✈️了解「空中服務員」的日常!
從另一個角度看「旅遊」!😆
旅行的意義
----------------------------
個個都鐘意去旅行，
咁點解個個都鐘意去旅行？
就算行程可能好辛苦
就算要花一定的積蓄
就算要懷著未知的因素去探索💪
我地都願意去一個全新的地方
我地都願意去感受當地的文化
就算幾辛苦，花幾多錢都值得一樣。🥰
當回程的時候，總有著依依不捨的心情。
如果將以上轉成是人生的意義呢？
好似是完全相反...🤷
大家不想離開自己的舒適區
想著要安安穩穩的生活下去
就算現在的生活不是你想要的
大家都不想冒險去改變
-----------------------------
抗疫一年，生活很累😷
但同時，這也是一個好好的機會
給我們停一停的機會
想一想自己的方向。
為什麼大家喜歡討論旅行的意義
但偏偏對人生的意義遠離之？🤯
分別是旅行只是一段短日子
開心唔開心都是一個旅程而已
而自己的生命是一輩子
行錯了就像沒了一樣，大家都不敢去冒險
拿自己旅行的意義去看待人生的意義
生活會變得不一樣！❤
#人生的意義
#旅行的意義
「登頂」🏔
----------------------------------
富士山, 神山, 珠穆朗瑪峰...
都是世界出名的行山熱點🏃
由郊遊的行山徑到征服世界級高峰
無論你是為了登頂後的壯觀美景
或是挑戰自我, 登頂的魅力都是無庸置疑
對個人而言, 行山的過程才是最重要
你要經歷不單止是體力, 還有心理上的挑戰
路上會出現好多阻滯和困難
也會有好多人給你不同的意見或批評
你需要去克服, 💪
當中的堅持和努力都不可缺少
「###經過多次挑戰失敗，
今天成功登上世界七大高峰」
對別人而言, 🤷♂️
無人會理會你挑戰過幾多次, 失敗過幾多次
直到你登頂成功, 別人才會欣賞...
其實, 一個行山的過程,
登頂是結果, 只是最後的一部分
到這一刻, 你的人生可能還沒有什麼成就
或者未達成自己的理想生活和夢想
每日都有人對你的夢想和生活作出批評
令自己懷疑自己的決定🤯
懷疑自己一直的努力是否在正確的路上
但希望大家堅持自己的理想
當有一天你有所成就, 成功登頂
就會有別人的認同, 對自己的肯定
現在你在登山的艱難路途上,
需要有登頂的決心❤️
新一年, 加油！
#抬頭吧黑暗過會是晨曦
#敢交出你會創出傳奇
「點。線。面」
----------------------------------
一點一點連埋就會變成一條線
一條一條線連埋就會變成一個面
有好多時候，我都覺得好迷網。
唔知前路應該點行🤯
但回望過去...
原來自己已經行了一條路出黎
做了好多野...學了好多野...
去了好多地方...
2020年還有兩日就完結
回望。除了無工開和戴回罩之外😷
學了一點...
整電腦, 執相, 寫網頁
數據分析, 投資
學識番正確握筆, 揸筷子
無聊到學下左手寫字✏️
再無沉迷飲汽水
每星期做適量的運動
這些都是一直想做但無做旳事
那一點一點或者已經變了
好多條線或者一個面
不多不少也挽回自己丁點的信心😌
總有一天那一點一點會變成一個立體
路是人行出黎，回望才會見到行過的路
花點時間回望你自己行過的路吧！🏃
2021年重新出發！
最後，回望十年
終於買了人生第一個網址
送上一個網頁
Travel Bucket List: ❤
www.MrTsunYin.com
#點線面 #重新出發 #2021年
「是但」
------------------------------------------
當你聽到旅行拍檔給你一個回覆"是但"
你會想什麼呢？🤷🤷♀️
如果你地彼此有默契的話
這其實是一個很好的答案
好多人都好憎收到"是但"這個答案
因為大多數人答"是但"都不是真的"是但"
而是因為不想決定而將責任推給人
別人決定了又會嫌三嫌四
所以這個其實不是 「是但」
而是
「你講幾個選擇睇下岩唔岩我心水
，我唔想去諗！」🤬🤬🤬
但如果
那個答是但的人真的沒有要求呢？
他真的清楚自己要什麼🥰
他答"是但"是真的可以根據你的喜好
如果他真的有要求
他就不會答"是但"
這樣情況就會剛好相反
你們的旅行可以好順利
雙方顧及大家的意見😎
不需再為假"是但"的問題而膠著
---最理想的情況1👍
A︰你想食咩？
B︰是但，你中意！
A︰去食西餐
B︰好！起行
---最理想的情況2👍
A︰你想食咩？
B︰是但，你中意！
A︰諗唔到，是但，你揀！
B︰去食中餐
A︰好！起行
---膠著狀態👎
A︰你想食咩？
B︰是但，你中意！
A︰去食西餐
B︰唔係幾好
A︰去食中餐
B︰都唔好
A︰咁你揀......
