Know Gedeo People

19/06/2024

የሴቶችና ህፃናት ጉዳዮች መምሪያ "የሕፃናት የትምህርት ተሳትፎ ጥራት ማሳደግ ጊዜዉ አሁን ነዉ" በሚል መሪ ቃል የአፍሪካ ህፃናት ቀን እያከበሩ ነው

#ዲላ #ግንቦት 28/2016 ዓ.ም
ሴቶችና ህፃናት ጉዳዮች መምሪያ "የሕፃናት የትምህርት ተሳትፎ ጥራት ማሳደግ ጊዜዉ አሁን ነዉ" በሚል መሪ ቃል የአፍሪካ ህፃናት ቀን በአፍሪካ ለ34ኛ ጊዜ እንደ ሀገራችን ኢትዮጵያ ደግሞ ለ33ኛ ጊዜ የሚከበረውን የአፍሪካ ህፃናት ቀን በደማቅ እያከበሩ ይገኛሉ።

የጌዴኦ ዞን ብልጽግና ፓርቲ ፓለቲካና የህዝብ ግንኙነት ዘርፍ ዳይረክቶሬት ዳይረክቴር አቶ ዳንኤል ፀጋዬ መድረኩን በመሩበት ሰዓት እንዳስተላለፉት ብልጽግና ፓርቲ ሰው ተኮር እንደመሆኑ የህፃናት ህይወት ጉዳይ በቀዳሚነት ያሳስበዋል ለዚህም ለዜጎች ምቹና ሀገርን የሚያሻግር ትውልድ የሚፈጠርበትን አውድ መፍጠር ከዚህ የሚጀምር በመሆኑ ዛሬ የህጻናት ቀን በሚከበርበት አጋጣሚ ሁሉም የምጠቅበትን ኃላፊነት ጭምር የሚወስድበት ነው ብለዋል።

በየደረጃው የሚያጋጥሙ የበጀት እና የሎጅስትክ ችግር ለመፍታት ወደ መንግስት ብቻ ከመመልከት ይልቅ በአደረጃጀት መፍታት ስለምቻል አመለካከት እና ቁርጠኝነት ማስተካከልን ይፈልጋል ያሉት አቶ ዳንኤል በፓርቲ ሥር ተደራጅተው የሚገኙ የትኛውም የሴቶች አደረጃጀቶች ውጤት በሚያመጣ መልኩ ሥራቸውን ማከናወን አለባቸውም ብለዋል።

የጌዴኦ ዞን ሴቶችና ህፃናት መምሪያ ምክትል ኃላፊ ወ/ሮ ዘመናይ ህርባዬ በተለያየ አጋጣሚ ህፃናት ያለአግባብ ተወልዶ የሚጣሉበት እና ከሰበዓዊነት የጎደሉ ተግባራት ሲፈጸሙ ይስተዋላሉ ይህንን ሁኔታ ከአካባቢያችን በዘላቂነት ለማስወገድ ቀኑን ከማክበር ባሻገር ሁሉም አካል ኃላፊነቱን መወጣት አለባቸው ብለዋል።

የህፃናትን ትምህርት ጥራት ያለው እንዲሆን አስቀድመን የህፃናትን ደህንነት መጠበቅና ከጉልበት ብዝበዛ መጠበቁ መቅደም አለበት ያሉት ወ/ሮ ዘመናይ በየአካባቢው የሚስተዋለው የህፃናት ዝውውር የመከላከል ሥራ በትኩረት መሰራት አለባቸውም ብለዋል።

ወ/ሮ ዘመናይ አክለውም ከሚመለከታቸው ሰክቴሮች ጋር በቅንጅት በመሥራት በተለይም ከህግ ጉዳዮች ጋር ለሚፈጠሩ ችግሮች ከፍትሕ ተቋማት ጋር፣ እንዲሁም ለሰብዓዊ ድጋፎች ከሰራተኛና ማህበራዊ ጉዳይ ጽ/ቤት ጋር በቅርበት ተግባቦት በመፍጠር ችግሮችን መቅረፍ ያስፈልጋል ብለዋል።

