23/11/2022
ගල්බොඩ දියඇල්ල 👫🌼❤️🏞️🐕🐐🐦🐠🦋🐛
🗻 පස්බාගේ ප්‍රාදේශීය ලේකම් කොට්ඨාසයට අයත් වැවේගම ග්‍රාමයෙහි ගලබොඩ ඇල්ල පිහිටා ඇත. වටවල ප්‍රදේශයෙන් ආරම්භ වන කෙන්දෝ ගඟ මූලාශ්‍ර කර ගනිමින් මෙම දිය ඇල්ල නිර්මාණය වී ඇත. ඇල්ල උසින් මීටර 30ක් පමණ වේ. එමෙන්ම මුහුදු මට්ටමේ සිට උස මීටර 950ක් පමණ ඉහළින් පිහිටා ඇත.
🚂 කොළඹ සිට ගමන් කරන අයෙකුට උදෑසන 5.55 පොඩි මැණිකේ දුම්රියෙන් උදෑසන 10.30 පමණ වන විට ගලබොඩ දුම්රිය ස්ථානයට ළඟා විය හැකිය. දුම්රිය ස්ථානයේ සිට පයින් විනාඩි 45ක පමණ වේලාවකින් දිය ඇල්ල වෙත ළඟා විය හැකිය. දිය ඇල්ල නැරඹීමට සංචාරකයින් රු.50/- ක ප්‍රවේශ පත්‍රයක් ලබා ගත යුතු වේ. නැවත ගලබොඩින් 2.28 ට සහ 4.06 ට කොළඹ දෙසට දුම්රිය දෙකක් ධාවනය වේ.
🍩 ඉතින් පැය 3ක වගේ කාලයක් තියෙනවා අසිරිය නැරඹීමටත්, නෑමටත්, කෑමටත්, හැබැයි ගලබොඩ කඩවල් නම් මුකුත් නැහැ ඒ නිසා තමන්ට අවශ්‍ය දේවල් රැගෙන යනවා නම් හොඳයි.
😍 ගල්බොඩ දිය ඇල්ල ආශ්‍රිත ප්‍රදේශය අදටත් හරිත පැහැයෙන් දිස්වෙනවා වගේම, පරිසර දූෂණයට ලක් නොවෙමින් පැවතීම විශේෂත්වයකි. ඉතින් සුන්දරත්වයෙන් අනූන මෙම සංචාරක ස්ථානය රැක ගැනීම එහි යන අප සැම අමතක නොකළ යුතු කරුණකි..... 🙏