B︰... ...
或者...
不要說「是但」
試著說...
你有冇咩心水？無的話就不如...❤
#是但 #旅行拍檔
還有人情味嗎？❤️
----------------------------------------
從前，龍仔加入了一間細公司，
因為公司規模細，同事不多，
大家朝見口晚見面，🥰
互相認識，十分融洽。
有次，龍仔因為道路有交通意外，
沒辦法之下遲到上班兩個小時，
但根據公司規則，遲到要收警告信，
但是，經理對龍仔很了解也相信他，
所以，就破例容許這次遲到。
有次，公司遇到難關，
需要同事們通宵作戰，🤝
但同事們可以依足規例，五點就下班。
但是，同事們包括龍仔都願意留下，
這就是公司裡頭的人情味，互相幫忙。
久而久之，公司規模開始壯大，
有新股東加入投資，📈
員工數目增加了好幾倍。
龍仔依舊對公司充滿情感，
每次公司有事發生，
龍仔都願意留下幫忙，盡心盡力。
但是，有一次...
龍仔屋企突然有事要早走，😷
根據公司規則，早走要三小時前通知，
龍仔向公司解釋後，便離開公司。
最後，龍仔得到公司的警告信...
事後，公司發出通告，✉️
話說發現有同事濫用酌情權早退，
嚴重影響公司營運和收益，
自此所有的早走要求
都要根據公司規則早三小時通知。
由於人數眾多，
傳言開始滿天飛也難以証實。👂
沒有人知道是否真的有同事濫用，
但這個一定不是龍仔。
自此，再也沒有經理願意承擔。
再也沒有龍仔這樣捱義氣的同事。
沒有互相幫忙的故事。😔
公司裡只有辦公室高層寫的「規則」
講的只有業績的「數字」
員工的「號碼」
「人情味」❤️
自此就再也沒有了...
#細公司到大公司 #人情味
獨行
----------------------------------------
你有沒有試過自己一個去旅行？
有人會覺得你好孤獨...
有人會覺得你好獨立...
有人會覺得你好勇敢...
有人會覺得你好蕭灑...
不論別人怎樣看你，這是你自己的事。
你是這個旅程的唯一主角，
你負責這個旅程的所有事，
所有行程都要由你去安排，
最後的決定都是由你發版。
你會唔會好積極打探新奇的事？
或是你會懶洋洋在城市中穿梭？
你會唔會去結交當地的陌生人？
或是你會享受自己獨處的時間？
獨自的過程中...
你有時會掛住自己的家人...
你有時會享受獨自的寧靜...
你有時會孤獨到情緒低落...
你有時會想找個人去分享...
當一切來得理所當然的時候，
你會失去了方向，
唔知道自己的取態。
有些內向的人獨處..才發覺他們需要朋友...
有些唯命是從的人獨處..才發覺自己可以說了算...
有些和家庭爭執的人獨處..才發覺家的重要...
其實不一定要一個人去旅行
才可以認識自己，
只是在都市裡每分每秒都放不下自己，
休息一下電話又會突然響起。
留點時間一個人感受...
