Visit Shimane - 日本島根

23/12/2023

✨日本火車便當🍱，你冇理由唔嘗試吓🙆🏼？ ＃一文字家

「一文字家」係一間百年歷史售賣便當嘅公司。當中除咗有火車便當外🚃，更有活動用嘅便當，午餐便當等種類提供。呢間公司售賣嘅便當都係選用島根縣嘅食材🗾。 更因為呢個原因獲得非常好嘅評價👍🏾。

當中最推薦大家一試就有「島根牛肉味噌玉子丼🐮」、「境港水產市場 蟹與蜆的壽司飯🦀」同 「出雲神話街道 貴安便當🧚🏿‍♀️」。「島根牛肉味噌玉子丼」限定於10月至3月發售，仲曾於便當大會中嘅「好味便當問卷調查」中取得第一名📈。 而「境港水產市場 蟹與蜆的壽司飯」就用上境港嘅紅雪蟹肉同島根縣獨有嘅蜆製作而成🍚，當中嘅壽司醋飯以鄉土料理煮法去製作而成🍣。

最後， 「出雲神話街道 貴安便當」係10月至3月期間限定兼需要事前預約，材料非常豐富🍙，包括有用醋醃嘅蟹棒，煮鰻魚同赤貝，炸白飯魚等，最特別係附上2支100ml嘅日本酒🍶。一 支係甜味而有濃郁口感嘅「國暉」，另一支會係帶有醇厚香味但偏辣味嘅「湖上之鶴」。如果唔飲留返做手信都係唔錯嘅選擇👏。

【JR松江駅　シャミネ松江　縁結び通り　駅弁売店】
⭐地址：松江市朝日町伊勢宮472-2
⭐營業時間：07:30 ～ 19:30

【JR松江駅　シャミネ松江　縁結び通り　出雲そば　たたらや】
⭐地址：松江市朝日町伊勢宮472-2
⭐營業時間：11:00 ～ 20:00

【カフェ・レスト　びぶるⅡ】
⭐地址：松江市東津田町1741-3
⭐營業時間：08:30 ～ 17:00
⭐定休日：星期六及日，公眾假期

👇詳情可以Inbox我哋，或者參考呢度👇
https://ichimonjiya.jp/product2

＃日本 #島根縣 #松江市 #島根牛肉味噌玉子丼 #火車便當 #松江站 #蟹 #沒有不去的理由

圖片來源 : しまね観光ナビ、合資会社　一文字家

21/12/2023

✨去日本唔食高級和牛牛肉，又點對得住自己呀😔？ #島根和牛

神戶牛、松坂牛、飛驒牛呢啲大家就食得多😎，島根和牛我諗大家未必認識。其實島根和牛喺日本國內好出名同被評為最高級品質和牛🥩，係咪好想試吓呢？ 今次小編就介紹「烤肉餐廳 彌山堡🧆 」俾大家去品嚐吓啦！呢間餐廳喺島根葡萄酒廠內🥂，所以除咗可以品嚐島根和牛外，仲可以配合酒廠內釀製嘅葡萄酒一齊享用🍷。

餐廳分別有1號館，2號館同新館，可以容納大約500名食客，非常寬敞。再加上建築物以南歐風設計，會令人有置身於海外嘅感覺🏵。至於食物上，會以島根和牛為主，提供定食或BＢＱ嘅選擇🍖。例如一個套餐有齊３個部位都只係3000日圓，性價比實在太高呢💵！

最後一定要講餐廳位置，唔好以為酒廠就一定山旮旯咁遠。大家只要由出雲大社坐巴士🚍只需要７分鐘車程就到步，下次去出雲大社前後，就順便去埋餐廳食個飯啦✌🏽！

【ベキューハウスシャトー弥山】
⭐地址：出雲市大社町菱根264-2
⭐營業時間：10:30 ～ 18:30 （LO：18:00）
⭐電話 ：0853-53-5577

👇詳情可以Inbox我哋，或者參考呢度👇
https://www.shimane-winery.jp/facilities/misen/

＃日本 #島根縣 #島根葡萄酒廠 #ベキューハウスシャトー弥山 #烤肉餐廳彌山堡 #出雲大社 #葡萄酒 #沒有不去的理由

圖片來源 : しまね観光ナビ

19/12/2023

✨電車迷集合🚂！！島根縣都可以係電車迷不能錯過嘅地方😁＃柴油火車

想體驗吓1960年代，充滿懷舊風情嘅日本冬天景色☃️，就唔可以錯過嚟津和野町啦！
嚟緊聖誕同1月頭將會推出期間限定柴油火車🚇 「DL 聖誕號 (DLクリスマス号)」同「DL津和野稲成號 」。呢２架車會喺JR新山口站（山口縣）同JR津和野站（島根縣）之間行駛🎢。

以往呢條路線係蒸氣火車行駛，但因為維修嘅關係🛠，所以今個冬天就將柴油火車臨時復活💮。
因為柴油火車嘅時尚外觀會令人一見難忘😁，所以好多人會想再度前嚟觀賞或乘搭呢👀！

詳細如下：
(1) DL 聖誕號 (DLクリスマス号)
⭐運行日子：2023年12月23日（六）・24日（日）
⭐運行路線：JR新山口站～JR津和野站（山口線）※1日只有1班來回
⭐運行時間： JR新山口站 10時50分開出＞JR津和野站 12時58分到達
JR津和野站15時54分開出＞JR津和野站17時38分到達

(2) DL津和野稲成號
⭐運行日子：2024年1月1日（一）～ 3日（三）
⭐運行路線： JR新山口站～JR津和野站（山口線）※1日只有1班來回
⭐運行時間： JR新山口站 10時50分開出＞JR津和野站 12時58分到達
JR津和野站15時54分開出＞JR津和野站17時38分到達

👇詳情可以Inbox我哋，或者參考呢度👇
https://www.westjr.co.jp/press/article/items/221109_01_press_christmas.pdf

＃日本 #島根縣 #ＤＬ津和野稲成号 #電車迷 #蒸氣火車 #津和野 #沒有不去的理由

圖片來源 : しまね観光ナビ

16/12/2023

✨暖住腳仔遊船河睇風景😁，可能舒服到唔捨得落船 ＃ #堀川遊覧船

冬天坐船又凍又大風，大部份人都會好唔鍾意🥶。但今次介紹嘅遊覽船⛵，可能令你坐到唔想起身。「堀川遊覧船」係一個圍繞松江市嘅船。只要坐呢個船，你就可以睇到松江市歷史、自然、城市嘅一面呢👍。松江市被稱為水都💧，市內有多條水道貫通，所以大家可以利用大概50分鐘嘅時間坐船仔🚤，就可以睇盡松江城嘅不同面貌呢。而喺冬天時❄️，船內會放置咗被爐（こたつ），大家上船除鞋之後👣，就可以將腳同半身放入被爐內，咁你個人仲點會凍呀🌞？一邊睇風景，一邊同大家揮手打招呼👋🏼，一邊聽船家講歷史同唱民謠🎤，有時因為橋仲矮過遊覽船屋頂，所以要一齊壓低個頭過，不知不覺船程就完，你話係咪又精彩又舒服到唔願落船啦🤟🏼！

【ぐるっと松江堀川めぐり】
⭐上船地方：松江堀川廣場、京店KARAKORO廣場、大手前廣場
⭐營業時間 ：[12月1日～2月28日] 09:00～16:00，每隔30分鐘出航
⭐乘船費用：大人1600日圓，高、中學生1300日圓，小學生800日圓，每名成人可带一名幼兒免費乘船

👇詳情可以Inbox我哋，或者參考呢度👇
https://www.matsue-horikawameguri.jp/language/ch/index.html

＃日本 #松江市 #松江城 #遊覽船 #堀川 #水都 #被爐 #沒有不去的理由

圖片來源 : しまね観光ナビ

14/12/2023

✨西日本等緊你哋啦🉐！仲唔快啲使用 Discover Another Japan Pass 去享受最大優惠🎇

「Discover Another Japan Pass（景點周遊券）」 係一張可以於大阪、廣島、島根、鳥取等9個縣使用🗾。只要手持呢個pass就可以免費入場山陰山陽，以及關西嘅人氣觀光景點多達70個以上，另外仲有30個旅遊設施優惠🎊。

如果鍾意藝術嘅朋友仔，就唔可以錯過島根縣嘅足立美術館🏛。大自然嘅愛好者就可以去山口縣嘅秋芳洞探索🛤。鐘意喺大城市玩嘅人可以考慮去大阪嘅通天閤🗼，不論以上邊個景點，只要拎住呢個Pass，你都可以全部去晒✌🏽。

呢個Pass最適合自由行又會喺關西機場或福岡機場入境嘅旅客👌🏽。當中9個縣都用到嘅Pass，分別有３、5、7日可選擇，最平只係需要6000日圓/1大人就可以買到👏🏽！

👇詳情可以Inbox我哋，或者參考呢度👇
https://www.into-you.jp/daj/zh-TW/about/
https://sanin-japan.com/zh-tw/dajp/

＃日本 #島根縣 #景點周遊券 #足立美術館 #山陰山陽 #關西機場 #福岡機場 #沒有不去的理由

West Japan awaits! 🗺️ Get yourself a Discover Another Japan pass and SAVE BIG on travel expenses. 💸

Covering nine prefectures including Osaka, Hiroshima, Shimane, and Tottori, the Discover Another Japan pass gives you access to over 70 popular attractions and 30 travel coupons around Sanyo and San'in Region. Art lovers can visit Adachi Museum in Shimane, nature lovers can explore the Akiyoshi Cave in Yamaguchi, and city lovers can travel to the Tsutenkaku Tower in Osaka with just one pass! 🤩

The pass is great for FIT travellers, especially those entering through Kansai International Airport or Fukuoka Airport. Passes are available for 3, 5, and 7 days starting at JPY6000 or around SGD55 each. Plus, it's currently on a Buy One, Free One deal on the Changi Recommends website for a limited time! Click the link below for details.

