Travel With Vishu

14/06/2024

ලෝකය දකින්නනම් හිරවෙලා ඉන්න කූඩුවෙන් මිදෙන්නම වෙනවා..

මගේ රට ගැන ආඩම්බරයි විය හැකි තැන් ගොඩක් තියෙනවා මිත්‍රයා...❤

තනියම යන්න තමන්ගේ විදියට ලෝකේ දකින්න පුලුවන්...

11/05/2024

සර් තෝමස්‌ විලියස්‌ ගේ සිහින මාළිගාව - ඇඩිසම් බංගලාව

හපුතලේ නගරයෙන් ඔබ්බට වැලිමඩ පාරෙහි කිලෝ මීටර් දෙකක්‌ පමණ ගමන් කළ විට හමුවන "ග්ලැනර් වතුයාය" අතරින් වම් අතට දිවෙන පටු මාවතෙහි කිලෝ මීටරයක පමණ දුර ගෙවා ගිය තැන, තංගමලේ වනරක්ෂිතය තුළ සිත්කලු මනස්‌කාන්ත පරිසරයක පිහිටි පෞරාණික "ඇඩිසම් බංගලාව" හමුවෙනවා.

🎯 මම ගියේ කොළඹින් 7.30pm නයිට්මේල් එකේ...
🎯 හපුතලෙන් බහිද්දී 7.00am විතර උනා...
🎯 ඇඩිසම් බංගලාව නරබන්න අරින්නේ 09.00am ඒනිසා කාලා එහෙම නිවී පාඩුවේ 1km විතර හැටන් පැත්තට කෝච්චි පාර දිගේ ඇවිත් වම් පැත්තෙන් උඩට තේවත්තක් හම්බ වෙනවා ඒකෙන් බන්ගලෝ එකට යන පාරට එන්න පුලුවන්.
🎯 ඕනනම් 16km වගේ ටවුන් එකේ ඉදලා තියෙන " ලිප්ටන් සීට් " ගිහිල්ලා එන්නත් පුලුවන්.
🎯 මන් මේ කියන්නේ එක දවසකින් කෝච්චියේ ගිහින් එන්න පුලුවන් විදිය.
🎯 හවස බදුල්ලෙන් 10.15am පිටත් වන කෝච්චිය හපුතලේට එනකොට 12.15pm වෙනවා ඒකේ නැගලා කොළඹට රෑ 8.00ට විතර ලගාවෙන්න පුලුවන්. ඒක මිස් උනොත් හපුතලෙට රෑ 7.30ට එන නයිට් මේල් එකේ තමයි කොළඹට එන්න වෙන්නේ.
🎯 තුන්වන පන්තියේ යනවනම් ටිකට් එක 400යි.

🎯 ඇඩිසම් බංගලාව ගැන...

තෝමස් ලෙස්ටර් විලියර්ස් නම් බ්‍රිතාන්‍ය ඡාතිකයා විසින් ගොඩ නැන්වු මෙහි ඇත්තේ අපූර්ව පුරාවෘත්තයකි. වැවිලි කරූවෙකු ලෙස මෙරටට පැමිණි එම මහතා පලමුව මෙම මිටියාවතේ දර්ශනයෙන් අමන්දානන්දයට පත්ව තම සිහින මන්දිරය 1926 දී වැඩ අරබා 1931 වසරේදී වැඩ නිමකළ බව සදහන්. ඒ සදහා ඔහුට පැන නැගුණු පලමු ගටලුව නම් මෙම බිමෙහි අයිතිය ලබා ගැනීමයි. එහිදී ඔහුට පිහිට වන්නේ ඔහුගේ පවුල් පසුබියි. එවකට එංගලන්තයේ අග්‍රාමාත්‍ය ධුරය දැරුවා වූ ඡෝන් රසල්ගේ විශේෂ අවසරය මත මෙම අක්කර 10ක බිමෙහි හිමිකාරත්වය පවරාගත් හෙතම. එහිදී අවශ්‍ය අමුද්‍රව්‍ය බොහෝමයක් එංගලන්තයේ සිට රැගෙන ආ අතර එවා කොළඹ සිට ප්‍රවාහනය කෙරැනේ දුම්රිය මගින් බව පැවසේ. දේවගැතිවරයෙකු වූ තම පියාගේ පල්ලියට සමානව මෙය නිම කීරීමට ඔහුට ඇවැසි වූ අතර එම ඉදිකරීම කරනු ලැබුවේ දේශීය නිර්මාණය කරැවෙකු බව ඇසුවහොත් ඔබ පුදුම වෙනවා නිසැකය.

