Wonder of Ceylon (2024)

23/08/2022

- දවසක මෙතනට ගිහින් එන්න, පුදුමාකාර සැනසීමක් තියෙන තැනක් 🥺🙏🌿
- පොතුවිල් මහ වන මැද වැජඹෙන "කුඩුම්බිගල ආරණ්‍ය සේනාසනය" 😍☘️☸️🔥🌻🌊🏜️

අද අපි කතා කරන්න යන්නේ දොළොස් දහසක් මහ රහතන් වහන්සේලාගේ පාදස්පර්ශයෙන් අති පාරිශුද්ධත්වයට පත් වූ සුවිශේෂි ස්ථානයක් ගැන...

ඒ නමින් කුඩුම්බිගල ආරණ්‍ය සේනාසනයි...

මම හිතන්නේ වැඩි දෙනෙක් මෙහි ගිහින් නැතුව ඇති..
වනයක් මැද සැගවිලා කිව්වොත් නිවැරදී...

මෙහි,
අනුරාධපුර මුල් යුගයට අයත් රෝහණ රාජධානි සමයේදී මේ අවට බෞද්ධ ප්‍රබෝධයක් පැවති බව හෙළිකරන කටාරම් කෙටූ ලෙන්, සෙල්ලිපි, පැරණි දාගැබ් මෙහි වනගතව පැතිර තිබෙනවා.

සමහර ලෙනක වර්තමාන ආරණ්‍යයේ හිමිවරු වැඩ වසනවා.

මෙහි පිහිටා තිබෙන පර්වත 5ක් ඇසුරේ කටාරම් කෙටූ ලෙන් 50ක් පිහිටා තිබෙනවා.

ඔයාලා දන්නවද මෙම ස්ථානය හා බැදි කතාවකුත් තියෙනවා.. ඒ තමා රහතන් වහන්සේලාගේ යුගය අවසන් වී ගියායින් පස්සෙ ආයෙමත් මේ බිම වනයෙන් වැසී යන්නට ඇති.

1942 දි විතර අපූරු උපාසක මහත්තයෙක් මේ මහ වනය පීරාගෙන ඇවිත් තියෙනවා.. ඒ තමයි මෛත්‍රී උපාසක මහත්තයා.

උපතින් අන්‍යාගමිකයෙකු වූ මෙතුමා බුදු දහම වැළඳගෙන මේ මහ වනයට තනියම ඇවිත් මෙහි වූ සුදර්ශන ලෙන සුද්ද පවිත්‍ර කරගෙන බණ භාවනාවෙන් කාලය ගත කරලා තියෙනවා.

පස්සේ ඒ මහත්තයගෙ ආරාධනයෙන් තමයි කුඩුම්බිගල වත්මන් නවෝදයේ පෙර ගමන්කරුවාණන් වහන්සේ වුණ තාඹුගල ආනන්දසිරි ස්වාමින් වහන්සේ වැඩමවාගෙන තියෙන්නේ.

උන්වහන්සේ මේ වන අරණේ ලද අසිරිමත් අත්දැකීම් දැනගන්න නම් විසිපස් වසරක වන දිවි තොරතුරු ලෙස එතුමන් ලියූ පොත කියවන්න ම වෙනවා...

මුලින්ම ලෙන් 10ක පමණ බිත්ති බැඳ කුටි වශයෙන් සකසාගෙන බණභාවනා කිරීම ආරම්භ කර තිබෙනවා.

ක්‍රිස්තු පූර්ව යුගයට අයත් සෙල්ලිපි 10කට වැඩි ප්‍රමාණයක් මින් හමුවෙනවා.

කුඩුම්බිගල ආරණයේ දී නටබුන් දාගැබ් අටක් දැකගත හැකියි.

ආරණ්‍යගත ස්වාමීන් වහන්සේලාට පිටතින් පැමිණ දානය සකස් කරන්නන්ට නැවතිය හැකි ශාලාවක් මෙහි තනවා තිබේ.

මේ බිමේ ස්ථාන කීපයක ම ස්වභාවික දිය උල්පත් පිහිටලා තියෙන්නේ හරි ම අපූරු විදියට..

වියළි කලාපයේ දැකගත හැකි අලියා, කොටියා, තිත්මුවා, අඳුන් දිවියා, වල්ඌරා, වැලිමුවා, ගෝනා, වලසා, කබල්ලෑවා වැනි ක්ෂීරපායීහු මෙම වනපෙත තුළ තවමත් සිටිනවා...

කොළඹ සිට මොණරාගල පොතුවිල් හරහා කි. මී. 340ක් පමණ දුරකින් තමා මේ කුඩුම්බිගල ආරණ්‍යය පිහිටා ඇත්තේ....

ඇත්තටම අපි හිතුවොත්....
බිය දුරු කළ රහතුන්ට සොඳුරු නිවහනක් වූ මේ වන අසපුව තුළ හුදෙකලාව රැයක් පහන් කරන්නට අපගේ සිත් තව කොපමණ නම් ශක්තිමත් කර ගත යුතු ද කියලා මටත් හිතෙනවා...

-Copied-

Credit Always Goes to respective owner 🖤

.

20/08/2022

🇱🇰

19/08/2022

☸️🇱🇰
(Photo credit goes to respective owner🖤)

17/08/2022

Reverston 🇱🇰 😍

17/08/2022

යකාගෙ පඩිපෙළ 😍🇱🇰
Devil's staircase 🇱🇰
(Photo credits goes to respective owner🖤)

16/08/2022

ගැරඬි ඇල්ල 😍🇱🇰
(Photo credit goes to respective owner 🖤)

30/09/2021

🇱🇰

29/09/2021

🙏🇱🇰

18/06/2021

Nelligala Temple 🙏🇱🇰

27/12/2020

වැස්ස නිසා හැඩඋන සීගිරිය 😍🍃
📷

26/12/2020

සුනාමි ව්‍යසනය සිදුවී අදට වසර 16ක් 😔
මියගිය සියලු දෙනාට උතුම් වූ නිවන් සුවය ලැබේවා. 😔🙏

25/12/2020

මීදුමෙන් වැසුනු ලංකාවේ සුන්දරතම ස්ථාන කිහිපයක් 😍🍃
📷

23/12/2020

ශ්‍රී ලංකාවේ සංචාරය කිරිම සදහා පවතින සුන්දර දූපත් කිහිපයක් 😍🗺️
(මෙහි ඇතැම් දූපත්හි සන්චාරය සදහා අවසර ලබාගත යුතු වේ)

21/12/2020

යාපනයේ පතුළක් නැති ළිඳේ අබිරහස විසඳෙයි

බිත්ති නිර්මාණය වෙලා තිබෙන්නේ හිරිගල්වලින්

ළිඳේ යටම තිබෙන්නේ මුහුදු වතුර...

සොබා දහම තැන තැන අපූරු නිර්මාණ බිහිකරයි. ඉන්දියානු උප මහද්වීපයේ දකුණු කෙළවර පිහිටා ඇති ශ්‍රී ලංකාව යනු සොබා දහමේ තවත් අපූර්වතම නිර්මාණයක් බව නොරහසකි.

දූපතක් ලෙස පිහිටා ඇති ශ්‍රී ලංකාවේ උතුරේ පිහිටි යාපනය අර්ධද්වීපය මෙහි අපූර්වත්වය තවත් තීව්‍ර කරයි. වසර මිලියන ගණනක් පුරා නිර්මාණය වූ හුණුගල් ස්ථරයකින් යාපනය අර්ධද්වීපය නිර්මාණය වී තිබේ.
මේ භූමි නිර්මාණය තුළ හිරිගල් ආවාට හා ඛාදනය හේතුවෙන් නිර්මාණය වූ ගුහා හෝ දෝනා තිබිය හැකි බව භූ විද්‍යාඥයෝ විශ්වාස කරති.

බොහෝ දෙනකුගේ මතය වන්නේ යාපනයේ නීලාවරෙයි හන්දියට ආසන්නයේ පිහිටා ඇති සුවිසල් ළිඳ පතුළක් නොමැති මහ කුහරයක් බවයි. ඒ නිසා එය පතුළක් නොමැති ළිඳ යැයි හැඳින්වීමට ශ්‍රී ලාංකිකයෝ පුරුදුව සිටිති.

