بدت الفكرة في إنشاء يلا نمشي بسبب انو الناس بدت تزهج من الخرطوم من التكدس من الروتين و كل الناس شايفه انو مافيها برامج ترفيهية ياهو بحر توتي و شارع النيل و مطاعم الرياض
يلا نمشي كانت فكره لتنوير الناس عن الجوانب التانيه انو الخرطوم فيها الكتير فيها حدائق و محميات و مناشط و فعاليات و تاريخ معالمو للان موجودة معانا كانت الفكرة نزرع حب الخرطوم في الجميع و نوريهم جوانبها السمحه
اسي انعادت علينا ذكرى يلا نمشي و كل الناس بتحب الخرطوم بس للاسف بعد فقدتها 💔
يلا نمشي كانت حا تكبر وتسع السودان كلو بلد كلو جمااال و تاريخ و معاالم بس مشينا ليو في اسوأ الظروف ولكن لسه جوانا الامل في انو الخرطوم و السودان حا يرجع احسن من ما كان وحا نرجع نحكي قصصنا في اركانو و نرممو من تاني ❤
24/09/2022
اشتقنا ليكم 🥺
وحابين نرجع ليكم بفكرة الفيديوز للاماكن الترفيهية في السودان و الخرطوم تحديدا وكمان تحديد تكاليف الفرد الواحد لكل فعاليه
هل انتوا متحمسين ؟!😍
12/05/2022
في السودان بتبدأ بكرة و بعد بكرة (١٣ . ١٤ مايو ) آكبر فعالية للتوظيف عبر منصة اوروما البتقدم معرضها السنوي في معرض الخرطوم الدولي ببري شارع المعرض .
اوروما حا توفر مجموعه من أكبر المؤسسات و الشركات في السودان في مكان واحد علشان تحصل على عروض عمل وكمان فرصه للاستفسار و الاستشارة في مجالك مع مجموعة من المميزين في مجالات متنوعه وكل دا مجان .
كان لازم ندعم اوروما في معرضها الممتاز البقدم خدمه كبيرة للشباب .
وبنقول ليكم حاولوا شيلو ملفاتكم و امشوا قدمو و بالتوفيق ليكم كلكم 🔥
دا رابط صفحتهم في فيسبوك لي معرفه كل ما يخص المعرض Orooma Career Summit 2022
09/02/2022
أول مصنع لبن مجفف في الوطن العربي وافريقيا كان في السودان
(مصنع البان بابنوسه أُسس عام 1960)
لبن بودرة فتاة السودان الجميلة - سعر العلبه 450 جرام ب 6 قروش
افتتحه المارشال جوزيف تيتو رئيس يوغسلافيا الاشتراكيه
إلا ان الحكومات المتعاقبه دمرت المصنع وباعت مكناته
Be the first to know and let us send you an email when يلا نمشي posts news and promotions. Your email address will not be used for any other purpose, and you can unsubscribe at any time.