M.L de silva නැමැති දේශීය කොන්ත්‍රාත්කරු විසින් නිර්මිත මෙම ගෙඩනැගිල්ල සදහා දේමෝදර ආරුක්කු පාලම නිර්මාණය කල අප්පුහාමි මහතාගේද ශ්‍රම දායකත්වය ලද බව සදහන්ය. නුවරඑලිය තැපැල් කාර්යාලයද ඉහත සදහන් කල සිල්වා මහතාගේ නිර්මාණයක් බව කියවේ. මෙය නිර්මාණයේදී පරිසර සාධක කෙරෙහිද විශේෂ අවධානයක් යොමු කර ඇති අතර එහි ප්‍රතිඑලයක් ලෙස වහලයේ හැඩය මෙන්ම මන්දිරයේ ඡලය ගලායාම තීරණය කර ඇත.

මහල් දෙකකින් සමන්විත මෙහි විශාල ඕක් ගස් හතරක් මගින් මෙහි ඇති බර දරාගනු ලබයි. බිම් මහල මෙන්ම උඩුමහලද ඹ්ක් දැවයෙන් නිර්මාණය කර ඇති අතර බිත්තීන් කලු ගලින් නිමවා සිවිලිම පැරිස් බදාමය යොදා ඇත. තම බිරිදගේ තෙලි තුඩින් නිම වූ චිත්‍රයන්ගෙන් අලංකාර කර ඇති මන්දිරයේ ඇති පුස්තකාලයද වටිනා පොත් වලින් අනූනය. තම පවුලේ කෙනෙකු වන සුප්‍රකට බට්ට්‍රම් රසල්ගේ මාහැඟී ග්‍රන්ථයන්ද මෙහිදී දැක ගත හැකිය. එමෙන්ම ඩේවිඩ් පේන්ට විසින් අදින ලද තෝමස් මහතාගේ ත්‍රිමාණ චිත්‍රය අදටත් හොඳ තත්ත්වයේ පවතී.
තම උපන් ගම්මාන සිහි වීම පිණිස ඇඩිසම් යන නම මෙම මන්දිරයට ලබා දුන් හෙතම මෙරටට නිදහස ලැබීමෙන් අනතුරුව සිය රටට ගොස් ඇති අතර පසුව විමලා විඡේවර්ධන මහ්තමීය මෙය මිලදී ගෙන ඇත. ඉන් අනතුරුව කතෝලික සභාවෙහි ශාන්ත බෙනඩික් නිකායෙහි පියතුමන්ලා විසින් මිලට ගෙන ඇති අතර අදවනවිට ඹවුන්ගේ තාපසාරාමයක් ලෙස භාවිතා කරනු ලබයි.

අද වන විට මෙහි නවාතැන් ගෙන අවට වට පිටාවේ සුන්දරත්වය නැරබීමට අවකාශය ලබාදී ඇති අතර ඒ වෙනුවෙන් සුවපහසු කාමර 08ක් පමන වෙන් කර ඇත. ආහාර පාන සමග එක් දිනක් සදහා එක් නෙනෙකු වෙනුවෙන් රු : 5000ක මුදලක් අය කරනු ලබනවා. එය කලින් වෙන්කරවාගත යුතුයි.

මෙහි එක් පසෙක ඔවුන් විසින් සාදන ලද ජෑම් බෝතල් සහ තව වෙළද භාන්ඩ කීපයක් මිළදී ගැනීමේ වෙළද සලක්ද පවතී.

Travel With Vishu..✍️

11/05/2024

ඇඩසම් බන්ගලොව්...

11/05/2024

ඈතින් පේන්නේ කැලයක් කියලද හිතන්නෙ? නෑ මේ එක තනි ගහක්😮☘️🌹🐙💧🐆

පුදුමයි නේද...

මේ ගහ තියෙන්නේ ඉන්දියාවේ.

අක්කර 3 1/2 ක් පුරා පැතිරුණු තනි නුග ගස හෙවත් Great Banyan tree ලෙස හදුන්වයි. ඉන්දියාවේ කොල්කටා වල තමයි මේ විශාල නුග ගහ තියෙන්නේ. අවුරුදු 250කට වඩා පරනයි කියලා තමයි කියන්නෙ

10/08/2023

ලෝකයේ හරිම අපූරු මිනිසුන් සිටිනවා. "ඔබ ලෝකයේ රටවල් කීයකට සංචාරය කර තිබේද?" ඒ ප්‍රශ්ණය ඩෙන්මාර්කයේ තෝර් පෙඩර්සන්ගෙන් ඇහුවොත් ලැබෙන පිළිතුර 203ක්. විශේෂත්වය වන්නේ මේ රටවල් 203 සංචාරය කරන්න ඔහු කිසිවිටෙක ගුවන් යානයක් භාවිතා නොකිරීමයි.