እያንዳንዱ ወረዳዎችና ከተማ አስተዳደሮች ከበጀታቸው ላይ ቋሚ ድጋፍ በማድረግ በድንገት በጎዳና ላይ የሚጣሉ ህፃናት በቅቱ እየተነሳ ተገቢውን ሰብዓዊ ድጋፍ እንዲያገኙ መደረግ አለበትም ብለዋል።

እለቱን በማስመልከት መምሪያው ከዲላ ከተማ ለተወጣጡ አቅመ ደካማ እናቶች የምግብ ዱቄት ስጦታ ተሰጥቷል።

በመድረኩ መጨረሻም በእቅድ አፈጻጸም የተሻሉ የሆኑትን ወረዳና ከተማ አስተዳደሮች ማበረታቻ የምስክር ወረቀት ተበርክቶላቸዋል። ዘገባው የጌዴኦ ዞን ብልጽግና ፓርቲ ሚዲያና ህዝብ ግንኙነት ነው።

11/05/2024

https://www.facebook.com/100094547891585/posts/296341950194066/?app=fbl

20/03/2023

የጌዴኦ ዞን ምክር ቤት 4ተኛ ዙር 22ኛ መደበኛ ጉባኤ ማካሄድ ጀመረ
#ዲላ መጋቢት 11/2015 ዓ/ም
የጌዴኦ ዞን ምክር ቤት 4ተኛ ዙር 22ኛ መደበኛ ጉባኤ በዲላ ከተማ ማካሄድ ጀምሯል ።
ጉባኤዉን በንግግር ያስጀመሩት የምክር ቤቱ ዋና አፈ ጉባኤ ወይዘሮ ምስጋና ዋቃዮ በዞኑ ባለፉት ስድስት ወራት በተከናወኑ ስራዎች ላይ የምክር ቤቱ አባላት ጥልቅ ዉይይት እንደሚያደርግ ገልጸዋል ።
ምክር ቤቱ በቀረበው በ5 አጀንዳዎች ላይ ይመክራል ተብለው ይጠበቃል ።
በአሁን ሰዓት የ6 ወር የዞኑ የስራ አስፈፃሚ ሪፖርት በዞኑ ዋና አስተዳዳሪ በአቶ አብዮት ደምሴ በመቅረብ ላይ ይገኛል።
ምክርቤቱ 4ኛ ዙር 22ኛ መደበኛ ጉባኤውን ከዛሬ ጀምሮ ከመጋቢት 11-13/2015 ዓ/ም ድረስ እንደሚያካሂድ ለማወቅ ተችሏል።
በጉባኤው የምክር ቤቱ አባላት ፣ የመንግስት ስራ አስፈፃሚ አካላት ፣ የሐይማኖት አባቶችና የሀገር ሽማግሌዎች መገኘታቸውን የዘገበው የጌዴኦ ዞን የመንግስት ኮሙኒኬሽን ጉዳዮች መምሪያ ነው ።

