18/12/2021
Ang Grupo san 503rd Maneuver Company - RMFB5, o mas kilala sa tawag na Bravo Company, ay naghimo san saindang aktibidadis na tinawag na "Pamaskong Handog". Sobra na kalipay an namatyagan san mga residente san Brgy. Luna, San Jacinto, Masbate san naipaabot an bulig san Bravo Company na gina pamunuan ni PMAJ RENANTE NADA ARAMBUYONG, ang saindang Company Commander, an atab na panghatag sin pamasko sa nasambit na lugar san Desyembre 15 hasta 16 sani na tuig. Kag guintios an paglakat sin harayo na nag abot sin halos apat ka oras. Wara guin bargo an kusog san uran, sagkahon na bukid pati an dalunot kag dakmol san lapok sainda guinagihan, san tropa san Bravo Company para lang makahatag san diyot na kalipayon sa mga residente. Matam-is na hiniyom an imo makikita sa pamayhon san mga bata kaupod an inda mga guinikanan na nakaistar sa nasabi na lugar.
Halos umabot sa sobra 100 na mga bata kag 100 man na kabalayan an naging benepesyaryo san mga regalo kag foodpacks na naipang hatag san aton mga kapulisan. Matahom kag maayos an na guin resulta san nasabi na aktibidadis sa bulig san LGU san lungsod san San Jacinto kag mga opisyales san Brgy. Luna kaupod man an mga nag buluntaryo na miyembro san Alpha Kappa Rho Fraternity and Sorority, San Jacinto Chapter. An nasabi na aktibidadis usad sa mga maayo na tuyo san Police Regional Office 5 na kadtuon an mga lugar na kun diin dili basta-basta nasusulod kag ipamatyag na tanan na hanay san kapulisan ay amigo san kada usad kag kabulig san kun diin man na pagtios sa buhay lalo na sa panahon san krisis na dara sani na pandemya.
Photos Credit: FiveOthird MC Bravo