ඉතා දැඩි සංචාරක ආකර්ශනයක් දිනා ඇති මේ පතුළක් නැති ළිඳ ගැන ඇති කතාවකින් කියවන්නේ සටන් විරාම කාලයේ මේ ළිඳට වැටුණු පුද්ගලයකුගේ සිරුරක් සොයාගත නොහැකි වූ බවයි. දින ගණනකට පසු ඔහුගේ සිරුර කන්කසන්තුරේ මුහුදේ පාවෙමින් තිබිය දී හමුවූ බව ද පැවසේ.

“එක වතාවක් මෙතැනට ආපු තරුණයෝ වගයක් මේ ළිඳේ වතුර කොතැනට සම්බන්ධ වෙලා තියෙනවා ද කියා බලන්න දෙහි ගෝනියක් මේකට දැම්මා. මේ දෙහි මතුවුණේ කීරමලෙයි මුහුදෙන්” ගැමියකු එසේ කීවේය.

ඔවුන් පවසන්නේ මෙහි පතුල සෙවීමට ගත් සියලු‍ උත්සාහයන් ව්‍යර්ථ වී ඇති බවයි. ඇතැමුන් පවසන්නේ මෙය කිලෝ මීටර 04ක් දුරින් ඇති කීරමලේ පොකුණ හා සම්බන්ධ බවයි. තවත් පිරිසක් කියන්නේ මේ ළිඳට ජලය ලැබෙන්නේ මාතලේ ප්‍රදේශයේ උල්පත්වලින් බවයි.

මෙහි සත්‍ය අසත්‍යතාව සෙවීමේ ගවේෂණයකට මධ්‍යම සංස්කෘතික අරමුදලේ මුහුදු පුරාවිද්‍යා කණ්ඩායම අත ගැසූහ.

ඔවුන් පවසන්නේ මෙය ළිඳක් ලෙස හැඳින් වුව ද බැලූ බැල්මටම එය හුණුගල් ආවාටයක් බව පැහැදිලි වෙන බවයි. ඉතාමත් පිරිසිදු නිල්වන් ජලයෙන් පිරී ඇති මෙම ළිඳ ඉතාමත් ගැඹුරු බව මතුපිට සිට බලන්නකුට පවා අවබෝධ වන කරුණකි. ප්‍රදේශයේ ජනතාවගේ ජල අවශ්‍යතාව වසර සිය ගණනක් පුරා සපුරමින් පැවැති මේ ළිඳ අසල පැරණි දාගැබක නටඹුන් හා හින්දු කෝවිල් කිහිපයක් දක්නට ලැබේ. දාගැබේ නටඹුන් හේතුවෙන් මේ ස්ථානය පුරාවිද්‍යා රක්ෂිතයක් ලෙස නම් කර ඇත. මීටර 14.5ක් දිගැති හා පළල මීටර් 10.7ක් වන මේ ළිඳ වටා සිමෙන්ති යොදා ළිං බැම්මක් සකසා තිබේ. පුරාවිද්‍යා දෙපාර්තමේන්තුව විසින් ආරක්ෂිත දැලක් ද ඉදිකර තිබේ.

මෙම ගවේෂණය සඳහා හිරිගල් ගුහා සහ දෝනා ආශ්‍රිත කිමිදුම් කටයුතු කිරීමේ ප්‍රවීණයකු වන රුසියානු ජාතික වයිලි කෂ්කිනොව් මහතාගේ සහ ප්‍රවීණ කිමිදුම් ශිල්පියකු වන හික්කඩුවේ එම්.ජී. ප්‍රියන්ත මහතාගේ සහය ලබාගෙන තිබේ.

වයිලි මහතා වසර ගණනාවක සිටම ජලාශ්‍රිත උමං හා හිරිගල් ගුහා තුළට කිමිදුම් කටයුතු කිරීමේ පළපුරුද්දක් ඇති එවැනි කිමිදුම් සඳහා උපදේශකයකු මෙන්ම තාක්ෂණික කිමිදුම් කටයුතු පිළිබඳ පුහුණුව ලද අයෙකි.

වයිලි මහතා සහ ප්‍රියන්ත මහතා පළමුව මේ ළිඳට බැස්සහ. සියලු‍ ම ආරක්ෂිත ක්‍රමෝපායයන් අනුගමනය කරමින් මේ කටයුත්තට පිළිපන් දෙදෙනාගේ පළමු ඉලක්කය වූයේ ළිඳට බැස එහි වටේ පරීක්ෂා කිරීමයි. දෝනාවක් තිබේ නම් ඒ තුළින් ගමන් කිරීම දෙවැනි අදියරේ සිදුකිරීම අපේක්ෂාව විය.

මේ සම්බන්ධයෙන් අදහස් දැක්වූ මුහුදු පුරාවිද්‍යාඥ රසික මුතුකුමාරණ මහතා මෙසේ කීවේය.
“මේ සැලැස්මට අනුව කිමිදුම් කටයුතු ආරම්භ කරලා මිනිත්තු අටක් වැනි කෙටි කාලයකින් ළිඳේ පහළට ගොස් තත්ත්වය පරීක්ෂා කර මතුපිටට ආපු වයිලි මහතා කීවා ළිඳෙහි වතුර නිශ්චලව පවතින බව. ඒ වගේම මීටර 10-20ත් අතර ගැඹුරේ දී ජලය අපහැදිලි බවත් එම ජලයේ මඩ අංශු පවතින බවත් ඔහු කීවා. ඉන්පසු පතුලේ ඇති ජලය ඉතා පැහැදිලි නමුත් මැද ස්ථරයේ මඩ අංශු නිසා හිරු එළිය නොවැටීමෙන් පතුළ අඳුරු බවත් කීවා.”

ඉන්පසු මුහුදු පුරාවිද්‍යා ඒකකයේ ඒ.එම්. දයානන්ද, එස්.එම්. නන්දදාස සහ රසික මුතුකුමාරණ යන තිදෙනා ද වයිලි සහ ප්‍රියන්ත සමඟ ළිඳ තුළට බැස කිමිදෙමින් පරීක්ෂා කරන්නට වූහ.

මෙහි ජලය මදක් කිවුල් ස්වභාවයෙන් යුක්තය. එසේ වුව ද ජලය පිරිසිදුය. මීටර 10-20 පමණ ගැඹුරට යන විට ජලයේ ලා දුඹුරු පැහැති මඩ අංශු මිශ්‍රවී තිබේ. එමෙන්ම ජලයේ කිවුල් ස්වභාවය මතුපිටට වඩා වැඩි බව ද මුතුකුමාරණ මහතා පවසයි.

තවත් ගැඹුරට යමින් මීටර 20 ගැඹුර පසුකරන විට ජලයේ පැහැදිලි බව යළි වැඩිවෙයි. මීටර 23-25ත් අතර ප්‍රමාණයේ දී ජලය ඉතා පැහැදිලි තත්ත්වයක පවතින බවත් එකවරම ජලයේ ලවණ ගතිය අතිශය ඉහළ යන බවත් ඔහු කීවේය. මුතුකුමාරණ මහතා පවසන්නේ මීටර 25න් පසු ජලය සම්පූර්ණයෙන්ම මුහුදු ජලය හා සමාන බවයි. එතැන් සිට ළිඳ පතුළට යනතුරුම දැඩි අන්ධකාරයක් පවතින අතර විදුලි පන්දම් නොමැතිව කිමිඳුම් කටයුතු කිරීම අපහසු කාර්යක් බව ද ඔහු පවසයි.

“මේ ළිඳේ ජලය සැලකූ විට ඉතාමත් අපූරු දසුනක් දක්නට ලැබුණා. ඝනත්වයෙන් වැඩි පතුලේ අැති මුහුදු ජලයත් ඉහළින් ඇති ඝනත්වයෙන් අඩු මිරිදියත් වෙන්වන මායිම මෙහි පැහැදිලිව දකින්නට ලැබෙනවා. එම ස්ථානයේ විදුලි පන්දම් ආලෝකයෙන් ලවණ අංශු භ්‍රමණය වන ආකාරය ඉතා ආකර්ශනීය දර්ශනයක්. ඒ වගේම ළිඳට වැටී තිබුණු ප්ලාස්ටික් වතුර බෝතල් සහ පොලිතීන් මලු‍ කිහිපයක් මේ ස්ථර දෙක වෙන්වන සීමාවේ ඉහළටත් පහළටත් ගමන් නොකර ස්ථාවරව පතින ආකාරය දක්නට ලැබුණා.”

