میرا۔۔۔
از قلم:حراء بسراء
19/08/2022
میرا پنجاب ڈوب رہا ہے!!!!😭😭😭
سیلاب سے متاثرہ افراد کے لیے اپنے وسائل کو استعمال کرتے ہوئے ان کی مدد کریں ۔۔۔
ان کی تکلیف کا اندازہ ہم نہیں لگا سکتے نہ وہ نقصان پورا کر سکتے ہیں لیکن اپنی طرف سے جتنی توفیق ہے اس کو استعمال ضرور کر سکتے ہیں ۔۔۔
برا وقت بتا کہ نہیں آتا۔۔۔۔
😭😭😭😭😭
ہم اتنے بے حسی ہو گئے ہیں کہ لونگ مارچ کے لیے تو سب کچھ چھوڑ چھاڑ کہ جا سکتے ہیں مرتے ہووں کو بچانے نہیں ۔۔۔۔
یا اللّٰہ آپ رحیم ہیں رحم فرما دے ہمارے دلوں میں محبت ڈال دے۔۔۔ احساس ڈال دے ۔۔۔
آج ہمیں اس بھائی چارے کی ضرورت ہے جو
آپ صلی اللّٰہ علیہ وآلہ
وسلم نے ارشاد فرمایا۔۔۔
ہمیں اپنے ان بے گھر بہن بھائیوں کے لیے اپنے گھر اور دل کے دروازے کھولنے کی ضرورت ہے۔۔۔
میرے اللّٰہ ہمارے دل وسیع کر دے ۔۔۔۔
اب بھی ہم نے خود کو نہ بدلا اپنے دلوں کو وسیع نہ کیا تو وہ وقت دور نہیں جب ہمیں مدد کی ضرورت ہو گی اور کوئی موجود نہیں ہو گا۔۔۔۔
میرا پنجاب ڈوب رہا ہے ۔۔ 😥😥😥😥
کوئی میری تکلیف محسوس کرے نہ کرے اپنے ملک سے اپنے لوگوں سے محبت محسوس کرنے کی کوشش تو ضرور کریں۔۔۔۔
اللّٰہ پاک ہمارا حامی وناصر ہو۔۔۔
از قلم:حراء بسراء
10/08/2022
دیس میں پردیس!
یہ نظم اُن تمام لوگوں کے لیے ہے جو بظاہر تو اپنے دیس میں رہتے ہیں۔۔۔ لیکن وہ دیس میں بھی پردیس کاٹ رہے ہوتے ہیں۔۔۔۔
چاہے جاب کے سلسلے میں یاں کسی بھی اور وجہ سے آپ اپنی فیملی سے دور رہ رہے ہوں۔۔۔۔
اس صورت میں آپ دیس میں پردیس جھیل رہے ہوتے ہیں۔۔۔۔
دیس میں پردیس!
میں نے دیکھا ہے ہجر۔۔۔
میں نے کاٹا ہے ہجر۔۔۔
کیونکہ میں ہوں۔۔۔
دیس میں پردیس۔۔۔۔
درد کو سہا ہے میں نے۔۔۔۔
درد ہی ہمدرد رہا ہے میرا۔۔۔
اپنوں کے دیس میں رہتے ہوئے بھی۔۔۔
اتنی طویل دوری ہے۔۔۔
راتوں کو جاگی ہوں میں۔۔۔
دن بھی دردے بھرے گزارے ہیں۔۔۔
ہجوم ہے میرے اردگرد۔۔۔
پھر بھی اندر سے تنہا ہوں میں۔۔۔
جھیلا ہے ہجر کی شب کا عذاب۔۔۔
یوں ہی نہیں بدلی میں۔۔۔
رویوں کا زہر چکھا ہے۔۔۔۔
صحیح ہوتے ہوئے بھی چپ سادھ لی میں نے۔۔۔
کیونکہ!!!!
میں ہوں۔۔۔
دیس میں پردیس۔۔۔
میں ہوں۔۔۔
دیس میں پردیس!!!
از قلم: حراء بسراء
10/08/2022
ہاں مجھے محبت ہے ہر اس شخص سے جس کو محبت ہے
نبی رحمت صلی اللہ علیہ و آلہ وسلم سے ۔۔۔❤️
اور محبت ہے صحابہ کرام رضوان اللہ علیہم اجمعین سے۔۔۔
اور اس محبت میں خلوص اور شدت تبھی آتی ہے جب دوسرے کی محبت ہر قسم کی ریا کاری سے پاک ہو۔۔۔
منافق کی محبت محسوس ہوتی ہے کہ محبت نہیں صرف ڈھونگ رچایا جا رہا ہے۔۔۔
جن کو بغض ہو صحابہ کرام رضوان اللہ علیہم اجمعین سے اور وہ دعویٰ کرتے ہوں محبتِ محمدُ رسول اللّٰہ صلی اللّٰہ علیہ وآلہ وسلم کا تو اس محبت میں دلی خلوص کبھی نہیں ہو سکتا نہ ایمان کامل ہو سکتا ہے۔۔۔ وہ محبت محض زبانی کلامی ہوتی ہے۔۔۔۔
محبت کامل وہی ہوتی ہے جس میں اتباع ہو۔۔۔
ایک طرف محبت کا دعویٰ ہو دوسری طرف اعتراضات ہوں تو کیا یہ محبت ہے؟؟؟؟
اگر یہ محبت ہے تو اس کا درجہ کیا ہو گا؟؟؟
محبت میں محبوب کی صرف اطاعت کی جاتی ہے۔۔۔ ہر ہر حکم پہ سر تسلیم خم کر دیا جاتا ہے۔۔۔۔
پھر کوئی سوال کرنے کی ضرورت نہیں رہتی۔۔۔۔
اللّٰہ پاک ہمارے دلوں میں محبتِ محمدُ رسول اللّٰہ صلی اللّٰہ علیہ وآلہ وسلم ڈال دیں۔۔۔ وہ محبت جس میں صرف اتباع ہو۔۔۔
اللّٰہ پاک ہمیں درد دل عطا کریں۔۔ ہمیں حق پہ قائم رہنے اور اس کو دوسروں تک پہنچانے کا سبب بنائیں۔۔۔۔ آمین ثم آمین
از قلم:حراء بسراء
Be the first to know and let us send you an email when Hira’s write posts news and promotions. Your email address will not be used for any other purpose, and you can unsubscribe at any time.
