Signature Bus Tours (2024)

06/04/2022

နွေရာသီခရီးစဉ်အဖြစ် ကမ်းခြေသွားမယ်ဆိုရင် ပြင်ဆင်ထားရမယ့် အချက်များ
---------------------------------------
ကမ်းခြေဆိုတာကတော့ နွေ၊မိုး၊ဆောင်း ဘယ်အချိန်သွားသွား ပျော်ဖို့ ကောင်းတဲ့ နေရာပါပဲ။ ဒါပေမယ့် ကျွန်တော်တို့ဆီမှာတော့ နွေမှာဆို ပိုပြီး ကမ်းခြေသွားသလားထင်ရအောင် ဒီအချိန်ဆို ကမ်းခြေခရီးစဉ်တွေ စီစဉ်နေကြပြီ ဖြစ်ပါတယ်။ သင်္ကြန်လည်း လာတော့မှာမို့ တချို့ဆို သင်္ကြန်တွင်း ကမ်းခြေသွားဖို့တောင် စီစဉ်ပြီးလောက်ကြပါပြီ။ ဒါကြောင့် ကမ်းခြေသွားမယ်ဆိုရင် ဘာတွေ ကြိုပြင်ထားရမလဲ ပြောပြချင်ပါတယ်။

၁။ သဲမဝင်နိုင်တဲ့ အိတ်မျိုးကို ရွေးချယ်သုံးပါ၊ ကမ်းခြေမှာ သဲနဲ့ ဆော့ရတာ ပျော်စရာကောင်းပေမယ့် အိမ်ရောက်လို့ ပစ္စည်းတွေ ထုတ်ရင် သဲတွေ ထွက်ကျလာတာလောက် စိတ်ညစ်ဖို့ ကောင်းတာ မရှိပါဘူး။ နောက်တစ်ချက်က ရေထဲဆင်းမယ့် ဘောင်းဘီဆိုရင်လည်း အိတ်ကပ်မပါတဲ့ ဘောင်းဘီမျိုးကို ရွေးချယ်ဝတ်ဆင်သင့်ပါတယ်။ မဟုတ်ရင် အိမ်ရောက်မှ သဲတွေ ပြန်ထုတ်ရတာလည်း တစ်လုပ်ပါပဲ။

၂။ သော့တွေမှာ ရေပေါ်ပေါ်စေတဲ့အရာ ဒါမှမဟုတ်ဖော့ဆို့စတာမျိုး တပ်ထားပါ။ မတော်တဆ အခန်းသော့ ၊ အိမ်သော့ ရေကူးရင်းပါလာလို့ ရေထဲကျရင် ရှာရလွယ်စေအောင်ပါ။

၃။ ဆေးအလုံအလောက်ထည့်ပါ၊ ကမ်းခြေသွားတယ်ဆိုတာ ကဲဖို့ သွားတာပါ။ ပင်လယ်စာတွေ စားမယ်၊ ရေကူးမယ်၊ စက်ဘီးစီးမယ်၊ ဘောလုံးကန်မယ်၊ ဒါတွေအားလုံးဟာ ထိခိုက်ရှနာ ဖြစ်ဖို့ လမ်းများသလို ပင်လယ်စာတွေကြောင့်လည်း အခန့်မသင့်ရင် ဗိုက်အောင့်ဗိုက်နာ ဖြစ်တတ်တဲ့အတွက် ဆေးတွေ ပြည့်ပြည့်စုံစုံယူသွားတာ အကောင်းဆုံးပါပဲ။

၄။ ခြေညှပ်ဖိနပ်တွေ ထည့်သွားပါ၊ ခရီးသွားတုန်း ရှိုးနဲ့မိုးနဲ့ ရှုးဖိနပ်စီးပြီး သွားမယ်ဆိုလည်း ခြေညှပ်ဖိနပ်တစ်စုံအပိုထည့်သွားရင် ကမ်းခြေမှာ ကောင်းကောင်းဖလန်းနိုင်မှာပါ။

၅။ ခေါင်းလျှော်ရည်အပြင် Conditioner ပါ ဆောင်သွားပါ။ နေဒဏ်နဲ့ ဆားရေတွေဟာ ဆံပင်ကို ပျက်စီးစေတဲ့အတွက် ဟိုတယ်ကပေးတဲ့ Conditioner ထက် ကိုယ်ကြိုက်တဲ့ တံဆိပ်ကို ယူသွားတာ ပိုကောင်းပါတယ်။

၆။ စာဖတ်ရတာ ကြိုက်ရင် စာအုပ်ယူသွားလို့ ရပါတယ်။ တချို့ခရီးသွားတွေဟာ ကမ်းခြေမှာ ကဲဖို့ သောင်းကျန်းဖို့ထက် ကမ်းခြေရှုခင်းကို ကြည့်ပြီး အနားယူချင်လို့ လာတာလည်း ဖြစ်နိုင်ပါတယ်။ ဒါကြောင့် အေးဆေးစာအုပ်ဖတ်ချင်ရင် ယူသွားပြီး ဖတ်သာ ဖတ်ပါ။

၇။ ညနေရေထွက်ကူးတာတွေ ပြီးရင်လည်း ညဘက်ဆက်ကဲဖို့ ပုလင်း၊ ဖဲထုပ်စတာတွေ သောက်တတ်ရင် သောက်တတ်သလို ပျော်တတ်ရင် ပျော်တတ်သလို ယူသွားရပါမယ်။

၈။ အရင်က ကမ်းခြေသွားရင် ဖုန်းရေစိုခံအိတ်မဝယ်ပေမယ့် ခုနောက်ပိုင်းမှာတော့ ဖုန်းရေစိုခံအိတ်လေးတွေပါ သယ်သွားဖို့သင့်ပါပြီ။ ဆားငန်ရေဟာ ရေထဲကျမှမဟုတ်ဘဲ ဒီတိုင်းလေး စိုသွားရင်တောင် ဖုန်းပျက်စီးဖို့ လွယ်ကူစေတဲ့အတွက် ဖြစ်ပါတယ်။

သင်္ကြန်တွင်း ခရီးသွားမယ့်သူများ ဘာတွေပြင်ဆင်ထားပြီလဲနော်..

04/04/2022

သင်္ကြန်ပိတ်ရက်တွေ အနားနီးလာပြီဆိုတော့ သူငယ်ချင်းတွေစုပြီးတော့ဖြစ်ဖြစ်၊ မိသားစုလိုက်ဖြစ်ဖြစ်၊ ချစ်ရသူနဲ့ပဲဖြစ်ဖြစ် အပန်းဖြေခရီးလေးထွက်ဖို့ စဉ်းစားထားတဲ့သူတွေရှိလား?🚎🚎

ခရီးကလည်းသွားချင်တယ် အနားကလဲနီးနေပြီဆိုတော့ လောလော လောလောဖြစ်နေမှာ အသေအချာပဲ။ ဘာ plan မှ သေချာမဆွဲရသေးဘူးရင် အခုပြောပြမယ့် အလွယ်နည်းလေးတွေကို အမြန်လေးမှတ်ထားလိုက်နော်..

(1) Decide where you want to go

ဘယ်နေရာကိုသွားမလဲဆုံးဖြတ်ပါ ။ သွားချင်တဲ့နေရာနဲ့ကုန်ကျစားရိတ်အဆင်ပြေတယ်ဆိုရင် သွားဖို့အတွက် plan စချပါ ။ ဥပမာ – ကိုယ်သွားချင်တဲ့ခရီးက ၂သိန်း ကုန်မယ်ဆိုပါစို့ ။ အဲ့ဒီကနေခရီးစဉ်နောက်တစ်ခုကိုဆက်သွားလို့လည်းလွယ်တယ် ပြီးတော့ဈေးလည်းသက်သာမယ် total price ၂သိန်းခွဲလောက် ကုန်မယ်ဆို ဘယ်ခရီးကိုရွေးကြမလဲ ။
ခရီးတစ်ခုတည်းအတွက် ၂သိန်း အကုန်ခံမလား ? ခရီးနှစ်ခုအတွက်၂သိန်းခွဲ အကုန်ခံမလားဆိုတာကို ထည့်တွက်ပါ ။

(2) Decide the length of your trip

ခရီးစဉ်အကွာအဝေး ၊ ကြာမယ့်အချိန် (သို့) ကိုယ်နေရမယ့်အချိန်တွေကိုတွက်ချက်ပါ ။ ကိုယ်ကခရီးစထွက်ကတည်းက (5) ရက်နေမယ်လို့တွက်ထားတယ်ဆိုရင် ခရီးရဲ့အသွားအပြန်က (2) ရက်ကုန်တယ်ဆိုပါစို့ ။ ဒါဆိုကျန်တဲ့ ခရီးမှာလည်ရမယ့် (3)ရက်ကိုအကျိုးရှိရှိအသုံးချနိုင်ဖို့ရာပြင်ဆင်ထားပါ ။
ခရီးကိုရောက်ရောက်ချင်းဘာတွေလုပ်မယ် ၊ ဘယ်တွေကိုသွားမယ် ၊ ဘာတွေစားမယ်ဆိုတာကိုကြိုတွက်ထားပါ ။ (3) ရက်အတွင်းမှာကိုယ်သွားချင်တဲ့နေရာတွေရယ် ၊ သွားရမယ့်အကွာအဝေးတွေအချိန်တွေရယ်ကို internet ကနေရှာဖွေပြီးတွက်ထားပါ ။ plan မချထားတဲ့အတွက် အချိန်မလောက်လို့မသွားခဲ့ရတာတို့ ၊ တစ်နေရာတည်းမှာအချိန်ဖြုန်းမိလို့နောက်တစ်နေရာမသွားခဲ့ရတာတွေ မဖြစ်ပါစေနဲ့ ။

