28/11/2021
إيلا سولك شي واحد على قوليه هوما 5 :
الشهادتان ، الصلاة ، الزكاة , الصوم ؛ الحج لمن استطاع إليه سبيلا🖐
ويلا سولك على قوليه هوما 6 :
الإيمان ب [الله 1] و [ملائكته 2] و [كتبه 3] و [رسله 4] و [اليوم الأخر 5] و [ القدر خيره وشره 6 ] 🤲
يقدر يقوليك شنو هو #الإحسان ؟ .. قوليه الإحسان أخويا
هو تعبد الله كأنك تراه وإن لم تكن تراه فهو يراك [ يعني ديما مستحضر الرقابة ديال الله عز وجل باش منغلطش ] و قوليه ماشي غير أجي وكون محسن حيت الإحسان من أعلى درجات الإيمان ☝️
كاين لي غادي سولك على .. يعني الحوايج لي خصك تعود عليهم الوضو إيلا صدرو منك قوليه اخويا نواقض الوضوء المتفق عليها هوما 8 :
1- الخارج من السبيلين يعني أي حاجة خرجات منك سواء كان غائط أو سائل أو ريح ( راك فاهم )
2- إيلا خرج مني الدم بزاف ( رعفت مثلا ) او تقييت او خرج من صديد
3- النعاس الطويل ولا الإغماء خصني نعاود الوضو فاش ضربني الفيقة
4-مس الذكر أو الدبر باليد ديالك نيشان يعني لحم على لحم بدون حائل يعني ماشي فوق سروال أو ملابس داخلية..
5- لمس الزوجة لشهوة والعكس
6- أكل لحم الإبل
7 - تغسيل الميت ( يعني لكنتي مع الغسالة وساليتي تنوض توضى )
8 - الردة عن الإسلام ( فيها خلاف )
كاين لي غيسولك ويقوليك خويا واش كتعرف شنو كيعني #الرياء ؟ قوليه الرياء فالدين ديالنا هو كدير شي عمل معين باش الناس يقولو فلان دار مثلا بغيتي تصوم الاثنين والخميس تتقولها لدرب كامل وكولشي كيسيق ليها الخبار باش الناس يقولوا واو فلان صايم يعني كدير شي عمل ماشي لوجه الله وهذا كيعتابروه العلماء شرك أصغر ولكن مكيخرجنيش من الإسلام خاصني نتوب منو 🙏
يقدر يسولك شي حد على الصلوات الخمس شحال فيهم من ركعة وشناهوما الصلوات السرية والجهرية ..
قوليه مجموع الركعات فالصلوات الخمس كاملة هو 17 ركعة .. يعني الفجر فيه 2 ركعات والظهر 4 والعصر 4 والمغرب 3 والعشاء 4
الصلوات الجهرية يعني لي كنقرا فيهم بصوت مسموع : الفجر والمغرب والعشاء والصلوات السرية لي كنقرا فيهم ف خاطري : الظهر والعصر..
واحد أخر غيسولك خويا شنو الفرق بين قوليه ساهلة أخويا الغيبة هي نكون كندوي فيك وانت مكاينش بشي حاجة كتكره تسمعها فيك ..
والنميمة أخويا هي نهز الهضرا لي قلتي لي على شي واحد ونقولها ليه باش نوض بيناتكم صداع ونقدر بعض المرات نطيح عليك باطل بهضرا مكيناش ونلاقي بيناتكم سلوكة ..
غايجي شخص أخر يسولك شناهوما ؟
قوليه هوما : الشرك - السحر - قتل النفس التي حرم الله الا بالحق - أكل الربا - أكل مال اليتيم - التولي يوم الزحف - قدف المحصنات المؤمنات الغافلات .
غيقوليك كولشي فهمتو ولكن شنو كتقصد به؟
قوليه كان فزمن الحروب ويقدر يرجع العلم لله .. كنقصدو بيه هو الهروب من ميدان المعركة يعني الناس مقاتلين فسبيل الله ومواجهين مع العدو وانت مخبي وهربان .
وشناهي ؟؟
قوليه هو تقول على شي بنت الناس نتي فاعلة وتاركة وطيح عليها باطل بالفساد والعهر وهي طاهرة عفيفة بدون أدلة وحجج أو تقدفها بطريقة غير مباشرة عن طريق السب وهو لي كنعيشوه بزاف فالمغرب فاش كتسمع يا ولد **** يا ولد *** كيعاقب عليها الدين ديالنا .