02/02/2023

14/12/2022

በቡና ግብይትና ጥራት ቁጥጥር ላይ ሁሉም ባለድርሻ አካላት ትኩረት ሰጥተው ቢሠሩ ለዞኑም ሆነ ለሀገሩ የሚያመጣው የእኮኖሚው ፋይዳ ከፍተኛ መሆኑን ተገለጸ።
ዲላ፣ ታህሳስ 04/2015 ዓ.ም
የጌዴኦ ዞንና የሁሉም ወረዳ የቡና ግብይትና ጥራት ቁጥጥር ግብረ ሀይል የጋራ የምክክር መድረክ በዲላ ከተማ ተካሔደ ።
መድረኩ በቀጣይ ቀሪ ሥራዎች ላይና ትኩረት በሚሹ ጉዳዮች ላይ አቅጣጫ እንደሚያስቀምጥ የታሰበው መሆኑን ተገልጸዋል።
በዞኑ በ2015 ዓ.ም ዕቅድ ዘመን 32.873 ቶን ቡና ለማዕከላዊ ገበያ ለማቅረብ ታቅደው እስከ አሁን 3.303 ቶን ቡና ወደ ገበያ መላኩን ተጠቆመ።
ይህን ዕቅድ ለማሳካት ከአምራች አርሶአደር እስከ ፀጥታ ሀይል ድረስ ያሉ የተለያዩ አካላት ተቀናጅተው በመስራት ለዚህ ውጤት መብቃቱን የግብር ሀይል ሰብሳብና የጌዴኦ ዞን አስተዳዳሪ ገለጹ ።
የዞኑ ዋና አስተዳዳሪ አቶ አብዮት ደሞሰ ለታዳምዎቹ ሲናገሩ የቡና ባለበት እኛ ነን በሚል ስሜት የድጋፍና የክትትል ሥርዓታችን በተጠና መንገድ ማስከድ እንዳለበትና በሠንሰለት ተያይዘው የሚከናወነው ለብነት ከሥሩ መቆረጥ አለበት ብለዋል።
የቡና ግብይትና ጥራት አሰባሰብ ላይ ቡና የት ነው ያለው ብለን ኦዲት ማድረግና ቡናን ለማሰባሰብ የንቅናቄ መድረክ መፍጠር አለብን ብለዋል ዶ/ር ዝናቡ ወልድ የጌዴኦ ዞን ምክትል አስተዳዳሪና የጌዴኦ ዞን የግብርና መምሪያ ሀላፊ ።
በቡና ግብይትና ጥራት ላይ እንደችግር ከሚታዩት ጉዳዮች መካከል በየአካባቢው የሚሠሩ ሕገወጥ የቡና መፈልፈያ ማሽን በርካታ ሕገወጥ ጥቁር ገበያ ነጋዴዎች እየተበራከተ መምጣቱን ከተለያዩ አካባቢ የመጡ ተሳታፊዎች አስተያየታቸውን ሠጥተዋል።
በቀጣይ በዚህ ሕገወጥ ድርጊቶች በሚካሔደው ወረዳዎችና አካባቢዎች ላይ ልዩ ትኩረት ተሠጥተው እንዲሠራ ሁሉም አካላት በመግባባት ላይ መድረሱን የዘገበው የጌዴኦ ዞን መንግሥት ኮሙንኬሽን ጉዳዮች መምሪያ ነው።

01/12/2022

በቡና ግብይት ስርዓት ላይ የሚስተዋሉ ችግሮች ለመፍታትና ጤናማ የሆነ የገበያ ትስስር በመፍጠር የአርሶአደሩን ተጠቃሚነት ለማረጋገጥ እየተሰራ ነዉ፦የክልሉ ቡናና ሻይ ቅመማ ቅመም ባለስልጣን
(ዲላ፣ ህዳር 21/2015 ዓ.ም )
ግብይት ስርዓት ላይ የሚስተዋሉ ችግሮች በመፍታትና ጤናማ የሆነ የገበያ ትስስር በመፍጠር የአርሶአደሩን ተጠቃሚነት ለማረጋገጥ እየሰራ እንደሆነ የደቡብ ክልል ቡናና ሻይ ቅመማ ቅመም ባለስልጣን አስታውቋል ።
ባለስልጣኑ በቡና ግብይት ስርዓት ላይ የሚታዩ ክፍተቶች ጤናማ ለማድረግ ከቡና ላኪዎች ፣ ከፋይናንስ ተቋማትና ከባለ ድርሻ አካላት የምክክር መድረክ በጌዴኦ ዞን በዲላ ከተማ አካሂዷል።
በምክክር መድረኩ በቡና ግብይት ስርዓት ላይ እየተስተዋሉ ያሉ ችግሮችን ለመፍታት ያስችል ዘንድ ቡና ላኪዎች ፣ የፋይናንስ ተቋማትና ባለ ድርሻ አካላት በጋራ በመቀናጀት መስራት ይገባል ተብሏል።
አሁን ላይ በሁሉም አካባቢ የግብይት ስርዓቱ ወጥ አለመሆኑ በአምራቹና በነጋዴዎች ዘንድ ክፍተት እየፈጠረ እንደሆነም ነዉ በዘርፉ የተሰማሩ ቡና አዘጋጆች በወቅቱ የገለፁት ።
ይህ ችግር ካልተቀረፈ አርሶአደሩ ፣ነጋዴም ይሁን ሀገርቱ የሚታገኘዉን ገቢ ከማጣትም ባለፈ በቡና ምርት ላይ ከፍተኛ ጉዳት ያስከትላል ብለዋል።
እየተስተዋሉ ያሉ ክፍተቶችን ለመቅረፍ የሁሉም ተሳትፎ እንደሚያስፈልግ የደቡብ ክልል ቡናና ሻይ ቅመማ ቅመም ባለስልጣን በተካሄደው የምክክር መድረኩ ላይ ጠይቀዋል ።
ዘገባው የጌዴኦ ዞን የመንግስት ኮሙኒኬሽን ጉዳዮች መምሪያ ነዉ