Visit Changi Recommends website: https://bit.ly/47zq634
Discover Another Japan Pass: https://sanin-japan.com/dajp/

*Terms and Conditions apply.

12/12/2023

✨白色冬天🎅🏽，當然要滑埋雪先係完美呢🏂🏽 #琴引フォレストパークスキー場

當每個人滑雪都去北海道，白馬，新潟縣🗾，你有冇諗過其實島根縣都有得滑， 仲要唔係只得一個滑雪場呢？今次介紹其中一個嘅「琴引森林公園滑雪場」。佢有唔同程度嘅滑雪道，不論你係初學者定係高級者👵🏼，總會有一條適合你嘅滑雪道。另外， 會提供「雪橇專用滑雪道」同兒童公園等設施，就算小朋友👶🏼唔滑雪都唔會悶，真係啱晒一家大細去嘅滑雪場。

最重要喺滑雪場內有人工造雪機❄️同人工降雪機，擔保你冬天到訪實會有雪睇到🙊，影到，滑到🏂🏿，玩到呢。 今年滑雪場將於12月22日開始營業，預計3月頭會完結，今個冬天出發嘅你又點可以錯過☃️?

【琴引森林公園滑雪場】
⭐地址：飯石郡飯南町佐見1151
⭐營業日期：2023年12月22日～ 2024年3月(預計)
⭐營業時間：08:30～16:30

👇詳情可以Inbox我哋，或者參考呢度👇
http://ski.kotobiki.co.jp/?cat=2

＃日本 #島根縣 #飯石郡 #飯南町 #島根縣滑雪場 #初學者 #高級者 #冬天限定 #雪橇 #沒有不去的理由

圖片來源 : しまね観光ナビ

09/12/2023

✨每年冬天限定嘅食蟹小店🦀，點可以錯過? 🦧＃松江かにいち

由2013年開始,，每年冬天開始營業嘅食蟹小店🦀，今年改咗公司營運，又改咗名，但係無影響佢哋繼續供應「蟹」呢個主題俾大家呢。因為大家都希望有多啲款式同提供料理嘅關係， 所以今年唔再以蟹鍋為主，而改咗係大家可以買松葉蟹🦀，當地嘅魚🐡，魷魚🦑等海鮮嚟燒呢。除咗燒海鮮外，好似蟹湯🍲，蟹壽司🍣，刺身，烏冬🍜等料理都有售賣，包你食到飽一飽先走。

提提大家， 喺揀好食物俾曬錢先坐低食呢， 而且收款方式非常多💸，例如：信用卡💳，Apple pay甚至icocac卡等等，咁食幾多都唔使怕帶唔夠錢呢🙌🏽！

【松江かにいち】
⭐地址：松江港灣内白鳥號月台附近
⭐營業日期：2023年12月1日～ 2024年2月25日
⭐營業時間：11:00～21:00（LO 20:30）
⭐定休日：12月31日～ 1月4日

👇詳情可以Inbox我哋，或者參考呢度👇
https://www.instagram.com/kani_ichi23/

＃日本 #島根縣 #松江港灣 #松葉蟹 #蟹湯 #蟹壽司 #食蟹 #冬天限定 #蟹 #沒有不去的理由

圖片來源 : しまね観光ナビ

07/12/2023

✨去日本旅行當然要入住日式旅館👘，食日式料理🍣，浸熱辣辣溫泉♨️ ＃佳翠苑皆美
小編都知道日式旅館大家都住得多，點解今次咁想介紹俾大家？當然有特別之處先會介紹呢💮。 「佳翠苑皆美」可以享用嘅溫泉就係有「神之湯🧚🏼」之稱嘅玉造溫泉♨️，如果你唔想全身浸，佢有只係浸手同腳嘅「手湯🤚」同「足湯🦶」。另外，呢度仲有日式庭園同美術品展示廳⛩。

另外呢個日式庭園隨著四季會有不同景色，獲得唔少好評🎢，好似美國出版專講日本庭園同建築物雜誌都有評論過，所以有時間的話，不妨喺「茶藏樂」一邊飲茶🍵一邊眺望庭園靚景呢！加上美術品展示廳都係一個有趣嘅地方，除咗展示美術品外，仲係大家浸完溫泉休息嘅地方🏖，入面居然仲有提供健康茶俾大家品嚐👍🏻。

一間酒店就有咁多設施，記得早啲入住，盡情享受啦🤟🏻！

【佳翠苑皆美】
⭐地址：松江市玉湯町玉造1218-8
⭐交通 ：從JR玉造溫泉駅坐的士5分鐘到達(另於15:00-18:00有接送服務，需事先預約)
⭐電話號碼：0852-62-0331

👇詳情可以Inbox我哋，或者參考呢度👇
https://www.kasuien-minami.jp/lg_tw/

＃日本 #松江市 #玉湯町 #玉造溫泉 #手湯 #足湯 #神之湯 #沒有不去的理由

圖片來源 : しまね観光ナビ

05/12/2023

✨可以體驗成為刀匠嘅博物館🔥 ⚒ #奥出雲たたらと刀剣館

《鬼滅之刃》嘅動畫當中😍，刀匠們喺炎爐前專心致志為滅鬼隊製刀嘅英姿魅力十足😲，相信有唔少人都想了解更多有關真實嘅情況~😏

喺島根縣仁多郡奥出雲町嘅刀劍文物展覽館「奥出雲たたらと刀剣館」除咗會展出各種名刀之外🍴，亦都係製鐵嘅資訊館，唔單止會展出1比1嘅「吹踏鞴製鐵製造機」模型👏，嚟介紹以前打製鐵嘅環境，當中更有用嚟壓縮空氣令製鐵機保持高溫嘅「箱鞴」💨，仲可以畀小朋友參與其中體驗製鐵嘅過程👓。

除咗參觀之外，館內仲會有日本刀鍛錬示範🔪，遊客不但能夠感受到炎爐嘅炎熱🔥，以及玉鋼嘅重量，更可以嘗試作為刀匠去用鐵槌打擊玉鋼⚒，眼前飛舞嘅火花🎇同亮度會令你留下深刻印象🧠~

【奥出雲たたらと刀剣館 】
⭐地址：島根縣新田郡奧出雲町橫田1380-1
⭐營業時間：9:30-16:30
⭐定休日：每週一（如遇假日則順延至隔日）、年末年初（12月28日～1月4日）
⭐入場費: 大人（高中生以上）530日圓 / 中，小學生260日圓

👇詳情可以Inbox我哋，或者參考呢度👇
https://okuizumo.org/jp/guide/detail/208/

＃日本 #島根縣 #新田郡 #奧出雲町 #刀劍文物展覽館 #鬼滅之刃 #製鐵 #日本刀 #沒有不去的理由

圖片來源 : しまね観光ナビ

02/12/2023

✨開始踏入冬天⛄️，閃閃發亮嘅燈飾🎅🏽又出現啦 PART 2 #亮燈活動

PART 1後當然有PART 2，小編今次會介紹埋另外3個心水地方🉐，俾大家喺呢個冬天感受色彩繽紛🌈嘅夜晚！!

1.《石正美術館　いわみの冬至祭　光の回廊2023》
⭐地址：浜田市三隅町古市場589
⭐亮燈日期：12月05日至12月24日
⭐休息日：星期一
⭐亮燈時間：室內 09:00-17:00 室外 (只於星期六晚上) 日落～22:00
⭐入場費：免費 **如需觀覽展示室，需付入場費
https://www.kankou-shimane.com/events/31954

2.《日本庭園 由志園 イルミネーション 黄金の島ジパング》
⭐地址：松江市八束町波入1260-2
⭐亮燈日期：11月11日至01月14日
⭐夜間休息日：12月27日-1月1 日
⭐亮燈時間： 平日 以及 12 月1-26日 日落～20:00
假日 日落～20:30
⭐夜間入場費：成人 1200日圓/中小學生 600日圓
https://www.yuushien.com/event/2024winter/lightup.html

3. 《松江フォーゲルパーク　ウインターナイトフェスティバル2023》
⭐地址：松江市大垣町52番地
⭐亮燈日期：12月16-17日，23-24日，28-30日
⭐整個樂園亮燈時間：17:00～21:00
⭐入場費：成人 1650日圓／中小學生830日圓
https://www.kankou-shimane.com/events/31952