(3) Research your costs

ကုန်ကျစာရိတ်ကိုလည်းတွက်ထားပါ ။ လေယာဉ်လက်မှတ်ခ ၊ ကားခ ဘယ်လောက်ကုန်မယ် ၊ တည်းခိုခကဘယ်လောက်ကုန်မယ် ၊ အစားအသောက်အတွက်ဘယ်လောက်ကုန်မယ် ၊ ပစ္စည်းတွေဝယ်ရင်ဘယ်လောက်ကုန်မယ်ဆိုတာကြိုတွက်ပါ ။ အပိုငွေဘယ်လောက်ယူသွားမယ်ကအစတွက်ထားပါ ။

(4) Start saving money

အပိုလည်းမကုန်ချင်ဘူး moneyကိုချွေတာပြီးသွားမယ်လို့ဆုံးဖြတ်ထားရင်တော့ ခရီးစသွားကတည်းကစဉ်းစားပါ ။ ကားနဲ့သွားလို့ရတဲ့ခရီးတွေကိုကားနဲ့သွားပါ ။ လေယာဉ်နဲ့အကုန်ခံပြီးမသွားပါနဲ့ ။ Hotel တည်းမယ်ဆိုလည်း luxury room လား deluxe room လား ။ Motel နဲ့ Guest House ဘဲတည်းမှာလား (လမ်းဘေးဘဲအိပ်မှာလား) ဘယ်နှရက်တည်းမှာလဲကြိုတွက်ပါ ။ မလိုအပ်တဲ့အစားအသောက် ၊ ရေသန့်ဘူးတွေ နဲ့ အဝတ်အစားတွေအတွက် အပိုအကုန်မခံဘူးလို့ဆုံးဖြတိထားပါ ။ ခရီးကိုရောက်မှစိတ်မထိန်းနိုင်ဘဲ ပစ္စည်းတွေလျှောက်ဝယ်နေမယ် တွေ့ရာဝယ်စားနေမယ်ဆိုရင်တော့ အိမ်ပြန်လမ်းစားရိတ်တောင်ကျန်မှာမဟုတ်ဘူး

(5) Switch to ATM card

ကိုယ်သွားမယ့်ခရီးအတွက် ငွေသားဘဲယူသွားမှာလား ATM card ဘဲယူသွားမလားစဉ်းစားပါ ။ ATM card ယူသွားပြီးမှ ထုတ်ဖို့စက်မရှိတာ ၊ ဘဏ်မရှိတာ ၊ မီးမရတာမျိုးတွေဖြစ်လာရင် အကြီးကျယ်ဒုက္ခရောက်မှာပါ ။ ATM card ယူသွားတယ်ဆိုလည်း ဘဏ်ကိုခရီးသွားနေတဲ့အကြောင်းကို အကြောင်းကြားထားပါ ။ ခရီးထွက်နေတုန်း အကြောင်းတစ်ခုခုကြောင့် ကဒ်အပိတ်ခံလိုက်ရတာမျိုးတွေမဖြစ်ရအောင်ပါ ။

(6) Book your flight

လက်မှတ်ကြိုတင်ဖြတ်ထားပါ ။ Flight နဲ့သွားမယ်ဆိုလည်းကြိုတင် booking လုပ်ပါ ။ ခရီးဝေးသွားတယ်ဆိုရင်လည်း အသွားအပြန်လက်မှတ်ကြိုဖြတ်ထားပါ ။ သွားခါနီးမှလက်မှတ်မရတာတွေ ၊ ပြန်ခါနီးမှ လက်မှတ်ေတွေကြပ်လို့မပြန်ရတာမျိုးတွေမဖြစ်ပါစေနဲ့ ။

(7) Pack the necessary

ထုပ်ပိုးပါ ။ ကိုယ်ဘာတွေယူသွားမလဲဆိုတာစာရင်းလုပ်ထားပါ ။ မေ့ကျန်ခဲ့တာမျိုးမဖြစ်ပါစေနဲ့ ။ မလိုအပ်တာတွေမယူသွားပါနဲ့ ။ စိတ်အနှောင့်အယှက်ဖြစ်စေပြီးသယ်ရလေးပါတယ် ။ ခရီးက (5) ရက်သွားမယ်ဆိုပါတော့ ။ တစ်နေ့အဝတ်နှစ်စုံနဲ့ (5) ရက်စာ (10)စုံ ၊ အပို (2)စုံလောက်ဆိုလုံလောက်ပါပြီ ။ ပစ္စည်းတွေကိုကျုံ့နိုင်သမျှကျုံ့အောင်ထုတ်ပိုးပါ ။ အရည်ပါတဲ့ ပစ္စည်းတွေ၊ အဆီပါတဲ့ ပစ္စည်းတွေ (ဥပမာ – hair-coat) လိုအရာမျိုးတွေကို သီးသန့်ထုတ်ပိုးပြီးထည့်ပါ ။ ဝတ်ပြီးသားအဝတ်တွေမဝတ်ရသေးတာတွေမရောစေဖို့ ကြွတ်ကြွတ်အိတ်အဆောင်ထည့်သွားပါ ။ လိုအပ်တဲ့ phone ၊ power bank ၊ ear phone စတာတွေမမေ့ပါစေနဲ့ ။ သွားမယ့်ခရီးအပေါ်တွက်ချက်ပြီး slipper ဖိနပ်လေးတွေ ၊ Shoe တွေထည့်သွားပါ ။ မလိုအပ်တဲ့ ဒေါက်မြင့်ဖိနပ် (High Heel) တွေအလေးခံသယ်မသွားပါနဲ့ ။ မျက်မှန် (Sun Glass) ယူသွားပါ ။ နေရောင်ကာကွယ်ပေးပြီး ဝန်လည်းမပိပါဘူး ။ Sun Cream လည်းသွားလေရာဆောင်သွားပါ ။ ခရီးကပြန်လာမှ မီးသွေးခဲဖြစ်သွားပြီဆိုပြီးထိုင်ငိုမနေပါနဲ့ ။

(8) Information

ခရီးသွားမယ့်အကြောင်းကို မိသားစု၊ သူငယ်ချင်း နဲ့ အလုပ်မှာ အကြောင်းကြားထားပါ ။ Social Media လို public figure မျိုးမှာလည်း အသိပေးထားပါ ။ နောက်မှတစ်ခုခုဖြစ်လို့ မိသားစုတွေမသိလိုက်ရတာမျိုး ၊ စိတ်ပူနေရတာမျိုးတွေ ဖြစ်အောင်မလုပ်မိပါစေနဲ့ ။

(9) Taking memory

ခရီးသွားရင်မှတ်တမ်းယူဖြစ်အောင်ယူပါ ။ ခရီးတစ်လျျှောက်လုံးမှာလေ့လာစရာတွေကိုလေ့လာရင်း ဓာတ်ပုံမှတ်တမ်းကိုလည်းအချိန်ပေးပြီးသေချာရိုက်ခဲ့ပါ ။ ဒါတွေက နောင်တစ်ချိန်ပြန်ကြည့်ရင် အမှတ်တရတွေဖြစ်စေမှာပါ ။
ခရီးကပြန်ရောက်လို့ Facebook ၊ Instagram မှာပုံတင်မှ ပုံမရိုက်ခဲ့ရတာ ၊ ပုံတွေကအဆင်မပြေတာတွေဖြစ်မှ နောင်တရမနေပါနဲ့ ။

(10) Enjoy your trip

အရေးအကြီးဆုံးကတော့ ဒါတွေအားလုံးကြိုတင်ပြင်ဆင် plan ချထားနိုင်မှ ခရီးစဉ်အဆင်ပြေပြီး ပျော်ရွှင်ရမှာပါ ။ ဘာကြောင့်မှစိတ်အနှောက်အယှက်ဖြစ်တာမျိုးမဖြစ်ရအောင် အလုပ်ကိစ္စစိတ်ညစ်စရာတွေ ၊ မိသားစုကိစ္စတွေ နဲ့ ချစ်သူရည်းစားကိစ္စတွေအားလုံးကို ခေါင်းထဲကနေထုတ်ထားပြီး ခရီးစဉ်တစ်လျှောက်လုံးမှာ ပျော်စရာအကောင်းဆုံးဖြစ်ရအောင် Relax ဖြစ်အောင်နေပါ ။

01/04/2022

🚎 ဘာနဲ့မှ မတူတဲ့ လွတ်လပ်မှုမျိုးကိုရချင်ရင် တစ်ဦးထဲ ခရီးထွက်ပါ။ 🚎
-----------------------------
သူငယ်ချင်းတွေနဲ့ ခရီးသွားဖို့ စီစဉ်လိုက်တိုင်း ခရီးသွားရတာထက် ပိုပင်ပန်းတဲ့ ဖိအားတွေကို အမြဲကြုံတွေ့ရတယ် ဟုတ်❓ 😣