01/12/2022

Staf of Gedeo zone science & information technology

17/10/2022

የሰንደቅዓላማ ፍቅርና ክብር ከእናት ከአባቶቻችን በክብር እንድወርስነዉ ለቀጣዩ ትውልድ በክብር ማውረስ ይገባናል ሲሉ የጌዴኦ ዞን ምክር ቤት ዋና አፈ ጉባኤ ወይዘሮ ምስጋና ዋቃዮ ገለፁ
(ዲላ ጥቅምት 7/2015 ዓ.ም ) የጌዴኦ ዞን ምክር ቤት ዋና አፈ ጉባኤ ወይዘሮ ምስጋና ዋቃዮ ይህንን የገለፁት 15ኛው የሰንደቅ ዓላማ ቀን በጌዴኦ ዞን በዲላ ከተማ በተከበረበት ወቅት ነዉ።
የሰንደቅዓላማ ፍቅርና ክብር ከእናት ከአባቶቻችን በክብር እንድወርስነዉ ለቀጣዩ ትውልድ በክብር ማውረስ ይገባናል ያሉት ዋና አፈ ጉባኤዋ ዜጎች ለሀገራቸው ያላቸው ፍቅርና ብሔራዊ ስሜት ለሰንደቅ ዓላማ በሚሰጡት ክብር ልሆን ይገባል ብለዋል ።
በተለይ ሰንደቅዓላማ በሚሰቀልበትና በምወርድበት ጊዜ ይሰጥ የነበረ ክብር በአንዳንድ አካባቢ እየቀነሰ መምጣቱን ያነሱት አፈ ጉባኤዋ ህብረተሰቡ ከዚህ ግንዛቤ በመዉጣት ለብሄራዊ ምልክቱ ተገቢውን ክብር ሊሰጥ ይገባል ሲሉም ገልጸዋል ።
15ኛው የሰንደቅ ዓላማ ቀን በጌዴኦ ዞን በዲላ ከተማ ከፍተኛ የመንግስት የስራ ሃላፊዎችና የጸጥታ አካላት በተገኙበት ''ሰንደቃላማችን የብዙሃነታችን መገለጫ የሉዓላዊነት ምሶሶ ! '' በሚል መሪ ቃል መከበሩን የዘገበው የጌዴኦ ዞን የመንግስት ኮሙኒኬሽን ጉዳዮች መምሪያ ነዉ ።