👇詳情可以Inbox我哋，或者參考呢度👇
https://www.kankou-shimane.com/pickup/6734.html

＃日本 #島根縣 #松江市 #浜田市 #濱田市 #燈飾 #冬天 #亮燈 #沒有不去的理由

圖片來源 : しまね観光ナビ

30/11/2023

✨去旅行都感受文化氣息嘅你😙＃島根縣藝術文化中心 GRANDTOIT

一般去旅行最先諗到係飲飲食食🍛，浸個溫泉♨️，爆買幾隻喼🛍，有無諗過會去吓藝術館呀？

「島根縣藝術文化中心 GRAND TOIT」係一個美術館同劇場融為一體，就算係日本都係難得一見嘅複合設施🏢。另外，建築物嘅外牆同屋頂用左大約28萬片當地出產嘅石州瓦片建成，非常有震撼力🏫，再加上一入門口嘅中庭位置有個大水池⛲️，模仿中世紀歐洲廣場打造。只係呢幾點已經夠吸引大家到訪啦！
咪以為係複合設施，美術館同劇場嘅裝潢就會隨便🤦🏾‍♀️，其實每一間都有特別設計，配為不同表演同展覽，確保大家可以得到最高級同與眾不同嘅享受👍🏼。當然， 逗留時間耐咗，就會想食個飯買下野，喺呢度都會有提供🤲🏼。

最後提提大家， 11月中至12 月中， 呢度會有燈飾可以觀賞同拍照留念🤳🏼，留足全日都無問題👌🏼。

【島根県芸術文化センター グラントワ】
⭐地址：益田市有明町5番15号
⭐營業時間：08：45—22：00
⭐定休日：每月第2同第4個星期二，年頭年尾

【石見美術館】
⭐營業時間：09：30—18：00
⭐定休日：星期二，年頭年尾

【いわみ芸術劇場】
⭐營業時間：09：00—22：00
⭐定休日：每月第2同第4個星期二，年頭年尾

👇詳情可以Inbox我哋，或者參考呢度👇
https://www.grandtoit.jp/

＃日本 #島根縣 #益田市 #島根県芸術文化センターグラントワ #複合設施 #石州瓦片 #燈飾 #美術館 #劇場 #沒有不去的理由

圖片來源 : しまね観光ナビ

28/11/2023

✨開始踏入冬天⛄️，閃閃發亮嘅燈飾🎅🏽又出現啦 PART 1 #亮燈活動
雖然香港仲未凍，但日本已經低於10度啦🌬！冰凍嘅冬天下❄️，最令人期待嘅活動就係睇燈飾💡，每年11月中到12月頭左右會開始舉行，而島根縣當然都會有呢🛫！小編今次私心先推薦3個地方🉐，俾大家係呢個冬天感受色彩繽紛🌈嘅夜晚啦！

1.《グラナリエ2023 in グラントワ》
⭐地址：益田市有明町5-15 (於Grand Toit中庭廣場內)
⭐亮燈日期：11月15日至12月25日
⭐休息日：11月28日和12月12日
⭐亮燈時間：日落～21:00
⭐入場費：免費
https://www.grandtoit.jp/grandtoit_event/5288

2.《浜田駅周辺イルミネーション》
⭐地址：由濱田車站前廣場至萬燈山公園
⭐亮燈日期：11月23日至02月29日
⭐亮燈時間：17:00～21:00
⭐入場費：免費
https://www.city.hamada.shimane.jp/www/contents/1694582266756/index.html

3. 《かけイルミ2023 ～掛け合う想いに燈を灯す～》
⭐地址：雲南市掛合町掛合1800-2 (於宇都井車站附近)
⭐亮燈日期：11月25日至12月27日
⭐亮燈時間：17:30～22:00
⭐入場費：免費
https://www.kankou-shimane.com/events/31952

👇詳情可以Inbox我哋，或者參考呢度👇
https://www.kankou-shimane.com/pickup/6734.html

＃日本 #島根縣 #雲南市 #濱田車站 #益田市 #燈飾 #冬天 #亮燈 #沒有不去的理由

圖片來源 : しまね観光ナビ

25/11/2023

✨天氣涼涼哋🌬，又係時候浸個溫泉♨️ ＃三瓶溫泉 ＃国民宿舎さんべ荘

一講起島根溫泉，大部份人都會諗起玉造溫泉呢♨️！但其實島根縣有好多美肌溫泉地方，而且因為多優質天然溫泉嘅關係👍，所以有「溫泉天國」嘅美譽🤴。為左令大家可以識多啲其他溫泉，今次小編為大家介紹👉「三瓶溫泉」。「三瓶溫泉」位於國立公園三瓶山上⛰，其特徵係有豐富嘅鐵質🦾、鹽分同炭酸嘅溫泉。

只要入住國民宿舎三瓶莊，就可以享用到三瓶溫泉🛀🏻。如果你唔想入住，只係去浸吓都可以。 大人入場費都只係650日圓💳，就可以享受例如有露天岩風呂、酒樽型、舟型風呂等16-17種類嘅溫泉施設🚿。夜晚入場的話， 仲可以觀賞住繁星去浸⭐。
當然去旅行就唔想煩要走嚟走去，直接喺三瓶莊入住，想幾時浸就幾時浸。房間款式仲可以簡要西式或日式🛌🏿，晚餐仲可以食到當地新鮮食材烹煮嘅會席盛宴🥂。大家又點可以錯過入住體驗吓🤹‍♀️！

【国民宿舎さんべ荘】
⭐地址：大田市三瓶町志学2072-1
⭐電話 ：0854-83-2011

【即日溫泉體驗】
⭐營業時間：10:30-21:00 (最後受理時間 20:00)
⭐休息日：不定期
⭐費用： 成人(中學生以上) 650日圓，65歲以上(平日) 600日圓，小學生400日圓，幼兒(至3歲) 200日圓

👇詳情可以Inbox我哋，或者參考呢度👇
https://www.kankou-shimane.com/destination/20383

＃日本 #島根縣 #大田市 #溫泉天國 #さんべ #三瓶莊 #溫泉 #國民宿舎三瓶莊 #沒有不去的理由

圖片來源 : しまね観光ナビ

23/11/2023

✨去旅行當然要食字行頭🍚，唔好執輸🎯 ＃持石海陽王國

香港人去日本除咗鍾意食牛🐮之外，海鮮🦑都係大家嘅不二之選。今次小編為大家搜羅咗一間可以食BBQ又可以食海鮮嘅餐廳🍽️。

「持石海陽王國」係建於海邊🌊，仲要外面睇係架用船嘅餐廳⛴️，概念係大家可以好似係船上望住無敵大海景用餐🍲，但又唔怕會搖吓搖吓又暈船浪🌌。當中所有海鮮菜單都係根據當日有咩新鮮海鮮以去制作🦀。 假如有唔食海鮮嘅朋友仔都唔怕🦞，餐廳仲有其他料理可以提供， 例如：咖哩同薄餅🥘。另外，鍾意BBQ嘅話🔥，呢度都可以提供所有爐具同用具，當然仲可以係度買食材，超級方便😝。
最後要提提大家，記得食嘢時，唔好忘記得閒望吓個海💦，因為好運嘅話係可以見到海豚🐬呢！

【持石海陽王国】
⭐地址：益田市高津町ロ563-2
⭐電話 ：0856-22-0059
⭐餐廳營業時間：11:00-14:30/17:00-21:00

👇詳情可以Inbox我哋，或者參考呢度👇
https://www.kaiyououkoku.jp/

＃日本 #島根縣 #益田市 #持石海陽王国 #海鮮 #海豚 #海景餐廳 #沒有不去的理由

圖片來源 : しまね観光ナビ、 持石海陽王国

21/11/2023

✨去旅行都唔好錯過買買買🛍，首飾店你又啱唔啱 #出雲縁大社本店

「出雲」以神話之國而聞名👼🏼，當中「出雲大社」嘅神更係專門掌管愛情和婚姻👰🏼🤵🏼，所以好多求姻緣或者想愛情更堅固嘅人都會前往🙇🏼‍♀️。

喺神社附近有一間叫「出雲縁」嘅首飾店💍 ，以出雲作為設計靈感，推出原創嘅介指同頸鏈💎。除咗可以購買外， 仲可以親手製作⛏。不論係一人製作代表出雲到此一日以作紀念嘅介指定係將會結婚嘅戀人嘅結婚對介💒，呢度都有唔同工作坊嚟對應， 而且普通介指制作時間只需要1小時左右🉐， 就可以即時拎走，難怪咁多人會參加。
下次到出雲大社後，不妨到店舖睇吓，可能就多一件紀念今次旅行嘅禮品💯。

【出雲縁　大社本店】
⭐地址：出雲市大社町杵築南769
⭐電話 ：0853-31-6122
⭐營業時間：平　日 11：00—17：00
週末和公眾假期 11：00—18：00
⭐定休日：星期四，年頭年尾

👇詳情可以Inbox我哋，或者參考呢度👇
https://izumoen.jp/

＃日本 #島根縣 #出雲市 #大社町 #出雲縁 #原創首飾 #工作坊 #介指 #頸鏈 #出雲大社 #沒有不去的理由

圖片來源 : しまね観光ナビ、 （一社）出雲観光協会

18/11/2023

✨上個月介紹完摘蜜柑，今個月介紹摘😏 ＃蕃茄🍅

可能你會話屋企都種到同摘到嚟食😛，又有咩特別呀？【LPC素食農場】位於安來市，特別在將蕃茄種植於喺溫室內，飲島根縣嘅水😚，曬島根縣嘅太陽🤗，一年只有2次收成期，現場仲有8款全日本罕見嘅品種提供，最重要係放題形式供應🧚，真係想食幾多就幾多，你絕對可以食到飽先走🤣。

農場內有手信店， 當中蕃茄雪糕係最出名🍦，因為太好吃嘅關係💁‍♀️，仲可以【郵寄宅配】到全日本，記得放題完後唔好錯過呢。
今年12月開始，有機會農場會提供摘士多啤梨嘅服務🍓，大家都可以勿切留意吓呢！