တစ်ယောက်က ကမ်းခြေ၊ တစ်ယောက်က Camping၊ တစ်ယောက်က နေပူရင် မသွားချင်၊ တစ်ယောက်က အရမ်းအေးရင် မသွားချင်၊ တစ်ယောက်က သွားခါနီးမှ အစီအစဉ် ထဖျက်တာမျိုးနဲ့ အမျိုးမျိုးအဖုံဖုံ Reason တွေနဲ့မို့ 🤦‍♀️

အမှန်တကယ် လွတ်လပ်မှုကို ခံစားချင်ရင်၊ အမှန်တကယ် ခရီးထွက်ပြီး အနားယူချင်ရင် တစ်ယောက်တည်း အရင်သွားကြည့်ပါ။ 🚶‍♀

တစ်ယောက်တည်း ခရီးသွားခြင်းရဲ့ အားသာချက်တွေက -

✅ အဆုံးအစမဲ့တဲ့ လွတ်လပ်မှုကို ခံစားရမယ်။
✅ နေရာဒေသအသစ်မှာ သူငယ်ချင်းအသစ်တွေရမယ်
✅ အငြင်းပွားစရာ လူမရှိလို့ စိတ်ချမ်းသာမယ်
✅ လေ့လာနိုင်စွမ်းအား တိုးတက်လာမယ်။
✅ ကိုယ့်ကိုကိုယ် ယုံကြည်မှုပိုရှိလာစေမယ်။

ပထမဦးဆုံး တစ်ယောက်တည်း ခရီးသွားမယ့်သူတွေကတော့ အတွေ့အကြုံမရှိသေးတဲ့အတွက် စိုးရိမ်စရာတွေရှိကောင်းရှိနိုင်တယ်။ ဒါပေမယ့် ဒီအချက်လေးတွေ သိရင်တော့ အရမ်းကို အဆင်ပြေသွားပါလိမ့်မယ်နော်.👇👇

▶ 1. ကိုယ့်ခွန်အားကို ချင့်ချိန်ပါ

သင်ဟာ ပေါင်းသင်းဆက်ဆံရေးကောင်းတဲ့သူတစ်ယောက် ဖြစ်ချင်ဖြစ်ပါလိမ့်မယ်။ ဒါပေမယ့် ဆက်သွယ်လို့မလွယ်ကူတဲ့နေရာရောက်သွားရင် ကိုယ်ဟာ ဘယ်လိုနေထိုင်နိုင်မလဲ ကြိုတွေးထားပါ။ ရောက်ရှိရာဒေသရဲ့ ပတ်ဝန်းကျင်က လူတွေဆီကနေ စုံစမ်းမေးမြန်းဖို့ကို တုံ့ဆိုင်းမနေပါနဲ့။

▶ 2. အိပ်ဖို့နေရာ စီစဉ်ပါ

အိမ်တွေဆီက အခန်းငှားတာမျိုး အသိမိတ်ဆွေတစ်ယောက်ယောက်ရဲ့ အိမ်တွေမှာ ခဏငှားနေတာမျိုးတွေက ဒေသခံလူတွေနဲ့ ပိုမိုဆက်သွယ်န်ိုင်အောင် ကူညီပေးမှာပါ။ တစ်ယောက်တည်း ခရီးသွားလာသူတစ်ယောက်အနေနဲ့ ရွေးချယ်စရာတော့ များပါတယ်။ ဒီအချက်ကို ကြိုတင်စဉ်းစားထားသင့်တဲ့ အချက်တွေထဲထည့်ထားပါ။

▶ 3. မကြောက်ပါနဲ့

အချိန်အကြာကြီး တစ်ယောက်တည်း သွားလာလှုပ်ရှားရမှာ ကြောက်တဲ့စိတ်ကို ခေါင်းထဲက နှင်ထုတ်ထားလိုက်ပါ။ လမ်းခရီးတစ်လျှောက် က်ိုယ့်ကိုယ်ကိုယ်အဖော်ပြုရင်းနဲ့ကိုယ့်ကိုကိုယ် ပိုချစ်တတ်လာပါလိမ့်မယ်။ လမ်းခရီးမှာ မိတ်ဆွေအသစ်တွေတောင် ရချင်ရလာနိုင်ပါသေးတယ်။

▶ 4. ဓာတ်ပုံများများရိုက်ပါ

ရောက်ရှိရာဒေသတိုင်းမှာ ဓာတ်ပုံမှတ်တမ်းတင်ဖို့ မမေ့ခဲ့သင့်ပါဘူး။ နေရာဒေသတိုင်းရဲ့ အလှအပတွေအပြင် ကွဲပြားတဲ့ရှုထောင့်နေရာတွေကနေ ရှုခင်းတွေကို ခံစားပြီး ဓာတ်ပုံများများသာရိုက်ယူဖို့ မမေ့ပါနဲ့။

▶ 5. များများစားပါ

အမြန်စာတွေအစား အရသာရှိတဲ့ ဒေသထွက်စားစရာတွေ များများသာ စမ်းသပ်စားသောက်ကြည့်ပါ။ တစ်ယောက်တည်း အစားစာရလို့လည်း ဘာမှအားမငယ်နေပါနဲ့။ ဆိုင်ထဲက ဝန်ထမ်းတွေ စားပွဲထိုးတွေက ကိုယ့်ကိုကူညီပေးဖို့ ကိုယ်လိုတာမှာလို့ရအောင် စောင့်ပေးနေတယ်ဆိုတာ မမေ့ပါနဲ့။ အရသာသစ်တွေကို စူးစမ်းခဲ့ပါ။

▶ 6. မိသားစုမိတ်ဆွေတွေနဲ့ အဆက်သွယ်မပြတ်ပါစေနဲ့

facebook တို့ Twitterတို့ Instagramတို့လို လှုမှုကွန်ယက်တွေကနေ ကိုယ်ဘယ်တွေသွားနေတယ်ဆိုတာ ကိုယ့်မိသားစုမိတ်ဆွေတွေသိအောင် ပြုလုပ်ထားပါ။လမ်းခရီးမှာသင်တစ်ခုခုလိုအပ်လာရင် သူတို့ဆီက အကြံဥာဏ်ကောင်းတွေ တောင်းခံနိုင်ပါတယ်။

▶ 7. လုံခြုံမှုကို အမြဲသတိရှိနေပါစေ

တစ်ယောက်တည်း ခရီးသွားခြင်းအတွက် အရေးအကြီးဆုံးအချက်ပါပဲ။ ပျော်ရွှင်ရဖို့အပြင် ဘေးကင်းနေဖို့ကလည်း ထည့်သွင်းစဉ်းစားရမှာပါ။ ခရီးစဉ်တစ်လျောက်လုံးမှာ နိုးနိုးကြားကြားနေပါ။ ညဘက်တွေမှာ ပိုသတိရှိပါ။ သတိထားဖို့လိုပါတယ်။

30/03/2022

𝗦𝘄𝗶𝘁𝘇𝗲𝗿𝗹𝗮𝗻𝗱 𝗶𝘀 𝘁𝗵𝗲 𝗵𝗲𝗮𝘃𝗲𝗻 𝗼𝗻 𝗘𝗮𝗿𝘁𝗵❤

24/03/2022

ထောင်ဝိတောင်
----------------
ဘားအံမြို့ သံလွင်တံတားနားမှာရှိတဲ့ တောင်တစ်လုံးဖြစ်ပြီး လည်ပတ်သူနည်းပါးသော တောင်တစ်လုံးဖြစ်ပါတယ်။ ထောင်ဝိတောင်တွင် လှိုဏ်ဂူတစ်ဂူရှိပြီး ၎င်းလှိုဏ်ဂူကို ထောင်ဝိလှိုဏ်ဂူလို့ခေါ်ပါတယ်။

ခုအခါမှာတော့ တောင်ပေါ်က စေတီဆီသို့ သံလှေကားတပ်ဆင်လိုက်သောကြောင့် စေတီဆီသို့ လွယ်လင့်တကူ သွားရောက်နိုင်ပါတယ်။

စေတီပေါ်မှကြည့်လိုက်ရင် အရှေ့ဘက်မှာ ဇွဲကပင်တောင်၊ ရဲသာတောင်နှင့် စိမ်းစိုစို စပါးခင်းတွေကက ကြည်နှုးဆွပ်ပျံဖွယ်ကောင်းလှပါတယ်။

23/03/2022

ခရီးသွားဖို့တိုင်ပင်တာလည်း ငါတို့အဖွဲ့ပဲ😎

တိုင်ပင်ပြီး တစ်ခါမှမသွားဖြစ်တာ ငါတို့အဖွဲ့ပဲ 🙂

Photo Credit to original

22/03/2022

တစ်ယောက်တည်း

ခရီးသွားရတာ

ကောင်းတယ်

👇

22/03/2022

INVEST-91B ဆိုင်ကလုန်းမုန်တိုင်းအမည် ASANI လို့ မပေးနိုင်တော့ဘဲ အဆုံးသတ်တော့မှာ ဖြစ်ပြီးတော့ -

အဆုံးသတ်ခရီးမှာ မြစ်ဝကျွန်းပေါ်ကမ်းရိုးတန်းနဲ့ ရခိုင်ကမ်းရိုးတန်းတွေကို ဖြတ်ကျော်ဝင်ရောက်ပြီးမှ INVEST-91B ရဲ့ ဖြစ်ပေါ်မှု နိဂုံးချုပ်မှာဖြစ်ကြောင်း ECMWF model ခန့်မှန်းချက်များအရ တွေ့ရပါတယ်။