19/09/2022

የተቸገሩትን ወገኖች መርዳት ኢትዮጵያዊነትን የበለጠ የሚያጎላ በመሆኑ ሁሉም በዚህ ተግባር የበኩሉን ልወጣ ይገባል ተባለ
ዲላ መስከረም 6/20145 ዓ/ም የተቸገሩት ወገኖች መርዳት ኢትዮጵያዊነትን የበለጠ የሚያጎላ በመሆኑ ሁሉም በዚህ ተግባር የበኩሉን ልወጣ እንደሚገባ የጌዴኦ ዞን ሳይንስና ኢንፎርሜሽን ተክኖሎጂ መምሪያ ሃላፊ አቶ አብነት አክልሉ ገልጸዋል ።
ሃላፊው ይህንን የገለጹት ከመምሪያው ማናጅመንት አባላትና ሠራተኞች ጋር በጋራ በመሆን በጨለለቅቱ ከተማ በመገኘት የወይዘሮ ባቲ ገመዴ ቤት የመገንባት ተግባር ባከናወኑበት ወቅት ነዉ።
የበጎ ስራ የህልውና እርካታ የምሰጥ ከመሆኑም ባሻገር ኢትዮጵያዊነትን የበለጠ የሚያጎላ ነዉ ያሉት አቶ አብነት የተቸገሩ ወገኞች የመደገፍ ስራ የዕለት ተዕለት ተግባር ልሆን እንደሚገባ ገልጸዋል ።
ይህንን ተግባር በሁሉም ዘርፍ አጠናክረው ከማስቀጠል ጎን ለጎን በተለይ ጧርና ደጋፊ የሌላቸው ለመደገፍ በሚደረገው ጥረት የተቀናጀ ርብርብ እንደሚያስፈልግ ነዉ በወቅቱ የተገለጸው ።
በዘንድሮው ክረምት ወራት በተጀመረው የበጎ ተግባር ስራ የተለያዩ ስራዎች ማከናወኑን የገለፁት የጨለለቅቱ ከተማ አስተዳደር ከንቲባ አቶ ተመስገን አበበ የተቸገሩት ወገኖችን ለመርዳት የዞኑ ሳይንስና ኢንፎርሜሽን ተክኖሎጂ መምሪያ በከተማ በመገኘት ላደረገው ድጋፍ አመስግነዋል ።
ቤታቸው የተገነባላቸዉ የጨለለቅቱ ከተማ ነዋሪ የሆኑት ወይዘሮ ባቲ ገመዴ ከዚህ ቀደም ረጂና ጧሪ አጥተው በቤት ምከንያት ሲቸገሩ መቆየታቸውን በመጥቀስ ለተደረገዉ ድጋፍ ምስጋናቸውን አቅረበዋል ።
መምሪያው ቤት የመገንባት ተግባር ከማከናወን ባለፈ የዱቀት፣የዘይትና የተለያዩ የቤት ውስጥ መገልገያ ቁሳቁስ ለወይዘሮ ባቲ ገመዴ የዞንና የወረዳ ከፍተኛ የመንግስት የስራ ሃላፊዎች በተገኙበት ድጋፍ ማድረጉን የዘገበው የጌዴኦ ዞን የመንግስት ኮሙኒኬሽን ጉዳዮች መምሪያ ነዉ።

01/09/2022

ከአማራ ክልል ለልምድ ልውውጥ በመጡ ጎብኝዎች የጌዴኦ ጥምር እርሻ ሲጎበኝ

09/08/2022

የሶፍትዌርና የዌብሳይት ልማት አቅም ማሳደግ ለማህበራዊና ለኢኮኖሚያዊ መስተጋብሮች ጉልህ ሚና አለው

(ዲላ፣ ሰኔ 28-2014 ዓ/ም) የሶፍትዌርና የዌብሳይት ልማት አቅም በማሳደግ ለማህበራዊና ለኢኮኖሚያዊ መስተጋብሮች ጉልህ ሚና አለው ተብለዋል።

የጌዴኦ ዞን ሳይንስና ኢንፎርሜሽን ቴክኖሎጂ መምሪያ የሶፍትዌርና የዌብሳይት ልማት አቅም ለማሳደግ ስልጠና እየሰጠ ይገኛል።

የመምሪያው የሶፍትዌርና ድረ-ገጽ ልማትና አስተዳደር ዳይሮክቶሬት ከዞን፣ ከወረዳ እና ከተማ አስተዳደር ለተወጣጡ የዌብሳይት ባለሙያዎች የድረ-ገጽ ልማት ስልጠና በመስጠት ላይ ይገኛል።

ስልጠናው የአንድን ማህበረሰብ ኢኮኖሚ፣ ኢንቨስትመንት፣ ማህበራዊ መስተጋብሮች እና ክንዋኔዎች ለዓለም በማስተዋወቅ ረገድ ጉልህ ድርሻ አለው ተብለዋል።