පර්යේෂකයන් පවසන්නේ මෙහි ජලය ඉතා නිශ්චල බවයි. මතුපිට ජල මට්ටමේ සිට මීටර 40ක් පමණ ගැඹුරට ගිය විට ළිඳේ පත්ල හමුවී ඇත. වසර සිය ගණනක් පුරා ළිඳට වැටුණු ඇතැම් අපද්‍රව්‍ය මෙහි මැද එකතුවී තිබෙන්නේ කුණු ගොඩැල්ලක් ගැසූ ආකාරයෙනි. මේ අතර අසල ඇති බෝගසින් සහ අවට ශාකවලින් වැටුණු පත්‍ර හා රිකිලි රැසක් ඇති බව ඔවුහු කියති. ඒ අනුව ළිඳේ ගැඹුර අඩුම ස්ථානය ළිඳේ මැද බවට පත්ව ඇත.
ගවේෂකයන් වසන්නේ ළිඳෙහි කට ප්‍රදේශයට වඩා පතුළට යනවිට වට ප්‍රමාණය වැඩි වන බයි. ඒ අනුව පතුළට යන විට ගුහාවක් තුළට යන ආකාරයක් දක්නට ලැබෙන අතර මීටර 15ක් පමණ ගමන් කරන විට පහළට ලැබෙන ආලෝකය අඩු වෙයි. මෙහි බිත්ති නිර්මාණය වී ඇත්තේ හිරිගල්වලිනි. ඒ මත ඉතා සියුම් දුහුවිලි වැනි අංශු රැඳී තිබේ. ඉතා සුළු කැළඹීමකින් වුව ද ඒවා ලිහිල් වෙයි.

හුණුගල් ස්ථරයේ ස්වභාවය හා සැකැස්ම පරීක්ෂා කරමින් ගවේෂණ කණ්ඩායම ළිඳ පැති බිත්ති පවා ඡායාරූප හා වීඩියෝ ගතකර තිබේ. ළිඳෙහි බටහිර මායිමේ පතුලෙහි ගැඹුර මීටර 55කි. ජලයේ උෂණත්වය සෙල්සියස් අංශක 28-30ත් අතර ප්‍රමාණයක් බව ද ඔවුහු කියති.

“අපි මේ හිරිගල් බිත්තියේ සාම්පල කිහිපයක් ගත්තා. ඒවා පරීක්ෂා කිරීමේ දී මේ හිරිගල් ස්ථරය මයෝසීන යුගයට අයත් බව හඳුනාගත හැකි වුණා. ඒ හිරිගල් සාම්පල අතර කවච සහිත මුහුදු බෙල්ලන්ගේ ෆොසිල අවශේෂ දක්නට ලැබුණා” යැයි මුතුකුමාරණ මහතා කීවේය.

ගවේෂණය අවසන් කළ පර්යේෂකයන් පවසන්නේ මේ පතුලක් නොමැති බව පවසන ළිඳට හිරිගල්වලින් සෑදුණු පතුලක් තිබෙන බවයි. එමෙන්ම අවට ගම්වැසියන් සහ සංචාරක මඟ පෙන්වන්නන් පැවසුවාට මේ ළිඳ මුහුද හා කිසිදු සම්බන්ධයක් නොමැති බව ද අනාවරණය වී තිබේ.

මෙම පර්යේෂණය සඳහා මධ්‍යම සංස්කෘතික අරමුදලේ මුහුදු පුරාවිද්‍යා ඒකකයේ ස්ථානභාර නිලධාරි ඩබ්ලිව්.එම්. චන්ද්‍රරත්න මහතා, සමුද්‍ර පුරාවිද්‍යාඥයන් වන රසික මුතුකුමාරණ මහතා, චමල් කේ. ගමගේ මහතා, සමීර ප්‍රසංග කරුණාරත්න මහතා, නදීකා කුමාරි මහ්තමිය, මහින්ද කරුණාරත්න මහතා සහ චමිලා කුමාරි මහත්මිය යන කණ්ඩායම සහභාගි වූහ.

ඔවුන්ගේ ගවේෂණයෙන් යාපනය අර්ධද්වීපයේ පතුලක් නැති ළිඳේ අභිරහස විසඳී ඇත.

සජීව විජේවීර
ඉරිදා ලංකාදීප

19/12/2020

18වංගුව 😍🛤️ | 18 Bend Road 🇱🇰

මහනුවර සහ මහියංගනය හෝ සුප්‍රසිද්ධ කෙස්-පින් වංගුව දහඅට සම්බන්ධ කරන මාර්ගය බොහෝ රියදුරන් රටේ දුෂ්කර මාර්ගවලින් එකක් ලෙස බිය විය. සුප්‍රසිද්ධ කෙස්-පින් 18 වංගුව බොහෝ පළපුරුදු මෝටර් රථ හිමියන්ට පවා දුෂ්කර මාර්ගයක් බවට පත් කර ඇති අතර ඔවුන්ගේ රිය පැදවීමේ කුසලතා පරීක්ෂා කිරීමට එක් මාර්ගයක් බවට පත්විය.

මාර්ගයේ මතුපිට ඇස්ෆල්ට් ය. මෙම මාර්ගය නවක රියදුරන් විසින් උත්සාහ නොකළ යුතුය. කිලෝමීටර් 41 ක් දිග මාර්ගය මීටර් 15 ක් දක්වා පුළුල් කර උඩතන්න සිට මහියංගනය දක්වා කාපට් කර ඇත. මුළු මාර්ගයටම පාලම් 10 ක් සහ කොටු බෝක්කු 320 ක් ඇතුළත් වේ. 2008 අප්රේල් මාසයේ ආරම්භ කරන ලද 18 වංගුවේ මාර්ගයේ අලුත්වැඩියා කටයුතු වසර හතරකටත් අඩු කාලයකදී ඉදිකිරීම් අවසන් කර ඇති අතර, වාහන හිමියන්ට ආරක්ෂිත හා සුව පහසු ගමනක් ලබා දෙමින් ගමන් කාලය පැය 4 සිට 1 to දක්වා අඩු කරයි. මීටර් 8.25 ක පළලක් සහිත මෙම ද්විත්ව කරත්ත අධිවේගී මාර්ගය ආසියානු සංවර්ධන බැංකුවේ සහාය ඇතිව නිම කරන ලදී. මෙම මාර්ගය දේශීය හා විදේශීය සංචාරකයින් අතර ආකර්ශනීය මාර්ගයක් වූ අතර මහියාංගන හෝ රටේ නැගෙනහිර ප්‍රදේශයට යන ගමනේදී මෙම භූමිය පසුකර යාම ඔවුන්ට ඉතා දුර්ලභ අත්දැකීමක් විය. බොහෝ ළමයින්ට සහ වැඩිහිටියන්ට, ඔවුන්ගේ ගමනේදී මෙම නැමීම් 18 ගණනය කිරීම සහ කඳු මුදුනේ සිට මහියානගන නිම්නයේ දර්ශනීය දර්ශනය නැරඹීම සඳහා කඳුකරයේ මුදුනේ කෙටි නැවතුමක් තිබීම ඉතා ප්‍රීතිමත් අත්දැකීමක් විය.
-Copied-

📷

16/12/2020

හන්තාන 🏔️😍 | HANTHANA 🇱🇰

හන්තාන කඳුවැටිය මහනුවර නගරයේ සිට ගලහ නගරය දක්‌වා පැතිර තිබෙනවා. මෙම කඳුවැටිය ගඟවට, පාතහේවාහැට, උඩපළාත සහ දෙල්තොට යන ප්‍රාදේශීය ලේකම් කොට්‌ඨාසවලට අයත්. මහවැලි ගඟේ ඉතාමත් වැදගත් ජලපෝෂක ප්‍රදේශයක්‌ ලෙස හන්තාන කඳුවැටියේ බටහිර බෑවුම් ක්‍රියාකරනවා. මුහුදු මට්‌ටමේ සිට මීටර් 1240 ක්‌ (අඩි 3720) පමණ උපරිම උසකින් පිහිටි මෙම කඳුවැටිය එකිනෙකින් වෙන් වී ඇත්තේ මහවැලි ගඟේ අතු ගංගා නිම්නවලින්. කඳු 7 කින් සමන්විත හන්තාන කඳු වැටියේ උසම මුදුන ඌරා කන්දයි. කන්ද උඩට නැග ඊට පසු එහි එකිනෙක මුදුන්වලට ළඟාවීම දුෂ්කර නමුත් එය ඉතා සුන්දර ඇත්දැකීමක්. කඳු මුදුනට මහනුවර නගරයේ අපූරු දසුනක් ද දැකගත හැකියි. මහවැලි නදිය මහනුවර පැදකුණු කරමින් ගලායන ආකරයත් රමණීය අයුරින් පේනවා. මධ්‍ය කඳුකරයේ නකල්ස් ඇතුළු කඳුත් අරණායක ප්‍රදේශයේ දොළොස්බාගේ කඳු ඇතුළු සබරගමු කඳුකරයත් මෙහි සිට අපූරුවට දැක බලාගත හැකි.