ECMWF က မူလ ခန့်မှန်း ကမ်းရိုးတန်းကို ဖြတ်ကျော်ဝင်ရောက်မဲ့ ပြင်စလူ အနောက်ဘက် ၂၅ မိုင်ခန့် ချောင်းဝရွာအနီးကို မတ်လ ၂၂ ရက် မနက် ၁၀ နာရီခန့်မှာ ဖြတ်ကျော်ဝင်ရောက်ပြီး၊ အနောက်-အနောက်မြောက်ကို ဆက်ရွေ့ကာ ဘင်္ဂလားပင်လယ်အော် အနောက်အလယ်ပိုင်းရေပြင်ကို မနက် ၁၁ နာရီခန့်မှာ ပြန်ဆင်းပါတယ်။

အဲ့ဒီကမှ မြောက် အရှေ့မြောက်ဘက်ကို ပင်လယ်ရေပြင်ထဲမှာ ဆက်ရွေ့ပြီးတဲ့နောက်၊ မတ်လ ၂၂ ရက် ညနေ ၆ နာရီခန့်မှာ ရခိုင်ကမ်းရိုးတန်းတောင်ပိုင်းကို သံတွဲနဲ့ ကျိန်တလီကြားက ဒုတိယအကြိမ် ထပ်မံ ဖြတ်ကျော်ဝင်ရောက်ပြီး INVEST-91B ဟာ ကုန်းတွင်းမှာ အားပျော့ပျက်ပြယ်သွားတော့မယ်လို့ ခန့်မှန်းထားတာ တွေ့ရပါတယ်။

လေဖိအားနည်းရပ်ဝန်း INVEST-91B ရဲ့ အကြွင်းအကျန် တိမ်တိုက်တွေကတော့ ပြည်၊ မကွေးစတဲ့ မြို့တွေဘက်ကို ဆက်လက်ရွေ့လျားနိုင်ပြီး မိုးရေချိန်အနည်းငယ်(၁ လက်မ ခန့်)ပေးနိုင်မယ်လို့ ခန့်မှန်းထားပါတယ်။
ပထမအကြိမ်ကမ်းရိုးတန်းကို ဖြတ်ကျော်စဉ် ပြင်စလူကျွန်းနဲ့ အနီးနေရာတချို့မှာ လေပြင်းကျရောက်နိုင်ပြီး တစ်နာရီ မိုင် ၄၀ ခန့်အထိ တိုက်ခတ်နိုင်ပါမယ်။

Crd: Sr.Win Naing

21/03/2022

တောင်ပေါ်ဒေသလေးပေါ်မှာ

တစ်ကိုယ်တည်း

တွေးရင်း ဆွေးရင်း

စိတ်ညစ်စရာတွေ အကုန်မေ့ထားချင်တယ်..

❣️❣️❣️❣️❣️

18/03/2022

- 𝗧𝗿𝗮𝘃𝗲𝗹 𝗚𝗼𝗮𝗹𝘀❤😍

14/03/2022

🚎

10/03/2022

ဘယ်သူနဲ့မှ မဟုတ်ဘဲ

တစ်ယောက်ထဲ

ခရီးသွားချင်တယ်

🚎

01/03/2022

No internet, No social media.

Lets go for a wild camping for some days ✨🍂

17/02/2022

Peace in nature is eternal.

10/02/2022

Miami Beach, Florida

ကမ္ဘာပေါ်မှာ အလှဆုံး ကမ်းခြေတွေထဲက တစ်ခု..

📸

04/02/2022

ရောက်ပြီးပြီလား ? ကရင်ပြည်နယ်ရှိ ရသေ့ပျံဂူ

ဘားအံမြို့မှ (၉)မိုင်အကွာ၊ ဘားကပ်ရွာမှ (၃)မိုင်အကွာတွင်ရှိပြီး (၁၅၀ပေ) မြင့်၍ နှစ်ဖက်ပွင့် သဘာဝထုံးကျောက်ဂူ အမျိုးအစား ဖြစ်ပါသည်။ ဂူအတွင်း ဘုရားစေတီတည်ထားခြင်းကို ရသေ့ပျံနှင့် ဆန္ဒန်ဂူမတို့တွင်သာ တွေ့ရှိနိုင်ပါသည်။ မြေစေး၊ သစ်သားတို့ဖြင့်ပြုလုပ်ထား သော ပုဂံ၊ အင်း၀၊ တောင်ငူနှင့် ကုန်းဘောင် ခေတ်ပြိုင်ကာလ လက်ရာများကို ဂူအတွင်း၌တွေ့ရှိရသဖြင့် ဗုဒ္ဓဘာသာသည် လွန်ခဲ့သော နှစ်ပေါင်း (၁၅၀၀)ခန့်ကပင် မြန်မာနိုင်ငံသို့ ရောက်ရှိပြီးဖြစ်သည့် အထောက်အထားများအဖြစ် တွေ့ရှိနိုင်ပါသည်။
ဂူအတွင်း၌ သက်ရှိမျိုးစိတ် (၄)မျိုးနှင့် ကျောရိုးမဲ့မျိုးစိတ် (၁၅)မျိုး နေထိုင် ကျက်စားကာ လင်းနို့အကောင်ရေ (၆၀၀၀၀) ကျော်တွေ့ရှိရပါသည်။
ဂူအနောက်ဘက်၌ မီတာ (၂၀၀)ခန့် ရှည်သော ရှုခင်းသာ တံတားကို သံဖရိန်ဖြင့်တည်ဆောက် ထားပြီး ညနေဆည်းဆာအလှကိုကြည့်ရှုခံစားနိုင်ပါသည်။

ဂူအရှေ့ဘက်တွင် မီတာ(၅၀၀)ခန့် အကျယ် အဝန်းရှိသော သဘာဝရေလှိုဏ်ဂူတစ်ခုရှိပါသည်။ ကရင်ပြည်နယ်ရှိ ထင်ရှားသော နေရာများအနက် တစ်ခုအပါအဝင်ဖြစ်ပါသည်။
*****
CRD:Myanmar.Travel

02/02/2022

မြန်မာနိုင်ငံ
ကော့သောင်းလမ်းမကြီး
🚎🚎

Photo Credit 📸-Super photography

25/01/2022

ချစ်ရတဲ့သူကို luxury အဆန်ဆုံး အပျော်ခရီးသွားကားနဲ့ လက်ညှိုးညွှန်ရာ လိုက်ပို့ပေးလိုက်ပါ.. 🚎

20/01/2022

နိုင်ငံခြားမှာမဟုတ်ပါဘူး....🙅‍♂️
မြန်မာနိုင်ငံမှာရှိတာပါ...😍
✅ကချင်ပြည်နယ် ပန်ဝါမြို့

🌐 တည်နေရာ
==========
ဒီမြို့လေးရဲ့တည်နေရာကို google map မှာ
ခေါက်ကြည့်ရင် လတ္တီကျု (၂၅)ဒီဂရီ၊ (၅၉)မိနစ်၊ လောင်ဂျီကျု (၉၈)ဒီဂရီ၊ (၂၀)မိနစ်,မှာတည်ရှိပီး၊ မြန်မာနိုင်ငံ မြေပုံအရတော့ကချင်ပြည်နယ်၊မြစ်ကြီးနားခရိုင်၊ ချီဖွေမြို့နယ် ၊ ပန်ဝါမြို့လေးပါ။

ဒီပန်ဝါ မြို့လေးက ဧရိယာစတုရန်းမိုင် ၁၃၅၅ လောက် မိုင်ကျယ်ဝန်းပြီး အရှေ့မှာတရုတ်နိုင်ငံ၊ တောင်ဘက်မှာ ဝိုင်းမော်မြို့နယ် နဲ့ တရုတ်နိုင်ငံ၊ အနောက်ဘက် နဲ့ မြောက်ဘက်မှာတော့ ချီဖွေမြို့နယ် နဲ့ နယ်နိမိတ်ချင်း ထိစပ်နေပါတယ်။မြင့်မားမတ်စောက်တဲ့ တောင်တန်းနှင့်တောင်စောင်းများ ဝန်းရံထားတာမို့ မြေပြန့်လွင်က မရှိသလောက် နည်းပါးလွန်းပါတယ်။

ကချင်ပြည်နယ် မြစ်ကြီးနားမြို့က တစ်ဆင့် ကားနဲ့သွားလို့ရတဲ့ ပန်ဝါမြို့။ပန်ဝါကို လမ်းနစ်လမ်း ရှိပါတယ်။

#ပထမ - အလွယ်ကူဆုံးတစ်လမ်းက မြစ်ကြီးနား ကန်ပိုက်တီ တရုတ်ပြည်လမ်းကနေ မြန်မာပြည် ပြန်ဝင်တဲ့ လမ်းပါ ပထမ လမ်းအသုံးပြုမယ်ဆိုရင် တရုတ်ပြည် လမ်းက မြန်မာပြည်ပြန်ဝင်ရတဲ့ အတွက် တရုတ်ပတ်စပို့ လိုပါတယ်။

#ဒုတိယ- လမ်းက မြန်မာပြည်လမ်းပါ မြစ်ကြီးနား ချီဖွေ လမ်းကို အသုံးပြုမယ်ဆိုရင် လမ်းမှာ တစ်ညအိပ်နစ်ရက်ကြာပါမယ် လမ်းက မြေနီလမ်းများပါတယ် ပတ်စပို့ လုပ်စရာမလိုပါဘူး။

