13/12/2022
දඹුල්ල
මධ්‍යම පළාතේ, මාතලේ දිස්ත්‍රික්කයේ මහනුවර සිට සැතපුම් 29ක් පමණ දුරින් දඹුල්ල විහාරය පිහිටා ඇත. මාතලේ - අනුරාධපුර මාර්ගයේ යනවිට පෙනෙන, සිතට සැනසුම ළඟා කරන ලොව විශාලම, වැඩ හිඳින බුද්ධ ප්‍රතිමාව හා අලුත් විහාරය දඹුල්ලේ කරන ලද නවතම නිර්මාණයකි. අඩි 11758ක් උස දඹුලු ගලේ රන්ගිරි දඹුල්ල නිමවා තිබේ. ස්වාභාවිකව පිහිටි මේ විහාරයේ ලෙන් 5කි. බුද්ධ ප්‍රතිමා, රාජ ප්‍රතිමා ඇතුළු ප්‍රතිමා 154ක් මෙහි දැකගත හැකිවන අතර එ්වා කළුගල්, ගඩොල්, ලී ආදියෙන් නිමවා ඇත. ලෙන් සිවිලිම හා ආවරණ බිත්ති සෑම එකකම චිත්‍ර ඇඳ අලංකාර කිරීම මෙහි ඇති විශේෂත්වයකි. මෙවැනි සිතුවම් රාශියක් එකවර දැකගත හැකි එකම විහාරය රන්ගිරි දඹුල්ලයි. ක්‍රි.පූ 137 - 119 අතර අනුරාධපුරයේ රජකම් කළ දුටුගැමුණු රජුගේ සොහොයුරු සද්ධාතිස්ස රජු මේ ලෙන් විහාර සාදා සඟ සතු කර පූජා කළ බවට එක් මතයක් පවතී. තවත් මතයකට අනුව වළගම්බා රජු විසින් මෙය සාදා පූජා කර ඇත.
Credit- e-thaksalawa.moe.gov.lk
https://www.e-thaksalawa.moe.gov.lk › ...
දඹුල්ල - E-Thaksalawa