አሁን ላለው ዓለምአቀፍ ሁኔታ ዉስጥ ዌብሳይት ቀልፍ ሚና እንዳለው የሚታወቅ ነው።

የጌዴኦ ዞን ሳይንስና ኢንፎርሜሽን ቴክኖሎጂ መምሪያ የሶፍትዌር ሲስተም ቡደን መሪ አቶ ትዕግሥቱ ደለለዉ መምሪያው በየደረጃው ላሉ የዌብሳይት ባለሙያዎች እየሰጠ ያለው ስልጠና በዞናችን ዉስጥ ያሉ የኢንቨስትመንት አማራጮችን ለዓለም ሃገር ለማስተዋወቅ ይረዳል ብለዋል።

የባህል ክንዋኔዎችና ግኑኙነትቶችን ስነምህዳራዊ ሁኔታዎችን በአግባቡ ለማደርጀትና ለቀረው ዓለም ለማስተዋወቅ ያግዝ ዘንድ ታሳቢ ተደርጎ የሚሰጥ ስልጠና እንደሆነ ተጠቅሰዋል።

ሰልጣኞቹ ከስልጠናው ከሚያገኙት እዉቀት በየወረዳዎቹና ከተማ አስተዳደር ዌብሳይት ማልማት ይጠበቅባቸዋል ተብለዋል።

14/06/2022

በጌዴኦ ዞን ካሉት ምቹ የሆቴል አገልግሎቶች በጥቂቱ

16/05/2022

በጌዴኦ ዞን ከሚገኙ የቱሪስት መስህቦች በጥቂቱ

01/04/2022

https://www.facebook.com/100003652246016/posts/2610310342434015/

26/03/2022

የኢትዮጵያ ኢኮኖሚ ለማዳከም የረቀቀ ኤች አር 6600 ዉሳኔ እንዳይተላለፍ የጌዴኦ ዞን የምክር ቤት አባላት በአደባባይ በመዉጣት ተቃዉሟቸዉን አሰሙ

መጋቢት 17/2014 ዓ.ም
የጌዴኦ ዞን የምክር ቤት አባላት ኤች አር 6600 ሕግ በኢትዮጵያ እንዳይፀድቅ በአደባባይ በመዉጣት ተቋዉማቸዉን አሰምተዋል ።

ኤች አር 6600 በኢትዮጵያና በአሜሪካ ለረጅም ጊዜ የቆየውን ግንኙነት የሚጎዳና ያለዉን ነባራዊ እዉነታ ያልተረዳ መሆኑን የምክር ቤት አባላት ገልጸዋል ።

ለዚህም ረቅቅ ሕጉ እንዳይጸድቅ በመላው አለም የሚገኙ የጥቁር ሕዝብ ለኢትዮጵያ ድምጽ እንዲሆኑ አባላቱ ጥር አቅርበዋል ።

ዘገባው የጌዴኦ ዞን የመንግስት ኮሙኒኬሽን ጉዳዮች መምሪያ ነዉ።

24/03/2022

የዲላ ከተማ ሳይንስና ኢንፎርሜሽን ቴክኖሎጂ ጽ/ቤት ከመጋቢት 12/2014 እስከ መጋቢት 24/2014 ዓ.ም ጀምሮ ለ ስምንት ሴክተር መ/ቤቶች ለተወጣጡ ባለሙያዎች የመጀመሪያ ዙር መሰርታዊ ኮምፒውተር ስልጠና እየሰጠ መሆኑን የክፍሉ ዳይሬክቶሬት ይገልጻል ።በከፊል ሰልጣኞች

23/03/2022

መጋቢት 13/2014 ዓ.ም
ችግሮችን በዘላቂነት የሚፈታ ቴክኖሎጂን ለመፍጠር ያልተገደበ ትጋትና የማይረካ ጥማት ያስፈልጋል፡- የጌዴኦ ዞን ሳይንስና ኢንፎርሜሽን ቴክኖሎጂ መምሪያ

