23/09/2022
D&H ferðaráðgjöf er framsækið ráðgjafafyrirtæki sem sérhæfir sig í alhliða ferðaráðgjöf með því að ráðleggja ferðanefndum vinnustaða hvernig best er að standa að skipulagningu, bókunum og kaupum á hvers kyns viðburðum og ferðum, allt eftir þörfum og óskum viðskiptavinarins.
D&H ferðaráðgjöf býr yfir langri reynslu af skipulagningu á náms- og menntaferðum fyrir kennara og skólastjórnendur á öllum skólastigum, þ.e. leik-, grunn- og framhaldsskóla og að sjálfsögðu tónlistarskóla auk kórferða. Með þessa reynslu á bakinu teljum við okkur í stakk búin til að veita fyrsta flokks ráðgjöf og tryggja hópnum þar með ánægjulega og innihaldsríka námsferð.
