صفحتنا تتحدث عن تجارب سفرنا من أول تجربة نشارككم اياها
01/11/2022
أول رحلة our first trip
كانت انطلاقا من وهران إلى بليدة بالضبط الشريعة
ثم زيارة ولاية الجزائر و بويرة أين زرنا تيكجدة ثم سطيف وزيارة العلمة و جميلة
ثم الانطلاق الى جيجل مرورا بميلة
لتكون آخر وجهة هي ولاية بجاية
رحلتنا دامت أسبوعا زرنا فيه أهم المعالم السياحية 🤩🤩🤩
09/09/2022
the beach in September
03/05/2022
Home
12/04/2022
تيبازة
19/01/2022
2022
18/01/2022
Le calme
04/01/2022
غابة مسيلة
متواجدة طريق وهران تموشنت واسعة و شابة بزاف للترفيه و تغيير الجو مع العائلة
01/10/2021
20/09/2021
03/08/2021
03/08/2021
#قالمة
السلام عليكم و جهتنا الموالية كانت ولاية قالمة المشهورة بآثارها و حماماتها المعدنية
و منحكيلكمش الطريق من الطارف لقالمة سبحان الله يعجز اللسان عن التعبير كااامل شابة غي اراضي فلاحية ماشاء الله على ارض بلادي
رحلتنا بدات مع الليل حجزنا في فندق اولاد علي بارك الله فيهم فندق جيد بالنسبة للمواصفات و الخدمات و الاسعار
البرنامج كان تحميمة و فطور الصباح و ندورو شوية في قالمة فيل في الطريق زرنا بير بن عصمان عبارة عن بحيرة داخل كهف و محاط كامل بااراضي الخضراء دير نزهة او تفطر فالمكان
بعدها توجهنا للمسرح الروماني رائع انو التاريخ مخفاش معالمو
و بعدها توجهنا لحمام دباغ او المسخوطين
كانت الوجهة المقررة غار جماعة و القلتة الزرقاء لكن فداك النهار ضرب زلزال غلقو هاد الاماكن خوفا من الردم
و جازت هايلة
24/06/2021
6h du matin sur le calme
24/06/2021
إطلالة ساحرة من سانتاكوز على أضواء وهران من جو من الهدوء 🥰
06/06/2021
#الطارف
بعد زيارتنا لولاية عنابة 😍😍😍😍
كانت المحطة الثانية الطارف و القالة لزيارة البحيرات و الحظيرة المحمية طونغا الطارف مشهورة بالشواطئ و الغابات الخلابة و كذلك البحيرات اعتمدنا زيارة البحيرات المالح (طريق بعيدة و اهل المنطقة ميسمحولكش تفوت من الطريق المختصرة🤷🏻♀️)
اوبيرا
تلقاها في طريقك لكن الشعب لا علاقة بالنظافة 😥
طونغا الغابة خلابة الوان طبيعية ساحرة
بالنسبة للبحيرة قلت نسبة المياه و توسخت يعني لن تتفاجأ بالمنظر
بحيرة الطيور ايضا الان هي بحيرة عادية قريبة لمنطقة سكنية
حديقة الحيوانات بالطارف جميلة و مكان رائع لقضاء الوقت مع العائلة
😍😍😍😍😍
06/06/2021
سيرايدي عنابة
12/04/2021
#عنابة
جوهرة الشرق ولاية عنابة جميلة جدا و كبيرة ماشاء الله
بعدما قضينا الليلة في فندق التليفيريك ننصح بيه من ناحية النظافة و التعامل و الاسعار و القرب من المدينة
بدينا الصباح بآثار الهيبون روعة تاريخ يتجسد قدامك خاصة لما الدليل يحكيلك بطرقتو الخاصة يعيشك فالواقع الافتراضي
كنيسة اوغستين تحفة معمارية
وجهتنا الاستسية لوسط المدينة دائما و الاختلاط بالناس بصفتي من الغرب كينسمعو لهجتهم تتمنا ميسكتوش لهجتهم تحفة 😍😍😍😍😍
بعد الغذاء توجهنا عبر الكورنيش لشراء البوراك العنابي المشهور و من هناك توجهنا للمنارة ،مناظر الشواطئ و الجبال الخلابة تنسيك طول الطريق
بعد الاستراحة و اخذ الصور اتجهنا لسيرايدي ويننا الفندق الجميل باطلالته الخلابة و الهواء العليل
اكدنا انو لازم نمشو لشلال سيرايدي و الجسر الروماني
محبيناش نضيعو عين بربر شاطئ ميتنساش الطريق ليه تمتع نظرك بلا ممنساو ظهور ابن آوى اللطيف
الجولة في عنابة متتشبعش كل يوم جديد و مكان جديد
08/04/2021
#سكيكدة
بعد ما كلت زيارتنا للقل بالفشل 😁
القل زيارتها في الصيف باه تتمتع بالشواطئ او تروح لغابة تيزغبان مفيهاش اماكن يجذبوك و مكاش فنادق بزاف 🤷🏻♀️دونك ديرو حسابكم (اخطيكم من فندق الريف)
وجهتنا كانت لسكيكدة مدينة جميلة تتميز بالشواطئ العذراء
المهمة كانت زيارة المنارة الكورنيش بعض الشواطئ العذراء سيرجينيا
ضاعتلنا الغذاء في مطعم لويزة ،لكن تغذينا فالمطاعم الموجودة فالكورنيش السمك طازج و الثمن طازج😂😂😂 دير حسابها هادي تاني
ثم توجهنا لشاطئ قرباز الوجهة بعيدة جدا لكن تستاهل التجربة الطبيعة الخلابة و قدرنا نشوفو سفينة ايا صوفيا مالبعيد 🙂المهم المشاركة
07/04/2021
#قسنطينة
مدينة قسنطينة الجميلة
تجمع كل ما هو رائع من حضارة و رقي و طبيعة
اعتمدنا على الGps في زيارتنا لأهم المعالم
مسجد الأمير عبد القادر تحفة معمارية
المونيما اعلى منطقة وين شفنا الطبيعة الخلابة
الجسور روعة روعة خاصة النظر من الاسفل
تمثال السيدة العذراء شفناه من بعيد ممنوع زيارتو
اغتمنا فرصة التجول في المدينة العتيقة السويقة و الاختلاط بالناس
الأكل عادي بأسعار معقولة متنساوش جربو الجوزية و الماكارون
زيارة المعارض
و اخيرا الاستمتاع بالقهوة في جبل الوحش ببحيراته الخمس😋😍
Be the first to know and let us send you an email when LET’S Go IMRO posts news and promotions. Your email address will not be used for any other purpose, and you can unsubscribe at any time.