ගොඩක් අයට ප්‍රශ්නයක් හන්තානෙට යන්නේ කොහොමද කියල. හන්තාන අවදානමකින් තොරව පහසුවෙන් ගවේෂණය කළ හැකි කඳු වැටියක්. පේරාදෙණිය ගලහ පාර ඔස්සේ ගොස් විශ්ව විද්‍යාලය අසලින් මෙන් ම මහනුවර රෝහල අසලින් ඇති උඩවෙල – 4 කණුව දක්වා දිවෙන මාර්ගයෙන් ද හන්තාන අඩවියට යන්න පුළුවන්. උඩවෙල මාර්ගයේ යන්නේ නම් උඩවෙල හෝ 4 කණුව බස් රථයෙන් ගොස් හන්තාන වතුයාය අසලින් බැස කන්ද තරණය කළ හැකිය. ඈතින් කඳු මුදුනේ දිස්වන දුරකථන සංඥා කුලුණ අසලට ගොස් තවත් ඉදිරියට ගමන් කිරීමෙන් කඳු මුදුන්වලට යා හැකිය. පේරාදෙනිය සරසවිය ළඟින් පටන් ගන්නවා නම් හන්තාන උඩ පේරාදෙනිය පාර දිගේ ගියහම Upper Hanthana Lodge එක හමු වෙනවා. එතනින් තියෙන අඩිපාර දිගේ කඳු මුදුන්වලට ළඟාවිය හැකියි. මේ මාර්ග දෙකට අමතරව මහකන්ද සරසවිගම ප්‍රදේශය හරහා වැටී ඇති පාර ඔස්‌සේත්, දෙල්තොට ප්‍රදේශය ඔස්‌සේත් හන්තාන තරණය කළ හැකිය. කන්දට යන මාර්ගය අවට පයිනස් වන වගා සහ තැන තැන තියනවා. ඒ නිසා හොයා ගන්න අමාරු නැහැ.

යනවනන් යන ඔයාලත් රැකේන්න ...
මේ පරිසරයත් රකින්න ..
-Copied-

📷

16/12/2020

හම්බන්තොට කුරුලු උයන 🐦😍| Birds Park Hambanthota 🇱🇰

තවත් දකුනු පලාතට අයිති තවත් ලස්සන තැනක්.කුරුල්ලෝ එක්ක කාලය ගත කරන්න.අපි දන්නෙ නැති ගොඩක් කුරුලු විශේශ හදුනා ගන්න අවස්ථාවක් මේක.
කුරුලු විශේෂ එක්ක විනෝද වෙන්න , විනෝදයෙන් කාලය ගත කරන්න අපි භැමෝම ආසයී චූටි ලමයින්ට විතරක් නෙවෙයි. ඔන්න බාල මහලු තරුණ අපි හැමෝටම අවස්ථාවක්..
බලන්න එතන තියෙන සුන්දරත්වය.....

හම්බන්තොට කුරුළු උයන
( හම්බන්තොට )
කොළඹ සිට දුර 226 kmkm

හම්බන්තොට කුරුලු උයන ආසියාවේ ලොකුම කුරුලු උයන මෙන්ම පර්යේෂණ මධ්‍යස්ථානය ද වෙයි. සත්ත්ව විද්‍යාව හදාරන බොහෝ විශ්වවිද්‍යාල විද්‍යාර්ථීන්ට තම පර්යේෂණ සඳහා මේ කුරුලු උයන පර්යේෂණගාරයකි. සත්ත්ව චර්යා රටා, ප්‍රජනන විධි උන්ගේ ආහාර රටා ආදී බොහෝ දේ නිරීක්ෂණයට විද්‍යාර්ථින්ට මෙහි දී හැකිය. ඒ සඳහා විශේෂ පහසුකම් ද මෙහි සලසා ඇත.

උද්‍යාන භූමිය පුරා විවිධ වර්ගයේ වෘක්ෂලතා හා පළතුරු වගා කරන්නට දරන උත්සාහය කැපී පෙනේ. කුරුලු කූඩු ඇතුළත පවා විවිධ වර්ගයේ පළතුරු ගස් වවා තිබේ. වැඩි වශයෙන් දක්නට ලැබෙන්නේ වියළි කාලගුණයට ඔරොත්තු දෙන පේර ගස්ය.

කුරුලු උයන නැරඹීමට යන ඔබ කොළඹ නඟරයෙන් පිටත්වන්නේ නම් අධිවේගී මාර්ගය ඔස්සේ මාතර දක්වාම යා හැකිය. මාතරින් පැමිණ හම්බන්තොට නගරය පසුකරන ඔබ කටුවාවැව හන්දියෙන් වමට හැරී 7km පැමිණි විට කුරුලු උයනට ළඟාවිය හැකිය.

මෙහි මිල ගණන් ද සාධාරණය. වැඩිහිටි කෙනෙකුට රුපියල් 250ක් ද අවුරුදු පහේ සිට දහය දක්වා දරුවකුට රුපියල් 150ක් ද අය කෙරේ. පහට අඩු දරුවන් සඳහා මුදල් අය කරන්නේ නැත. විදේශීකයන් සඳහා මේ මුදල මීට වඩා වැඩි අගයක් ගනී.
-Copied-

📷

13/12/2020

නළඟන ඇල්ල 😍🍃 | Nalagana Falls 🇱🇰

රිටිගහ ඔය ජලාශයෙන් ආරම්භ වන නළඟන ඇල්ල බුලත්කොහුපිටියට කි.මී. 7 ක් නැගෙනහිර දෙසට වන්නට පිහිටා ඇත.මෙම දිය ඇල්ල මීටර 40ක් පමණ උසකින් යුක්ත වේ.

බුලත්කොහුපිටිය-දේදුගල මාර්ගයේ කි.මී
7ක් පමණ ගමන් කළ විට මෙම ඇල්ලට යන මාර්ගය හමුවේ.එම ස්ථානයේ නාම පුවරුවක් සවි කර ඇති නිසා මාර්ගය සොයා ගැනීම අපහසු නොවේ.එම මාර්ගයේ මීටර් 300ක් පමන පයින් යන විට නළඟන ඇල්ල හමුවේ.

වර්ෂාව අධික කාලයේදී ඇල්ලේ වතුර වැඩි නිසා පරෙස්සම් වෙන්න වෙනවා.
-Copied-

📷

12/12/2020

හිරිවඩුන්න ගම්මානය 😍🍃 | Hiriwadunna village 🇱🇰

10/12/2020

#නෙල්ලිගල | 🙏☸️ 🇱🇰

සමන් ගිරි හිස පේන මානයේ නෙල්ලිගල පුදබිමෙ. දේවිලොවක මෙන් සුන්දරව ඉදිවන ආර්‍ය ශාවක සුමන සමන් දෙවි රජුන්ගේ දෙවිරුව...

ඇත්තටම දිව්‍ය විමානෙන් වඩිනවා සේ දැනේවි.නෙල්ලිගල හාමුදුරුවෝ දෙයක් කරොත් ආයි ඒකෙ ඇදක් කුදක් කියන්න ඉතුරු වෙන්නෙ නෑ, දකින්නන් සැදැහැ සිතින් වැදවැටී දනින් නැමෙනවා සත්‍යයි ඒ පිංකම් ඒ නිර්මාණ නෙල්ලිගල දිව්‍ය විමානයක් සේ අද වැජඹෙන්නෙ මීට වසර 5 කට කලින් වතුර බිදක් නැති වියලී ගිය ගල්තලාවක් ව තිබූ ස්ථානයක්.

අද ලක්ශ ගණන් වන්දනාකරුවන් පැමිණෙන නෙල්ලිගල පුදබිම වසර පහකින් සාදා නිම වූ බව කීවොත් අදහා ගන්නටවත් බැරි වේවි ඒ අපේ හාමුදුරුවන්ගේ දක්ශතාව නිර්මාණශීලිත්වය.

නුවරට දළදා මාළිගාවට යන ඕනෑම කෙනෙක් නෙල්ලිගලට ගොඩවී යන්න අමතක කරන්නේ නෑ. තවත් ලස්සන වෙන අහස සිඹින නෙල්ලිගල පුදබිමේ තවත් අලංකාර සිත නිවෙන දුටුවන් මවිත කරවන කුසල් සිත් වැඩෙන නිර්මාණ බිහිවේවායි මගේ පැතුම....!!