【株式会社LPCベジタリアファーム】
⭐地址：安来市穂日島町112
⭐營業時間：9:00～17:00
⭐電話 ：0854-21-9000

【蕃茄放題】
⭐營業日期：10月7日至12月頭（予定）星期六和日
⭐營業時間：09:30-11:00/13:00-15:00
⭐費用： 成人1500日圓，小學生以下500日圓，3歲以下免費
https://minoritomato.urkt.in/ja/direct/offices/339/courses

👇詳情可以Inbox我哋，或者參考呢度👇
https://www.kankou-shimane.com/bihadaken-uruoi/report/experience/659/

＃日本 #島根縣 #安来市 #トマト狩り #蕃茄雪糕 #放題 #溫室種植 #農場 #沒有不去的理由

圖片來源 : しまね観光ナビ

16/11/2023

✨仲未決定去邊到賞楓🍂？ #鰐淵寺 嘅紅葉隧道又啱唔啱你？

「鰐淵寺⛩️ 」位於出雲市嘅平田市北面，有成400幾年嘅歷史🐉。嗰名嘅由來係智春上人喺修行時，唔小心將法器掉入河中，咁啱被河中嘅鯊魚🦈 ，用鰭將法器執到仲還俾智春上人而來。

咪以為呢度只係有歷史嘅寺廟，其實都係島根縣出名睇紅葉嘅勝地🍂 ，特別係行108級石梯到根本堂嘅呢條路🛤️，密麻麻嘅楓樹形成咗一條紅色隧道❣️，超級漂亮💎，猶如入咗異次元世界咁🤡 。假如你喺銀杏時期嚟，隧道就會變成黃色💛，頓時變得夢幻到童話世界一樣🧚‍♀️。
如果你去嘅時間已經開始落葉🌬️，咁你就可以感受紅葉飄落🍁 ，踩住一大片楓葉地氈嘅體驗。

能夠有咁多種嘅體驗，難怪會成為當地人氣嘅賞楓景點，仲唔快啲MARK低佢✍️！

【鰐淵寺】
⭐地址：出雲市別所町148
⭐電話 ：0853-66-0250
⭐營業時間：08:00-17:00 (最後入山手續時間為16:15)
⭐入山費：大人500日圓/ 中學生300日圓/小學生200日圓
⭐停車場：有

👇詳情可以Inbox我哋，或者參考呢度👇
https://www.kankou-shimane.com/destination/21686

＃日本 #島根縣 #出雲市 #紅葉隧道 #楓葉地氈 #銀杏 #紅葉 #楓葉 #鬼滅之刃 #玉日女命 #沒有不去的理由

圖片來源 : しまね観光ナビ、 （一社）出雲観光協会

14/11/2023

✨松江市民最愛的B級隱世美食🥰 #炸豬扒飯 #西洋軒

松江市當地有好多美食，當中出雲蕎麥麵為最有名。但有一樣B級隱世美食，可能係松江市出身嘅日本人先會知😎，就係西式餐廳 — 西洋軒嘅「炸豬扒飯🐷」！

點為之B級美食？意思係唔使用高級食材、親民又受歡迎嘅料理🥢，而味道通常會偏濃嘅🤯。至於炸豬扒飯起源其實來至大阪一間叫「大井食堂」嘅餐廳。當年因為店舖好忙，又無咩蔬菜可以提供🥦，所以就創作咗呢個簡單又可以快速烹調嘅炸豬扒飯🐖，而餐廳西洋軒就係松江市內提供炸豬扒飯嘅始祖👆。

呢間餐廳擁有90年歷史，由以前到依家提供嘅味道都無變過🙆‍♀️。喺熱辣辣白飯上🍚放剛炸起嘅豬扒，然後再淋上大量日本獨有啡色多蜜醬（Demi-glace sauce），招牌炸豬扒飯就完成啦！豬扒就當然會挑選用島根縣產嘅豬呢。而醬汁就用牛唔同部位嘅肉或骨🐂再加上不同種類嘅蔬菜🥬用3星期嘅時間去煮，將所有牛同菜嘅精華都煮晒出嚟，只係睇都已經好吸引了😋。

除咗食之外，餐廳仍然保留90年代嘅裝潢，打吓卡都係唔錯嘅選擇🤳。

【レストラン 西洋軒】
⭐地址：松江市片原町111
⭐營業時間：11:30-1400，17:30-19:30
⭐休息日：星期日
⭐電話 ：0852-22-3434
⭐停車場：有

👇詳情可以Inbox我哋，或者參考呢度👇
https://www.kankou-matsue.jp/omoshiro/matsuekatsurice

＃日本 #島根縣 #松江市 #レストラン西洋軒 #炸豬扒飯 #カツライス #松江カツライス #沒有不去的理由

圖片來源 : しまね観光ナビ、 （一社）松江観光協会

11/11/2023

✨當你懷念算盤時💁🏽， 有冇諗過整一個獨家嘅俾自己🧮？ #そろばんと工芸の館

奧出雲町係生產算盤嘅產地之一🧮，當中「雲州算盤」被日本國家指定為傳統工藝品。雖然喺電子計算機普及嘅呢個年代🖩，算盤基本上已經係無人用🙅。但佢哋為咗承傳呢個技術同工藝，依然堅持用人手一個一個製作🧏‍♂️。呢份心意💟同精神，真係好值得大家學習👍🏻。

館內除咗有展示區，個人訂造同購買之外，仲可以現場觀賞製作過程同一齊製作屬於獨一無二嘅算盤，呢個體驗仲係老少咸宜👨‍👨‍👧‍👧都可以做到呢。 喺呢個近代小朋友都唔認識算盤嘅年代，帶領佢哋一齊製作，一齊聽返公公婆婆🧓🏻👵🏻用算盤嘅歷史，於旅行中係一件又特別又有意義嘅事呢👏🏻！

【そろばんと工芸の館 （雲州そろばん）】
⭐地址：仁多郡奥出雲町下横田76-5
⭐電話 ：0854-52-0839
⭐營業時間：9：00～17：00
⭐休息日：星期六，日，公眾假期，年頭年尾

👇詳情可以Inbox我哋，或者參考呢度👇
https://unsyusoroban.com/

預約體驗之網站
https://okuizumo.org/jp/plantour/detail/314/
＃日本 #島根縣 #仁多郡 #奥出雲町 #雲州そろばん #そろばん #算盤 #手工藝 #自製 # #沒有不去的理由

圖片來源 : しまね観光ナビ、 一般社団法人奥出雲町観光協会

09/11/2023

✨睇人唔可以睇外表，聽名都唔可以咁表面 #鬼の舌震

「鬼之舌震」😝聽到名就好易聯想到鬼鬼怪怪👻，全部都係恐怖嘅聯想呢👹。

但其實呢個只係島根縣奧出雲町偏僻嘅V字峽谷名🌄🧚🏻。至於嗰名嘅由來有2個講法。 一個係從前有一條鱷魚🐊愛上咗一位靚女女神「玉日女命🧚🏻」，每日為咗見女神一面就會專登由日本海游過嚟🏊🏼。但可惜玉日女命並唔鍾意鱷魚，更用巨石將河道堵塞💀，令鱷魚知難而退。結果見唔到女神嘅鱷魚🐊就一路震脷一路游返大海(唔好問小編點解要震脷👅)，之後呢個地方就稱為戀山，又叫舌震山。第2個講法係因為鱷魚(WANI)同鬼(ONI)嘅日文讀音相似，最後以訛傳訛下就成為今日嘅「鬼之舌震🏔」。

不論由來係點嚟都好， 呢到除咗係每年賞紅葉勝地外🍂，更加係話題之地。因為呢度嘅風景好似之前大熱動漫「 鬼滅之刃」嘅場景，所以聚集咗賞楓嘅人士外， 更有動漫愛好者嚟到訪🌟。

【鬼の舌震】
⭐地址：仁多郡奥出雲町三成宇根
⭐電話 ：0854-54-2260
⭐停車場：有

👇詳情可以Inbox我哋，或者參考呢度👇
https://okuizumo.org/jp/guide/detail/239/

＃日本 #島根縣 #仁多郡 #奥出雲町 #鬼之舌震 #銀杏 #紅葉 #楓葉 #鬼滅之刃 #玉日女命 #沒有不去的理由

圖片來源 : しまね観光ナビ、 一般社団法人奥出雲町観光協会

07/11/2023

✨難得去旅行，享用高級溫泉住宿♨️都不為過 #湯宿草菴

去日本旅行，最多人想做嘅活動就係食好嘢同浸溫泉♨️，但一定有啲朋友仔好怕去大浴場同其他人玉帛相見🙅🏽。如果你有呢個顧慮的話， 今次介紹嘅高級住宿「湯宿草菴🏠」就絕對適合你。

「湯宿草菴」提供嘅溫泉係「日本三美人之湯👩🏻」其中一個嘅「湯之川溫泉💧」。旅館保證所有溫泉水都係由泉源直接提供， 無任何加熱、加水同循環使用嘅情況，真係純天然嘅溫泉水💦。旅館設有15間房間，當中有6間房係設有私人溫泉🛀🏽，真係可以24小時幾時浸都得。至於其他房間嘅旅客就會係使用出面嘅貸切溫泉。話明貸切就姐係只係借俾你哋一家人或一班人使用👨‍👩‍👧‍👧，唔需要同任何唔識嘅人一齊浸。咪以為貸切溫泉就無房間附設嘅溫泉靚， 5個貸切溫泉都各有主題同設計👩🏻‍🎨，想享受晒真係要住多幾日。至於膳食方面，係冇一個固定菜單。全部都係睇當日有咩新鮮食材，然後由主廚發辦，煮俾旅客食，確保大家都可以食到最新鮮美味嘅菜式🦀。