什麼是你要珍惜的事！
#獨行 #內向
#一人之境 #自己一個做證
留白
------------------------------------
有一次，和同事講起去旅行，
這個是我經常說到的話題。
同事M說她去過伊拉克，
那時剛打仗的地方。
我頓時的反應係「你去做乜？」
因為我的第一印象係，
打過仗、冇景點、冇活動，可以做咩？
她給我的答案係「去行下」
可以係COFFEE SHOP坐下。
這個答案對當時的我感到很新穎！
因為大部分旅客都會以旅遊勝地為目標。
或者以"活動"為首的旅客，
- 例如馬拉松、潛水、行山等等。
還有以不同"體驗"方式的旅行，
- 例如背包客、露型車等等。
除此之外也有無數的目的，
- 上堂、探親、交流等等等等。
我們把每一趟旅程都加上一個目的。
有時候，冇目標也是一個目標！
「我想去HEA一HEA！」
「我無行程，去到先算吧哈哈！」
如果有人聽到你咁講會覺得你好嘥，
難得有假期去旅行走去HEA？
我的意思唔係去到留係間房乜都唔做。
而係為你的旅程留白，
去找尋未知的驚喜！
人生路途上我們訂立目標，去追蹤夢想。
不少人好似我自己都有BUCKET LIST！
三十歲四十歲前我要做什麼什麼。
不妨為自己留個白，
OFF-TRACK一下，
或者會有意想不到的體驗！
你是那一種旅人？
會為旅行留白嗎？
#留白
「過客」
----------------------------------------------
在旅途上，你會遇到好多人。
旅行就好似人生的縮影，你會遇到好多人。
佢地有好多都會成為你人生中的過客。
即使你地曾經有多投契...
在南美的三日團，我認識的香港團友們。
在沙巴的潛水課程，我認識我的潛水教練。
在荷蘭的民宿，我認識一起祈禱食飯的屋主。
在以色列的青年旅社，我認識流浪的香港人。
在埃及的旅遊，我認識上網揾的導遊和領隊。
在航班上的工作，我認識我的同事。
當你地再次相見...
或許你還有著當時大家親切的感覺...
但係對方可能已經忘記了你是誰...
過客就是過客，
佢地永遠都係你人生中的一點色彩。
即使事實好多時都是這樣...
但係你當時永遠唔會知道對方係唔係過客...
或者你地可以開花結果，稱兄道弟...
你還記得小學時的青梅足馬嗎？
中學時的老死嗎？
大學時的戰友嗎？
並肩作戰的同事嗎？
他們還好嗎？
盡管大家的人生方向不同，
未必能一同一路走下去，
但要珍惜大家人生中共聚的一段時間，
活在當下，
付出真心去對待每一個生命旅途上的人！
#過客 #令你回想起那一位朋友?
去旅行你會拍照嗎？📸
我都算是一個業餘的攝影友。
大學買了部單鏡反光機去學拍照。
初時去旅行為了拍照，對相片有點要求，
一定會帶部大機去拍，加多一支鏡頭。
因為試過用DC，拍出來的質量真是很不滿意哈！
但是到了今日，
我只是會帶部大Sensor長焦距的DC去旅行。
原因是...
首先，攝影師要拍一輯相是要花很多心思的。
不只是單單按一下快門就可以補捉到。
而是要花心思去找角度、找機會、找題材
並等待來拍攝。
你可以隨意經過遇到靚景按一下快門
便有一張漂亮的相，
這是運氣。
我喜歡拍照，尤其是到了外地，很多靚人靚景。
但後來越來越發覺，
去旅行是為了體驗而不是為了拍照，
我不可以因為拍照而影響了我的行程。
要拍高質素的相要有一部單鏡反光機，好重吧...
要拍不同類型的相要換多幾支鏡頭，好煩吧...
要拍某個時刻的相阻到我的行程，找死吧...