අපේ හාමුදුරුවනේ යෝදබල යෝධ ශක්තිය ලැබේවා තෙරුවන් සරණයි !! 🙏🙏🙏
-Copied-

📷

08/12/2020

උල්කාවක් කඩා වැටුණු උස්සන්ගොඩ ජාතික උද්‍යානය 😍🍃 | Ussangoda National Park 🇱🇰

දකුණු පළාතේ අම්බලන්තොට වැලිපටන්විල ප්‍රදේශයේ පිහිටා තිබෙන උස්සන්ගොඩ ජාතික උද්‍යානය දෙස් විදෙස් සංචාරක ආකර්ශනය නොඅඩුව ලබාගත් ස්ථානයක්.මේ උස්සන්ගොඩ භූමියේ පස රතු පාටින් යුක්ත වෙනවා.ඒ වගේම තමයි මේ භූමියේ ඉතා බරුති පාශාණ විශේෂයක් සහිතයි.මේ පාෂාණ ගිණි කන්දක් විදාරණය වෙලා ලාවා ගල් වීමෙන් සැදුනු පාෂාණ වලට සමානයි.මේ රතු පස ඉතා සුවිශේෂී වෙනවා.මේ පසේ කිසිදු ආකාරයක ශාක විශේෂ පැළවෙන්නේ නැහැ.වෙනත් ප්‍රදේශ වලින් සුළගින් ගසාගෙන එන පස් ස්ථර තැන්පත් වීමෙන් කළමැටිය අභයභූමියේ ඇති කරඹ,පතොක්,එරමිණියා වැනි ශුෂ්ක ශාක මේ පස් ස්ථරය මත පැළවෙනවා.ඒ වගේම තමයි නවහන්දි,සූර්යකාන්ති,චන්ද්‍රකාන්ති,විෂ්ණුකාන්ති වැනි ඖෂධ වර්ග පමණ මෙහි ස්වාභාවිකව දක්නට ලැබීම විශේෂත්වයක්.

අතීතයේ දඩුමොණරය ඒ කියන්නේ රාවණා රජුගේ අහස් යානය ගුවන් ගත කල පථය මේ ප්‍රදේශය බව ජනප්‍රවාදයේ සදහන්.රතුපස දැවුණූ විශාල පාශාණ දඩුමොණරය ගුවන්ගත කිරීමේදී ඇති වූ පිළිස්සීම් වලින් නිර්මාණය වූ බවටත් විශ්වාසයක් පවතිනවා.තවත් එක විශ්වාසයක් තමයි උල්කාවක් වැටීමෙන් මේ ප්‍රදේශයට මේ රතුපස සහා විශාල පාශාණ නිර්මාණය වී ඇති බව විශ්වාස කරනවා.මේ විශ්වාසය තහවුරු කරමින් මේ ප්‍රදේශයේ අවාටයක ස්වරූපයක් දැකගන්න පුලුවන්.

උස්සන්ගොඩ උද්‍යානයේ එක් මායිමක් මුහුදට මුහුණලා තිබෙනවා අධික ලෙස මුහුදු ඛාදනයට ලක්ව පවතින එම ප්‍රදේශය කිසිදු බලධාරියකුගේ අවදානයට යොමු වීමක් සිදුව නැහැ.කැලිකසල,විවිධ අපචාර ක්‍රියා මේ උස්සන්ගොඩ උද්‍යානයේ වටිනාකම අඩු කරනවා.ඉතිං බලදාරින්ගේ අවදානය යොමු විය යුතු විශේෂ උරුමයක් ලෙස උස්සන්ගොඩ දැක්විය හැකිය.

📷

05/12/2020

හාවාගල | Hawagala 😍🍃

හාවාගල කියන්නෙ ලංකාවේ කදු නගින්නන් අතර ඉතා ජනප්‍රිය ස්ථානයකි.මුහුදු මට්ටමේ සිට මීටර් 1330 ක් පමණ උසින් පිහිටි හවාගල මුදුනට ලඟා වූ පසු නෙත පිනවන අංශක 360 ක දර්ශන පථය තුළ එක් පසකින් සමනළ වැව, සබරගමු විශ්වවිද්‍යාලය, හා බදුල්ල මාර්ගය ද, අනෙක් පසින් පෙර සඳහන් කරන ලද පටුපාවකහින්න කන්ද, දොරපෑලියගල කන්ද, හෝර්ටන් තැන්න, ලෝකාන්තය හා බෙලිහුල්ඔය ද තවත් පසකින් දෙතන ගල ආදී කඳු පන්තීන්ගෙන් සමන්විත වේ.

රාත්‍රී කඳවුරු බැඳීමට ඉතාමත් යෝග්‍ය සුන්දර කඳු මුදුනක් වන හාවාගල කඳු මුදුන වෙත යාමේදී, වැසි සමයක් නම් කූඩෑල්ලන් සඳහා ප්‍රතිකර්ම යොදාගන්නා ලෙස ද නිසැකව තම පරිභෝජනයට අවශ්‍යය ජලය පහළින් සපයා ගත යුතු බව ද සඳහන් කළ යුතුය. උදෑසන හිරු උදාවේ දර්ශනයත් මීදුම් පිරුණු වාළාකුළු පද්ධතියත් ඒ ගෙවා දමන කාලය තුළ ඔබ වලාකුලු මත වාසය කරනවා යන හැඟීම ජනිත කරවීමට නිසැකවම සමත් වනු ඇත.

බලංගොඩ නගරය පසුකර බෙලිහුල් ඔයට නුදුරින් පිහිටා ඇති මෙය තරණය කිරීමට තරමක් අපහසු නමුත් වෙනස්ම වූ පරිසර පද්ධතියක් සහිත ප්‍රදේශයකි.මෙහි යාම සදහා බෙලිහුල් ඔය රිසෝට් (පාලම)අසල මාර්ගයකින් ඉහලට ගොස් පහන්තුඩාව ඇල්ල අසලින් ඉහලටද නැත්නම් එම අතුරු මාර්ගයේම ඉදිරියට ගොස් හමුවන තවත් මාර්ගයක් ද භාවිතා කල හැක.

📷

02/12/2020

බෝඹුරු ඇල්ල | Bomburu Falls 🇱🇰

ඌව-පරණගම ප්‍රාදේශීය ලේකම් කොට්ඨාසයේ වැලිමඩ නගරයේ සිට කිලෝමීටර 15 ක් පමණ දුරකින් නුවඑළිය සහ බදුල්ල දිස්ත්‍රික්කවල මායිම්ව බෝඹුරු ඇල්ල පිහිටා ඇත.

මුහුදු මට්ටමේ සිට මීටර් 1500-2000 උසකින් පිහිටා ඇති මෙම ඇල්ල ශ්‍රී ලංකාවේ පළල්ම දිය ඇල්ල වේ. දිය ඇල්ලේ ප්‍රභවය මධ්‍යම කඳුකරයේ පිහිටි විලකි.

‌ යන්න ගිහින් පරිසරය රිසිසේ විඳගන්න. පා සලකුණු පමනක් තියලා එන්න...

-අපේ facebook පිටුවටත් ලයික් කරන්න අමතක කරන්න එපා🖤😊-

[Don't Forget to also like our page🖤😊]

📷

02/12/2020

අම්බුළුවාව | Ambuluwawa 🇱🇰

අම්බුළුවාව මහනුවර දිස්ත්‍රික්කයේ ගම්පොල නගරය ආශ්‍රිතව පිහිටි මනරම් කඳු ගැටයක පිහිටා ඇත.කඳු මුදුන මුහුදු මට්ටමේ සිට අඩි 3567 ක් උසින් පිහිටා ඇත. සිරිපාද, නකල්ස්, බතලගල සහ හන්තාන කන්දු වැටි මැදි කොට රජයන අම්බුළුවාව රමණීය පරිසරයක පිහිටා තිබේ. මනරම් තුරුලතා සහ සතා සිව්පාවාගෙන් ගහන වූ මෙම සුන්දර පරිසරය මෑතකදී ජෛව විවිධත්ව නිකේතනයක් ලෙස හඳුන්වා දී ඇත. තවද කඳු මුදුනේ පිහිටි තවමත් ඉදිවෙමින් පවතින සර්ව ආගමික සිද්ධස්ථානයද ප්‍රදේශයේ සුන්දරත්වය ඔප් නංවයි. දීර්ඝ කලක පටන් කාගේත් අවධානයට ලක්ව නොතිබූ අම්බුළුවාව සංවර්ධනය කිරීමෙහිලා මූලිකත්වය ගෙන කටයුතු කලේ දී. මූ. ජයරත්න මහතා ය.