最後想介紹俾大家就係旅館嘅風景，一年四季都可以見到唔同嘅景色🌈。春天就係櫻花🌸，夏天係綠油油嘅景象🍀，秋天會係紅葉🍁，冬天當然係雪景☃️，真係足不出戶就可以睇到當時季節嘅特色😆。

【湯宿草菴】
⭐地址：出雲市斐川町学頭1491
⭐電話 ：0853-72-0226
⭐停車場：有

👇詳情可以Inbox我哋，或者參考呢度👇
hhttps://www.yuyado-souan.jp/

＃日本 #島根縣 #出雲市 #高級溫泉住宿 #私人溫泉 #湯宿 #沒有不去的理由

圖片來源 : しまね観光ナビ、 湯宿・草菴

04/11/2023

✨可以拍攝水中倒影嘅「倒銀杏樹同紅葉樹🍁」，又點止一個地方 #酒谷光の里

「酒谷・光の里」其實同之前介紹過嘅金言寺有啲相似💛， 當中都係以可以拍攝到「倒銀杏樹」同「倒紅葉樹」而出名💯。 不過今次嘅銀杏樹只有大約400年歷史， 樹高30公尺🌳，而樹幹環抱嘅長度係5.1公尺左右🧱，但係樹下抬頭觀賞都一樣咁宏偉壯觀👍🏻。至於賞楓嘅位置， 就除咗喺稻田旁會有之外，街道旁都會有🙆🏻， 切密錯過🙏🏻！

由於可以觀賞銀杏同紅葉日子太短嘅關係，所以晚上都會有亮燈效果至9點🌜。同埋因為有打燈關係，反而會令倒影效果更加突出，顏色更加鮮艷奪目🌈，所以會有好多人特登晚上前往打卡影相📸。想去嘅影相嘅人， 記得除咗揀平日同黃昏🌄時分之外，因為日夜溫差同無咩街燈💡嘅關係，著多件衫保暖🧥，再帶埋手電筒🕯都好重要呀🤩！

【酒谷「光の里」】
⭐地址：邑智郡美郷町酒谷
⭐電話 ：0855-75-1330
⭐停車場：有

【亮燈活動】
⭐期間：11月02日至11月17日
⭐時間：每日18:00至21:00

👇詳情可以Inbox我哋，或者參考呢度👇
https://www.all-iwami.com/information/detail_5638.html

＃日本 #島根縣 #酒谷 #光の里 #亮燈活動 #銀杏 #紅葉 #楓葉 #美郷町 #邑智郡 #沒有不去的理由

圖片來源 : しまね観光ナビ、 石見観光振興協議会事務局

02/11/2023

✨道路休息站除咗休息😴，仲可以見到野生海豚⁉️ #道の駅「キララ多伎」

道路休息站KIRARＡ多伎位於島根縣嘅中央位置🛣️，只要沿住國道9號線向西行駛就可以到達🚗。外觀係北歐風紅磚嘅設計🏫，只要行入建築物內，就會見到大大個日本海喺你面前🌊。 朝早風比較少，海面比較平穩時，就係最容易觀賞到野生海豚🐬。 唔想一直曬太陽等☀️， 可以喺休息站內等。如果職員有發現海豚，會用廣播通知所有訪客📡。另外，休息站都係睇日落出名嘅地方🌅，喺室內定室外都一樣欣賞到👀 ，更被評為日本夕陽百選之一呢🎖！

然後休息站一定唔少得特色產品售賣🙌，今次要推介係叫「蓬莱柿」嘅無花果，係屬於希少品種🎰，糖份非常高似足好甜嘅柿嘅味道，果肉柔軟又多汁🧃，就咁食之外，果醬🍓或加工品都非常推薦，買嚟做手信送禮就最啱啦🎁！

其實休息站附近仲有住宿🏨，溫泉♨️，戶外體驗🤾‍♀️等設施，留一日喺休息站玩，完全唔過份🤹‍♀️。

【道の駅「キララ多伎」】
⭐地址：多伎町多岐135-1
⭐休業日：不定休
⭐入館費：免費
⭐停車場：免費
⭐電話 ：0853-86-9080

👇詳情可以Inbox我哋，或者參考呢度👇
https://www.kirara-taki.co.jp/index.php

＃日本 #島根縣 #道路休息站 #道之駅 #多伎町 #蓬莱柿 #野生海豚 #無花果 #沒有不去的理由

圖片來源 : しまね観光ナビ

31/10/2023

✨不經不覺又到銀杏時期，島根都有得睇😶‍🌫️ #金言寺

近幾年大家除咗鍾意到日本睇紅葉🍁，銀杏都係大家追捧影相對象😆當大部份人會去東京影銀杏時🤔，小編就推大家到島根「金言寺」🗣️，拍攝呢一棵樹齡有700年歷史嘅大銀杏樹😻。佢樹高33公尺🌳，而樹幹環抱嘅長度更高達6公尺🧱。

每年10月尾至11月初左右🗓️，銀杏葉會由綠💚轉黃💛。銀杏樹位置剛好喺稻田嘅附近。如果將攝影機放喺稻田前影，就可以影到被陽光照射嘅銀杏樹同水中倒影嘅「倒銀杏樹」🔎，超級夢幻。
至於晚上會有亮燈儀式💫到20：30，於黑暗中，被燈光照射嘅銀杏樹🔦，黃色嘅葉會變成黃金色💰，又係另一種層次嘅美呢。不得不提，呢到仲係獲得「島根縣景觀大賞🏆」嘅景點呢！

【金言寺】
⭐地址：仁多郡奥出雲町大馬木1060
⭐電話 ：0854-54-2260
⭐停車場：有， 另外收費

【亮燈活動】
⭐地址：仁多郡奥出雲町大馬木1060
⭐期間：10月28日至11月5日
⭐時間：日落至20:30

👇詳情可以Inbox我哋，或者參考呢度👇
https://okuizumo.org/jp/guide/detail/1006/

＃日本 #島根縣 #奧出雲町 #亮燈活動 #銀杏 #紅葉 #沒有不去的理由

圖片來源 : しまね観光ナビ、奥出雲町公式観光ガイド

28/10/2023

✨你知唔知點解秋天到樹葉就變色，會變成大家鍾意睇嘅 #紅葉 ?🍁

春夏天咁暖和嘅季節🌷， 葉嘅內部會透過光合作用轉化成能量，所以你會見到葉嘅顏色係綠色🍃。 但係到秋天時，因為日短嘅關係，氣溫會下降❄️， 光合作用產生嘅能量減少🌥，樹木會透過落葉去節省能量🌬。 呢個就係葉會變成黃色同紅色嘅過程同原因🍂。

葉嘅顏色取決於綠、黃💛、紅嘅色素比例，特別係紅色嘅色素❤️會需要適當嘅濕度，所以好多出名睇紅葉嘅地方都會係河邊或者湖邊💧。
島根有9個出名睇紅葉嘅地方🚴🏼，分別有「清水寺」、「由志園」、「鰐淵寺」同「鬼の舌震」等等，可以去觀賞嘅時間為10月尾到12月頭🌟。

👇詳情可以Inbox我哋，或者參考呢度👇
https://www.kankou-shimane.com/pickup/26696.html

＃日本 #島根縣 #銀杏 #安來市 #松江市 #出雲市 #奥出雲町 #美郷町 #大田市 #益田市 #沒有不去的理由

圖片來源 : しまね観光ナビ

26/10/2023

✨一年四季都有嘢野睇嘅日本庭園 🎍 #由志園

相信好多人去「由志園」都係為咗秋天賞楓🍂，冬天嘅亮燈活動☃️。冇辦法啦， 因為真係靚呀👏🏻！庭園周圍都係紅葉樹加埋嗰湖喺中間， 可以影埋水面倒影嘅紅葉相📸。夜晚仲有亮燈儀式，為平日嘅紅葉增加夢幻感🌄。冬天就會用130萬個LED燈大規模裝飾整個庭園🎆，配合不同主題，非常浪漫，仲有機會見到冬天先開花嘅寒牡丹呢🌷！至於夏天☀️，為咗降溫會有冰凍噴霧定時噴灑，令到成個庭園充滿雲海一樣☁️🌊。

然而小編當然要介紹不一樣嘅「由志園」俾大家認識🌝。踏入紅葉期之前，會有一個大型天竺牡丹展💐， 會將10萬朵牡丹花放於池中🌼， 供大家欣賞🔭，超級壯觀又超漂亮，絕對係打卡影相勝地🤳🏽。 其實日本黃金週都有舉辦牡丹花放於池中活動，但品種、顏色、數量都不一樣🙏🏽。

記得影完相後，可以去人蔘茶咖啡廳🍵，試吓高麗人蔘嘅產品，順便可以買埋用牡丹花、甘菊同高麗人蔘提煉嘅護膚產品做手信💊。

【由志園】
⭐地址：松江市八束町波入1260-2
⭐營業時間：10:00～17:00
⭐休園日：12月30日至31日
⭐入園費：大人：800日圓～1,400日圓
小学生～高中生：400日圓～700日圓
(隨季節會不一樣)
⭐電話 ：0852-76-2255

👇詳情可以Inbox我哋，或者參考呢度👇
https://www.yuushien.com/

＃日本 #島根縣 #松江市 #池泉天竺牡丹 #天竺牡丹 #高麗人蔘 #牡丹花 #日本庭園 #人蔘茶咖啡廳 #沒有不去的理由

圖片來源 : しまね観光ナビ

24/10/2023

✨島根縣出雲地區舊曆10月叫 #神在月🌝，你又知點解嗎?