我不是沒試過以上的情況，
只是我覺得體驗旅程比起拍照更重要。
有些人覺得拍照大過天，同樣可以，各人有不同。
所以到了今天，我找到我的平衡點，
我會用有長焦距、大Sensor的小DC再加個小腳架。
是沒有單反相機拍的那麼漂亮，但是也不會太差，
但這樣可以帶給我更大的在輕便上，
旅行拍攝的樂趣！
魚與熊掌，不能同時擁有的時候，就要取捨。
即使兩樣都喜歡，現實情況不許可下，就要選擇。
人生不會每樣都很完美，百分百配合你的需要。
正因為不完美的存在，才是人生。
這就是缺憾美！
#人生就是要取捨 #旅行拍照看人生
差不多兩個月了，有500個LIKE，多謝各位！🙇
以前睇facebook, 唔明點解d KOL對like咁鬼著緊
間間公司個個廣告, 都叫人like, share和comment👍
睇親youtube, 段段片都要人訂閱和點個🛎提示鐘
見親都會覺得好那煩🤬
多like的好處可以賣廣告賺錢，
講真, 自己見到人地無啦啦賣廣告都即刻想unlike🙈
一賣廣告就有bias, 所以無可能有"中立"
不過都會想多人like, 始終希望自己寫的野多人睇,
但係好似錯左重點, 違背左"初衷"🤔
我的原意係想記錄下自己的睇法,
或者有機會可以啟發到其他人
所以重點應該放係寫好的東西！
如果想多like, 就應該一早改個page叫"空姐乜乜乜"
加多幾張空姐相, 都應該多like過而家😂
洗鬼用自己個名, 見到"Mr.TsunYin"個下都唔知乜黎
如果我想成名做KOL, 我又無個舖癮
雖然我用左自己個名做page名, 不過li個名周街都係
而且識我的都知我係公司識得"隱身術", 😎
無乜人識得我, 除左熟個d啦, 仲有我唔係叫Alex/Billy!
最後, 多謝各位留言/私訊的讚賞和多謝！感動😭
我相信好的東西就會有人分享和欣賞
就算演唱會得一個聽眾，我都會繼續唱歌，多謝！
去完一個旅行，
習慣地係地圖簡單畫下自己的足跡。
無論這個旅程有幾難忘或有幾傷心，
都代表這個旅程已經完結。
放下過去，
因為下一個旅程即將開始！
#向前看
#一個旅程的完結是另一旅程的開始
This is the funniest I have ever heard! 😛
During Briefing 📖
💁♀️: What will you do when you hear "Brace Brace" ???
As a cabin crew, I know you must know the answer.
BUT 🤷♀️
👨🦰: Point Exit!
🤭🤭🤭🤭🤭🤭🤭🤭🤭🤭
During Safety Demo, when cabin crew hear
the wording "Brace Brace" in the video,
it is time that cabin crew need to go to the assigned position and get ready to point exit. 🤯
🙂🙂🙂🙂🙂🙂🙂🙂🙂🙂
somehow ... maybe it's not a wrong answer lol.
correct answer: repeat command and Brace position.
到訪韓劇拍攝景點🤩
相信無人會否認韓劇的威力✨，甚至可以帶起成個旅遊業，好多人因為睇完韓劇就想去參觀下拍攝的現場。
我一向好少睇韓劇，但係難得有機會去到首爾，都要順應潮流，去左「屍殺列車」的首爾車站影番張相留念。😈 (應該係戲先岩)
#首爾 #韓劇
前天是香港航空業的災難✈️
但係「感性」過後，就要「理性」🤯
最簡單☁️的東西往往會被忽略
望落幅圖d問題係on9, 自己睇都會訓著😴
但係最基本的野係最重要
👊自己認認真真答得到, 做得齊
唔好呃自己, 認清方向, 重新出發💪
幫得到一定幫
加油！
Just for fun LOL
✈️沒有航班的二百一十六天