කොළඹින් ගමන් අරඹනවා නම්,
අවිස්සාවේල්ල,
රුවන්වැල්ල ,
ගල්ගමුව ,
කෑගල්ල පසුකරමින් කිලෝමීටර් 72ක් ගමන් කර මාවනැල්ල නගරයෙන් ගම්පොල මාර්ගයට පිවිස,
එතැන් සිට ඉතා සිත්ඇදගන්නා සුළු මනා සුන්දර පරිසරයක පහස ලබමින් කිලෝමීටර් 25ක් පමන දුරක් ගෙවා අම්බුළුවාව කදුගැටයයේ පිවිසුම් මාර්ගයට ලන් වෙන්න පුලුවන් .

අම්බුළුවාවට ඇතුල් වීමට
එක් අයෙකුත් රුපියල් 50ක් අයකරනවා
ඒ වගේම බයික් උඩට අරන් යනවනම් ඒක බයික් එකකට රුපියල් 50ක මුදලක් අය කරනවා.
📷

30/11/2020

බැද්දගාන තෙත් බිම් උද්‍යානය | Beddagana Wetland Park 🇱🇰

බැද්දගාන තෙත් බිම් උද්‍යානය පිහිටා ඇත්තේ ඇතුළු කෝට්ටේ බැද්දගාන ප්‍රදේශයේය. 1985දී ශ්‍රී ලංකා වනජීවි සංරක්ෂණ දෙපාර්තමේන්තුව එම ප්‍රදේශයේ ජෛව විවිධත්වය සැලකිල්ලට ගෙන හෙක්ටයාර 18ක භුමි ප්‍රදේශයක් වනජීවි අභය භූමියක් ලෙස ප්‍රකාශයට පත් කරන ලදී. ඉන්පසු 2013දී කොළඹ අගනගර ආශ්‍රිත නාගරික සංවර්ධන ව්‍යාපෘතිය මගින් මෙම ප්‍රදේශය තෙත් බිම් උද්‍යානයක් ලෙස ප්‍රතිනිර්මාණය කර ඇති අතර 2016 වර්ෂයේදී මහජනයා සදහා විවෘත කර ඇත.අද වන විට උද්‍යානය ප්‍රදේශයේ ශාක හා සත්ව විශේෂ ආරක්ෂකා කිරීමට උපකාරී වන අතර දියවන්නා ඔය පිටාර ගැලීමෙන් සිදුවන ගංවතුර තත්ත්වය පාලනය කිරීමටද උපකාරී වී ඇත.උද්‍යානය නැරඹීමට දේශීය මෙන්ම විදේශිකයන්ද පැමිණෙන අතර පක්ෂීන් නැරඹීමට සහා සමනලුන් නැරඹීම සදහා ඉතා ප්‍රසිද්ධ ස්ථානයකි.

Beddagana Wetland Park is located in the Beddagana area of Ethul Kotte.In 1985, the Sri Lankan Department of Wildlife Conservation took into consideration the biodiversity in the area and declared the 18 hectare area a Wildlife Sanctuary. Then in 2013, the Metro Colombo Urban Development Project (MCUDP) redesigned the area as a wetland park where people could enjoy nature and have some healthy recreation. It was opened in 2016. Today the park also serves to protect the flora and fauna in the area, while helping control the flooding that occurs from any overflows from the Diyawanna Lake. It is visited by locals and foreigners alike and is famous for birdwatching and butterfly watching.

📷

30/11/2020

#කබරගල | 🇱🇰

අද අපි කතා කරන්න යන්නේ කදු නගින්නන් අතර ප්‍රචලිත කන්දක් ගැන ඒ නමින් කබරගලයි.මහනුවර දිස්ත්‍රික්කයේ නාවලපිටියේ පිහිටා ඇති කබරගල කන්ද මුහුදු මට්ටමේ සිට මිටර් 1506 පමණ උසින් පිහිටන අතර දොළොස්බාගේ කදු පන්තියේ උසම කන්ද වේ. අනෙකුත් කදු අතරින් ගත් විට මෙහි පිහිටීමත් සමග ගොඩක් අය මෙතන කෑම්පින් කරන්න බලාගෙන තමයි මේ කන්ද තරනය කරන්නෙ.කන්දට පහලින් තියෙන්නෙ තනිකරම ෆයිනස් කැලය වගේම තේ වතු යායක්.

බුලත්කොහුපිටිය පැත්තෙන් එනවා නම් දේදුගල හරහා දොළොස්බාගේ පසුකරගෙන මෙරිවිල හංදියට පැමිණිය හැකිය.නමුත් එම පාර ඉතා දුෂ්කර වුවත් ඉතා මනරම් දිය ඇලි රාශියක් පසු කරගෙන පැමිණිය හැකිය.

📷

29/11/2020

#ඇබර්ඩීන්ඇල්ල | 🇱🇰

📷

28/11/2020

පුංචි නවසීලන්තය හෙවත් 'හරිත කන්ද' 🇱🇰
Little newzealand 'Green mountain' 🇱🇰

මධ්‍යම කඳුකරයත් සමග ඇති සමනළ අඩවියත් නැගෙනහිර කොටස වන මහඑළිය තැන්න වන පියසත් අතරමැදිව පිහිටා ඇති බොගවන්තලාව ස්භාව සෞන්දර්ය‍යෙන් අගතැම්පත් භූමි ප්‍රදේශයකි. එවැනි පරිසර පද්ධතියක් මුල් කරගෙන පිහිටා ඇති පුංචි නවසීලන්තය හෙවත් "හරිත කන්ද" මෑතකාලීනව කඳුනගින්නන්ගේ සහ රාත්‍රී කඳවරු බඳින්නන්ගේ අවධානය දිනාගත් සංචාරක ගමනාන්තයක් ලෙස හැඳින්විය හැකිය.

හරිත කන්ද වෙත ලඟා වීම සඳහා කොළඹ සිට හයිලෙවල් පාරේ අවිස්සාවේල්ල හරහා හැටන් වෙත හෝ දුම්රියෙන් හැටන් වෙත පැමිණ සමනළ රක්ෂිතයත් මහඑළිය තැන්නත් වෙන් කරනු ලබන වනගත මාර්ගය වන හැටන්-බලංගොඩ මාර්ගයෙන් බොගවන්තලාව නගරය වෙත ලඟා විය යුතුය. බොගන්වන්තලාව නගරයේ සිට බොගවාන වතුයාය පසුකර හරිත කන්ද වෙත ලඟා වීම සඳහා බෝපත්තලාව නම් ප්‍රදේශයේ ජාතික පශු සම්පත් ( NLDB ) ගොවිපල ආසන්නයට ලඟා විය යුතුය. මෙම ගොවිපල වෙත ලඟා වීම සඳහා ඩයගම අගරපතන හරහා ඇති බස් රථ මාර්ගයද භාවිතා කළ හැකිය.

භූමිය පුරාවටම උසින් අඩු මාන පඳුරු වැඩී ඇති අතර පොළඟුන්, තෙලිස්සන් වැනි සතුන් සිටිය හැකි බැවින් ප්‍රවේශම් විය යුතුය.

මීදුමෙන් වැසී නැති දිනක මහඑළිය තැන්න වන පියස,පිදුරුතලාගල,කිරිගල්පොත්ත, අග්‍රබෝපත් කඳු මුදුන, දැක බලාගත හැකිය.

‌ යන්න ගිහින් පරිසරය රිසිසේ විඳගන්න. පා සලකුණු පමනක් තියලා එන්න...