ችግሮችን በዘላቂነት የሚፈታ ቴክኖሎጂን ለመፍጠር ያልተገደበ ትጋትና የማይረካ ጥማት እንደሚያስፈልግ የጌዴኦ ዞን ሳይንስና እንፎርመሽን ቴክኖሎጂ መምሪያ ገለጸ፡፡

የጌዴኦ ዞን ሳይንስና ኢንፎርመሽን ቴክኖሎጂ መምሪያ ከዞኑ ትምህርት መምሪያ ጋር በመሆን በሳይንስና ቴክኖሎጂ ፈጠራ ስራዎች ክበባት አደረጃጀቶችና በአዕምሮአዊ ንብረት ጥበቃ ዙርያ ላይ በሳይንስና ቴክኖሎጂ እንዲሁም ኢኖቬሽን ሴክቴር ተዋናዎችና ባለድርሻ አካላት፣ ለባለሙያዎችና ለአመራሮች ግንዛቤ የማስጨበጫ ስልጠና በዲላ ከተማ አካሂዷል፡፡

መድረኩን በንግግር ያስጀመሩት የጌዴኦ ዞን ሳይንስና ኢንፎርመሽን ቴክኖሎጂ መምሪያ ኃላፊ አቶ አብነት አክሊሉ ሁሉም መዋቅሮች ተልዕኳቸውን በውጤታማነት መወጣት እንዲችሉ እንዲሁም ወጥ የሆነ የአሰራር ስርዓት እንዲኖር አመራሩንና ፈጻሚውን መሰረታዊ ግንዛቤ ማስጨበጥ ተገቢ በመሆኑ ስልጠና መዘጋጀቱን ገልጿል፡፡

ችግሮችን በዘላቂነት የሚፈታ ቴክኖሎጂን ለመፍጠር ያልተገደበ ትጋትና የማይረካ ጥማት ያስፈልጋል ያሉት ኃላፊዉ መምሪያዉ ለለዉጥ ከሚሰሩ ተቋማት ጋር በቅንጅት ለመስራት ሁሌም ዝግጁ መሆኑን ገልጿል፡፡

የክልሉ ሳይንስና ፈጠራ ስራዎች ድጋፍና ክትትል አቅም ግንባታ ዳይረክቶሬት ዳይሬክተር አቶ አምደወርቅ ዘመዱ ስልጠናውን የመሩት ሲሆን ለዞኑ ማህበራዊና ኢኮኖሚያዊ ልማት ጉልህ አስተዋፅኦ የሚያደርጉ የሳይንስና የኢንፎርሜሽን ቴክኖሎጂ ስራዎችን ለህብረተሰቡ በአግባቡ በማልማት፣ በመተግበርና በማስፋት ክልላዊ ብሎም አገራዊ የተወዳዳሪነት አቅምና በቴክኖሎጂ የዳበረ የአሰራር ስርዓት መፍጠር ይጠበቅበታል ብሏል፡፡

የዞኑን ኢኮኖሚ የሚያሳድግ፣ ችግር ፈቺ የሆኑና ልማቱ የተፋጠነና ዘላቂነት እንዲኖረው እገዛ ለማድረግ የሚያስችሉ የኢኖቬሽን ተግባራትን የሚያከናውኑ የፈጠራ ባለሙያዎችን በመደገፍና በሳይንስና ቴክኖሎጂ መስክ ፈጠራን የማላመድ ስራዎችን በማጎልበት የኢኖቬሽንና የቴክኖሎጂ ሽግግር እንዲኖር ተቋሙ በትኩረት እየሰራ እንደምገኝ ተገልጿል፡፡

በሳይንስና ቴክኖሎጂ ክበባት ስራ እንዲሁም የሳይንስ ሳምንታት አከባበር ዙሪያ የተዘጋጀ የስልጠና ሰነድ ቀርቦ ዉይይት ተደርጓል፡፡