日本早於1800年代係使用太陰曆，1月被稱為「睦月🌖」、2月會係「如月🌗」、10月就叫做「神無月🌚」。但係只有島根縣出雲地方嘅舊曆10月會被稱為「神在月🌝」！
原因係10月入面有1個星期，全國所有嘅神都會離開自己崗位🚴🏿 ，去到出雲市嘅出雲大社集合🙋🏻。呢段期間出雲大社更會舉行特別祭典儀式。

由「神迎祭🌜」作為開始，日落之後會係「稲佐之浜」會點燃篝火🔥 ，然後神社職員會引導所有神進入神社內供奉。據說所有神會係呢段時間商議今年嘅運勢🐵，而希望被祝福嘅人就會由全國各地前往神社⛩。

除咗商議運勢外，神都會舉行宴會，將當地酒藏送嚟嘅酒一齊品嚐🍻。最後會舉行「からさで祭」將各位神送返佢哋自己崗位🙋🏽‍♂️。因為係跟據舊曆舉行嘅關係，所以每年舉辦日期不一🤗， 但基本上都係11月舉行，呢個係大家到訪出雲大社嘅好時機😁。
今年 11月22日就係「神迎祭🌜」， 撞啱時候就嚟見證同參與啦👋！

👇詳情可以Inbox我哋，或者參考呢度👇
https://www.kankou-shimane.com/mag/1013.html

＃日本 #島根縣 #出雲市 #出雲大社 #神無月 #神迎祭 #からさで祭 #祭典儀式 #11月 #沒有不去的理由

圖片來源 : しまね観光ナビ

20/10/2023

✨食生果食得多，但一邊摘一邊食，你又試過未😋？ #やすぎ観光みかん園

好多香港人都鍾意食日本生果🍎，但香港買又貴又未必靚😩，所以想食好嘢就要去日本嘅果園啦🤗！

大多數人去日本果園摘水果都係提子🍇同士多啤梨🍓，但小編今次係介紹大家去摘蜜柑呢🍊，日本嘅蜜柑多汁又帶酸甜🥰，最啱而家秋天乾燥，需要補吓水份嘅季節💧。
唔好以為蜜柑只係得一個品種，同其他生果一樣🍑，係有非常多嘅品種。今次介紹大家去嘅果園就有培植5個品種👏🏼，分別係日南一號、由良早生、小原紅早生、田口早生同日南之姫💪🏼。

每一個品種都各有特色，好似日南之姫，早於9月開始有得食，甜度仲高達12度🙌🏼。唔知邊個品種啱自己👶🏼，咁園內一個鐘頭任食任摘放題就啱晒你啦👍🏼！最重要係放題完後，仲有大約1kg蜜柑俾你拎走做手信🛍️。咁好嘅服務同咁平又新鮮嘅蜜柑，今個秋天會嚟島根縣嘅你，就無理由唔嚟果園吧🍂~

【やすぎ観光みかん園】
⭐地址：島根県安来市恵乃島町12-1
⭐交通：於JR安來站落車，轉乘10分鐘的士到達
⭐電話 ：0854-22-5255

【摘蜜柑價錢】
⭐入園料(1小時任食任摘放題)：中學生或以上 1,700日圓/小學生或以上 1,300日圓/
幼童(3歳以上 1,000日圓 (全包約1kg蜜柑手信)
⭐開園期間：10月14日至11月26日
⭐開園時間：10:00-15:00
⭐定休日：星期一至星期三

👇詳情可以Inbox我哋，或者參考呢度👇
http://www.bluevehicles.info/mikan/index.html

＃日本 #島根縣 #安來市 #みかん #安来市 #蜜柑 #放題 #摘生果 #食べ放題 #沒有不去的理由

圖片來源 : やすぎ観光みかん園

19/10/2023

✨手工製作體驗為旅行增添一點色彩🌈 #石州勝地半紙工房

平時去旅行都係飲飲食食🥂，睇吓風景🔎，行吓景點🚶🏻‍♀️，打過卡🤳🏻呢！有無諗過抽啲時間去做手工製作呢👍?

今次介紹嘅「石州勝地半紙工房」，係由第六代繼承人去承繼「和紙」家業。為咗令更多人認識同將傳統工藝傅承落去🥰，所以設有體驗工房俾大眾去體驗🪓。當中除咗可學用和紙製成明信片、扇同燈💡外， 另外用木頭製作而成嘅筷子🥢同鐘⌚都可以體驗。為咗令製成品更加獨一無二，體驗班客人更可於園內採摘喜歡嘅花草🌷，喺製作和紙途中加入。

工作坊體驗完成後， 如果有時間可參觀手信店🌞，入面有好多都係店家原創嘅和紙商品。當中比較受歡迎有貓用嘅床同屋🏠，如果有養貓嘅朋友不坊考慮一下🐈。

【石州勝地半紙工房】
⭐地址：島根県江津市桜江町長谷2696
⭐營業時間：10:00-18:00
⭐休館日：星期三同星期四
⭐交通：乘搭江津川本線巴士於川戶站落車，預計車程需時35分鐘
⭐電話 ：0855-92-8118

👇詳情可以Inbox我哋，或者參考呢度👇
https://sekishu-kachijiwashi.com/workshop

＃日本 #島根縣 #和紙 #體驗工房 #江津市 #石州勝地半紙 #貓產品 #明信片 #沒有不去的理由

圖片來源 : 石州勝地半紙工房

16/10/2023

✨日本都興活化再用😻，由古民家變成美食餐廳🥘 #風のえんがわ

日本嘅活化再用同我哋香港有啲唔同，日本大部份都係將舊嘅房屋翻新🏠，改為其他用途會比較多。今次介紹嘅係將80年以上歷史嘅民宅翻新，變身成品嚐美食嘅餐廳繼而營運落去。

唔好以為外表古色古香就一定係和食嘅餐廳。其實餐廳係會購入附近嘅漁獲🦞，配上有機無農藥嘅蔬果🥗去製作西式料理，只係睇相已經覺得好吸引。

另外， 店主更為唔同年齡層客人設計適合大家嘅空間。例如小朋友區域就放滿兒童書籍同玩具；然後仲有設置樹屋區域🌳 ，俾鍾意冒險嘅年輕人攀爬同打卡影相🧗🏼‍♀️，長長嘅乘涼走廊同樣啱晒打卡🤳🏻；跟住有日本老年人偏愛嘅鋪席區域🧎🏻‍♀️等等。店主嘅貼心程度👏🏼，小編都要俾個大讚👍🏼。

去旅行都想Chill下嘅話，誠意推介大家到島根縣啦🤗！

【風のえんがわ】
⭐地址：島根県江津市後地町2398
⭐營業時間：11:00-17:30
⭐定休日：星期日以及星期一
⭐電話 ：0855-57-0522

👇詳情可以Inbox我哋，或者參考呢度👇
https://kazenoengawa.work/

＃日本 #島根縣 #江津市 #古民家 #風之緣側 #餐廳 #活化再用 #沒有不去的理由

圖片來源 : 石見観光振興協議会事務局

14/10/2023

✨全國唯一可以住嘅博物館👏 #奥出雲多根自然博物館

去博物館參觀就參觀得多啦～有無諗過住埋喺入面🤩？試想像能夠好似電影「翻生侏羅館」一樣咁夜闖博物館🤟，睇吓恐龍係咪會翻生🦕？

#奥出雲多根自然博物館 就係令你願望成真嘅博物館🌟 。館內一樓係展示稀有嘅古代生物化石，以及島根縣上珍貴嘅岩石同礦物🗿。三至五樓就係住宿嘅地方🛏️。

只要預約喺博物館留宿一晚🌒，仲可以參加「住宿者限定夜訪博物館計劃」🌜。住宿者除咗可以一探夜晚嘅博物館之外，更會免費借出手電筒🔦同望遠鏡🔭俾住客，增加探險嘅氣氛。另外館內更會播放恐龍嘅叫聲同腳步聲🎵，又會播放恐龍突襲嘅影像📽， 再利用燈光效果影射化石或模型營造恐龍翻生嘅感覺📺，不論係大人定係細路都會玩得不亦樂乎👏🏽。

雖然唔可以喺展示化石嘅樓層瞓👋🏽， 但係博物館好貼心，喺住宿房間內佈置不同恐龍嘅飾物同擺設🦖，令恐龍都可以陪你入睡🛀🏾。

【奥出雲多根自然博物館】
⭐地址：島根縣仁多郡奥出雲町佐白236-1
⭐營業時間：10:00-16:00
⭐休館日：星期二／ 12月30日至1月1 日
⭐入館費：大人500日圓/ 高中生及大學生 300日圓/ 中小學生 200日圓
⭐交通：乘搭ＪＲ木次線於出雲八代站落車，步行20分鐘或乘搭巴士於佐白站落車
⭐電話 ：0854-54-0003