-අපේ facebook පිටුවටත් ලයික් කරන්න අමතක කරන්න එපා🖤😊-

[Don't Forget to also like our page🖤😊]

📷

27/11/2020

#මහනුවර | 🇱🇰

26/11/2020

🇱🇰

24/11/2020

දුම්බර වන පෙතේ බවුන් වඩන විදේශීය භික්ශූන් වහන්සේලා 🙏☸️

🇱🇰

📷

23/11/2020

#සෙම්බුවත්ත | 🇱🇰

මාතලේ දිස්ත්‍රික්කයට අයත්ව පිහිටි මේ මනරම් සංචාරක ඉසව්ව, කොයිකවුරුත් හඳුන්වන්නේ “සෙම්බුවත්ත” නමිනි. ඇල්කඩුව වැවිලි සමාගමට අයත් මේ බිමෙහි, විශාල වපසරියක පැතිර පවතින කඳුකර තේ වතු යායත්, ෆයිනස් කැලෑවත් හේතුවෙන් මුළුමහත් ඉසව්ව ම හරිත වර්ණයෙන් දිස්වේ. සෙම්බුවත්තේ තේ වගාව ආරම්භ කර ඇත්තේ ශ්‍රී ලංකාව ඉංග්‍රීසින්ගේ යටත් විජිතයක්ව පැවැති යුගයේ ය. තේ වතු යායටත්, ෆයිනස් කෑලෑවටත් මැදින් පිහිටා ඇති වැව අයත් භූමිය, පෙර දී සුදු ජාතිකයන් පෝලෝ ක්‍රීඩාව සඳහා යොදාගත් භූමියක් බව කියැවේ.

මේ සොඳුරු පරිසරයේ අසිරිමත් චමත්කාරය විඳින්නට එන කාගේ වුව නොමඳ අවධානයට යොමු වන්නේ සෙම්බුවත්ත වැව ය. මේ වැව, අඩි 30- 40 අතර ගැඹුරකින් යුක්ත ය. 1949 වසරේ දී සෙම්බුවත්ත ප්‍රදේශයේ තේ කර්මාන්තශාලාවක් ඉදිකර තිබුණ ද, මීට වසර ගණනාවකට පෙර එය වසා දැමීම හේතුවෙන් සෙම්බුවත්ත වතු යායෙන් නෙළාගන්නා තේ දලු, මඩොල්කැලේ තේ කම්හල වෙත යැවීමට සිදුව ඇත.

මේ ප්‍රදේශයට “සෙම්බුවත්ත” යන අපූරු නම පටබැඳී ඇති ආකාරය ගැන ප්‍රදේශවාසීන් කියාපාන අපූරු පුරාවතකි. මෙහි තිබුණු ජල උල්පතකින් සෑම පෝ දිනක ම රන් සෙම්බුවක් ඉහළට මතු වී ඇති අතර, එලෙස මතු වූ එක් වරක මේ වතුයායේ සේවය කළ කංකානි, රන්සෙම්බුව ගෙන ඉන්දියාවට පලාගොස් ඇත. ඉන් පසුව එම පුරාවතෙහි කියැවෙන කංකානි ගැන කිසිඳු සඳහනක් නොවුණත්, පසු කලෙක ඔහුගේ පුතු විසින් සෙම්බුව මතු වූ ජල උල්පත තිබූ තැන කෝවිලක් සාදා, පුදපූජා පැවැත්වූ බව කියැවේ. අද ද එම කෝවිලේ නටබුන් සෙම්බුවත්තේ දී දැකගත හැකි ය.

සෙම්බුවත්තට එන ඔබට, මෙහි දිනක් දෙකක් ගත කිරීමට අවැසි නම්, ඒ සඳහා වෙන් වූ මනස්කාන්ත නිවාඩු නිකේතනය පිහිටා ඇත්තේ වැවේ සිට මීටර් 500ක් පමණ දුරිනි. තව ද, සෙම්බුවත්ත වැවට නුදුරින් කුඩා ළමයින් සඳහා ම වෙන් කෙරුණු අගනා ක්‍රීඩා ස්ථානයක් ඇත.

එය අමද්‍යප ප්‍රදේශයක් වන අතර, ඒ අවට ගිම්හාන කුටි කිහිපයක් ද ඉදිකර තිබේ. සුවපහසු ලෙස බෝට්ටුවක යමින්, සෙම්බුවත්තේ සැබෑ ම අසිරිය නෙතින් සිතින් විඳගැනීමට, සෙම්බුවත්ත වැව අසල පවත්වාගෙන යන බෝට්ටු සේවය ඔබට අනගි අවස්ථාවක් හිමි කර දේ. නුවර නගරයට පැමිණ, නුවර-මාතලේ ප්‍රධාන මාර්ගය ඔස්සේ ගමන්කර, උකුවෙල හන්දියෙන් දකුණට ඇති ඇල්කඩුව පාරේ ගමන්ගෙන, ඇල්කඩුව හන්දියට පැමිණ, එතැන් සිට හුණුගල මාර්ගයේ කි.මී. 3-4ක් ගමන්කර නැවත දකුණු පසට ගමන්ගත් විට, ඔබට සෙම්බුවත්තට ළඟා විය හැකි ය.

‌ යන්න ගිහින් පරිසරය රිසිසේ විඳගන්න. පා සලකුණු පමනක් තියලා එන්න...❤🍃

-අපේ facebook පිටුවටත් ලයික් කරන්න අමතක කරන්න එපා🖤😊-
[Don't Forget to also like our page🖤😊]

📷

23/11/2020

#රස්තියාදුකාර #සංචාරේ ❤🍃

පත සයිස් මල්ලක් එල්ලන් ,සපත්තු 2ත් පැත්තෙන් එල්ලන් ...බාටා දෙකයි,කොට කලිසමයි,හම්පඩ ටී ෂර්ට් කෑල්ලයි ඇදගෙන, කඩචෝරු මල්ලක් කකා බස් එකක,නැත්තම් කෝච්චියක දුරගමනක් යන්න බලාගෙන,එක අතක පොතක්....ඒක බල බල විස්තර හොය හොය යන අපුරුව..

මිනිස්සුන්ට නම් නිකම් අයාලේ යන රස්තියාදුකාරයෙක් වගේ.. කෙල්ලන්ට නම් මැජික් වගේ මූ මේ කොහෙන් ආපු කාඩයෙක්ද හැටි විතරක්.

පොඩි දෙයක් අතරමගදි කාලා මගදි අහුවෙන ගගකින් ,ඇලකින් ,දියඇල්ලකින් නාලා
පත සයිස් බෑග් එකක් උස්සන් මේ කොල්ලා කොහෙද යන්නේ, යන්නේ එක පාරාදිසයක් හොයන්..හැමදාම දකින ක්‍රොන්ක්‍රිට් වනාන්තරෙන් ඈත් වෙලා.......හොද හුස්මක් ගන්න,නන්නාදුන දුර පලාතක ගහකොලින් වටවුනු එක තෝතැන්නක් කවුරුත් නැති.කාගෙන්වත් කරදරයක් නැති
හුදකලාවේ දවසක් දෙකක් ගත කරන්න
අතරමගදි මුනගැහෙනවා අපුරු අහිංසක මිනිසුන් ඒවා සුන්දර හිනාවන්.

හැමදාම ජීවිතයට ,අලුත් කතාවක් ලියන්න
හුදකලාවේ ඇවිදිද්දි මම දකිනවා කපල් වෙලා ඇවිදින ජෝඩු,ඉතින් කෝම ඊරිසියා කරන්නද ඒ අහිංසක හදවත් වලට මට උරුම නැති,උන්ට උරුම ඒ ආදරේ දිහා හිනාවෙලා සංග්‍රහ කරලා මං ආයේමත් මගේ රස්තියාදුවේ......

තනියම ගස් කොලන් අතර තනිවෙද්දි
මගේ හිතත් නුඔ එක්ක ඒ අතීතට
දිව යනවා,,,ඒක බොරුවක් නිමේයි
නුඔව අමතක වෙන්න කොච්චරක් දුර ඇවිද ගියත් ,,තාමත් නුබේ මූන මතක් වෙන්නෙම
ඒ අමතක කරන්න බැරි ආදරේ හින්දාම වෙන්න ඇති.....
කෝම උනත් මට උරුම මගේ කතාව මේක
දුක ප්‍රශ්න ,අහිමි වීම් වලින් පිරුනු මගේ
ලෝකේ නුඔත් නැති කොට
මට හිනා වෙන්න අකුරු පෑදුවේ
මගේ රස්තියාදුකාර සංචාරේ
නුඔට මගේම මගේ රස්තියාදුකාර සංචාරේට ගොඩාක් ආදරේ....
මොකද ඒක මගේ ජීවීතේම නිසා

ඇවිදින ජීවීතයට ජය

-Copied-

22/11/2020

#හුලංගල | 🇱🇰

වාහනේම ගිහින් කෑම්පින් කරන්න පුලුවන් තැන් ලංකාවේ නැද්ද ? " මෙම ප්‍රශ්නය සංචාරයට කැමැත්තක් දක්වන, තරු පිරුණු අහසක් දෙස බලමින් කඳු අගිස්සක රාත්‍රී කඳවරු බැඳීමට සිහින දකින බහුතරයකට ඇති ගැටලුවකි. එසේම මෙම ලිපිය මගින් විස්තර කරනු ලබන සැලගම වතුයායේ පුංචි ලෝකාන්තය හෙවත් හුලංගල ඉහත ප්‍රශ්නය සඳහා යෝග්‍යම පිළිතුරක් බව ප්‍රථමයෙන්ම කිව යුතුය.