#ပထမလမ်း ရန်ကုန် မန်းလေးကလာမယ်ဆိုရင် လေယာဉ်နဲ့ မြစ်ကြီးနားကို ဆင်းရပါတယ် ၊ မြစ်ကြီးနားကနေ ကားငှားပြီး ဆက်သွားရပါတယ် ၊ ကန်ပိုက်တီ လမ်းကနေ တရုတ်ပြည် လမ်းသွားရင် ကားစီးချိန် ၅ နာရီပဲကြာပါတယ်။ ကိုယ်လမ်းသိစရာမလိုဘူး ကားသမားတွေ သိပါတယ် ကားစင်းလုံးငှားလို့ရသလို လိုင်းကားတွေလည်းရှိပါတယ်။

ကန်ပိုက်တီ ဂိတ်မှာ ပတ်စ်ပို့ ဝင်လုပ်ရပါမယ် ၊ မှတ်ပုံတင် မိတ္တူတစ်ခု လှိင်စင်ပုံ နစ်ပုံ ပေးလိုက်ရင် ပတ်စပို့ လုပ်ပေးပါတယ် အများဆုံး ၁၅ မိနစ်ပဲကြာပါတယ် လူများရင်တော့ တန်းစီစနစ်နဲ့ လုပ်ရပါမယ် ပတ်စ်ပို့က တရုတ်ပြည်မှာ ၁၄ ရက် သွားလာခွင့်ရှိပါတယ် ပန်ဝါ အဝင်ဂိတ်မှာ မှတ်ပုံတင် ပတ်စပို့ ပြန်ပြရပါတယ် ၊ပန်ဝါမှာ တည်းဖို့ဟိုတယ် တွေမသိရင် လဝက ဝန်ထမ်းတွေ ရဲတွေရှိပါတယ် အကူညီတောင်းရင် ကူညီကြပါတယ် တည်းခိုခန်း ဟိုတယ်တွေက ၃ သောင်းအထက်တွေရှိပါတယ် ပန်ဝါမှာ တရုတ် နဲ့ ကချင်များပါတယ် အားလုံးက ရိုးသားကြပါတယ် အကူညီတောင်းပြီးမြို့ကို လည်ပတ်လို့ရပါတယ် ဒါက အလွယ်ကူဆုံး လမ်းပါ။

#ဒုတိယလမ်း မြစ်ကြီးနားကနေ ချီဖွေမြို့လမ်းပါ မြစ်ကြီးနား ချီဖွေ ကားတစ်ရက် စီးရပါတယ် ချီဖွေမှာ တစ်ည အိပ်ရပါလိမ့်မယ် တည်းခိုခန်းတွေ အများကြီးရှိပါတယ် လမ်းခရီး မြေနီလမ်းဖြစ်ပြီး တောတောင် သဘာဝတွေအများကြီးရှိပါတယ်။

မေခမြစ်အတိုင်း တက်သွားရတာပါ၊နောက်နေ့မနက် ကားနဲ့ ထွက်လာရင် ညနေ ၂ နာရီလောက် ပန်ဝါ ရောက်ပါတယ် ပန်ဝါမြို့ ၁ ရက်လောက်လည်ပြီးရင် ကန်ပိုက်တီလမ်းလည်း ပြန်လို့ရပါတယ် ဆိုင်ကယ်စီးဝါသနာရှင်တွေကတော့ မြစ်ကြီးနား ချီဖွေ ပန်ဝါလမ်း ကို ဆိုင်ကယ် သွားလို့ရပါတယ်။
📛 မှတ်ချက်။ မြစ်ကြီးနားမှာ မိုးတွေအုံ့ပြီးမြူတွေ ကျနေရင်တော့ ပန်ဝါမှာ နှင်းကျတတ်ပါတယ် မြစ်ကြီးနားမြို့ရောက်ရင်ခန့်မှန်းနိင်ဖို့ပါ။

#ပန်ဝါမြို့

#မူရင်းပိုင်ရှင်အားခရက်ဒစ်ပေးပါတယ်။
fold

18/01/2022

တောင်တန်းတွေကြားထဲ မင်းနဲ့အတူ ....
🌳🌳

17/01/2022

🚎 ကိုဗစ် လည်း စစ်စရာမလိုဘဲ ရန်ကုန်နဲ့ နေချင်းပြန် သွားလည်လို့ရမယ့်နေရာတွေ 🚎

ရန်ကုန်အနီးတဝိုက်က camping site တော်တော်များများ ပါပြီးသွားပြီဆိုတော့ ဒီတခါမှာ Farm လေးတွေကို ပြောပြမယ်။ Farm လေးတွေမှာ လတ်လတ်ဆတ်ဆတ် ဟင်းသီးဟင်းရွက်လေးတွေ ခူးချက်စား၊ တိရစ္ဆန်အကောင်လေးတွေ အစာကျွေးတာတွေလုပ်လို့ရတော့ မိသားစုလိုက်လာမယ့်သူတွေအတွက် ပိုပြီး အဆင်ပြေတယ်။ အထူးသဖြင့် ကလေးနဲ့ လာချင်တဲ့သူတွေအတွက် သင့်တော်တယ်။ ကလေးတွေလည်း ဘယ်မှ မသွားရလို့ တော်တော်ပျင်းနေကြရောပေါ့.....

Shwe yoe Farm
------------------------
အမြန်လမ်း ၃၉ မိုင်နားမှာရှိတဲ့ Shwe Yoe Farm ကတော့ farm life ကိုခံစားချင်တဲ့သူတွေအတွက်ပါ။ စျေးလည်းသက်သာတယ်။ ဝင်ကြေး တစ်ယောက် ကို ၅၀၀၀ ပဲပေးရပါတယ်။ farm ရောက်တဲ့အခါ အသီးအရွက်လေးတွေခူးပြီး ခြံပိုင်ရှင်အမနဲ့ နေ့လည်စာ အတူတူချက်ရမှာပါ။ ခြံထဲက တိရစ္ဆန်လေးတွေ အစာကျွေး၊ အပင်လေးတွေအတူစိုက်လို့ရမယ်။ သူ့မှာ ယုန်လေးတွေရော ဆတ်လေးတွေရှိတယ်။ နေ့ချင်းပြန်ပဲ သွားလို့ရမယ်။ အိမ်အပြန်လက်ဆောင်တွေလည်း ပေးသေးတယ်ဆိုပဲ။ တနေ့ကို အဖွဲ့သုံးလေးဖွဲ့လောက်ပဲ လက်ခံပါတယ်။
☎️☎️☎️09252429538 ၊ 09777751350
သူ့ပေ့ချ်မှာ အသေးစိတ်ကြည့်ရန် 👉 https://bit.ly/3hj3meO

Family croft
-------------
မှော်ဘီမြို့နယ်၊ ကျောက်ကာကျေးရွာမှာ ရှိလို့ ရန်ကုန်နဲ့ အနီးဆုံးပါပဲ။ အိမ်က ကလေးတွေ၊ လူကြီးတွေ ခေါ်လာပြီး မိသားစုလိုက် နေ့ချင်းပြန် စားကြသောက်ကြနဲ့ ပျော်ပွဲစားထွက်ဖို့ အကောင်းဆုံးနေရာလေးပါ။ မြက်ခင်းပြင်ကြီးဆိုတော ကလေးတွေလည်း လျှောက်ပြေးလို့ ကောင်းတယ်။ အစားသောက်ကို ကြိုပြီး စီစဉ်ခိုင်းလို့ရသလို organic farm လည်းရှီတော့ ကိုယ်တိုင် ခူးပြီးချက်စားလို့လည်းရပါတယ်တဲ့။

☎️☎️☎️09785143736
သူ့ပေ့ချ်မှာ အသေးစိတ်ကြည့်ရန် 👉 https://bit.ly/38DU7SFGREEN

HOPE
--------
ဒီနေရာလေးကတော့ သန်လျင်မြို့နယ်၊ ရုံးသပြေကန်စံပြကျေးရွာမှာ ရှိတာဖြစ်ပါတယ်။ လာမယ်ဆို ကုလားဝဲတံတားကနေလည်း သွားလို့ရသလို ( လမ်းဆိုးတယ်လို့ ကြား) သန်လျင်-ခရမ်းသုံးခွလမ်းကနေလည်း လာလို့ရပါတယ်တဲ့။ ဘွတ်ကင် တစ်ရက်ကြိုတင်ရပါတယ်။ မနက် ၈ နာရီကနေ ညနေ ၅ နာရီအထိပဲဖွင့်ပြီး နေရာတစ် နေရာအတွက် ငှားခ ၁၀၀၀၀ ပဲပေးရပါတယ်။ အစားအသောက်ရောင််းပေးလို့ ကိုယ်မှာသလောက်ရှင်းရမှာပါ။ Activities တွေကတေ့ လှေစီးတာ၊ ငှားမျှားတာတွေ လုပ်လို့ရပါတယ်။

☎️☎️☎️09799422421 ၊ 09792712633
သူ့ပေ့ချ်မှာ အသေးစိတ်ကြည့်ရန် 👉https://bit.ly/3nPacv0