በስልጠናው ከሁሉም መዋቅር የሳይንስና ቴክኖሎጂ እና ኢኖቬሽን ሴክተር አመራሮችና ባለሙያዎ፣ የትምህርት ልማት ባለሙያዎች እንዲሁም የሳይንስና የፈጠራ ስራዎች ክበባት ተወካይ መምህራን ተሳትፈዋል ሲል የዘገበዉ የጌዴኦ ዞን መንግስት ኮሙኒኬሽን ጉዳዮች መምሪያ ነው፡፡

27/01/2022

የቱሪስት መስህቦች

የጌዴኦ ዞን በውስጡ በርካታ የጎብኚዎችን እይታ የሚስቡ የቱሪዝምና ባህላዊ ሀብት ባለቤት ሲሆን በዞኑ የሚገኙ የቱሪስት መስህቦችም በሶስት ይከፈላሉ ፡፡ እነርሱም ታሪካዊ ፣ተፈጥሮአዊና ባህላዊ መስህቦች ይመደባሉ፡፡
የጌዴኦ ዞን ከሌላ አካባቢ ለየት የሚያደርገው የሶስቱም አይነት መስህብ መገኛ በመሆኑ ነው ፡፡ ዞኑ የበርካታ ታሪካዊ መስህብ ባለቤት በመሆኑ የሀገር ውስጥና የውጭ ሀገር ቱሪስቶች ይጎበኙታል ፡፡ በዞኑ ከሚገኙ ታሪካዊ መስህቦች የመጀመሪያ ደረጃ የያዘው ሰው ሰራሽ ታሪካዊ የትክል ድንጋይ ቅርሶች ሲሆኑ ትክል ድንጋዮችም የጌዴኦን ብሔር ባህልና ታሪክ የሚገልጹ ናቸው ፡፡
ከአለም ከሚገኙት 10,000 ትክል ድንጋዮች ከ 6000 ትክል ድንጋይ በላይ በጌዴኦ ዞን በመገኘቱ ዞኑ በትክል ድንጋይ ክምችትና በታሪካዊ መስህብነት የመጀመሪያ ደረጃ የሚይዝ ዞን ነው ፡፡ በጌዴኦ ዞን የሚገኙት ትክል ድንጋዮችም የጌዴኦን ብሔር ማንነት ፣ባህልና ጥንታዊ የስልጣኔ ሂደት የሚያንጸባርቁ ናቸው ፡፡ በዞኑም የሚገኙት ትክል ድንጋዮች ሶስት አይነት ቅርጽ ያላቸው ሲሆኑ አንደኛው በሰው ወንድ ብልት የተቀረጸ ወይም /Ph***ic stelae/ ሁለተኛው በሰው ፊት ሀምሳያ የተቀረጹ/ Anthropomorphic stelae/ ሶስተኛወ በአራት መአዘን /poly derik phase/ የተቀረጹ ትክል ድንጋዮች ናቸው ፡፡ እነዚህ በአራት መአዘን የተቀረጹትን ትክል ድንጋዮች በአሁን ጊዜ ቅርጽ ለማውጣት የዘመኑን የመጨረሻ ቴክኖሎጂ የሚጠይቅ በመሆኑ የጥንት ሰዎች በወቅቱ የነበራቸውን የስልጣኔና ቴክኖሎጂ ዕድገት የሚገልጽ ነው ፡፡
እነዚህ ማራኪና የብሔሩን የጥንት ስልጣኔና ወግ የሚገልጹ ቅርሶችን ለመጎብኘት ቱሪስቶችና የጥናትና የምርምር ባለሙያዎች ዞኑን በመጎብኘት ላይ ይገኛሉ ፡፡ በአጠቃላይ የትክል ድንጋይ ቅርሶች የራሳቸው ትርጓሜ ያላቸውና የብሔሩን ታሪክ ወግና ባህል የሚያንጸባርቁ ናቸው ፡፡ ለምሳሌ በሰው ወንድ ብልት ቅርጽ ያላቸው ወይም Ph***ic ትክል ድንጋዮች የብሔሩን ከጥንት ጀምሮ ይዞ የመጣውን ታሪክ ወግና ባህል ወይም ቱርፋቶችን የሚገልጹ ታሪካዊ ቅርሶች ናቸው ፡፡