-------------------------------------
二零二零年三月十三日是我上一次工作航班的日期，到現在已經是半年有多的時間。二月時候的我心想如果日本封關就大件事了；三月時候的我心想日本封關了最遲六七月奧運開始都應該可以回復正常吧；四月時候沒有航班的我心想下個月應該會有航班給我吧；五月的我跟四月的我一樣；六月的我跟五月的我一樣。七月的我終於覺醒航空業到明年都應該不可以回復以前一樣了。
轉工🔨。到這一刻未有裁員是可幸的事，一直食住底薪這份糧，一直幻想著回復正常。你話底薪夠唔夠生存？係屋企唔出街乜都唔做，再用自己的積蓄，慢慢咬都可以捱到一陣。正如一個面包你慢慢食都可以食一個鐘。但係未來怎樣算呢？係唔係應該轉工呢？相信是好多同業的疑問。我覺得最好是現在做兼職，做得好再考慮轉做全職。出去見下工，其實面試都需要練習，了解一下自己，了解一下個市場，比多一個機會自己，試下無壞，或者對自己會有新的睇法！
讀書📖。沒有工作的日子，最好就是自我增值。坊間有好多的選擇，有現在好流行的網上課程，好處是時間彈性和免費，但需要好強的自律性，缺點是沒有一個真人的老師在你面前給你即時解答問題。當你遇到問題的時候，你就會被卡實了一樣，去唔到下一個課題。網上或者可以讓你發問問題，但都需要等一段頗長的時間才有人給你解答。或者這個時候可以增強你自我解決問題的能力，但是說真的是挺難的，所以真人授課永遠有佢的價值。另外，可以報讀一兩星期或一兩個月的短期課程，全日制或兼讀制，唯一問題係如果開班日期是下個月，這時候又會擔心可能那時候有機會要上班，所以那些一年的證書或文憑課程我都不敢報讀。天時、地利、人和，給你找到一個課程可以在這段沒有工作的期間完成，需要的運氣和努力都不少。加油！
久未做的事🤔。人生有那個時候會像現在一樣，有一個不可以去旅行的空檔期。過去永遠都在忙碌之中，好像不把時間安排得密密麻麻會不舒服的一樣。現在最好就是去做那些一直想做但一直拖拖拖，拖到幾十年都唔做的事。每個人都一定有這樣的事情。像我一直想學下投資，一直都衝破唔到個突破點，現在的起心干去嘗試。好多事情例如︰執屋？整理強積金？睇書？寫日記？學手藝？做運動？我有自己一直想做的事和想學的東西，你都會有一直想做的事。第一刻可能你未必諗到，或者你的第一個反應就答我沒有。用少少時間諗一諗，答案就自自然然會出現。
迷網😵。我相信迷網一定是空中服務員在這段期間經歷到的事。以上的種種憂慮，是不是要轉工？應該轉甚麼工？有甚麼課程可以讀？那一個課程最適合？應該怎樣利用這個空檔期？好多唔同的選擇要你去決定。其實選擇都需要時間，做一個決定並不是一時三刻的事。好好想想自己想要甚麼，有了頭緒就去試行，過程中你會發現遇到困難，試著去解決，用盡了方法都不行，才重新檢討，考慮換一個新方向。這個過程會不斷地重覆，直到你找到答案為止。每個人的處境都不同，沒有一個最標準的答案，只有最適合自己的方法。
很久以前，飛機還沒有的年代，人們覺得在天空飛是不可能的事，那些試著發明飛機的人就會被人恥笑。最後是怎樣？當大家有了目標，請堅持，不要理會嘲諷你的人，珍惜沿路支持你的人，成功了世界就會變得不一樣。共勉之。💪
二零二零年十月十六日
#轉工 #讀書 #久未做的事 #迷網 #共勉之 #空中服務員
「旅行的那一部份」
💁♀️︰成年無去過旅行勒！😭
💁♂️︰執下之前去旅行啲相囉！👿
💁♂️︰執相和後記都係旅行的一部份！
💁♀️︰執相個部分係你負責！😛
💁♂️︰當我無講過😀
💁♂️︰😘
#成功完結左無得去旅行的對話
#旅行的那一部份
#有幾多人去完旅行會執相
#幾千張相續張睇都要好耐
#寫後記更加少人會做
when you just realize you are daydreaming during the PA (public announcement)... ...
#大檸樂
這是我見過最荒謬的事...
#荒謬 #乘客
環遊世界...