Green Farmer
----------------
နောက်ထပ်နေ့ချင်းပြန်သွားလို့ရတဲ့ Green farmer farm ကတော့ လှည်းကူးမြို့ ငါးဆူးတောင်ကျေးရွာမှာ ရှိပါတယ်၊ သူ့မှာ အဆောင် သုံးဆောင် ရှိပြီး ရေကူးကန်ပါတဲ့အဆောင်လည်း ရှိတယ်။၊ တစ်‌ဆောင်ကို ၇၀၀၀၀ ပေးရပြီး လူ ၁၀ ယောက်ကနေ ၁၂ ယောက်အထိ လက်ခံပါတယ်။ အဆောင်ခမှာ အစားအသောက်တွက် မပါဝင်တဲ့အတွက် နေ့လည်စာအတွက် ကိုယ်မှာသလောက် သပ်သပ်ထပ်ပေးရမှာပါ။ မိသားစုလိုက် နားနားနေနေ အနားယူချင်တဲ့သူတွေအတွက် အဆင်ပြေမှာပါ။

☎️☎️☎️09 797 918989
သူ့ပေ့ချ်မှာ အသေးစိတ်ကြည့်ရန် 👉https://bit.ly/3aHFHn1

14/01/2022

နေပြည်တော်ရှိ အဝေရာအပန်း ဖြေရှုခင်းသာ 🌅

ပျဉ်းမနားမြို့နယ်ရှိ အဝေရာဆည်အနီးတွင် တည်ရှိပါသည်။ တောင်ပေါ် အပန်းဖြေစခန်းတစ်ခု အဖြစ် ဖန်တီးတည်ဆောက်ထားခြင်းဖြစ်သည့်အတွက် ခရီးတိုတောင်တက်ခြင်း၊ ဓာတ်ပုံအလှရိုက်ကူးခြင်း၊ တောင်ပေါ်ရှုခင်းများ တွေ့မြင်နိုင်ပြီး လေကောင်းလေသန့်ရှုရှိုက်၍ အနားယူအပန်းဖြေနိုင်ပါသည်။

Crd:Myanmar.Travel

13/01/2022

ခရီးသွားရင် ကားပေါ်မှာ အိပ်ပဲ မနေဘဲ

သဘာဝလေးတွေကို မှတ်တမ်းတင်ခဲ့ဖို့လဲ

မမေ့ပါနဲ့နော်....

🚎

10/01/2022

luxury ဆန်ဆန် သက်တောင့်သက်သာ အပျော်ခရီးထွက်ချင်သူများအတွက်

07/01/2022

🚎 တစ်ယောက်တည်း ခရီးသွားဖို့ဆိုရင် …🚎

တစ်ယောက်တည်းခရီးသွားဖို့ စိတ်ကူးရှိတဲ့ Solo Traveler တွေအတွက် tips လေးတွေပြောပြပေးချင်ပါတယ်. အခက်အခဲတွေကို တစ်ယောက်တည်းရင်ဆိုင် ဖြေရှင်းနိုင်စွမ်း တိုးတက်ဖို့ Solo ခရီးထွက်ပြီး အလေ့အကျင့်ပြုလုပ်တာက လိုအပ်တဲ့ အရာတစ်ခုပါ။သင်က အခုမှ ပထမဆုံး တစ်ယောက်တည်း ခရီးထွက်ရင်း စွန့်စားလိုတဲ့သူဆိုရင်တော့ အောက်မှာဖော်ပြထားတဲ့ အချက်လေးတွေက သင့်အတွက် အထောက်အကူဖြစ်မှာပါ။

(၁) ရှက်ကြောက်စိတ်ဖျောက်ပါ

ဒီစာဖတ်နေသူက Introvert တစ်ယောက်ဖြစ်တယ်၊ လူတွေနဲ့ တွေ့ဖို့ ကြောက်စိတ်၊ရှက်စိတ်ရှိနေတယ်ဆိုရင်တော့ အတော်လေး အချိန်ယူပြင်ဆင်ရဦးမှာပါ။ဘာလို့လဲဆိုတော့ တစ်ယောက်တည်း ခရီးထွက်တဲ့အခါ အခက်အခဲ တစ်ခုမဟုတ် တစ်ခု ရှိလာမှာပါ။ ဒေသခံတွေဆီကပဲ ဖြစ်ဖြစ် တခြားခရီးသွားတွေဆီက အကူအညီတောင်းခံဖို ကိစ္စတစ်ခုခုရှိလာတဲ့အခါ ရှက်ကြောက်နေရင် အကူအညီရရှိဖို့ မဖြစ်နိုင်ပါဘူး။ ဒါ့ကြောင့် ရှက်ကြောက်တာတွေဖျောက်ထားပြီး လူတွေနဲ့ ထိတွေ့ဆက်ဆံဖို့ကို အလေ့အကျင့်လုပ်ထားပါ။

(၂) မသိနိုင်တဲ့ အခက်အခဲတွေအတွက် ကြိုတင်ပြင်ဆင်မှုရှိပါ

ကိုယ် မရင်းနှီးတဲ့နေရာကို တစ်ယောက်တည်း သွားရမှာ ဖြစ်တဲ့အတွက် ကြိုမသိနိုင်တဲ့ အခက်အခဲတွေ ကြုံလာနိုင်ပါတယ်။ လမ်းမသိတာ၊ Transportation အခက်အခဲ ဖြစ်တာစတဲ့ အရာတွေကို ကိုယ်ဘယ်လို ဖြေရှင်းမလဲဆိုတာကို ကြိုတင် စီစဉ်ထားရပါမယ်။ကိုယ့်ကို ဓာတ်ပုံရိုက်ပေးမယ့် အဖော််မပါတာကြောင့် Phone Tripod/ Camera Tripod တွေနဲ့ အခြားအသေးအမွှားတွေကအစ ခရီးမထွက်ခင် ကြိုတင်ပြင်ဆင်သွားဖို့ အကြံပေးပါရစေ။

(၃) သွားမယ့် ခရီးစဉ်နဲ့ လမ်းကြောင်းကို လေ့လာထားပါ။

ဒါကတော့ Tour နဲ့ မဟုတ်ဘဲ ကိုယ်ပိုင် အစီအစဉ်နဲ့ ခရီးသွားမယ့် သူတွေအတွက် အဓိက လိုအပ်ပါတယ်။ လမ်းပြမယ့် သူမရှိတာကြောင့် မသွားခင်ကတည်းက သွားမယ့် ခရီးစဉ်ရဲ့ Review တွေဖတ်တာ၊ ရောက်ဖူးတဲ့ အသိမိတ်ဆွေတွေကို ကြိုတင် မေးမြန်းပြီး အကြံဉာဏ်ယူတာတွေကို လုပ်ထားပါ။ ကိုယ်သွားမယ့် နေရာက Internet ရရင်တော့ GPS သုံးနိုင်တဲ့အတွက် အဆင်ပြေပေမယ့် Internet မရတဲ့ နေရာမျိုးဆို ဒေသခံတွေရဲ့ အကူအညီက သေချာပေါက်လိုအပ်မှာပါ။

(၄) မိတ်ဆွေဖွဲ့ပါ။

Solo Traveler ဖြစ်ပေမယ့်လို့ ခရီးသွားလာတဲ့ အချိန်အတွင်း တွေ့ဆုံတဲ့ သူတွေကို မိတ်ဆွေဖွဲ့ဖို့ သတိရပါ။ ကားပေါ်၊ ရထားပေါ်၊ လေယာဉ်ပေါ်မှာ စကားဆက်စပ်မိရင်း ခရီးစဉ်တူတဲ့ သူနဲ့တွေ့ရင် ကိုယ့်အတွက် တစ်ချိန်ချိန်မှာ အကူအညီရလာနိုင်မှာပါ။ ခရီးသွားရင်း အမှတ်မထင် တွေ့ဆုံမိတဲ့သူတွေက တစ်ချိန်မှာ မိတ်ဆွေရင်းတွေတောင် ဖြစ်သွားနိုင်ပါတယ်။

ဒါတွေကတော့ အခုမှ ပထမဆုံး Solo ခရီးထွက်မယ့် သူတွေအတွက် အကြံပြုထားတဲ့ အချက်လေးတွေပါ။

Crd:duwun

06/01/2022

❤️❤️Beautiful Winter Scene Photo...❤️❤️

05/01/2022

🏔 ဇင်းကျိုက်တောင် အလှ 🏔

~~ အမြင့်ပေ ၃၀၀၀ကျော်
~~ မိုင် ၄မိုင်နီးပါး
~~ တည်နေရာ - မွန်ပြည်နယ် ပေါင်မြို့နယ် ဇင်းကျိုက်
~~ မော်လမြိုင် နဲ့ ပေါင် မြို့နယ် ၁၇ မိုင်
~~ ကား ဆိုင်ကယ် လမ်းလျှေက် စက်ဘီး တက်လို့ရပါတယ်
~~ ဒီချိန်သွားရင် အရမ်းလှပဲ...