පසුගිය ජූලි 24 වෙනිදා ඔහු ඩෙන්මාර්කයේ නැගෙනහිර වෙරළින් ඔහුගේ ඓතිහාසික ලෝක සවාරිය නිමා කළා. මිලාන් මර්ස්ක් නෞකාවෙන් අර්හස් වරායට පැමිණි ඔහු තමන්ගේ නිවසට ගියේ වසර 10කට පසුයි.

2013 දී එනම් වයස 34 දී පෙඩර්සන්ට මේ අලුත් අදහස පහල වී ඇත්තේ ඔහුගේ පියා විසින් එවු ලිපියක් හේතුවන්. එතෙක් කිසිවෙකු ලෝකයේ සෑම රටකටම සංචාරය කර නොමැති බව පෙඩර්සන්ට එදින දැන ගැනීමට ලැබුණා. එසේම එකදු ගුවන් යානයක් හෝ භාවිතා නොකර එසේ ලෝකය පුරා සංචාරය කළ අයෙකු මින් පෙර වාර්තා වන්නේත් නැහැ.

ඉන් දින කිහිපයකට පසු පෙඩර්සන් 358000 km දුර දිර්ඝ සංචාරය සඳහා තම ගමන් මළු අසුරා ගත්තා. හරියටම 2013 ඔක්තෝම්බර් 10 දා ඔහු ඩෙන්මාර්කයෙන් පිටත් වුණා. තම සංචාරයට ඔහු "Once Upon a Saga" යන නාමය යොදා ගෙන තිබුණා. ගමනට පෙර ඔහු කිසිවිටෙක කඩ නොකරන බවට වූ ස්වයං නීති තුනකට දිවුරුම් දුන්නා.

සෑම රටකම අවම වශයෙන් පැය 24ක් ගත කරන බවත්, දිනකට දළ වශයෙන් ඩොලර් 20කින් ජීවත් වන බවත් රටවල් සියල්ලේම සංචාරය කිරීමෙන් තොරව ආපසු නිවසට නො පැමිණෙන බවත් එකී ස්වයං දිවුරුම් තුනයි.

බහාලුම් නැව් 37ක් ඇතුළුව දෙපයින්, කාර්,බස්, දුම්රිය හා බෝට්ටුවලින් ඔහු ගමන් කර තිබුණා. ඔහු මුලින්ම ගිය රට ජර්මනිය වන අතර අවසාන රට මාලදිවයිනයි. මාලදිවයිනට යෑමට පෙර ඔහු ශ්‍රී ලංකාවේ දින කිහිපයක් ගත කර තිබුණා. ඔහු සංචාරය කළ රටවල් 203 ට එක්සත් ජාතීන්ගේ සංවිධානය විසින් පිළිගත් ස්වෛ‍රී රාජ්‍ය 195කුත් තවත් මතභේදයට තුඩු දී ඇති ප්‍රදේශ 8කුත් ඇතුළත් වෙනවා.

ලෝක ගෝලය වටා ගමන් කිරීම සුන්දර අත්දැකීමක්ම නොවෙයි. ඒක අපුරු අදහසක් වුණත් ලෙහෙසි-පහසු අභියෝගයක් නොවෙයි. පෙඩර්සන් බටහිර,අප්‍රිකාවේදී ඉබෝලා රෝගයටත්, ඝානාවේදී දරුණු මැලේරියා රෝගයටත් ගොදුරු වුණා. කෝවිඩ් වසංගතයටත් ලොක් ඩවුන් නීති වලටත් කොටු වෙන්න ඔහුට සිදුවුණා. මැදපෙරදිග කලාපයේදී වීසා සඳහා බාධාවන් පැමිණුනා.අත්ලාන්තික් සාගරයේදී ඔහු ගමන් ගත් බහාලුම් නෞකාව දරුණු කුණාටුවකට හසු වුණා.

තම සංචාරයේදී හමු වූ ශ්‍රී ලංකාව පිළිබඳව පෙඩර්සන් ඉහළින්ම වර්ණනා කර තිබුණා. විශේෂයෙන් ලංකාවේ තේ ගැනත් ආගන්තුක සත්කාර ගැනත් ඔහු සඳහන් කර තිබුණා. කොළඹ බාබර් සාප්පුවකින් කොණ්ඩය කපා ගත් හැටිත් ඉන්පසුව ලැබුණු ගැඹුරු හිස සම්බාහනය පිළිබඳවත් ඔහු ස්මරණය කර තිබුණා. කොටින්ම ශ්‍රී ලංකාව යනු නරකක් කියන්න බැරි තරම් හොඳ රටක් යනුවෙන් පෙඩර්සන් සටහන් කර තිබුණා.

06/02/2023

29/04/2022

Travelling