不是退休後的事，
不是一個目標，
不是夢想。
環遊世界...
是年復年的累積，
是一生的過程，
是一種習慣。
坐言起行，地球每分每秒都在變，
今天的香港與昨日的也不一樣。
#環遊世界 #坐言起行
The best way to improve efficiency and happiness.
Do company know that?
We are skilled Flight Attendant!✈️
Due to Covid-19, there is a big crisis to the airline industry.😷 There are layoff, no paid leave and bankrupt. Remember what we have, the soft skills being a flight attendant. 👀The Customer Services exp, the personality we have, teamwork and time management are the skills that will benefit ours life forever. 💪No matter how the future will be, stay strong and keep going! 🤝Nice flight!
我地係空中服務員✈️
We are skilled Flight Attendant!😎
疫情下大家都無工返, 面臨失業的危機,😷 但係我想話唔好睇少自己, 我地有的係軟實力👀, 唔好人地話工作經驗唔計就唔計, 唔好做耐左覺得係手板眼見功夫就覺得唔重要, 甚至察覺唔到自己擁有的能力,其實大家能力好多.💪 去到邊都係一世受用, 做咩工都會用得著, 共勉之。🤝
#空中服務員 #空少 #空姐 #服務 #疫情 #軟實力 #一世受用 #唔好睇少自己 #相信自己有能力 #笑容 #獨立 #人際關係 #抗壓能力 #危機處理 #執生 #銷售
身為一個空中服務員✈️，放假去旅行都會用公司福利😆 - 員工機票。但係，自機票越賣越平，員工後補機票越黎越難上機🤦。有時都會寧願買正價特價機票等自己玩心安心，唔洗成日擔心上唔到機😎。
我係上年先開始留意儲里數換機票的事。我唔係一個專業級玩家，但係我覺得用平日的消費去儲里數都好夠。一年起馬都可以換到套短程機票，所以建議下大家可以留意下里數這回事🤟。
與其儲信用卡回贈(實在太少)🤷，不如拎下黎儲里數，以下係簡單的介紹，唔係廣告無收佣，只係想大家知多D😅
#員工機票 #後補機票 #上唔到機 #信用卡 #里數
空中服務員工作情景題 1 .......... (1分)😎😎😎
初入職時，每班機都要將開左又用剩的飲品，係降落前倒落厠所。🚽
有一次，當清理完後，發現仲有一盒開左的橙汁未解決(大約3杯)。🥃
我和男同事C身處飛機的最後位置，而厠所就係飛機中間位置。✈️
如果係你，你會...🤔
A) 自告奮勇去前面厠所倒左佢
B) 猜輸左的去前面厠所倒左佢
C) 問下有冇客想飲
D) 收埋佢，扮唔知
最後，
我地揀左E)
一齊隊左佢... ... 乾杯🍻！(懶到一個點)😆
#橙汁 #乾杯 #情景題 #空中服務員 #工作的日常
Menu
每次去完旅行，手機都會有一堆相係影餐廳收銀上面的Menu。唔係因為我有集郵影Menu的習慣，而係萬一落單時去到最壞情況，雞同鴨講的時候，就可以拎電話張相出黎，指住比佢睇我想食邊一個。(雖然好少會用到)..
#雞同鴨講 #最壞情況 #萬一 #集郵
香港
每次飛過香港上空，
都會望出窗，
找找自己認識的地方！
#香港 #香港加油 #夜景 #地圖
金莎 Ferrero Rocher
當每日返工都係即日來回，當每日做的野都係一樣，飛去邊到已經變得唔係咁重要。放工後你問番我今日飛邊到，我都要好認真咁諗，九成都諗唔起，我覺得自己老人痴呆其實都幾嚴重...
話說有班機和同事A和B講開我一陣放工會係機場禁區買盒金莎，因為機場賣的金莎和出面唔同，貴D和出產地唔同，好似話好食D。大家都第一次聽，我放工就去親證下，係真係有兩個版本的金莎賣緊。
隔左唔知幾耐定無耐，我見番同事B，好明顯我已經唔記得左當日發生的事，淨係覺得佢好熟面口。我仲好低能咁問「我地之前幾時一齊飛過？」我好記得同事B當時的表情跟住答話「金莎呀！」個一刻我的記憶就番返黎... ...