Photo _ Crd

03/01/2022

🚎🚎 အိပ်ခန်းပါပါတဲ့ခရီးသွားကားဝန်ဆောင်မှု 🚎🚎
-------------------
ခရီးထွက်တော့မယ်ဆိုရင် အဓိကဦးစားပေးစီစဉ်ဆုံးဖြတ်ရတဲ့အရာ ၂ ခုရှိပါတယ်။ သွားစရာနဲ့ နေစရာပါ။ ကိုယ်ရှိနေတဲ့နေရာကနေ သွားချင်တဲ့နေရာဆီကို ကိုယ်ပိုင်ကား ဒါမှမဟုတ် ကားငှားပြီး သွားမလား၊ ခရီးသွားကားကြီးတွေ စီးသွားမလား၊ ရထားလား၊ လေယာဉ်လား စတာတွေကို အရင်ဆုံးစဉ်းစားရမှာဖြစ်ပြီး အဲဒီအထဲက တစ်ခုခုကိုစဉ်းစားပြီးပြီဆိုရင်တော့ လက်မှတ်ဖြတ်ဖို့၊ ကိုယ်တိုင်ကားမောင်းသွားမယ်ဆိုရင်လည်း ကားစစ်ရတာ၊ ဆီဖြည့်ရတာတွေကို စီစဉ်ရပါတော့တယ်။ ဟိုတယ်ဆိုရင်လည်း အဲဒီလိုပါပဲ။

ဒါကြောင့် တစ်ချက်ခုတ်နှစ်ချက်ပြတ်စေမယ့် အိပ်ခန်းပါကားငှားဝန်ဆောင်မှုလေးရှိတော့ ခရီးထွက်တဲ့အခါ သွားလာစရာကားငှားရုံနဲ့ နေစရာပါတစ်ပါတည်း ရနိုင်မှာပါ...

အဲဒီကားလေးဟာ ခရီးသွားတဲ့အခါ ပေါ့ပေါ့ပါးပါးမောင်းနှင်နိုင်မျာဖြစ်ပြီး ပစ္စည်းလည်းထည့်ရတာဆန့်မယ်၊ လူလည်းကျယ်ကျယ်ဝန်းဝန်းထိုင်နိုင်မှာဖြစ်တဲ့အပြင် ညအိပ်ချိန်တို့၊ အနားယူချိန်တို့ဆိုရင်လည်း ဟိုတယ်ငှားစရာမလိုအပ်ဘဲ အိပ်စက်နိုင်တာမလို့ ဟိုတယ်ခလည်း သက်သာရာရတာပေါ့နော်။

ကားမှန်တွေကိုလည်း ဖုံးကာပေးဖို့အတွက် အတွင်းပိုင်းမှာ လိုက်ကာလေးတွေပါပြီး အရှေ့ကမှန်ကြီးကိုတောင် ဖုံးဖို့ လိုက်ကာကြီး ထည့်ပေးထားသေးတယ်ဆိုတော့ ကိုယ့်အိပ်ခန်းလေးအတိုင်း သဘောထားပြီး လုံလုံခြုံခြုံနဲ့ အနားယူလို့ရပြီပေါ့။

နောက်ပြီး မြို့တစ်မြို့ရောက်တဲ့အခါ မြို့တွင်းသွားလည်ချင်ရင်ပဲဖြစ်ဖြစ်၊ တခြားမြို့ကို ဆက်ချင်ရင်ပဲဖြစ်ဖြစ် ကိုယ်ပိုင်ကားမပါလာတဲ့အခါ ယာဉ်တစ်ခုခုကတော့လိုမှာပဲဆိုတော့ ငှားရမှာပဲလေ။ ဒီလိုကားလေးကို တစ်ခါတည်းစထွက်ကတည်းက ငှားပြီး ကိုယ်တိုင်မောင်းသွားတဲ့အခါ ထပ်ပြီးသွားစရိတ်လာစရိတ်အတွက် ခေါင်းမစားတဲ့အပြင် ရှုခင်းလှလှလေးတွေ့လို့ ဓာတ်ပုံရိုက်ချင်တဲ့အခါမှာလည်း ဘယ်သူ့ကိုမှအားနာမနေဘဲ ဆင်းရိုက်လို့ရတယ်၊ နားချင်တဲ့အချိန်နား၊ ချစ်သူနဲ့ပဲဖြစ်ဖြစ်၊ သူငယ်ချင်းတွေနဲ့ပဲဖြစ်ဖြစ်၊ မိသားစုနဲ့ပဲဖြစ်ဖြစ် တစ်သီးတစ်သန့်ခံစားမှုလေးလည်း ရနိုင်တာမလို့ လုံးဝအဆင်ပြေတယ်နော်...

28/12/2021

ကလောမြို့ရဲ့ City view,

အိုးစည်တောင်ကတိမ်ပင်လယ်အလှ,

မနက် ၅နာရီအချိန်က တိမ်ပင်လယ် View point

PhotoCrd:

27/12/2021

Our tiny home parked up in the lake district 🤎

23/12/2021

luxury ဆန်ဆန် သက်တောင့်သက်သာ အပျော်ခရီးထွက်မယ်ဆို Signature Bus Tours ကို ဆက်သွယ်လိုက်နော်...

🚎🚎

17/12/2021

ဟိုပုံးဒေသက ရွာရှုခင်းတချို့. 🖤

--

Photo Credit

16/12/2021

ပြင်ဦးလွင်မြို့ရဲ့ ကျင်းပနေကျ သိပ်လှတဲ့ ပန်းပွဲတော်💐🌸🌹🌻🥀

နှစ်စဉ်နှစ်တိုင်း ဒီဇင်ဘာလအတွင်း အမျိုးသားကန်တော်ကြီး ဥယျာဉ် (ပြင်ဦးလွင်)မှာ ပန်းပွဲတော်ကို ကျင်းပလေ့ရှိပါတယ်ရှင်

အမျိုးသားကန်တော်ကြီးဥယျာဉ်(ပြင်ဦးလွင်)ရဲ့ ပန်းပွဲတော်ကို နှစ်စဉ်ကျင်းပခဲ့တာ ၁၄ ကြိမ်အထိရှိပြီဖြစ်ပြီး ၂၀၂၀ ခုနှစ်မှာတော့ ၁၅ ကြိမ်မြောက် ကျင်းပရမှာ ဖြစ်ပါတယ်။

၂၀၂၀ခုနှစ်မှာတော့ Covid 19 ကြောင့် ၁၅ကြိမ်မြောက် ပန်းပွဲတော်ကို ကျင်းပနိုင်ချင်မရှိခဲ့ပါရှင်

ယခုနှစ်မှာလည်း Covid 19 / နိုင်ငံရေးမတည် ငြိမ်မှုကြောင့် ကျင်းပနိုင်ခြင်း ရှိ/မရှိ မသေချာသေးပါရှင်

ဒါပေမယ့် အရင်နှစ်တွေက ကျင်းပခဲ့တဲ့ သိပ်လှတဲ့ ပုံတွေကို ချစ်မိတ်ဆွေများ ကြည့်ရှုခံစားနိုင်အောင်လို့ ဖော်ပြပေးလိုက်ပါတယ်ရှင်

Photo

15/12/2021

မြို့ပြရဲ့အဝေးကိုခဏလောက်ဖြစ်ဖြစ်ထွက်ပြေးချင်နေသူတွေအတွက်💕

မှော်ဘီက Rubber Village Campground ကို မင်မင်တို့နဲ့တူတူ Camp ထွက်ကြည့်ရအောင်🏕️

ပထမတော့ ဒီတိုင်း ခေတ် ထ နေလို့ သွားကြည့်တဲ့ သဘောပဲ
ဒီလောက်ပျော်စရာကောင်းမယ် Relax ဖြစ်မယ် မထင်ထားဘူး🤔

သူများတွေပြောတာ Campground တွေဆိုတာ ဘာမှလဲမရှိပါဘူးတို့ လူတွေက ခရီးမသွားရလို့ သစ်ပင်မြင်ရင်ကိုပျော်နေတာတို့ အဲ့လို စကားတွေကြောင့် အရမ်းကြီးမမျှော်လင့်ထားခဲ့ပေမယ့်တကယ် ရောက်လဲ ရောက်ရော လုံးဝ Woww ဆိုသလိုပဲ😱

ရန်ကုန်ကနေ 1 နာရီလောက်ကားမောင်းရုံနဲ့ တကယ့် တောထဲ တောင်ထဲ ကိုရောက်သွားတာနော်⛺

ဒီ Rubber Village နေရာလေးက Hidden Gems လို့ပြောရမလား ဖွင့်ထားတာ ၁ လပဲရှိသေးတယ်🥰

လူသိပ်မသိသေးတော့ နာမည်ကြီးနေတာတွေလို လူတွေပြွတ်သိပ်နေမှာမဟုတ်😌

တကယ့်ကို တိတ်တိတ် ဆိတ်ဆိတ် သဘာဝ အရသာအပြည့်။❤️

အကြိုက်ဆုံးကတော့ သူ့ရဲ့ Customer care, Service ပိုင်းနဲ့ အစားအသောက်တွေပဲ💞

ပိုင်ရှင်ကောင်လေးက တကယ့်ကို ငယ်ငယ်လေးကွာ(အဆင်လေးနော်)🤭🤭

ဧည့်သည်တွေကို ဂစ်တာတီးပြီး သီချင်းဆိုပြတယ်။ အသံလဲကောင်း၊ Service ကောင်း။🥰

အသေးစိတ်က အစ ဂရုတစိုက် စီစဉ်ပေးထားတာ။
ဘာလိုချင်လဲသာပြောလိုက် အကုန်ရစေရမယ်ဆိုတာမျိုး။✔️