👇詳情可以Inbox我哋，或者參考呢度👇
http://tanemuseum.jp/

＃日本 #島根縣 #奧出雲 #博物館 # #翻生侏羅館 #恐龍 #探險 #可以住嘅博物館 #沒有不去的理由

圖片來源 : しまね観光ナビ

12/10/2023

✨島根縣有新景點啦！！🎠複合設施 今年5月開幕了🎡！

今次介紹嘅複合設施「Windy Farm Atmosphere」係今年5月開幕嘅新景點！呢度背山面海就唔洗講🌅，山上仲滿佈風力發電機，再配上著綠油油嘅山林🌳，此情此景真係寫意呀！

話明複合設施當然有唔同嘅設施提供，當中包括可以望到夕陽景色嘅大型餐廳「GARB CLIFF TERRACE IZUMO」👩🏻‍🌾；全房種都係望海嘅「崖之中」酒店🏊🏻‍♂️；大型停車場位置配合多間商店與餐廳🧗🏻‍♀️。

而「GARB CLIFF TERRACE IZUMO」嘅所有位置都係面向日本海而設計嘅🏢，當中可以容納180人同時入座👨‍👨‍👧‍👧。食物方面除咗嚴選島根縣嘅食材及特別嘅烹調方法👏🏻，仲會融入大廚自由發揮嘅材料，做出一道道創新嘅料理。

「崖之中」酒店就係建於斷崖之上🏨 ，所以只得8間客房。為咗令客人完全感受到包括海浪聲等嘅周遭大自然環境，酒店內係無電視機🖥。另外最吸引到小編就係經特別設計嘅大型玻璃窗，令人有種完全融入大自然之中嘅感覺🛤。

最後不得不提嘅係必去打卡點 「出雲‧風之韆鞦」🤹‍♀️，呢度全景面對海洋，完全係向住海出發嘅概念🏄‍♀️， 玩完絕對可以將煩惱拋諸腦後 ，你今日又打咗卡未呢🤳？

【IZUMO KORYO PARKING AREA】
⭐地址：出雲市湖陵町大池5-1
⭐營業時間：星期一至五11:00 – 198:00
週末及公眾假期 11:00-19:00

【IZUMO HOTEL THE CLIFF】
⭐地址：出雲市多伎町久村1870 B1F

【GARB CLIFF TERRACE Izumo】
⭐地址：出雲市多伎町久村1870
⭐營業時間：星期一至五 午餐11:00 – 15:00 (L.O. 14:00)
晚餐 17:00 – 21:00 (L.O. 20:00)
週末及公眾假期 午餐11:00 – 15:00 (L.O. 14:30)
晚餐 17:00 – 21:00 (L.O. 20:00)

👇詳情可以Inbox我哋，或者參考呢度👇
https://windyfarm.jp/

#島根縣 #日本 #出雲市 #多伎町 #崖之中 #崖の中 #沒有不去的理由

圖片來源 : しまね観光ナビ

10/10/2023

✨如果鍾意飲酒同食芋頭🤓，呢個1年1度嘅煮芋頭大會就啱晒你🥰！

踏入秋天🍁，其中一個代表性嘅食物就係芋頭呢🙉，而津和野嘅鄉土料理就係煮芋頭🥘。

為咗令更多人認識同知道佢嘅味道😵，大會當日會提供1000份免費煮芋頭送俾大眾去品嚐😋。津和野嘅煮芋頭特別之處係除咗用昆布同鯛魚做湯底外🐟，仲會加入柚子皮去調味🍋，令品嚐芋頭時會有一陣清新嘅香味，同時又提升咗湯底嘅鮮味🍲。

只係食芋頭又點夠，當然要有日本酒做黎配搭🍶。日本酒嘅發源地就係島根縣🗾，良好嘅大自然環境下生長嘅高品質原料 「米🍙」，加上被全國誇獎水質第一位嘅高津川🥛嘅水，再配合高技術嘅造酒技巧，津和野嘅日本酒無理由唔試吓🧉？

飲完食醉又未夠喉嘅話，仲可以買盒便當食🍱，咁應該晚飯都使，直接返酒店😂！

【日本三大芋煮つわの「芋煮と地酒の会」】
⭐地址：殿町通鷺舞Monument前廣場
⭐活動日期：2023年10月15日
⭐活動時間：11:00 - 15:30

👇詳情可以Inbox我哋，或者參考呢度👇
https://tsuwano-kanko.net/info/imonitojizake2023/

#島根縣 #日本 #殿町通り #芋煮と地酒の会 #芋煮 #地酒 #芋煮和地酒之會 #沒有不去的理由

圖片來源 : しまね観光ナビ・（一社）津和野町観光協会

07/10/2023

✨喺現役機場跑道上舉行嘅馬拉松✈️，你又見過未？

10月微涼嘅天氣🍂最適合做運動🤾‍♀️！你有冇諗過觀賞或者親身參加一場日本嘅馬拉松賽事呢🏃🏼‍♀️？

呢個賽事叫「荻‧石見機場馬拉松大賽✈️」，今年已經係第16届！當中賽事有分半馬、，10KM同家庭賽事🏃🏼。半馬同10KM賽事就由立萬葉公園出發同結束🏞，只有家庭賽事係機場跑道上出發同結束🏆。留意返家庭賽事一定要最少一大人一小學生去參加👨‍👦，最多為三個人一組👨‍👩‍👦，以及長道為2KM 👟。

呢個活動最特別係能夠跑入機場跑道👍🏻，因為跑道仲係用緊嘅關係，所以有特別限制唔可以帶任何物品進場👌🏻，或者必須於指定路線奔跑等等規則👋🏻 。唔知道係跑道上跑會係咩感覺呢？會唔會有自己變咗做飛機嘅感覺呢🛩？今年趕唔切參加都唔緊要，大家可以從旁邊為選手們加油打氣💪🏽！

睇完比賽咪以為冇野做呀，當日喺馬拉松嘅起點立萬葉公園內嘅「太陽之廣場」，仲會有展覽舉行👏🏽。除咗會有舞台表演外🤹🏼，當然唔少得飲食同特產販賣區等等活動🍱，試問你又點可以錯過呀❓

【第16回 萩・石見空港マラソン全国大会】
⭐會場：萩・石見機場 / 島根縣立萬葉公園
⭐活動日期：2023年10月15日
⭐活動時間：10:00 - 16:00

👇詳情可以Inbox我哋，或者參考呢度👇
https://www.airport-marathon.jp/

#島根縣 #日本 #石見機場 #第16回萩石見空港マラソン全国大会 #マラソン #馬拉松 #立萬葉公園 #萩石見空港 #沒有不去的理由

圖片來源 : しまね観光ナビ・萩・石見空港マラソン全国大会実行委員会事務局

05/10/2023

✨芝士蛋糕可以有幾多個形態出現🧀，你又估到嗎😵？？ #いずもちーずけーき本舗

呢間賣芝士蛋糕嘅專門店「いずもちーずけーき本舗🍰」，究竟會將芝士蛋糕用幾多種形態去呈現呢🧈？

首先最傳統嘅「巴斯克芝士蛋糕」當然唔少得呢🎂；其次玻璃杯裝嘅都有售，而玻璃杯裝仲有分三個層次，第一層係焗嘅芝士蛋糕🧁，第二層係生奶油芝士蛋糕🍮，第三層就係配合不同的醬料，只係望圖都好想食😜。

之後更有推出日式傳統甜點「最中」與芝士蛋糕混合嘅系列🍦，呢個「最中」嘅外型似盒仔📦，外皮係用上糯米製作再烤至薄脆，內餡就加入紅豆沙餡🤩，店主就發揮小創意將紅豆沙餡改成芝士蛋糕，令大家品嚐時除咗感受軟滑嘅蛋糕外🧁，仲會多一種脆脆嘅口感🍪，令到客人食時增添趣味🥳。

另外，更有售「可以飲嘅芝士蛋糕🧀」、「芝士蛋糕饅頭」同「芝士蛋糕夾心餅🥧」，。不得不佩服店主嘅創意，滿足不同喜好嘅客人🤼‍♀️。，順帶一提店舖設有堂食空間🍽，品嚐完仲可以去販賣區買手信， 一舉二得呢👀！！

【いずもちーずけーき本舗】
⭐地址：出雲市大社町杵築南833-3
⭐交通：從一畑電車出雲大社前站徒步2分鐘到達
⭐營業時間：10:00-17:00
⭐定休日：逢星期三
⭐電話：0853-31-4811

👇詳情可以Inbox我哋，或者參考呢度👇
https://izumo-cheesecake-honpo.com/

#島根縣 #日本 #出雲市 #大社町 #芝士蛋糕專門店 #芝士蛋糕 #出雲大社 #手信 #沒有不去的理由
圖片來源 : しまね観光ナビ・いずもちーずけーき本舗

03/10/2023

✨仲未玩過Glamping😏，仲唔快啲去試吓🤗

好多未試過glamping嘅人🙄，可能仲係怕好似camping咁又熱又辛苦🥵，又要自己準備一大堆嘢野🛒，仲要冇得沖涼洗頭🚿，諗起都令人卻步。放心！！依家啲Glamping根本係豪華版酒店💵，今次介紹嘅更加係超豪華版💰！