ලෝකාන්තය යන නමින් ලංකාව පුරා විවිධ ස්ථාන වල සුන්දර කඳු මුදුන් වල කෙළවරවල් සහිත ස්ථාන රාශියක් පිහිටා ඇති අතර නැව්ගල හෙවත් හුලංගල කඳු මුදුනද එවැනි ලෝකාන්තයක් සහිත සංචාරක ගමනාන්තයකි. දුර සිට බැලූ විට රුවල් නැවක ස්වරූපයක් ගන්නා කඳු මුදුන් දෙකක් සහිත මෙම කඳු ගැටිය "නැව්ගල" ලෙසද පැරැන්නෝ හඳුන්වා ඇත.

කුරුණෑගල දිස්ත්‍රීක්කයේ, සැලගම වතුයායට අයත් භූමි ප්‍රදේශය තුළ පිහිටා ඇති හුලංගල, නකල්ස් කඳු වැටියේ දකුණු අන්තයේ ස්ථානගතවී ඇත. හුලංගල කඳු මුදුන කුරුණෑගල දිස්ත්‍රීක්ක මායිමේ පිහිටා තිබුනද බෑවුමේ පහළ අයත්වන්නේ මාතලේ දිස්ත්‍රීක්කයටය. එම නිසා මෙම සුන්දර ස්ථානය වෙත කුරුණෑගල හෝ මාතලේ සිට ලඟා වීමේ හැකියාව පවතී. එහිදී වාහනයක් මගින් පැමිණෙනවානම් කුරුණෑගල සිට දඹුල්ල දෙසට තල්ගොඩපිටිය හංදිය දක්වා ගමන් කර යටවත්ත පාර ඔස්සේ ගමන් කිරීමෙන් හුලංගල වෙත ලඟා විය හැක. කුරුණෑගල සිට 40km ට ආසන්න දුරක් හුලංගල වෙත තිබෙනවා සේම කඳු තරණයට ප්‍රිය කරන්නන්ට කුරුණෑගල මදුරාගොඩ ප්‍රදේශයෙන්ද හුලංගල තරණය කිරීමේ හැකියාව පවතී. එහෙත් රාත්‍රී කාලයේදී ගමන් කරනවා නම්, එම මාර්ගය භාවිතා කිරීම යෝග්‍යය නොවන බවද කිව යුතුය.

ඔබ මෙහි සංචාරය කිරීම සඳහා Google Map යොදා ගන්නවා නම් " Yatawatta Weeraparakrama Secondary School " යන්න ගමනාන්තය ලෙස සටහන් කළ යුතු අතර එම පාසල අසළින් හැරි ගමන් කිරිමෙන් සැලගම වෙත ලඟා විය හැක. එසේ නොමැතිව හුලංගල යන්න ගමානන්තය ලෙස සටහන් කර Google Map භාවිතා කළහොත් මාර්ගය වැරදීමට ඇති ඉඩකඩ වැඩි බවද කිව යුතුය.

ඔබ පොදු ප්‍රවාහන සේවා භාවිතා කරමින් මෙහි සංචාරය කරනවා නම් මාතලේ බස් නැවතුම්පොලට පැමිණ පාරදෙක - මාතලේ බස් රථයක ගොස්, බස් රථයේ ගමනාන්තයෙන් බැසගත් පසු පා ගමනින් ඔබට හුලංගල තරණය ආරම්භ කළ හැක.

මෙම කඳු මුදුන Selagama Estate නම් පෞද්ගලික වතුයායක කෙළවරේ පිහිටා ඇති හෙයින් වතු යායට ඇතුළුවීමේදී, වාහනයක් මගින් ලෝකාන්තය වෙත ගොස් කඳවරු බඳිනවා නම් රු 2000 කට ආසන්න මුදලක ටිකට්පතක්ද යතුරු පැදියක් සඳහා රු50 ක ටිකට් පතක්ද ලබාගත යුතුය.

ගමන සඳහා තරමක් උස් 4×4 වාහනයක් භාවිතා කරන්නේ නම් ඔබගේ ගමන පහසු වන අතර සුන්දර තේ වත්තක් මැදින් 3km ට ආසන්න දුරක් ගිය විට ලෝකාන්තය හා කඳවරු බඳින ගල්තලාව වෙත ලඟා විය හැක.

හුලංගල පුංචි ලෝකාන්තය මුහුදු මට්ටමේ සිට 760m ( අඩි 2500 ) ක් උසින් පිහිටා ඇති අතර ඊට දකුණු පසින් ඇති හුලංගල කන්ද මුහුදු මට්ටමේ සිට 1025m ( අඩි 3360 ) ක් උසකින් පිහිටා ඇත.

මෙහිදී පහළ බෑවුමේ පිහිටි මාතලේ දිස්ත්‍රීක්කය ඇතුළු පුළුල් රමණීය දර්ශණ පථයක් සහිත ස්ථානයක් වෙත වාහනයේම ගොස් කඳවරු බැඳීමේ අවකාශය මෙහිදී ඔබට හිමිවේ. එසේම කඳවරු බඳින ගල්තලාව අසල වාහන නවතා දකුණු දෙසට ලඳු කැලය තුළට ඇති අඩි පාර ඔස්සේ ගමන් කළ විට හුලංගල කන්දේ මුදුන වෙත ලඟා වීමේ හැකියාව පවතිනවා සේම හුලංගල යන්නෙහි සැබෑ අරුත එම කඳු තරණය අතරතුර අත්විඳීමේ හැකියාවද පවතී.

මීදුම් පිරුණු කඳු මුදුනක සුන්දරත්වය එලෙසින්ම අත්විඳීමේ වරම සැලගම පුංචි ලෝකාන්තය වෙත සංචාරය කරන ඔබට ලැබෙනවා සේම වයඹ පළාත, මධ්‍යම පළාත මෙන්ම නකල්ස් කඳු පන්තිය, බිසෝගල, දොලුකන්ද, රිදී විහාරය, රම්බඩගල්ල වැනි ස්ථාන රාශියක් පැහැදිලි කාළගුණයක් සහිත දිනයකදී නැරඹීමේ හැකියාව පවතී.

රාත්‍රී කඳවරු බැඳ පසු දින සුන්දර දිය ඇල්ලක් මුදුනේ සිට සුන්දරත්වය විඳීමේ අවකාශය මෙම ගමනේදී ඔබට ලැබෙන තවත් එක් අත්දැකීමකි. එම දිය ඇල්ල නමින් "යටවත්ත බිසෝ ඇල්ල" වේ. යටවත්ත බිසෝ ඇල්ලට යන ගමන පිළිබඳ වෙනත් ලිපියක් මගින් ඔබව දැනුවත් කිරීමට ඉඩ තබා අවසානයේ කිව යුත්තේ පරිසර දූෂණයකින් තොරව මෙම සුන්දර ස්ථාන නරඹා ආරක්ෂාකාරීව නැවත පැමිණීම ඔබගේ පූර්ණ වගකීමක් වනවා සේම එය අපගේ එකම අභිලාෂයයි.
-Copied-

යන්න ගිහින් පරිසරය රිසිසේ විඳගන්න. පා සලකුණු පමනක් තියලා එන්න...

-අපේ facebook පිටුවටත් ලයික් කරන්න අමතක කරන්න එපා🖤😊-

[Don't Forget to also like our page🖤😊]

📷

Wonder of Ceylon

23/08/2022

20/08/2022

19/08/2022

17/08/2022

17/08/2022

16/08/2022

30/09/2021

29/09/2021

18/06/2021

27/12/2020

26/12/2020

25/12/2020

23/12/2020

21/12/2020

19/12/2020

16/12/2020

16/12/2020

13/12/2020

12/12/2020

10/12/2020

08/12/2020

05/12/2020

02/12/2020

02/12/2020

30/11/2020

30/11/2020

29/11/2020

28/11/2020

27/11/2020

26/11/2020

24/11/2020

23/11/2020

23/11/2020

22/11/2020

Address

Website

Alerts

Shortcuts

Share