မင်မင်တို့က မနက်စောစောရောက်သွားတော့ မနက်စာအတွက်ခေါက်ဆွဲတွေယူသွားတာ။ သူတို့က မီးဖိုပေးထားပေမယ့် ခေါက်ဆွဲပြုတ်ရ သိပ်အဆင်မပြေတော့ Gas မီးဖိုနဲ့ အိုးတွေပါ ယူချလာပေးတာ။😱

Service နဲ့ Customer Care က အဲ့လောက်တောင် ကောင်းတာပါဆို တကယ် ကို အရိပ်တကြည့်ကြည့်ပဲ။
အစားအသောက်ပိုင်းမှာ Day Trip ဆို နေ့လည်စာရယ် Tea Time ရယ် နှစ်ခုပါပြီးသား။

ညအိပ်တယ်ဆို BBQ Dinner ရောပြင်ဆင်ပေးပါတယ်တဲ့။😋

နေ့လည်စာ🍱

နေ့လည်စာ ထမင်းနဲ့ဟင်း တောချက်စတိုင်လေးတွေ။ ထမင်းဆိုလဲဆန်ကောင်းတယ် ဆန်လုံးလေးတွေကကော့ပြီးဆင်းနေတာ။ ဟင်းတွေက အရွက်လေးတွေဆိုစိမ်းပြီး အရမ်းကိုလတ်ဆတ်လွန်းတယ်။ အသုပ်တွေ ဟင်းရည်တွေ အရသာအစပ်အဟပ် အကုန်မိ။ သစ်တောစိမ်းစိမ်းကြားမှာ လတ်လတ်ဆတ်ဆတ်တွေစားခဲ့ရတဲ့ ခံစားချက်က ဘယ်လိုပြောရမလဲ
အို! ဂွတ်ရှယ်ပေါ့။😋

Tea Time☕

ထမင်းစားပြီးအချိုတဲဖို့၊ နေ့ခင်းနေ့လည်စကားစမြည်ပြောရင်း အစာပြေစားနိုင်ဖို့ Tea Time မှာပေးတာတွေက ဘူးသီးကြော်၊ လက်ဖက်သုပ်၊ လက်ဖက်ရည်၊ ကျွဲကောသီး၊ စုံပလိကို စိ။ အဲ့က ဘူးသီးကြော်ကတော့လုံးဝကို တစ်သက်မမေ့နိုင်စရာအရသာပဲ။ ချက်ချင်းအပင်ကခူးပြီးကြော်ပေးလိုက်သလားတောင်ထင်ရတယ် လတ်တာ လတ်တာဆိုတာလေ။ အချဉ်ရည်ကလဲ ထိမိ။ ဘူးသီးကြော်ကိုတော့ 100% rating အပြည့်ပေးချင်တယ်။⭐⭐⭐⭐⭐

BBQ🍢

တောထဲရောက်နေပါတယ်ဆို မီးဖိုဘေး အကင်လေးတွေကင်ရင်း အသောက်လေးပါမှ Perfect ဖြစ်မှာပေါ့။ ညအထိနေရင်တော့ BBQ dinner စီစဉ်ပေးပေမယ့် မင်မင်တို့က နေ့ချင်းပြန်မှာဆိုတော့ BBQ ကို Add on လုပ်ပြီးထပ်မှာလိုက်တာပေါ့လေ။ အကင်လေးနဲ့ မြည်းလို့ကောင်းမှကောင်းပဲ။ အသောက်လေးတွေလဲ စိတ်ကြိုက်မှာလို့ရတယ်နော်။😌

Activities🚲

အစားတွေပြောပြီးပြီဆိုတော့ တခြားဘာတွေလုပ်လို့ရလဲပြောပြဦးမယ်။ သူက ရော်ဘာခြံ ၁၃ ဧကလောက်ကျယ်တယ်။ ခြံအကျယ်ကြီးထဲမှာ စိတ်ကြိုက် စက်ဘီးပတ်စီးမလား၊ မြားပစ်မလား၊ မီးပုံပွဲလုပ်မလား၊ သူငယ်ချင်းတွေစုပြီးဆော့ဖို့ Uno နဲ့ Board Games တွေလဲငှားပေးပါတယ်တဲ့။🎾
ဒီစက်ဘီးတွေရော Game တွေရော ငှားပေးတာတွေအကုန်လုံးက ဘာ Charges မှ ထပ်ပေးစရာမလိုဘူးနော် အကုန် FREE💥

အဲ့ဒါတွေအပြင် Trekking လဲ လုပ်လို့ရတယ်။ ခြံထဲကနေ ၁နာရီလောက်လမ်းလျှောက်ရင် ပန်းတစ်ပွင့်တောင်ကို တက်လို့ရတယ်ဆိုတော့ Adventure ကြိုက်တဲ့လူတွေအတွက်တော့ OK ပဲ။🏔️

ညနေစောင်းဆို Sunset ကြည့်လို့ရတဲ့နေရာလဲရှိတယ် အတွဲလေးနဲ့သာသွားလိုက်ရလို့ကတော့ Ro လိုက်မယ်ဖြစ်ခြင်း။

Facilities💁

Camp တွေက သစ်တယ်။ လှတယ်။ ဓာတ်ပုံရိုက်လို့ကောင်းတယ်။ သန့်ရှင်းမှုရှိတယ်။ အိုးခွက် ပန်းကန်အကုန် တောထဲမှာသုံးသလိုလေးတွေချစ်စရာလေး။ နောက်ပြီး သူ့စီမှာ ရေချိုးခန်း၊ အိမ်သာ တကယ် သန့်တယ် လုံးဝသပ်သပ်ရပ်ရပ်လေး အိမ်သာဆိုလဲ ဘိုထိုင်ရော၊ မြန်မာထိုင်ရော အဆင်ပြေတာတက်ပဲ။ ရေချိုးခန်းမှာဆိုလဲ ဆပ်ပြာ၊ ခေါင်းလျှော်ရည် တစ်ခါသုံးသွားပွတ်တံ စုံစုံလင်လင်ဖြည့်ပေးထားတယ်

တောထဲဆိုတော့ အိမ်သာ၊ ရေချိုးခန်း ကောင်းပါ့မလားစိတ်ပူနေခဲ့တာ ဂျီးများတဲ့ မင်မင့်အတွက်တောင် တကယ်အဆင်ပြေတယ်။❤️

Location & ခရီးလမ်းကြောင်း🛣️

မှော်ဘီထဲမှာဆိုတော့ ရန်ကုန်နဲ့နီးတယ်။ ပန်းတစ်ပွင့်တောင်သွားတဲ့လမ်း၊ အရှင်ဆေကိန္နဘုန်းဘုန်းကျောင်းနဲ့တစ်လမ်းထဲပဲ သူကတော့နဲနဲ အထဲပိုရောက်တယ်။

လမ်းကောင်းတယ် ကားမောင်းရအဆင်ပြေတယ်။ လမ်းမှာလဲ ရှုခင်းလှသလိုလိုရှိတယ်။✔️

ဈေးနှုန်း🤑

Day Package နဲ့ Night Package ဆိုပြီး နှစ်မျိုးရှိတယ်။ မင်မင်တို့ကတော့ နေ့ချင်းပြန်ဆိုတော့ တစ်ယောက်ကို ၂သောင်းလောက်ပဲကျတယ်။

အစားအသောက်ရော Camp တွေ‌ရော အားလုံးအပြီးစီးဆိုတော့ တန်တယ် ပြောရမယ်။ အသေးစိတ်ကိုတော့ မင်မင် comment မှာပြပေးမယ်နော်။👇❤️
နိဂုံးချုပ်အနေနဲ့ပြောရရင် အားလုံး လိုတရ ပြီးပျော်ရွှင်စရာကောင်းတဲ့ Day Trip လေးတစ်ခုဖြစ်ခဲ့ပါတယ်။🥰

သွားကြည့်ပါ နောင်တမရနိုင်ဘူး အိမ်ထဲမှာနေရတာအရမ်းကြာနေပြီဆိုတော့ ခဏလောက်တော့ မြို့ပြကထွက်ပြေးပြီး သစ်ပင်တွေကြားက သန့်ရှင်းလတ်ဆတ်တဲ့လေကို ရှူကြည့်ပါ။🌟

ဓာတ်ပုံလှလှလေးတွေအများကြီးရိုက်ခဲ့ပါ။📷

ခရီးတွေသွားလို့မရခင် မြို့ထဲကနေမနီးမဝေးလေးဆိုပေမယ့် ရောက်သွားတဲ့အခါ မြို့ပြနဲ့ခြားနားမှု ဆိတ်ငြိမ်မှုရဲ့အရသာကိုအပြည့်အဝခံစားရမှာသေချာပါတယ်။💯

Crd:Snow ❄️
Photo Crd:

06/04/2022

04/04/2022

01/04/2022

30/03/2022

24/03/2022

23/03/2022

22/03/2022

22/03/2022

21/03/2022

18/03/2022

14/03/2022

10/03/2022

01/03/2022

17/02/2022

10/02/2022

04/02/2022

02/02/2022

25/01/2022

20/01/2022

18/01/2022

17/01/2022

14/01/2022

13/01/2022

10/01/2022

07/01/2022

06/01/2022

05/01/2022

03/01/2022

28/12/2021

27/12/2021

23/12/2021

17/12/2021

16/12/2021

15/12/2021

Address

Website

Alerts

Videos

Shortcuts

Share