首先，佢係今年度3月份先正式落成，所以設施都好新淨🏕，唔怕蓉蓉爛爛！然後冷暖房功能都有齊晒🌬️，廁所、廚房係晒你旁邊嗰幢🏘，唔使左搵右搵呢‼️

第二，佢坐落於日御碕嘅區域🌞，該區域被評為觀賞夕陽嘅人氣地🌅，你只要坐係glamping內就能夠欣賞到雄大嘅日本海夕陽景色呢⛺️，而夜晚仲可以睇到滿天繁星⭐️。

第三，就係只有7個營嘅設計🎪，保障每個客人有私隱度之餘，又有足夠空間活動🤹‍♂️，免受其他人打擾👨‍👨‍👧‍👧。

第四，其中有1個營更連接咗專用嘅桑拿同水風呂🧖‍，可以俾客人隨時享用，又唔使同其他客人分享⭕️。

第五，你可以自由選擇享用或唔享用glamping嘅早晚餐🍳，如果你想保留camping嘅感覺，可以自備所有材料去燒嘢食🌽。

最後，好貼心係怕客人會有悶嘅時候，所以可以到前台借UNO等紙牌遊戲嚟玩🎲。
有冇啲心動想快啲嚟試下體驗呢👫？

【出雲グランピングREUNA -レウナ-】
⭐地址：出雲市大社町日御碕1141-3
⭐交通：由出雲大社開車15分鐘到達／乘搭一畑巴士至後山站，再徒歩1分鐘到達
⭐電話 ：0853-77-9551
👇詳情可以Inbox我哋，或者參考呢度👇
https://www.shimane-glamping.com/

#島根縣 #日本 #出雲市 #日御碕 #沒有不去的理由
圖片來源 : しまね観光ナビ

30/09/2023

✨捉緊夏天嘅尾巴🏕️尋回你嘅青春年代😻 #上之台綠之村

今年日本嘅9月仲係好熱🥵，天氣預報表示10月份開始會氣溫下降☁️，正式踏入秋季🎐。

香港人最鍾意秋天做咩活動？咁一定有BBQ份呢😻。平時去旅行都係商場行街，入餐廳食飯，有冇諗過喺大自然環境下吹吹風🌬又燒嘢食？今次介紹嘅「村莊」就好適合大家🌲，除咗有BBQ區域外, 仲有專門燒PIZZA嘅窯🍕。怕小朋友坐唔定🏃🏻‍♀️，只要行幾步就可以餵山羊🐐、綿羊🐑同兔仔🐇，行遠少少仲有公園仔，可以打韆鞦同瀡滑梯。如果撞正栗子季節🌰，滿地任你自由執，再煮埋嚟食或者拎返屋企都仲得！

想成個行程再舒服啲，你可以選擇入住一幢幢嘅木屋🏫，食飽飽就可以將自己直送入屋瞓覺，唔使走嚟黎走去，夠晒方便🎊。食飽冇嘢做，附近更有體育館，租用設施再打場友誼波🤾🏼‍♂️，成件事有夠青春呀📸！！

💮提提大家，呢度係能夠自攜食物入場BBQ💖，如果你怕麻煩唔想自己準備💢，呢度亦有提供事先預約食材服務👍

【上の台緑の村】
⭐地址：島根県安来市伯太町赤屋
⭐營業日：1/3-28/12
⭐營業時間：09:00-17:00
⭐定休日：逢星期三
⭐電話 ：0854-38-0022

👇詳情可以Inbox我哋，或者參考呢度👇
http://uenodai.jp/

＃日本 #島根縣 #上の台緑の村 #安来市 #安來市 #燒野食 #餵動物 #青春 #沒有不去的理由

圖片來源 : しまね観光ナビ 、上の台緑の村

28/09/2023

✨正所謂近廚得食，近海🌊🙅‍♀️就梗係食海鮮呢 Cafe Tatsuzawa🤗

上星期介紹咗大家去燈塔睇⛯美景同亮燈🔔，今日就介紹燈塔附近嘅咖啡店俾大家呢☕!!
咖啡店位於由燈塔前往神社嘅沿途街上🗾，舖面嘅洋式設計加上英文店名，就特別顯眼🐙。

咪以為佢只係賣咖啡加件餅呀，其實佢仲係和式餐廳🤓。呢度長期人氣No.1嘅料理係日本海鮮丼🍚，仲要選用於附近日本海每日新鮮捕獲嘅海鮮🦐，再加上餐廳特製嘅醬汁，難怪大家一試就愛上。另外，仲有一款獨家發售嘅「傘貝飯(ぼべめし) 🐚」都係老顧客喜愛之物。如果唔食海鮮嘅話🙅‍♀️，佢都有其他選擇，例如：出雲蕎麥麵🍜或者甜品🍰。

臨走之前仲可以留意吓👓，好彩嘅話你會見到佢哋自家製嘅「燈塔曲奇餅🍪」，賣相超級可愛的💓！。送禮自用都一流🤭！不過就比較易碎，所以大家要小心啲🥴！

【Misaki Cafe Tatsuzawa】
⭐地址：出雲市大社町日御碕1089-30
⭐電話號碼：0853-54-5005
⭐營業時間：10：00 – 17：00
⭐定休日：逢星期三
⭐交通：JR山陰本線出雲市站乘搭一畑巴士（向出雲大社・日御碕方向）於日御碕燈塔落車，步行5分鐘

👇詳情可以Inbox我哋，或者參考呢度👇
http://www.icv.ne.jp/touch-05/index.html

＃日本 #島根縣 #日御碕 #出雲市 #咖啡店 #海鮮丼 #燈塔曲奇餅 #出雲蕎麥麵 #海鮮 #沒有不去的理由

圖片來源 : Misaki Cafe Tatsuzawa

26/09/2023

✨秋天都有祭典🙀 #松江祭鼕行列2023🤩 你知道嗎⁉️

見到今次介紹嘅祭典名稱🔍，你實會問呢個字點讀同點解呢🌝？等小編嚟話你知啦🔊！

「鼕」係出雲地方叫「太鼓」嘅意思🥁，讀音為「DOU」，顧名思義祭典就係以太鼓為主題🎯。

祭典當日會喺山車屋台上擺放大太鼓(約1.2至1.8米大) 🙆‍♂️ ，然後由當地居民一邊敲打太鼓一邊行走🏃‍♂️，係日本使用大太鼓邊打邊行嘅最大型祭典👍🏻，現場非常之有氣勢🕵🏼。而當地居民為咗將傳統延續，一家大細，三代同堂都會成為太鼓鼓手或拉車等工作人員👨‍👨‍👧‍👧 ，真係好佩服佢哋保存傳統嘅精神呢🌈 ！

雖然正式舉行日子只得10月15日🛫，但為咗可以俾多啲人參與📲 ，會喺9月30日舉行「太鼓祭典」⏰，10月14日舉行「前夜祭」⏱。「太鼓祭典」會於松江城大手前廣場舉行🎈 ，而「前夜祭」就相對細型兼以移動形式咁進行🎀。

不論你有冇錯過咗夏天祭典🙆🏼‍♂️，呢個秋天祭典🍂 絕對唔會令你失望🧸

【鼕まつり】
⭐活動地點：松江城大手前廣場
⭐活動日期：9月30日
⭐活動時間：19：00 – 21：00

【宵宮 (前夜祭)】
⭐活動地點：橋北/松江城大手前廣場
⭐活動日期：10月14日
⭐活動時間：19：00 – 21：00

⭐活動地點：橋南/JR 松江站北口
⭐活動日期：10月14日
⭐活動時間：18：30 – 20：00

【松江祭鼕行列】
⭐活動地點：松江城～松江大橋～白潟天滿宮
⭐活動日期：10月15日
⭐活動出發時間：13：00

👇詳情可以Inbox我哋，或者參考呢度👇
https://www.kankou-shimane.com/events/32088

＃日本 #島根縣 #鼕まつり #前夜祭 #松江祭鼕行列 #太鼓 #松江市 #松江城 #祭典 #松江祭 #沒有不去的理由

圖片來源 : しまね観光ナビ 、松江観光協会

23/09/2023

✨和洋文化嘅古街🕵🏼又係遠離繁囂嘅好地方🤩 #津和野

開關後東京，大阪都人山人海👨‍👨‍👧‍👧，想搵個人少啲又可以感受和洋文化嘅地方🙆🏼‍♂️ ，推薦大家去津和野。津和野分成4個地區，今次先介紹其中嘅「殿町通」同「本町通」✌🏽。
「殿町通」同「本町通」係養咗錦鯉嘅小河道🐠，配合日本遺產建築嘅商家🗻同酒莊嘅街道🥃。上至食玩買，下至學習歷史文化等都一應俱全🌝。隨住唔同季節仲能夠欣賞唔同嘅植物。例如：5／6月可以睇到「花菖蒲🌷」，秋天就有「銀杏🍂」。

而小編有一個私心推介，就係「津和野天主教教堂」💗。教堂建於1931年，係以歌德式設計嘅古老教堂⛪️，之但係你又點會估到，內部裝潢居然係日式榻榻米（草編）加西方教堂先有嘅彩色玻璃🌈，場面非常獨特又靚📸。
如果有時間，仲可以去埋「津和野町日本遺産中心」或「安野光雅美術館🏠」，都係津和野嘅特色景點🎠。

最後俾大家一個小貼士💰– 如果想慳返啲腳骨力又想去多啲景點，係有租電子單車服務🚲，以及城下町1日巴士遊乘車劵🚍。

【津和野　殿町通り．本町通り】
⭐地址：鹿足郡津和野町後田
⭐交通：JR山口線津和野站，走路10分鐘

👇詳情可以Inbox我哋，或者參考呢度👇
https://www.kankou-shimane.com/pickup/40586.html

＃日本 #島根縣 #殿町通り #本町通り #鹿足郡 #津和野天主教教堂 #安野光雅美術館 #津和野町日本遺産中心 #和洋文化 #沒有不去的理由

圖片來源 : しまね観光ナビ