從此之後，每次見到同事B我都會諗起佢就係金莎。
到左今日，我的記憶應該無乜點進步過。如果你見到我十下十下，可以提下我，我只係暫時唔記得左je哈哈。
#老人痴呆 #放工 #金莎 #同事 #熟口熟面 #機場禁區 #記憶 #以笑遮醜 #唔好笑我
仲有小小野想講，因為試過比人HARD TIME和見過聽過無數的HARD TIME故事，所以答應過自己，日後自己升職之後要對後輩好D，我一直都有記住。
唔知大家有冇睇過阿拉丁套戲，一開始阿拉丁和燈神講會用第三個願望令燈神變番做人。去到最後，阿拉丁幾經波折本可以用第三個願望令自己變成真的王子，但係佢依然記得自己的承諾，許願令燈神成為真的人。
有時有D野，你做下做下就會忘記左自己的初衷，忘記左對自己的承諾。如果你係阿拉丁，你又會唔會記得和做到？
#佛系 #初衷 #承諾 #阿拉丁 #燈神
HARD TIME
- noun. a period of difficulties or hardship.
空中服務員業界中經常會提及的字眼，意指同事無理地處處為難，會出現指駡、態度惡劣或刻意玩弄別人的情況，多數發生在資歷較深的同事對待比自己資歷較淺的同事身上。
飛機是一個好細的封閉空間，若遇到經常HARD TIME別人的同事，就算是一小時的飛行時間都會好痛苦。大部分飛行的時間，同事們都會留係GALLEY即係廚房，而為免被HARD TIME，唯一的方法就係離開廚房，係飛機裡周圍飄遊，做乜都好，總之遠離惡魔的根源。
對於佛系空中服務員的我，我的對應方法通常是「嗯嗯」，繼續做自己野。若你叫我做野，工作範圍內的工作我都會去做。如果都係唔妥我的話，我也不怕你給我低的工作評分，我不會為分數而妥協哈哈。
我一直都在想這些人究竟是什麼構造？成日話HAPPY Flight! 唔係得個講字！
#佛系
360相機
幾年前買左個360相機，
買左新玩具當然會帶去旅行玩下。
為左將來可以VR咁睇番係沙漠騎駱駝、
行馬丘比丘和在天空之鏡的畫面。
我就好似拍Google map街景圖咁，
插個360相機連腳架落背囊到周街走...
p.s. 番到屋企都冇乜開過段片...
#360相機 #新玩具
Where have you been?
1) Desert
2) Grassland
3) Forest
4) Polar
It's never too late to go!
KA Secrets
( n ) facebook的一個page
專寫有關港龍航空的大小事
身為一個空中服務員，
我都試過一次post野上去KA Secrets。
第 #2514 ”乘客嘔吐備忘錄”。
話說某班機有個客衝入黎廚房爆嘔，
個次係一次慘痛的經歷，真人真事。
而家諗起都會諗起陣味。
之後個post仲登埋係GOtrip!
終於的起心干做自己想做的野
比下面入去like下😅
I make a new IG sharing travel things.
Have a look la lol.
Www.instagram.com/mr.tsunyin
Mr.TsunYin has 4 photos and videos on their Instagram profile.
行李箱
申請信用卡就有
個箱唔太7就得
平時寄居床下底
我坐飛機
最緊要平和準時
飛幾粒鐘，訓個覺都過左
留番d錢去到食唔好？！
無得去旅行？
香港咁大，你又去哂未？
Be the first to know and let us send you an email when Mr.TsunYin posts news and promotions. Your email address will not be used for any other purpose, and you can unsubscribe at any time.
Send a message to Mr.TsunYin:
Want your business to be the top-listed Travel Agency?
帶大家從另一個角度看「旅遊」！ 隨著去旅行的次數增加，慢慢建立自己一套的旅遊習慣，讓大家認識。
Nice Flight & Enjoy!
